ලෝකවීරං මහාපූජ්යං සර්වරක්ෂාකරං විභුම් ।
පාර්වතී හෘදයානංදං ශාස්තාරං ප්රණමාම්යහම් ॥ 1 ॥

විප්රපූජ්යං විශ්වවංද්යං විෂ්ණුශංභෝඃ ප්රියං සුතම් ।
ක්ෂිප්රප්රසාදනිරතං ශාස්තාරං ප්රණමාම්යහම් ॥ 2 ॥

මත්තමාතංගගමනං කාරුණ්යාමෘතපූරිතම් ।
සර්වවිඝ්නහරං දේවං ශාස්තාරං ප්රණමාම්යහම් ॥ 3 ॥

අස්මත්කුලේශ්වරං දේවම්-අස්මච්ඡත්රු විනාශනම් ।
අස්මදිෂ්ටප්රදාතාරං ශාස්තාරං ප්රණමාම්යහම් ॥ 4 ॥

පාංඩ්යේශවංශතිලකං කේරලේ කේලිවිග්රහම් ।
ආර්තත්රාණපරං දේවං ශාස්තාරං ප්රණමාම්යහම් ॥ 5 ॥

පංචරත්නාඛ්යමේතද්යෝ නිත්යං ශුද්ධඃ පඨේන්නරඃ ।
තස්ය ප්රසන්නෝ භගවාන් ශාස්තා වසති මානසේ ॥

ඉති ශ්රී ශාස්තා පංචරත්නම් ।

——

අථ ශාස්තා නමස්කාර ශ්ලෝකාඃ ।

ත්රයංබකපුරාධීශං ගණාධිපසමන්විතම් ।
ගජාරූඪමහං වංදේ ශාස්තාරං ප්රණමාම්යහම් ॥ 1 ॥

ශිවවීර්යසමුද්භූතං ශ්රීනිවාසතනූද්භවම් ।
ශිඛිවාහානුජං වංදේ ශාස්තාරං ප්රණමාම්යහම් ॥ 2 ॥

යස්ය ධන්වංතරිර්මාතා පිතා දේවෝ මහේශ්වරඃ ।
තං ශාස්තාරමහං වංදේ මහාරෝගනිවාරණම් ॥ 3 ॥

භූතනාථ සදානංද සර්වභූතදයාපර ।
රක්ෂ රක්ෂ මහාබාහෝ ශාස්ත්රේ තුභ්යං නමෝ නමඃ ॥ 4 ॥