মুনযঃ ঊচুঃ
নিখিলাগমতত্ত্বজ্ঞ ব্রহ্মধ্যানপরাযণ ।
বদাস্মাকং মুক্ত্যুপাযং সূত সর্বোপকারকম্ ॥ 1 ॥

সর্বদেবেষু কো দেবঃ সদ্যো মোক্ষপ্রদো ভবেত্ ।
কো মনুর্বা ভবেত্তস্য সদ্যঃ প্রীতিকরো ধ্রুবম্ ॥ 2 ॥

সূত উবাচ ।
নিগমাগমতত্ত্বজ্ঞো হ্যবধূতশ্চিদংবরঃ ।
ভক্তবাত্সল্যপ্রবণো দত্ত এব হি কেবলঃ ॥ 3 ॥

সদা প্রসন্নবদনো ভক্তচিংতৈকতত্পরঃ ।
তস্য নামান্যনংতানি বর্তংতেঽথাপ্যদঃ পরম্ ॥ 4 ॥

দত্তস্য নামসাহস্রং তস্য প্রীতিবিবর্ধনম্ ।
যস্ত্বিদং পঠতে নিত্যং দত্তাত্রেযৈকমানসঃ ॥ 5 ॥

মুচ্যতে সর্বপাপেভ্যঃ স সদ্যো নাত্র সংশযঃ ।
অংতে তদ্ধাম সংযাতি পুনরাবৃত্তিদুর্লভম্ ॥ 6 ॥

অস্য শ্রীমদ্দত্তাত্রেযসহস্রনামস্তোত্রমংত্রস্য অবধূত ঋষিঃ, অনুষ্টুপ্ ছংদঃ, দিগংবরো দেবতা, ওং বীজং, হ্রীং শক্তিঃ, ক্রৌং কীলকং, শ্রীদত্তাত্রেযপ্রীত্যর্থে জপে বিনিযোগঃ ।

অথ ধ্যানম্
দিগংবরং ভস্মবিলেপিতাংগং
বোধাত্মকং মুক্তিকরং প্রসন্নম্ ।
নির্মানসং শ্যামতনুং ভজেঽহং
দত্তাত্রেযং ব্রহ্মসমাধিযুক্তম্ ॥

অথ স্তোত্রম্
দত্তাত্রেযো মহাযোগী যোগেশশ্চামরপ্রভুঃ ।
মুনির্দিগংবরো বালো মাযামুক্তো মদাপহঃ ॥ 1 ॥

অবধূতো মহানাথঃ শংকরোঽমরবল্লভঃ ।
মহাদেবশ্চাদিদেবঃ পুরাণপ্রভুরীশ্বরঃ ॥ 2 ॥

সত্ত্বকৃত্সত্ত্বভৃদ্ভাবঃ সত্ত্বাত্মা সত্ত্বসাগরঃ ।
সত্ত্ববিত্সত্ত্বসাক্ষী চ সত্ত্বসাধ্যোঽমরাধিপঃ ॥ 3 ॥

ভূতকৃদ্ভূতভৃচ্চৈব ভূতাত্মা ভূতসংভবঃ ।
ভূতভাবো ভবো ভূতবিত্তথা ভূতকারণঃ ॥ 4 ॥

ভূতসাক্ষী প্রভূতিশ্চ ভূতানাং পরমা গতিঃ ।
ভূতসংগবিহীনাত্মা ভূতাত্মা ভূতশংকরঃ ॥ 5 ॥

ভূতনাথো মহানাথ আদিনাথো মহেশ্বরঃ ।
সর্বভূতনিবাসাত্মা ভূতসংতাপনাশনঃ ॥ 6 ॥

সর্বাত্মা সর্বভৃত্সর্বঃ সর্বজ্ঞঃ সর্বনির্ণযঃ ।
সর্বসাক্ষী বৃহদ্ভানুঃ সর্ববিত্ সর্বমংগলঃ ॥ 7 ॥

শাংতঃ সত্যঃ সমঃ পূর্ণো একাকী কমলাপতিঃ ।
রামো রামপ্রিযশ্চৈব বিরামো রামকারণঃ ॥ 8 ॥

শুদ্ধাত্মা পাবনোঽনংতঃ প্রতীতঃ পরমার্থভৃত্ ।
হংসসাক্ষী বিভুশ্চৈব প্রভুঃ প্রলয ইত্যপি ॥ 9 ॥

সিদ্ধাত্মা পরমাত্মা চ সিদ্ধানাং পরমা গতিঃ ।
সিদ্ধিসিদ্ধস্তথা সাধ্যঃ সাধনো হ্যুত্তমস্তথা ॥ 10 ॥

