శివయోస్తనుజాయాస్తు శ్రితమందారశాఖినే ।
శిఖివర్యతురంగాయ సుబ్రహ్మణ్యాయ మంగళమ్ ॥ 1 ॥

భక్తాభీష్టప్రదాయాస్తు భవరోగవినాశినే ।
రాజరాజాదివంద్యాయ రణధీరాయ మంగళమ్ ॥ 2 ॥

శూరపద్మాదిదైతేయతమిస్రకులభానవే ।
తారకాసురకాలాయ బాలకాయాస్తు మంగళమ్ ॥ 3 ॥

వల్లీవదనరాజీవ మధుపాయ మహాత్మనే ।
ఉల్లసన్మణికోటీరభాసురాయాస్తు మంగళమ్ ॥ 4 ॥

కందర్పకోటిలావణ్యనిధయే కామదాయినే ।
కులిశాయుధహస్తాయ కుమారాయాస్తు మంగళమ్ ॥ 5 ॥

ముక్తాహారలసత్కంఠరాజయే ముక్తిదాయినే ।
దేవసేనాసమేతాయ దైవతాయాస్తు మంగళమ్ ॥ 6 ॥

కనకాంబరసంశోభికటయే కలిహారిణే ।
కమలాపతివంద్యాయ కార్తికేయాయ మంగళమ్ ॥ 7 ॥

శరకాననజాతాయ శూరాయ శుభదాయినే ।
శీతభానుసమాస్యాయ శరణ్యాయాస్తు మంగళమ్ ॥ 8 ॥

మంగళాష్టకమేతద్యే మహాసేనస్య మానవాః ।
పఠంతీ ప్రత్యహం భక్త్యా ప్రాప్నుయుస్తే పరాం శ్రియమ్ ॥ 9 ॥

ఇతి శ్రీ సుబ్రహ్మణ్య మంగళాష్టకమ్ ।