শ্রী শিব উবাচ
তারিণী তরলা তন্বী তারা তরুণবল্লরী ।
তাররূপা তরী শ্যামা তনুক্ষীণপযোধরা ॥ 1 ॥
তুরীযা তরুণা তীব্রগমনা নীলবাহিনী ।
উগ্রতারা জযা চংডী শ্রীমদেকজটাশিরা ॥ 2 ॥
তরুণী শাংভবী ছিন্নফালা স্যাদ্ভদ্রদাযিনী ।
উগ্রা উগ্রপ্রভা নীলা কৃষ্ণা নীলসরস্বতী ॥ 3 ॥
দ্বিতীযা শোভনা নিত্যা নবীনা নিত্যভীষণা ।
চংডিকা বিজযারাধ্যা দেবী গগনবাহিনী ॥ 4 ॥
অট্টহাসা করালাস্যা চরাস্যাদীশপূজিতা ।
সগুণাঽসগুণাঽরাধ্যা হরীংদ্রাদিপ্রপূজিতা ॥ 5 ॥
রক্তপ্রিযা চ রক্তাক্ষী রুধিরাস্যবিভূষিতা ।
বলিপ্রিযা বলিরতা দুর্গা বলবতী বলা ॥ 6 ॥
বলপ্রিযা বলরতা বলরামপ্রপূজিতা ।
অর্ধকেশেশ্বরী কেশা কেশবা স্রগ্বিভূষিতা ॥ 7 ॥
পদ্মমালা চ পদ্মাক্ষী কামাখ্যা গিরিনংদিনী ।
দক্ষিণা চৈব দক্ষা চ দক্ষজা দক্ষিণেরতা ॥ 8 ॥
বজ্রপুষ্পপ্রিযা রক্তপ্রিযা কুসুমভূষিতা ।
মাহেশ্বরী মহাদেবপ্রিযা পন্নগভূষিতা ॥ 9 ॥
ইডা চ পিংগলা চৈব সুষুম্নাপ্রাণরূপিণী ।
গাংধারী পংচমী পংচাননাদিপরিপূজিতা ॥ 10 ॥
তথ্যবিদ্যা তথ্যরূপা তথ্যমার্গানুসারিণী ।
তত্ত্বরূপা তত্ত্বপ্রিযা তত্ত্বজ্ঞানাত্মিকাঽনঘা ॥ 11 ॥
তাংডবাচারসংতুষ্টা তাংডবপ্রিযকারিণী ।
তালনাদরতা ক্রূরতাপিনী তরণিপ্রভা ॥ 12 ॥
ত্রপাযুক্তা ত্রপামুক্তা তর্পিতা তৃপ্তিকারিণী ।
তারুণ্যভাবসংতুষ্টা শক্তি-র্ভক্তানুরাগিণী ॥ 13 ॥
শিবাসক্তা শিবরতিঃ শিবভক্তিপরাযণা ।
তাম্রদ্যুতি-স্তাম্ররাগা তাম্রপাত্রপ্রভোজিনী ॥ 14 ॥
বলভদ্রপ্রেমরতা বলিভু-গ্বলিকল্পনী ।
রামপ্রিযা রামশক্তী রামরূপানুকারিণী ॥ 15 ॥
ইত্যেতত্কথিতং দেবি রহস্যং পরমাদ্ভুতম্ ।
শ্রুত্বামোক্ষমবাপ্নোতি তারাদেব্যাঃ প্রসাদতঃ ॥ 16 ॥
য ইদং পঠতি স্তোত্রং তারাস্তুতিরহস্যজম্ ।
সর্বসিদ্ধিযুতো ভূত্বা বিহরেত্ ক্ষিতি মংডলে ॥ 17 ॥
তস্যৈব মংত্রসিদ্ধিঃ স্যান্মযি ভক্তিরনুত্তমা ।
ভবত্যেব মহামাযে সত্যং সত্যং ন সংশযঃ ॥ 18 ॥
মংদে মংগলবারে চ যঃ পঠেন্নিশি সংযুতঃ ।
তস্যৈব মংত্রসিদ্ধিস্স্যাদ্গাণাপত্যং লভেত সঃ ॥ 19 ॥
শ্রদ্ধযাঽশ্রদ্ধযা বাঽপি পঠেত্তারা রহস্যকম্ ।
সোঽচিরেণৈবকালেন জীবন্মুক্তশ্শিবো ভবেত্ ॥ 20 ॥
সহস্রাবর্তনাদ্দেবি পুরশ্চর্যাফলং লভেত্ ।
এবং সততযুক্তা যে ধ্যাযংতস্ত্বামুপাসতে ॥ 21 ॥
তে কৃতার্থা মহেশানি মৃত্যুসংসারবর্ত্মনঃ ॥ 22 ॥
ইতি শ্রী স্বর্ণমালাতংত্রে তারাংবাষ্টোত্তরশতনাম স্তোত্রম্ ।
