ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಪ್ರಥಮಕಾಂಡೇ ದ್ವಿತೀಯಃ ಪ್ರಶ್ನಃ - (ಅಗ್ನಿಷ್ಟೋಮೇ ಕ್ರಯಃ)

ಓಂ ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

1.2 ಪ್ರಥಮಕಾಂಡೇ ದ್ವಿತೀಯಃ ಪ್ರಶ್ನಃ - (ಅಗ್ನಿಷ್ಟೋಮೇ ಕ್ರಯಃ)

ಆಪ॑ ಉಂದಂತು ಜೀ॒ವಸೇ॑ ದೀರ್ಘಾಯು॒ತ್ವಾಯ॒ ವರ್ಚ॑ಸ॒ ಓಷ॑ಧೇ॒ ತ್ರಾಯ॑ಸ್ವೈನ॒ಗ್ಗ್॒ ಸ್ವಧಿ॑ತೇ॒ ಮೈನಗ್ಂ॑ ಹಿಗ್ಂಸೀ-ರ್ದೇವ॒ಶ್ರೂರೇ॒ತಾನಿ॒ ಪ್ರ ವ॑ಪೇ ಸ್ವ॒ಸ್ತ್ಯುತ್ತ॑ರಾಣ್ಯಶೀ॒ಯಾಪೋ॑ ಅ॒ಸ್ಮಾನ್ ಮಾ॒ತರಃ॑ ಶುಂಧಂತು ಘೃ॒ತೇನ॑ ನೋ ಘೃತ॒ಪುವಃ॑ ಪುನಂತು॒ ವಿಶ್ವ॑ಮ॒ಸ್ಮತ್ ಪ್ರ ವ॑ಹಂತು ರಿ॒ಪ್ರಮುದಾ᳚ಭ್ಯಃ॒ ಶುಚಿ॒ರಾ ಪೂ॒ತ ಏ॑ಮಿ॒ ಸೋಮ॑ಸ್ಯ ತ॒ನೂರ॑ಸಿ ತ॒ನುವಂ॑ ಮೇ ಪಾಹಿ ಮಹೀ॒ನಾಂ ಪಯೋ॑ಽಸಿ ವರ್ಚೋ॒ಧಾ ಅ॑ಸಿ॒ ವರ್ಚೋ॒- [ವರ್ಚಃ॑, ಮಯಿ॑ ಧೇಹಿ ವೃ॒ತ್ರಸ್ಯ॑] ॥ 1 ॥

ಮಯಿ॑ ಧೇಹಿ ವೃ॒ತ್ರಸ್ಯ॑ ಕ॒ನೀನಿ॑ಕಾಽಸಿ ಚಕ್ಷು॒ಷ್ಪಾ ಅ॑ಸಿ॒ ಚಕ್ಷು॑ರ್ಮೇ ಪಾಹಿ ಚಿ॒ತ್ಪತಿ॑ಸ್ತ್ವಾ ಪುನಾತು ವಾ॒ಕ್ಪತಿ॑ಸ್ತ್ವಾ ಪುನಾತು ದೇ॒ವಸ್ತ್ವಾ॑ ಸವಿ॒ತಾ ಪು॑ನಾ॒ತ್ವಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋಃ॒ ಸೂರ್ಯ॑ಸ್ಯ ರ॒ಶ್ಮಿಭಿ॒ಸ್ತಸ್ಯ॑ ತೇ ಪವಿತ್ರಪತೇ ಪ॒ವಿತ್ರೇ॑ಣ॒ ಯಸ್ಮೈ॒ ಕಂ ಪು॒ನೇ ತಚ್ಛ॑ಕೇಯ॒ಮಾ ವೋ॑ ದೇವಾಸ ಈಮಹೇ॒ ಸತ್ಯ॑ಧರ್ಮಾಣೋ ಅದ್ಧ್ವ॒ರೇ ಯದ್ವೋ॑ ದೇವಾಸ ಆಗು॒ರೇ ಯಜ್ಞಿ॑ಯಾಸೋ॒ ಹವಾ॑ಮಹ॒ ಇಂದ್ರಾ᳚ಗ್ನೀ॒ ದ್ಯಾವಾ॑ಪೃಥಿವೀ॒ ಆಪ॑ ಓಷಧೀ॒ ಸ್ತ್ವಂ ದೀ॒ಕ್ಷಾಣಾ॒-ಮಧಿ॑ಪತಿರಸೀ॒ಹ ಮಾ॒ ಸಂತಂ॑ ಪಾಹಿ ॥ 2 ॥
(ವರ್ಚ॑ - ಓಷಧೀ- ರ॒ಷ್ಟೌ ಚ॑ ) (ಅ. 1)

ಆಕೂ᳚ತ್ಯೈ ಪ್ರ॒ಯುಜೇ॒ಽಗ್ನಯೇ॒ ಸ್ವಾಹಾ॑ ಮೇ॒ಧಾಯೈ॒ ಮನ॑ಸೇ॒ ಽಗ್ನಯೇ॒ ಸ್ವಾಹಾ॑ ದೀ॒ಕ್ಷಾಯೈ॒ ತಪ॑ಸೇ॒ಽಗ್ನಯೇ॒ ಸ್ವಾಹಾ॒ ಸರ॑ಸ್ವತ್ಯೈ ಪೂ॒ಷ್ಣೇ᳚ಽಗ್ನಯೇ॒ ಸ್ವಾಹಾಽಽಪೋ॑ ದೇವೀ-ರ್ಬೃಹತೀ-ರ್ವಿಶ್ವಶಂಭುವೋ॒ ದ್ಯಾವಾ॑ಪೃಥಿ॒ವೀ ಉ॒ರ್ವಂ॑ತರಿ॑ಕ್ಷಂ॒ ಬೃಹ॒ಸ್ಪತಿ॑ರ್ನೋ ಹ॒ವಿಷಾ॑ ವೃಧಾತು॒ ಸ್ವಾಹಾ॒ ವಿಶ್ವೇ॑ ದೇ॒ವಸ್ಯ॑ ನೇ॒ತುರ್ಮರ್ತೋ॑ ವೃಣೀತ ಸ॒ಖ್ಯಂ-ವಿಁಶ್ವೇ॑ ರಾ॒ಯ ಇ॑ಷುದ್ಧ್ಯಸಿ ದ್ಯು॒ಮ್ನಂ-ವೃಁ॑ಣೀತ ಪು॒ಷ್ಯಸೇ॒ ಸ್ವಾಹ॑ರ್ಖ್ಸಾ॒ಮಯೋಃ॒ ಶಿಲ್ಪೇ᳚ ಸ್ಥ॒ಸ್ತೇ ವಾ॒ಮಾ ರ॑ಭೇ॒ ತೇ ಮಾ॑- [ತೇ ಮಾ᳚, ಪಾ॒ತ॒ಮಾಽಸ್ಯ] ॥ 3 ॥

ಪಾತ॒ಮಾಽಸ್ಯ ಯ॒ಜ್ಞಸ್ಯೋ॒ದೃಚ॑ ಇ॒ಮಾಂ ಧಿಯ॒ಗ್ಂ॒ ಶಿಕ್ಷ॑ಮಾಣಸ್ಯ ದೇವ॒ ಕ್ರತುಂ॒ ದಕ್ಷಂ॑-ವಁರುಣ॒ ಸಗ್ಂ ಶಿ॑ಶಾಧಿ॒ ಯಯಾಽತಿ॒ ವಿಶ್ವಾ॑ ದುರಿ॒ತಾ ತರೇ॑ಮ ಸು॒ತರ್ಮಾ॑ಣ॒ಮಧಿ॒ ನಾವಗ್ಂ॑ ರುಹೇ॒ಮೋರ್ಗ॑ಸ್ಯಾಂಗಿರ॒ಸ್ಯೂರ್ಣ॑ಮ್ರದಾ॒ ಊರ್ಜಂ॑ ಮೇ ಯಚ್ಛ ಪಾ॒ಹಿ ಮಾ॒ ಮಾ ಮಾ॑ ಹಿಗ್ಂಸೀ॒-ರ್ವಿಷ್ಣೋಃ॒ ಶರ್ಮಾ॑ಸಿ॒ ಶರ್ಮ॒ ಯಜ॑ಮಾನಸ್ಯ॒ ಶರ್ಮ॑ ಮೇ ಯಚ್ಛ॒ ನಕ್ಷ॑ತ್ರಾಣಾಂ ಮಾಽತೀಕಾ॒ಶಾತ್ ಪಾ॒ಹೀಂದ್ರ॑ಸ್ಯ॒ ಯೋನಿ॑ರಸಿ॒- [ಯೋನಿ॑ರಸಿ, ಮಾ ಮಾ॑ ಹಿಗ್ಂಸೀಃ] ॥ 4 ॥

ಮಾ ಮಾ॑ ಹಿಗ್ಂಸೀಃ ಕೃ॒ಷ್ಯೈ ತ್ವಾ॑ ಸುಸ॒ಸ್ಯಾಯೈ॑ ಸುಪಿಪ್ಪ॒ಲಾಭ್ಯ॒-ಸ್ತ್ವೌಷ॑ಧೀಭ್ಯಃ ಸೂಪ॒ಸ್ಥಾ ದೇ॒ವೋ ವನ॒ಸ್ಪತಿ॑ರೂ॒ರ್ಧ್ವೋ ಮಾ॑ ಪಾ॒ಹ್ಯೋದೃಚಃ॒ ಸ್ವಾಹಾ॑ ಯ॒ಜ್ಞಂ ಮನ॑ಸಾ॒ ಸ್ವಾಹಾ॒ ದ್ಯಾವಾ॑ಪೃಥಿ॒ವೀಭ್ಯಾ॒ಗ್ಗ್॒ ಸ್ವಾಹೋ॒ರೋ-ರಂ॒ತರಿ॑ಕ್ಷಾ॒ಥ್ ಸ್ವಾಹಾ॑ ಯ॒ಜ್ಞಂ-ವಾಁತಾ॒ದಾ ರ॑ಭೇ ॥ 5 ॥
( ಮಾ॒ - ಯೋನಿ॑ರಸಿ - ತ್ರಿ॒ಗ್ಂ॒ಶಚ್ಚ॑ ) (ಅ. 2)

ದೈವೀಂ॒ ಧಿಯಂ॑ ಮನಾಮಹೇ ಸುಮೃಡೀ॒ಕಾ-ಮ॒ಭಿಷ್ಟ॑ಯೇ ವರ್ಚೋ॒ಧಾಂ-ಯಁ॒ಜ್ಞವಾ॑ಹಸಗ್ಂ ಸುಪಾ॒ರಾ ನೋ॑ ಅಸ॒-ದ್ವಶೇ᳚ । ಯೇ ದೇ॒ವಾ ಮನೋ॑ಜಾತಾ ಮನೋ॒ಯುಜಃ॑ ಸು॒ದಕ್ಷಾ॒ ದಕ್ಷ॑ಪಿತಾರ॒ಸ್ತೇ ನಃ॑ ಪಾಂತು॒ ತೇ ನೋ॑ಽವಂತು॒ ತೇಭ್ಯೋ॒ ನಮ॒ಸ್ತೇಭ್ಯಃ॒ ಸ್ವಾಹಾಽಗ್ನೇ॒ ತ್ವಗ್ಂ ಸು ಜಾ॑ಗೃಹಿ ವ॒ಯಗ್ಂ ಸು ಮಂ॑ದಿಷೀಮಹಿ ಗೋಪಾ॒ಯ ನಃ॑ ಸ್ವ॒ಸ್ತಯೇ᳚ ಪ್ರ॒ಬುಧೇ॑ ನಃ॒ ಪುನ॑ರ್ದದಃ । ತ್ವಮ॑ಗ್ನೇ ವ್ರತ॒ಪಾ ಅ॑ಸಿ ದೇ॒ವ ಆ ಮರ್ತ್ಯೇ॒ಷ್ವಾ ।
ತ್ವಂ- [ತ್ವಂ, ಯ॒ಜ್ಞೇಷ್ವೀಡ್ಯಃ॑ ।] ॥ 6 ॥

ಯ॒ಜ್ಞೇಷ್ವೀಡ್ಯಃ॑ ॥ ವಿಶ್ವೇ॑ ದೇ॒ವಾ ಅ॒ಭಿ ಮಾಮಾಽವ॑ವೃತ್ರನ್ ಪೂ॒ಷಾ ಸ॒ನ್ಯಾ ಸೋಮೋ॒ ರಾಧ॑ಸಾ ದೇ॒ವಃ ಸ॑ವಿ॒ತಾ ವಸೋ᳚ರ್ವಸು॒ದಾವಾ॒ ರಾಸ್ವೇಯ॑ಥ್ ಸೋ॒ಮಾ ಽಽಭೂಯೋ॑ ಭರ॒ ಮಾ ಪೃ॒ಣನ್ ಪೂ॒ರ್ತ್ಯಾ ವಿ ರಾ॑ಧಿ॒ ಮಾಽಹಮಾಯು॑ಷಾ ಚಂ॒ದ್ರಮ॑ಸಿ॒ ಮಮ॒ ಭೋಗಾ॑ಯ ಭವ॒ ವಸ್ತ್ರ॑ಮಸಿ॒ ಮಮ॒ ಭೋಗಾ॑ಯ ಭವೋ॒ಸ್ರಾಽಸಿ॒ ಮಮ॒ ಭೋಗಾ॑ಯ ಭವ॒ ಹಯೋ॑ಽಸಿ॒ ಮಮ॒ ಭೋಗಾ॑ಯ ಭವ॒- [ಭೋಗಾ॑ಯ ಭವ, ಛಾಗೋ॑ಽಸಿ॒ ಮಮ॒] ॥ 7 ॥

ಛಾಗೋ॑ಽಸಿ॒ ಮಮ॒ ಭೋಗಾ॑ಯ ಭವ ಮೇ॒ಷೋ॑ಽಸಿ॒ ಮಮ॒ ಭೋಗಾ॑ಯ ಭವ ವಾ॒ಯವೇ᳚ ತ್ವಾ॒ ವರು॑ಣಾಯ ತ್ವಾ॒ ನಿರ್​ಋ॑ತ್ಯೈ ತ್ವಾ ರು॒ದ್ರಾಯ॑ ತ್ವಾ॒ ದೇವೀ॑ರಾಪೋ ಅಪಾಂ ನಪಾ॒ದ್ಯ ಊ॒ರ್ಮಿ-ರ್​ಹ॑ವಿ॒ಷ್ಯ॑ ಇಂದ್ರಿ॒ಯಾವಾ᳚ನ್ ಮ॒ದಿಂತ॑ಮ॒ಸ್ತಂ-ವೋಁ॒ ಮಾಽವ॑ ಕ್ರಮಿಷ॒ಮಚ್ಛಿ॑ನ್ನಂ॒ ತಂತುಂ॑ ಪೃಥಿ॒ವ್ಯಾ ಅನು॑ ಗೇಷಂ ಭ॒ದ್ರಾದ॒ಭಿ ಶ್ರೇಯಃ॒ ಪ್ರೇಹಿ॒ ಬೃಹ॒ಸ್ಪತಿಃ॑ ಪುರಏ॒ತಾ ತೇ॑ ಅ॒ಸ್ತ್ವಥೇ॒ಮವ॑ ಸ್ಯ॒ ವರ॒ ಆ ಪೃ॑ಥಿ॒ವ್ಯಾ ಆ॒ರೇ ಶತ್ರೂ᳚ನ್ ಕೃಣುಹಿ॒ ಸರ್ವ॑ವೀರ॒ ಏದಮ॑ಗನ್ಮ ದೇವ॒ಯಜ॑ನಂ ಪೃಥಿ॒ವ್ಯಾ ವಿಶ್ವೇ॑ ದೇ॒ವಾ ಯದಜು॑ಷಂತ॒ ಪೂರ್ವ॑ ಋಖ್ಸಾ॒ಮಾಭ್ಯಾಂ॒-ಯಁಜು॑ಷಾ ಸಂ॒ತರಂ॑ತೋ ರಾ॒ಯಸ್ಪೋಷೇ॑ಣ॒ ಸಮಿ॒ಷಾ ಮ॑ದೇಮ ॥ 8 ॥
( ಆ ತ್ವಗ್ಂ-ಹಯೋ॑ಽಸಿ॒ ಮಮ॒ ಭೋಗಾ॑ಯ ಭವ-ಸ್ಯ॒-ಪಂಚ॑ವಿಗ್ಂಶತಿಶ್ಚ ) (ಅ. 3)

ಇ॒ಯಂ ತೇ॑ ಶುಕ್ರ ತ॒ನೂರಿ॒ದಂ-ವಁರ್ಚ॒ಸ್ತಯಾ॒ ಸಂ ಭ॑ವ॒ ಭ್ರಾಜಂ॑ ಗಚ್ಛ॒ ಜೂರ॑ಸಿ ಧೃ॒ತಾ ಮನ॑ಸಾ॒ ಜುಷ್ಟಾ॒ ವಿಷ್ಣ॑ವೇ॒ ತಸ್ಯಾ᳚ಸ್ತೇ ಸ॒ತ್ಯಸ॑ವಸಃ ಪ್ರಸ॒ವೇ ವಾ॒ಚೋ ಯಂ॒ತ್ರಮ॑ಶೀಯ॒ ಸ್ವಾಹಾ॑ ಶು॒ಕ್ರಮ॑ಸ್ಯ॒ಮೃತ॑ಮಸಿ ವೈಶ್ವದೇ॒ವಗ್ಂ ಹ॒ವಿಃ ಸೂರ್ಯ॑ಸ್ಯ॒ ಚಕ್ಷು॒ರಾ -ಽರು॑ಹಮ॒ಗ್ನೇ ರ॒ಕ್ಷ್ಣಃ ಕ॒ನೀನಿ॑ಕಾಂ॒-ಯಁದೇತ॑ಶೇಭಿ॒ರೀಯ॑ಸೇ॒ ಭ್ರಾಜ॑ಮಾನೋ ವಿಪ॒ಶ್ಚಿತಾ॒ ಚಿದ॑ಸಿ ಮ॒ನಾಽಸಿ॒ ಧೀರ॑ಸಿ॒ ದಕ್ಷಿ॑ಣಾ- [ದಕ್ಷಿ॑ಣಾ, ಅ॒ಸಿ॒ ಯ॒ಜ್ಞಿಯಾ॒ಽಸಿ] ॥ 9 ॥

ಽಸಿ ಯ॒ಜ್ಞಿಯಾ॑ಽಸಿ ಕ್ಷ॒ತ್ರಿಯಾ॒ ಽಸ್ಯದಿ॑ತಿ-ರಸ್ಯುಭ॒ಯತ॑॑ಶ್ಶೀರ್​ಷ್ಣೀ॒ ಸಾ ನಃ॒ ಸುಪ್ರಾ॑ಚೀ॒ ಸುಪ್ರ॑ತೀಚೀ॒ ಸಂ ಭ॑ವ ಮಿ॒ತ್ರಸ್ತ್ವಾ॑ ಪ॒ದಿ ಬ॑ದ್ಧ್ನಾತು ಪೂ॒ಷಾಽದ್ಧ್ವ॑ನಃ ಪಾ॒ತ್ವಿಂದ್ರಾ॒ಯಾ-ದ್ಧ್ಯ॑ಕ್ಷಾ॒ಯಾನು॑ ತ್ವಾ ಮಾ॒ತಾ ಮ॑ನ್ಯತಾ॒ಮನು॑ ಪಿ॒ತಾಽನು॒ ಭ್ರಾತಾ॒ ಸಗ॒ರ್ಭ್ಯೋಽನು॒ ಸಖಾ॒ ಸಯೂ᳚ಥ್ಯಃ॒ ಸಾ ದೇ॑ವಿ ದೇ॒ವಮಚ್ಛೇ॒ಹೀಂದ್ರಾ॑ಯ॒ ಸೋಮಗ್ಂ॑ ರು॒ದ್ರಸ್ತ್ವಾ ಽಽವ॑ರ್ತಯತು ಮಿ॒ತ್ರಸ್ಯ॑ ಪ॒ಥಾ ಸ್ವ॒ಸ್ತಿ ಸೋಮ॑ಸಖಾ॒ ಪುನ॒ರೇಹಿ॑ ಸ॒ಹ ರ॒ಯ್ಯಾ ॥ 10 ॥
( ದಕ್ಷಿ॑ಣಾ॒-ಸೋಮ॑ಸಖಾ॒, ಪಂಚ॑ ಚ ) (ಅ. 4)

ವಸ್ವ್ಯ॑ಸಿ ರು॒ದ್ರಾಽಸ್ಯದಿ॑ತಿ-ರಸ್ಯಾದಿ॒ತ್ಯಾಽಸಿ॑ ಶು॒ಕ್ರಾಽಸಿ॑ ಚಂ॒ದ್ರಾಽಸಿ॒ ಬೃಹ॒ಸ್ಪತಿ॑ಸ್ತ್ವಾ ಸು॒ಮ್ನೇ ರ॑ಣ್ವತು ರು॒ದ್ರೋ ವಸು॑ಭಿ॒ರಾ ಚಿ॑ಕೇತು ಪೃಥಿ॒ವ್ಯಾಸ್ತ್ವಾ॑ ಮೂ॒ರ್ಧನ್ನಾ ಜಿ॑ಘರ್ಮಿ ದೇವ॒ಯಜ॑ನ॒ ಇಡಾ॑ಯಾಃ ಪ॒ದೇ ಘೃ॒ತವ॑ತಿ॒ ಸ್ವಾಹಾ॒ ಪರಿ॑ಲಿಖಿತ॒ಗ್ಂ॒ ರಕ್ಷಃ॒ ಪರಿ॑ಲಿಖಿತಾ॒ ಅರಾ॑ತಯ ಇ॒ದಮ॒ಹಗ್ಂ ರಕ್ಷ॑ಸೋ ಗ್ರೀ॒ವಾ ಅಪಿ॑ ಕೃಂತಾಮಿ॒ ಯೋ᳚ಽಸ್ಮಾನ್ ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮ ಇ॒ದಮ॑ಸ್ಯ ಗ್ರೀ॒ವಾ [ಗ್ರೀ॒ವಾಃ, ಅಪಿ॑ ಕೃಂತಾಮ್ಯ॒ಸ್ಮೇ] ॥ 11 ॥

ಅಪಿ॑ ಕೃಂತಾಮ್ಯ॒ಸ್ಮೇ ರಾಯ॒ಸ್ತ್ವೇ ರಾಯ॒ಸ್ತೋತೇ॒ ರಾಯಃ॒ ಸಂ ದೇ॑ವಿ ದೇ॒ವ್ಯೋರ್ವಶ್ಯಾ॑ ಪಶ್ಯಸ್ವ॒ ತ್ವಷ್ಟೀ॑ಮತೀ ತೇ ಸಪೇಯ ಸು॒ರೇತಾ॒ ರೇತೋ॒ ದಧಾ॑ನಾ ವೀ॒ರಂ-ವಿಁ॑ದೇಯ॒ ತವ॑ ಸಂ॒ದೃಶಿ॒ ಮಾಽಹಗ್ಂರಾ॒ಯಸ್ಪೋಷೇ॑ಣ॒ ವಿ ಯೋ॑ಷಮ್ ॥ 12 ॥
( ಅ॒ಸ್ಯ॒ ಗ್ರೀ॒ವಾ-ಏಕಾ॒ನ್ನ ತ್ರಿ॒ಗ್ಂ॒ಶಚ್ಚ॑ ) (ಅ. 5)

ಅ॒ಗ್ಂ॒ಶುನಾ॑ ತೇ ಅ॒ಗ್ಂ॒ಶುಃ ಪೃ॑ಚ್ಯತಾಂ॒ ಪರು॑ಷಾ॒ ಪರು॑-ರ್ಗಂ॒ಧಸ್ತೇ॒ ಕಾಮ॑ಮವತು॒ ಮದಾ॑ಯ॒ ರಸೋ॒ ಅಚ್ಯು॑ತೋ॒ ಽಮಾತ್ಯೋ॑ಽಸಿ ಶು॒ಕ್ರಸ್ತೇ॒ ಗ್ರಹೋ॒ಽಭಿ ತ್ಯಂ ದೇ॒ವಗ್ಂ ಸ॑ವಿ॒ತಾರ॑ಮೂ॒ಣ್ಯೋಃ᳚ ಕ॒ವಿಕ್ರ॑ತು॒ಮರ್ಚಾ॑ಮಿ ಸ॒ತ್ಯಸ॑ವಸಗ್ಂ ರತ್ನ॒ಧಾಮ॒ಭಿ ಪ್ರಿ॒ಯಮ ಮ॒ತಿಮೂ॒ರ್ಧ್ವಾ ಯಸ್ಯಾ॒ಮತಿ॒ರ್ಭಾ ಅದಿ॑ದ್ಯುತ॒ಥ್ ಸವೀ॑ಮನಿ॒ ಹಿರ॑ಣ್ಯಪಾಣಿರಮಿಮೀತ ಸು॒ಕ್ರತುಃ॑ ಕೃ॒ಪಾ ಸುವಃ॑ । ಪ್ರ॒ಜಾಭ್ಯ॑ಸ್ತ್ವಾ ಪ್ರಾ॒ಣಾಯ॑ ತ್ವಾ ವ್ಯಾ॒ನಾಯ॑ ತ್ವಾ ಪ್ರ॒ಜಾಸ್ತ್ವಮನು॒ ಪ್ರಾಣಿ॑ಹಿ ಪ್ರ॒ಜಾಸ್ತ್ವಾಮನು॒ ಪ್ರಾಣಂ॑ತು ॥ 13 ॥
(ಅನು॑-ಸ॒ಪ್ತ ಚ॑) (ಅ. 6)

ಸೋಮಂ॑ ತೇ ಕ್ರೀಣಾ॒ಮ್ಯೂರ್ಜ॑ಸ್ವಂತಂ॒ ಪಯ॑ಸ್ವಂತಂ-ವೀಁ॒ರ್ಯಾ॑ವಂತಮಭಿ-ಮಾತಿ॒ಷಾಹಗ್ಂ॑ ಶು॒ಕ್ರಂ ತೇ॑ ಶು॒ಕ್ರೇಣ॑ ಕ್ರೀಣಾಮಿ ಚಂ॒ದ್ರಂ ಚಂ॒ದ್ರೇಣಾ॒ಮೃತ॑ಮ॒ಮೃತೇ॑ನ ಸ॒ಮ್ಯತ್ತೇ॒ ಗೋರ॒ಸ್ಮೇ ಚಂ॒ದ್ರಾಣಿ॒ ತಪ॑ಸಸ್ತ॒ನೂರ॑ಸಿ ಪ್ರ॒ಜಾಪ॑ತೇ॒-ರ್ವರ್ಣ॒ಸ್ತಸ್ಯಾ᳚ಸ್ತೇ ಸಹಸ್ರಪೋ॒ಷಂ ಪುಷ್ಯಂ॑ತ್ಯಾಶ್ಚರ॒ಮೇಣ॑ ಪ॒ಶುನಾ᳚ ಕ್ರೀಣಾಮ್ಯ॒ಸ್ಮೇ ತೇ॒ ಬಂಧು॒ರ್ಮಯಿ॑ ತೇ॒ ರಾಯಃ॑ ಶ್ರಯಂತಾಮ॒ಸ್ಮೇ ಜ್ಯೋತಿಃ॑ ಸೋಮವಿಕ್ರ॒ಯಿಣಿ॒ ತಮೋ॑ ಮಿ॒ತ್ರೋ ನ॒ ಏಹಿ॒ ಸುಮಿ॑ತ್ರಧಾ॒ ಇಂದ್ರ॑ಸ್ಯೋ॒ರು ಮಾ ವಿ॑ಶ॒ ದಕ್ಷಿ॑ಣ-ಮು॒ಶನ್ನು॒ಶಂತಗ್ಗ್॑ ಸ್ಯೋ॒ನಃ ಸ್ಯೋ॒ನಗ್ಗ್​ ಸ್ವಾನ॒ ಭ್ರಾಜಾಂಘಾ॑ರೇ॒ ಬಂಭಾ॑ರೇ॒ ಹಸ್ತ॒ ಸುಹ॑ಸ್ತ॒ ಕೃಶಾ॑ನವೇ॒ತೇ ವಃ॑ ಸೋಮ॒ ಕ್ರಯ॑ಣಾ॒ಸ್ತಾನ್ ರ॑ಕ್ಷದ್ಧ್ವಂ॒ ಮಾ ವೋ॑ ದಭನ್ನ್ ॥ 14 ॥
(ಉ॒ರುಂ-ದ್ವಾವಿಗ್ಂ॑ಶತಿಶ್ಚ) (ಅ. 7)

ಉದಾಯು॑ಷಾ ಸ್ವಾ॒ಯುಷೋದೋಷ॑ಧೀನಾ॒ಗ್ಂ॒ ರಸೇ॒ನೋತ್ ಪ॒ರ್ಜನ್ಯ॑ಸ್ಯ॒ ಶುಷ್ಮೇ॒ಣೋದ॑ಸ್ಥಾಮ॒ಮೃತಾ॒ಗ್ಂ॒ ಅನು॑ । ಉ॒ರ್ವಂ॑ತರಿ॑ಕ್ಷ॒ಮನ್ವಿ॒ಹ್ಯದಿ॑ತ್ಯಾಃ॒ ಸದೋ॒ಽಸ್ಯದಿ॑ತ್ಯಾಃ॒ ಸದ॒ ಆ ಸೀ॒ದಾಸ್ತ॑ಭ್ನಾ॒ದ್-ದ್ಯಾಮೃ॑ಷ॒ಭೋ ಅಂ॒ತರಿ॑ಕ್ಷ॒ಮಮಿ॑ಮೀತ ವರಿ॒ಮಾಣಂ॑ ಪೃಥಿ॒ವ್ಯಾ ಆಽಸೀ॑ದ॒-ದ್ವಿಶ್ವಾ॒ ಭುವ॑ನಾನಿ ಸ॒ಮ್ರಾಡ್ ವಿಶ್ವೇತ್ತಾನಿ॒ ವರು॑ಣಸ್ಯ ವ್ರ॒ತಾನಿ॒ ವನೇ॑ಷು॒ ವ್ಯಂ॑ತರಿ॑ಕ್ಷಂ ತತಾನ॒ ವಾಜ॒ಮರ್ವ॑ಥ್ಸು॒ ಪಯೋ॑ ಅಘ್ನಿ॒ಯಾಸು॑ ಹೃ॒ಥ್ಸು- [ ] ॥ 15 ॥

ಕ್ರತುಂ॒-ವಁರು॑ಣೋ ವಿ॒ಕ್ಷ್ವ॑ಗ್ನಿಂ ದಿ॒ವಿ ಸೂರ್ಯ॑ಮದಧಾ॒ಥ್ ಸೋಮ॒ಮದ್ರಾ॒ವುದು॒ತ್ಯಂ ಜಾ॒ತವೇ॑ದಸಂ ದೇ॒ವಂ-ವಁ॑ಹಂತಿ ಕೇ॒ತವಃ॑ । ದೃ॒ಶೇ ವಿಶ್ವಾ॑ಯ॒ ಸೂರ್ಯ᳚ಮ್ ॥ ಉಸ್ರಾ॒ವೇತಂ॑ ಧೂರ್​ಷಾಹಾವನ॒ಶ್ರೂ ಅವೀ॑ರಹಣೌ ಬ್ರಹ್ಮ॒ಚೋದ॑ನೌ॒ ವರು॑ಣಸ್ಯ॒ ಸ್ಕಂಭ॑ನಮಸಿ॒ ವರು॑ಣಸ್ಯ ಸ್ಕಂಭ॒ಸರ್ಜ॑ನಮಸಿ॒ ಪ್ರತ್ಯ॑ಸ್ತೋ॒ ವರು॑ಣಸ್ಯ॒ ಪಾಶಃ॑ ॥ 16 ॥
( ಹೃ॒ಥ್ಸು-ಪಂಚ॑ತ್ರಿಗ್ಂಶಚ್ಚ ) (ಅ. 8)

ಪ್ರ ಚ್ಯ॑ವಸ್ವ ಭುವಸ್ಪತೇ॒ ವಿಶ್ವಾ᳚ನ್ಯ॒ಭಿ ಧಾಮಾ॑ನಿ॒ ಮಾ ತ್ವಾ॑ ಪರಿಪ॒ರೀ ವಿ॑ದ॒ನ್ಮಾ ತ್ವಾ॑ ಪರಿಪಂ॒ಥಿನೋ॑ ವಿದ॒ನ್ಮಾ ತ್ವಾ॒ ವೃಕಾ॑ ಅಘಾ॒ಯವೋ॒ ಮಾ ಗಂ॑ಧ॒ರ್ವೋ ವಿ॒ಶ್ವಾವ॑ಸು॒ರಾ ದ॑ಘಚ್ಛ್ಯೇ॒ನೋ ಭೂ॒ತ್ವಾ ಪರಾ॑ ಪತ॒ ಯಜ॑ಮಾನಸ್ಯ ನೋ ಗೃ॒ಹೇ ದೇ॒ವೈಃ ಸಗ್ಗ್॑ಸ್ಕೃ॒ತಂ-ಯಁಜ॑ಮಾನಸ್ಯ ಸ್ವ॒ಸ್ತ್ಯಯ॑ನ್ಯ॒ಸ್ಯಪಿ॒ ಪಂಥಾ॑ಮಗಸ್ಮಹಿ ಸ್ವಸ್ತಿ॒ಗಾ-ಮ॑ನೇ॒ಹಸಂ॒-ಯೇಁನ॒ ವಿಶ್ವಾಃ॒ ಪರಿ॒ ದ್ವಿಷೋ॑ ವೃ॒ಣಕ್ತಿ॑ ವಿಂ॒ದತೇ॒ ವಸು॒ ನಮೋ॑ ಮಿ॒ತ್ರಸ್ಯ॒ ವರು॑ಣಸ್ಯ॒ ಚಕ್ಷ॑ಸೇ ಮ॒ಹೋ ದೇ॒ವಾಯ॒ ತದೃ॒ತಗ್ಂ ಸ॑ಪರ್ಯತ ದೂರೇ॒ದೃಶೇ॑ ದೇ॒ವಜಾ॑ತಾಯ ಕೇ॒ತವೇ॑ ದಿ॒ವಸ್ಪು॒ತ್ರಾಯ॒ ಸೂರ್ಯಾ॑ಯ ಶಗ್ಂಸತ॒ ವರು॑ಣಸ್ಯ॒ ಸ್ಕಂಭ॑ನಮಸಿ॒ ವರು॑ಣಸ್ಯ ಸ್ಕಂಭ॒ಸರ್ಜ॑ನ-ಮ॒ಸ್ಯುನ್ಮು॑ಕ್ತೋ॒ ವರು॑ಣಸ್ಯ॒ ಪಾಶಃ॑ ॥ 17 ॥
( ಮಿ॒ತ್ರಸ್ಯ॒-ತ್ರಯೋ॑ವಿಗ್ಂಶತಿಶ್ಚ ) (ಅ. 9)

ಅ॒ಗ್ನೇ-ರಾ॑ತಿ॒ಥ್ಯಮ॑ಸಿ॒ ವಿಷ್ಣ॑ವೇ ತ್ವಾ॒ ಸೋಮ॑ಸ್ಯಾಽಽತಿ॒ಥ್ಯಮ॑ಸಿ॒ ವಿಷ್ಣ॑ವೇ॒ ತ್ವಾ-ಽತಿ॑ಥೇರಾತಿ॒ಥ್ಯಮ॑ಸಿ॒ ವಿಷ್ಣ॑ವೇ ತ್ವಾ॒ಽಗ್ನಯೇ᳚ ತ್ವಾ ರಾಯಸ್ಪೋಷ॒ದಾವಂನೇ॒ ವಿಷ್ಣ॑ವೇ ತ್ವಾ ಶ್ಯೇ॒ನಾಯ॑ ತ್ವಾ ಸೋಮ॒ಭೃತೇ॒ ವಿಷ್ಣ॑ವೇ ತ್ವಾ॒ ಯಾ ತೇ॒ ಧಾಮಾ॑ನಿ ಹ॒ವಿಷಾ॒ ಯಜಂ॑ತಿ॒ ತಾ ತೇ॒ ವಿಶ್ವಾ॑ ಪರಿ॒ಭೂರ॑ಸ್ತು ಯ॒ಜ್ಞಂ ಗ॑ಯ॒ಸ್ಫಾನಃ॑ ಪ್ರ॒ತರ॑ಣಃ ಸು॒ವೀರೋಽವೀ॑ರಹಾ॒ ಪ್ರಚ॑ರಾ ಸೋಮ॒ ದುರ್ಯಾ॒ನದಿ॑ತ್ಯಾಃ॒ ಸದೋ॒ಽಸ್ಯದಿ॑ತ್ಯಾಃ॒ ಸದ॒ ಆ- [ಸದ॒ ಆ, ಸೀ॒ದ॒ ವರು॑ಣೋಽಸಿ] ॥ 18 ॥

ಸೀ॑ದ॒ ವರು॑ಣೋಽಸಿ ಧೃ॒ತವ್ರ॑ತೋ ವಾರು॒ಣಮ॑ಸಿ ಶಂ॒​ಯೋಁ-ರ್ದೇ॒ವಾನಾಗ್ಂ॑ ಸ॒ಖ್ಯಾನ್ಮಾ ದೇ॒ವಾನಾ॑-ಮ॒ಪಸ॑-ಶ್ಛಿಥ್ಸ್ಮ॒ಹ್ಯಾಪ॑ತಯೇ ತ್ವಾ ಗೃಹ್ಣಾಮಿ॒ ಪರಿ॑ಪತಯೇ ತ್ವಾ ಗೃಹ್ಣಾಮಿ॒ ತನೂ॒ನಪ್ತ್ರೇ᳚ ತ್ವಾ ಗೃಹ್ಣಾಮಿ ಶಾಕ್ವ॒ರಾಯ॑ ತ್ವಾ ಗೃಹ್ಣಾಮಿ॒ ಶಕ್ಮ॒ನ್ನೋಜಿ॑ಷ್ಠಾಯ ತ್ವಾ ಗೃಹ್ಣಾ॒ಮ್ಯ-ನಾ॑ಧೃಷ್ಟಮಸ್ಯ-ನಾಧೃ॒ಷ್ಯಂ ದೇ॒ವಾನಾ॒ಮೋಜೋ॑- ಽಭಿಷಸ್ತಿ॒ಪಾ ಅ॑ನಭಿಶಸ್ತೇ॒ಽನ್ಯಮನು॑ ಮೇ ದೀ॒ಕ್ಷಾಂ ದೀ॒ಕ್ಷಾಪ॑ತಿ-ರ್ಮನ್ಯತಾ॒ಮನು॒ ತಪ॒ಸ್ತಪ॑ಸ್ಪತಿ॒ರಂಜ॑ಸಾ ಸ॒ತ್ಯಮುಪ॑ ಗೇಷಗ್ಂ ಸುವಿ॒ತೇ ಮಾ॑ ಧಾಃ ॥ 19 ॥
( ಆ-ಮೈ-ಕಂ॑ ಚ ) (ಅ. 10)

ಅ॒ಗ್ಂ॒ಶುರಗ್ಂ॑ಶುಸ್ತೇ ದೇವ ಸೋ॒ಮಾಽಽಪ್ಯಾ॑ಯತಾ॒-ಮಿಂದ್ರಾ॑ಯೈಕಧನ॒ವಿದ॒ ಆ ತುಭ್ಯ॒ಮಿಂದ್ರಃ॑ ಪ್ಯಾಯತಾ॒ಮಾ ತ್ವಮಿಂದ್ರಾ॑ಯ ಪ್ಯಾಯ॒ಸ್ವಾಽಽಪ್ಯಾ॑ಯಯ॒ ಸಖೀಂ᳚ಥ್ ಸ॒ನ್ಯಾ ಮೇ॒ಧಯಾ᳚ ಸ್ವ॒ಸ್ತಿ ತೇ॑ ದೇವ ಸೋಮ ಸು॒ತ್ಯಾಮ॑ಶೀ॒ಯೇಷ್ಟಾ॒ ರಾಯಃ॒ ಪ್ರೇಷೇ ಭಗಾ॑ಯ॒ರ್ತಮೃ॑ತವಾ॒ದಿಭ್ಯೋ॒ ನಮೋ॑ ದಿ॒ವೇ ನಮಃ॑ ಪೃಥಿ॒ವ್ಯಾ ಅಗ್ನೇ᳚ ವ್ರತಪತೇ॒ ತ್ವಂ-ವ್ರಁ॒ತಾನಾಂ᳚-ವ್ರಁ॒ತಪ॑ತಿರಸಿ॒ ಯಾ ಮಮ॑ ತ॒ನೂರೇ॒ಷಾ ಸಾ ತ್ವಯಿ॒ [ತ್ವಯಿ॑, ಯಾ ತವ॑] ॥ 20 ॥

ಯಾ ತವ॑ ತ॒ನೂರಿ॒ಯಗ್ಂ ಸಾ ಮಯಿ॑ ಸ॒ಹ ನೌ᳚ ವ್ರತಪತೇ ವ್ರ॒ತಿನೋ᳚-ರ್ವ್ರ॒ತಾನಿ॒ ಯಾ ತೇ॑ ಅಗ್ನೇ॒ ರುದ್ರಿ॑ಯಾ ತ॒ನೂಸ್ತಯಾ॑ ನಃ ಪಾಹಿ॒ ತಸ್ಯಾ᳚ಸ್ತೇ॒ ಸ್ವಾಹಾ॒ ಯಾ ತೇ॑ ಅಗ್ನೇಽಯಾಶ॒ಯಾ ರ॑ಜಾಶ॒ಯಾ ಹ॑ರಾಶ॒ಯಾ ತ॒ನೂರ್ವರ್​ಷಿ॑ಷ್ಠಾ ಗಹ್ವರೇ॒ಷ್ಠೋಽಗ್ರಂ-ವಁಚೋ॒ ಅಪಾ॑ವಧೀಂ ತ್ವೇ॒ಷಂ-ವಁಚೋ॒ ಅಪಾ॑ವಧೀ॒ಗ್ಗ್॒ ಸ್ವಾಹಾ᳚ ॥ 21 ॥
( ತ್ವಯಿ॑-ಚತ್ವಾರಿ॒ಗ್ಂ॒ಶಚ್ಚ॑ ) (ಅ. 11)

ವಿ॒ತ್ತಾಯ॑ನೀ ಮೇಽಸಿ ತಿ॒ಕ್ತಾಯ॑ನೀ ಮೇ॒ಽಸ್ಯವ॑ತಾನ್ಮಾ ನಾಥಿ॒ತಮವ॑ತಾನ್ಮಾ ವ್ಯಥಿ॒ತಂ-ವಿಁ॒ದೇರ॒ಗ್ನಿರ್ನಭೋ॒ ನಾಮಾಗ್ನೇ॑ ಅಂಗಿರೋ॒ ಯೋ᳚ಽಸ್ಯಾಂ ಪೃ॑ಥಿ॒ವ್ಯಾಮಸ್ಯಾಯು॑ಷಾ॒ ನಾಮ್ನೇಹಿ॒ ಯತ್ತೇಽನಾ॑ಧೃಷ್ಟಂ॒ ನಾಮ॑ ಯ॒ಜ್ಞಿಯಂ॒ ತೇನ॒ ತ್ವಾಽಽದ॒ಧೇಽಗ್ನೇ॑ ಅಂಗಿರೋ॒ ಯೋ ದ್ವಿ॒ತೀಯ॑ಸ್ಯಾಂ ತೃ॒ತೀಯ॑ಸ್ಯಾಂ ಪೃಥಿ॒ವ್ಯಾ-ಮಸ್ಯಾಯು॑ಷಾ॒ ನಾಮ್ನೇಹಿ॒ ಯತ್ತೇಽನಾ॑ಧೃಷ್ಟಂ॒ ನಾಮ॑-[ ] ॥ 22 ॥

ಯ॒ಜ್ಞಿಯಂ॒ ತೇನ॒ ತ್ವಾಽಽದ॑ಧೇ ಸಿ॒ಗ್ಂ॒ಹೀರ॑ಸಿ ಮಹಿ॒ಷೀರ॑ಸ್ಯು॒ರು ಪ್ರ॑ಥಸ್ವೋ॒ರು ತೇ॑ ಯ॒ಜ್ಞಪ॑ತಿಃ ಪ್ರಥತಾಂ ಧ್ರು॒ವಾಽಸಿ॑ ದೇ॒ವೇಭ್ಯಃ॑ ಶುಂಧಸ್ವ ದೇ॒ವೇಭ್ಯಃ॑ ಶುಂಭಸ್ವೇಂದ್ರಘೋ॒ಷಸ್ತ್ವಾ॒ ವಸು॑ಭಿಃ ಪು॒ರಸ್ತಾ᳚ತ್ ಪಾತು॒ ಮನೋ॑ಜವಾಸ್ತ್ವಾ ಪಿ॒ತೃಭಿ॑-ರ್ದಕ್ಷಿಣ॒ತಃ ಪಾ॑ತು॒ ಪ್ರಚೇ॑ತಾಸ್ತ್ವಾ ರು॒ದ್ರೈಃ ಪ॒ಶ್ಚಾತ್ ಪಾ॑ತು ವಿ॒ಶ್ವಕ॑ರ್ಮಾ ತ್ವಾಽಽದಿ॒ತ್ಯೈರು॑ತ್ತರ॒ತಃ ಪಾ॑ತು॒ ಸಿ॒ಗ್ಂ॒ಹೀರ॑ಸಿ ಸಪತ್ನಸಾ॒ಹೀ ಸ್ವಾಹಾ॑ ಸಿ॒ಗ್ಂ॒ಹೀರ॑ಸಿ ಸುಪ್ರಜಾ॒ವನಿಃ॒ ಸ್ವಾಹಾ॑ ಸಿ॒ಗ್ಂ॒ಹೀ- [ಸಿ॒ಗ್ಂ॒ಹೀಃ, ಅ॒ಸಿ॒ ರಾ॒ಯ॒ಸ್ಪೋ॒ಷ॒ವನಿಃ॒ ಸ್ವಾಹಾ॑] ॥ 23 ॥

ರ॑ಸಿ ರಾಯಸ್ಪೋಷ॒ವನಿಃ॒ ಸ್ವಾಹಾ॑ ಸಿ॒ಗ್ಂ॒ಹೀರ॑ಸ್ಯಾದಿತ್ಯ॒ವನಿಃ॒ ಸ್ವಾಹಾ॑ ಸಿ॒ಗ್ಂ॒ಹೀರ॒ಸ್ಯಾ ವ॑ಹ ದೇ॒ವಾಂದೇ॑ವಯ॒ತೇ ಯಜ॑ಮಾನಾಯ॒ ಸ್ವಾಹಾ॑ ಭೂ॒ತೇಭ್ಯ॑ಸ್ತ್ವಾ ವಿ॒ಶ್ವಾಯು॑ರಸಿ ಪೃಥಿ॒ವೀಂ ದೃಗ್ಂ॑ಹ ಧ್ರುವ॒ಕ್ಷಿದ॑ಸ್ಯಂ॒ತರಿ॑ಕ್ಷಂ ದೃಗ್ಂಹಾಚ್ಯುತ॒ಕ್ಷಿದ॑ಸಿ॒ ದಿವಂ॑ ದೃಗ್ಂಹಾ॒ಗ್ನೇ-ರ್ಭಸ್ಮಾ᳚ಸ್ಯ॒ಗ್ನೇಃ ಪುರೀ॑ಷಮಸಿ ॥ 24 ॥
(ನಾಮ॑-ಸುಪ್ರಜಾ॒ವನಿಃ॒ ಸ್ವಾಹಾ॑ ಸಿ॒ಗ್ಂ॒ಹ॑007ಆ;ಃ-ಪಂಚ॑ತ್ರಿಗ್ಂಶಚ್ಚ ) (ಅ. 12)

ಯುಂ॒ಜತೇ॒ ಮನ॑ ಉ॒ತ ಯುಂ॑ಜತೇ॒ ಧಿಯೋ॒ ವಿಪ್ರಾ॒ ವಿಪ್ರ॑ಸ್ಯ ಬೃಹ॒ತೋ ವಿ॑ಪ॒ಶ್ಚಿತಃ॑ । ವಿ ಹೋತ್ರಾ॑ ದಧೇ ವಯುನಾ॒ವಿದೇಕ॒ ಇನ್ಮ॒ಹೀ ದೇ॒ವಸ್ಯ॑ ಸವಿ॒ತುಃ ಪರಿ॑ಷ್ಟುತಿಃ ॥ ಸು॒ವಾಗ್ದೇ॑ವ॒ ದುರ್ಯಾ॒ಗ್ಂ॒ ಆ ವ॑ದ ದೇವ॒ಶ್ರುತೌ॑ ದೇ॒ವೇಷ್ವಾ ಘೋ॑ಷೇಥಾ॒ಮಾ ನೋ॑ ವೀ॒ರೋ ಜಾ॑ಯತಾಂ ಕರ್ಮ॒ಣ್ಯೋ॑ ಯಗ್ಂ ಸರ್ವೇ॑ಽನು॒ ಜೀವಾ॑ಮ॒ ಯೋ ಬ॑ಹೂ॒ನಾಮಸ॑ದ್ವ॒ಶೀ ॥ ಇ॒ದಂ-ವಿಁಷ್ಣು॒-ರ್ವಿಚ॑ಕ್ರಮೇ ತ್ರೇ॒ಧಾ ನಿ ದ॑ಧೇ ಪ॒ದಮ್ ॥ ಸಮೂ॑ಢಮಸ್ಯ [ಸಮೂ॑ಢಮಸ್ಯ, ಪಾ॒ಗ್ಂ॒ಸು॒ರ] ॥ 25 ॥

ಪಾಗ್ಂಸು॒ರ ಇರಾ॑ವತೀ ಧೇನು॒ಮತೀ॒ ಹಿ ಭೂ॒ತಗ್ಂ ಸೂ॑ಯವ॒ಸಿನೀ॒ ಮನ॑ವೇ ಯಶ॒ಸ್ಯೇ᳚ । ವ್ಯ॑ಸ್ಕಭ್ನಾ॒ದ್-ರೋದ॑ಸೀ॒ ವಿಷ್ಣು॑ರೇ॒ತೇ ದಾ॒ಧಾರ॑ ಪೃಥಿ॒ವೀಮ॒ಭಿತೋ॑ ಮ॒ಯೂಖೈಃ᳚ ॥ ಪ್ರಾಚೀ॒ ಪ್ರೇತ॑ಮದ್ಧ್ವ॒ರಂ ಕ॒ಲ್ಪಯಂ॑ತೀ ಊ॒ರ್ಧ್ವಂ-ಯಁ॒ಜ್ಞಂ ನ॑ಯತಂ॒ ಮಾ ಜೀ᳚ಹ್ವರತ॒ಮತ್ರ॑ ರಮೇಥಾಂ॒-ವಁರ್​ಷ್ಮ॑ನ್ ಪೃಥಿ॒ವ್ಯಾ ದಿ॒ವೋ ವಾ॑ ವಿಷ್ಣವು॒ತ ವಾ॑ ಪೃಥಿ॒ವ್ಯಾ ಮ॒ಹೋ ವಾ॑ ವಿಷ್ಣವು॒ತ ವಾ॒ಽಂತರಿ॑ಕ್ಷಾ॒ದ್ಧಸ್ತೌ॑ ಪೃಣಸ್ವ ಬ॒ಹುಭಿ॑-ರ್ವಸ॒ವ್ಯೈ॑ರಾ ಪ್ರ ಯ॑ಚ್ಛ॒ [ಪ್ರ ಯ॑ಚ್ಛ, ದಕ್ಷಿ॑ಣಾ॒ದೋತ] ॥ 26 ॥

ದಕ್ಷಿ॑ಣಾ॒ದೋತ ಸ॒ವ್ಯಾತ್ । ವಿಷ್ಣೋ॒ರ್ನುಕಂ॑-ವೀಁ॒ರ್ಯಾ॑ಣಿ॒ ಪ್ರ ವೋ॑ಚಂ॒-ಯಃ ಁಪಾರ್ಥಿ॑ವಾನಿ ವಿಮ॒ಮೇ ರಜಾಗ್ಂ॑ಸಿ॒ ಯೋ ಅಸ್ಕ॑ಭಾಯ॒ದುತ್ತ॑ರಗ್ಂ ಸ॒ಧಸ್ಥಂ॑-ವಿಁಚಕ್ರಮಾ॒ಣ ಸ್ತ್ರೇ॒ಧೋರು॑ಗಾ॒ಯೋ ವಿಷ್ಣೋ॑ ರ॒ರಾಟ॑ಮಸಿ॒ ವಿಷ್ಣೋಃ᳚ ಪೃ॒ಷ್ಠಮ॑ಸಿ॒ ವಿಷ್ಣೋಃ॒ ಶಂಅಪ್ತ್ರೇ᳚ ಸ್ಥೋ॒ ವಿಷ್ಣೋಃ॒ ಸ್ಯೂರ॑ಸಿ॒ ವಿಷ್ಣೋ᳚-ರ್ಧ್ರು॒ವಮ॑ಸಿ ವೈಷ್ಣ॒ವಮ॑ಸಿ॒ ವಿಷ್ಣ॑ವೇ ತ್ವಾ ॥ 27 ॥
( ಅ॒ಸ್ಯ॒-ಯ॒ಚ್ಛೈಕಾ॒ನ್ನ ಚ॑ತ್ವಾರಿ॒ಗ್ಂ॒ಶಚ್ಚ॑ ) (ಅ. 13)

ಕೃ॒ಣು॒ಷ್ವ ಪಾಜಃ॒ ಪ್ರಸಿ॑ತಿ॒ನ್ನ ಪೃ॒ಥ್ವೀಂ-ಯಾಁ॒ಹಿ ರಾಜೇ॒ವಾಮ॑ವಾ॒ಗ್ಂ॒ ಇಭೇ॑ನ । ತೃ॒ಷ್ವೀಮನು॒ ಪ್ರಸಿ॑ತಿಂ-ದ್ರೂಣಾ॒ನೋ-ಽಸ್ತಾ॑ಽಸಿ॒ ವಿದ್ಧ್ಯ॑ ರ॒ಕ್ಷಸ॒ ಸ್ತಪಿ॑ಷ್ಠೈಃ ॥ ತವ॑ ಭ್ರ॒ಮಾಸ॑ ಆಶು॒ಯಾ ಪಂ॑ತ॒ತ್ಯನು॑ ಸ್ಪೃಶ-ಧೃಷ॒ತಾ ಶೋಶು॑ಚಾನಃ । ತಪೂಗ್ಗ್॑ಷ್ಯಗ್ನೇ ಜು॒ಹ್ವಾ॑ ಪತಂ॒ಗಾನಸಂ॑ದಿತೋ॒ ವಿಸೃ॑ಜ॒ ವಿಷ್ವ॑ಗು॒ಲ್ಕಾಃ ॥ ಪ್ರತಿ॒ಸ್ಪಶೋ॒ ವಿಸೃ॑ಜ॒-ತೂರ್ಣಿ॑ತಮೋ॒ ಭವಾ॑ ಪಾ॒ಯುರ್ವಿ॒ಶೋ ಅ॒ಸ್ಯಾ ಅದ॑ಬ್ಧಃ । ಯೋ ನೋ॑ ದೂ॒ರೇ ಅ॒ಘಶಗ್ಂ॑ಸೋ॒ [ಅ॒ಘಶಗ್ಂ॑ಸಃ, ಯೋ ಅಂತ್ಯಗ್ನೇ॒] ॥ 28 ॥

ಯೋ ಅಂತ್ಯಗ್ನೇ॒ ಮಾಕಿ॑ಷ್ಟೇ॒ ವ್ಯಥಿ॒ರಾ ದ॑ಧರ್​ಷೀತ್ ॥ ಉದ॑ಗ್ನೇ ತಿಷ್ಠ॒ ಪ್ರತ್ಯಾ ಽಽತ॑ನುಷ್ವ॒ ನ್ಯ॑ಮಿತ್ರಾಗ್ಂ॑ ಓಷತಾತ್ ತಿಗ್ಮಹೇತೇ । ಯೋ ನೋ॒ ಅರಾ॑ತಿಗ್ಂ ಸಮಿಧಾನ ಚ॒ಕ್ರೇ ನೀ॒ಚಾ ತಂ ಧ॑ಕ್ಷ್ಯತ॒ಸಂ ನ ಶುಷ್ಕ᳚ಮ್ ॥ ಊ॒ರ್ಧ್ವೋ ಭ॑ವ॒ ಪ್ರತಿ॑ವಿ॒ದ್ಧ್ಯಾ-ಽದ್ಧ್ಯ॒ಸ್ಮದಾ॒ವಿಷ್ಕೃ॑ಣುಷ್ವ॒ ದೈವ್ಯಾ᳚ನ್ಯಗ್ನೇ । ಅವ॑ಸ್ಥಿ॒ರಾ ತ॑ನುಹಿ ಯಾತು॒ಜೂನಾಂ᳚ ಜಾ॒ಮಿಮಜಾ॑ಮಿಂ॒ ಪ್ರಮೃ॑ಣೀಹಿ॒ ಶತ್ರೂನ್॑ ॥
ಸ ತೇ॑ [ಸ ತೇ᳚, ಜಾ॒ನಾ॒ತಿ॒ ಸು॒ಮ॒ತಿಂ] ॥ 29 ॥

ಜಾನಾತಿ ಸುಮ॒ತಿಂ-ಯಁ॑ವಿಷ್ಠ॒ಯ ಈವ॑ತೇ॒ ಬ್ರಹ್ಮ॑ಣೇ ಗಾ॒ತುಮೈರ॑ತ್ । ವಿಶ್ವಾ᳚ನ್ಯಸ್ಮೈ ಸು॒ದಿನಾ॑ನಿ ರಾ॒ಯೋ ದ್ಯು॒ಮ್ನಾನ್ಯ॒ರ್ಯೋ ವಿದುರೋ॑ ಅ॒ಭಿ ದ್ಯೌ᳚ತ್ ॥ ಸೇದ॑ಗ್ನೇ ಅಸ್ತು ಸು॒ಭಗಃ॑ ಸು॒ದಾನು॒-ರ್ಯಸ್ತ್ವಾ॒ ನಿತ್ಯೇ॑ನ ಹ॒ವಿಷಾ॒ಯ ಉ॒ಕ್ಥೈಃ । ಪಿಪ್ರೀ॑ಷತಿ॒ ಸ್ವ ಆಯು॑ಷಿ ದುರೋ॒ಣೇ ವಿಶ್ವೇದ॑ಸ್ಮೈ ಸು॒ದಿನಾ॒ ಸಾಽಸ॑ದಿ॒ಷ್ಟಿಃ ॥ ಅರ್ಚಾ॑ಮಿ ತೇ ಸುಮ॒ತಿಂ ಘೋಷ್ಯ॒ರ್ವಾಖ್-ಸಂತೇ॑ ವಾ॒ ವಾ ತಾ॑ ಜರತಾ- [ವಾ॒ ವಾ ತಾ॑ ಜರತಂ, ಇ॒ಯಂಗೀಃ] ॥ 30 ॥

ಮಿ॒ಯಂಗೀಃ । ಸ್ವಶ್ವಾ᳚ಸ್ತ್ವಾ ಸು॒ರಥಾ॑ ಮರ್ಜಯೇಮಾ॒ಸ್ಮೇ ಕ್ಷ॒ತ್ರಾಣಿ॑ ಧಾರಯೇ॒ರನು॒ ದ್ಯೂನ್ ॥ ಇ॒ಹ ತ್ವಾ॒ ಭೂರ್ಯಾ ಚ॑ರೇ॒ ದುಪ॒ತ್ಮನ್ ದೋಷಾ॑ವಸ್ತ-ರ್ದೀದಿ॒ವಾಗ್ಂಸ॒ಮನು॒ ದ್ಯೂನ್ । ಕ್ರೀಡಂ॑ತಸ್ತ್ವಾ ಸು॒ಮನ॑ಸಃ ಸಪೇಮಾ॒ಭಿ ದ್ಯು॒ಮ್ನಾ ತ॑ಸ್ಥಿ॒ವಾಗ್ಂಸೋ॒ ಜನಾ॑ನಾಮ್ ॥ ಯಸ್ತ್ವಾ॒-ಸ್ವಶ್ವಃ॑ ಸುಹಿರ॒ಣ್ಯೋ ಅ॑ಗ್ನ ಉಪ॒ಯಾತಿ॒ ವಸು॑ಮತಾ॒ ರಥೇ॑ನ । ತಸ್ಯ॑ ತ್ರಾ॒ತಾ-ಭ॑ವಸಿ॒ ತಸ್ಯ॒ ಸಖಾ॒ ಯಸ್ತ॑ ಆತಿ॒ಥ್ಯಮಾ॑ನು॒ಷಗ್ ಜುಜೋ॑ಷತ್ ॥ ಮ॒ಹೋ ರು॑ಜಾಮಿ - [ ] ॥ 31 ॥

ಬಂ॒ಧುತಾ॒ ವಚೋ॑ಭಿ॒ಸ್ತನ್ಮಾ॑ ಪಿ॒ತುರ್ಗೋತ॑ಮಾ॒ದ-ನ್ವಿ॑ಯಾಯ । ತ್ವನ್ನೋ॑ ಅ॒ಸ್ಯ ವಚ॑ಸ-ಶ್ಚಿಕಿದ್ಧಿ॒ ಹೋತ॑ರ್ಯವಿಷ್ಠ ಸುಕ್ರತೋ॒ ದಮೂ॑ನಾಃ ॥ ಅಸ್ವ॑ಪ್ನಜ ಸ್ತ॒ರಣ॑ಯಃ ಸು॒ಶೇವಾ॒ ಅತಂ॑ದ್ರಾಸೋಽವೃ॒ಕಾ ಅಶ್ರ॑ಮಿಷ್ಠಾಃ । ತೇ ಪಾ॒ಯವಃ॑ ಸ॒ದ್ಧ್ರಿಯಂ॑ಚೋ ನಿ॒ಷದ್ಯಾಽಗ್ನೇ॒ ತವ॑ನಃ ಪಾಂತ್ವಮೂರ ॥ ಯೇ ಪಾ॒ಯವೋ॑ ಮಾಮತೇ॒ಯಂ ತೇ॑ ಅಗ್ನೇ॒ ಪಶ್ಯಂ॑ತೋ ಅಂ॒ಧಂ ದು॑ರಿ॒ತಾದರ॑ಕ್ಷನ್ನ್ । ರ॒ರಕ್ಷ॒ತಾಂಥ್ ಸು॒ಕೃತೋ॑ ವಿ॒ಶ್ವವೇ॑ದಾ॒ ದಿಫ್ಸಂ॑ತ॒ ಇದ್ರಿ॒ಪವೋ॒ ನಾ ಹ॑ [ನಾ ಹ॑, ದೇ॒ಭುಃ॒] ॥ 32 ॥

ದೇಭುಃ ॥ ತ್ವಯಾ॑ ವ॒ಯಗ್ಂ ಸ॑ಧ॒ನ್ಯ॑-ಸ್ತ್ವೋತಾ॒-ಸ್ತವ॒ ಪ್ರಣೀ᳚ತ್ಯಶ್ಯಾಮ॒ ವಾಜಾನ್॑ । ಉ॒ಭಾ ಶಗ್ಂಸಾ॑ ಸೂದಯ ಸತ್ಯತಾತೇ-ಽನುಷ್ಠು॒ಯಾ ಕೃ॑ಣುಹ್ಯಹ್ರಯಾಣ ॥ ಅ॒ಯಾ ತೇ॑ ಅಗ್ನೇ ಸ॒ಮಿಧಾ॑ ವಿಧೇಮ॒ ಪ್ರತಿ॒ಸ್ತೋಮಗ್ಂ॑ ಶ॒ಸ್ಯಮಾ॑ನಂ ಗೃಭಾಯ । ದಹಾ॒ಶಸೋ॑ ರ॒ಕ್ಷಸಃ॑ ಪಾ॒ಹ್ಯ॑ಸ್ಮಾನ್ ದ್ರು॒ಹೋ ನಿ॒ದೋ ಮಿ॑ತ್ರಮಹೋ ಅವ॒ದ್ಯಾತ್ ॥ ರ॒ಕ್ಷೋ॒ಹಣಂ॑ ಂ​ವಾಁ॒ಜಿನ॒ಮಾಜಿ॑ಘರ್ಮಿ ಮಿ॒ತ್ರಂ ಪ್ರಥಿ॑ಷ್ಠ॒-ಮುಪ॑ಯಾಮಿ॒ ಶರ್ಮ॑ । ಶಿಶಾ॑ನೋ ಅ॒ಗ್ನಿಃ ಕ್ರತು॑ಭಿಃ॒ ಸಮಿ॑ದ್ಧಃ॒ಸನೋ॒ ದಿವಾ॒ [ದಿವಾ᳚, ಸರಿ॒ಷಃ ಪಾ॑ತು॒ ನಕ್ತಂ᳚] ॥ 33 ॥

ಸರಿ॒ಷಃ ಪಾ॑ತು॒ ನಕ್ತ᳚ಮ್ ॥ ವಿಜ್ಯೋತಿ॑ಷಾ ಬೃಹ॒ತಾ ಭಾ᳚ತ್ಯ॒ಗ್ನಿ-ರಾ॒ವಿ-ರ್ವಿಶ್ವಾ॑ನಿ ಕೃಣುತೇ ಮಹಿ॒ತ್ವಾ । ಪ್ರಾದೇ॑ವೀ-ರ್ಮಾ॒ಯಾಃ ಸ॑ಹತೇ-ದು॒ರೇವಾಃ॒ ಶಿಶೀ॑ತೇ॒ ಶೃಂಗೇ॒ ರಕ್ಷ॑ಸೇ ವಿ॒ನಿಕ್ಷೇ᳚ ॥ ಉ॒ತ ಸ್ವಾ॒ನಾಸೋ॑ ದಿ॒ವಿಷಂ॑ತ್ವ॒ಗ್ನೇ ಸ್ತಿ॒ಗ್ಮಾಯು॑ಧಾ॒ ರಕ್ಷ॑ಸೇ॒ ಹಂತ॒ವಾ ಉ॑ । ಮದೇ॑ ಚಿದಸ್ಯ॒ ಪ್ರರು॑ಜಂತಿ॒ ಭಾಮಾ॒ ನ ವ॑ರಂತೇ ಪರಿ॒ಬಾಧೋ॒ ಅದೇ॑ವೀಃ ॥ 34 ॥
(ಅ॒ಘಶಗ್ಂ॑ಸಃ॒-ಸ ತೇ॑-ಜರತಾಗ್ಂ-ರುಜಾಮಿ-ಹ॒ -ದಿವೈ - ಕ॑ಚತ್ವಾರಿಗ್ಂಶಚ್ಚ) (ಅ. 14)

(ಆಪ॑ ಉಂದ॒, ಂತ್ವಾಕೂ᳚ತ್ಯೈ॒, ದೈವೀ॑, ಮಿ॒ಯಂತೇ॒, ವಸ್ವ್ಯ॑ಸ್ಯ॒ಗ್ಂ॒ ಶುನಾ॑ ತೇ॒, ಸೋಮಂ॑ತ॒, ಉದಾಯು॑ಷಾ॒, ಪ್ರ ಚ್ಯ॑ವಸ್ವಾ॒, ಽಗ್ನೇ ರಾ॑ತಿ॒ಥ್ಯ, -ಮ॒ಗ್ಂ॒ಶುರಗ್ಂ॑ ಶು, ರ್ವಿ॒ತ್ತಾಯ॑ನೀ ಮೇಽಸಿ, ಯುಂ॒ಚತೇ॑, ಕೃಣು॒ಷ್ವ ಪಾಜ॒, ಶ್ಚತು॑ರ್ದಶ ।)

(ಆಪೋ॒-ವಸ್ವ್ಯ॑ಸಿ॒ ಯಾ ತವೇ॒-ಯಂಗೀ-ಶ್ಚತು॑ಸ್ತ್ರಿಗ್ಂಶತ್ ।)

(ಆಪ॑ ಉಂದ॒ನ್, ತ್ವದೇ॑ವೀಃ)

॥ ಹರಿಃ॑ ಓಮ್ ॥

॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಪ್ರಥಮಕಾಂಡೇ ದ್ವಿತೀಯಃ ಪ್ರಶ್ನಃ ಸಮಾಪ್ತಃ ॥