ருசிருவாச ।
அர்சிதானாமமூர்தானாம் பித்ரூணாம் தீ³ப்ததேஜஸாம் ।
நமஸ்யாமி ஸதா³ தேஷாம் த்⁴யானினாம் தி³வ்யசக்ஷுஷாம் ॥ 1 ॥

இந்த்³ராதீ³னாம் ச நேதாரோ த³க்ஷமாரீசயோஸ்ததா² ।
ஸப்தர்ஷீணாம் ததா²ன்யேஷாம் தான்னமஸ்யாமி காமதா³ன் ॥ 2 ॥

மன்வாதீ³னாம் ச நேதார: ஸூர்யாசந்த்³ரமஸோஸ்ததா² ।
தான்னமஸ்யாம்யஹம் ஸர்வான் பித்ரூனப்யுத³தா⁴வபி ॥ 3 ॥

நக்ஷத்ராணாம் க்³ரஹாணாம் ச வாய்வக்³ன்யோர்னப⁴ஸஸ்ததா² ।
த்³யாவாப்ருதி²வ்யோஶ்ச ததா² நமஸ்யாமி க்ருதாஞ்ஜலி: ॥ 4 ॥

தே³வர்ஷீணாம் ஜனித்ரூம்ஶ்ச ஸர்வலோக நமஸ்க்ருதான் ।
அக்ஷய்யஸ்ய ஸதா³ தா³த்ரூன் நமஸ்யேஹம் க்ருதாஞ்ஜலி: ॥ 5 ॥

ப்ரஜாபதே: கஶ்யபாய ஸோமாய வருணாய ச ।
யோகே³ஶ்வரேப்⁴யஶ்ச ஸதா³ நமஸ்யாமி க்ருதாஞ்ஜலி: ॥ 6 ॥

நமோ க³ணேப்⁴ய: ஸப்தப்⁴யஸ்ததா² லோகேஷு ஸப்தஸு ।
ஸ்வயம்பு⁴வே நமஸ்யாமி ப்³ரஹ்மணே யோக³சக்ஷுஷே ॥ 7 ॥

ஸோமாதா⁴ரான் பித்ருக³ணான் யோக³மூர்தித⁴ராம்ஸ்ததா² ।
நமஸ்யாமி ததா² ஸோமம் பிதரம் ஜக³தாமஹம் ॥ 8 ॥

அக்³னிரூபாம்ஸ்ததை²வான்யான் நமஸ்யாமி பித்ரூனஹம் ।
அக்³னிஸோமமயம் விஶ்வம் யத ஏதத³ஶேஷத: ॥ 9 ॥

யே ச தேஜஸி யே சைதே ஸோமஸூர்யாக்³னிமூர்தய: ।
ஜக³த்ஸ்வரூபிணஶ்சைவ ததா² ப்³ரஹ்மஸ்வரூபிண: ॥ 1௦ ॥

தேப்⁴யோகி²லேப்⁴யோ யோகி³ப்⁴ய: பித்ருப்⁴யோ யதமானஸ: ।
நமோ நமோ நமஸ்தேஸ்து ப்ரஸீத³ந்து ஸ்வதா⁴பு⁴ஜ: ॥ 11 ॥

இதி ஶ்ரீ க³ருட³புராணே ஊனநவதிதமோத்⁴யாயே ருசிக்ருத த்³விதீய பித்ரு ஸ்தோத்ரம் ।