శ్రీ వేఙ్కటేశ్వర విజయార్యా సప్త విభక్తి స్తోత్రమ్

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

శ్రీవేఙ్కటాద్రిధామా భూమా భూమాప్రియః కృపాసీమా ।
నిరవధికనిత్యమహిమా భవతు జయీ ప్రణతదర్శితప్రేమా ॥ 1 ॥

జయ జనతా విమలీకృతిసఫలీకృతసకలమఙ్గళాకార ।
విజయీ భవ విజయీ భవ విజయీ భవ వేఙ్కటాచలాధీశ ॥ 2 ॥

కమనీయమన్దహసితం కఞ్చన కన్దర్పకోటిలావణ్యమ్ ।
పశ్యేయమఞ్జనాద్రౌ పుంసాం పూర్వతనపుణ్యపరిపాకమ్ ॥ 3 ॥

మరతకమేచకరుచినా మదనాజ్ఞాగన్ధిమధ్యహృదయేన ।
వృషశైలమౌలిసుహృదా మహసా కేనాపి వాసితం జ్ఞేయమ్ ॥ 4 ॥

పత్యై నమో వృషాద్రేః కరయుగపరికర్మశఙ్ఖచక్రాయ ।
ఇతరకరకమలయుగళీదర్శిత-కటిబన్ధదానముద్రాయ ॥ 5 ॥

సామ్రాజ్యపిశునమకుటీసుఘటలలాటాత్ సుమఙ్గలా పాఙ్గాత్ ।
స్మితరుచిఫుల్లకపోలాదపరో న పరోఽస్తి వేఙ్కటాద్రీశాత్ ॥ 6 ॥

సర్వాభరణవిభూషితదివ్యావయవస్య వేఙ్కటాద్రిపతేః ।
పల్లవపుష్పవిభూషితకల్పతరోశ్చాపి కా భిదా దృష్టా ॥ 7 ॥

లక్ష్మీలలితపదామ్బుజలాక్షారసరఞ్జితాయతోరస్కే ।
శ్రీవేఙ్కటాద్రినాథే నాథే మమ నిత్యమర్పితో భారః ॥ 8 ॥

ఆర్యావృత్తసమేతా సప్తవిభక్తిర్వృషాద్రినాథస్య ।
వాదీన్ద్రభీకృదాఖ్యైరార్యై రచితా జయత్వియం సతతమ్ ॥ 9 ॥

ఇతి శ్రీవేఙ్కటేశవిజయార్యాసప్తవిభక్తి స్తోత్రం సమ్పూర్ణమ్ ।

Browse Related Categories: