ওংকারতত্ত্বরূপায দিব্যজ্ঞানাত্মনে নমঃ ।
নভোতীতমহাধাম্ন ঐংদ্র্যৃধ্যা ওজসে নমঃ ॥ 1॥

নষ্টমত্সরগম্যাযাগম্যাচারাত্মবর্ত্মনে ।
মোচিতামেধ্যকৃতযে ঱্হীংবীজশ্রাণিতশ্রিযে ॥ 2॥

মোহাদিবিভ্রমাংতায বহুকাযধরায চ ।
ভত্তদুর্বৈভবছেত্রে ক্লীংবীজবরজাপিনে ॥ 3॥

ভবহে-তুবিনাশায রাজচ্ছোণাধরায চ ।
গতিপ্রকংপিতাংডায চারুব্যহতবাহবে ॥ 4॥

গতগ-র্বপ্রিযাযাস্তু যমাদিযতচেতসে ।
বশিতাজাতবশ্যায মুংডিনে অনসূযবে ॥ 5॥

বদদ্ব-রেণ্যবাগ্জালা-বিস্পৃষ্টবিবিধাত্মনে ।
তপোধনপ্রসন্নাযে-ডাপতিস্তুতকীর্তযে ॥ 6॥

তেজোমণ্যংতরংগাযা-দ্মরসদ্মবিহাপনে ।
আংতরস্থানসংস্থাযাযৈশ্বর্যশ্রৌতগীতযে ॥ 7॥

বাতাদিভযযুগ্ভাব-হেতবে হেতুবেতবে ।
জগদাত্মাত্মভূতায বিদ্বিষত্ষট্কঘাতিনে ॥ 8॥

সুরব-র্গোদ্ধৃতে ভৃত্যা অসুরাবাসভেদিনে ।
নেত্রে চ নযনাক্ষ্ণে চিচ্চেতনায মহাত্মনে ॥ 9॥

দেবাধিদেবদেবায বসুধাসুরপালিনে ।
যাজিনামগ্রগণ্যায দ্রাংবীজজপতুষ্টযে ॥ 10॥

বাসনাবনদাবায ধূলিযুগ্দেহমালিনে ।
যতিসংন্যাসিগতযে দত্তাত্রেযেতি সংবিদে ॥ 11॥

যজনাস্যভুজেজায তারকাবাসগামিনে ।
মহাজবাস্পৃগ্রূপাযা-ত্তাকারায বিরূপিণে ॥ 12॥

নরায ধীপ্রদীপায যশস্বিযশসে নমঃ ।
হারিণে চোজ্বলাংগাযাত্রেস্তনূজায সংভবে ॥ 13॥

মোচিতামরসংঘায ধীমতাং ধীরকায চ ।
বলিষ্ঠবিপ্রলভ্যায যাগহোমপ্রিযায চ ॥ 14॥

ভজন্মহিমবিখ়যাত্রেঽমরারিমহিমচ্ছিদে ।
লাভায মুংডিপূজ্যায যমিনে হেমমালিনে ॥ 15॥

গতোপাধিব্যাধযে চ হিরণ্যাহিতকাংতযে ।
যতীংদ্রচর্যাং দধতে নরভাবৌষধায চ ॥ 16॥

বরিষ্ঠযোগিপূজ্যায তংতুসংতন্বতে নমঃ ।
স্বাত্মগাথাসুতীর্থায মঃশ্রিযে ষট্করায চ ॥ 17॥

তেজোমযোত্তমাংগায নোদনানোদ্যকর্মণে ।
হান্যাপ্তিমৃতিবিজ্ঞাত্র ওংকারিতসুভক্তযে ॥ 18॥

রুক্ষুঙ্মনঃখেদহৃতে দর্শনাবিষযাত্মনে ।
রাংকবাততবস্ত্রায নরতত্ত্বপ্রকাশিনে ॥ 19॥

দ্রাবিতপ্রণতাঘাযা-ত্তঃস্বজিষ্ণুঃস্বরাশযে ।
রাজংত্র্যাস্যৈকরূপায মঃস্থাযমসুবম্ধবে ॥ 20॥

যতযে চোদনাতীত- প্রচারপ্রভবে নমঃ ।
মানরোষবিহীনায শিষ্যসংসিদ্ধিকারিণে ॥ 21॥

গংগে পাদবিহীনায চোদনাচোদিতাত্মনে ।
যবীযসেঽলর্কদুঃখ-বারিণেঽখংডিতাত্মনে ॥ 22॥

হ্রীংবীজাযার্জুনজ্যেষ্ঠায দর্শনাদর্শিতাত্মনে ।
নতিসংতুষ্টচিত্তায যতিনে ব্রহ্মচারিণে ॥ 23॥

ইত্যেষ সত্স্তবো বৃত্তোযাত্ কং দেযাত্প্রজাপিনে ।
মস্করীশো মনুস্যূতঃ পরব্রহ্মপদপ্রদঃ ॥ 24॥

॥ ইতি শ্রী. প. প. শ্রীবাসুদেবানংদ সরস্বতী বিরচিতং
মংত্রগর্ভ শ্রী দত্তাত্রেযাষ্টোত্তরশতনাম স্তোত্রং সংপূর্ণম্॥