PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

മൂക പംച ശതി 1 - ആര്യ ശതകമ്


കാരണപരചിദ്രൂപാ കാംചീപുരസീമ്നി കാമപീഠഗതാ |
കാചന വിഹരതി കരുണാ കാശ്മീരസ്തബകകോമലാംഗലതാ ‖1‖

കംചന കാംചീനിലയം കരധൃതകോദംഡബാണസൃണിപാശമ് |
കഠിനസ്തനഭരനമ്രം കൈവല്യാനംദകംദമവലംബേ ‖2‖

ചിംതിതഫലപരിപോഷണചിംതാമണിരേവ കാംചിനിലയാ മേ |
ചിരതരസുചരിതസുലഭാ ചിത്തം ശിശിരയതു ചിത്സുഖാധാരാ ‖3‖

കുടിലകചം കഠിനകുചം കുംദസ്മിതകാംതി കുംകുമച്ഛായമ് |
കുരുതേ വിഹൃതിം കാംച്യാം കുലപര്വതസാര്വഭൌമസര്വസ്വമ് ‖4‖

പംചശരശാസ്ത്രബോധനപരമാചാര്യേണ ദൃഷ്ടിപാതേന |
കാംചീസീമ്നി കുമാരീ കാചന മോഹയതി കാമജേതാരമ് ‖5‖

പരയാ കാംചീപുരയാ പര്വതപര്യായപീനകുചഭരയാ |
പരതംത്രാ വയമനയാ പംകജസബ്രഹ്മചാരിലോചനയാ ‖6‖

ഐശ്വര്യമിംദുമൌലേരൈകത്മ്യപ്രകൃതി കാംചിമധ്യഗതമ് |
ഐംദവകിശോരശേഖരമൈദംപര്യം ചകാസ്തി നിഗമാനാമ് ‖7‖

ശ്രിതകംപസീമാനം ശിഥിലിതപരമശിവധൈര്യമഹിമാനമ് |
കലയേ പടലിമാനം കംചന കംചുകിതഭുവനഭൂമാനമ് ‖8‖

ആദൃതകാംചീനിലയമാദ്യാമാരൂഢയൌവനാടോപാമ് |
ആഗമവതംസകലികാമാനംദാദ്വൈതകംദലീം വംദേ ‖9‖

തുംഗാഭിരാമകുചഭരശൃംഗാരിതമാശ്രയാമി കാംചിഗതമ് |
ഗംഗാധരപരതംത്രം ശൃംഗാരാദ്വൈതതംത്രസിദ്ധാംതമ് ‖10‖

കാംചീരത്നവിഭൂഷാം കാമപി കംദര്പസൂതികാപാംഗീമ് |
പരമാം കലാമുപാസേ പരശിവവാമാംകപീഠികാസീനാമ് ‖11‖

കംപാതീചരാണാം കരുണാകോരകിതദൃഷ്ടിപാതാനാമ് |
കേലീവനം മനോ മേ കേഷാംചിദ്ഭവതു ചിദ്വിലാസാനാമ് ‖12‖

ആമ്രതരുമൂലവസതേരാദിമപുരുഷസ്യ നയനപീയൂഷമ് |
ആരബ്ധയൌവനോത്സവമാമ്നായരഹസ്യമംതരവലംബേ ‖13‖

അധികാംചി പരമയോഗിഭിരാദിമപരപീഠസീമ്നി ദൃശ്യേന |
അനുബദ്ധം മമ മാനസമരുണിമസര്വസ്വസംപ്രദായേന ‖14‖

അംകിതശംകരദേഹാമംകുരിതോരോജകംകണാശ്ലേഷൈഃ |
അധികാംചി നിത്യതരുണീമദ്രാക്ഷം കാംചിദദ്ഭുതാം ബാലാമ് ‖15‖

മധുരധനുഷാ മഹീധരജനുഷാ നംദാമി സുരഭിബാണജുഷാ |
ചിദ്വപുഷാ കാംചിപുരേ കേലിജുഷാ ബംധുജീവകാംതിമുഷാ ‖16‖

മധുരസ്മിതേന രമതേ മാംസലകുചഭാരമംദഗമനേന |
മധ്യേകാംചി മനോ മേ മനസിജസാമ്രാജ്യഗര്വബീജേന ‖17‖

ധരണിമയീം തരണിമയീം പവനമയീം ഗഗനദഹനഹോതൃമയീമ് |
അംബുമയീമിംദുമയീമംബാമനുകംപമാദിമാമീക്ഷേ ‖18‖

ലീനസ്ഥിതി മുനിഹൃദയേ ധ്യാനസ്തിമിതം തപസ്യദുപകംപമ് |
പീനസ്തനഭരമീഡേ മീനധ്വജതംത്രപരമതാത്പര്യമ് ‖19‖

ശ്വേതാ മംഥരഹസിതേ ശാതാ മധ്യേ ച വാഡ്ഭനോഽതീതാ |
ശീതാ ലോചനപാതേ സ്ഫീതാ കുചസീമ്നി ശാശ്വതീ മാതാ ‖20‖

പുരതഃ കദാ ന കരവൈ പുരവൈരിവിമര്ദപുലകിതാംഗലതാമ് |
പുനതീം കാംചീദേശം പുഷ്പായുധവീര്യസരസപരിപാടീമ് ‖21‖

പുണ്യാ കാഽപി പുരംധ്രീ പുംഖിതകംദര്പസംപദാ വപുഷാ |
പുലിനചരീ കംപായാഃ പുരമഥനം പുലകനിചുലിതം കുരുതേ ‖22‖

തനിമാദ്വൈതവലഗ്നം തരുണാരുണസംപ്രദായതനുലേഖമ് |
തടസീമനി കംപായാസ്തരുണിമസര്വസ്വമാദ്യമദ്രാക്ഷമ് ‖23‖

പൌഷ്ടികകര്മവിപാകം പൌഷ്പശരം സവിധസീമ്നി കംപായാഃ |
അദ്രാക്ഷമാത്തയൌവനമഭ്യുദയം കംചിദര്ധശശിമൌലൈഃ ‖24‖

സംശ്രിതകാംചീദേശേ സരസിജദൌര്ഭാഗ്യജാഗ്രദുത്തംസേ |
സംവിന്മയേ വിലീയേ സാരസ്വതപുരുഷകാരസാമ്രാജ്യേ ‖25‖

മോദിതമധുകരവിശിഖം സ്വാദിമസമുദായസാരകോദംഡമ് |
ആദൃതകാംചീഖേലനമാദിമമാരുണ്യഭേദമാകലയേ ‖26‖

ഉരരീകൃതകാംചിപുരീമുപനിഷദരവിംദകുഹരമധുധാരാമ് |
ഉന്നമ്രസ്തനകലശീമുത്സവലഹരീമുപാസ്മഹേ ശംഭോഃ ‖27‖

ഏണശിശുദീര്ഘലോചനമേനഃപരിപംഥി സംതതം ഭജതാമ് |
ഏകാമ്രനാഥജീവിതമേവംപദദൂരമേകമവലംബേ ‖28‖

സ്മയമാനമുഖം കാംചീഭയമാനം കമപി ദേവതാഭേദമ് |
ദയമാനം വീക്ഷ്യ മുഹുര്വയമാനംദാമൃതാംബുധൌ മഗ്നാഃ ‖29‖

കുതുകജുഷി കാംചിദേശേ കുമുദതപോരാശിപാകശേഖരിതേ |
കുരുതേ മനോവിഹാരം കുലഗിരിപരിബൃഢകുലൈകമണിദീപേ ‖30‖

വീക്ഷേമഹി കാംചിപുരേ വിപുലസ്തനകലശഗരിമപരവശിതമ് |
വിദ്രുമസഹചരദേഹം വിഭ്രമസമവായസാരസന്നാഹമ് ‖31‖

കുരുവിംദഗോത്രഗാത്രം കൂലചരം കമപി നൌമി കംപായാഃ |
കൂലംകഷകുചകുംഭം കുസുമായുധവീര്യസാരസംരംഭമ് ‖32‖

കുഡൂമലിതകുചകിശോരൈഃ കുര്വാണൈഃ കാംചിദേശസൌഹാര്ദമ് |
കുംകുമശോണൈര്നിചിതം കുശലപഥം ശംഭുസുകൃതസംഭാരൈഃ ‖33‖

അംകിതകചേന കേനചിദംധംകരണൌഷധേന കമലാനാമ് |
അംതഃപുരേണ ശംഭോരലംക്രിയാ കാഽപി കല്പ്യതേ കാംച്യാമ് ‖34‖

ഊരീകരോമി സംതതമൂഷ്മലഫാലേന ലലിതം പുംസാ |
ഉപകംപമുചിതഖേലനമുര്വീധരവംശസംപദുന്മേഷമ് ‖35‖

അംകുരിതസ്തനകോരകമംകാലംകാരമേകചൂതപതേഃ |
ആലോകേമഹി കോമലമാഗമസംലാപസാരയാഥാര്ഥ്യമ് ‖36‖

പുംജിതകരുണമുദംചിതശിംജിതമണികാംചി കിമപി കാംചിപുരേ |
മംജരിതമൃദുലഹാസം പിംജരതനുരുചി പിനാകിമൂലധനമ് ‖37‖

ലോലഹൃദയോഽസ്തി ശംഭോര്ലോചനയുഗലേന ലേഹ്യമാനായാമ് |
ലലിതപരമശിവായാം ലാവണ്യാമൃതതരംഗമാലായാമ് ‖38‖

മധുകരസഹചരചികുരൈര്മദനാഗമസമയദീക്ഷിതകടാക്ഷൈഃ |
മംഡിതകംപാതീരൈര്മംഗലകംദൈര്മമാസ്തു സാരൂപ്യമ് ‖39‖

വദനാരവിംദവക്ഷോവാമാംകതടീവശംവദീഭൂതാ |
പൂരുഷത്രിതയേ ത്രേധാ പുരംധ്രിരൂപാ ത്വമേവ കാമാക്ഷി ‖40‖

ബാധാകരീം ഭവാബ്ധേരാധാരാദ്യംബുജേഷു വിചരംതീമ് |
ആധാരീകൃതകാംചീ ബോധാമൃതവീചിമേവ വിമൃശാമഃ ‖41‖

കലയാമ്യംതഃ ശശധരകലയാഽംകിതമൌലിമമലചിദ്വലയാമ് |
അലയാമാഗമപീഠീനിലയാം വലയാംകസുംദരീമംബാമ് ‖42‖

ശര്വാദിപരമസാധകഗുര്വാനീതായ കാമപീഠജുഷേ |
സര്വാകൃതയേ ശോണിമഗര്വായാസ്മൈ സമര്പ്യതേ ഹൃദയമ് ‖43‖

സമയാ സാംധ്യമയൂഖൈഃ സമയാ ബുദ്ധയാ സദൈവ ശീലിതയാ |
ഉമയാ കാംചീരതയാ ന മയാ ലഭ്യതേ കിം നു താദാത്മ്യമ് ‖44‖

ജംതോസ്തവ പദപൂജനസംതോഷതരംഗിതസ്യ കാമാക്ഷി |
വംധോ യദി ഭവതി പുനഃ സിംധോരംഭസ്സു ബംഭ്രമീതി ശിലാ ‖45‖

കുംഡലി കുമാരി കുടിലേ ചംഡി ചരാചരസവിത്രി ചാമുംഡേ |
ഗുണിനി ഗുഹാരിണി ഗുഹ്യേ ഗുരുമൂര്തേ ത്വാം നമാമി കാമാക്ഷി ‖46‖

അഭിദാകൃതിര്ഭിദാകൃതിരചിദാകൃതിരപി ചിദാകൃതിര്മാതഃ |
അനഹംതാ ത്വമഹംതാ ഭ്രമയസി കാമാക്ഷി ശാശ്വതീ വിശ്വമ് ‖47‖

ശിവ ശിവ പശ്യംതി സമം ശ്രീകാമാക്ഷീകടാക്ഷിതാഃ പുരുഷാഃ |
വിപിനം ഭവനമമിത്രം മിത്രം ലോഷ്ടം ച യുവതിബിംബോഷ്ഠമ് ‖48‖

കാമപരിപംഥികാമിനി കാമേശ്വരി കാമപീഠമധ്യഗതേ |
കാമദുഘാ ഭവ കമലേ കാമകലേ കാമകോടി കാമാക്ഷി ‖49‖

മധ്യേഹൃദയം മധ്യേനിടിലം മധ്യേശിരോഽപി വാസ്തവ്യാമ് |
ചംഡകരശക്രകാര്മുകചംദ്രസമാഭാം നമാമി കാമാക്ഷീമ് ‖50‖

അധികാംചി കേലിലോലൈരഖിലാഗമയംത്രതംത്രമയൈഃ |
അതിശീതം മമ മാനസമസമശരദ്രോഹിജീവനോപായൈഃ ‖51‖

നംദതി മമ ഹൃദി കാചന മംദിരയംതാ നിരംതരം കാംചീമ് |
ഇംദുരവിമംഡലകുചാ ബിംദുവിയന്നാദപരിണതാ തരുണീ ‖52‖

ശംപാലതാസവര്ണം സംപാദയിതും ഭവജ്വരചികിത്സാമ് |
ലിംപാമി മനസി കിംചന കംപാതടരോഹി സിദ്ധഭൈഷജ്യമ് ‖53‖

അനുമിതകുചകാഠിന്യാമധിവക്ഷഃപീഠമംഗജന്മരിപോഃ |
ആനംദദാം ഭജേ താമാനംഗബ്രഹ്മതത്വബോധസിരാമ് ‖54‖

ഐക്ഷിഷി പാശാംകുശധരഹസ്താംതം വിസ്മയാര്ഹവൃത്താംതമ് |
അധികാംചി നിഗമവാചാം സിദ്ധാംതം ശൂലപാണിശുദ്ധാംതമ് ‖55‖

ആഹിതവിലാസഭംഗീമാബ്രഹ്മസ്തംബശില്പകല്പനയാ |
ആശ്രിതകാംചീമതുലാമാദ്യാം വിസ്ഫൂര്തിമാദ്രിയേ വിദ്യാമ് ‖56‖

മൂകോഽപി ജടിലദുര്ഗതിശോകോഽപി സ്മരതി യഃ ക്ഷണം ഭവതീമ് |
ഏകോ ഭവതി സ ജംതുര്ലോകോത്തരകീര്തിരേവ കാമാക്ഷി ‖57‖

പംചദശവര്ണരൂപം കംചന കാംചീവിഹാരധൌരേയമ് |
പംചശരീയം ശംഭോര്വംചനവൈദഗ്ധ്യമൂലമവലംബേ ‖58‖

പരിണതിമതീം ചതുര്ധാ പദവീം സുധിയാം സമേത്യ സൌഷുമ്നീമ് |
പംചാശദര്ണകല്പിതമദശില്പാം ത്വാം നമാമി കാമാക്ഷി ‖59‖

ആദിക്ഷന്മമ ഗുരുരാഡാദിക്ഷാംതാക്ഷരാത്മികാം വിദ്യാമ് |
സ്വാദിഷ്ഠചാപദംഡാം നേദിഷ്ഠാമേവ കാമപീഠഗതാമ് ‖60‖

തുഷ്യാമി ഹര്ഷിതസ്മരശാസനയാ കാംചിപുരകൃതാസനയാ |
സ്വാസനയാ സകലജഗദ്ഭാസനയാ കലിതശംബരാസനയാ ‖61‖

പ്രേമവതീ കംപായാം സ്ഥേമവതീ യതിമനസ്സു ഭൂമവതീ |
സാമവതീ നിത്യഗിരാ സോമവതീ ശിരസി ഭാതി ഹൈമവതീ ‖62‖

കൌതുകിനാ കംപായാം കൌസുമചാപേന കീലിതേനാംതഃ |
കുലദൈവതേന മഹതാ കുഡ്മലമുദ്രാം ധുനോതു നഃപ്രതിഭാ ‖63‖

യൂനാ കേനാപി മിലദ്ദേഹാ സ്വാഹാസഹായതിലകേന |
സഹകാരമൂലദേശേ സംവിദ്രൂപാ കുടുംബിനീ രമതേ ‖64‖

കുസുമശരഗര്വസംപത്കോശഗൃഹം ഭാതി കാംചിദേശഗതമ് |
സ്ഥാപിതമസ്മിന്കഥമപി ഗോപിതമംതര്മയാ മനോരത്നമ് ‖65‖

ദഗ്ധഷഡധ്വാരണ്യം ദരദലിതകുസുംഭസംഭൃതാരുണ്യമ് |
കലയേ നവതാരുണ്യം കംപാതടസീമ്നി കിമപി കാരുണ്യമ് ‖66‖

അധികാംചി വര്ധമാനാമതുലാം കരവാണി പാരണാമക്ഷ്ണോഃ |
ആനംദപാകഭേദാമരുണിമപരിണാമഗര്വപല്ലവിതാമ് ‖67‖

ബാണസൃണിപാശകാര്മുകപാണിമമും കമപി കാമപീഠഗതമ് |
ഏണധരകോണചൂഡം ശോണിമപരിപാകഭേദമാകലയേ ‖68‖

കിം വാ ഫലതി മമാന്യൌര്ബിംബാധരചുംബിമംദഹാസമുഖീ |
സംബാധകരീ തമസാമംബാ ജാഗര്തി മനസി കാമാക്ഷീ ‖69‖

മംചേ സദാശിവമയേ പരിശിവമയലലിതപൌഷ്പപര്യംകേ |
അധിചക്രമധ്യമാസ്തേ കാമാക്ഷീ നാമ കിമപി മമ ഭാഗ്യമ് ‖70‖

രക്ഷ്യോഽസ്മി കാമപീഠീലാസികയാ ഘനകൃപാംബുരാശികയാ |
ശ്രുതിയുവതികുംതലീമണിമാലികയാ തുഹിനശൈലബാലികയാ ‖71‖

ലീയേ പുരഹരജായേ മായേ തവ തരുണപല്ലവച്ഛായേ |
ചരണേ ചംദ്രാഭരണേ കാംചീശരണേ നതാര്തിസംഹരണേ ‖72‖

മൂര്തിമതി മുക്തിബീജേ മൂര്ധ്നി സ്തബകിതചകോരസാമ്രാജ്യേ |
മോദിതകംപാകൂലേ മുഹുര്മുഹുര്മനസി മുമുദിഷാഽസ്മാകമ് ‖73‖

വേദമയീം നാദമയീം ബിംദുമയീം പരപദോദ്യദിംദുമയീമ് |
മംത്രമയീം തംത്രമയീം പ്രകൃതിമയീം നൌമി വിശ്വവികൃതിമയീമ് ‖74‖

പുരമഥനപുണ്യകോടീ പുംജിതകവിലോകസൂക്തിരസധാടീ |
മനസി മമ കാമകോടീ വിഹരതു കരുണാവിപാകപരിപാടീ ‖75‖

കുടിലം ചടുലം പൃഥുലം മൃദുലം കചനയനജഘനചരണേഷു |
അവലോകിതമവലംബിതമധികംപാതടമമേയമസ്മാഭിഃ ‖76‖

പ്രത്യങ്മുഖ്യാ ദൃഷ്ടയാ പ്രസാദദീപാംകുരേണ കാമാക്ഷ്യാഃ |
പശ്യാമി നിസ്തുലമഹോ പചേലിമം കമപി പരശിവോല്ലാസമ് ‖77‖

വിദ്യേ വിധാതൃവിഷയേ കാത്യായനി കാലി കാമകോടികലേ |
ഭാരതി ഭൈരവി ഭദ്രേ ശാകിനി ശാംഭവി ശിവേ സ്തുവേ ഭവതീമ് ‖78‖

മാലിനി മഹേശചാലിനി കാംചീഖേലിനി വിപക്ഷകാലിനി തേ |
ശൂലിനി വിദ്രുമശാലിനി സുരജനപാലിനി കപാലിനി നമോഽസ്തു ‖79‖

ദേശിക ഇതി കിം ശംകേ തത്താദൃക്തവ നു തരുണിമോന്മേഷഃ |
കാമാക്ഷി ശൂലപാണേഃ കാമാഗമസമയദീക്ഷായാമ് ‖80‖

വേതംഡകുംഭഡംബരവൈതംഡികകുചഭരാര്തമധ്യായ |
കുംകുമരുചേ നമസ്യാം ശംകരനയനാമൃതായ രചയാമഃ ‖81‖

അധികാംചിതമണികാംചനകാംചീമധികാംചി കാംചിദദ്രാക്ഷമ് |
അവനതജനാനുകംപാമനുകംപാകൂലമസ്മദനുകൂലാമ് ‖82‖

പരിചിതകംപാതീരം പര്വതരാജന്യസുകൃതസന്നാഹമ് |
പരഗുരുകൃപയാ വീക്ഷേ പരമശിവോത്സംഗമംഗലാഭരണമ് ‖83‖

ദഗ്ധമദനസ്യ ശംഭോഃ പ്രഥീയസീം ബ്രഹ്മചര്യവൈദഗ്ധീമ് |
തവ ദേവി തരുണിമശ്രീചതുരിമപാകോ ന ചക്ഷമേ മാതഃ ‖84‖

മദജലതമാലപത്രാ വസനിതപത്രാ കരാദൃതഖാനിത്രാ |
വിഹരതി പുലിംദയോഷാ ഗുംജാഭൂഷാ ഫണീംദ്രകൃതവേഷാ ‖85‖

അംകേ ശുകിനീ ഗീതേ കൌതുകിനീ പരിസരേ ച ഗായകിനീ |
ജയസി സവിധേഽംബ ഭൈരവമംഡലിനീ ശ്രവസി ശംഖകുന്ഡലിനീ ‖86‖

പ്രണതജനതാപവര്ഗാ കൃതബഹുസര്ഗാ സസിംഹസംസര്ഗാ |
കാമാക്ഷി മുദിതഭര്ഗാ ഹതരിപുവര്ഗാ ത്വമേവ സാ ദുര്ഗാ ‖87‖

ശ്രവണചലദ്വേതംഡാ സമരോദ്ദംഡാ ധുതാസുരശിഖംഡാ |
ദേവി കലിതാംത്രഷംഡാ ധൃതനരമുംഡാ ത്വമേവ ചാമുംഡാ ‖88‖

ഉര്വീധരേംദ്രകന്യേ ദര്വീഭരിതേന ഭക്തപൂരേണ |
ഗുര്വീമകിംചനാര്തി ഖര്വീകുരുഷേ ത്വമേവ കാമാക്ഷി ‖89‖

താഡിതരിപുപരിപീഡനഭയഹരണ നിപുണഹലമുസലാ |
ക്രോഡപതിഭീഷണമുഖീ ക്രീഡസി ജഗതി ത്വമേവ കാമാക്ഷി ‖90‖

സ്മരമഥനവരണലോലാ മന്മഥഹേലാവിലാസമണിശാലാ |
കനകരുചിചൌര്യശീലാ ത്വമംബ ബാലാ കരാബ്ജധൃതമാലാ ‖91‖

വിമലപടീ കമലകുടീ പുസ്തകരുദ്രാക്ഷശസ്തഹസ്തപുടീ |
കാമാക്ഷി പക്ഷ്മലാക്ഷീ കലിതവിപംചീ വിഭാസി വൈരിംചീ ‖92‖

കുംകുമരുചിപിംഗമസൃക്പംകിലമുംഡാലിമംഡിതം മാതഃ |
ശ്രീകാമാക്ഷി തദീയസംഗമകലാമംദീഭവത്കൌതുകഃ
ജയതി തവ രൂപധേയം ജപപടപുസ്തകവരാഭയകരാബ്ജമ് ‖93‖

കനകമണികലിതഭൂഷാം കാലായസകലഹശീലകാംതികലാമ് |
കാമാക്ഷി ശീലയേ ത്വാം കപാലശൂലാഭിരാമകരകമലാമ് ‖94‖

ലോഹിതിമപുംജമധ്യേ മോഹിതഭുവനേ മുദാ നിരീക്ഷംതേ |
വദനം തവ കുവയുഗലം കാംചീസീമാം ച കേഽപി കാമാക്ഷി ‖95‖

ജലധിദ്വിഗുണിതഹുതബഹദിശാദിനേശ്വരകലാശ്വിനേയദലൈഃ |
നലിനൈര്മഹേശി ഗച്ഛസി സര്വോത്തരകരകമലദലമമലമ് ‖96‖

സത്കൃതദേശികചരണാഃ സബീജനിര്ബീജയോഗനിശ്രേണ്യാ |
അപവര്ഗസൌധവലഭീമാരോഹംത്യംബ കേഽപി തവ കൃപയാ ‖97‖

അംതരപി ബഹിരപി ത്വം ജംതുതതേരംതകാംതകൃദഹംതേ |
ചിംതിതസംതാനവതാം സംതതമപി തംതനീഷി മഹിമാനമ് ‖98‖

കലമംജുലവാഗനുമിതഗലപംജരഗതശുകഗ്രഹൌത്കംഠ്യാത് |
അംബ രദനാംബരം തേ ബിംബഫലം ശംബരാരിണാ ന്യസ്തമ് ‖99‖

ജയ ജയ ജഗദംബ ശിവേ ജയ ജയ കാമാക്ഷി ജയ ജയാദ്രിസുതേ |
ജയ ജയ മഹേശദയിതേ ജയ ജയ ചിദ്ഗഗനകൌമുദീധാരേ ‖100‖

ആര്യാശതകം ഭക്ത്യാ പഠതാമാര്യാകടാക്ഷേണ |
നിസ്സരതി വദനകമലാദ്വാണീ പീയൂഷധോരണീ ദിവ്യാ ‖101‖

‖ ഇതി ആര്യാശതകം സംപൂര്ണമ് ‖