అన్నమయ్య కీర్తన క్షీరాబ్ధి కన్యకకు

రాగం: కురిన్జి
29 శన్కరాభరణం జన్య
ఆ: స ని3 స రి2 గ3 మ1 ప ద2
అవ: ద2 ప మ1 గ3 రి2 స ని3 స
తాళం: ఆది

పల్లవి
క్షీరాబ్ధి కన్యకకు శ్రీ మహాలక్ష్మికిని
నీరజాలయమునకు నీరాజనం ॥ (2)

చరణం 1
జలజాక్షి మోమునకు జక్కవ కుచమ్బులకు
నెలకొన్న కప్పురపు నీరాజనం ।
అలివేణి తురుమునకు హస్తకమలమ్బులకు
నిలువుమాణిక్యముల నీరాజనం ॥
క్షీరాబ్ధి కన్యకకు శ్రీ మహాలక్ష్మికిని
నీరజాలయమునకు నీరాజనం ॥ (ప..) (1)

చరణం 2
చరణ కిసలయములకు సకియరమ్భోరులకు
నిరతమగు ముత్తేల నీరాజనం ।
అరిది జఘనమ్బునకు అతివనిజనాభికిని
నిరతి నానావర్ణ నీరాజనం ॥

చరణం 3
పగటు శ్రీవేఙ్కటేశు పట్టపురాణియై
నెగడు సతికళలకును నీరాజనం ।
జగతి నలమేల్మఙ్గ చక్కదనములకెల్ల
నిగుడు నిజ శోభనపు నీరాజనం ॥
క్షీరాబ్ధి కన్యకకు శ్రీ మహాలక్ష్మికిని
నీరజాలయమునకు నీరాజనం ॥ (ప..) (1)

Browse Related Categories: