ভৃগুরুবাচ
চতুর্বক্ত্র জগন্নাথ স্তোত্রং বদ মযি প্রভো ।
যস্যানুষ্ঠানমাত্রেণ নরো ভক্তিমবাপ্নুযাত্ ॥ 1 ॥
ব্রহ্মোবাচ
সহস্রনাম্নামাকৃষ্য নাম্নামষ্টোত্তরং শতম্ ।
গুহ্যাদ্গুহ্যতরং গুহ্যং সুংদর্যাঃ পরিকীর্তিতম্ ॥ 2 ॥
অস্য শ্রীষোডশ্যষ্টোত্তরশতনামস্তোত্রস্য শংভুরৃষিঃ অনুষ্টুপ্ ছংদঃ শ্রীষোডশী দেবতা ধর্মার্থকামমোক্ষসিদ্ধ্যর্থে জপে বিনিযোগঃ ।
ত্রিপুরা ষোডশী মাতা ত্র্যক্ষরা ত্রিতযা ত্রযী ।
সুংদরী সুমুখী সেব্যা সামবেদপরাযণা ॥ 3 ॥
শারদা শব্দনিলযা সাগরা সরিদংবরা ।
শুদ্ধা শুদ্ধতনুঃ সাধ্বী শিবধ্যানপরাযণা ॥ 4 ॥
স্বামিনী শংভুবনিতা শাংভবী চ সরস্বতী ।
সমুদ্রমথিনী শীঘ্রগামিনী শীঘ্রসিদ্ধিদা ॥ 5 ॥
সাধুসেব্যা সাধুগম্যা সাধুসংতুষ্টমানসা ।
খট্বাংগধারিণী খর্বা খড্গখর্পরধারিণী ॥ 6 ॥
ষড্বর্গভাবরহিতা ষড্বর্গপরিচারিকা ।
ষড্বর্গা চ ষডংগা চ ষোঢা ষোডশবার্ষিকী ॥ 7 ॥
ক্রতুরূপা ক্রতুমতী ঋভুক্ষক্রতুমংডিতা ।
কবর্গাদিপবর্গাংতা অংতস্থাঽনংতরূপিণী ॥ 8 ॥
অকারাকাররহিতা কালমৃত্যুজরাপহা ।
তন্বী তত্ত্বেশ্বরী তারা ত্রিবর্ষা জ্ঞানরূপিণী ॥ 9 ॥
কালী করালী কামেশী ছাযা সংজ্ঞাপ্যরুংধতী ।
নির্বিকল্পা মহাবেগা মহোত্সাহা মহোদরী ॥ 10 ॥
মেঘা বলাকা বিমলা বিমলজ্ঞানদাযিনী ।
গৌরী বসুংধরা গোপ্ত্রী গবাং পতিনিষেবিতা ॥ 11 ॥
ভগাংগা ভগরূপা চ ভক্তিভাবপরাযণা ।
ছিন্নমস্তা মহাধূমা তথা ধূম্রবিভূষণা ॥ 12 ॥
ধর্মকর্মাদিরহিতা ধর্মকর্মপরাযণা ।
সীতা মাতংগিনী মেধা মধুদৈত্যবিনাশিনী ॥ 13 ॥
ভৈরবী ভুবনা মাতাঽভযদা ভবসুংদরী ।
ভাবুকা বগলা কৃত্যা বালা ত্রিপুরসুংদরী ॥ 14 ॥
রোহিণী রেবতী রম্যা রংভা রাবণবংদিতা ।
শতযজ্ঞমযী সত্ত্বা শতক্রতুবরপ্রদা ॥ 15 ॥
শতচংদ্রাননা দেবী সহস্রাদিত্যসন্নিভা ।
সোমসূর্যাগ্নিনযনা ব্যাঘ্রচর্মাংবরাবৃতা ॥ 16 ॥
অর্ধেংদুধারিণী মত্তা মদিরা মদিরেক্ষণা ।
ইতি তে কথিতং গোপ্যং নাম্নামষ্টোত্তরং শতম্ ॥ 17 ॥
সুংদর্যাঃ সর্বদং সেব্যং মহাপাতকনাশনম্ ।
গোপনীযং গোপনীযং গোপনীযং কলৌ যুগে ॥ 18 ॥
সহস্রনামপাঠস্য ফলং যদ্বৈ প্রকীর্তিতম্ ।
তস্মাত্কোটিগুণং পুণ্যং স্তবস্যাস্য প্রকীর্তনাত্ ॥ 19 ॥
পঠেত্সদা ভক্তিযুতো নরো যো
নিশীথকালেঽপ্যরুণোদযে বা ।
প্রদোষকালে নবমীদিনেঽথবা
লভেত ভোগান্পরমাদ্ভুতান্প্রিযান্ ॥ 20 ॥
ইতি ব্রহ্মযামলে পূর্বখংডে ষোডশ্যষ্টোত্তরশতনাম স্তোত্রম্ ।
