ଶିଵୟୋସ୍ତନୁଜାୟାସ୍ତୁ ଶ୍ରିତମଂଦାରଶାଖିନେ ।
ଶିଖିଵର୍ୟତୁରଂଗାୟ ସୁବ୍ରହ୍ମଣ୍ୟାୟ ମଂଗଳମ୍ ॥ 1 ॥

ଭକ୍ତାଭୀଷ୍ଟପ୍ରଦାୟାସ୍ତୁ ଭଵରୋଗଵିନାଶିନେ ।
ରାଜରାଜାଦିଵଂଦ୍ୟାୟ ରଣଧୀରାୟ ମଂଗଳମ୍ ॥ 2 ॥

ଶୂରପଦ୍ମାଦିଦୈତେୟତମିସ୍ରକୁଲଭାନଵେ ।
ତାରକାସୁରକାଲାୟ ବାଲକାୟାସ୍ତୁ ମଂଗଳମ୍ ॥ 3 ॥

ଵଲ୍ଲୀଵଦନରାଜୀଵ ମଧୁପାୟ ମହାତ୍ମନେ ।
ଉଲ୍ଲସନ୍ମଣିକୋଟୀରଭାସୁରାୟାସ୍ତୁ ମଂଗଳମ୍ ॥ 4 ॥

କଂଦର୍ପକୋଟିଲାଵଣ୍ୟନିଧୟେ କାମଦାୟିନେ ।
କୁଲିଶାୟୁଧହସ୍ତାୟ କୁମାରାୟାସ୍ତୁ ମଂଗଳମ୍ ॥ 5 ॥

ମୁକ୍ତାହାରଲସତ୍କଂଠରାଜୟେ ମୁକ୍ତିଦାୟିନେ ।
ଦେଵସେନାସମେତାୟ ଦୈଵତାୟାସ୍ତୁ ମଂଗଳମ୍ ॥ 6 ॥

କନକାଂବରସଂଶୋଭିକଟୟେ କଲିହାରିଣେ ।
କମଲାପତିଵଂଦ୍ୟାୟ କାର୍ତିକେୟାୟ ମଂଗଳମ୍ ॥ 7 ॥

ଶରକାନନଜାତାୟ ଶୂରାୟ ଶୁଭଦାୟିନେ ।
ଶୀତଭାନୁସମାସ୍ୟାୟ ଶରଣ୍ୟାୟାସ୍ତୁ ମଂଗଳମ୍ ॥ 8 ॥

ମଂଗଳାଷ୍ଟକମେତଦ୍ୟେ ମହାସେନସ୍ୟ ମାନଵାଃ ।
ପଠଂତୀ ପ୍ରତ୍ୟହଂ ଭକ୍ତ୍ୟା ପ୍ରାପ୍ନୁୟୁସ୍ତେ ପରାଂ ଶ୍ରିୟମ୍ ॥ 9 ॥

ଇତି ଶ୍ରୀ ସୁବ୍ରହ୍ମଣ୍ୟ ମଂଗଳାଷ୍ଟକମ୍ ।