শ্রীপূর্ণবোধগুরুতীর্থপয়োব্ধিপারা
কামারিমাক্ষবিষমাক্ষশিরঃ স্পৃশংতী ।
পূর্বোত্তরামিততরংগচরত্সুহংসা
দেবালিসেবিতপরাংঘ্রিপয়োজলগ্না ॥ 1 ॥
জীবেশভেদগুণপূর্তিজগত্সুসত্ত্ব-
-নীচোচ্চভাবমুখনক্রগণৈঃ সমেতা ।
দুর্বাদ্যজাপতিগিলৈর্গুরুরাঘবেংদ্র-
-বাগ্দেবতাসরিদমুং বিমলী করোতু ॥ 2 ॥
শ্রীরাঘবেংদ্রঃ সকলপ্রদাতা
স্বপাদকংজদ্বযভক্তিমদ্ভ্য়ঃ ।
অঘাদ্রিসংভেদনদৃষ্টিবজ্রঃ
ক্ষমাসুরেংদ্রোঽবতু মাং সদাঽযম্ ॥ 3 ॥
শ্রীরাঘবেংদ্রো হরিপাদকংজ-
-নিষেবণাল্লব্ধসমস্তসংপত্ ।
দেবস্বভাবো দিবিজদ্রুমোঽয়-
-মিষ্টপ্রদো মে সততং স ভূয়াত্ ॥ 4 ॥
ভব্যস্বরূপো ভবদুঃখতূল-
-সংঘাগ্নিচর্য়ঃ সুখধৈর্যশালী ।
সমস্তদুষ্টগ্রহনিগ্রহেশো
দুরত্যয়োপপ্লবসিংধুসেতুঃ ॥ 5 ॥
নিরস্তদোষো নিরবদ্যবেষঃ
প্রত্যর্থিমূকত্ত্বনিদানভাষঃ ।
বিদ্বত্পরিজ্ঞেযমহাবিশেষো
বাগ্বৈখরীনির্জিতভব্যশেষঃ ॥ 6 ॥
সংতানসংপত্পরিশুদ্ধভক্তি-
-বিজ্ঞানবাগ্দেহসুপাটবাদীন্ ।
দত্বা শরীরোত্থসমস্তদোষান্
হত্ত্বা স নোঽব্য়াদ্গুরুরাঘবেংদ্রঃ ॥ 7 ॥
যত্পাদোদকসংচয়ঃ সুরনদীমুখ্য়াপগাসাদিতা-
-সংখ্য়ানুত্তমপুণ্যসংঘবিলসত্প্রখ্য়াতপুণ্য়াবহঃ ।
দুস্তাপত্রযনাশনো ভুবি মহাবংধ্য়াসুপুত্রপ্রদো
ব্য়ংগস্বংগসমৃদ্ধিদো গ্রহমহাপাপাপহস্তং শ্রয়ে ॥ 8 ॥
যত্পাদকংজরজসা পরিভূষিতাংগা
যত্পাদপদ্মমধুপায়িতমানসা যে ।
যত্পাদপদ্মপরিকীর্তনজীর্ণবাচ
-স্তদ্দর্শনং দুরিতকাননদাবভূতম্ ॥ 9 ॥
সর্বতংত্রস্বতংত্রোঽসৌ শ্রীমধ্বমতবর্ধনঃ
বিজয়ীংদ্রকরাব্জোত্থসুধীংদ্রবরপুত্রকঃ ॥ 10 ॥
শ্রীরাঘবেংদ্রো যতিরাট্ গুরুর্মে স্য়াদ্ভয়াপহঃ
জ্ঞানভক্তিসুপুত্রায়ুর্যশঃ শ্রীপুণ্যবর্ধনঃ ॥ 11 ॥
প্রতিবাদিজযস্বাংতভেদচিহ্নাদরো গুরুঃ ।
সর্ববিদ্য়াপ্রবীণোঽন্য়ো রাঘবেংদ্রান্ন বিদ্যতে ॥ 12 ॥
অপরোক্ষীকৃতশ্রীশঃ সমুপেক্ষিতভাবজঃ ।
অপেক্ষিতপ্রদাতাঽন্য়ো রাঘবেংদ্রান্ন বিদ্যতে ॥ 13 ॥
দয়াদাক্ষিণ্যবৈরাগ্যবাক্পাটবমুখাংকিতঃ ।
শাপানুগ্রহশক্তোঽন্য়ো রাঘবেংদ্রান্ন বিদ্যতে ॥ 14 ॥
অজ্ঞানবিস্মৃতিভ্রাংতিসংশয়াঽপস্মৃতিক্ষয়াঃ ।
তংদ্রাকংপবচঃকৌংঠ্যমুখা যে চেংদ্রিয়োদ্ভবাঃ ।
দোষাস্তে নাশমায়াংতি রাঘবেংদ্রপ্রসাদতঃ ॥ 15 ॥
ওং শ্রীরাঘবেংদ্রায় নমঃ ইত্যঽষ্টাক্ষরমংত্রতঃ ।
জপিতাদ্ভাবিতান্নিত্য়ং ইষ্টার্থাঃ স্য়ুর্ন সংশয়ঃ ॥ 16 ॥
হংতু নঃ কাযজান্ দোষান্ আত্মাত্মীযসমুদ্ভবান্ ।
সর্বানপি পুমর্থাংশ্চ দদাতু গুরুরাত্মবিত্ ॥ 17 ॥
ইতি কালত্রয়ে নিত্য়ং প্রার্থনাং যঃ করোতি সঃ ।
ইহামুত্রাপ্তসর্বেষ্টো মোদতে নাত্র সংশয়ঃ ॥ 18 ॥
অগম্যমহিমা লোকে রাঘবেংদ্রো মহাযশাঃ ।
শ্রীমধ্বমতদুগ্ধাব্ধিচংদ্রোঽবতু সদাঽনঘঃ ॥ 19 ॥
সর্বয়াত্রাফলাবাপ্ত্য়ৈ যথাশক্তিপ্রদক্ষিণম্ ।
করোমি তব সিদ্ধস্য় বৃংদাবনগতং জলম্ ॥ 20 ॥
শিরসা ধারয়াম্যদ্য় সর্বতীর্থফলাপ্তয়ে ।
সর্বাভীষ্টার্থসিদ্ধ্যর্থং নমস্কারং করোম্যহম্ ।
তব সংকীর্তনং বেদশাস্ত্রার্থজ্ঞানসিদ্ধয়ে ॥ 21 ॥
সংসারেঽক্ষযসাগরে প্রকৃতিতোঽগাধে সদা দুস্তরে
সর্বাবদ্যজলগ্রহৈরনুপমৈঃ কামাদিভংগাকুলে ।
নানাবিভ্রমদুর্ভ্রমেঽমিতভযস্তোমাদিফেনোত্কটে
দুঃখোত্কৃষ্টবিষে সমুদ্ধর গুরো মা মগ্নরূপং সদা ॥ 22 ॥
রাঘবেংদ্রগুরুস্তোত্রং যঃ পঠেদ্ভক্তিপূর্বকম্ ।
তস্য় কুষ্ঠাদিরোগাণাং নিবৃত্তিস্ত্বরয়া ভবেত্ ॥ 23 ॥
অংধোঽপি দিব্যদৃষ্টিঃ স্য়াদেডমূকোঽপি বাক্পতিঃ ।
পূর্ণায়ুঃ পূর্ণসংপত্তিঃ স্তোত্রস্য়াঽস্য় জপাদ্ভবেত্ ॥ 24 ॥
যঃ পিবেজ্জলমেতেন স্তোত্রেণৈবাভিমংত্রিতম্ ।
তস্য় কুক্ষিগতা দোষাঃ সর্বে নশ্য়ংতি তত্ ক্ষণাত্ ॥ 25 ॥
যদ্বৃংদাবনমাসাদ্য় পংগুঃ খংজোঽপি বা জনঃ ।
স্তোত্রেণানেন যঃ কুর্য়াত্ প্রদক্ষিণনমস্কৃতী ॥ 26 ॥
স জংঘালো ভবেদেব গুরুরাজপ্রসাদতঃ ।
সোমসূর্য়োপরাগে চ পুষ্য়ার্কাদিসমাগমে ॥ 27 ॥
যোঽনুত্তমমিদং স্তোত্রমষ্টোত্তরশতং জপেত্ ।
ভূতপ্রেতপিশাচাদি পীডা তস্য় ন জাযতে ॥ 28 ॥
এতত্ স্তোত্রং সমুচ্চার্য় গুরোর্বৃংদাবনাংতিকে ।
দীপসংয়োজনাজ্জ্ঞানং পুত্রলাভো ভবেদ্ধ্রুবম্ ॥ 29 ॥
পরবাদিজয়ো দিব্যজ্ঞানভক্ত্য়াদিবর্ধনম্ ।
সর্বাভীষ্টপ্রবৃদ্ধিঃ স্য়ান্নাত্র কার্য়া বিচারণা ॥ 30 ॥
রাজচোরমহাব্য়াঘ্রসর্পনক্রাদিপীডনম্ ।
ন জাযতেঽস্য় স্তোত্রস্য় প্রভাবান্নাত্র সংশয়ঃ ॥ 31 ॥
যো ভক্ত্য়া গুরুরাঘবেংদ্রচরণদ্বংদ্বং স্মরন্ যঃ পঠেত্
স্তোত্রং দিব্যমিদং সদা ন হি ভবেত্তস্য়াসুখং কিংচন ।
কিং ত্বিষ্টার্থসমৃদ্ধিরেব কমলানাথপ্রসাদোদয়াত্
কীর্তির্দিগ্বিদিতা বিভূতিরতুলা সাক্ষী হয়াস্য়োঽত্র হি ॥ 32 ॥
ফলশৃতিঃ
ইতি শ্রী রাঘবেংদ্রার্য় গুরুরাজপ্রসাদতঃ ।
কৃতং স্তোত্রমিদং পুণ্য়ং শ্রীমদ্ভির্হ্যপ্পণাভিদৈঃ ॥
পূজ্য়ায় রাঘবেংদ্রায় সত্যধর্মরতায় চ ।
ভজতাং কল্পবৃক্ষায় নমতাং কামধেনবে ॥
আপাদমৌলিপর্য়ংতং গুরূণামাকৃতিং স্মরেত্ ।
তেন বিঘ্নঃ প্রণশ্য়ংতি সিদ্ধ্য়ংতি চ মনোরথাঃ ॥
দুর্বাদিধ্বাংতরবয়ে বৈষ্ণবেংদীবরেংদবে ।
শ্রীরাঘবেংদ্র গুরবে নমোঽত্য়ংতদয়ালবে ॥
মূকোঽপি যত্প্রসাদেন মুকুংদশযনায় তে ।
রাজরাজাযতে রিক্তো রাঘবেংদ্রং তমাশ্রয়ে ।
ইতি শ্রী অপ্পণ্ণাচার্যবিরচিতং শ্রীরাঘবেংদ্র স্তোত্রং সংপূর্ণম্ ॥
