ধ্যানং
ব্যাখ্যারুদ্রাক্ষমালে কলশসুরভিতে বাহুভির্বামপাদং
বিভ্রাণো জানুমূর্ধ্না বটতরুনিবৃতাবস্যধো বিদ্যমানঃ ।
সৌবর্ণে যোগপীঠে লিপিমযকমলে সূপবিষ্টস্ত্রিণেত্রঃ
ক্ষীরাভশ্চংদ্রমৌলির্বিতরতু নিতরাং শুদ্ধবুদ্ধিং শিবো নঃ ॥
স্তোত্রং
বিদ্যারূপী মহাযোগী শুদ্ধজ্ঞানী পিনাকধৃত্ ।
রত্নালংকৃতসর্বাংগো রত্নমালী জটাধরঃ ॥ 1 ॥
গংগাধার্যচলাবাসী সর্বজ্ঞানী সমাধিধৃত্ ।
অপ্রমেযো যোগনিধিস্তারকো ভক্তবত্সলঃ ॥ 2 ॥
ব্রহ্মরূপী জগদ্ব্যাপী বিষ্ণুমূর্তিঃ পুরাংতকঃ ।
উক্ষবাহশ্চর্মবাসাঃ পীতাংবরবিভূষণঃ ॥ 3 ॥
মোক্ষসিদ্ধির্মোক্ষদাযী দানবারির্জগত্পতিঃ ।
বিদ্যাধারী শুক্লতনুঃ বিদ্যাদাযী গণাধিপঃ ॥ 4 ॥
পাপাপস্মৃতিসংহর্তা শশিমৌলির্মহাস্বনঃ ।
সামপ্রিযঃ স্বযং সাধুঃ সর্বদেবৈর্নমস্কৃতঃ ॥ 5 ॥
হস্তবহ্নিধরঃ শ্রীমান্ মৃগধারী চ শংকরঃ ।
যজ্ঞনাথঃ ক্রতুধ্বংসী যজ্ঞভোক্তা যমাংতকঃ ॥ 6 ॥
ভক্তানুগ্রহমূর্তিশ্চ ভক্তসেব্যো বৃষধ্বজঃ ।
ভস্মোদ্ধূলিতসর্বাংগোঽপ্যক্ষমালাধরো মহান্ ॥ 7 ॥
ত্রযীমূর্তিঃ পরং ব্রহ্ম নাগরাজৈরলংকৃতঃ ।
শাংতরূপো মহাজ্ঞানী সর্বলোকবিভূষণঃ ॥ 8 ॥
অর্ধনারীশ্বরো দেবো মুনিসেব্যঃ সুরোত্তমঃ ।
ব্যাখ্যানদেবো ভগবান্ অগ্নিচংদ্রার্কলোচনঃ ॥ 9 ॥
জগত্স্রষ্টা জগদ্গোপ্তা জগদ্ধ্বংসী ত্রিলোচনঃ ।
জগদ্গুরুর্মহাদেবো মহানংদপরাযণঃ ॥ 10 ॥
জটাধারী মহাবীরো জ্ঞানদেবৈরলংকৃতঃ ।
ব্যোমগংগাজলস্নাতা সিদ্ধসংঘসমর্চিতঃ ॥ 11 ॥
তত্ত্বমূর্তির্মহাযোগী মহাসারস্বতপ্রদঃ ।
ব্যোমমূর্তিশ্চ ভক্তানামিষ্টকামফলপ্রদঃ ॥ 12 ॥
বীরমূর্তির্বিরূপী চ তেজোমূর্তিরনামযঃ ।
বেদবেদাংগতত্ত্বজ্ঞশ্চতুষ্ষষ্টিকলানিধিঃ ॥ 13 ॥
ভবরোগভযধ্বংসী ভক্তানামভযপ্রদঃ ।
নীলগ্রীবো ললাটাক্ষো গজচর্মা চ জ্ঞানদঃ ॥ 14 ॥
অরোগী কামদহনস্তপস্বী বিষ্ণুবল্লভঃ ।
ব্রহ্মচারী চ সংন্যাসী গৃহস্থাশ্রমকারণঃ ॥ 15 ॥
দাংতশমবতাং শ্রেষ্ঠঃ সত্ত্বরূপদযানিধিঃ ।
যোগপট্টাভিরামশ্চ বীণাধারী বিচেতনঃ ॥ 16 ॥
মংত্রপ্রজ্ঞানুগাচারো মুদ্রাপুস্তকধারকঃ ।
রাগহিক্কাদিরোগাণাং বিনিহংতা সুরেশ্বরঃ ॥ 17 ॥
ইতি শ্রী দক্ষিণামূর্ত্যষ্টোত্তরশতনাম স্তোত্রম্ ॥
