॥ 𑌇𑌤𑌿 𑌶𑍍𑌰𑍀𑌮𑌹𑌾𑌭𑌾𑌰𑌤𑍇 𑌉𑌦𑍍𑌯𑍋𑌗𑌪𑌰𑍍𑌵𑌣𑌿 𑌪𑍍𑌰𑌜𑌾𑌗𑌰𑌪𑌰𑍍𑌵𑌣𑌿
𑌵𑌿𑌦𑍁𑌰𑌹𑌿𑌤𑌵𑌾𑌕𑍍𑌯𑍇 𑌷𑌟𑍍𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ॥

𑌵𑌿𑌦𑍁𑌰 𑌉𑌵𑌾𑌚 ।

𑌅𑌤𑍍𑌰𑍈𑌵𑍋𑌦𑌾𑌹𑌰𑌂𑌤𑍀𑌮𑌮𑌿𑌤𑌿𑌹𑌾𑌸𑌂 𑌪𑍁𑌰𑌾𑌤𑌨𑌮𑍍 ।
𑌆𑌤𑍍𑌰𑍇𑌯𑌸𑍍𑌯 𑌚 𑌸𑌂𑌵𑌾𑌦𑌂 𑌸𑌾𑌧𑍍𑌯𑌾𑌨𑌾𑌂 𑌚𑍇𑌤𑌿 𑌨𑌃 𑌶𑍍𑌰𑍁𑌤𑌮𑍍 ॥ 1॥

𑌚𑌰𑌂𑌤𑌂 𑌹𑌂𑌸𑌰𑍂𑌪𑍇𑌣 𑌮𑌹𑌰𑍍𑌷𑌿𑌂 𑌸𑌂𑌶𑌿𑌤𑌵𑍍𑌰𑌤𑌮𑍍 ।
𑌸𑌾𑌧𑍍𑌯𑌾 𑌦𑍇𑌵𑌾 𑌮𑌹𑌾𑌪𑍍𑌰𑌾𑌜𑍍𑌞𑌂 𑌪𑌰𑍍𑌯𑌪𑍃𑌚𑍍𑌛𑌂𑌤 𑌵𑍈 𑌪𑍁𑌰𑌾 ॥ 2॥

𑌸𑌾𑌧𑍍𑌯𑌾 𑌊𑌚𑍁𑌃 ।
𑌸𑌾𑌧𑍍𑌯𑌾 𑌦𑍇𑌵𑌾 𑌵𑌯𑍍𑌮𑌸𑍍𑌮𑍋 𑌮𑌹𑌰𑍍𑌷𑍇
𑌦𑍃𑌷𑍍𑌟𑍍𑌵𑌾 𑌭𑌵𑌂𑌤𑌂 𑌨 𑌶𑌕𑍍𑌨𑍁𑌮𑍋𑌽𑌨𑍁𑌮𑌾𑌤𑍁𑌮𑍍 ।
𑌶𑍍𑌰𑍁𑌤𑍇𑌨 𑌧𑍀𑌰𑍋 𑌬𑍁𑌦𑍍𑌧𑌿𑌮𑌾𑌂𑌸𑍍𑌤𑍍𑌵𑌂 𑌮𑌤𑍋 𑌨𑌃
𑌕𑌾𑌵𑍍𑌯𑌾𑌂 𑌵𑌾𑌚𑌂 𑌵𑌕𑍍𑌤𑍁𑌮𑌰𑍍𑌹𑌸𑍍𑌯𑍁𑌦𑌾𑌰𑌾𑌮𑍍 ॥ 3॥

𑌹𑌂𑌸 𑌉𑌵𑌾𑌚 ।

𑌏𑌤𑌤𑍍𑌕𑌾𑌰𑍍𑌯𑌮𑌮𑌰𑌾𑌃 𑌸𑌂𑌶𑍍𑌰𑍁𑌤𑌂 𑌮𑍇
𑌧𑍃𑌤𑌿𑌃 𑌶𑌮𑌃 𑌸𑌤𑍍𑌯𑌧𑌰𑍍𑌮𑌾𑌨𑍁𑌵𑍃𑌤𑍍𑌤𑌿𑌃 ।
𑌗𑍍𑌰𑌂𑌥𑌿𑌂 𑌵𑌿𑌨𑍀𑌯 𑌹𑍃𑌦𑌯𑌸𑍍𑌯 𑌸𑌰𑍍𑌵𑌂
𑌪𑍍𑌰𑌿𑌯𑌾𑌪𑍍𑌰𑌿𑌯𑍇 𑌚𑌾𑌤𑍍𑌮𑌵𑌶𑌂 𑌨𑌯𑍀𑌤 ॥ 4॥

𑌆𑌕𑍍𑌰𑍁𑌶𑍍𑌯𑌮𑌾𑌨𑍋 𑌨𑌾𑌕𑍍𑌰𑍋𑌶𑍇𑌨𑍍𑌮𑌨𑍍𑌯𑍁𑌰𑍇𑌵 𑌤𑌿𑌤𑌿𑌕𑍍𑌷𑌿𑌤𑌃 ।
𑌆𑌕𑍍𑌰𑍋𑌷𑍍𑌟𑌾𑌰𑌂 𑌨𑌿𑌰𑍍𑌦𑌹𑌤𑌿 𑌸𑍁𑌕𑍃𑌤𑌂 𑌚𑌾𑌸𑍍𑌯 𑌵𑌿𑌂𑌦𑌤𑌿 ॥ 5॥

𑌨𑌾𑌕𑍍𑌰𑍋𑌶𑍀 𑌸𑍍𑌯𑌾𑌨𑍍𑌨𑌾𑌵𑌮𑌾𑌨𑍀 𑌪𑌰𑌸𑍍𑌯
𑌮𑌿𑌤𑍍𑌰𑌦𑍍𑌰𑍋𑌹𑍀 𑌨𑍋𑌤 𑌨𑍀𑌚𑍋𑌪𑌸𑍇𑌵𑍀 ।
𑌨 𑌚𑌾𑌤𑌿𑌮𑌾𑌨𑍀 𑌨 𑌚 𑌹𑍀𑌨𑌵𑍃𑌤𑍍𑌤𑍋
𑌰𑍂𑌕𑍍𑌷𑌾𑌂 𑌵𑌾𑌚𑌂 𑌰𑍁𑌶𑌤𑍀𑌂 𑌵𑌰𑍍𑌜𑌯𑍀𑌤 ॥ 6॥

𑌮𑌰𑍍𑌮𑌾𑌣𑍍𑌯𑌸𑍍𑌥𑍀𑌨𑌿 𑌹𑍃𑌦𑌯𑌂 𑌤𑌥𑌾𑌸𑍂𑌨𑍍
𑌘𑍋𑌰𑌾 𑌵𑌾𑌚𑍋 𑌨𑌿𑌰𑍍𑌦𑌹𑌂𑌤𑍀𑌹 𑌪𑍁𑌂𑌸𑌾𑌮𑍍 ।
𑌤𑌸𑍍𑌮𑌾𑌦𑍍𑌵𑌾𑌚𑌂 𑌰𑍁𑌶𑌤𑍀𑌂 𑌰𑍂𑌕𑍍𑌷𑌰𑍂𑌪𑌾𑌂
𑌧𑌰𑍍𑌮𑌾𑌰𑌾𑌮𑍋 𑌨𑌿𑌤𑍍𑌯𑌶𑍋 𑌵𑌰𑍍𑌜𑌯𑍀𑌤 ॥ 𑍭॥

𑌅𑌰𑍁𑌂 𑌤𑍁𑌰𑌂 𑌪𑌰𑍁𑌷𑌂 𑌰𑍂𑌕𑍍𑌷𑌵𑌾𑌚𑌂
𑌵𑌾𑌕𑍍𑌕𑌂𑌟𑌕𑍈𑌰𑍍𑌵𑌿𑌤𑍁𑌦𑌂𑌤𑌂 𑌮𑌨𑍁𑌷𑍍𑌯𑌾𑌨𑍍 ।
𑌵𑌿𑌦𑍍𑌯𑌾𑌦𑌲𑌕𑍍𑌷𑍍𑌮𑍀𑌕𑌤𑌮𑌂 𑌜𑌨𑌾𑌨𑌾𑌂
𑌮𑍁𑌖𑍇 𑌨𑌿𑌬𑌦𑍍𑌧𑌾𑌂 𑌨𑌿𑌰𑍃𑌤𑌿𑌂 𑌵𑌹𑌂𑌤𑌮𑍍 ॥ 𑍮॥

𑌪𑌰𑌶𑍍𑌚𑍇𑌦𑍇𑌨𑌮𑌧𑌿𑌵𑌿𑌧𑍍𑌯𑍇𑌤 𑌬𑌾𑌣𑍈𑌰𑍍
𑌭𑍃𑌶𑌂 𑌸𑍁𑌤𑍀𑌕𑍍𑌷𑍍𑌣𑍈𑌰𑌨𑌲𑌾𑌰𑍍𑌕 𑌦𑍀𑌪𑍍𑌤𑍈𑌃 ।
𑌵𑌿𑌰𑌿𑌚𑍍𑌯𑌮𑌾𑌨𑍋𑌽𑌪𑍍𑌯𑌤𑌿𑌰𑌿𑌚𑍍𑌯𑌮𑌾𑌨𑍋
𑌵𑌿𑌦𑍍𑌯𑌾𑌤𑍍𑌕𑌵𑌿𑌃 𑌸𑍁𑌕𑍃𑌤𑌂 𑌮𑍇 𑌦𑌧𑌾𑌤𑌿 ॥ 𑍯॥

𑌯𑌦𑌿 𑌸𑌂𑌤𑌂 𑌸𑍇𑌵𑌤𑍇 𑌯𑌦𑍍𑌯𑌸𑌂𑌤𑌂
𑌤𑌪𑌸𑍍𑌵𑌿𑌨𑌂 𑌯𑌦𑌿 𑌵𑌾 𑌸𑍍𑌤𑍇𑌨𑌮𑍇𑌵 ।
𑌵𑌾𑌸𑍋 𑌯𑌥𑌾 𑌰𑌂𑌗 𑌵𑌶𑌂 𑌪𑍍𑌰𑌯𑌾𑌤𑌿
𑌤𑌥𑌾 𑌸 𑌤𑍇𑌷𑌾𑌂 𑌵𑌶𑌮𑌭𑍍𑌯𑍁𑌪𑍈𑌤𑌿 ॥ 10॥

𑌵𑌾𑌦𑌂 𑌤𑍁 𑌯𑍋 𑌨 𑌪𑍍𑌰𑌵𑌦𑍇𑌨𑍍𑌨 𑌵𑌾𑌦𑌯𑍇𑌦𑍍
𑌯𑍋 𑌨𑌾𑌹𑌤𑌃 𑌪𑍍𑌰𑌤𑌿𑌹𑌨𑍍𑌯𑌾𑌨𑍍𑌨 𑌘𑌾𑌤𑌯𑍇𑌤𑍍 ।
𑌯𑍋 𑌹𑌂𑌤𑍁𑌕𑌾𑌮𑌸𑍍𑌯 𑌨 𑌪𑌾𑌪𑌮𑌿𑌚𑍍𑌛𑍇𑌤𑍍
𑌤𑌸𑍍𑌮𑍈 𑌦𑍇𑌵𑌾𑌃 𑌸𑍍𑌪𑍃𑌹𑌯𑌂𑌤𑍍𑌯𑌾𑌗𑌤𑌾𑌯 ॥ 11॥

𑌅𑌵𑍍𑌯𑌾𑌹𑍃𑌤𑌂 𑌵𑍍𑌯𑌾𑌹𑍃𑌤𑌾𑌚𑍍𑌛𑍍𑌰𑍇𑌯 𑌆𑌹𑍁𑌃
𑌸𑌤𑍍𑌯𑌂 𑌵𑌦𑍇𑌦𑍍𑌵𑍍𑌯𑌾𑌹𑍃𑌤𑌂 𑌤𑌦𑍍𑌦𑍍𑌵𑌿𑌤𑍀𑌯𑌮𑍍 ।
𑌪𑍍𑌰𑌿𑌯𑌂𑌵𑌦𑍇𑌦𑍍𑌵𑍍𑌯𑌾𑌹𑍃𑌤𑌂 𑌤𑌤𑍍𑌤𑍃𑌤𑍀𑌯𑌂
𑌧𑌰𑍍𑌮𑍍𑌯𑌂 𑌵𑌦𑍇𑌦𑍍𑌵𑍍𑌯𑌾𑌹𑍃𑌤𑌂 𑌤𑌚𑍍𑌚𑌤𑍁𑌰𑍍𑌥𑌮𑍍 ॥ 12॥

𑌯𑌾𑌦𑍃𑌶𑍈𑌃 𑌸𑌂𑌵𑌿𑌵𑌦𑌤𑍇 𑌯𑌾𑌦𑍃𑌶𑌾𑌂S 𑌚𑍋𑌪𑌸𑍇𑌵𑌤𑍇 ।
𑌯𑌾𑌦𑍃𑌗𑌿𑌚𑍍𑌛𑍇𑌚𑍍𑌚 𑌭𑌵𑌿𑌤𑍁𑌂 𑌤𑌾𑌦𑍃𑌗𑍍𑌭𑌵𑌤𑌿 𑌪𑍂𑌰𑍁𑌷𑌃 ॥ 13॥

𑌯𑌤𑍋 𑌯𑌤𑍋 𑌨𑌿𑌵𑌰𑍍𑌤𑌤𑍇 𑌤𑌤𑌸𑍍𑌤𑌤𑍋 𑌵𑌿𑌮𑍁𑌚𑍍𑌯𑌤𑍇 ।
𑌨𑌿𑌵𑌰𑍍𑌤𑌨𑌾𑌦𑍍𑌧𑌿 𑌸𑌰𑍍𑌵𑌤𑍋 𑌨 𑌵𑍇𑌤𑍍𑌤𑌿 𑌦𑍁𑌃𑌖𑌮𑌣𑍍𑌵𑌪𑌿 ॥ 14॥

𑌨 𑌜𑍀𑌯𑌤𑍇 𑌨𑍋𑌤 𑌜𑌿𑌗𑍀𑌷𑌤𑍇𑌽𑌨𑍍𑌯𑌾𑌨𑍍
𑌨 𑌵𑍈𑌰𑌕𑍍𑌕𑍃𑌚𑍍𑌚𑌾𑌪𑍍𑌰𑌤𑌿𑌘𑌾𑌤𑌕S 𑌚 ।
𑌨𑌿𑌂𑌦𑌾 𑌪𑍍𑌰𑌶𑌂𑌸𑌾𑌸𑍁 𑌸𑌮𑌸𑍍𑌵𑌭𑌾𑌵𑍋
𑌨 𑌶𑍋𑌚𑌤𑍇 𑌹𑍃𑌷𑍍𑌯𑌤𑌿 𑌨𑍈𑌵 𑌚𑌾𑌯𑌮𑍍 ॥ 15॥

𑌭𑌾𑌵𑌮𑌿𑌚𑍍𑌛𑌤𑌿 𑌸𑌰𑍍𑌵𑌸𑍍𑌯 𑌨𑌾𑌭𑌾𑌵𑍇 𑌕𑍁𑌰𑍁𑌤𑍇 𑌮𑌤𑌿𑌮𑍍 ।
𑌸𑌤𑍍𑌯𑌵𑌾𑌦𑍀 𑌮𑍃𑌦𑍁𑌰𑍍𑌦𑌾𑌂𑌤𑍋 𑌯𑌃 𑌸 𑌉𑌤𑍍𑌤𑌮𑌪𑍂𑌰𑍁𑌷𑌃 ॥ 16॥

𑌨𑌾𑌨𑌰𑍍𑌥𑌕𑌂 𑌸𑌾𑌂𑌤𑍍𑌵𑌯𑌤𑌿 𑌪𑍍𑌰𑌤𑌿𑌜𑍍𑌞𑌾𑌯 𑌦𑌦𑌾𑌤𑌿 𑌚 ।
𑌰𑌾𑌦𑍍𑌧𑌾𑌪𑌰𑌾𑌦𑍍𑌧𑍇 𑌜𑌾𑌨𑌾𑌤𑌿 𑌯𑌃 𑌸 𑌮𑌧𑍍𑌯𑌮𑌪𑍂𑌰𑍁𑌷𑌃 ॥ 1𑍭॥

𑌦𑍁𑌃𑌶𑌾𑌸𑌨𑌸𑍍𑌤𑍂𑌪𑌹𑌂𑌤𑌾 𑌨 𑌶𑌾𑌸𑍍𑌤𑌾
𑌨𑌾𑌵𑌰𑍍𑌤𑌤𑍇 𑌮𑌨𑍍𑌯𑍁𑌵𑌶𑌾𑌤𑍍𑌕𑍃𑌤𑌘𑍍𑌨𑌃 ।
𑌨 𑌕𑌸𑍍𑌯 𑌚𑌿𑌨𑍍𑌮𑌿𑌤𑍍𑌰𑌮𑌥𑍋 𑌦𑍁𑌰𑌾𑌤𑍍𑌮𑌾
𑌕𑌲𑌾𑌶𑍍𑌚𑍈𑌤𑌾 𑌅𑌧𑌮𑌸𑍍𑌯𑍇𑌹 𑌪𑍁𑌂𑌸𑌃 ॥ 1𑍮॥

𑌨 𑌶𑍍𑌰𑌦𑍍𑌦𑌧𑌾𑌤𑌿 𑌕𑌲𑍍𑌯𑌾𑌣𑌂 𑌪𑌰𑍇𑌭𑍍𑌯𑍋𑌽𑌪𑍍𑌯𑌾𑌤𑍍𑌮𑌶𑌂𑌕𑌿𑌤𑌃 ।
𑌨𑌿𑌰𑌾𑌕𑌰𑍋𑌤𑌿 𑌮𑌿𑌤𑍍𑌰𑌾𑌣𑌿 𑌯𑍋 𑌵𑍈 𑌸𑍋𑌽𑌧𑌮 𑌪𑍂𑌰𑍁𑌷𑌃 ॥ 1𑍯॥

𑌉𑌤𑍍𑌤𑌮𑌾𑌨𑍇𑌵 𑌸𑍇𑌵𑍇𑌤 𑌪𑍍𑌰𑌾𑌪𑍍𑌤𑍇 𑌕𑌾𑌲𑍇 𑌤𑍁 𑌮𑌧𑍍𑌯𑌮𑌾𑌨𑍍 ।
𑌅𑌧𑌮𑌾𑌂𑌸𑍍𑌤𑍁 𑌨 𑌸𑍇𑌵𑍇𑌤 𑌯 𑌇𑌚𑍍𑌛𑍇𑌚𑍍𑌛𑍍𑌰𑍇𑌯 𑌆𑌤𑍍𑌮𑌨𑌃 ॥ 20॥

𑌪𑍍𑌰𑌾𑌪𑍍𑌨𑍋𑌤𑌿 𑌵𑍈 𑌵𑌿𑌤𑍍𑌤𑌮𑌸𑌦𑍍𑌬𑌲𑍇𑌨
𑌨𑌿𑌤𑍍𑌯𑍋𑌤𑍍𑌥𑌾𑌨𑌾𑌤𑍍𑌪𑍍𑌰𑌜𑍍𑌞𑌯𑌾 𑌪𑍌𑌰𑍁𑌷𑍇𑌣 ।
𑌨 𑌤𑍍𑌵𑍇𑌵 𑌸𑌮𑍍𑌯𑌗𑍍𑌲𑌭𑌤𑍇 𑌪𑍍𑌰𑌶𑌂𑌸𑌾𑌂
𑌨 𑌵𑍃𑌤𑍍𑌤𑌮𑌾𑌪𑍍𑌨𑍋𑌤𑌿 𑌮𑌹𑌾𑌕𑍁𑌲𑌾𑌨𑌾𑌮𑍍 ॥ 21॥

𑌧𑍃𑌤𑌰𑌾𑌷𑍍𑌟𑍍𑌰 𑌉𑌵𑌾𑌚 ।

𑌮𑌹𑌾𑌕𑍁𑌲𑌾𑌨𑌾𑌂 𑌸𑍍𑌪𑍃𑌹𑌯𑌂𑌤𑌿 𑌦𑍇𑌵𑌾
𑌧𑌰𑍍𑌮𑌾𑌰𑍍𑌥𑌵𑍃𑌦𑍍𑌧𑌾𑌶𑍍𑌚 𑌬𑌹𑍁𑌶𑍍𑌰𑍁𑌤𑌾S 𑌚 ।
𑌪𑍃𑌚𑍍𑌛𑌾𑌮𑌿 𑌤𑍍𑌵𑌾𑌂 𑌵𑌿𑌦𑍁𑌰 𑌪𑍍𑌰𑌶𑍍𑌨𑌮𑍇𑌤𑌂
𑌭𑌵𑌂𑌤𑌿 𑌵𑍈 𑌕𑌾𑌨𑌿 𑌮𑌹𑌾𑌕𑍁𑌲𑌾𑌨𑌿 ॥ 22॥

𑌵𑌿𑌦𑍁𑌰 𑌉𑌵𑌾𑌚 ।

𑌤𑌮𑍋 𑌦𑌮𑍋 𑌬𑍍𑌰𑌹𑍍𑌮𑌵𑌿𑌤𑍍𑌤𑍍𑌵𑌂 𑌵𑌿𑌤𑌾𑌨𑌾𑌃
𑌪𑍁𑌣𑍍𑌯𑌾 𑌵𑌿𑌵𑌾𑌹𑌾𑌃 𑌸𑌤𑌤𑌾𑌨𑍍𑌨 𑌦𑌾𑌨𑌮𑍍 ।
𑌯𑍇𑌷𑍍𑌵𑍇𑌵𑍈𑌤𑍇 𑌸𑌪𑍍𑌤𑌗𑍁𑌣𑌾 𑌭𑌵𑌂𑌤𑌿
𑌸𑌮𑍍𑌯𑌗𑍍𑌵𑍃𑌤𑍍𑌤𑌾𑌸𑍍𑌤𑌾𑌨𑌿 𑌮𑌹𑌾𑌕𑍁𑌲𑌾𑌨𑌿 ॥ 23॥

𑌯𑍇𑌷𑌾𑌂 𑌨 𑌵𑍃𑌤𑍍𑌤𑌂 𑌵𑍍𑌯𑌥𑌤𑍇 𑌨 𑌯𑍋𑌨𑌿𑌰𑍍
𑌵𑍃𑌤𑍍𑌤𑌪𑍍𑌰𑌸𑌾𑌦𑍇𑌨 𑌚𑌰𑌂𑌤𑌿 𑌧𑌰𑍍𑌮𑌮𑍍 ।
𑌯𑍇 𑌕𑍀𑌰𑍍𑌤𑌿𑌮𑌿𑌚𑍍𑌛𑌂𑌤𑌿 𑌕𑍁𑌲𑍇 𑌵𑌿𑌶𑌿𑌷𑍍𑌟𑌾𑌂
𑌤𑍍𑌯𑌕𑍍𑌤𑌾𑌨𑍃𑌤𑌾𑌸𑍍𑌤𑌾𑌨𑌿 𑌮𑌹𑌾𑌕𑍁𑌲𑌾𑌨𑌿 ॥ 24॥

𑌅𑌨𑌿𑌜𑍍𑌯𑌯𑌾𑌵𑌿𑌵𑌾𑌹𑍈𑌰𑍍𑌶𑍍𑌚 𑌵𑍇𑌦𑌸𑍍𑌯𑍋𑌤𑍍𑌸𑌾𑌦𑌨𑍇𑌨 𑌚 ।
𑌕𑍁𑌲𑌾𑌨𑍍𑌯𑌕𑍁𑌲𑌤𑌾𑌂 𑌯𑌾𑌂𑌤𑌿 𑌧𑌰𑍍𑌮𑌸𑍍𑌯𑌾𑌤𑌿𑌕𑍍𑌰𑌮𑍇𑌣 𑌚 ॥ 25॥

𑌦𑍇𑌵 𑌦𑍍𑌰𑌵𑍍𑌯𑌵𑌿𑌨𑌾𑌶𑍇𑌨 𑌬𑍍𑌰𑌹𑍍𑌮 𑌸𑍍𑌵𑌹𑌰𑌣𑍇𑌨 𑌚 ।
𑌕𑍁𑌲𑌾𑌨𑍍𑌯𑌕𑍁𑌲𑌤𑌾𑌂 𑌯𑌾𑌂𑌤𑌿 𑌬𑍍𑌰𑌾𑌹𑍍𑌮𑌣𑌾𑌤𑌿𑌕𑍍𑌰𑌮𑍇𑌣 𑌚 ॥ 26॥

𑌬𑍍𑌰𑌾𑌹𑍍𑌮𑌣𑌾𑌨𑌾𑌂 𑌪𑌰𑌿𑌭𑌵𑌾𑌤𑍍𑌪𑌰𑌿𑌵𑌾𑌦𑌾𑌚𑍍𑌚 𑌭𑌾𑌰𑌤 ।
𑌕𑍁𑌲𑌾𑌨𑍍𑌯𑌕𑍁𑌲𑌤𑌾𑌂 𑌯𑌾𑌂𑌤𑌿 𑌨𑍍𑌯𑌾𑌸𑌾𑌪𑌹𑌰𑌣𑍇𑌨 𑌚 ॥ 2𑍭॥

𑌕𑍁𑌲𑌾𑌨𑌿 𑌸𑌮𑍁𑌪𑍇𑌤𑌾𑌨𑌿 𑌗𑍋𑌭𑌿𑌃 𑌪𑍁𑌰𑍁𑌷𑌤𑍋𑌽𑌶𑍍𑌵𑌤𑌃 ।
𑌕𑍁𑌲𑌸𑌂𑌖𑍍𑌯𑌾𑌂 𑌨 𑌗𑌚𑍍𑌛𑌂𑌤𑌿 𑌯𑌾𑌨𑌿 𑌹𑍀𑌨𑌾𑌨𑌿 𑌵𑍃𑌤𑍍𑌤𑌤𑌃 ॥ 2𑍮॥

𑌵𑍃𑌤𑍍𑌤𑌤𑌸𑍍𑌤𑍍𑌵𑌵𑌿𑌹𑍀𑌨𑌾𑌨𑌿 𑌕𑍁𑌲𑌾𑌨𑍍𑌯𑌲𑍍𑌪𑌧𑌨𑌾𑌨𑍍𑌯𑌪𑌿 ।
𑌕𑍁𑌲𑌸𑌂𑌖𑍍𑌯𑌾𑌂 𑌤𑍁 𑌗𑌚𑍍𑌛𑌂𑌤𑌿 𑌕𑌰𑍍𑌷𑌂𑌤𑌿 𑌚 𑌮𑌯𑌦𑍍𑌯𑌶𑌃 ॥ 2𑍯॥

𑌮𑌾 𑌨𑌃 𑌕𑍁𑌲𑍇 𑌵𑍈𑌰𑌕𑍃𑌤𑍍𑌕S 𑌚𑌿𑌦𑌸𑍍𑌤𑍁
𑌰𑌾𑌜𑌾𑌮𑌾𑌤𑍍𑌯𑍋 𑌮𑌾 𑌪𑌰𑌸𑍍𑌵𑌾𑌪𑌹𑌾𑌰𑍀 ।
𑌮𑌿𑌤𑍍𑌰𑌦𑍍𑌰𑍋𑌹𑍀 𑌨𑍈𑌕𑍃𑌤𑌿𑌕𑍋𑌽𑌨𑍃𑌤𑍀 𑌵𑌾
𑌪𑍂𑌰𑍍𑌵𑌾𑌶𑍀 𑌵𑌾 𑌪𑌿𑌤𑍃𑌦𑍇𑌵𑌾𑌤𑌿𑌥𑌿𑌭𑍍𑌯𑌃 ॥ 30॥

𑌯𑌶𑍍𑌚 𑌨𑍋 𑌬𑍍𑌰𑌾𑌹𑍍𑌮𑌣𑌂 𑌹𑌨𑍍𑌯𑌾𑌦𑍍𑌯𑌶𑍍𑌚 𑌨𑍋 𑌬𑍍𑌰𑌾𑌹𑍍𑌮𑌣𑌾𑌂𑌦𑍍𑌵𑌿𑌷𑍇𑌤𑍍 ।
𑌨 𑌨𑌃 𑌸 𑌸𑌮𑌿𑌤𑌿𑌂 𑌗𑌚𑍍𑌛𑍇𑌦𑍍𑌯𑌶𑍍𑌚 𑌨𑍋 𑌨𑌿𑌰𑍍𑌵𑌪𑍇𑌤𑍍𑌕𑍃𑌷𑌿𑌮𑍍 ॥ 31॥

𑌤𑍃𑌣𑌾𑌨𑌿 𑌭𑍂𑌮𑌿𑌰𑍁𑌦𑌕𑌂 𑌵𑌾𑌕𑍍𑌚𑌤𑍁𑌰𑍍𑌥𑍀 𑌚 𑌸𑍂𑌨𑍃𑌤𑌾 ।
𑌸𑌤𑌾𑌮𑍇𑌤𑌾𑌨𑌿 𑌗𑍇𑌹𑍇𑌷𑍁 𑌨𑍋𑌚𑍍𑌛𑌿𑌦𑍍𑌯𑌂𑌤𑍇 𑌕𑌦𑌾 𑌚𑌨 ॥ 32॥

𑌶𑍍𑌰𑌦𑍍𑌧𑌯𑌾 𑌪𑌰𑌯𑌾 𑌰𑌾𑌜𑌨𑍍𑌨𑍁𑌪𑌨𑍀𑌤𑌾𑌨𑌿 𑌸𑌤𑍍𑌕𑍃𑌤𑌿𑌮𑍍 ।
𑌪𑍍𑌰𑌵𑍃𑌤𑍍𑌤𑌾𑌨𑌿 𑌮𑌹𑌾𑌪𑍍𑌰𑌾𑌜𑍍𑌞 𑌧𑌰𑍍𑌮𑌿𑌣𑌾𑌂 𑌪𑍁𑌣𑍍𑌯𑌕𑌰𑍍𑌮𑌣𑌾𑌮𑍍 ॥ 33॥

𑌸𑍂𑌕𑍍𑌷𑍍𑌮𑍋𑌽𑌪𑌿 𑌭𑌾𑌰𑌂 𑌨𑍃𑌪𑌤𑍇 𑌸𑍍𑌯𑌂𑌦𑌨𑍋 𑌵𑍈
𑌶𑌕𑍍𑌤𑍋 𑌵𑍋𑌢𑍁𑌂 𑌨 𑌤𑌥𑌾𑌨𑍍𑌯𑍇 𑌮𑌹𑍀𑌜𑌾𑌃 ।
𑌏𑌵𑌂 𑌯𑍁𑌕𑍍𑌤𑌾 𑌭𑌾𑌰𑌸𑌹𑌾 𑌭𑌵𑌂𑌤𑌿
𑌮𑌹𑌾𑌕𑍁𑌲𑍀𑌨𑌾 𑌨 𑌤𑌥𑌾𑌨𑍍𑌯𑍇 𑌮𑌨𑍁𑌷𑍍𑌯𑌾𑌃 ॥ 34॥

𑌨 𑌤𑌨𑍍𑌮𑌿𑌤𑍍𑌰𑌂 𑌯𑌸𑍍𑌯 𑌕𑍋𑌪𑌾𑌦𑍍𑌬𑌿𑌭𑍇𑌤𑌿
𑌯𑌦𑍍𑌵𑌾 𑌮𑌿𑌤𑍍𑌰𑌂 𑌶𑌂𑌕𑌿𑌤𑍇𑌨𑍋𑌪𑌚𑌰𑍍𑌯𑌮𑍍 ।
𑌯𑌸𑍍𑌮𑌿𑌨𑍍𑌮𑌿𑌤𑍍𑌰𑍇 𑌪𑌿𑌤𑌰𑍀𑌵𑌾𑌶𑍍𑌵𑌸𑍀𑌤
𑌤𑌦𑍍𑌵𑍈 𑌮𑌿𑌤𑍍𑌰𑌂 𑌸𑌂𑌗𑌤𑌾𑌨𑍀𑌤𑌰𑌾𑌣𑌿 ॥ 35॥

𑌯𑌦𑌿 𑌚𑍇𑌦𑌪𑍍𑌯𑌸𑌂𑌬𑌂𑌧𑍋 𑌮𑌿𑌤𑍍𑌰𑌭𑌾𑌵𑍇𑌨 𑌵𑌰𑍍𑌤𑌤𑍇 ।
𑌸 𑌏𑌵 𑌬𑌂𑌧𑍁𑌸𑍍𑌤𑌨𑍍𑌮𑌿𑌤𑍍𑌰𑌂 𑌸𑌾 𑌗𑌤𑌿𑌸𑍍𑌤𑌤𑍍𑌪𑌰𑌾𑌯𑌣𑌮𑍍 ॥ 36॥

𑌚𑌲𑌚𑌿𑌤𑍍𑌤𑌸𑍍𑌯 𑌵𑍈 𑌪𑍁𑌂𑌸𑍋 𑌵𑍃𑌦𑍍𑌧𑌾𑌨𑌨𑍁𑌪𑌸𑍇𑌵𑌤𑌃 ।
𑌪𑌾𑌰𑌿𑌪𑍍𑌲𑌵𑌮𑌤𑍇𑌰𑍍𑌨𑌿𑌤𑍍𑌯𑌮𑌧𑍍𑌰𑍁𑌵𑍋 𑌮𑌿𑌤𑍍𑌰 𑌸𑌂𑌗𑍍𑌰𑌹𑌃 ॥ 3𑍭॥

𑌚𑌲𑌚𑌿𑌤𑍍𑌤𑌮𑌨𑌾𑌤𑍍𑌮𑌾𑌨𑌮𑌿𑌂𑌦𑍍𑌰𑌿𑌯𑌾𑌣𑌾𑌂 𑌵𑌶𑌾𑌨𑍁𑌗𑌮𑍍 ।
𑌅𑌰𑍍𑌥𑌾𑌃 𑌸𑌮𑌤𑌿𑌵𑌰𑍍𑌤𑌂𑌤𑍇 𑌹𑌂𑌸𑌾𑌃 𑌶𑍁𑌷𑍍𑌕𑌂 𑌸𑌰𑍋 𑌯𑌥𑌾 ॥ 3𑍮॥

𑌅𑌕𑌸𑍍𑌮𑌾𑌦𑍇𑌵 𑌕𑍁𑌪𑍍𑌯𑌂𑌤𑌿 𑌪𑍍𑌰𑌸𑍀𑌦𑌂𑌤𑍍𑌯𑌨𑌿𑌮𑌿𑌤𑍍𑌤𑌤𑌃 ।
𑌶𑍀𑌲𑌮𑍇𑌤𑌦𑌸𑌾𑌧𑍂𑌨𑌾𑌮𑌭𑍍𑌰𑌂 𑌪𑌾𑌰𑌿𑌪𑍍𑌲𑌵𑌂 𑌯𑌥𑌾 ॥ 3𑍯॥

𑌸𑌤𑍍𑌕𑍃𑌤𑌾𑌶𑍍𑌚 𑌕𑍃𑌤𑌾𑌰𑍍𑌥𑌾𑌶𑍍𑌚 𑌮𑌿𑌤𑍍𑌰𑌾𑌣𑌾𑌂 𑌨 𑌭𑌵𑌂𑌤𑌿 𑌯𑍇 ।
𑌤𑌾𑌨𑍍𑌮𑍃𑌤𑌾𑌨𑌪𑌿 𑌕𑍍𑌰𑌵𑍍𑌯𑌾𑌦𑌾𑌃 𑌕𑍃𑌤𑌘𑍍𑌨𑌾𑌨𑍍𑌨𑍋𑌪𑌭𑍁𑌂𑌜𑌤𑍇 ॥ 40॥

𑌅𑌰𑍍𑌥𑌯𑍇𑌦𑍇𑌵 𑌮𑌿𑌤𑍍𑌰𑌾𑌣𑌿 𑌸𑌤𑌿 𑌵𑌾𑌸𑌤𑌿 𑌵𑌾 𑌧𑌨𑍇 ।
𑌨𑌾𑌨𑌰𑍍𑌥𑌯𑌨𑍍𑌵𑌿𑌜𑌾𑌨𑌾𑌤𑌿 𑌮𑌿𑌤𑍍𑌰𑌾𑌣𑌾𑌂 𑌸𑌾𑌰𑌫𑌲𑍍𑌗𑍁𑌤𑌾𑌮𑍍 ॥ 41॥

𑌸𑌂𑌤𑌾𑌪𑌾𑌦𑍍𑌭𑍍𑌰𑌶𑍍𑌯𑌤𑍇 𑌰𑍂𑌪𑌂 𑌸𑌂𑌤𑌾𑌪𑌾𑌦𑍍𑌭𑍍𑌰𑌶𑍍𑌯𑌤𑍇 𑌬𑌲𑌮𑍍 ।
𑌸𑌂𑌤𑌾𑌪𑌾𑌦𑍍𑌭𑍍𑌰𑌶𑍍𑌯𑌤𑍇 𑌜𑍍𑌞𑌾𑌨𑌂 𑌸𑌂𑌤𑌾𑌪𑌾𑌦𑍍𑌵𑍍𑌯𑌾𑌧𑌿𑌮𑍃𑌚𑍍𑌛𑌤𑌿 ॥ 42॥

𑌅𑌨𑌵𑌾𑌪𑍍𑌯𑌂 𑌚 𑌶𑍋𑌕𑍇𑌨 𑌶𑌰𑍀𑌰𑌂 𑌚𑍋𑌪𑌤𑌪𑍍𑌯𑌤𑍇 ।
𑌅𑌮𑌿𑌤𑍍𑌰𑌾𑌶𑍍𑌚 𑌪𑍍𑌰𑌹𑍃𑌷𑍍𑌯𑌂𑌤𑌿 𑌮𑌾 𑌸𑍍𑌮 𑌶𑍋𑌕𑍇 𑌮𑌨𑌃 𑌕𑍃𑌥𑌾𑌃 ॥ 43॥

𑌪𑍁𑌨𑌰𑍍𑌨𑌰𑍋 𑌮𑍍𑌰𑌿𑌯𑌤𑍇 𑌜𑌾𑌯𑌤𑍇 𑌚
𑌪𑍁𑌨𑌰𑍍𑌨𑌰𑍋 𑌹𑍀𑌯𑌤𑍇 𑌵𑌰𑍍𑌧𑌤𑍇 𑌪𑍁𑌨𑌃 ।
𑌪𑍁𑌨𑌰𑍍𑌨𑌰𑍋 𑌯𑌾𑌚𑌤𑌿 𑌯𑌾𑌚𑍍𑌯𑌤𑍇 𑌚
𑌪𑍁𑌨𑌰𑍍𑌨𑌰𑌃 𑌶𑍋𑌚𑌤𑌿 𑌶𑍋𑌚𑍍𑌯𑌤𑍇 𑌪𑍁𑌨𑌃 ॥ 44॥

𑌸𑍁𑌖𑌂 𑌚 𑌦𑍁𑌃𑌖𑌂 𑌚 𑌭𑌵𑌾𑌭𑌵𑍌 𑌚
𑌲𑌾𑌭𑌾𑌲𑌾𑌭𑍌 𑌮𑌰𑌣𑌂 𑌜𑍀𑌵𑌿𑌤𑌂 𑌚 ।
𑌪𑌰𑍍𑌯𑌾𑌯𑌶𑌃 𑌸𑌰𑍍𑌵𑌮𑌿𑌹 𑌸𑍍𑌪𑍃𑌶𑌂𑌤𑌿
𑌤𑌸𑍍𑌮𑌾𑌦𑍍𑌧𑍀𑌰𑍋 𑌨𑍈𑌵 𑌹𑍃𑌷𑍍𑌯𑍇𑌨𑍍𑌨 𑌶𑍋𑌚𑍇𑌤𑍍 ॥ 45॥

𑌚𑌲𑌾𑌨𑌿 𑌹𑍀𑌮𑌾𑌨𑌿 𑌷𑌡𑌿𑌂𑌦𑍍𑌰𑌿𑌯𑌾𑌣𑌿
𑌤𑍇𑌷𑌾𑌂 𑌯𑌦𑍍𑌯𑌦𑍍𑌵𑌰𑍍𑌤𑌤𑍇 𑌯𑌤𑍍𑌰 𑌯𑌤𑍍𑌰 ।
𑌤𑌤𑌸𑍍𑌤𑌤𑌃 𑌸𑍍𑌰𑌵𑌤𑍇 𑌬𑍁𑌦𑍍𑌧𑌿𑌰𑌸𑍍𑌯
𑌛𑌿𑌦𑍍𑌰𑍋𑌦 𑌕𑍁𑌂𑌭𑌾𑌦𑌿𑌵 𑌨𑌿𑌤𑍍𑌯𑌮𑌂𑌭𑌃 ॥ 46॥

𑌧𑍃𑌤𑌰𑌾𑌷𑍍𑌟𑍍𑌰 𑌉𑌵𑌾𑌚 ।

𑌤𑌨𑍁𑌰𑍁𑌚𑍍𑌛𑌃 𑌶𑌿𑌖𑍀 𑌰𑌾𑌜𑌾 𑌮𑌿𑌥𑍍𑌯𑍋𑌪𑌚𑌰𑌿𑌤𑍋 𑌮𑌯𑌾 ।
𑌮𑌂𑌦𑌾𑌨𑌾𑌂 𑌮𑌮 𑌪𑍁𑌤𑍍𑌰𑌾𑌣𑌾𑌂 𑌯𑍁𑌦𑍍𑌧𑍇𑌨𑌾𑌂𑌤𑌂 𑌕𑌰𑌿𑌷𑍍𑌯𑌤𑌿 ॥ 4𑍭॥

𑌨𑌿𑌤𑍍𑌯𑍋𑌦𑍍𑌵𑌿𑌗𑍍𑌨𑌮𑌿𑌦𑌂 𑌸𑌰𑍍𑌵𑌂 𑌨𑌿𑌤𑍍𑌯𑍋𑌦𑍍𑌵𑌿𑌗𑍍𑌨𑌮𑌿𑌦𑌂 𑌮𑌨𑌃 ।
𑌯𑌤𑍍𑌤𑌤𑍍𑌪𑌦𑌮𑌨𑍁𑌦𑍍𑌵𑌿𑌗𑍍𑌨𑌂 𑌤𑌨𑍍𑌮𑍇 𑌵𑌦 𑌮𑌹𑌾𑌮𑌤𑍇 ॥ 4𑍮॥

𑌵𑌿𑌦𑍁𑌰 𑌉𑌵𑌾𑌚 ।

𑌨𑌾𑌨𑍍𑌯𑌤𑍍𑌰 𑌵𑌿𑌦𑍍𑌯𑌾 𑌤𑌪𑌸𑍋𑌰𑍍𑌨𑌾𑌨𑍍𑌯𑌤𑍍𑌰𑍇𑌂𑌦𑍍𑌰𑌿𑌯 𑌨𑌿𑌗𑍍𑌰𑌹𑌾𑌤𑍍 ।
𑌨𑌾𑌨𑍍𑌯𑌤𑍍𑌰 𑌲𑍋𑌭𑌸𑌂𑌤𑍍𑌯𑌾𑌗𑌾𑌚𑍍𑌛𑌾𑌂𑌤𑌿𑌂 𑌪𑌶𑍍𑌯𑌾𑌮 𑌤𑍇𑌽𑌨𑌘 ॥ 4𑍯॥

𑌬𑍁𑌦𑍍𑌧𑍍𑌯𑌾 𑌭𑌯𑌂 𑌪𑍍𑌰𑌣𑍁𑌦𑌤𑌿 𑌤𑌪𑌸𑌾 𑌵𑌿𑌂𑌦𑌤𑍇 𑌮𑌹𑌤𑍍 ।
𑌗𑍁𑌰𑍁𑌶𑍁𑌶𑍍𑌰𑍂𑌷𑌯𑌾 𑌜𑍍𑌞𑌾𑌨𑌂 𑌶𑌾𑌂𑌤𑌿𑌂 𑌤𑍍𑌯𑌾𑌗𑍇𑌨 𑌵𑌿𑌂𑌦𑌤𑌿 ॥ 50॥

𑌅𑌨𑌾𑌶𑍍𑌰𑌿𑌤𑌾 𑌦𑌾𑌨𑌪𑍁𑌣𑍍𑌯𑌂 𑌵𑍇𑌦 𑌪𑍁𑌣𑍍𑌯𑌮𑌨𑌾𑌶𑍍𑌰𑌿𑌤𑌾𑌃 ।
𑌰𑌾𑌗𑌦𑍍𑌵𑍇𑌷𑌵𑌿𑌨𑌿𑌰𑍍𑌮𑍁𑌕𑍍𑌤𑌾 𑌵𑌿𑌚𑌰𑌂𑌤𑍀𑌹 𑌮𑍋𑌕𑍍𑌷𑌿𑌣𑌃 ॥ 51॥

𑌸𑍍𑌵𑌧𑍀𑌤𑌸𑍍𑌯 𑌸𑍁𑌯𑍁𑌦𑍍𑌧𑌸𑍍𑌯 𑌸𑍁𑌕𑍃𑌤𑌸𑍍𑌯 𑌚 𑌕𑌰𑍍𑌮𑌣𑌃 ।
𑌤𑌪𑌸𑌶𑍍𑌚 𑌸𑍁𑌤𑌪𑍍𑌤𑌸𑍍𑌯 𑌤𑌸𑍍𑌯𑌾𑌂𑌤𑍇 𑌸𑍁𑌖𑌮𑍇𑌧𑌤𑍇 ॥ 52॥

𑌸𑍍𑌵𑌾𑌸𑍍𑌤𑍀𑌰𑍍𑌣𑌾𑌨𑌿 𑌶𑌯𑌨𑌾𑌨𑌿 𑌪𑍍𑌰𑌪𑌨𑍍𑌨𑌾
𑌨 𑌵𑍈 𑌭𑌿𑌨𑍍𑌨𑌾 𑌜𑌾𑌤𑍁 𑌨𑌿𑌦𑍍𑌰𑌾𑌂 𑌲𑌭𑌂𑌤𑍇 ।
𑌨 𑌸𑍍𑌤𑍍𑌰𑍀𑌷𑍁 𑌰𑌾𑌜𑌨𑍍𑌰𑌤𑌿𑌮𑌾𑌪𑍍𑌨𑍁𑌵𑌂𑌤𑌿
𑌨 𑌮𑌾𑌗𑌧𑍈𑌃 𑌸𑍍𑌤𑍂𑌯𑌮𑌾𑌨𑌾 𑌨 𑌸𑍂𑌤𑍈𑌃 ॥ 53॥

𑌨 𑌵𑍈 𑌭𑌿𑌨𑍍𑌨𑌾 𑌜𑌾𑌤𑍁 𑌚𑌰𑌂𑌤𑌿 𑌧𑌰𑍍𑌮𑌂
𑌨 𑌵𑍈 𑌸𑍁𑌖𑌂 𑌪𑍍𑌰𑌾𑌪𑍍𑌨𑍁𑌵𑌂𑌤𑍀𑌹 𑌭𑌿𑌨𑍍𑌨𑌾𑌃 ।
𑌨 𑌵𑍈 𑌭𑌿𑌨𑍍𑌨𑌾 𑌗𑍌𑌰𑌵𑌂 𑌮𑌾𑌨𑌯𑌂𑌤𑌿
𑌨 𑌵𑍈 𑌭𑌿𑌨𑍍𑌨𑌾𑌃 𑌪𑍍𑌰𑌶𑌮𑌂 𑌰𑍋𑌚𑌯𑌂𑌤𑌿 ॥ 54॥

𑌨 𑌵𑍈 𑌤𑍇𑌷𑌾𑌂 𑌸𑍍𑌵𑌦𑌤𑍇 𑌪𑌥𑍍𑌯𑌮𑍁𑌕𑍍𑌤𑌂
𑌯𑍋𑌗𑌕𑍍𑌷𑍇𑌮𑌂 𑌕𑌲𑍍𑌪𑌤𑍇 𑌨𑍋𑌤 𑌤𑍇𑌷𑌾𑌮𑍍 ।
𑌭𑌿𑌨𑍍𑌨𑌾𑌨𑌾𑌂 𑌵𑍈 𑌮𑌨𑍁𑌜𑍇𑌂𑌦𑍍𑌰 𑌪𑌰𑌾𑌯𑌣𑌂
𑌨 𑌵𑌿𑌦𑍍𑌯𑌤𑍇 𑌕𑌿𑌂 𑌚𑌿𑌦𑌨𑍍𑌯𑌦𑍍𑌵𑌿𑌨𑌾𑌶𑌾𑌤𑍍 ॥ 55॥

𑌸𑌂𑌭𑌾𑌵𑍍𑌯𑌂 𑌗𑍋𑌷𑍁 𑌸𑌂𑌪𑌨𑍍𑌨𑌂 𑌸𑌂𑌭𑌾𑌵𑍍𑌯𑌂 𑌬𑍍𑌰𑌾𑌹𑍍𑌮𑌣𑍇 𑌤𑌪𑌃 ।
𑌸𑌂𑌭𑌾𑌵𑍍𑌯𑌂 𑌸𑍍𑌤𑍍𑌰𑍀𑌷𑍁 𑌚𑌾𑌪𑌲𑍍𑌯𑌂 𑌸𑌂𑌭𑌾𑌵𑍍𑌯𑌂 𑌜𑍍𑌞𑌾𑌤𑌿𑌤𑍋 𑌭𑌯𑌮𑍍 ॥ 56॥

𑌤𑌂𑌤𑌵𑍋𑌽𑌪𑍍𑌯𑌾𑌯𑌤𑌾 𑌨𑌿𑌤𑍍𑌯𑌂 𑌤𑌂𑌤𑌵𑍋 𑌬𑌹𑍁𑌲𑌾𑌃 𑌸𑌮𑌾𑌃 ।
𑌬𑌹𑍂𑌨𑍍𑌬𑌹𑍁𑌤𑍍𑌵𑌾𑌦𑌾𑌯𑌾𑌸𑌾𑌨𑍍𑌸𑌹𑌂𑌤𑍀𑌤𑍍𑌯𑍁𑌪𑌮𑌾 𑌸𑌤𑌾𑌮𑍍 ॥ 5𑍭॥

𑌧𑍂𑌮𑌾𑌯𑌂𑌤𑍇 𑌵𑍍𑌯𑌪𑍇𑌤𑌾𑌨𑌿 𑌜𑍍𑌵𑌲𑌂𑌤𑌿 𑌸𑌹𑌿𑌤𑌾𑌨𑌿 𑌚 ।
𑌧𑍃𑌤𑌰𑌾𑌷𑍍𑌟𑍍𑌰𑍋𑌲𑍍𑌮𑍁𑌕𑌾𑌨𑍀𑌵 𑌜𑍍𑌞𑌾𑌤𑌯𑍋 𑌭𑌰𑌤𑌰𑍍𑌷𑌭 ॥ 5𑍮॥

𑌬𑍍𑌰𑌾𑌹𑍍𑌮𑌣𑍇𑌷𑍁 𑌚 𑌯𑍇 𑌶𑍂𑌰𑌾𑌃 𑌸𑍍𑌤𑍍𑌰𑍀𑌷𑍁 𑌜𑍍𑌞𑌾𑌤𑌿𑌷𑍁 𑌗𑍋𑌷𑍁 𑌚 ।
𑌵𑍃𑌂𑌤𑌾𑌦𑌿𑌵 𑌫𑌲𑌂 𑌪𑌕𑍍𑌵𑌂 𑌧𑍃𑌤𑌰𑌾𑌷𑍍𑌟𑍍𑌰 𑌪𑌤𑌂𑌤𑌿 𑌤𑍇 ॥ 5𑍯॥

𑌮𑌹𑌾𑌨𑌪𑍍𑌯𑍇𑌕𑌜𑍋 𑌵𑍃𑌕𑍍𑌷𑍋 𑌬𑌲𑌵𑌾𑌨𑍍𑌸𑍁𑌪𑍍𑌰𑌤𑌿𑌷𑍍𑌠𑌿𑌤𑌃 ।
𑌪𑍍𑌰𑌸𑌹𑍍𑌯 𑌏𑌵 𑌵𑌾𑌤𑍇𑌨 𑌶𑌾𑌖𑌾 𑌸𑍍𑌕𑌂𑌧𑌂 𑌵𑌿𑌮𑌰𑍍𑌦𑌿𑌤𑍁𑌮𑍍 ॥ 60॥

𑌅𑌥 𑌯𑍇 𑌸𑌹𑌿𑌤𑌾 𑌵𑍃𑌕𑍍𑌷𑌾𑌃 𑌸𑌂𑌘𑌶𑌃 𑌸𑍁𑌪𑍍𑌰𑌤𑌿𑌷𑍍𑌠𑌿𑌤𑌾𑌃 ।
𑌤𑍇 𑌹𑌿 𑌶𑍀𑌘𑍍𑌰𑌤𑌮𑌾𑌨𑍍𑌵𑌾𑌤𑌾𑌨𑍍𑌸𑌹𑌂𑌤𑍇𑌽𑌨𑍍𑌯𑍋𑌨𑍍𑌯𑌸𑌂𑌶𑍍𑌰𑌯𑌾𑌤𑍍 ॥ 61॥

𑌏𑌵𑌂 𑌮𑌨𑍁𑌷𑍍𑌯𑌮𑌪𑍍𑌯𑍇𑌕𑌂 𑌗𑍁𑌣𑍈𑌰𑌪𑌿 𑌸𑌮𑌨𑍍𑌵𑌿𑌤𑌮𑍍 ।
𑌶𑌕𑍍𑌯𑌂 𑌦𑍍𑌵𑌿𑌷𑌂𑌤𑍋 𑌮𑌨𑍍𑌯𑌂𑌤𑍇 𑌵𑌾𑌯𑍁𑌰𑍍𑌦𑍍𑌰𑍁𑌮𑌮𑌿𑌵𑍌𑌕𑌜𑌮𑍍 ॥ 62॥

𑌅𑌨𑍍𑌯𑍋𑌨𑍍𑌯𑌸𑌮𑍁𑌪𑌷𑍍𑌟𑌂𑌭𑌾𑌦𑌨𑍍𑌯𑍋𑌨𑍍𑌯𑌾𑌪𑌾𑌶𑍍𑌰𑌯𑍇𑌣 𑌚 ।
𑌜𑍍𑌞𑌾𑌤𑌯𑌃 𑌸𑌂𑌪𑍍𑌰𑌵𑌰𑍍𑌧𑌂𑌤𑍇 𑌸𑌰𑌸𑍀𑌵𑍋𑌤𑍍𑌪𑌲𑌾𑌨𑍍𑌯𑍁𑌤 ॥ 63॥

𑌅𑌵𑌧𑍍𑌯𑌾 𑌬𑍍𑌰𑌾𑌹𑍍𑌮𑌣𑌾 𑌗𑌾𑌵𑍋 𑌸𑍍𑌤𑍍𑌰𑌿𑌯𑍋 𑌬𑌾𑌲𑌾𑌶𑍍𑌚 𑌜𑍍𑌞𑌾𑌤𑌯𑌃 ।
𑌯𑍇𑌷𑌾𑌂 𑌚𑌾𑌨𑍍𑌨𑌾𑌨𑌿 𑌭𑍁𑌂𑌜𑍀𑌤 𑌯𑍇 𑌚 𑌸𑍍𑌯𑍁𑌃 𑌶𑌰𑌣𑌾𑌗𑌤𑌾𑌃 ॥ 64॥

𑌨 𑌮𑌨𑍁𑌷𑍍𑌯𑍇 𑌗𑍁𑌣𑌃 𑌕𑌶𑍍𑌚𑌿𑌦𑌨𑍍𑌯𑍋 𑌧𑌨𑌵𑌤𑌾𑌂 𑌅𑌪𑌿 ।
𑌅𑌨𑌾𑌤𑍁𑌰𑌤𑍍𑌵𑌾𑌦𑍍𑌭𑌦𑍍𑌰𑌂 𑌤𑍇 𑌮𑍃𑌤𑌕𑌲𑍍𑌪𑌾 𑌹𑌿 𑌰𑍋𑌗𑌿𑌣𑌃 ॥ 65॥

𑌅𑌵𑍍𑌯𑌾𑌧𑌿𑌜𑌂 𑌕𑌟𑍁𑌕𑌂 𑌶𑍀𑌰𑍍𑌷 𑌰𑍋𑌗𑌂
𑌪𑌾𑌪𑌾𑌨𑍁𑌬𑌂𑌧𑌂 𑌪𑌰𑍁𑌷𑌂 𑌤𑍀𑌕𑍍𑌷𑍍𑌣𑌮𑍁𑌗𑍍𑌰𑌮𑍍 ।
𑌸𑌤𑌾𑌂 𑌪𑍇𑌯𑌂 𑌯𑌨𑍍𑌨 𑌪𑌿𑌬𑌂𑌤𑍍𑌯𑌸𑌂𑌤𑍋
𑌮𑌨𑍍𑌯𑍁𑌂 𑌮𑌹𑌾𑌰𑌾𑌜 𑌪𑌿𑌬 𑌪𑍍𑌰𑌶𑌾𑌮𑍍𑌯 ॥ 66॥

𑌰𑍋𑌗𑌾𑌰𑍍𑌦𑌿𑌤𑌾 𑌨 𑌫𑌲𑌾𑌨𑍍𑌯𑌾𑌦𑍍𑌰𑌿𑌯𑌂𑌤𑍇
𑌨 𑌵𑍈 𑌲𑌭𑌂𑌤𑍇 𑌵𑌿𑌷𑌯𑍇𑌷𑍁 𑌤𑌤𑍍𑌤𑍍𑌵𑌮𑍍 ।
𑌦𑍁𑌃𑌖𑍋𑌪𑍇𑌤𑌾 𑌰𑍋𑌗𑌿𑌣𑍋 𑌨𑌿𑌤𑍍𑌯𑌮𑍇𑌵
𑌨 𑌬𑍁𑌧𑍍𑌯𑌂𑌤𑍇 𑌧𑌨𑌭𑍋𑌗𑌾𑌨𑍍𑌨 𑌸𑍌𑌖𑍍𑌯𑌮𑍍 ॥ 6𑍭॥

𑌪𑍁𑌰𑌾 𑌹𑍍𑌯𑍁𑌕𑍍𑌤𑍋 𑌨𑌾𑌕𑌰𑍋𑌸𑍍𑌤𑍍𑌵𑌂 𑌵𑌚𑍋 𑌮𑍇
𑌦𑍍𑌯𑍂𑌤𑍇 𑌜𑌿𑌤𑌾𑌂 𑌦𑍍𑌰𑍌𑌪𑌦𑍀𑌂 𑌪𑍍𑌰𑍇𑌕𑍍𑌷𑍍𑌯 𑌰𑌾𑌜𑌨𑍍 ।
𑌦𑍁𑌰𑍍𑌯𑍋𑌧𑌨𑌂 𑌵𑌾𑌰𑌯𑍇𑌤𑍍𑌯𑌕𑍍𑌷𑌵𑌤𑍍𑌯𑌾𑌂
𑌕𑌿𑌤𑌵𑌤𑍍𑌵𑌂 𑌪𑌂𑌡𑌿𑌤𑌾 𑌵𑌰𑍍𑌜𑌯𑌂𑌤𑌿 ॥ 6𑍮॥

𑌨 𑌤𑌦𑍍𑌬𑌲𑌂 𑌯𑌨𑍍𑌮𑍃𑌦𑍁𑌨𑌾 𑌵𑌿𑌰𑍁𑌧𑍍𑌯𑌤𑍇
𑌮𑌿𑌶𑍍𑌰𑍋 𑌧𑌰𑍍𑌮𑌸𑍍𑌤𑌰𑌸𑌾 𑌸𑍇𑌵𑌿𑌤𑌵𑍍𑌯𑌃 ।
𑌪𑍍𑌰𑌧𑍍𑌵𑌂𑌸𑌿𑌨𑍀 𑌕𑍍𑌰𑍂𑌰𑌸𑌮𑌾𑌹𑌿𑌤𑌾 𑌶𑍍𑌰𑍀𑌰𑍍
𑌮𑍃𑌦𑍁𑌪𑍍𑌰𑍌𑌢𑌾 𑌗𑌚𑍍𑌛𑌤𑌿 𑌪𑍁𑌤𑍍𑌰𑌪𑍌𑌤𑍍𑌰𑌾𑌨𑍍 ॥ 6𑍯॥

𑌧𑌾𑌰𑍍𑌤𑌰𑌾𑌷𑍍𑌟𑍍𑌰𑌾𑌃 𑌪𑌾𑌂𑌡𑌵𑌾𑌨𑍍𑌪𑌾𑌲𑌯𑌂𑌤𑍁
𑌪𑌾𑌂𑌡𑍋𑌃 𑌸𑍁𑌤𑌾𑌸𑍍𑌤𑌵 𑌪𑍁𑌤𑍍𑌰𑌾𑌂𑌶𑍍𑌚 𑌪𑌾𑌂𑌤𑍁 ।
𑌏𑌕𑌾𑌰𑌿𑌮𑌿𑌤𑍍𑌰𑌾𑌃 𑌕𑍁𑌰𑌵𑍋 𑌹𑍍𑌯𑍇𑌕𑌮𑌂𑌤𑍍𑌰𑌾
𑌜𑍀𑌵𑌂𑌤𑍁 𑌰𑌾𑌜𑌨𑍍𑌸𑍁𑌖𑌿𑌨𑌃 𑌸𑌮𑍃𑌦𑍍𑌧𑌾𑌃 ॥ 𑍭0॥

𑌮𑍇𑌢𑍀𑌭𑍂𑌤𑌃 𑌕𑍌𑌰𑌵𑌾𑌣𑌾𑌂 𑌤𑍍𑌵𑌮𑌦𑍍𑌯
𑌤𑍍𑌵𑌯𑍍𑌯𑌾𑌧𑍀𑌨𑌂 𑌕𑍁𑌰𑍁 𑌕𑍁𑌲𑌮𑌾𑌜𑌮𑍀𑌢 ।
𑌪𑌾𑌰𑍍𑌥𑌾𑌨𑍍𑌬𑌾𑌲𑌾𑌨𑍍𑌵𑌨𑌵𑌾𑌸 𑌪𑍍𑌰𑌤𑌪𑍍𑌤𑌾𑌨𑍍
𑌗𑍋𑌪𑌾𑌯𑌸𑍍𑌵 𑌸𑍍𑌵𑌂 𑌯𑌶𑌸𑍍𑌤𑌾𑌤 𑌰𑌕𑍍𑌷𑌨𑍍 ॥ 𑍭1॥

𑌸𑌂𑌧𑌤𑍍𑌸𑍍𑌵 𑌤𑍍𑌵𑌂 𑌕𑍌𑌰𑌵𑌾𑌨𑍍𑌪𑌾𑌂𑌡𑍁𑌪𑍁𑌤𑍍𑌰𑍈𑌰𑍍
𑌮𑌾 𑌤𑍇𑌽𑌂𑌤𑌰𑌂 𑌰𑌿𑌪𑌵𑌃 𑌪𑍍𑌰𑌾𑌰𑍍𑌥𑌯𑌂𑌤𑍁 ।
𑌸𑌤𑍍𑌯𑍇 𑌸𑍍𑌥𑌿𑌤𑌾𑌸𑍍𑌤𑍇 𑌨𑌰𑌦𑍇𑌵 𑌸𑌰𑍍𑌵𑍇
𑌦𑍁𑌰𑍍𑌯𑍋𑌧𑌨𑌂 𑌸𑍍𑌥𑌾𑌪𑌯 𑌤𑍍𑌵𑌂 𑌨𑌰𑍇𑌂𑌦𑍍𑌰 ॥ 𑍭2॥

॥ 𑌇𑌤𑌿 𑌶𑍍𑌰𑍀𑌮𑌹𑌾𑌭𑌾𑌰𑌤𑍇 𑌉𑌦𑍍𑌯𑍋𑌗𑌪𑌰𑍍𑌵𑌣𑌿 𑌪𑍍𑌰𑌜𑌾𑌗𑌰𑌪𑌰𑍍𑌵𑌣𑌿
𑌵𑌿𑌦𑍁𑌰𑌹𑌿𑌤𑌵𑌾𑌕𑍍𑌯𑍇 𑌷𑌟𑍍𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 36॥

Browse Related Categories:

• 𑌤𑌰𑍍𑌕 𑌶𑌾𑌸𑍍𑌤𑍍𑌰(37)
  • 𑌨𑌿𑌰𑍍𑌵𑌾𑌣 𑌷𑌟𑍍𑌕𑌮𑍍
  • 𑌭𑌜 𑌗𑍋𑌵𑌿𑌂𑌦𑌮𑍍 (𑌮𑍋𑌹 𑌮𑍁𑌦𑍍𑌗𑌰𑌮𑍍)
  • 𑌦𑌕𑍍𑌷𑌿𑌣𑌾 𑌮𑍂𑌰𑍍𑌤𑌿 𑌸𑍍𑌤𑍋𑌤𑍍𑌰𑌮𑍍
  • 𑌨𑌾𑌰𑌸𑌿𑌂𑌹 𑌶𑌤𑌕𑌮𑍍
  • 𑌵𑍇𑌮𑌨 𑌶𑌤𑌕𑌮𑍍
  • 𑌸𑍁𑌮𑌤𑍀 𑌶𑌤𑌕𑌮𑍍
  • 𑌶𑌿𑌵 𑌮𑌹𑌿𑌮𑍍𑌨𑌾 𑌸𑍍𑌤𑍋𑌤𑍍𑌰𑌮𑍍
  • 𑌶𑍍𑌰𑍀 𑌕𑌾𑌳 𑌹𑌸𑍍𑌤𑍀𑌶𑍍𑌵𑌰 𑌶𑌤𑌕𑌮𑍍
  • 𑌭𑌰𑍍𑌤𑍃𑌹𑌰𑍇𑌃 𑌶𑌤𑌕 𑌤𑍍𑌰𑌿𑌶𑌤𑌿 - 𑌨𑍀𑌤𑌿 𑌶𑌤𑌕𑌮𑍍
  • 𑌭𑌰𑍍𑌤𑍃𑌹𑌰𑍇𑌃 𑌶𑌤𑌕 𑌤𑍍𑌰𑌿𑌶𑌤𑌿 - 𑌵𑍈𑌰𑌾𑌗𑍍𑌯 𑌶𑌤𑌕𑌮𑍍
  • 𑌨𑌿𑌰𑍍𑌵𑌾𑌣 𑌦𑌶𑌕𑌂
  • 𑌉𑌪𑌦𑍇𑌶 𑌸𑌾𑌰𑌂 (𑌰𑌮𑌣 𑌮𑌹𑌰𑍍𑌷𑌿)
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌪𑍍𑌰𑌥𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌦𑍍𑌵𑌿𑌤𑍀𑌯𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌪𑌂𑌚𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌷𑌷𑍍𑌠𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌸𑌪𑍍𑌤𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌅𑌷𑍍𑌟𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌨𑌵𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌦𑌶𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌏𑌕𑌾𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌤𑍍𑌰𑌯𑍋𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌚𑌤𑍁𑌰𑍍𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌪𑌂𑌚𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌷𑍋𑌡𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌸𑌪𑍍𑌤𑌦𑌶𑍋𑌽𑌧𑍍𑌯𑌾𑌯𑌃
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 33
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 34
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 35
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 36
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍭
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍮
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍯
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 40
• 𑌨𑍀𑌤𑌿 𑌶𑌾𑌸𑍍𑌤𑍍𑌰(26)
  • 𑌭𑌰𑍍𑌤𑍃𑌹𑌰𑍇𑌃 𑌶𑌤𑌕 𑌤𑍍𑌰𑌿𑌶𑌤𑌿 - 𑌨𑍀𑌤𑌿 𑌶𑌤𑌕𑌮𑍍
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌪𑍍𑌰𑌥𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌦𑍍𑌵𑌿𑌤𑍀𑌯𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌪𑌂𑌚𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌷𑌷𑍍𑌠𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌸𑌪𑍍𑌤𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌅𑌷𑍍𑌟𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌨𑌵𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌦𑌶𑌮𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌏𑌕𑌾𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌤𑍍𑌰𑌯𑍋𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌚𑌤𑍁𑌰𑍍𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌪𑌂𑌚𑌦𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌷𑍋𑌡𑌶𑍋𑌽𑌧𑍍𑌯𑌾𑌯𑌃
  • 𑌚𑌾𑌣𑌕𑍍𑌯 𑌨𑍀𑌤𑌿 - 𑌸𑌪𑍍𑌤𑌦𑌶𑍋𑌽𑌧𑍍𑌯𑌾𑌯𑌃
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 33
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 34
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 35
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 36
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍭
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍮
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍯
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 40
• 𑌵𑌿𑌦𑍁𑌰 𑌨𑍀𑌤𑌿(8)
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 33
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 34
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 35
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 36
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍭
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍮
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍯
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 40
• 𑌵𑌿𑌦𑍁𑌰(8)
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 33
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 34
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 35
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 36
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍭
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍮
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 3𑍯
  • 𑌵𑌿𑌦𑍁𑌰 𑌨𑍀𑌤𑌿 - 𑌅𑌧𑍍𑌯𑌾𑌯𑌃 40