উদক শান্তি (পুণ্যাহ বাচনং)
1.0 কলশ প্রতিষ্ঠাপন প্রযোগ মন্ত্রাঃ
ব্রহ্ম॑জজ্ঞা॒ন-ম্প্র॑থ॒ম-ম্পু॒রস্তা॒-দ্বিসী॑ম॒ত-স্সু॒রুচো॑ বে॒ন আ॑বঃ ।
স বু॒ধ্নিযা॑ উপ॒মা অ॑স্য বি॒ষ্ঠা-স্স॒তশ্চ॒ যোনি॒-মস॑তশ্চ॒ বিবঃ॑ ।
নাকে॑ সুপ॒র্ণ মুপ॒য-ত্পত॑ন্তগ্ম্ হৃ॒দা বেন॑ন্তো অ॒ভ্যচ॑ক্ষ-তত্বা ।
হির॑ণ্যপক্ষং॒-বঁরু॑ণস্য দূ॒তং-যঁ॒মস্য॒ যোনৌ॑ শকু॒ন-ম্ভু॑র॒ণ্যুম্ ।
আপ্যা॑যস্ব॒ সমে॑তু তে বি॒শ্বত॑-স্সোম॒ বৃষ্ণি॑যম্ । ভবা॒ বাজ॑স্য সঙ্গ॒থে ।
যো রু॒দ্রো অ॒গ্নৌ যো অ॒ফ্সু য ওষ॑ধীষু॒ যো রু॒দ্রো বিশ্বা॒
ভুব॑না-ঽঽবি॒বেশ॒ তস্মৈ॑ রু॒দ্রায॒ নমো॑ অস্তু । 1 (অপ উপস্পৃশ্য)
ই॒দং-বিঁষ্ণু॒ র্বিচ॑ক্রমে ত্রে॒ধা নিদ॑ধে প॒দম্ । সমূ॑ঢমস্য পাগ্ম্ সু॒রে ।
ইন্দ্রং॒-বিঁশ্বা॑ অবীবৃধন্-থ্সমু॒দ্রব্য॑চস॒-ঙ্গিরঃ॑ ।
র॒থীত॑মগ্ম্ রথী॒নাং-বাঁজা॑না॒গ্ম্॒ সত্প॑তি॒-ম্পতি᳚ম্ ।
আপো॒ বা ই॒দংগ্ম্ সর্বং॒-বিঁশ্বা॑ ভূ॒তান্যাপঃ॑ প্রা॒ণা বা আপঃ॑ প॒শব॒ আপো-ঽন্ন॒মাপো-ঽমৃ॑ত॒মাপ॑-স্স॒ম্রাডাপো॑ বি॒রাডাপ॑-স্স্ব॒রাডাপ॒-শ্ছন্দা॒গ্॒শ্যাপো॒ জ্যোতী॒গ্॒ষ্যাপো॒ যজূ॒গ্॒ষ্যাপ॑-স্স॒ত্যমাপ॒-স্সর্বা॑ দে॒বতা॒ আপো॒ ভূর্ভুব॒স্সুব॒রাপ॒ ওম্ । 2
অ॒পঃ প্রণ॑যতি । শ্র॒দ্ধা বা আপঃ॑ । শ্র॒দ্ধামে॒বারভ্য॑ প্র॒ণীয॒ প্রচ॑রতি ।
অ॒পঃ প্রণ॑যতি ।
য॒জ্ঞো বা আপঃ॑ । য॒জ্ঞমে॒বারভ্য॑ প্র॒ণীয॒ প্রচ॑রতি । অ॒পঃ প্রণ॑যতি ।
বজ্রো॒ বা আপঃ॑ । বজ্র॑মে॒ব ভ্রাতৃ॑ব্যেভ্যঃ প্র॒হৃত্য॑ প্র॒ণীয॒ প্রচ॑রতি ।
অ॒পঃ প্রণ॑যতি ।
আপো॒ বৈ র॑ক্ষো॒ঘ্নীঃ । রক্ষ॑সা॒মপ॑হত্যৈ । অ॒পঃ প্রণ॑যতি ।
আপো॒ বৈ দে॒বানা᳚-ম্প্রি॒য-ন্ধাম॑ । দে॒বানা॑মে॒ব প্রি॒য-ন্ধাম॑ প্র॒ণীয॒ প্রচ॑রতি । অ॒পঃ প্রণ॑যতি ।
আপো॒ বৈ সর্বা॑ দে॒বতাঃ᳚ । দে॒বতা॑ এ॒বারভ্য॑ প্র॒ণীয॒ প্রচ॑রতি ।
অ॒পঃ প্রণ॑যতি ।
আপো॒ বৈ শা॒ন্তাঃ । শা॒ন্তাভি॑রে॒বাস্য॒ শুচগ্ম্॑ শমযতি । দে॒বো বঃ॑
সবি॒তো-ত্পু॑না॒ত্ব-চ্ছি॑দ্রেণ প॒বিত্রে॑ণ॒ বসো॒স্সূর্য॑স্য র॒শ্মিভিঃ॑ ॥ 3
1.1 বেদারম্ভে সর্বসাধারণ্যেন জপ্যাঃ মন্ত্রাঃ
ও-ম্ভূঃ তথ্স॑বি॒তু-র্বরে᳚ণ্যম্ । ও-ম্ভুবঃ॑ ভর্গো॑ দে॒বস্য॑ ধীমহি । ওগ্ম্ সুবঃ॑ ধিযো॒ যোনঃ॑ প্রচো॒দযা᳚ত্ ।
ও-ম্ভূঃ তথ্স॑বি॒তু-র্বরে᳚ণ্যম্ । ভর্গো॑ দে॒বস্য॑ ধীমহি । ও-ম্ভুবঃ ধিযো॒ যোনঃ॑ প্রচো॒দযা᳚ত্ ।
ওগ্ম্ সুবঃ॑ তথ্স॑বি॒তু-র্বরে᳚ণ্যং॒ ভর্গো॑ দে॒বস্য॑ ধীমহি । ধিযো॒ যোনঃ॑ প্রচো॒দযা᳚ত্ । ওং শান্তি॒-শ্শান্তি॒-শ্শান্তিঃ॑ ।
1.2 বেদাদযঃ
অ॒গ্নিমী᳚লে পু॒রোহি॑তং-য॒জ্ঞস্য॑
দে॒বমৃ॒ত্বিজ᳚ম্ । হোতা᳚রং রত্ন॒ ধাত॑মম্ ।
ই॒ষে ত্বো॒র্জেত্বা॑ বা॒যব॑স্স্থো পা॒যব॑স্থ দে॒বো ব॑স্সবি॒তা প্রার্প॑যতু॒ শ্রেষ্ঠ॑তমায॒ কর্ম॑ণে ।
অগ্ন॒ আযা॑হি বী॒তযে॑ গৃণা॒নো হ॒ব্যদা॑তযে । নিহোতা॑ সথ্সি ব॒র্॒হিষি॑ ।
শন্নো॑ দে॒বীর॒ভিষ্ট॑য॒ আপো॑ ভবন্তু পী॒তযে᳚ । শং-যোঁর॒ভিস্র॑বন্তু নঃ ॥ 1 (1) ॥
1.3 রক্ষোঘ্নং
কৃ॒ণু॒ষ্ব পাজঃ॒ প্রসি॑তি॒ন্ন পৃ॒থ্বীং-যাঁ॒হি রাজে॒ বাম॑বা॒গ্ম্॒ ইভে॑ন । তৃ॒ষ্বীমনু॒ প্রসি॑তিং-দ্রূণা॒নো-ঽস্তা॑-ঽসি॒ বিদ্ধ্য॑ র॒ক্ষস॒ স্তপি॑ষ্ঠৈঃ । তব॑ ভ্র॒মাস॑ আশু॒যা প॑তং॒ ত্যনু॑স্পৃশ-ধৃষ॒তা শোশু॑চানঃ । তপূগ্॑ষ্যগ্নে জু॒হ্বা॑ পতং॒-গানস॑ন্দিতো॒ বিসৃ॑জ॒ বিষ্ব॑ গু॒ল্কাঃ । প্রতি॒স্পশো॒ বিসৃ॑জ॒-তূর্ণি॑তমো॒ ভবা॑ পা॒যুর্বি॒শো অ॒স্যা অদ॑ব্ধঃ ॥ 2 ॥
যোনো॑ দূ॒রে অ॒ঘশগ্ম্॑সো॒যো অন্ত্যগ্নে॒ মাকি॑ষ্টে॒ ব্যথি॒রা দ॑ধর্ষীত্ । উদ॑গ্নে তিষ্ঠ॒ প্রত্যা ত॑নুষ্ব॒ন্য॑মিত্রাগ্ম্॑ ওষতা-ত্তিগ্মহেতে । যো নো॒ অরা॑তিগ্ম্ সমিধান চ॒ক্রে নী॒চা তন্ধ॑ক্ষ্যত॒ সন্ন শুষ্ক᳚ম্ । ঊ॒র্ধ্বো ভ॑ব॒ প্রতি॑ বি॒ধ্যা-ধ্য॒স্মদা॒ বিষ্কৃ॑ণুষ্ব॒ দৈব্যা᳚ন্যগ্নে । অব॑স্থি॒রা ত॑নুহি যাতু॒ জূনা᳚-ঞ্জা॒মিমজা॑মিং॒ প্রমৃ॑ণীহি॒ শত্রূন্॑ ॥ 3 ॥
সতে॑ জানাতি সুম॒তিং-যঁ॑ বিষ্ঠ॒য ঈব॑তে॒ ব্রহ্ম॑ণে গা॒তুমৈর॑ত্ । বিশ্বা᳚ন্যস্মৈ সু॒দিনা॑নি রা॒যো দ্যু॒ম্নান্য॒র্যো বিদুরো॑ অ॒ভিদ্যৌ᳚ত্ । সেদ॑গ্নে অস্তু সু॒ভগ॑ স্সু॒দানু॒-র্যস্ত্বা॒ নিত্যে॑ন হ॒বিষা॒ য উ॒ক্থৈঃ । পিপ্রী॑ষতি॒ স্ব আযু॑ষি দুরো॒ণে বিশ্বেদ॑স্মৈ সু॒দিনা॒-সা-ঽস॑দি॒ষ্টিঃ । অর্চা॑মিতে সুম॒তি-ঙ্ঘোষ্য॒র্বাখ্-সন্তে॑ বা॒ বাতা॑ জরতা মি॒যঙ্গীঃ ॥ 4 ॥
স্বশ্বা᳚স্ত্বা সু॒রথা॑ মর্জযে-মা॒স্মে ক্ষ॒ত্রাণি॑ ধারযে॒র-নু॒দ্যূন্ । ই॒হ ত্বা॒ ভূর্যা চ॑রে॒দুপ॒ত্ম-ন্দোষা॑বস্ত-র্দীদি॒বাগ্ম্ স॒মনু॒দ্যূন্ । ক্রীড॑ন্তস্ত্বা সু॒মন॑স স্সপেমা॒ভি দ্যু॒ম্না ত॑স্থি॒বাগ্ম্সো॒ জনা॑নাম্ ।
যস্ত্বা॒ স্বশ্ব॑স্সুহির॒ণ্যো অ॑গ্ন উপ॒যাতি॒ বসু॑মতা॒ রথে॑ন । তস্য॑ ত্রা॒তা ভ॑বসি॒ তস্য॒ সখা॒ যস্ত॑ আতি॒থ্য মা॑নু॒ষগ্ জুজো॑ষত্ ॥ 5 ॥
ম॒হোরু॑জামি ব॒ন্ধুতা॒ বচো॑ ভি॒স্তন্মা॑ পি॒তুর্গোত॑মা॒দ ন্বি॑যায । ত্বন্নো॑ অ॒স্য বচ॑স-শ্চিকিদ্ধি॒ হোত॑র্যবিষ্ঠ সুক্রতো॒ দমূ॑নাঃ । অস্ব॑প্ন জস্ত॒রণ॑য স্সু॒শেবা॒ অত॑ন্দ্রাসো-ঽবৃ॒কা অশ্র॑মিষ্ঠাঃ । তে পা॒যব॑-স্স॒ধ্রিয॑ঞ্চো নি॒ষদ্যাগ্নে॒ তব॑ নঃ পান্ত্বমূর । যে পা॒যবো॑ মামতে॒য-ন্তে॑ অগ্নে॒ পশ্য॑ন্তো অ॒ন্ধ-ন্দু॑রি॒তাদ র॑ক্ষন্ন্ ।
র॒রক্ষ॒ তান্-থ্সু॒কৃতো॑ বি॒শ্ববে॑দা॒ দিফ্স॑ন্ত॒ ইদ্রি॒পবো॒ নাহ॑ দেভুঃ ॥ 6 ॥
ত্বযা॑ ব॒যগ্ম্ স॑ধ॒ন্য॑-স্ত্বোতা॒ স্তব॒ প্রণী᳚ত্য শ্যাম॒ বাজান্॑ । উ॒ভাশগ্ম্ সা॑ সূদয সত্যতা তে-ঽনুষ্ঠু॒যা কৃ॑ণুহ্য-হ্রযাণ ।
অ॒যা তে॑ অগ্নে স॒মিধা॑ বিধেম॒ প্রতি॒স্তোমগ্ম্॑ শ॒স্যমা॑ন-ঙ্গৃভায । দহা॒শসো॑ র॒ক্ষসঃ॑ পা॒হ্য॑স্মা-ন্দ্রু॒হো নি॒দো মি॑ত্রমহো অব॒দ্যাত্ । র॒ক্ষো॒হণং॑ ঁবা॒জিন॒মাজি॑ ঘর্মি মি॒ত্র-ম্প্রথি॑ষ্ঠ॒ মুপ॑যামি॒ শর্ম॑ । শিশা॑নো অ॒গ্নিঃ ক্রতু॑ভি॒ স্সমি॑দ্ধ॒-স্সনো॒ দিবা॒ স রি॒ষঃ
পা॑তু॒ নক্ত᳚ম্ ॥ 7 ॥
বিজ্যোতি॑ষা বৃহ॒তা ভা᳚ত্য॒গ্নি রা॒বি-র্বিশ্বা॑নি কৃণুতে মহি॒ত্বা । প্রাদে॑বীর্মা॒যা স্স॑হতে দু॒রেবা॒ শ্শিশী॑তে॒ শৃঙ্গে॒ রক্ষ॑সে বি॒নিক্ষে᳚ ।
উ॒তস্বা॒নাসো॑ দি॒বিষ॑ন্ত্ব॒গ্নে স্তি॒গ্মাযু॑ধা॒ রক্ষ॑সে॒ হন্ত॒ বা উ॑ ।
মদে॑ চিদস্য॒ প্ররু॑জন্তি॒ ভামা॒ নব॑রন্তে পরি॒বাধো॒ অদে॑বীঃ ॥ 8 (2) ॥
1.4 ইন্দ্র সূক্তং
ইন্দ্রং॑ ঁবো বি॒শ্বত॒স্পরি॒ হবা॑মহে॒ জনে᳚ভ্যঃ । অ॒স্মাক॑মস্তু॒ কেব॑লঃ । ইন্দ্র॒-ন্নরো॑ নে॒মধি॑তা হবন্তে॒ যত্পার্যা॑ যু॒নজ॑তে॒ ধিয॒স্তাঃ । শূরো॒ নৃষা॑তা॒ শব॑সশ্চকা॒ ন আ গোম॑তি ব্র॒জে ভ॑জা॒ ত্বন্নঃ॑ । ই॒ন্দ্রি॒যাণি॑ শতক্রতো॒ যা তে॒ জনে॑ষু প॒ঞ্চসু॑ । ইন্দ্র॒ তানি॑ ত॒ আ বৃ॑ণে । অনু॑তে দাযি ম॒হ ই॑ন্দ্রি॒যায॑ স॒ত্রাতে॒ বিশ্ব॒মনু॑ বৃত্র॒হত্যে᳚ ॥ 9 ॥
অনু॑ ক্ষ॒ত্রমনু॒ সহো॑ যজ॒ত্রেন্দ্র॑ দে॒বেভি॒রনু॑ তে নৃ॒ষহ্যে᳚ । আযস্মি᳚ন্-থ্স॒প্তবা॑স॒বা স্তিষ্ঠ॑ন্তি স্বা॒রুহো॑ যথা ।
ঋষি॑র্হ দীর্ঘ॒ শ্রুত্ত॑ম॒ ইন্দ্র॑স্য ঘ॒র্মো অতি॑থিঃ । আ॒মাসু॑ প॒ক্বমৈর॑য॒ আ সূর্যগ্ম্॑ রোহযো দি॒বি । ঘ॒র্মন্ন সাম॑ন্তপতা সুবৃ॒ক্তিভি॒-র্জুষ্টং॒ গির্ব॑ণ সে॒গিরঃ॑ । ইন্দ্র॒মি-দ্গা॒থিনো॑ বৃ॒হদিন্দ্র॑ ম॒র্কেভি॑ র॒র্কিণঃ॑ । ইন্দ্রং॒ ঁবাণী॑রনূষত ॥ 10 ॥
গায॑ন্তিত্বা গায॒ত্রিণোর্চং॑ ত্য॒র্ক ম॒র্কিণঃ॑ । ব্র॒হ্মাণ॑স্ত্বা শতক্রত॒-বুদ্ব॒গ্ম্॒ শমি॑ব যে মিরে । অ॒গ্ম্॒হো॒মুচে॒ প্রভ॑রেমা মনী॒ষা মো॑ষিষ্ঠ॒-দাব্নে॑ সুম॒তি-ঙ্গৃ॑ণা॒নাঃ ।
ই॒দমি॑ন্দ্র॒ প্রতি॑ হ॒ব্য-ঙ্গৃ॑ভায স॒ত্যাস্স॑ন্তু॒ যজ॑মানস্য॒ কামাঃ᳚ । বি॒বেষ॒যন্মা॑ ধি॒ষণা॑ জ॒জান॒ স্তবৈ॑ পু॒রা পার্যা॒দিন্দ্র॒ মহ্নঃ॑ । অগ্ম্হ॑সো॒ যত্র॑ পী॒পর॒দ্যথা॑ নো না॒বেব॒ যান্ত॑ মু॒ভযে॑ হবন্তে ॥ 11 ॥
প্রস॒ম্রাজ॑-ম্প্রথ॒ম ম॑ধ্ব॒-রাণা॑মগ্ম্ হো॒ মুচং॑ ঁবৃষ॒ভং-যঁ॒জ্ঞিযা॑নাম্ ।
অ॒পান্ন-পা॑তমশ্বিনা॒ হয॑ন্ত ম॒স্মিন্ন॑র ইন্দ্রি॒য-ন্ধ॑ত্ত॒মোজঃ॑ । বিন॑ ইন্দ্র॒ মৃধো॑ জহি নী॒ চা য॑চ্ছ পৃতন্য॒তঃ । অ॒ধ॒স্প॒দ-ন্তমী᳚-ঙ্কৃধি॒ যো অ॒স্মাগ্ম্ অ॑ভি॒দাস॑তি ।
ইন্দ্র॑ক্ষ॒ত্রম॒ভি বা॒মমোজো ঽজা॑যথা বৃষভ চর.ষণী॒নাম্ । অপা॑নুদো॒ জন॑মমিত্র॒ যন্ত॑ মু॒রু-ন্দে॒বেভ্যো॑ অকৃণোরু লো॒কম্ ।
মৃ॒গো ন ভী॒মঃ কু॑চ॒রো গি॑রি॒ষ্ঠাঃ প॑রা॒বত॒ আজ॑গামা॒-পর॑স্যাঃ ॥ 12 ॥
সৃ॒কগ্ম্ স॒গ্ম্॒ শায॑ প॒বিমি॑ন্দ্র তি॒গ্মং-বিঁশত্রূ᳚-ন্তাডি॒ বিমৃধো॑ নুদস্ব ।
বিশত্রূ॒ন্॒. বিমৃধো॑নুদ॒ বিবৃ॒ত্রস্য॒ হনূ॑ রুজ । বিম॒ন্যুমি॑ন্দ্র ভামি॒তো॑ ঽমিত্র॑স্যাভি॒ দাস॑তঃ ।
ত্রা॒তার॒মিন্দ্র॑ মবি॒তার॒ মিন্দ্র॒গ্ম্॒ হবে॑ হবে সু॒হব॒গ্ম্॒ শূর॒মিন্দ্র᳚ম্ ।
হু॒বে নু শ॒ক্র-ম্পু॑রুহূ॒ত মিন্দ্রগ্গ্॑ স্ব॒স্তি নো॑ ম॒ঘবা॑ ধা॒ত্বিন্দ্রঃ॑ ॥ 13 ॥
মা তে॑ অ॒স্যাগ্ম্ স॑হসাব॒-ন্পরি॑ষ্টা ব॒ঘায॑ ভূম হরিবঃ পরা॒দৈ ।
ত্রায॑স্বনো ঽবৃ॒কেভি॒-র্বরূ॑থৈ॒ স্তব॑ প্রি॒যাস॑ স্সূ॒রিষু॑ স্যাম । অন॑বস্তে॒ রথ॒মশ্বা॑য তক্ষ॒ন্-ত্বষ্টা॒ বজ্রং॑ পুরুহূত দ্যু॒মন্ত᳚ম্ ।
ব্র॒হ্মাণ॒ ইন্দ্রং॑ ম॒হয॑ন্তো অ॒র্কৈরব॑র্ধয॒-ন্নহ॑যে॒ হন্ত॒ বা উ॑ ।
বৃষ্ণে॒ যত্তে॒ বৃষ॑ণো অ॒র্কমর্চা॒ নিন্দ্র॒ গ্রাবা॑ণো॒ অদি॑তি-স্স॒জোষাঃ᳚ ।
অ॒ন॒শ্বাসো॒ যে প॒বযো॑-ঽর॒থা ইন্দ্রে॑ষিতা অ॒ভ্যব॑র্ত-ন্ত॒দস্যূন্॑ ॥ 14 (3) ॥
(তৈ. অর. 6.1.9; তৈ. সং. 1.4.41.1; তৈ. সং. 1.4.42.1)
যত॑ ইন্দ্র॒ ভযা॑মহে॒ ততো॑ নো॒ অভ॑য-ঙ্কৃধি ।
মঘ॑বন্ চ্ছ॒গ্ধি তব॒ তন্ন॑ ঊ॒তযে॒ বিদ্বিষো॒ বিমৃধো॑ জহি । স্ব॒স্তি॒দা বি॒শস্পতি॑-র্বৃত্র॒হা বিমৃধো॑ ব॒শী । বৃষেন্দ্রঃ॑ পু॒র এ॑তু ন স্স্বস্তি॒দা অ॑ভয-ঙ্ক॒রঃ ॥ 15অ ॥
ম॒হাগ্ম্ ইন্দ্রো॒ বজ্র॑ বাহু ষ্ষোড॒শী শর্ম॑ যচ্ছতু । স্ব॒স্তি নো॑ ম॒ঘবা॑ করোতু॒ হন্তু॑ পা॒প্মানং॒ যো᳚-ঽস্মা-ন্দ্বেষ্টি॑ । স॒জোষা॑ ইন্দ্র॒ সগ॑ণো ম॒রুদ্ভি॒ স্সোমং॑ পিব বৃত্রহন্ চ্ছূর বি॒দ্বান্ । জ॒হি শত্রূ॒গ্ম্॒ রপ॒মৃধো॑-নুদ॒স্বাথা ভ॑য-ঙ্কৃণুহি বি॒শ্বতো॑ নঃ ॥ 15ব্ (4) ॥
1.5 যে দেবাঃ
যে দে॒বাঃ পু॑র॒স্সদো॒-ঽগ্নি নে᳚ত্রা,
দক্ষিণ॒সদো॑ য॒মনে᳚ত্রা,
পশ্চা॒থ্সদ॑ স্সবি॒তৃ নে᳚ত্রা,
উত্তর॒সদো॒ বরু॑ণনেত্রা,
উপরি॒ষদো॒ বৃহ॒স্পতি॑ নেত্রা,
রক্ষো॒হণ॒স্তে নঃ॑ পান্তু॒ তে নো॑-ঽবন্তু॒ তেভ্যো॒ নম॒স্তেভ্য॒ স্স্বাহা॒
-ঽগ্নযে॑ রক্ষো॒ঘ্নে স্বাহা॑,
য॒মায॑ সবি॒ত্রে ,
বরু॑ণায॒ বৃহ॒স্পত॑যে॒
দুব॑স্বতে রক্ষো॒ঘ্নে স্বাহা᳚ ॥ 16 (5) ॥
1.6 যে দেবাঃ (অনুষঙ্গং)
যে দে॒বাঃ পু॑র॒স্সদো॒-ঽগ্নি নে᳚ত্রা রক্ষো॒হণ॒স্তেনঃ॑ পান্তু॒ তে নো॑-ঽবন্তু॒
তেভ্যো॒ নম॒স্তেভ্য॒ স্স্বাহা᳚ । যে দে॒বা দ॑ক্ষিণ॒সদো॑ য॒ম নে᳚ত্রা রক্ষো॒হণ॒স্তেনঃ॑ পান্তু॒ তে নো॑-ঽবন্তু॒
তেভ্যো॒ নম॒স্তেভ্য॒ স্স্বাহা᳚ । যে দে॒বাঃ প॑শ্চা॒থ্সদ॑ স্সবি॒তৃ নে᳚ত্রা রক্ষো॒হণ॒স্তেনঃ॑ পান্তু॒ তে নো॑-ঽবন্তু॒ তেভ্যো॒ নম॒স্তেভ্য॒ স্স্বাহা᳚ । যে দে॒বা উ॑ত্তর॒সদো॒ বরু॑ণনেত্রা রক্ষো॒হণ॒স্তেনঃ॑ পান্তু॒ তে নো॑-ঽবন্তু॒
তেভ্যো॒ নম॒স্তেভ্য॒ স্স্বাহা᳚ । যে দে॒বা উ॑পরি॒ষদো॒ বৃহ॒স্পতি॑ নেত্রা রক্ষো॒হণ॒স্তেনঃ॑ পান্তু॒ তে নো॑-ঽবন্তু॒ তেভ্যো॒ নম॒স্তেভ্য॒ স্স্বাহা᳚ । অগ্নযে॑ রক্ষো॒ঘ্নে স্বাহা᳚ । য॒মায॑ রক্ষো॒ঘ্নে স্বাহা᳚ । সবি॒ত্রে র॑ক্ষো॒ঘ্নে স্বাহা᳚ । বরু॑ণায রক্ষো॒ঘ্নে স্বাহা᳚ । বৃহ॒স্পত॑যে॒ দুব॑স্বতে রক্ষো॒ঘ্নে স্বাহা᳚ ॥ 16আ (5আ) ॥
1.7 আযুষ্কামেষ্টি মন্ত্রাঃ
অ॒গ্নিরাযু॑ষ্মা॒ন্থ্স বন॒স্পতি॑ভি॒-রাযু॑ষ্মা॒-ন্তেন॒ত্বা-ঽঽযু॒ষা-ঽঽযু॑ষ্মন্ত-ঙ্করোমি॒,
সোম॒ আযু॑ষ্মা॒ন্থ্স ওষ॑ধীভির্,
য॒জ্ঞ আযু॑ষ্মা॒ন্থ্স দক্ষি॑ণাভি॒র্,
ব্রহ্মাযু॑ষ্ম॒ত্ত-দ্ব্রা᳚হ্ম॒ণৈ-রাযু॑ষ্মদ্,
দে॒বা আযু॑ষ্মন্ত॒স্তে॑ ঽমৃতে॒না যু॑ষ্মন্ত॒স্তেন॒ত্বা
-ঽঽযু॒ষা-ঽঽযু॑ষ্মন্ত-ঙ্করোমি ॥ 17 (6) ॥
1.8 আযুষ্কামেষ্টি মন্ত্রাঃ (অনুষঙ্গং)
অ॒গ্নিরাযু॑ষ্মা॒ন্থ্স বন॒স্পতি॑ভি॒ রাযু॑ষ্মা॒-ন্তেন॒ত্বা ঽঽযু॒ষা-ঽঽযু॑ষ্মন্ত-ঙ্করোমি । সোম॒ আযু॑ষ্মা॒ন্থ্স ওষ॑ধীভি॒রাযু॑ষ্মা॒-ন্তেন॒ত্বা
-ঽঽযু॒ষা-ঽঽযু॑ষ্মন্ত-ঙ্করোমি । য॒জ্ঞ আযু॑ষ্মা॒ন্থ্স দক্ষি॑ণাভি॒রাযু॑ষ্মা॒-ন্তেন॒ত্বা
-ঽঽযু॒ষা-ঽঽযু॑ষ্মন্ত-ঙ্করোমি ।
ব্রহ্মাযু॑ষ্ম॒ত্ত-দ্ব্রা᳚হ্ম॒ণৈ-রাযু॑ষ্ম॒-ত্তেন॒ত্বা ঽঽযু॒ষা-ঽঽযু॑ষ্মন্তং
করোমি । দে॒বা আযু॑ষ্মন্ত॒স্তে॑ ঽমৃতে॒-নাযু॑ষ্মন্ত॒স্তেন॒ত্বা
-ঽঽযু॒ষা-ঽঽযু॑ষ্মন্ত-ঙ্করোমি ॥ 17আ(6আ) ॥
1.9 অগ্ম্হোমুচ মন্ত্রাঃ
যা বা॑মিন্দ্রা বরুণা যত॒ব্যা॑ ত॒নূস্তযে॒ মমগ্ম্হ॑সো মুঞ্চতং॒ ,
ঁযা বা॑মিন্দ্রা বরুণা সহ॒স্যা॑, রক্ষ॒স্যা॑, তেজ॒স্যা॑,
ত॒নূস্তযে॒ মমগ্ম্হ॑সো মুঞ্চতং॒,
ঁযো বা॑মিন্দ্রা বরুণা ব॒গ্নৌ স্রাম॒স্তং-বাঁ॑ মে॒তেনা ব॑যজে॒,
যো বা॑মিন্দ্রা বরুণা দ্বি॒পাথ্সু॑ প॒শুষু॒, চতু॑ষ্পাথ্সু,
গো॒ষ্ঠে, গৃ॒হে-, ষ্ব॒ফ্সোষ॑ধীষু॒, বন॒স্পতি॑ষু॒,
স্রাম॒স্তং-বাঁ॑ মে॒তেনা ব॑যজে ॥ 18 (7) ॥
1.10 অগ্ম্হোমুচ মন্ত্রাঃ (অনুষঙ্গং)
যা বা॑মিন্দ্রা বরুণা যত॒ব্যা॑ ত॒নূস্তযে॒ মমগ্ম্হ॑সো মুঞ্চতম্ ।
যা বা॑মিন্দ্রা বরুণা সহ॒স্যা॑ ত॒নূস্তযে॒ মমগ্ম্হ॑সো মুঞ্চতম্ ।
যা বা॑মিন্দ্রা বরুণা রক্ষ॒স্যা॑ ত॒নূস্তযে॒ মমগ্ম্হ॑সো মুঞ্চতম্ । যা বা॑মিন্দ্রা বরুণা তেজ॒স্যা॑ ত॒নূস্তযে॒ মমগ্ম্হ॑সো মুঞ্চতম্ ।
যো বা॑মিন্দ্রা বরুণা ব॒গ্নৌ স্রাম॒স্তং-বাঁ॑মে॒ তেনা ব॑যজে ।
যো বা॑মিন্দ্রা বরুণা দ্বি॒পাথ্সু॑ প॒শুষু॒ স্রাম॒স্তং-বাঁ॑মে॒ তেনা ব॑যজে ।
যো বা॑মিন্দ্রা বরুণা॒ চতু॑ষ্পাথ্সু প॒শুষু॒ (চতু॑ষ্পাথ্সু॒)স্রাম॒স্তং-বাঁ॑মে॒ তেনা ব॑যজে । যো বা॑মিন্দ্রা বরুণা গো॒ষ্ঠে স্রাম॒স্তং-বাঁ॑মে॒ তেনা ব॑যজে ।
যো বা॑মিন্দ্রা বরুণা গৃ॒হেষু॒ স্রাম॒স্তং-বাঁ॑মে॒ তেনা ব॑যজে ।
যো বা॑মিন্দ্রা বরুণা॒-ঽফ্সু স্রাম॒স্তং-বাঁ॑মে॒ তেনা ব॑যজে ।
যো বা॑মিন্দ্রা বরু॒ণৌষ॑ধীষু॒ স্রাম॒স্তং-বাঁ॑মে॒ তেনা ব॑যজে ।
যো বা॑মিন্দ্রা বরুণা॒ বন॒স্পতি॑ষু॒ স্রাম॒স্তং-বাঁ॑মে॒ তেনা ব॑যজে ॥ (18আ) (7আ)
1.11 শাস্তৃ সূক্তং (আপ্যং)
অগ্নে॑ যশস্বি॒ন্॒. যশ॑সে॒ মম॑র্প॒যেন্দ্রা॑বতী॒ মপ॑চিতী মি॒হাব॑হ । অ॒য-ম্মূ॒র্ধা প॑রমে॒ষ্ঠী সু॒বর্চা᳚-স্সমা॒নানা॑ মুত্ত॒ম শ্লো॑কো অস্তু । ভ॒দ্র-ম্পশ্য॑ন্ত॒ উপ॑সেদু॒রগ্রে॒ তপো॑ দী॒ক্ষা মৃষ॑য স্সুব॒র্বিদঃ॑ । ততঃ॑, ক্ষ॒ত্র-ম্বল॒মোজ॑শ্চ জা॒ত-ন্তদ॒স্মৈ দে॒বা অ॒ভিসন্ন॑-মন্তু । ধা॒তা বি॑ধা॒তা প॑র॒মোত স॒ন্দৃ-ক্প্র॒জাপ॑তিঃ পরমে॒ষ্ঠী বি॒রাজা᳚ । স্তোমা॒-শ্চন্দাগ্ম্॑সি নি॒বিদো॑ম আহুরে॒তস্মৈ॑ রা॒ষ্ট্রম॒ভি-সন্ন॑মাম । অ॒ভ্যাব॑র্তদ্ধ্ব॒-মুপ॒মেত॑ সা॒কম॒যগ্ম্ শা॒স্তা-ঽধি॑পতির্বো অস্তু । অ॒স্য বি॒জ্ঞান॒মনু॒সগ্ম্-র॑ভদ্ধ্বমি॒ম-ম্প॒শ্চাদনু॑ জীবাথ॒ সর্বে᳚ ॥ 19 (8) ॥
1.12 রাষ্ট্রভৃতং
ঋ॒তা॒ষা-ডৃ॒তধা॑মা॒-ঽগ্নি-র্গ॑ন্ধ॒র্বস্ত-স্যৌষ॑ধযো-ঽফ্স॒রস॒
ঊর্জো॒ নাম॒ স ই॒দ-ম্ব্রহ্ম॑ ক্ষ॒ত্র-ম্পা॑তু॒ তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒
তস্মৈ॒ স্বাহা॒ তাভ্য॒ স্স্বাহা॑ ,
সগ্ম্হি॒তো বি॒শ্বসা॑মা॒ সূর্যো॑ গন্ধ॒র্ব-স্তস্য॒ মরী॑চযো-ঽফ্স॒রস॑ আ॒যুব॑ ,
স্সুষু॒ম্ন স্সূর্য॑ রশ্মি-শ্চ॒ন্দ্রমা॑ গন্ধ॒র্ব-স্তস্য॒ নক্ষ॑ত্রাণ্য-
ফ্স॒রসো॑ বে॒কুর॑যো,
ভু॒জ্যুস্সু॑প॒র্ণো য॒জ্ঞো গ॑ন্ধ॒র্ব-স্তস্য॒ দক্ষি॑ণা অফ্স॒রস॑ স্ত॒বাঃ,
প্র॒জাপ॑তি-র্বি॒শ্বক॑র্মা॒ মনো॑ গন্ধ॒র্বস্তস্য॑-র্খ্সা॒মান্য॑-ফ্স॒রসো॒ বহ্ন॑য,
ইষি॒রো বি॒শ্ব ব্য॑চা॒ বাতো॑ গন্ধ॒র্ব-স্তস্যাপো᳚ ঽফ্স॒রসো॑ মু॒দা,
ভুব॑নস্য পতে॒ যস্য॑ত উ॒পরি॑ গৃ॒হা ই॒হ চ॑ ।
স নো॑ রা॒স্বাজ্যা॑নিগ্ম্ রা॒যস্পোষগ্ম্॑ সু॒বীর্যগ্ম্॑ সংবঁথ্স॒রীণাগ্॑ স্ব॒স্তিম্ ।
প॒র॒মে॒ষ্ঠ্যধি॑পতি-র্মৃ॒ত্যু-র্গ॑ন্ধ॒র্ব-স্তস্য॒ বিশ্ব॑মফ্স॒রসো॒ ভুব॑,
স্সুক্ষি॒থি- স্সুভূ॑তি-র্ভদ্র॒কৃ-থ্সুব॑র্বা-ন্প॒র্জন্যো॑ গন্ধ॒র্ব-স্তস্য॑
বি॒দ্যুতো᳚ ঽফ্স॒রসো॒ রুচো॑,
দূ॒রে হে॑তির-মৃড॒যো মৃ॒ত্যু-র্গ॑ন্ধ॒র্ব-স্তস্য॑ প্র॒জা অ॑ফ্স॒রসো॑ ভী॒রুবঃ॒,
চারুঃ॑ কৃপণ কা॒শী কামো॑ গন্ধ॒র্ব-স্তস্যা॒ধযো᳚ ঽফ্স॒রস॑ শ্শা॒চয॑ন্তী॒র্,
নাম॒ স ই॒দ-ম্ব্রহ্ম॑ ক্ষ॒ত্র-ম্পা॑তু তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তস্মৈ॒ স্বাহা॒
তাভ্য॒ স্স্বাহা॒,
স নো॑ ভুবনস্য পতে॒ যস্য॑ত উ॒পরি॑ গৃ॒হা ই॒হ চ॑ । উ॒রু ব্রহ্ম॑ণে॒-ঽস্মৈ ক্ষ॒ত্রায॒ মহি॒ শর্ম॑ যচ্ছ ॥ 20 (9) ॥
1.13 রাষ্ট্রভৃতং (অনুষঙ্গং)
ঋ॒তা॒ষা-ডৃ॒তধা॑মা॒-ঽগ্নি-র্গ॑ন্ধ॒র্বস্স-ই॒দ-ম্ব্রহ্ম॑ ক্ষ॒ত্র-ম্পা॑তু॒
তস্মৈ॒ স্বাহা᳚ । তস্যৌষ॑ধযো-ঽফ্স॒রস॒ ঊর্জো॒ নাম॒ তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥
সগ্ম্হি॒তো বি॒শ্বসা॑মা॒ সূর্যো॑ গন্ধ॒র্বস্স ই॒দ-ম্ব্রহ্ম॑ ক্ষ॒ত্র-ম্পা॑তু॒
তস্মৈ॒ স্বাহা᳚ । তস্য॒ মরী॑চযো-ঽফ্স॒রস॑ আ॒যুবো॒ নাম॒ তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥
সুষু॒ম্নস্সূর্য॑-রশ্মিশ্চ॒ন্দ্রমা॑ গন্ধ॒র্বস্স ই॒দ-ম্ব্রহ্ম॑ ক্ষ॒ত্র-ম্পা॑তু॒
তস্মৈ॒ স্বাহা᳚ । তস্য॒ নক্ষ॑ত্রাণ্য ঽফ্স॒রসো॑ বে॒কুর॑যো॒ নাম॒ তা
ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥
ভু॒জ্যুস্সু॑প॒র্ণো য॒জ্ঞো গ॑ন্ধ॒র্বস্স ই॒দ-ম্ব্রহ্ম॑ ক্ষ॒ত্র-ম্পা॑তু॒ তস্মৈ॒ স্বাহা᳚ । তস্য॒ দক্ষি॑ণা অফ্স॒রস॑ স্ত॒বা নাম॒ তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥
প্র॒জাপ॑তি-র্বি॒শ্বক॑র্মা॒ মনো॑ গন্ধ॒র্বস্স ই॒দ-ম্ব্রহ্ম॑ ক্ষ॒ত্র-ম্পা॑তু॒
তস্মৈ॒ স্বাহা᳚ । তস্য॑র্-খ্সা॒মান্য॑-ঽফ্স॒রসো॒ বহ্ন॑যো॒ নাম॒ তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥
ইষি॒রো বি॒শ্বব্য॑চা॒ বাতো॑ গন্ধ॒র্বস্স ই॒দ-ম্ব্রহ্ম॑ ক্ষ॒ত্র-ম্পা॑তু॒
তস্মৈ॒ স্বাহা᳚ । তস্যাপো᳚-ঽফ্স॒রসো॑ মু॒দা নাম॒ তা ই॒দ-ম্ব্রহ্ম॑
ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥ ভুব॑নস্য পতে॒ যস্য॑ত উ॒পরি॑ গৃ॒হা ই॒হ চ॑ ।
স নো॑ রা॒স্বাজ্যা॑নিগ্ম্ রা॒যস্পোষগ্ম্॑ সু॒বীর্যগ্ম্॑ সংবঁথ্স॒রীণাগ্॑
স্ব॒স্তিগ্গ্ স্বাহা᳚ ॥
প॒র॒মে॒ষ্ঠ্যধি॑পতি-র্মৃ॒ত্যু-র্গ॑ন্ধ॒র্বস্স ই॒দ-ম্ব্রহ্ম॑ ক্ষ॒ত্র-ম্পা॑তু॒
তস্মৈ॒ স্বাহা᳚ । তস্য॒ বিশ্ব॑মফ্স॒রসো॒ ভুবো॒ নাম॒ তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥
সুক্ষি॒থি-স্সুভূ॑তি-র্ভদ্র॒কৃ-থ্সুব॑র্বা-ন্প॒র্জন্যো॑ গন্ধ॒র্বস্স
ই॒দ-ম্ব্রহ্ম॑ ক্ষ॒ত্র-ম্পা॑তু॒ তস্মৈ॒ স্বাহা᳚ । তস্য ॑বি॒ধ্যুতো᳚-ঽফ্স॒রসো॒ রুচো॒ নাম॒ তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥
দূ॒রে হে॑তির মৃড॒যো মৃ॒ত্যু-র্গ॑ন্ধ॒র্বস্স ই॒দ-ম্ব্রহ্ম॑ ক্ষ॒ত্র-ম্পা॑তু॒
তস্মৈ॒ স্বাহা᳚ । তস্য॑ প্র॒জা অ॑ফ্স॒রসো॑ ভী॒রুবো॒ নাম॒ তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥ চারুঃ॑ কৃপণ কা॒শী কামো॑ গন্ধ॒র্বস্স ই॒দ-ম্ব্রহ্ম॑ ক্ষ॒ত্র-ম্পা॑তু॒
তস্মৈ॒ স্বাহা᳚ । তস্যা॒ধযো᳚ ঽফ্স॒রস॑ শ্শো॒চয॑ন্তি॒-র্নাম॒ তা ই॒দ-ম্ব্রহ্ম॑ ক্ষ॒ত্র-ম্পা᳚ন্তু॒ তাভ্য॒ স্স্বাহা᳚ ॥
স নো॑ ভুবনস্যপতে॒ যস্য॑ত উ॒পরি॑ গৃ॒হা ই॒হ চ॑ ।উ॒রু ব্রহ্ম॑ণে॒-ঽস্মৈ ক্ষ॒ত্রায॒ মহি॒ শর্ম॑ যচ্ছ॒ স্বাহা᳚ ॥ (20আ) (9আ)
1.14 সর্প সূক্তং
নমো॑ অস্তু স॒র্পেভ্যো॒ যে কে চ॑ পৃথি॒বী মনু॑ । যে অ॒ন্তরি॑ক্ষে॒ যে দি॒বি তেভ্য॑ স্স॒র্পেভ্যো॒ নমঃ॑ । যে॑-ঽদো রো॑চ॒নে দি॒বো যে বা॒ সূর্য॑স্য র॒শ্মিষু॑ । যেষা॑ম॒ফ্সু সদঃ॑ কৃ॒ত-ন্তেভ্য॑ স্স॒র্পেভ্যো॒ নমঃ॑ । যা ইষ॑বো যাতু॒ ধানা॑নাং॒ ঁযে বা॒ বন॒স্পতী॒গ্ম্॒ রনু॑ । যে বা॑-ঽব॒টেষু॒ শের॑তে॒ তেভ্য॑ স্স॒র্পেভ্যো॒ নমঃ॑ ॥ 21 (10) ॥
1.15 পঞ্চচোডাঃ
অ॒য-ম্পু॒রো হরি॑কেশ॒ স্সূর্য॑রশ্মি॒-স্তস্য॑ রথগৃ॒থ্সশ্চ॒ রথৌ॑জাশ্চ সেনানি
গ্রাম॒ণ্যৌ॑ পুঞ্জিকস্থ॒লা চ॑ কৃতস্থ॒লা চা᳚ফ্স॒রসৌ॑ যাতু॒ ধানা॑ হে॒তী রক্ষাগ্ম্॑সি॒ প্রহে॑তি ,
র॒য-ন্দ॑ক্ষি॒ণা বি॒শ্ব ক॑র্মা॒ তস্য॑ রথ স্ব॒নশ্চ॒ রথে॑-চিত্রশ্চ সেনানি
গ্রাম॒ণ্যৌ॑ মেন॒কা চ॑ সহজ॒ন্যা চা᳚-ঽফ্স॒রসৌ॑ দং॒ষ্ণবঃ॑ প॒শবো॑ হে॒তিঃ পৌরু॑ষেযো ব॒ধঃ প্রহে॑তি,
র॒য-ম্প॒শ্চা-দ্বি॒শ্ব-ব্য॑চা॒ স্তস্য॒ রথ॑ প্রোত॒শ্চা-স॑মরথশ্চ সেনানি
গ্রাম॒ণ্যৌ᳚ প্র॒ম্লোচ॑ন্তী চা নু॒ম্লোচ॑ন্তী-চা-ঽফ্স॒রসৌ॑ স॒র্পা হে॒তি-র্
ব্যা॒ঘ্রাঃ প্রহে॑তি,
র॒য মু॑ত্ত॒রা-থ্সং॒যঁদ্ব॑সু॒স্তস্য॑ সেন॒জিচ্চ॑ সু॒ষেণ॑শ্চ সেনানি গ্রাম॒ণ্যৌ॑
বি॒শ্বাচী॑চ ঘৃ॒তাচী॑ চা-ফ্স॒রসা॒ বাপো॑ হে॒তি-র্বাতঃ॒ প্রহে॑তি ,
র॒য-মু॒পর্য॒-র্বাগ্ব॑-সু॒স্তস্য॒ তার্ক্ষ্য॒-শ্চারি॑ষ্ট-নেমিশ্চ সেনানি গ্রাম॒ণ্যা॑
বু॒র্বশী॑ চ পূ॒র্বচি॑ত্তিশ্চা-ফ্স॒রসৌ॑ বি॒দ্যুদ্ধে॒তি-র॑ব॒স্পূর্জ॒-ন্প্রহে॑তি॒ ,
স্তেভ্যো॒ নম॒স্তে নো॑ মৃডযন্তু॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒
জম্ভে॑ দধামি ॥ 22 (11) ॥
1.16 পঞ্চচোডাঃ (অনুষঙ্গং)
অ॒য-ম্পু॒রো হরি॑কেশ॒ স্সূর্য॑রশ্মি॒-স্তস্য॑ রথগৃ॒থ্সশ্চ॒ রথৌ॑জাশ্চ সেনানি গ্রাম॒ণ্যৌ॑ পুঞ্জিকস্থ॒লা চ॑ কৃতস্থ॒লা চা᳚ফ্স॒রসৌ॑ যাতু॒ধানা॑ হে॒তী রক্ষাগ্ম্॑সি॒ প্রহে॑তি॒স্তেভ্যো॒ নম॒স্তে নো॑ মৃডযন্তু॒তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি ॥
অ॒য-ন্দ॑ক্ষি॒ণা বি॒শ্বক॑র্মা॒ তস্য॑ রথস্ব॒নশ্চ॒ রথে॑ চিত্রশ্চ সেনানি
গ্রাম॒ণ্যৌ॑ মেন॒কা চ॑ সহজ॒ন্যা চা᳚ফ্স॒রসৌ॑ দং॒ষ্ণবঃ॑ প॒শবো॑
হে॒তিঃ পৌরু॑ষেযো ব॒ধঃ প্রহে॑তি॒স্তেভ্যো॒ নম॒স্তে নো॑ মৃডযন্তু॒ তে
য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি ॥
অ॒য-ম্প॒শ্চা-দ্বি॒শ্ব ব্য॑চা॒-স্তস্য॒ রথ॑প্রোত॒শ্চা-স॑মরথশ্চ সেনানি গ্রাম॒ণ্যৌ᳚ প্র॒ম্লোচ॑ন্তীচা নু॒ম্লোচ॑ন্তী-চাফ্স॒রসৌ॑ স॒র্পা হে॒তি-র্ব্যা॒ঘ্রাঃ প্রহে॑তি॒স্তেভ্যো॒ নম॒স্তে নো॑ মৃডযন্তু॒ তেয-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি ॥
অ॒য-মু॑ত্ত॒রা-থ্সং॒যঁদ্ব॑সু॒স্তস্য॑ সেন॒জিচ্চ॑ সু॒ষেণ॑শ্চ সেনানি
গ্রাম॒ণ্যৌ॑ বি॒শ্বাচী॑চ ঘৃ॒তাচী॑চা-ফ্স॒রসা॒ বাপো॑ হে॒তি-র্বাতঃ॒
প্রহ॑তি॒স্তেভ্যো॒ নম॒স্তে নো॑ মৃডযন্তু॒ তে য-ন্দ্বি॒ষ্মো যশ্চ॑ নো॒
দ্বেষ্টি॒ তং-বোঁ॒ জম্ভে॑ দধামি ॥
অ॒যমু॒পর্য॒-র্বাগ্ব॑সু॒স্তস্য॒ তার্ক্ষ্য॒-শ্চারি॑ষ্ট-নেমিশ্চ সেনানি
গ্রাম॒ণ্যা॑ বু॒র্বশী॑ চ পূ॒র্বচি॑ত্তি-শ্চাফ্স॒রসৌ॑ বি॒দ্যুদ্ধে॒তির॑-
ব॒স্পূর্জ॒-ন্প্রহে॑তি॒স্তেভ্যো॒ নম॒স্তে নো॑ মৃডযন্তু॒ তে য-ন্দ্বি॒ষ্মো যশ্চ॑ নো॒ দ্বেষ্টি॒
তং-বোঁ॒ জম্ভে॑ দধামি ॥ 22আ(11আ) ॥
1.17 অপ্রতিরথঃ
আ॒শু-শ্শিশা॑নো বৃষ॒ভো ন যু॒ধ্মো ঘ॑নাঘ॒নঃ, ক্ষোভ॑ণ-শ্চর্ষণী॒নাম্ । স॒ঙ্ক্রন্দ॑নো-ঽনিমি॒ষ এ॑ক বী॒রশ্শ॒তগ্ম্
সেনা॑ অজযথ্সা॒কমিন্দ্রঃ॑ । স॒ঙ্ক্রন্দ॑নেনা নিমি॒ষেণ॑ জি॒ষ্ণুনা॑ যুত্কা॒রেণ॑ দুশ্চ্যব॒নেন॑ ধৃ॒ষ্ণুনা᳚ । তদিন্দ্রে॑ণ জযত॒ ত-থ্স॑হধ্বং॒ ঁযুধো॑ নর॒ ইষু॑ হস্তেন॒ বৃষ্ণা᳚ । স ইষু॑হস্তৈ॒-স্স নি॑ষ॒ঙ্গিভি॑র্ব॒শী সগ্গ্ স্র॑ষ্টা॒ স যুধ॒ ইন্দ্রো॑ গ॒ণেন॑ । স॒গ্ম্॒সৃ॒ষ্ট॒জি-থ্সো॑ম॒পা বা॑হু শ॒র্ধ্যূ᳚র্ধ্ব ধ॑ন্বা॒ প্রতি॑হিতাভি॒রস্তা᳚ । বৃহ॑স্পতে॒ পরি॑দীযা॒ রথে॑ন রক্ষো॒হা ঽমিত্রাগ্ম্॑ অপ॒ বাধ॑মানঃ ॥ 23 ॥
প্র॒ভ॒ঞ্জন্-থ্সেনাঃ᳚ প্রমৃ॒ণো যু॒ধা জয॑ন্ন॒স্মাক॑-মেধ্যবি॒তা রথা॑নাম্ । গো॒ত্র॒ভিদং॑ গো॒বিদং॒ ঁবজ্র॑বাহুং॒ জয॑ন্ত॒মজ্ম॑ প্রমৃ॒ণন্ত॒-মোজ॑সা । ই॒মগ্ম্ স॑জাতা॒ অনু॑বীর-যধ্ব॒ মিন্দ্রগ্ম্॑ সখা॒যো-ঽনু॒ সগ্ম্ র॑ভধ্বম্ । ব॒ল॒বি॒জ্ঞা॒য-স্স্থবি॑রঃ॒ প্রবী॑র॒-স্সহ॑স্বান্. বা॒জী সহ॑মান উ॒গ্রঃ । অ॒ভিবী॑রো অ॒ভিস॑ত্বা সহো॒জা জৈত্র॑মিন্দ্র॒ রথ॒মাতি॑ষ্ঠ গো॒বিত্ ॥ 24 ॥
অ॒ভিগো॒ত্রাণি॒ সহ॑সা॒ গাহ॑মানো-ঽদা॒যো বী॒রশ্শ॒তম॑ন্যু॒রিন্দ্রঃ॑ । দু॒শ্চ্য॒ব॒নঃ পৃ॑তনা॒ষাড॑ যু॒ধ্যো᳚-স্মাক॒গ্ম্॒ সেনা॑ অবতু॒ প্রযু॒থ্সু । ইন্দ্র॑ আসাং-নে॒তা বৃহ॒স্পতি॒-র্দক্ষি॑ণা য॒জ্ঞঃ পু॒র এ॑তু॒ সোমঃ॑ । দে॒ব॒সে॒নানা॑-মভিভঞ্জতী॒না-ঞ্জয॑ন্তীনা-ম্ম॒রুতো॑ য॒ন্ত্বগ্রে᳚ । ইন্দ্র॑স্য॒ বৃষ্ণো॒ বরু॑ণস্য॒ রাজ্ঞ॑ আদি॒ত্যানা᳚-ম্ম॒রুতা॒গ্ম্॒ শর্ধ॑ উ॒গ্রম্ । ম॒হাম॑নসা-ম্ভুবনচ্য॒বানাং॒ ঘোষো॑ দে॒বানাং॒ জয॑তা॒ মুদ॑স্থাত্ । অ॒স্মাক॒-মিন্দ্র॒-স্সমৃ॑তেষু ধ্ব॒জেষ্ব॒স্মাকং॒ ঁযা ইষ॑ব॒স্তা জ॑যন্তু ॥ 25 ॥
অ॒স্মাকং॑ ঁবী॒রা উত্ত॑রে ভবন্ত্ব॒স্মানু॑ দেবা অবতা॒ হবে॑ষু । উদ্ধ॑র্ষয মঘব॒-ন্নাযু॑ধা॒-ন্ন্যুথ্সত্ব॑না-ম্মাম॒কানাং॒ মহাগ্ম্॑সি । উদ্বৃ॑ত্রহন্-বা॒জিনাং॒ ঁবাজি॑না॒ন্যুদ্রথা॑নাং॒ জয॑তামেতু॒ ঘোষঃ॑ । উপ॒প্রেত॒ জয॑তা নরস্স্থি॒রা ব॑স্সন্তু বা॒হবঃ॑ ।
ইন্দ্রো॑ ব॒-শ্শর্ম॑ যচ্ছ ত্বনা-ধৃ॒ষ্যা যথাস॑থ । অব॑সৃষ্টা॒ পরা॑পত॒ শর॑ব্যে॒ ব্রহ্ম॑ সগ্ম্শিতা ॥ 26 ॥
গচ্ছা॒মিত্রা॒-ন্প্রবি॑শ॒ মৈষাং॒ কঞ্চ॒নোচ্ছি॑ষঃ । মর্মা॑ণি তে॒ বর্ম॑ভিশ্ছাদযামি॒ সোম॑স্ত্বা॒ রাজা॒ ঽমৃতে॑না॒ভি-ব॑স্তাম্ । উ॒রোর্বরী॑যো॒ বরি॑বস্তে অস্তু॒ জয॑ন্তং॒ ত্বামনু॑ মদন্তু দে॒বাঃ । যত্র॑ বা॒ণা-স্স॒ম্পত॑ন্তি কুমা॒রা বি॑শি॒খা ই॑ব । ইন্দ্রো॑ ন॒স্তত্র॑ বৃত্র॒হা বি॑শ্বা॒হা শর্ম॑ যচ্ছতু ॥ 27 (12) ॥
1.18 চমক-ন্তৃতীয অনুবাকঃ
শ-ঞ্চ॑ মে॒ ময॑শ্চ মে প্রি॒য-ঞ্চ॑ মে-ঽনুকা॒মশ্চ॑ মে॒
কাম॑শ্চ মে সৌমন॒সশ্চ॑ মে ভ॒দ্র-ঞ্চ॑ মে॒ শ্রেয॑শ্চ মে॒
বস্য॑শ্চ মে॒ যশ॑শ্চ মে॒ ভগ॑শ্চ মে॒ দ্রবি॑ণ-ঞ্চ মে
য॒ন্তা চ॑ মে ধ॒র্তা চ॑ মে॒ ক্ষেম॑শ্চ মে॒ ধৃতি॑শ্চ মে॒
বিশ্বং॑ চ মে॒ মহ॑শ্চ মে (28)
সং॒বিঁচ্চ॑ মে॒ জ্ঞাত্র॑-ঞ্চ মে॒
সূশ্চ॑ মে প্র॒সূশ্চ॑ মে॒ সীর॑-ঞ্চ মে ল॒যশ্চ॑ ম
ঋ॒ত-ঞ্চ॑ মে॒-ঽমৃতং॑ চ মে ঽয॒ক্ষ্ম-ঞ্চ॒ মে-ঽনা॑মযচ্চ মে
জী॒বাতু॑শ্চ মে দীর্ঘাযু॒ত্ব-ঞ্চ॑ মে-ঽনমি॒ত্র-ঞ্চ॒ মে-ঽভ॑য-ঞ্চ মে
সু॒গ-ঞ্চ॑ মে॒ শয॑ন-ঞ্চ মে সূ॒ষা চ॑ মে সু॒দিন॑-ঞ্চ মে ॥ 29 (13) ॥
1.19 বিহব্যম্
মমা᳚গ্নে॒ বর্চো॑ বিহ॒বেষ্ব॑স্তু ব॒য-ন্ত্বেন্ধা॑না স্ত॒নুব॑-ম্পুষেম ।
মহ্য॑-ন্নমন্তা-ম্প্র॒দিশ॒শ্চত॑স্র॒ স্ত্বযা-ঽদ্ধ্য॑ক্ষেণ॒ পৃত॑না জযেম ।
মম॑ দে॒বা বি॑হ॒বে স॑ন্তু॒ সর্ব॒ ইন্দ্রা॑বন্তো ম॒রুতো॒ বিষ্ণু॑র॒গ্নিঃ ।
মমা॒ন্তরি॑ক্ষ মু॒রু গো॒পম॑স্তু॒ মহ্যং॒ ঁবাতঃ॑ পবতা॒-ঙ্কামে॑ অ॒স্মিন্ন্ ।
মযি॑ দে॒বা দ্রবি॑ণ॒ মায॑জন্তা॒-ম্ময্যা॒ শীর॑স্তু॒ মযি॑ দে॒বহূ॑তিঃ ॥ 30 ॥
দৈব্যা॒ হোতা॑রা বনিষন্ত॒ পূর্বে ঽরি॑ষ্টা-স্স্যাম ত॒নুবা॑ সু॒বীরাঃ᳚ । মহ্যং॑ ঁযজন্তু॒ মম॒ যানি॑ হ॒ব্যা-ঽঽকূ॑তি স্স॒ত্যা মন॑সো মে অস্তু ।
এনো॒ মানিগা᳚-ঙ্কত॒মচ্চ॒ নাহং-বিঁশ্বে॑ দেবাসো॒ অধি॑বোচ তা মে ।
দেবী᳚ষ্ষডু-র্বীরু॒রুণঃ॑ কৃণোত॒ বিশ্বে॑ দেবাস ই॒হ বী॑রযদ্ধ্বম্ ।
মাহা᳚স্মহি প্র॒জযা॒ মা ত॒নূভি॒-র্মার॑ধাম দ্বিষ॒তে সো॑মরাজন্ন্ ।
অ॒গ্নির্ম॒ন্যু-ম্প্র॑তিনু॒দ-ন্পু॒রস্তা॒-দদ॑ব্ধো গো॒পাঃ পরি॑পাহি ন॒স্ত্বম্ ॥ 31 ॥
প্র॒ত্যঞ্চো॑ যন্তু নি॒গুতঃ॒ পুন॒স্তে॑ ঽমৈষা᳚-ঞ্চি॒ত্ত-ম্প্র॒বুধা॒ বিনে॑শত্ ।
ধা॒তা ধা॑তৃ॒ণা-ম্ভুব॑নস্য॒ যস্পতি॑-র্দে॒বগ্ম্ স॑বি॒তার॑মভি মাতি॒ষাহ᳚ম্ ।
ই॒মং-যঁ॒জ্ঞ ম॒শ্বিনো॒ভা বৃহ॒স্পতি॑-র্দে॒বাঃ পা᳚ন্তু॒ যজ॑মান-ন্ন্য॒র্থাত্ ।
উ॒রু॒ব্যচা॑ নো মহি॒ষ শ্শর্ম॑যগ্ম্ সদ॒স্মিন্. হবে॑ পুরুহূ॒তঃ পু॑রু॒ক্ষু ।
স নঃ॑ প্র॒জাযৈ॑ হর্যশ্ব মৃড॒যেন্দ্র॒ মা নো॑ রীরিষো॒ মা পরা॑দাঃ ॥ 32 ॥
যে ন॑ স্স॒পত্না॒ অপ॒তে ভ॑বন্ত্বিন্দ্রা॒-গ্নিভ্যা॒ মব॑ বাধামহে॒ তান্ ।
বস॑বো রু॒দ্রা আ॑দি॒ত্যা উ॑পরি॒ স্পৃশং॑ মো॒গ্রং-চেত্তা॑রমধি রা॒জম॑ক্রন্ন্ ।
অ॒র্বাঞ্চ॒ মিন্দ্র॑ ম॒মুতো॑ হবামহে॒ যো গো॒জি-দ্ধ॑ন॒-জিদ॑শ্ব॒-জিদ্যঃ ।
ই॒মন্নো॑ য॒জ্ঞং-বিঁ॑হ॒বে জু॑ষস্বা॒স্য কু॑র্মো হরিবো মে॒দিনং॑ ত্বা ॥ 33 (14) ॥
1.20 মৃগারঃ
অ॒গ্নে-র্ম॑ন্বে প্রথ॒মস্য॒ প্রচে॑তসো॒য-ম্পাঞ্চ॑জন্য-ম্ব॒হব॑ স্সমি॒ন্ধতে᳚ ।
বিশ্ব॑স্যাং-বিঁ॒শি প্র॑বিবিশি॒বাগ্ম্ স॑মীমহে॒ স নো॑ মুঞ্চ॒ত্বগ্ম্ হ॑সঃ ।
যস্যে॒দ-ম্প্রা॒ণ-ন্নি॑মি॒ষ-দ্যদেজ॑তি॒ যস্য॑ জা॒ত-ঞ্জন॑মান-ঞ্চ॒ কেব॑লম্ ।
স্তৌম্য॒গ্নি-ন্না॑থি॒তো জো॑হবীমি॒ স নো॑ মুঞ্চ॒ত্বগ্ম্ হ॑সঃ ।
ইন্দ্র॑স্য মন্যে প্রথ॒মস্য॒ প্রচে॑তসো বৃত্র॒ঘ্ন-স্স্তোমা॒ উপ॒মা মু॒পাগুঃ॑ ।
যো দা॒শুষ॑-স্সু॒কৃতো॒ হব॒মুপ॒ গন্তা॒ স নো॑ মুঞ্চ॒ত্বগ্ম্ হ॑সঃ ॥ 34 ॥
য স্সং॑গ্রা॒ম-ন্নয॑তি॒ সংবঁ॒শী যু॒ধে যঃ পু॒ষ্টানি॑ সগ্ম্সৃ॒জতি॑ ত্র॒যাণি॑ । স্তৌমীন্দ্র॑-ন্নাথি॒তো জো॑হবীমি॒ স নো॑ মুঞ্চ॒ত্বগ্ম্ হ॑সঃ । ম॒ন্বেবাং᳚ মিত্রাবরুণা॒ তস্য॑ বিত্ত॒গ্ম্॒ সত্যৌ॑জসা দৃগ্ম্হণা॒ য-ন্নু॒দেথে᳚ । যা রাজা॑নগ্ম্ স॒রথং॑ ঁযা॒থ উ॑গ্রা॒ তা নো॑ মুঞ্চত॒ মাগ॑সঃ ।
যো বা॒গ্ম্॒ রথ॑ ঋ॒জুর॑শ্মি-স্স॒ত্যধ॑র্মা॒ মিথু॒-শ্চর॑ন্ত-মুপ॒যাতি॑ দূ॒ষযন্ন্॑ ॥ 35 ॥
স্তৌমি॑ মি॒ত্রাবরু॑ণা নাথি॒তো জো॑হবীমি॒ তৌ নো॑ মুঞ্চত॒ মাগ॑সঃ । বা॒যো-স্স॑বি॒তু-র্বি॒দথা॑নি মন্মহে॒ যাবা᳚ত্ম॒ন্-বদ্বি॑ভৃ॒তো যৌ
চ॒ রক্ষ॑তঃ । যৌ বিশ্ব॑স্য পরি॒ভূ ব॑ভূ॒বতু॒স্তৌ নো॑ মুঞ্চত॒ মাগ॑সঃ ।
উপ॒শ্রেষ্ঠা॑ন আ॒শিষো॑ দে॒বযো॒র্ধর্মে॑ অস্থিরন্ন্ । স্তৌমি॑ বা॒যুগ্ম্ স॑বি॒তার॑-ন্নাথি॒তো জো॑হবীমি॒ তৌ নো॑ মুঞ্চত॒ মাগ॑সঃ ।
র॒থীত॑মৌ রথী॒না ম॑হ্ব ঊ॒তযে॒ শুভ॒ঙ্গমি॑ষ্ঠৌ সু॒যমে॑-ভি॒রশ্বৈঃ᳚ ॥ 36 ॥
যযো᳚র্বা-ন্দেবৌ দে॒বেষ্ব-নি॑শিত॒ মোজ॒স্তৌ নো॑ মুঞ্চত॒ মাগ॑সঃ । যদযা॑তং-বঁহ॒তুগ্ম্ সূ॒র্যাযা᳚-স্ত্রিচ॒ক্রেণ॑ স॒গ্ম্॒ সদ॑মি॒চ্ছমা॑নৌ । স্তৌমি॑ দে॒বা ব॒শ্বিনৌ॑ নাথি॒তো জো॑হবীমি॒ তৌ নো॑ মুঞ্চত॒ মাগ॑সঃ ।
ম॒রুতাং᳚ মন্বে॒ অধি॑নো ব্রুবন্তু॒ প্রেমাং-বাঁচং॒ ঁবিশ্বা॑মবন্তু॒ বিশ্বে᳚ ।
আ॒শূন্. হু॑বে সু॒যমা॑নূ॒তযে॒ তে নো॑ মুঞ্চ॒ন্ত্বেন॑সঃ । তি॒গ্মমাযু॑ধং-বীঁডি॒তগ্ম্ সহ॑স্বদ দি॒ব্যগ্ম্ শর্ধঃ॒ পৃত॑নাসু জি॒ষ্ণু ॥ 37 ॥
স্তৌমি॑ দে॒বা-ন্ম॒রুতো॑ নাথি॒তো জো॑হবীমি॒ তে নো॑ মুঞ্চ॒ন্ত্বেন॑সঃ । দে॒বানা᳚-ম্মন্বে॒ অধি॑ নো ব্রুবন্তু॒ প্রেমাং-বাঁচং॒ ঁবিশ্বা॑মবন্তু॒ বিশ্বে᳚ । আ॒শূন্. হু॑বে সু॒যমা॑নূ॒তযে॒ তে নো॑ মুঞ্চ॒ন্ত্বেন॑সঃ । যদি॒দ-ম্মা॑-ঽভি॒শোচ॑তি॒ পৌরু॑ষেযেণ॒ দৈব্যে॑ন । স্তৌমি॒ বিশ্বা᳚-ন্দে॒বা-ন্না॑থি॒তো জো॑হবীমি॒ তে নো॑ মুঞ্চ॒ন্ত্বেন॑সঃ ।
অনু॑নো॒-ঽদ্যানু॑মতি॒রন্বিদ॑নু মতে॒ ত্বং-বৈঁ᳚শ্বান॒রো ন॑ ঊ॒ত্যা পৃ॒ষ্টো দি॒বি ॥ 38 ॥
অনু॑নো॒-ঽধ্যানু॑মতি-র্য॒জ্ঞ-ন্দে॒বেষু॑ মন্যতাম্ । অ॒গ্নিশ্চ॑ হব্য॒ বাহ॑নো॒ ভব॑তা-ন্দা॒শুষে॒ মযঃ॑ । অন্বিদ॑নুমতে॒ ত্ব-ম্মন্যা॑সৈ॒ শঞ্চ॑ নঃ কৃধি । ক্রত্বে॒ দক্ষা॑য নো হিনু॒ প্রণ॒ আযূগ্ম্॑ষি তারিষঃ ॥ 38অ ॥
বৈ॒শ্বা॒ন॒রো ন॑ ঊ॒ত্যা ঽঽপ্রযা॑তু পরা॒বতঃ॑ । অ॒গ্নিরু॒ক্থেন॒ বাহ॑সা ।
পৃ॒ষ্টো দি॒বি পৃ॒ষ্টো অ॒গ্নিঃ পৃ॑থি॒ব্যা-ম্পৃ॒ষ্টো বিশ্বা॒ ওষ॑ধী॒রা-বি॑বেশ ।
বৈ॒শ্বা॒ন॒র স্সহ॑সা পৃ॒ষ্টো অ॒গ্নিস্সনো॒ দিবা॒ সরি॒ষঃ পা॑তু॒ নক্ত᳚ম্ ॥ 38ব্ ॥
যে অপ্র॑থেতা॒ মমি॑তেভি॒ রোজো॑ভি॒ র্যে প্র॑তি॒ষ্ঠে অভ॑বতাং॒-বঁসূ॑নাম্ । স্তৌমি॒ দ্যাবা॑পৃথি॒বী না॑থি॒তো জো॑হবীমি॒ তে নো॑ মুঞ্চত॒মগ্ম্ হ॑সঃ ।
উর্বী॑ রোদসী॒ বরি॑বঃ কৃণোত॒-ঙ্ক্ষেত্র॑স্য পত্নী॒ অধি॑নো ব্রূযাতম্ । স্তৌমি॒ দ্যাবা॑পৃথি॒বী না॑থি॒তো জো॑হবীমি॒ তে নো॑ মুঞ্চত॒মগ্ম্ হ॑সঃ ।
যত্তে॑ ব॒য-ম্পু॑রুষ॒ত্রায॑ বি॒ষ্ঠা বি॑দ্বাগ্ম্ সশ্চ কৃ॒মা কচ্চ॒ নাগঃ॑ ॥ 39 ॥
কৃ॒ধী স্ব॑স্মাগ্ম্ অদি॑তে॒রনা॑গা॒ ব্যেনাগ্ম্॑সি শিশ্রথো॒ বিষ্ব॑গগ্নে । যথা॑ হ॒ ত-দ্ব॑সবো গৌ॒র্যং॑ চি-ত্প॒দিষি॒তা মমু॑ঞ্চতা যজত্রাঃ ।
এ॒বা ত্বম॒স্ম-ত্প্রমু॑ঞ্চা॒ ব্যগ্ম্হঃ॒ প্রাতা᳚র্যগ্নে প্রত॒রান্ন॒ আযুঃ॑ ॥ 40 (15) ॥
1.21 সর্পাহুতী মন্ত্রাঃ
স॒মীচী॒ নামা॑সি॒ প্রাচী॒ দিক্তস্যা᳚স্তে॒ ঽগ্নিরধি॑পতি রসি॒তো র॑ক্ষি॒তা যশ্চাধি॑পতি॒-র্যশ্চ॑ গো॒প্তা তাভ্যাং॒ নম॒স্তৌনো॑ মৃডযতাং॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বাঁ॒-ঞ্জম্ভে॑ দধাম্যো-,
-জ॒স্বিনী॒ নামা॑সি দক্ষি॒ণা দিক্তস্যা᳚স্ত॒ ইন্দ্রো-ঽধি॑পতিঃ॒ পৃদা॑কুঃ॒ ,
প্রাচী॒ নামা॑সি প্র॒তীচী॒ দিক্তস্যা᳚স্তে॒ সোমো-ঽধি॑পতি স্স্ব॒জো॑ ,
-ঽব॒স্থাবা॒ নামা॒-স্যুদী॑চী॒ দিক্তস্যা᳚স্তে॒ বরু॒ণো-ঽধি॑পতি-স্তি॒রশ্চ॑ রাজি॒,
-রধি॑পত্নী॒ নামা॑সি বৃহ॒তী দিক্তস্যা᳚স্তে॒ বৃহ॒স্পতি॒-রধি॑পতি শ্শ্বি॒ত্রো,
ব॒শিনী॒ নামা॑সী॒ য-ন্দিক্তস্যা᳚স্তে য॒মো-ঽধি॑পতিঃ ক॒ল্মাষ॑ গ্রীবো,
রক্ষি॒তা যশ্চাধি॑পতি॒-র্যশ্চ॑ গো॒প্তা তাভ্যাং॒ নম॒স্তৌ নো॑ মৃডযতাং॒
তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বাঁ॒-ঞ্জম্ভে॑ দধামি ॥ 41 (16) ॥
1.22 সর্পাহুতী মন্ত্রাঃ (অনুষঙ্গং)
স॒মীচী॒ নামা॑সি॒ প্রাচী॒ দিক্তস্যা᳚স্তে॒ ঽগ্নিরধি॑পতি রসি॒তো র॑ক্ষি॒তা-যশ্চাধি॑পতি॒-র্যশ্চ॑ গো॒প্তা
তাভ্যাং॒ নম॒স্তৌ নো॑ মৃডযতাং॒
তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বাংঁ॒ জম্ভে॑ দধামি ।
ও॒জ॒স্বিনী॒ নামা॑সি দক্ষি॒ণা দিক্তস্যা᳚স্ত॒ ইন্দ্রো-ঽধি॑পতিঃ॒ পৃদা॑কূ রক্ষি॒তা যশ্চাধি॑পতি॒-র্যশ্চ॑ গো॒প্তা তাভ্যাং॒ নম॒স্তৌ নো॑ মৃডযতাং॒ তে য-ন্দ্বি॒ষ্মো যশ্চ॑নো॒ দ্বেষ্টি॒ তং-বাংঁ॒ জম্ভে॑ দধামি ।
প্রাচী॒ নামা॑সি প্র॒তীচী॒ দিক্তস্যা᳚স্তে॒ সোমো-ঽধি॑পতি স্স্ব॒জো র॑ক্ষি॒তা যশ্চাধি॑পতি॒-র্যশ্চ॑ গো॒প্তা তাভ্যাং॒ নম॒স্তৌ নো॑ মৃডযতাং॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বাঁ॒-ঞ্জম্ভে॑ দধামি ।
অ॒ব॒স্থাবা॒ নামা॒-স্যুদী॑চী॒ দিক্তস্যা᳚স্তে॒ বরু॒ণো-ঽধি॑পতি-স্তি॒রশ্চ॑ রাজী রক্ষি॒তা যশ্চাধি॑পতি॒-র্যশ্চ॑ গো॒প্তা তাভ্যাং॒ নম॒স্তৌ নো॑ মৃডযতাং॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বাঁ॒-ঞ্জম্ভে॑ দধামি ।
অধি॑পত্নী॒ নামা॑সি বৃহ॒তী দিক্তস্যা᳚স্তে॒ বৃহ॒স্পতি॒-রধি॑পতি-শ্শ্বি॒ত্রো র॑ক্ষি॒তা যশ্চাধি॑পতি॒-র্যশ্চ॑ গো॒প্তা তাভ্যাং॒ নম॒স্তৌ নো॑ মৃডযতাং॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বাঁ॒-ঞ্জম্ভে॑ দধামি ।
ব॒শিনী॒ নামা॑সী॒য-ন্দিক্তস্যা᳚স্তে য॒মো-ঽধি॑পতিঃ ক॒ল্মাষ॑ গ্রীবো রক্ষি॒তা যশ্চাধি॑পতি॒-র্যশ্চ॑ গো॒প্তা তাভ্যাং॒ নম॒স্তৌ নো॑ মৃডযতাং॒
তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বাংঁ॒ জম্ভে॑ দধামি ॥ 41আ (16আ) ॥
1.23 গন্ধর্বাহুতীঃ
হে॒তযো॒ নাম॑স্থ॒ তেষাং᳚-বঃ ঁপু॒রো গৃ॒হা অ॒গ্নির্ব॒ ইষ॑ব স্সলি॒লো,
নি॑লি॒পা-ন্নাম॑স্থ॒ তেষাং᳚-বোঁ দক্ষি॒ণা গৃ॒হাঃ পি॒তরো॑ ব॒ ইষ॑ব॒ স্সগ॑রো,
ব॒জ্রিণো॒ নাম॑স্থ॒ তেষাং᳚-বঃ ঁপ॒শ্চা-দ্গৃ॒হা স্স্বপ্নো॑ ব॒ ইষ॑বো॒ গহ্ব॑রো,
-ঽব॒স্থাবা॑নো॒ নাম॑স্থ॒ তেষাং᳚-বঁ উত্ত॒রা-দ্গৃ॒হা আপো॑ ব॒ ইষ॑ব স্সমু॒দ্রো-,
-ঽধি॑পতযো॒ নাম॑স্থ॒ তেষাং᳚-বঁ উ॒পরি॑ গৃ॒হা ব॒র্॒ষং-বঁ॒ ইষ॒বো-ঽব॑স্বান্,
ক্র॒ব্যা নাম॑স্থ॒ পার্থি॑বা॒-স্তেষাং᳚-বঁ ই॒হ গৃ॒হা অন্নং॑ ঁব॒ ইষ॑বো নিমি॒ষো,
