లోకవీరం మహాపూజ్యం సర్వరక్షాకరం విభుమ్ ।
పార్వతీ హృదయానన్దం శాస్తారం ప్రణమామ్యహమ్ ॥ 1 ॥

విప్రపూజ్యం విశ్వవన్ద్యం విష్ణుశమ్భోః ప్రియం సుతమ్ ।
క్షిప్రప్రసాదనిరతం శాస్తారం ప్రణమామ్యహమ్ ॥ 2 ॥

మత్తమాతఙ్గగమనం కారుణ్యామృతపూరితమ్ ।
సర్వవిఘ్నహరం దేవం శాస్తారం ప్రణమామ్యహమ్ ॥ 3 ॥

అస్మత్కులేశ్వరం దేవమ్-అస్మచ్ఛత్రు వినాశనమ్ ।
అస్మదిష్టప్రదాతారం శాస్తారం ప్రణమామ్యహమ్ ॥ 4 ॥

పాణ్డ్యేశవంశతిలకం కేరలే కేలివిగ్రహమ్ ।
ఆర్తత్రాణపరం దేవం శాస్తారం ప్రణమామ్యహమ్ ॥ 5 ॥

పఞ్చరత్నాఖ్యమేతద్యో నిత్యం శుద్ధః పఠేన్నరః ।
తస్య ప్రసన్నో భగవాన్ శాస్తా వసతి మానసే ॥

ఇతి శ్రీ శాస్తా పఞ్చరత్నమ్ ।

——

అథ శాస్తా నమస్కార శ్లోకాః ।

త్రయమ్బకపురాధీశం గణాధిపసమన్వితమ్ ।
గజారూఢమహం వన్దే శాస్తారం ప్రణమామ్యహమ్ ॥ 1 ॥

శివవీర్యసముద్భూతం శ్రీనివాసతనూద్భవమ్ ।
శిఖివాహానుజం వన్దే శాస్తారం ప్రణమామ్యహమ్ ॥ 2 ॥

యస్య ధన్వన్తరిర్మాతా పితా దేవో మహేశ్వరః ।
తం శాస్తారమహం వన్దే మహారోగనివారణమ్ ॥ 3 ॥

భూతనాథ సదానన్ద సర్వభూతదయాపర ।
రక్ష రక్ష మహాబాహో శాస్త్రే తుభ్యం నమో నమః ॥ 4 ॥