శ్రీ వేఙ్కటేశ్వర శరణాగతి స్తోత్రమ్ (సప్తర్షి కృతమ్)

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

శేషాచలం సమాసాద్య కశ్యపాద్యా మహర్షయః ।
వేఙ్కటేశం రమానాథం శరణం ప్రాపురఞ్జసా ॥ 1 ॥

కలిసన్తారకం ముఖ్యం స్తోత్రమేతజ్జపేన్నరః ।
సప్తర్షివాక్ప్రసాదేన విష్ణుస్తస్మై ప్రసీదతి ॥ 2 ॥

కశ్యప ఉవాచ –
కాదిహ్రీమన్తవిద్యాయాః ప్రాప్యైవ పరదేవతా ।
కలౌ శ్రీవేఙ్కటేశాఖ్యా తామహం శరణం భజే ॥ 3 ॥

అత్రిరువాచ –
అకారాదిక్షకారాన్తవర్ణైర్యః ప్రతిపాద్యతే ।
కలౌ స వేఙ్కటేశాఖ్యః శరణం మే రమాపతిః ॥ 4 ॥

భరద్వాజ ఉవాచ –
భగవాన్ భార్గవీకాన్తో భక్తాభీప్సితదాయకః ।
భక్తస్య వేఙ్కటేశాఖ్యో భరద్వాజస్య మే గతిః ॥ 5 ॥

విశ్వామిత్ర ఉవాచ –
విరాడ్విష్ణుర్విధాతా చ విశ్వవిజ్ఞానవిగ్రహః ।
విశ్వామిత్రస్య శరణం వేఙ్కటేశో విభుః సదా ॥ 6 ॥

గౌతమ ఉవాచ –
గౌర్గౌరీశప్రియో నిత్యం గోవిన్దో గోపతిర్విభుః ।
శరణం గౌతమస్యాస్తు వేఙ్కటాద్రిశిరోమణిః ॥ 7 ॥

జమదగ్నిరువాచ –
జగత్కర్తా జగద్భర్తా జగద్ధర్తా జగన్మయః ।
జమదగ్నేః ప్రపన్నస్య జీవేశో వేఙ్కటేశ్వరః ॥ 8 ॥

వసిష్ఠ ఉవాచ –
వస్తువిజ్ఞానమాత్రం యన్నిర్విశేషం సుఖం చ సత్ ।
తద్బ్రహ్మైవాహమస్మీతి వేఙ్కటేశం భజే సదా ॥ 9 ॥

సప్తర్షిరచితం స్తోత్రం సర్వదా యః పఠేన్నరః ।
సోఽభయం ప్రాప్నుయాత్సత్యం సర్వత్ర విజయీ భవేత్ ॥ 10 ॥

ఇతి సప్తర్షిభిః కృతం శ్రీ వేఙ్కటేశ్వర శరణాగతి స్తోత్రమ్ ।

Browse Related Categories: