ருசிருவாச ।
நமஸ்யேஹம் பித்ரூன் ப⁴க்த்யா யே வஸந்த்யதி⁴தே³வதா: ।
தே³வைரபி ஹி தர்ப்யந்தே யே ஶ்ராத்³தே⁴ஷு ஸ்வதோ⁴த்தரை: ॥ 1 ॥

நமஸ்யேஹம் பித்ரூன் ஸ்வர்கே³ யே தர்ப்யந்தே மஹர்ஷிபி⁴: ।
ஶ்ராத்³தை⁴ர்மனோமயைர்ப⁴க்த்யா பு⁴க்திமுக்திமபீ⁴ப்ஸுபி⁴: ॥ 2 ॥

நமஸ்யேஹம் பித்ரூன் ஸ்வர்கே³ ஸித்³தா⁴: ஸந்தர்பயந்தி யான் ।
ஶ்ராத்³தே⁴ஷு தி³வ்யை: ஸகலைருபஹாரைரனுத்தமை: ॥ 3 ॥

நமஸ்யேஹம் பித்ரூன் ப⁴க்த்யா யேர்ச்யந்தே கு³ஹ்யகைர்தி³வி ।
தன்மயத்வேன வாஞ்ச²த்³பி⁴ர்ருத்³தி⁴ர்யாத்யந்திகீம் பராம் ॥ 4 ॥

நமஸ்யேஹம் பித்ரூன் மர்த்யைரர்ச்யந்தே பு⁴வி யே ஸதா³ ।
ஶ்ராத்³தே⁴ஷு ஶ்ரத்³த⁴யாபீ⁴ஷ்டலோகபுஷ்டிப்ரதா³யின: ॥ 5 ॥

நமஸ்யேஹம் பித்ரூன் விப்ரைரர்ச்யந்தே பு⁴வி யே ஸதா³ ।
வாஞ்சி²தாபீ⁴ஷ்டலாபா⁴ய ப்ராஜாபத்யப்ரதா³யின: ॥ 6 ॥

நமஸ்யேஹம் பித்ரூன் யே வை தர்ப்யந்தேரண்யவாஸிபி⁴: ।
வன்யை: ஶ்ராத்³தை⁴ர்யதாஹாரைஸ்தபோனிர்தூ⁴தகல்மஷை: ॥ 7 ॥

நமஸ்யேஹம் பித்ரூன் விப்ரைர்னைஷ்டி²கைர்த⁴ர்மசாரிபி⁴: ।
யே ஸம்யதாத்மபி⁴ர்னித்யம் ஸந்தர்ப்யந்தே ஸமாதி⁴பி⁴: ॥ 8 ॥

நமஸ்யேஹம் பித்ரூன் ஶ்ராத்³தை⁴ ராஜன்யாஸ்தர்பயந்தி யான் ।
கவ்யைரஶேஷைர்விதி⁴வல்லோகத்³வயப²லப்ரதா³ன் ॥ 9 ॥

நமஸ்யேஹம் பித்ரூன் வைஶ்யைரர்ச்யந்தே பு⁴வி யே ஸதா³ ।
ஸ்வகர்மாபி⁴ரதைர்னித்யம் புஷ்பதூ⁴பான்னவாரிபி⁴: ॥ 1௦ ॥

நமஸ்யேஹம் பித்ரூன் ஶ்ராத்³தே⁴ ஶூத்³ரைரபி ச ப⁴க்தித: ।
ஸந்தர்ப்யந்தே ஜக³த்க்ருத்ஸ்னம் நாம்னா க்²யாதா: ஸுகாலின: ॥ 11 ॥

நமஸ்யேஹம் பித்ரூன் ஶ்ராத்³தே⁴ பாதாலே யே மஹாஸுரை: ।
ஸந்தர்ப்யந்தே ஸுதா⁴ஹாராஸ்த்யக்தத³ம்ப⁴மதை³: ஸதா³ ॥ 12 ॥

நமஸ்யேஹம் பித்ரூன் ஶ்ராத்³தை⁴ரர்ச்யந்தே யே ரஸாதலே ।
போ⁴கை³ரஶேஷைர்விதி⁴வன்னாகை³: காமானபீ⁴ப்ஸுபி⁴: ॥ 13 ॥

நமஸ்யேஹம் பித்ரூன் ஶ்ராத்³தை⁴: ஸர்பை: ஸந்தர்பிதான்ஸதா³ ।
தத்ரைவ விதி⁴வன்மந்த்ரபோ⁴க³ஸம்பத்ஸமன்விதை: ॥ 14 ॥

பித்ரூன்னமஸ்யே நிவஸந்தி ஸாக்ஷா-
-த்³யே தே³வலோகேத² மஹீதலே வா ।
ததா²ந்தரிக்ஷே ச ஸுராரிபூஜ்யா-
-ஸ்தே மே ப்ரதீச்ச²ந்து மனோபனீதம் ॥ 15 ॥

பித்ரூன்னமஸ்யே பரமார்த²பூ⁴தா
யே வை விமானே நிவஸந்த்யமூர்தா: ।
யஜந்தி யானஸ்தமலைர்மனோபி⁴-
-ர்யோகீ³ஶ்வரா: க்லேஶவிமுக்திஹேதூன் ॥ 16 ॥

பித்ரூன்னமஸ்யே தி³வி யே ச மூர்தா:
ஸ்வதா⁴பு⁴ஜ: காம்யப²லாபி⁴ஸந்தௌ⁴ ।
ப்ரதா³னஶக்தா: ஸகலேப்ஸிதானாம்
விமுக்திதா³ யேனபி⁴ஸம்ஹிதேஷு ॥ 17 ॥

த்ருப்யந்து தேஸ்மின்பிதர: ஸமஸ்தா
இச்சா²வதாம் யே ப்ரதி³ஶந்தி காமான் ।
ஸுரத்வமிந்த்³ரத்வமிதோதி⁴கம் வா
கஜ³ாஶ்வரத்னானி மஹாக்³ருஹாணி ॥ 18 ॥

ஸோமஸ்ய யே ரஶ்மிஷு யேர்கபி³ம்பே³
ஶுக்லே விமானே ச ஸதா³ வஸந்தி ।
த்ருப்யந்து தேஸ்மின்பிதரோன்னதோயை-
-ர்க³ந்தா⁴தி³னா புஷ்டிமிதோ வ்ரஜந்து ॥ 19 ॥

யேஷாம் ஹுதேக்³னௌ ஹவிஷா ச த்ருப்தி-
-ர்யே பு⁴ஞ்ஜதே விப்ரஶரீரஸம்ஸ்தா²: ।
யே பிண்ட³தா³னேன முத³ம் ப்ரயாந்தி
த்ருப்யந்து தேஸ்மின்பிதரோன்னதோயை: ॥ 2௦ ॥

யே க²ட்³க³மாம்ஸேன ஸுரைரபீ⁴ஷ்டை:
க்ருஷ்ணைஸ்திலைர்தி³வ்ய மனோஹரைஶ்ச ।
காலேன ஶாகேன மஹர்ஷிவர்யை:
ஸம்ப்ரீணிதாஸ்தே முத³மத்ர யாந்து ॥ 21 ॥

கவ்யான்யஶேஷாணி ச யான்யபீ⁴ஷ்டா-
-ன்யதீவ தேஷாம் மம பூஜிதானாம் ।
தேஷாஞ்ச ஸான்னித்⁴யமிஹாஸ்து புஷ்ப-
-க³ந்தா⁴ம்பு³போ⁴ஜ்யேஷு மயா க்ருதேஷு ॥ 22 ॥

தி³னே தி³னே யே ப்ரதிக்³ருஹ்ணதேர்சாம்
மாஸாந்தபூஜ்யா பு⁴வி யேஷ்டகாஸு ।
யே வத்ஸராந்தேப்⁴யுத³யே ச பூஜ்யா:
ப்ரயாந்து தே மே பிதரோத்ர துஷ்டிம் ॥ 23 ॥

பூஜ்யா த்³விஜானாம் குமுதே³ந்து³பா⁴ஸோ
யே க்ஷத்ரியாணாம் ஜ்வலனார்கவர்ணா: ।
ததா² விஶாம் யே கனகாவதா³தா
நீலீப்ரபா⁴: ஶூத்³ரஜனஸ்ய யே ச ॥ 24 ॥

தேஸ்மின்ஸமஸ்தா மம புஷ்பக³ந்த-⁴
-தூ⁴பாம்பு³போ⁴ஜ்யாதி³னிவேத³னேன ।
ததா²க்³னிஹோமேன ச யாந்தி த்ருப்திம்
ஸதா³ பித்ருப்⁴ய: ப்ரணதோஸ்மி தேப்⁴ய: ॥ 25 ॥

யே தே³வபூர்வாண்யபி⁴த்ருப்திஹேதோ-
-ரஶ்னந்தி கவ்யானி ஶுபா⁴ஹ்ருதானி ।
த்ருப்தாஶ்ச யே பூ⁴திஸ்ருஜோ ப⁴வந்தி
த்ருப்யந்து தேஸ்மின்ப்ரணதோஸ்மி தேப்⁴ய: ॥ 26 ॥

ரக்ஷாம்ஸி பூ⁴தான்யஸுராம்ஸ்ததோ²க்³ரா-
-ன்னிர்னாஶயந்து த்வஶிவம் ப்ரஜானாம் ।
ஆத்³யா: ஸுராணாமமரேஶபூஜ்யா-
-ஸ்த்ருப்யந்து தேஸ்மின்ப்ரணதோஸ்மிதேப்⁴ய: ॥ 27 ॥

அக்³னிஸ்வாத்தா ப³ர்ஹிஷத³ ஆஜ்யபா: ஸோமபாஸ்ததா² ।
வ்ரஜந்து த்ருப்திம் ஶ்ராத்³தே⁴ஸ்மின்பிதரஸ்தர்பிதா மயா ॥ 28 ॥

அக்³னிஸ்வாத்தா: பித்ருக³ணா: ப்ராசீம் ரக்ஷந்து மே தி³ஶம் ।
ததா² ப³ர்ஹிஷத:³ பாந்து யாம்யாம் மே பிதர: ஸதா³ ।
ப்ரதீசீமாஜ்யபாஸ்தத்³வது³தீ³சீமபி ஸோமபா: ॥ 29 ॥

ரக்ஷோபூ⁴தபிஶாசேப்⁴யஸ்ததை²வாஸுரதோ³ஷத: ।
ஸர்வத: பிதரோ ரக்ஷாம் குர்வந்து மம நித்யஶ: ॥ 3௦ ॥

விஶ்வோ விஶ்வபு⁴கா³ராத்⁴யோ த⁴ர்மோ த⁴ன்ய: ஶுபா⁴னந: ।
பூ⁴திதோ³ பூ⁴திக்ருத்³பூ⁴தி: பித்ரூணாம் யே க³ணா நவ ॥ 31 ॥

கல்யாண: கல்யத:³ கர்தா கல்ய: கல்யதராஶ்ரய: ।
கல்யதாஹேதுரனக:⁴ ஷடி³மே தே க³ணா: ஸ்ம்ருதா: ॥ 32 ॥

வரோ வரேண்யோ வரத³ஸ்துஷ்டித:³ புஷ்டித³ஸ்ததா² ।
விஶ்வபாதா ததா² தா⁴தா ஸப்தைதே ச க³ணா: ஸ்ம்ருதா: ॥ 33 ॥

மஹான்மஹாத்மா மஹிதோ மஹிமாவான்மஹாப³ல: ।
க³ணா: பஞ்ச ததை²வைதே பித்ரூணாம் பாபனாஶனா: ॥ 34 ॥

ஸுக²தோ³ த⁴னத³ஶ்சான்யோ த⁴ர்மதோ³ன்யஶ்ச பூ⁴தித:³ ।
பித்ரூணாம் கத்²யதே சைவ ததா² க³ணசதுஷ்டயம் ॥ 35 ॥

ஏகத்ரிம்ஶத்பித்ருக³ணா யைர்வ்யாப்தமகி²லம் ஜக³த் ।
த ஏவாத்ர பித்ருக³ணாஸ்துஷ்யந்து ச மதா³ஹிதம் ॥ 36 ॥

இதி ஶ்ரீ க³ருட³புராணே ஊனநவதிதமோத்⁴யாயே ருசிக்ருத பித்ரு ஸ்தோத்ரம் ।