সুলক্ষণঃ সুমেধাবী বিদ্যাবান্বিগতাংতরঃ ।
বিজ্বরশ্চ মহাবাহুর্বহুলানংদবর্ধনঃ ॥ 11 ॥

অব্যক্তপুরুষঃ প্রাজ্ঞঃ পরজ্ঞঃ পরমার্থদৃক্ ।
পরাপরবিনির্মুক্তো যুক্তস্তত্ত্বপ্রকাশবান্ ॥ 12 ॥

দযাবান্ ভগবান্ ভাবী ভাবাত্মা ভাবকারণঃ ।
ভবসংতাপনাশশ্চ পুষ্পবান্ পংডিতো বুধঃ ॥ 13 ॥

প্রত্যক্ষবস্তুর্বিশ্বাত্মা প্রত্যগ্ব্রহ্ম সনাতনঃ ।
প্রমাণবিগতশ্চৈব প্রত্যাহারনিযোজকঃ ॥ 14 ॥

প্রণবঃ প্রণবাতীতঃ প্রমুখঃ প্রলযাত্মকঃ ।
মৃত্যুংজযো বিবিক্তাত্মা শংকরাত্মা পরো বপুঃ ॥ 15 ॥

পরমস্তনুবিজ্ঞেযঃ পরমাত্মনি সংস্থিতঃ ।
প্রবোধকলনাধারঃ প্রভাবপ্রবরোত্তমঃ ॥ 16 ॥

চিদংবরশ্চিদ্বিলাসশ্চিদাকাশশ্চিদুত্তমঃ ।
চিত্তচৈতন্যচিত্তাত্মা দেবানাং পরমা গতিঃ ॥ 17 ॥

অচেত্যশ্চেতনাধারশ্চেতনাচিত্তবিক্রমঃ ।
চিত্তাত্মা চেতনারূপো লসত্পংকজলোচনঃ ॥ 18 ॥

পরং ব্রহ্ম পরং জ্যোতিঃ পরং ধাম পরংতপঃ ।
পরং সূত্রং পরং তংত্রং পবিত্রঃ পরমোহবান্ ॥ 19 ॥

ক্ষেত্রজ্ঞঃ ক্ষেত্রগঃ ক্ষেত্রঃ ক্ষেত্রাধারঃ পুরংজনঃ ।
ক্ষেত্রশূন্যো লোকসাক্ষী ক্ষেত্রবান্ বহুনাযকঃ ॥ 20 ॥

যোগেংদ্রো যোগপূজ্যশ্চ যোগ্য আত্মবিদাং শুচিঃ ।
যোগমাযাধরঃ স্থাণুরচলঃ কমলাপতিঃ ॥ 21 ॥

যোগেশো যোগনির্মাতা যোগজ্ঞানপ্রকাশনঃ ।
যোগপালো লোকপালঃ সংসারতমনাশনঃ ॥ 22 ॥

গুহ্যো গুহ্যতমো গুপ্তো মুক্তো যুক্তঃ সনাতনঃ ।
গহনো গগনাকারো গংভীরো গণনাযকঃ ॥ 23 ॥

গোবিংদো গোপতির্গোপ্তা গোভাগো ভাবসংস্থিতঃ ।
গোসাক্ষী গোতমারিশ্চ গাংধারো গগনাকৃতিঃ ॥ 24 ॥

যোগযুক্তো ভোগযুক্তঃ শংকামুক্তসমাধিমান্ ।
সহজঃ সকলেশানঃ কার্তবীর্যবরপ্রদঃ ॥ 25 ॥

সরজো বিরজো পুংসো পাবনঃ পাপনাশনঃ ।
পরাবরবিনির্মুক্তঃ পরং‍জ্যোতিঃ পুরাতনঃ ॥ 26 ॥

নানাজ্যোতিরনেকাত্মা স্বযং‍জ্যোতিঃ সদাশিবঃ ।
দিব্যজ্যোতির্মযশ্চৈব সত্যবিজ্ঞানভাস্করঃ ॥ 27 ॥

নিত্যশুদ্ধঃ পরঃ পূর্ণঃ প্রকাশঃ প্রকটোদ্ভবঃ ।
প্রমাদবিগতশ্চৈব পরেশঃ পরবিক্রমঃ ॥ 28 ॥

যোগী যোগো যোগপশ্চ যোগাভ্যাসপ্রকাশনঃ ।
যোক্তা মোক্তা বিধাতা চ ত্রাতা পাতা নিরাযুধঃ ॥ 29 ॥

নিত্যমুক্তো নিত্যযুক্তঃ সত্যঃ সত্যপরাক্রমঃ ।
সত্ত্বশুদ্ধিকরঃ সত্ত্বস্তথা সত্ত্বভৃতাং গতিঃ ॥ 30 ॥

শ্রীধরঃ শ্রীবপুঃ শ্রীমান্ শ্রীনিবাসোঽমরার্চিতঃ ।
শ্রীনিধিঃ শ্রীপতিঃ শ্রেষ্ঠঃ শ্রেযস্কশ্চরমাশ্রযঃ ॥ 31 ॥

ত্যাগী ত্যাগার্থসংপন্নস্ত্যাগাত্মা ত্যাগবিগ্রহঃ ।
ত্যাগলক্ষণসিদ্ধাত্মা ত্যাগজ্ঞস্ত্যাগকারণঃ ॥ 32 ॥

ভোগো ভোক্তা তথা ভোগ্যো ভোগসাধনকারণঃ ।
ভোগী ভোগার্থসংপন্নো ভোগজ্ঞানপ্রকাশনঃ ॥ 33 ॥

কেবলঃ কেশবঃ কৃষ্ণঃ কংবাসাঃ কমলালযঃ ।
কমলাসনপূজ্যশ্চ হরিরজ্ঞানখংডনঃ ॥ 34 ॥

মহাত্মা মহদাদিশ্চ মহেশোত্তমবংদিতঃ ।
মনোবুদ্ধিবিহীনাত্মা মানাত্মা মানবাধিপঃ ॥ 35 ॥

ভুবনেশো বিভূতিশ্চ ধৃতির্মেধা স্মৃতির্দযা ।
দুঃখদাবানলো বুদ্ধঃ প্রবুদ্ধঃ পরমেশ্বরঃ ॥ 36 ॥

কামহা ক্রোধহা চৈব দংভদর্পমদাপহঃ ।
অজ্ঞানতিমিরারিশ্চ ভবারির্ভুবনেশ্বরঃ ॥ 37 ॥

রূপকৃদ্রূপভৃদ্রূপী রূপাত্মা রূপকারণঃ ।
রূপজ্ঞো রূপসাক্ষী চ নামরূপো গুণাংতকঃ ॥ 38 ॥

অপ্রমেযঃ প্রমেযশ্চ প্রমাণং প্রণবাশ্রযঃ ।
প্রমাণরহিতোঽচিংত্যশ্চেতনাবিগতোঽজরঃ ॥ 39 ॥

অক্ষরোঽক্ষরমুক্তশ্চ বিজ্বরো জ্বরনাশনঃ ।
বিশিষ্টো বিত্তশাস্ত্রী চ দৃষ্টো দৃষ্টাংতবর্জিতঃ ॥ 40 ॥

গুণেশো গুণকাযশ্চ গুণাত্মা গুণভাবনঃ ।
অনংতগুণসংপন্নো গুণগর্ভো গুণাধিপঃ ॥ 41 ॥

গণেশো গুণনাথশ্চ গুণাত্মা গণভাবনঃ ।
গণবংধুর্বিবেকাত্মা গুণযুক্তঃ পরাক্রমী ॥ 42 ॥

অতর্ক্যঃ ক্রতুরগ্নিশ্চ কৃতজ্ঞঃ সফলাশ্রযঃ ।
যজ্ঞশ্চ যজ্ঞফলদো যজ্ঞ ইজ্যোঽমরোত্তমঃ ॥ 43 ॥

হিরণ্যগর্ভঃ শ্রীগর্ভঃ খগর্ভঃ কুণপেশ্বরঃ ।
মাযাগর্ভো লোকগর্ভঃ স্বযংভূর্ভুবনাংতকঃ ॥ 44 ॥

নিষ্পাপো নিবিডো নংদী বোধী বোধসমাশ্রযঃ ।
বোধাত্মা বোধনাত্মা চ ভেদবৈতংডখংডনঃ ॥ 45 ॥

স্বাভাব্যো ভাবনির্মুক্তো ব্যক্তোঽব্যক্তসমাশ্রযঃ ।
নিত্যতৃপ্তো নিরাভাসো নির্বাণঃ শরণঃ সুহৃত্ ॥ 46 ॥

গুহ্যেশো গুণগংভীরো গুণদোষনিবারণঃ ।
গুণসংগবিহীনশ্চ যোগারের্দর্পনাশনঃ ॥ 47 ॥

আনংদঃ পরমানংদঃ স্বানংদসুখবর্ধনঃ ।
সত্যানংদশ্চিদানংদঃ সর্বানংদপরাযণঃ ॥ 48 ॥

সদ্রূপঃ সহজঃ সত্যঃ স্বানংদঃ সুমনোহরঃ ।
সর্বঃ সর্বাংতরশ্চৈব পূর্বাত্পূর্বতরস্তথা ॥ 49 ॥

খমযঃ খপরঃ খাদিঃ খং‍ব্রহ্ম খতনুঃ খগঃ ।
খবাসাঃ খবিহীনশ্চ খনিধিঃ খপরাশ্রযঃ ॥ 50 ॥

অনংতশ্চাদিরূপশ্চ সূর্যমংডলমধ্যগঃ ।
অমোঘঃ পরমামোঘঃ পরোক্ষঃ পরদঃ কবিঃ ॥ 51 ॥

বিশ্বচক্ষুর্বিশ্বসাক্ষী বিশ্ববাহুর্ধনেশ্বরঃ ।
ধনংজযো মহাতেজাস্তেজিষ্ঠস্তৈজসঃ সুখী ॥ 52 ॥

জ্যোতির্জ্যোতির্মযো জেতা জ্যোতিষাং জ্যোতিরাত্মকঃ ।
জ্যোতিষামপি জ্যোতিশ্চ জনকো জনমোহনঃ ॥ 53 ॥

জিতেংদ্রিযো জিতক্রোধো জিতাত্মা জিতমানসঃ ।
জিতসংগো জিতপ্রাণো জিতসংসারবাসনঃ ॥ 54 ॥

নির্বাসনো নিরালংবো নির্যোগক্ষেমবর্জিতঃ ।
নিরীহো নিরহংকারো নিরাশীর্নিরুপাধিকঃ ॥ 55 ॥

নিত্যবোধো বিবিক্তাত্মা বিশুদ্ধোত্তমগৌরবঃ ।
বিদ্যার্থী পরমার্থী চ শ্রদ্ধার্থী সাধনাত্মকঃ ॥ 56 ॥

প্রত্যাহারী নিরাহারী সর্বাহারপরাযণঃ ।
নিত্যশুদ্ধো নিরাকাংক্ষী পারাযণপরাযণঃ ॥ 57 ॥

অণোরণুতরঃ সূক্ষ্মঃ স্থূলঃ স্থূলতরস্তথা ।
একস্তথাঽনেকরূপো বিশ্বরূপঃ সনাতনঃ ॥ 58 ॥

নৈকরূপো বিরূপাত্মা নৈকবোধমযস্তথা ।
নৈকনামমযশ্চৈব নৈকবিদ্যাবিবর্ধনঃ ॥ 59 ॥

একশ্চৈকাংতিকশ্চৈব নানাভাববিবর্জিতঃ ।
একাক্ষরস্তথা বীজঃ পূর্ণবিংবঃ সনাতনঃ ॥ 60 ॥

মংত্রবীর্যো মংত্রবীজঃ শাস্ত্রবীর্যো জগত্পতিঃ ।
নানাবীর্যধরশ্চৈব শক্রেশঃ পৃথিবীপতিঃ ॥ 61 ॥

প্রাণেশঃ প্রাণদঃ প্রাণঃ প্রাণাযামপরাযণঃ ।
প্রাণপংচকনির্মুক্তঃ কোশপংচকবর্জিতঃ ॥ 62 ॥

নিশ্চলো নিষ্কলোঽসংগো নিষ্প্রপংচো নিরামযঃ ।
নিরাধারো নিরাকারো নির্বিকারো নিরংজনঃ ॥ 63 ॥

নিষ্প্রতীতো নিরাভাসো নিরাসক্তো নিরাকুলঃ ।
নিষ্ঠাসর্বগতশ্চৈব নিরারংভো নিরাশ্রযঃ ॥ 64 ॥

নিরংতরঃ সর্বগোপ্তা শাংতো দাংতো মহামুনিঃ । [সত্ত্ব]
নিঃশব্দঃ সুকৃতঃ স্বস্থঃ সত্যবাদী সুরেশ্বরঃ ॥ 65 ॥

জ্ঞানদো জ্ঞানবিজ্ঞানী জ্ঞানাত্মাঽঽনংদপূরিতঃ ।
জ্ঞানযজ্ঞবিদাং দক্ষো জ্ঞানাগ্নির্জ্বলনো বুধঃ ॥ 66 ॥

দযাবান্ ভবরোগারিশ্চিকিত্সাচরমাগতিঃ ।
চংদ্রমংডলমধ্যস্থশ্চংদ্রকোটিসুশীতলঃ ॥ 67 ॥

যংত্রকৃত্পরমো যংত্রী যংত্রারূঢাপরাজিতঃ ।
যংত্রবিদ্যংত্রবাসশ্চ যংত্রাধারো ধরাধরঃ ॥ 68 ॥

তত্ত্বজ্ঞস্তত্ত্বভূতাত্মা মহত্তত্ত্বপ্রকাশনঃ ।
তত্ত্বসংখ্যানযোগজ্ঞঃ সাংখ্যশাস্ত্রপ্রবর্তকঃ ॥ 69 ॥

অনংতবিক্রমো দেবো মাধবশ্চ ধনেশ্বরঃ ।
সাধুঃ সাধুবরিষ্ঠাত্মা সাবধানোঽমরোত্তমঃ ॥ 70 ॥

নিঃসংকল্পো নিরাধারো দুর্ধরো হ্যাত্মবিত্পতিঃ ।
আরোগ্যসুখদশ্চৈব প্রবরো বাসবস্তথা ॥ 71 ॥

পরেশঃ পরমোদারঃ প্রত্যক্চৈতন্যদুর্গমঃ ।
দুরাধর্ষো দুরাবাসো দূরত্বপরিনাশনঃ ॥ 72 ॥

বেদবিদ্বেদকৃদ্বেদো বেদাত্মা বিমলাশযঃ ।
বিবিক্তসেবী চ সংসারশ্রমনাশনস্তথা ॥ 73 ॥

ব্রহ্মযোনির্বৃহদ্যোনির্বিশ্বযোনির্বিদেহবান্ ।
বিশালাক্ষো বিশ্বনাথো হাটকাংগদভূষণঃ ॥ 74 ॥

অবাধ্যো জগদারাধ্যো জগদার্জবপালনঃ ।
জনবান্ ধনবান্ ধর্মী ধর্মগো ধর্মবর্ধনঃ ॥ 75 ॥

অমৃতঃ শাশ্বতঃ সাধ্যঃ সিদ্ধিদঃ সুমনোহরঃ ।
খলুব্রহ্মখলুস্থানো মুনীনাং পরমা গতিঃ ॥ 76 ॥

উপদ্রষ্টা তথা শ্রেষ্ঠঃ শুচিভূতো হ্যনামযঃ ।
বেদসিদ্ধাংতবেদ্যশ্চ মানসাহ্লাদবর্ধনঃ ॥ 77 ॥

দেহাদন্যো গুণাদন্যো লোকাদন্যো বিবেকবিত্ ।
দুষ্টস্বপ্নহরশ্চৈব গুরুর্গুরুবরোত্তমঃ ॥ 78 ॥

কর্মী কর্মবিনির্মুক্তঃ সংন্যাসী সাধকেশ্বরঃ ।
সর্বভাববিহীনশ্চ তৃষ্ণাসংগনিবারকঃ ॥ 79 ॥

ত্যাগী ত্যাগবপুস্ত্যাগস্ত্যাগদানবিবর্জিতঃ ।
ত্যাগকারণত্যাগাত্মা সদ্গুরুঃ সুখদাযকঃ ॥ 80 ॥

দক্ষো দক্ষাদিবংদ্যশ্চ জ্ঞানবাদপ্রবর্তকঃ ।
শব্দব্রহ্মমযাত্মা চ শব্দব্রহ্মপ্রকাশবান্ ॥ 81 ॥

গ্রসিষ্ণুঃ প্রভবিষ্ণুশ্চ সহিষ্ণুর্বিগতাংতরঃ ।
বিদ্বত্তমো মহাবংদ্যো বিশালোত্তমবাঙ্মুনিঃ ॥ 82 ॥

ব্রহ্মবিদ্ব্রহ্মভাবশ্চ ব্রহ্মর্ষির্ব্রাহ্মণপ্রিযঃ ।
ব্রহ্ম ব্রহ্মপ্রকাশাত্মা ব্রহ্মবিদ্যাপ্রকাশনঃ ॥ 83 ॥

অত্রিবংশপ্রভূতাত্মা তাপসোত্তমবংদিতঃ ।
আত্মবাসী বিধেযাত্মা হ্যত্রিবংশবিবর্ধনঃ ॥ 84 ॥

প্রবর্তনো নিবৃত্তাত্মা প্রলযোদকসন্নিভঃ ।
নারাযণো মহাগর্ভো ভার্গবপ্রিযকৃত্তমঃ ॥ 85 ॥

সংকল্পদুঃখদলনঃ সংসারতমনাশনঃ ।
ত্রিবিক্রমস্ত্রিধাকারস্ত্রিমূর্তিস্ত্রিগুণাত্মকঃ ॥ 86 ॥

ভেদত্রযহরশ্চৈব তাপত্রযনিবারকঃ ।
দোষত্রযবিভেদী চ সংশযার্ণবখংডনঃ ॥ 87 ॥

অসংশযস্ত্বসম্মূঢো হ্যবাদী রাজবংদিতঃ ।
রাজযোগী মহাযোগী স্বভাবগলিতস্তথা ॥ 88 ॥

পুণ্যশ্লোকঃ পবিত্রাংঘ্রির্ধ্যানযোগপরাযণঃ ।
ধ্যানস্থো ধ্যানগম্যশ্চ বিধেযাত্মা পুরাতনঃ ॥ 89 ॥

অবিজ্ঞেযো হ্যংতরাত্মা মুখ্যবিংবসনাতনঃ ।
জীবসংজীবনো জীবশ্চিদ্বিলাসশ্চিদাশ্রযঃ ॥ 90 ॥

মহেংদ্রোঽমরমান্যশ্চ যোগেংদ্রো যোগবিত্তমঃ ।
যোগধর্মস্তথা যোগস্তত্ত্বস্তত্ত্ববিনিশ্চযঃ ॥ 91 ॥

নৈকবাহুরনংতাত্মা নৈকনামপরাক্রমঃ ।
নৈকাক্ষী নৈকপাদশ্চ নাথনাথোত্তমোত্তমঃ ॥ 92 ॥

সহস্রশীর্ষা পুরুষঃ সহস্রাক্ষঃ সহস্রপাত্ ।
সহস্ররূপদৃক্ চৈব সহস্রারমযোদ্ধবঃ ॥ 93 ॥

ত্রিপাদপুরুষশ্চৈব ত্রিপাদূর্ধ্বস্তথৈব চ ।
ত্র্যংবকশ্চ মহাবীর্যো যোগবীর্যবিশারদঃ ॥ 94 ॥

বিজযী বিনযী জেতা বীতরাগী বিরাজিতঃ ।
রুদ্রো রৌদ্রো মহাভীমঃ প্রাজ্ঞমুখ্যঃ সদাশুচিঃ ॥ 95 ॥

অংতর্জ্যোতিরনংতাত্মা প্রত্যগাত্মা নিরংতরঃ ।
অরূপশ্চাত্মরূপশ্চ সর্বভাববিনির্বৃতঃ ॥ 96 ॥

অংতঃশূন্যো বহিঃশূন্যঃ শূন্যাত্মা শূন্যভাবনঃ ।
অংতঃপূর্ণো বহিঃপূর্ণঃ পূর্ণাত্মা পূর্ণভাবনঃ ॥ 97 ॥

অংতস্ত্যাগী বহিস্ত্যাগী ত্যাগাত্মা সর্বযোগবান্ ।
অংতর্যোগী বহির্যোগী সর্বযোগপরাযণঃ ॥ 98 ॥

অংতর্ভোগী বহির্ভোগী সর্বভোগবিদুত্তমঃ ।
অংতর্নিষ্ঠো বহির্নিষ্ঠঃ সর্বনিষ্ঠামযস্তথা ॥ 99 ॥

বাহ্যাংতরবিমুক্তশ্চ বাহ্যাংতরবিবর্জিতঃ ।
শাংতঃ শুদ্ধো বিশুদ্ধশ্চ নির্বাণঃ প্রকৃতেঃ পরঃ ॥ 100 ॥

অকালঃ কালনেমী চ কালকালো জনেশ্বরঃ ।
কালাত্মা কালকর্তা চ কালজ্ঞঃ কালনাশনঃ ॥ 101 ॥

কৈবল্যপদদাতা চ কৈবল্যসুখদাযকঃ ।
কৈবল্যকলনাধারো নির্ভরো হর্ষবর্ধনঃ ॥ 102 ॥

হৃদযস্থো হৃষীকেশো গোবিংদো গর্ভবর্জিতঃ ।
সকলাগমপূজ্যশ্চ নিগমো নিগমাশ্রযঃ ॥ 103 ॥

পরাশক্তিঃ পরাকীর্তিঃ পরাবৃত্তির্নিধিস্মৃতিঃ ।
পরবিদ্যা পরাক্ষাংতির্বিভক্তির্যুক্তসদ্গতিঃ ॥ 104 ॥

স্বপ্রকাশঃ প্রকাশাত্মা পরসংবেদনাত্মকঃ ।
স্বসেব্যঃ স্ববিদাং স্বাত্মা স্বসংবেদ্যোঽনঘঃ ক্ষমী ॥ 105 ॥

স্বানুসংধানশীলাত্মা স্বানুসংধানগোচরঃ ।
স্বানুসংধানশূন্যাত্মা স্বানুসংধানকাশ্রযঃ ॥ 106 ॥

স্ববোধদর্পণোঽভংগঃ কংদর্পকুলনাশনঃ ।
ব্রহ্মচারী ব্রহ্মবেত্তা ব্রাহ্মণো ব্রহ্মবিত্তমঃ ॥ 107 ॥

তত্ত্ববোধঃ সুধাবর্ষঃ পাবনঃ পাপপাবকঃ ।
ব্রহ্মসূত্রবিধেযাত্মা ব্রহ্মসূত্রার্থনির্ণযঃ ॥ 108 ॥

আত্যংতিকো মহাকল্পঃ সংকল্পাবর্তনাশনঃ ।
আধিব্যাধিহরশ্চৈব সংশযার্ণবশোষকঃ ॥ 109 ॥

তত্ত্বাত্মজ্ঞানসংদেশো মহানুভবভাবিতঃ ।
আত্মানুভবসংপন্নঃ স্বানুভাবসুখাশ্রযঃ ॥ 110 ॥

অচিংত্যশ্চ বৃহদ্ভানুঃ প্রমদোত্কর্ষনাশনঃ ।
অনিকেত প্রশাংতাত্মা শূন্যাবাসো জগদ্বপুঃ ॥ 111 ॥

চিদ্গতিশ্চিন্মযশ্চক্রী মাযাচক্রপ্রবর্তকঃ ।
সর্ববর্ণবিদারংভী সর্বারংভপরাযণঃ ॥ 112 ॥

পুরাণঃ প্রবরো দাতা সুংদরঃ কনকাংগদী ।
অনসূযাত্মজো দত্তঃ সর্বজ্ঞঃ সর্বকামদঃ ॥ 113 ॥

কামজিত্ কামপালশ্চ কামী কামপ্রদাগমঃ ।
কামবান্ কামপোষশ্চ সর্বকামনিবর্তকঃ ॥ 114 ॥

সর্বকর্মফলোত্পত্তিঃ সর্বকামফলপ্রদঃ ।
সর্বকর্মফলৈঃ পূজ্যঃ সর্বকর্মফলাশ্রযঃ ॥ 115 ॥

বিশ্বকর্মা কৃতাত্মা চ কৃতজ্ঞঃ সর্বসাক্ষিকঃ ।
সর্বারংভপরিত্যাগী জডোন্মত্তপিশাচবান্ ॥ 116 ॥

ভিক্ষুর্ভৈক্ষাকরশ্চৈব ভৈক্ষাহারী নিরাশ্রমী ।
অকূলশ্চানুকূলশ্চ বিকলো হ্যকলস্তথা ॥ 117 ॥

জটিলো বনচারী চ দংডী মুংডী চ গংডবান্ ।
দেহধর্মবিহীনাত্মা হ্যেকাকী সংগবর্জিতঃ ॥ 118 ॥

আশ্রম্যনাশ্রমারংভোঽনাচারী কর্মবর্জিতঃ ।
অসংদেহী চ সংদেহী ন কিংচিন্ন চ কিংচনঃ ॥ 119 ॥

নৃদেহী দেহশূন্যশ্চ নাভাবী ভাবনির্গতঃ ।
নাব্রহ্মা চ পরব্রহ্ম স্বযমেব নিরাকুলঃ ॥ 120 ॥

অনঘশ্চাগুরুশ্চৈব নাথনাথোত্তমো গুরুঃ ।
দ্বিভুজঃ প্রাকৃতশ্চৈব জনকশ্চ পিতামহঃ ॥ 121 ॥

অনাত্মা ন চ নানাত্মা নীতির্নীতিমতাং বরঃ ।
সহজঃ সদৃশঃ সিদ্ধশ্চৈকশ্চিন্মাত্র এব চ ॥ 122 ॥

ন কর্তাপি চ কর্তা চ ভোক্তা ভোগবিবর্জিতঃ ।
তুরীযস্তুরীযাতীতঃ স্বচ্ছঃ সর্বমযস্তথা ॥ 123 ॥

সর্বাধিষ্ঠানরূপশ্চ সর্বধ্যেযবিবর্জিতঃ ।
সর্বলোকনিবাসাত্মা সকলোত্তমবংদিতঃ ॥ 124 ॥

দেহভৃদ্দেহকৃচ্চৈব দেহাত্মা দেহভাবনঃ ।
দেহী দেহবিভক্তশ্চ দেহভাবপ্রকাশনঃ ॥ 125 ॥

লযস্থো লযবিচ্চৈব লযাভাবশ্চ বোধবান্ ।
লযাতীতো লযস্যাংতো লযভাবনিবারণঃ ॥ 126 ॥

বিমুখঃ প্রমুখশ্চৈব প্রত্যঙ্মুখবদাচরী ।
বিশ্বভুগ্বিশ্বধৃগ্বিশ্বো বিশ্বক্ষেমকরস্তথা ॥ 127 ॥

অবিক্ষিপ্তোঽপ্রমাদী চ পরর্ধিঃ পরমার্থদৃক্ ।
স্বানুভাববিহীনশ্চ স্বানুভাবপ্রকাশনঃ ॥ 128 ॥

নিরিংদ্রিযশ্চ নির্বুদ্ধির্নিরাভাসো নিরাকৃতঃ ।
নিরহংকাররূপাত্মা নির্বপুঃ সকলাশ্রযঃ ॥ 129 ॥

শোকদুঃখহরশ্চৈব ভোগমোক্ষফলপ্রদঃ ।
সুপ্রসন্নস্তথা সূক্ষ্মঃ শব্দব্রহ্মার্থসংগ্রহঃ ॥ 130 ॥

আগমাপাযশূন্যশ্চ স্থানদশ্চ সতাংগতিঃ ।
অকৃতঃ সুকৃতশ্চৈব কৃতকর্মা বিনির্বৃতঃ ॥ 131 ॥

ভেদত্রযহরশ্চৈব দেহত্রযবিনির্গতঃ ।
সর্বকামমযশ্চৈব সর্বকামনিবর্তকঃ ॥ 132 ॥

সিদ্ধেশ্বরোঽজরঃ পংচবাণদর্পহুতাশনঃ ।
চতুরক্ষরবীজাত্মা স্বভূশ্চিত্কীর্তিভূষণঃ ॥ 133 ॥

অগাধবুদ্ধিরক্ষুব্ধশ্চংদ্রসূর্যাগ্নিলোচনঃ ।
যমদংষ্ট্রোঽতিসংহর্তা পরমানংদসাগরঃ ॥ 134 ॥

লীলাবিশ্বংভরো ভানুর্ভৈরবো ভীমলোচনঃ ।
ব্রহ্মচর্মাংবরঃ কালস্ত্বচলশ্চলনাংতকঃ ॥ 135 ॥

আদিদেবো জগদ্যোনির্বাসবারিবিমর্দনঃ ।
বিকর্মকর্মকর্মজ্ঞো অনন্যগমকোঽগমঃ ॥ 136 ॥

অবদ্ধকর্মশূন্যশ্চ কামরাগকুলক্ষযঃ ।
যোগাংধকারমথনঃ পদ্মজন্মাদিবংদিতঃ ॥ 137 ॥

ভক্তকামোঽগ্রজশ্চক্রী ভাবনির্ভাবভাবকঃ ।
ভেদাংতকো মহানগ্র্যো নিগূহো গোচরাংতকঃ ॥ 138 ॥

কালাগ্নিশমনঃ শংখচক্রপদ্মগদাধরঃ ।
দীপ্তো দীনপতিঃ শাস্তা স্বচ্ছংদো মুক্তিদাযকঃ ॥ 139 ॥

ব্যোমধর্মাংবরো ভেত্তা ভস্মধারী ধরাধরঃ ।
ধর্মগুপ্তোঽন্বযাত্মা চ ব্যতিরেকার্থনির্ণযঃ ॥ 140 ॥

একানেকগুণাভাসাভাসনির্ভাসবর্জিতঃ ।
ভাবাভাবস্বভাবাত্মা ভাবাভাববিভাববিত্ ॥ 141 ॥

যোগিহৃদযবিশ্রামোঽনংতবিদ্যাবিবর্ধনঃ ।
বিঘ্নাংতকস্ত্রিকালজ্ঞস্তত্ত্বাত্মা জ্ঞানসাগরঃ ॥ 142 ॥

ইতীদং দত্তসাহস্রং সাযং প্রাতঃ পঠেত্তু যঃ ।
স ইহামুত্র লভতে নির্বাণং পরমং সুখম্ ॥ 143 ॥

গুরুবারে দত্তভক্তো ভক্তিভাবসমন্বিতঃ ।
পঠেত্ সদৈব যো হ্যেতত্ স লভেচ্চিংতিতং ধ্রুবম্ ॥ 144 ॥

ইতি শ্রীমদ্দত্তাত্রেযপুরাণে শ্রী দত্তাত্রেয সহস্রনাম স্তোত্রম্ ।