𑌪𑍁𑌸𑍍𑌤𑌕𑌪𑍍𑌰𑌤𑍍𑌯𑌯𑌾𑌧𑍀𑌤𑌂 𑌨𑌾𑌧𑍀𑌤𑌂 𑌗𑍁𑌰𑍁𑌸𑌨𑍍𑌨𑌿𑌧𑍌 ।
𑌸𑌭𑌾𑌮𑌧𑍍𑌯𑍇 𑌨 𑌶𑍋𑌭𑌂𑌤𑍇 𑌜𑌾𑌰𑌗𑌰𑍍𑌭𑌾 𑌇𑌵 𑌸𑍍𑌤𑍍𑌰𑌿𑌯𑌃 ॥ 01 ॥
𑌕𑍃𑌤𑍇 𑌪𑍍𑌰𑌤𑌿𑌕𑍃𑌤𑌿𑌂 𑌕𑍁𑌰𑍍𑌯𑌾𑌦𑍍𑌧𑌿𑌂𑌸𑌨𑍇 𑌪𑍍𑌰𑌤𑌿𑌹𑌿𑌂𑌸𑌨𑌮𑍍 ।
𑌤𑌤𑍍𑌰 𑌦𑍋𑌷𑍋 𑌨 𑌪𑌤𑌤𑌿 𑌦𑍁𑌷𑍍𑌟𑍇 𑌦𑍁𑌷𑍍𑌟𑌂 𑌸𑌮𑌾𑌚𑌰𑍇𑌤𑍍 ॥ 02 ॥
𑌯𑌦𑍍𑌦𑍂𑌰𑌂 𑌯𑌦𑍍𑌦𑍁𑌰𑌾𑌰𑌾𑌧𑍍𑌯𑌂 𑌯𑌚𑍍𑌚 𑌦𑍂𑌰𑍇 𑌵𑍍𑌯𑌵𑌸𑍍𑌥𑌿𑌤𑌮𑍍 ।
𑌤𑌤𑍍𑌸𑌰𑍍𑌵𑌂 𑌤𑌪𑌸𑌾 𑌸𑌾𑌧𑍍𑌯𑌂 𑌤𑌪𑍋 𑌹𑌿 𑌦𑍁𑌰𑌤𑌿𑌕𑍍𑌰𑌮𑌮𑍍 ॥ 03 ॥
𑌲𑍋𑌭𑌶𑍍𑌚𑍇𑌦𑌗𑍁𑌣𑍇𑌨 𑌕𑌿𑌂 𑌪𑌿𑌶𑍁𑌨𑌤𑌾 𑌯𑌦𑍍𑌯𑌸𑍍𑌤𑌿 𑌕𑌿𑌂 𑌪𑌾𑌤𑌕𑍈𑌃
𑌸𑌤𑍍𑌯𑌂 𑌚𑍇𑌤𑍍𑌤𑌪𑌸𑌾 𑌚 𑌕𑌿𑌂 𑌶𑍁𑌚𑌿 𑌮𑌨𑍋 𑌯𑌦𑍍𑌯𑌸𑍍𑌤𑌿 𑌤𑍀𑌰𑍍𑌥𑍇𑌨 𑌕𑌿𑌮𑍍 ।
𑌸𑍌𑌜𑌨𑍍𑌯𑌂 𑌯𑌦𑌿 𑌕𑌿𑌂 𑌗𑍁𑌣𑍈𑌃 𑌸𑍁𑌮𑌹𑌿𑌮𑌾 𑌯𑌦𑍍𑌯𑌸𑍍𑌤𑌿 𑌕𑌿𑌂 𑌮𑌂𑌡𑌨𑍈𑌃
𑌸𑌦𑍍𑌵𑌿𑌦𑍍𑌯𑌾 𑌯𑌦𑌿 𑌕𑌿𑌂 𑌧𑌨𑍈𑌰𑌪𑌯𑌶𑍋 𑌯𑌦𑍍𑌯𑌸𑍍𑌤𑌿 𑌕𑌿𑌂 𑌮𑍃𑌤𑍍𑌯𑍁𑌨𑌾 ॥ 04 ॥
𑌪𑌿𑌤𑌾 𑌰𑌤𑍍𑌨𑌾𑌕𑌰𑍋 𑌯𑌸𑍍𑌯 𑌲𑌕𑍍𑌷𑍍𑌮𑍀𑌰𑍍𑌯𑌸𑍍𑌯 𑌸𑌹𑍋𑌦𑌰𑌾 ।
𑌶𑌂𑌖𑍋 𑌭𑌿𑌕𑍍𑌷𑌾𑌟𑌨𑌂 𑌕𑍁𑌰𑍍𑌯𑌾𑌨𑍍𑌨 𑌦𑌤𑍍𑌤𑌮𑍁𑌪𑌤𑌿𑌷𑍍𑌠𑌤𑍇 ॥ 05 ॥
𑌅𑌶𑌕𑍍𑌤𑌸𑍍𑌤𑍁 𑌭𑌵𑍇𑌤𑍍𑌸𑌾𑌧𑍁-𑌰𑍍𑌬𑍍𑌰𑌹𑍍𑌮𑌚𑌾𑌰𑍀 𑌵𑌾 𑌨𑌿𑌰𑍍𑌧𑌨𑌃 ।
𑌵𑍍𑌯𑌾𑌧𑌿𑌤𑍋 𑌦𑍇𑌵𑌭𑌕𑍍𑌤𑌶𑍍𑌚 𑌵𑍃𑌦𑍍𑌧𑌾 𑌨𑌾𑌰𑍀 𑌪𑌤𑌿𑌵𑍍𑌰𑌤𑌾 ॥ 06 ॥
𑌨𑌾𑌽𑌨𑍍𑌨𑍋𑌦𑌕𑌸𑌮𑌂 𑌦𑌾𑌨𑌂 𑌨 𑌤𑌿𑌥𑌿𑌰𑍍𑌦𑍍𑌵𑌾𑌦𑌶𑍀 𑌸𑌮𑌾 ।
𑌨 𑌗𑌾𑌯𑌤𑍍𑌰𑍍𑌯𑌾𑌃 𑌪𑌰𑍋 𑌮𑌂𑌤𑍍𑌰𑍋 𑌨 𑌮𑌾𑌤𑍁𑌰𑍍𑌦𑍈𑌵𑌤𑌂 𑌪𑌰𑌮𑍍 ॥ 0 ॥
𑌤𑌕𑍍𑌷𑌕𑌸𑍍𑌯 𑌵𑌿𑌷𑌂 𑌦𑌂𑌤𑍇 𑌮𑌕𑍍𑌷𑌿𑌕𑌾𑌯𑌾𑌸𑍍𑌤𑍁 𑌮𑌸𑍍𑌤𑌕𑍇 ।
𑌵𑍃𑌶𑍍𑌚𑌿𑌕𑌸𑍍𑌯 𑌵𑌿𑌷𑌂 𑌪𑍁𑌚𑍍𑌛𑍇 𑌸𑌰𑍍𑌵𑌾𑌂𑌗𑍇 𑌦𑍁𑌰𑍍𑌜𑌨𑍇 𑌵𑌿𑌷𑌮𑍍 ॥ 0 ॥
𑌪𑌤𑍍𑌯𑍁𑌰𑌾𑌜𑍍𑌞𑌾𑌂 𑌵𑌿𑌨𑌾 𑌨𑌾𑌰𑍀 𑌹𑍍𑌯𑍁𑌪𑍋𑌷𑍍𑌯 𑌵𑍍𑌰𑌤𑌚𑌾𑌰𑌿𑌣𑍀 ।
𑌆𑌯𑍁𑌷𑍍𑌯𑌂 𑌹𑌰𑌤𑍇 𑌭𑌰𑍍𑌤𑍁𑌃 𑌸𑌾 𑌨𑌾𑌰𑍀 𑌨𑌰𑌕𑌂 𑌵𑍍𑌰𑌜𑍇𑌤𑍍 ॥ 0 ॥
𑌨 𑌦𑌾𑌨𑍈𑌃 𑌶𑍁𑌧𑍍𑌯𑌤𑍇 𑌨𑌾𑌰𑍀 𑌨𑍋𑌪𑌵𑌾𑌸𑌶𑌤𑍈𑌰𑌪𑌿 ।
𑌨 𑌤𑍀𑌰𑍍𑌥𑌸𑍇𑌵𑌯𑌾 𑌤𑌦𑍍𑌵𑌦𑍍𑌭𑌰𑍍𑌤𑍁𑌃 𑌪𑌦𑍋𑌦𑌕𑍈𑌰𑍍𑌯𑌥𑌾 ॥ 10 ॥
𑌪𑌾𑌦𑌶𑍇𑌷𑌂 𑌪𑍀𑌤𑌶𑍇𑌷𑌂 𑌸𑌂𑌧𑍍𑌯𑌾𑌶𑍇𑌷𑌂 𑌤𑌥𑍈𑌵 𑌚 ।
𑌶𑍍𑌵𑌾𑌨𑌮𑍂𑌤𑍍𑌰𑌸𑌮𑌂 𑌤𑍋𑌯𑌂 𑌪𑍀𑌤𑍍𑌵𑌾 𑌚𑌾𑌂𑌦𑍍𑌰𑌾𑌯𑌣𑌂 𑌚𑌰𑍇𑌤𑍍 ॥ 11 ॥
𑌦𑌾𑌨𑍇𑌨 𑌪𑌾𑌣𑌿𑌰𑍍𑌨 𑌤𑍁 𑌕𑌂𑌕𑌣𑍇𑌨
𑌸𑍍𑌨𑌾𑌨𑍇𑌨 𑌶𑍁𑌦𑍍𑌧𑌿𑌰𑍍𑌨 𑌤𑍁 𑌚𑌂𑌦𑌨𑍇𑌨 ।
𑌮𑌾𑌨𑍇𑌨 𑌤𑍃𑌪𑍍𑌤𑌿𑌰𑍍𑌨 𑌤𑍁 𑌭𑍋𑌜𑌨𑍇𑌨
𑌜𑍍𑌞𑌾𑌨𑍇𑌨 𑌮𑍁𑌕𑍍𑌤𑌿𑌰𑍍𑌨 𑌤𑍁 𑌮𑍁𑌂𑌡𑌨𑍇𑌨 ॥ 12 ॥
𑌨𑌾𑌪𑌿𑌤𑌸𑍍𑌯 𑌗𑍃𑌹𑍇 𑌕𑍍𑌷𑍌𑌰𑌂 𑌪𑌾𑌷𑌾𑌣𑍇 𑌗𑌂𑌧𑌲𑍇𑌪𑌨𑌮𑍍 ।
𑌆𑌤𑍍𑌮𑌰𑍂𑌪𑌂 𑌜𑌲𑍇 𑌪𑌶𑍍𑌯𑌨𑍍 𑌶𑌕𑍍𑌰𑌸𑍍𑌯𑌾𑌪𑌿 𑌶𑍍𑌰𑌿𑌯𑌂 𑌹𑌰𑍇𑌤𑍍 ॥ 13 ॥
𑌸𑌦𑍍𑌯𑌃 𑌪𑍍𑌰𑌜𑍍𑌞𑌾𑌹𑌰𑌾 𑌤𑍁𑌂𑌡𑍀 𑌸𑌦𑍍𑌯𑌃 𑌪𑍍𑌰𑌜𑍍𑌞𑌾𑌕𑌰𑍀 𑌵𑌚𑌾 ।
𑌸𑌦𑍍𑌯𑌃 𑌶𑌕𑍍𑌤𑌿𑌹𑌰𑌾 𑌨𑌾𑌰𑍀 𑌸𑌦𑍍𑌯𑌃 𑌶𑌕𑍍𑌤𑌿𑌕𑌰𑌂 𑌪𑌯𑌃 ॥ 14 ॥
𑌪𑌰𑍋𑌪𑌕𑌰𑌣𑌂 𑌯𑍇𑌷𑌾𑌂 𑌜𑌾𑌗𑌰𑍍𑌤𑌿 𑌹𑍃𑌦𑌯𑍇 𑌸𑌤𑌾𑌮𑍍 ।
𑌨𑌶𑍍𑌯𑌂𑌤𑌿 𑌵𑌿𑌪𑌦𑌸𑍍𑌤𑍇𑌷𑌾𑌂 𑌸𑌂𑌪𑌦𑌃 𑌸𑍍𑌯𑍁𑌃 𑌪𑌦𑍇 𑌪𑌦𑍇 ॥ 15 ॥
𑌯𑌦𑌿 𑌰𑌾𑌮𑌾 𑌯𑌦𑌿 𑌚 𑌰𑌮𑌾 𑌯𑌦𑌿 𑌤𑌨𑌯𑍋 𑌵𑌿𑌨𑌯𑌗𑍁𑌣𑍋𑌪𑍇𑌤𑌃 ।
𑌤𑌨𑌯𑍇 𑌤𑌨𑌯𑍋𑌤𑍍𑌪𑌤𑍍𑌤𑌿𑌃 𑌸𑍁𑌰𑌵𑌰𑌨𑌗𑌰𑍇 𑌕𑌿𑌮𑌾𑌧𑌿𑌕𑍍𑌯𑌮𑍍 ॥ 16 ॥
𑌆𑌹𑌾𑌰𑌨𑌿𑌦𑍍𑌰𑌾𑌭𑌯𑌮𑍈𑌥𑍁𑌨𑌾𑌨𑌿
𑌸𑌮𑌾𑌨𑌿 𑌚𑍈𑌤𑌾𑌨𑌿 𑌨𑍃𑌣𑌾𑌂 𑌪𑌶𑍂𑌨𑌾𑌮𑍍 ।
𑌜𑍍𑌞𑌾𑌨𑌂 𑌨𑌰𑌾𑌣𑌾𑌮𑌧𑌿𑌕𑍋 𑌵𑌿𑌶𑍇𑌷𑍋
𑌜𑍍𑌞𑌾𑌨𑍇𑌨 𑌹𑍀𑌨𑌾𑌃 𑌪𑌶𑍁𑌭𑌿𑌃 𑌸𑌮𑌾𑌨𑌾𑌃 ॥ 1 ॥
𑌦𑌾𑌨𑌾𑌰𑍍𑌥𑌿𑌨𑍋 𑌮𑌧𑍁𑌕𑌰𑌾 𑌯𑌦𑌿 𑌕𑌰𑍍𑌣𑌤𑌾𑌲𑍈𑌰𑍍𑌦𑍂𑌰𑍀𑌕𑍃𑌤𑌾𑌃
𑌦𑍂𑌰𑍀𑌕𑍃𑌤𑌾𑌃 𑌕𑌰𑌿𑌵𑌰𑍇𑌣 𑌮𑌦𑌾𑌂𑌧𑌬𑍁𑌦𑍍𑌧𑍍𑌯𑌾 ।
𑌤𑌸𑍍𑌯𑍈𑌵 𑌗𑌂𑌡𑌯𑍁𑌗𑍍𑌮𑌮𑌂𑌡𑌨𑌹𑌾𑌨𑌿𑌰𑍇𑌷𑌾
𑌭𑍃𑌂𑌗𑌾𑌃 𑌪𑍁𑌨𑌰𑍍𑌵𑌿𑌕𑌚𑌪𑌦𑍍𑌮𑌵𑌨𑍇 𑌵𑌸𑌂𑌤𑌿 ॥ 1 ॥
𑌰𑌾𑌜𑌾 𑌵𑍇𑌶𑍍𑌯𑌾 𑌯𑌮𑌶𑍍𑌚𑌾𑌗𑍍𑌨𑌿𑌸𑍍𑌤𑌸𑍍𑌕𑌰𑍋 𑌬𑌾𑌲𑌯𑌾𑌚𑌕𑍌 ।
𑌪𑌰𑌦𑍁𑌃𑌖𑌂 𑌨 𑌜𑌾𑌨𑌂𑌤𑌿 𑌅𑌷𑍍𑌟𑌮𑍋 𑌗𑍍𑌰𑌾𑌮𑌕𑌂𑌟𑌕𑌃 ॥ 1 ॥
𑌅𑌧𑌃 𑌪𑌶𑍍𑌯𑌸𑌿 𑌕𑌿𑌂 𑌬𑌾𑌲𑍇 𑌪𑌤𑌿𑌤𑌂 𑌤𑌵 𑌕𑌿𑌂 𑌭𑍁𑌵𑌿 ।
𑌰𑍇 𑌰𑍇 𑌮𑍂𑌰𑍍𑌖 𑌨 𑌜𑌾𑌨𑌾𑌸𑌿 𑌗𑌤𑌂 𑌤𑌾𑌰𑍁𑌣𑍍𑌯𑌮𑍌𑌕𑍍𑌤𑌿𑌕𑌮𑍍 ॥ 20 ॥
𑌵𑍍𑌯𑌾𑌲𑌾𑌶𑍍𑌰𑌯𑌾𑌪𑌿 𑌵𑌿𑌕𑌲𑌾𑌪𑌿 𑌸𑌕𑌂𑌟𑌕𑌾𑌪𑌿
𑌵𑌕𑍍𑌰𑌾𑌪𑌿 𑌪𑌂𑌕𑌿𑌲𑌭𑌵𑌾𑌪𑌿 𑌦𑍁𑌰𑌾𑌸𑌦𑌾𑌪𑌿 ।
𑌗𑌂𑌧𑍇𑌨 𑌬𑌂𑌧𑍁𑌰𑌸𑌿 𑌕𑍇𑌤𑌕𑌿 𑌸𑌰𑍍𑌵𑌜𑌂𑌤𑌾
𑌰𑍇𑌕𑍋 𑌗𑍁𑌣𑌃 𑌖𑌲𑍁 𑌨𑌿𑌹𑌂𑌤𑌿 𑌸𑌮𑌸𑍍𑌤𑌦𑍋𑌷𑌾𑌨𑍍 ॥ 21 ॥
