বিশ্বেশ্বরায নরকার্ণব তারণায
কর্ণামৃতায শশিশেখর ধারণায ।
কর্পূরকাংতি ধবলায জটাধরায
দারিদ্র্যদুঃখ দহনায নমশ্শিবায ॥ 1 ॥
গৌরীপ্রিযায রজনীশ কলাধরায
কালাংতকায ভুজগাধিপ কংকণায ।
গংগাধরায গজরাজ বিমর্ধনায
দারিদ্র্যদুঃখ দহনায নমশ্শিবায ॥ 2 ॥
ভক্তপ্রিযায [ভক্তিপ্রিযায] ভবরোগ ভযাপহায
উগ্রায দুঃখ [দুর্গ] ভবসাগর তারণায ।
জ্যোতির্মযায গুণনাম সুনৃত্যকায
দারিদ্র্যদুঃখ দহনায নমশ্শিবায ॥ 3 ॥
চর্মাংবরায শবভস্ম বিলেপনায
ফালেক্ষণায মণিকুংডল মংডিতায ।
মংজীরপাদযুগলায জটাধরায
দারিদ্র্যদুঃখ দহনায নমশ্শিবায ॥ 4 ॥
পংচাননায ফণিরাজ বিভূষণায
হেমাংকুশায ভুবনত্রয মংডিতায
আনংদ ভূমি বরদায তমোপযায [তমোমযায] ।
দারিদ্র্যদুঃখ দহনায নমশ্শিবায ॥ 5 ॥
ভানুপ্রিযায ভবসাগর তারণায
কালাংতকায কমলাসন পূজিতায ।
নেত্রত্রযায শুভলক্ষণ লক্ষিতায
দারিদ্র্যদুঃখ দহনায নমশ্শিবায ॥ 6 ॥
রামপ্রিযায রঘুনাথ বরপ্রদায
নাগপ্রিযায নরকার্ণব তারণায ।
পুণ্যায [পুণ্যেষু] পুণ্যভরিতায সুরার্চিতায
দারিদ্র্যদুঃখ দহনায নমশ্শিবায ॥ 7 ॥
মুক্তেশ্বরায ফলদায গণেশ্বরায
গীতাপ্রিযায বৃষভেশ্বর বাহনায ।
মাতংগচর্ম বসনায মহেশ্বরায
দারিদ্র্যদুঃখ দহনায নমশ্শিবায ॥ 8 ॥
বসিষ্ঠেন কৃতং স্তোত্রং সর্বরোগ নিবারণম্ ।
সর্বসংপত্করং শীঘ্রং পুত্রপৌত্রাদি বর্ধনম্ ।
[শুভদং কামদং হৃদ্যং ধনধান্য প্রবর্ধনম্]
ত্রিসংধ্যং যঃ পঠেন্নিত্যং স হি স্বর্গ মবাপ্নুযাত্ ॥ 9 ॥
॥ ইতি শ্রী বসিষ্ঠ বিরচিতং দারিদ্র্যদহন শিবস্তোত্রং সংপূর্ণম্ ॥
alternate first verse
গৌরীবিলাস ভুবনায মহেশ্বরায
পংচাননায শরণাগত কল্পদায ।
শর্বায সর্বজগতামধিপায
তস্মৈ দারিদ্র্য দুঃখদহনায নমঃ শিবায ॥
