Chintamani Shatpadi - Marathi

Collection of Spiritual and Devotional Literature in Various Indian Languages

View this in:

This document is in सरल देवनागरी (Devanagari) script, commonly used for Marathi language.

चिंतामणि षट्पदी

द्विरदवदन विषमरद वरद जयेशान शांतवरसदन ।
सदनवसादन दयया कुरु सादनमंतरायस्य ॥ 1 ॥

इंदुकला कलितालिक सालिकशुंभत्कपोलपालियुग ।
विकटस्फुटकटधाराधारोऽस्यस्य प्रपंचस्य ॥ 2 ॥

वरपरशुपाशपाणे पणितपणायापणायितोऽसि यतः ।
आरूह्य वज्रदंतं आखुं विदधासि विपदंतम् ॥ 3 ॥

लंबोदर दूर्वासन शयधृतसामोदमोदकाशनक ।
शनकैरवलोकय मां यमांतरायापहारिचारुदृशा ॥ 4 ॥

आनंदतुंदिलाखिलवृंदारकवृंदवंदितांघ्रियुग ।
सुखधृतदंडरसालो नागजभालोऽतिभासि विभो ॥ 5 ॥

अगणेयगुणेशात्मज चिंतकचिंतामणे गणेशान ।
स्वचरणशरणं करुणावरुणालय देव पाहि मां दीनम् ॥ 6 ॥

रुचिरवचोऽमृतरावोन्नीता नीता दिवं स्तुतिः स्फीता ।
इति षट्पदी मदीया गणपतिपादांबुजे विशतु ॥ 7 ॥

इति चिंतामणिषट्पदी ॥

Browse Related Categories: