శ్రీ వేఙ్కటేశ్వర భుజఙ్గమ్

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

ముఖే చారుహాసం కరే శఙ్ఖచక్రం
గలే రత్నమాలాం స్వయం మేఘవర్ణమ్ ।
తథా దివ్యశస్త్రం ప్రియం పీతవస్త్రం
ధరన్తం మురారిం భజే వేఙ్కటేశమ్ ॥ 1 ॥

సదాభీతిహస్తం ముదాజానుపాణిం
లసన్మేఖలం రత్నశోభాప్రకాశమ్ ।
జగత్పాదపద్మం మహత్పద్మనాభం
ధరన్తం మురారిం భజే వేఙ్కటేశమ్ ॥ 2 ॥

అహో నిర్మలం నిత్యమాకాశరూపం
జగత్కారణం సర్వవేదాన్తవేద్యమ్ ।
విభుం తాపసం సచ్చిదానన్దరూపం
ధరన్తం మురారిం భజే వేఙ్కటేశమ్ ॥ 3 ॥

శ్రియా విష్టితం వామపక్షప్రకాశం
సురైర్వన్దితం బ్రహ్మరుద్రస్తుతం తమ్ ।
శివం శఙ్కరం స్వస్తినిర్వాణరూపం
ధరన్తం మురారిం భజే వేఙ్కటేశమ్ ॥ 4 ॥

మహాయోగసాద్ధ్యం పరిభ్రాజమానం
చిరం విశ్వరూపం సురేశం మహేశమ్ ।
అహో శాన్తరూపం సదాధ్యానగమ్యం
ధరన్తం మురారిం భజే వేఙ్కటేశమ్ ॥ 5 ॥

అహో మత్స్యరూపం తథా కూర్మరూపం
మహాక్రోడరూపం తథా నారసింహమ్ ।
భజే కుబ్జరూపం విభుం జామదగ్న్యం
ధరన్తం మురారిం భజే వేఙ్కటేశమ్ ॥ 6 ॥

అహో బుద్ధరూపం తథా కల్కిరూపం
ప్రభుం శాశ్వతం లోకరక్షామహన్తమ్ ।
పృథక్కాలలబ్ధాత్మలీలావతారం
ధరన్తం మురారిం భజే వేఙ్కటేశమ్ ॥ 7 ॥

ఇతి శ్రీవేఙ్కటేశ భుజఙ్గం సమ్పూర్ణమ్ ।

Browse Related Categories: