॥ இதி ஶ்ரீமஹாபா4ரதே உத்3யோக3பர்வணி ப்ரஜாக3ரபர்வணி
விது3ரஹிதவாக்யே ஷட்த்ரிம்ஶோத்4யாய: ॥
விது3ர உவாச ।
அத்ரைவோதா3ஹரன்தீமமிதிஹாஸஂ புராதனம் ।
ஆத்ரேயஸ்ய ச ஸம்வாதஂ3 ஸாத்4யானாஂ சேதி ந: ஶ்ருதம் ॥ 1॥
சரன்தஂ ஹம்ஸரூபேண மஹர்ஷிஂ ஸம்ஶிதவ்ரதம் ।
ஸாத்4யா தே3வா மஹாப்ராஜ்ஞஂ பர்யப்ருச்ச2ன்த வை புரா ॥ 2॥
ஸாத்4யா ஊசு: ।
ஸாத்4யா தே3வா வய்மஸ்மோ மஹர்ஷே
த்3ருஷ்ட்வா ப4வன்தஂ ந ஶக்னுமோனுமாதும் ।
ஶ்ருதேன தீ4ரோ பு3த்3தி4மாம்ஸ்த்வஂ மதோ ந:
காவ்யாஂ வாசஂ வக்துமர்ஹஸ்யுதா3ராம் ॥ 3॥
ஹம்ஸ உவாச ।
ஏதத்கார்யமமரா: ஸம்ஶ்ருதஂ மே
த்4ருதி: ஶம: ஸத்யத4ர்மானுவ்ருத்தி: ।
க்3ரன்தி2ஂ வினீய ஹ்ருத3யஸ்ய ஸர்வம்
ப்ரியாப்ரியே சாத்மவஶஂ நயீத ॥ 4॥
ஆக்ருஶ்யமானோ நாக்ரோஶேன்மன்யுரேவ திதிக்ஷித: ।
ஆக்ரோஷ்டாரஂ நிர்த3ஹதி ஸுக்ருதஂ சாஸ்ய வின்த3தி ॥ 5॥
நாக்ரோஶீ ஸ்யான்னாவமானீ பரஸ்ய
மித்ரத்3ரோஹீ நோத நீசோபஸேவீ ।
ந சாதிமானீ ந ச ஹீனவ்ருத்தோ
ரூக்ஷாஂ வாசஂ ருஶதீஂ வர்ஜயீத ॥ 6॥
மர்மாண்யஸ்தீ2னி ஹ்ருத3யஂ ததா2ஸூன்
கோ4ரா வாசோ நிர்த3ஹன்தீஹ பும்ஸாம் ।
தஸ்மாத்3வாசஂ ருஶதீஂ ரூக்ஷரூபாம்
த4ர்மாராமோ நித்யஶோ வர்ஜயீத ॥ 7॥
அருஂ துரஂ பருஷஂ ரூக்ஷவாசம்
வாக்கண்டகைர்விதுத3ன்தஂ மனுஷ்யான் ।
வித்3யாத3லக்ஷ்மீகதமஂ ஜனானாம்
முகே2 நிப3த்3தா4ஂ நிர்ருதிஂ வஹன்தம் ॥ 8॥
பரஶ்சேதே3னமதி4வித்4யேத பா3ணைர்
ப்4ருஶஂ ஸுதீக்ஷ்ணைரனலார்க தீ3ப்தை: ।
விரிச்யமானோப்யதிரிச்யமானோ
வித்3யாத்கவி: ஸுக்ருதஂ மே த3தா4தி ॥ 9॥
யதி3 ஸன்தஂ ஸேவதே யத்3யஸன்தம்
தபஸ்வினஂ யதி3 வா ஸ்தேனமேவ ।
வாஸோ யதா2 ரங்க3 வஶஂ ப்ரயாதி
ததா2 ஸ தேஷாஂ வஶமப்4யுபைதி ॥ 1௦॥
வாதஂ3 து யோ ந ப்ரவதே3ன்ன வாத3யேத்3
யோ நாஹத: ப்ரதிஹன்யான்ன கா4தயேத் ।
யோ ஹன்துகாமஸ்ய ந பாபமிச்சே2த்
தஸ்மை தே3வா: ஸ்ப்ருஹயன்த்யாக3தாய ॥ 11॥
அவ்யாஹ்ருதஂ வ்யாஹ்ருதாச்ச்2ரேய ஆஹு:
ஸத்யஂ வதே3த்3வ்யாஹ்ருதஂ தத்3த்3விதீயம் ।
ப்ரியம்வதே3த்3வ்யாஹ்ருதஂ தத்த்ருதீயம்
த4ர்ம்யஂ வதே3த்3வ்யாஹ்ருதஂ தச்சதுர்த2ம் ॥ 12॥
யாத்3ருஶை: ஸம்விவத3தே யாத்3ருஶாம்S சோபஸேவதே ।
யாத்3ருகி3ச்சே2ச்ச ப4விதுஂ தாத்3ருக்3ப4வதி பூருஷ: ॥ 13॥
யதோ யதோ நிவர்ததே ததஸ்ததோ விமுச்யதே ।
நிவர்தனாத்3தி4 ஸர்வதோ ந வேத்தி து3:க2மண்வபி ॥ 14॥
ந ஜீயதே நோத ஜிகீ3ஷதேன்யான்
ந வைரக்க்ருச்சாப்ரதிகா4தகS ச ।
நின்தா3 ப்ரஶம்ஸாஸு ஸமஸ்வபா4வோ
ந ஶோசதே ஹ்ருஷ்யதி நைவ சாயம் ॥ 15॥
பா4வமிச்ச2தி ஸர்வஸ்ய நாபா4வே குருதே மதிம் ।
ஸத்யவாதீ3 ம்ருது3ர்தா3ன்தோ ய: ஸ உத்தமபூருஷ: ॥ 16॥
நானர்த2கஂ ஸான்த்வயதி ப்ரதிஜ்ஞாய த3தா3தி ச ।
ராத்3தா4பராத்3தே4 ஜானாதி ய: ஸ மத்4யமபூருஷ: ॥ 17॥
து3:ஶாஸனஸ்தூபஹன்தா ந ஶாஸ்தா
நாவர்ததே மன்யுவஶாத்க்ருதக்4ன: ।
ந கஸ்ய சின்மித்ரமதோ2 து3ராத்மா
கலாஶ்சைதா அத4மஸ்யேஹ பும்ஸ: ॥ 18॥
ந ஶ்ரத்3த3தா4தி கல்யாணஂ பரேப்4யோப்யாத்மஶங்கித: ।
நிராகரோதி மித்ராணி யோ வை ஸோத4ம பூருஷ: ॥ 19॥
உத்தமானேவ ஸேவேத ப்ராப்தே காலே து மத்4யமான் ।
அத4மாம்ஸ்து ந ஸேவேத ய இச்சே2ச்ச்2ரேய ஆத்மன: ॥ 2௦॥
ப்ராப்னோதி வை வித்தமஸத்3ப3லேன
நித்யோத்தா2னாத்ப்ரஜ்ஞயா பௌருஷேண ।
ந த்வேவ ஸம்யக்3லப4தே ப்ரஶம்ஸாம்
ந வ்ருத்தமாப்னோதி மஹாகுலானாம் ॥ 21॥
த்4ருதராஷ்ட்ர உவாச ।
மஹாகுலானாஂ ஸ்ப்ருஹயன்தி தே3வா
த4ர்மார்த2வ்ருத்3தா4ஶ்ச ப3ஹுஶ்ருதாS ச ।
ப்ருச்சா2மி த்வாஂ விது3ர ப்ரஶ்னமேதம்
ப4வன்தி வை கானி மஹாகுலானி ॥ 22॥
விது3ர உவாச ।
தமோ த3மோ ப்3ரஹ்மவித்த்வஂ விதானா:
புண்யா விவாஹா: ஸததான்ன தா3னம் ।
யேஷ்வேவைதே ஸப்தகு3ணா ப4வன்தி
ஸம்யக்3வ்ருத்தாஸ்தானி மஹாகுலானி ॥ 23॥
யேஷாஂ ந வ்ருத்தஂ வ்யத2தே ந யோனிர்
வ்ருத்தப்ரஸாதே3ன சரன்தி த4ர்மம் ।
யே கீர்திமிச்ச2ன்தி குலே விஶிஷ்டாம்
த்யக்தான்ருதாஸ்தானி மஹாகுலானி ॥ 24॥
அனிஜ்யயாவிவாஹைர்ஶ்ச வேத3ஸ்யோத்ஸாத3னேன ச ।
குலான்யகுலதாஂ யான்தி த4ர்மஸ்யாதிக்ரமேண ச ॥ 25॥
தே3வ த்3ரவ்யவினாஶேன ப்3ரஹ்ம ஸ்வஹரணேன ச ।
குலான்யகுலதாஂ யான்தி ப்3ராஹ்மணாதிக்ரமேண ச ॥ 26॥
ப்3ராஹ்மணானாஂ பரிப4வாத்பரிவாதா3ச்ச பா4ரத ।
குலான்யகுலதாஂ யான்தி ந்யாஸாபஹரணேன ச ॥ 27॥
குலானி ஸமுபேதானி கோ3பி4: புருஷதோஶ்வத: ।
குலஸங்க்2யாஂ ந க3ச்ச2ன்தி யானி ஹீனானி வ்ருத்தத: ॥ 28॥
வ்ருத்ததஸ்த்வவிஹீனானி குலான்யல்பத4னான்யபி ।
குலஸங்க்2யாஂ து க3ச்ச2ன்தி கர்ஷன்தி ச மயத்3யஶ: ॥ 29॥
மா ந: குலே வைரக்ருத்கS சித3ஸ்து
ராஜாமாத்யோ மா பரஸ்வாபஹாரீ ।
மித்ரத்3ரோஹீ நைக்ருதிகோன்ருதீ வா
பூர்வாஶீ வா பித்ருதே3வாதிதி2ப்4ய: ॥ 3௦॥
யஶ்ச நோ ப்3ராஹ்மணஂ ஹன்யாத்3யஶ்ச நோ ப்3ராஹ்மணான்த்3விஷேத் ।
ந ந: ஸ ஸமிதிம் க3ச்சே2த்3யஶ்ச நோ நிர்வபேத்க்ருஷிம் ॥ 31॥
த்ருணானி பூ4மிருத3கஂ வாக்சதுர்தீ2 ச ஸூன்ருதா ।
ஸதாமேதானி கே3ஹேஷு நோச்சி2த்3யன்தே கதா3 சன ॥ 32॥
ஶ்ரத்3த4யா பரயா ராஜன்னுபனீதானி ஸத்க்ருதிம் ।
ப்ரவ்ருத்தானி மஹாப்ராஜ்ஞ த4ர்மிணாஂ புண்யகர்மணாம் ॥ 33॥
ஸூக்ஷ்மோபி பா4ரஂ ந்ருபதே ஸ்யன்த3னோ வை
ஶக்தோ வோடு4ஂ ந ததா2ன்யே மஹீஜா: ।
ஏவஂ யுக்தா பா4ரஸஹா ப4வன்தி
மஹாகுலீனா ந ததா2ன்யே மனுஷ்யா: ॥ 34॥
ந தன்மித்ரஂ யஸ்ய கோபாத்3பி3பே4தி
யத்3வா மித்ரஂ ஶங்கிதேனோபசர்யம் ।
யஸ்மின்மித்ரே பிதரீவாஶ்வஸீத
தத்3வை மித்ரஂ ஸங்க3தானீதராணி ॥ 35॥
யதி3 சேத3ப்யஸம்ப3ன்தோ4 மித்ரபா4வேன வர்ததே ।
ஸ ஏவ ப3ன்து4ஸ்தன்மித்ரஂ ஸா க3திஸ்தத்பராயணம் ॥ 36॥
சலசித்தஸ்ய வை பும்ஸோ வ்ருத்3தா4னநுபஸேவத: ।
பாரிப்லவமதேர்னித்யமத்4ருவோ மித்ர ஸங்க்3ரஹ: ॥ 37॥
சலசித்தமனாத்மானமின்த்3ரியாணாஂ வஶானுக3ம் ।
அர்தா2: ஸமதிவர்தன்தே ஹம்ஸா: ஶுஷ்கஂ ஸரோ யதா2 ॥ 38॥
அகஸ்மாதே3வ குப்யன்தி ப்ரஸீத3ன்த்யனிமித்தத: ।
ஶீலமேதத3ஸாதூ4னாமப்4ரஂ பாரிப்லவஂ யதா2 ॥ 39॥
ஸத்க்ருதாஶ்ச க்ருதார்தா2ஶ்ச மித்ராணாஂ ந ப4வன்தி யே ।
தான்ம்ருதானபி க்ரவ்யாதா3: க்ருதக்4னான்னோபபு4ஞ்ஜதே ॥ 4௦॥
அர்த2யேதே3வ மித்ராணி ஸதி வாஸதி வா த4னே ।
நானர்த2யன்விஜானாதி மித்ராணாஂ ஸாரப2ல்கு3தாம் ॥ 41॥
ஸன்தாபாத்3ப்4ரஶ்யதே ரூபஂ ஸன்தாபாத்3ப்4ரஶ்யதே ப3லம் ।
ஸன்தாபாத்3ப்4ரஶ்யதே ஜ்ஞானஂ ஸன்தாபாத்3வ்யாதி4ம்ருச்ச2தி ॥ 42॥
அனவாப்யஂ ச ஶோகேன ஶரீரஂ சோபதப்யதே ।
அமித்ராஶ்ச ப்ரஹ்ருஷ்யன்தி மா ஸ்ம ஶோகே மன: க்ருதா2: ॥ 43॥
புனர்னரோ ம்ரியதே ஜாயதே ச
புனர்னரோ ஹீயதே வர்த4தே புன: ।
புனர்னரோ யாசதி யாச்யதே ச
புனர்னர: ஶோசதி ஶோச்யதே புன: ॥ 44॥
ஸுகஂ2 ச து3:கஂ2 ச ப4வாப4வௌ ச
லாபா4லாபௌ4 மரணஂ ஜீவிதஂ ச ।
பர்யாயஶ: ஸர்வமிஹ ஸ்ப்ருஶன்தி
தஸ்மாத்3தீ4ரோ நைவ ஹ்ருஷ்யேன்ன ஶோசேத் ॥ 45॥
சலானி ஹீமானி ஷடி3ன்த்3ரியாணி
தேஷாஂ யத்3யத்3வர்ததே யத்ர யத்ர ।
ததஸ்தத: ஸ்ரவதே பு3த்3தி4ரஸ்ய
சி2த்3ரோத3 கும்பா4தி3வ நித்யமம்ப:4 ॥ 46॥
த்4ருதராஷ்ட்ர உவாச ।
தனுருச்ச:2 ஶிகீ2 ராஜா மித்2யோபசரிதோ மயா ।
மன்தா3னாஂ மம புத்ராணாஂ யுத்3தே4னான்தஂ கரிஷ்யதி ॥ 47॥
நித்யோத்3விக்3னமிதஂ3 ஸர்வஂ நித்யோத்3விக்3னமிதஂ3 மன: ।
யத்தத்பத3மனுத்3விக்3னஂ தன்மே வத3 மஹாமதே ॥ 48॥
விது3ர உவாச ।
நான்யத்ர வித்3யா தபஸோர்னான்யத்ரேன்த்3ரிய நிக்3ரஹாத் ।
நான்யத்ர லோப4ஸன்த்யாகா3ச்சா2ன்திஂ பஶ்யாம தேனக4 ॥ 49॥
பு3த்3த்4யா ப4யஂ ப்ரணுத3தி தபஸா வின்த3தே மஹத் ।
கு3ருஶுஶ்ரூஷயா ஜ்ஞானஂ ஶான்திஂ த்யாகே3ன வின்த3தி ॥ 5௦॥
அனாஶ்ரிதா தா3னபுண்யஂ வேத3 புண்யமனாஶ்ரிதா: ।
ராக3த்3வேஷவினிர்முக்தா விசரன்தீஹ மோக்ஷிண: ॥ 51॥
ஸ்வதீ4தஸ்ய ஸுயுத்3த4ஸ்ய ஸுக்ருதஸ்ய ச கர்மண: ।
தபஸஶ்ச ஸுதப்தஸ்ய தஸ்யான்தே ஸுக2மேத4தே ॥ 52॥
ஸ்வாஸ்தீர்ணானி ஶயனானி ப்ரபன்னா
ந வை பி4ன்னா ஜாது நித்3ராஂ லப4ன்தே ।
ந ஸ்த்ரீஷு ராஜன்ரதிமாப்னுவன்தி
ந மாக3தை4: ஸ்தூயமானா ந ஸூதை: ॥ 53॥
ந வை பி4ன்னா ஜாது சரன்தி த4ர்மம்
ந வை ஸுகஂ2 ப்ராப்னுவன்தீஹ பி4ன்னா: ।
ந வை பி4ன்னா கௌ3ரவஂ மானயன்தி
ந வை பி4ன்னா: ப்ரஶமஂ ரோசயன்தி ॥ 54॥
ந வை தேஷாஂ ஸ்வத3தே பத்2யமுக்தம்
யோக3க்ஷேமஂ கல்பதே நோத தேஷாம் ।
பி4ன்னானாஂ வை மனுஜேன்த்3ர பராயணம்
ந வித்3யதே கிஂ சித3ன்யத்3வினாஶாத் ॥ 55॥
ஸம்பா4வ்யம் கோ3ஷு ஸம்பன்னஂ ஸம்பா4வ்யம் ப்3ராஹ்மணே தப: ।
ஸம்பா4வ்யஂ ஸ்த்ரீஷு சாபல்யஂ ஸம்பா4வ்யஂ ஜ்ஞாதிதோ ப4யம் ॥ 56॥
தன்தவோப்யாயதா நித்யஂ தன்தவோ ப3ஹுலா: ஸமா: ।
ப3ஹூன்ப3ஹுத்வாதா3யாஸான்ஸஹன்தீத்யுபமா ஸதாம் ॥ 57॥
தூ4மாயன்தே வ்யபேதானி ஜ்வலன்தி ஸஹிதானி ச ।
த்4ருதராஷ்ட்ரோல்முகானீவ ஜ்ஞாதயோ ப4ரதர்ஷப4 ॥ 58॥
ப்3ராஹ்மணேஷு ச யே ஶூரா: ஸ்த்ரீஷு ஜ்ஞாதிஷு கோ3ஷு ச ।
வ்ருன்தாதி3வ ப2லஂ பக்வம் த்4ருதராஷ்ட்ர பதன்தி தே ॥ 59॥
மஹானப்யேகஜோ வ்ருக்ஷோ ப3லவான்ஸுப்ரதிஷ்டி2த: ।
ப்ரஸஹ்ய ஏவ வாதேன ஶாகா2 ஸ்கன்தஂ4 விமர்தி3தும் ॥ 6௦॥
அத2 யே ஸஹிதா வ்ருக்ஷா: ஸங்க4ஶ: ஸுப்ரதிஷ்டி2தா: ।
தே ஹி ஶீக்4ரதமான்வாதான்ஸஹன்தேன்யோன்யஸம்ஶ்ரயாத் ॥ 61॥
ஏவஂ மனுஷ்யமப்யேகம் கு3ணைரபி ஸமன்விதம் ।
ஶக்யம் த்3விஷன்தோ மன்யன்தே வாயுர்த்3ருமமிவௌகஜம் ॥ 62॥
அன்யோன்யஸமுபஷ்டம்பா4த3ன்யோன்யாபாஶ்ரயேண ச ।
ஜ்ஞாதய: ஸம்ப்ரவர்த4ன்தே ஸரஸீவோத்பலான்யுத ॥ 63॥
அவத்4யா ப்3ராஹ்மணா கா3வோ ஸ்த்ரியோ பா3லாஶ்ச ஜ்ஞாதய: ।
யேஷாஂ சான்னானி பு4ஞ்ஜீத யே ச ஸ்யு: ஶரணாக3தா: ॥ 64॥
ந மனுஷ்யே கு3ண: கஶ்சித3ன்யோ த4னவதாஂ அபி ।
அனாதுரத்வாத்3ப4த்3ரஂ தே ம்ருதகல்பா ஹி ரோகி3ண: ॥ 65॥
அவ்யாதி4ஜஂ கடுகஂ ஶீர்ஷ ரோக3ம்
பாபானுப3ன்தஂ4 பருஷஂ தீக்ஷ்ணமுக்3ரம் ।
ஸதாஂ பேயஂ யன்ன பிப3ன்த்யஸன்தோ
மன்யுஂ மஹாராஜ பிப3 ப்ரஶாம்ய ॥ 66॥
ரோகா3ர்தி3தா ந ப2லான்யாத்3ரியன்தே
ந வை லப4ன்தே விஷயேஷு தத்த்வம் ।
து3:கோ2பேதா ரோகி3ணோ நித்யமேவ
ந பு3த்4யன்தே த4னபோ4கா3ன்ன ஸௌக்2யம் ॥ 67॥
புரா ஹ்யுக்தோ நாகரோஸ்த்வஂ வசோ மே
த்3யூதே ஜிதாம் த்3ரௌபதீ3ஂ ப்ரேக்ஷ்ய ராஜன் ।
து3ர்யோத4னஂ வாரயேத்யக்ஷவத்யாம்
கிதவத்வஂ பண்டி3தா வர்ஜயன்தி ॥ 68॥
ந தத்3ப3லஂ யன்ம்ருது3னா விருத்4யதே
மிஶ்ரோ த4ர்மஸ்தரஸா ஸேவிதவ்ய: ।
ப்ரத்4வம்ஸினீ க்ரூரஸமாஹிதா ஶ்ரீர்
ம்ருது3ப்ரௌடா4 க3ச்ச2தி புத்ரபௌத்ரான் ॥ 69॥
தா4ர்தராஷ்ட்ரா: பாண்ட3வான்பாலயன்து
பாண்டோ3: ஸுதாஸ்தவ புத்ராம்ஶ்ச பான்து ।
ஏகாரிமித்ரா: குரவோ ஹ்யேகமன்த்ரா
ஜீவன்து ராஜன்ஸுகி2ன: ஸம்ருத்3தா4: ॥ 7௦॥
மேடீ4பூ4த: கௌரவாணாஂ த்வமத்3ய
த்வய்யாதீ4னஂ குரு குலமாஜமீட4 ।
பார்தா2ன்பா3லான்வனவாஸ ப்ரதப்தான்
கோ3பாயஸ்வ ஸ்வஂ யஶஸ்தாத ரக்ஷன் ॥ 71॥
ஸன்த4த்ஸ்வ த்வஂ கௌரவான்பாண்டு3புத்ரைர்
மா தேன்தரஂ ரிபவ: ப்ரார்த2யன்து ।
ஸத்யே ஸ்தி2தாஸ்தே நரதே3வ ஸர்வே
து3ர்யோத4னஂ ஸ்தா2பய த்வஂ நரேன்த்3ர ॥ 72॥
॥ இதி ஶ்ரீமஹாபா4ரதே உத்3யோக3பர்வணி ப்ரஜாக3ரபர்வணி
விது3ரஹிதவாக்யே ஷட்த்ரிம்ஶோத்4யாய: ॥ 36॥
Browse Related Categories:
