পশুপতীংদুপতিং ধরণীপতিং ভুজগলোকপতিং চ সতীপতিম্ ।
প্রণতভক্তজনার্তিহরং পরং ভজত রে মনুজা গিরিজাপতিম্ ॥1॥
ন জনকো জননী ন চ সোদরো ন তনযো ন চ ভূরিবলং কুলম্ ।
অবতি কোঽপি ন কালবশং গতং ভজত রে মনুজা গিরিজাপতিম্ ॥2॥
মুরজডিংডিমবাদ্যবিলক্ষণং মধুরপংচমনাদবিশারদম্ ।
প্রমথভূতগণৈরপি সেবিতং ভজত রে মনুজা গিরিজাপতিম্ ॥3॥
শরণদং সুখদং শরণান্বিতং শিব শিবেতি শিবেতি নতং নৃণাম্ ।
অভযদং করুণাবরুণালযং ভজত রে মনুজা গিরিজাপতিম্ ॥4॥
নরশিরোরচিতং মণিকুংডলং ভুজগহারমুদং বৃষভধ্বজম্ ।
চিতিরজোধবলীকৃতবিগ্রহং ভজত রে মনুজা গিরিজাপতিম্ ॥5॥
মখবিনাশকরং শশিশেখরং সততমধ্বরভাজিফলপ্রদম্ ।
প্রলযদগ্ধসুরাসুরমানবং ভজত রে মনুজা গিরিজাপতিম্ ॥6॥
মদমপাস্য চিরং হৃদি সংস্থিতং মরণজন্মজরামযপীডিতম্ ।
জগদুদীক্ষ্য সমীপভযাকুলং ভজত রে মনুজা গিরিজাপতিম্ ॥7॥
হরিবিরংচিসুরাধিপপূজিতং যমজনেশধনেশনমস্কৄতম্ ।
ত্রিনযনং ভুবনত্রিতযাধিপং ভজত রে মনুজা গিরিজাপতিম্ ॥8॥
পশুপতেরিদমষ্টকমদ্ভুতং বিরচিতং পৃথিবীপতিসূরিণা ।
পঠতি সংশঋণুতে মনুজঃ সদা শিবপুরীং বসতে লভতে মুদম্ ॥9॥
ইতি শ্রীপশুপত্যষ্টকং সংপূর্ণম্ ॥
