শাংব উবাচ
আদিদেব নমস্তুভ্যং প্রসীদ মম ভাস্কর ।
দিবাকর নমস্তুভ্যং প্রভাকর নমোঽস্তুতে ॥ 1 ॥
সপ্তাশ্ব রথ মারূঢং প্রচংডং কশ্যপাত্মজম্ ।
শ্বেত পদ্মধরং দেবং তং সূর্যং প্রণমাম্যহম্ ॥ 2॥
লোহিতং রথমারূঢং সর্ব লোক পিতামহম্ ।
মহা পাপ হরং দেবং তং সূর্যং প্রণমাম্যহম্ ॥ 3॥
ত্রৈগুণ্যং চ মহাশূরং ব্রহ্ম বিষ্ণু মহেশ্বরম্ ।
মহা পাপ হরং দেবং তং সূর্যং প্রণমাম্যহম্ ॥ 4 ॥
বৃংহিতং তেজসাং পুংজং [তেজপূজ্যং চ] বাযু মাকাশ মেব চ ।
প্রভুং চ সর্বলোকানাং তং সূর্যং প্রণমাম্যহম্ ॥ 5 ॥
বংধূক পুষ্পসংকাশং হার কুংডল ভূষিতম্ ।
এক চক্রধরং দেবং তং সূর্যং প্রণমাম্যহম্ ॥ 6 ॥
বিশ্বেশং বিশ্ব কর্তারং মহাতেজঃ প্রদীপনম্ ।
মহা পাপ হরং দেবং তং সূর্যং প্রণমাম্যহম্ ॥ 7 ॥
তং সূর্যং জগতাং নাথং জ্ঞান বিজ্ঞান মোক্ষদম্ ।
মহা পাপ হরং দেবং তং সূর্যং প্রণমাম্যহম্ ॥ 8 ॥
ফলশৃতি
সূর্যাষ্টকং পঠেন্নিত্যং গ্রহপীডা প্রণাশনম্ ।
অপুত্রো লভতে পুত্রং দরিদ্রো ধনবান্ ভবেত্ ॥
আমিষং মধুপানং চ যঃ করোতি রবের্ধিনে ।
সপ্ত জন্ম ভবেদ্রোগী জন্ম কর্ম দরিদ্রতা ॥
স্ত্রী তৈল মধু মাংসানি যে ত্যজংতি রবের্দিনে ।
ন ব্যাধি শোক দারিদ্র্যং সূর্যলোকং স গচ্ছতি ॥
ইতি শ্রী শিবপ্রোক্তং শ্রী সূর্যাষ্টকং সংপূর্ণম্ ॥