বা॑ত না॒ম-ন্তেভ্যো॑ বো॒ নম॒স্তে নো॑ মৃডযত॒ তে য-ন্দ্বি॒ষ্মো যশ্চ॑ নো॒ দ্বেষ্টি॒
তং-বোঁ॒ জম্ভে॑ দধামি ॥ 42 (17) ॥
1.24 গন্ধর্বাহুতীঃ (অনুষঙ্গং)
হে॒তযো॒ নাম॑স্থ॒ তেষাং᳚-বঃ ঁপু॒রো গৃ॒হা অ॒গ্নির্ব॒ ইষ॑ব-স্সলি॒লো বা॑ত না॒ম-ন্তেভ্যো॑ বো॒ নম॒স্তে নো॑ মৃডযত॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি ।
নি॒লি॒পা-ন্নাম॑স্থ॒ তেষাং᳚-বোঁ দক্ষি॒ণা গৃ॒হাঃ পি॒তরো॑ ব॒ ইষ॑ব॒-স্সগ॑রো বাত না॒ম-ন্তেভ্যো॑ বো॒ নম॒স্তে নো॑ মৃডযত॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি ।
ব॒জ্রিণো॒ নাম॑স্থ॒ তেষাং᳚-বঃ ঁপ॒শ্চা-দ্গৃ॒হা স্স্বপ্নো॑ ব॒ ইষ॑বো॒ গহ্ব॑রো বাত না॒ম-ন্তেভ্যো॑ বো॒ নম॒স্তে নো॑ মৃডযত॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি ।
অ॒ব॒স্থা বা॑ নো॒ নাম॑স্থ॒ তেষাং᳚-বঁ উত্ত॒রা-দ্গৃ॒হা আপো॑ ব॒ ইষ॑বস্সমু॒দ্রো বা॑ত না॒ম-ন্তেভ্যো॑ বো॒ নম॒স্তে নো॑ মৃডযত॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধা॒মি ।
অধি॑পতযো॒ নাম॑স্থ॒ তেষাং᳚-বঁ উ॒পরি॑ গৃ॒হা ব॒র্॒ষং-বঁ॒ ইষ॒বো-ঽব॑স্বান্ বাত না॒ম-ন্তেভ্যো॑ বো॒ নম॒স্তে নো॑ মৃডযত॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি ।
ক্র॒ব্যা নাম॑স্থ॒ পার্থি॑বা॒-স্তেষাং᳚-বঁ ই॒হ গৃ॒হা অন্নং॑ ঁব॒ ইষ॑বো নিমি॒ষো বা॑ত না॒ম-ন্তেভ্যো॑ বো॒ নম॒স্তে নো॑ মৃডযত॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি ॥ 42আ (17আ) ॥
1.25 অজ্যানি মন্ত্রাঃ
শ॒তাযু॑ধায শ॒তবী᳚র্যায শ॒তোত॑যে ঽভিমাতি॒ষাহে᳚ । শ॒তং-যোঁ ন॑ শ্শ॒রদো॒ অজী॑তা॒-নিন্দ্রো॑ নেষ॒দতি॑ দুরি॒তানি॒ বিশ্বা᳚ ।
যে চ॒ত্বারঃ॑ প॒থযো॑ দেব॒যানা॑ অন্ত॒রা দ্যাবা॑পৃথি॒বী বি॒যন্তি॑ । তেষাং॒-যোঁ অজ্যা॑নি॒- মজী॑তি-মা॒বহা॒ত্তস্মৈ॑ নো দেবাঃ॒ পরি॑দত্তে॒হ সর্বে᳚ । গ্রী॒ষ্মো হে॑ম॒ন্ত উ॒ত নো॑ বস॒ন্ত শ্শ॒র-দ্ব॒র্॒ষা স্সু॑বি॒তন্নো॑ অস্তু ।
তেষা॑-মৃতূ॒নাগ্ম্ শ॒তশা॑রদানা-ন্নিবা॒ত এ॑ষা॒মভ॑যে স্যাম । ই॒দু॒ব॒থ্স॒রায॑ পরিবথ্স॒রায॑ সংবঁথ্স॒রায॑ কৃণুতা বৃ॒হন্নমঃ॑ । তেষাং᳚ ঁব॒যগ্ম্ সু॑ম॒তৌ য॒জ্ঞিযা॑না॒-ঞ্জ্যোগজী॑তা॒ অহ॑তা স্স্যাম ।
ভ॒দ্রান্ন॒-শ্শ্রেয॒ স্সম॑নৈষ্ট দেবা॒ স্ত্বযা॑-ঽব॒সেন॒ সম॑শী মহিত্বা ।
সনো॑মযো॒ ভূঃ পি॑তো॒ আবি॑শস্ব॒ শন্তো॒কায॑ ত॒নুবে᳚ স্যো॒নঃ ॥ 43 (18) ॥
ভূ॒ত-ম্ভব্যং॑ ভবি॒ষ্য-দ্বষ॒-ট্থ্স্বাহা॒ ,
নম॒ ঋ-খ্সাম॒-যজু॒-র্বষ॒-ট্থ্স্বাহা॒ ,
নমো॑ গায॒ত্রী ত্রি॒ষ্টুপ্ জগ॑তী॒ বষ॒-ট্থ্স্বাহা॒ ,
নমঃ॑ পৃথি॒ব্য॑ন্তরি॑ক্ষং॒ দ্যৌ-র্বষ॒-ট্থ্স্বাহা॒ ,
নমো॒ ঽগ্নির্বা॒যু-স্সূর্যো॒ বষ॒-ট্থ্স্বাহা॒ ,
নমঃ॑ প্রা॒ণো-ব্যা॒নো॑-ঽপা॒নো বষ॒-ট্থ্স্বাহা॒ ,
নমো-ঽন্নং॑ কৃ॒ষি-র্বৃষ্টি॒-র্বষ॒-ট্থ্স্বাহা॒ ,
নমঃ॑ পি॒তা পু॒ত্রঃ পৌত্রো॒ বষ॒-ট্থ্স্বাহা॒ ,
নমো॒ ভূর্ভুব॒স্সুব॒ র্বষ॒-ট্থ্স্বাহা॒ নমঃ॑ ॥ 44 (19) ॥
1.26 অথর্বশীর্ষং
(তৈ. ব্রা. 1.5.8.1-1.5.8.3)
ইন্দ্রো॑ দধী॒চো অ॒স্তভিঃ॑ । বৃ॒ত্রাণ্য প্র॑তিষ্কুতঃ । জ॒ঘান॑ নব॒তীর্নব॑ । ই॒চ্ছন্ন-শ্ব॑স্য॒ যচ্ছিরঃ॑ । পর্ব॑তে॒ষ্বপ॑শ্রিতম্ । তদ্বি॑দচ্ছর্য॒ণাব॑তি ।
অদ্রাহ॒ গোরম॑ন্বত । নাম॒ ত্বষ্টু॑র-পী॒চ্য᳚ম্ । ই॒ত্থা চ॒ন্দ্রম॑সো গৃ॒হে ।
ইন্দ্র॒মি-দ্গা॒থিনো॑ বৃ॒হত্ ॥ 45 ॥
ইন্দ্র॑ ম॒র্কেভি॑ র॒র্কিণঃ॑ । ইন্দ্রং॒ ঁবাণী॑রনূষত । ইন্দ্র॒ ইদ্ধর্যো॒ স্সচা᳚ ।
স-ম্মি॑শ্ল॒ আব॑চো॒ যুজা᳚ । ইন্দ্রো॑ ব॒জ্রী হি॑র॒ণ্যযঃ॑ । ইন্দ্রো॑ দী॒র্ঘায॒ চক্ষ॑সে । আসূর্যগ্ম্॑ রোহয-দ্দি॒বি । বি গোভি॒রদ্রি॑মৈরযত্ । ইন্দ্র॒ বাজে॑ষু নো অব । স॒হস্র॑ প্রধনেষু চ ॥ 46 ॥
উ॒গ্র উ॒গ্রাভি॑-রূ॒তিভিঃ॑ । তমিন্দ্রং॑ ঁবা জযামসি । ম॒হে বৃ॒ত্রায॒ হন্ত॑বে । স বৃষা॑ বৃষ॒ভো-ভু॑বত্ । ইন্দ্র॒ স্সদা ম॑নে কৃ॒তঃ । ওজি॑ষ্ঠ॒ স্সবলে॑ হি॒তঃ । দ্যু॒ম্নী শ্লো॒কী স সৌ॒ম্যঃ॑ । গি॒রা বজ্রো॒ ন সম্ভৃ॑তঃ । সব॑লো॒ অন॑পচ্যুতঃ । ব॒ব॒ক্ষু রু॒গ্রো অস্তৃ॑তঃ ॥ 47 (20) ॥
1.27 প্রত্যঙ্গিরসঃ
(তৈ. ব্রা. 2.4.2.1-2.4.2.4)
চক্ষু॑ষো হেতে॒ মন॑সো হেতে । বাচো॑ হেতে॒ ব্রহ্ম॑ণো হেতে । যোমা॑-ঽঘা॒যু-র॑ভি॒দাস॑তি । তম॑গ্নে মে॒ন্যা-ঽমে॒নি-ঙ্কৃ॑ণু । যোমা॒ চক্ষু॑ষা॒ যো মন॑সা । যো বা॒চা ব্রহ্ম॑ণা-ঽঘা॒যু-র॑ভি॒দাস॑তি । তযা᳚-ঽগ্নে॒ ত্ব-ম্মে॒ন্যা । অ॒মুম॑ মে॒নি-ঙ্কৃ॑ণু । য-ত্কিঞ্চা॒সৌ মন॑সা॒ যচ্চ॑ বা॒চা । য॒জ্ঞৈ-র্জু॒হোতি॒ যজু॑ষা হ॒বির্ভিঃ॑ ॥ 48 ॥
ত-ন্মৃ॒ত্যু-র্নির্-ঋ॑ত্যা সংবিঁদা॒নঃ । পু॒রা দি॒ষ্টা দাহু॑তী রস্যহন্তু ।
যা॒তু॒ ধানা॒ নির্-ঋ॑তি॒ রাদু॒রক্ষঃ॑ । তে অ॑স্যঘ্নং॒ ত্বনৃ॑তেন স॒ত্যম্ ।
ইন্দ্র॑ষিতা॒ আজ্য॑মস্য মথ্নন্তু । মাত-থ্সমৃ॑দ্ধি॒ যদ॒সৌ ক॒রোতি॑ ।
হন্মি॑তে॒-ঽহ-ঙ্কৃ॒তগ্ম্ হ॒বিঃ । যো মে॑ ঘো॒রমচী॑ কৃতঃ ।
অপা᳚ঞ্চৌ ত উ॒ভৌ বা॒হূ । অপ॑নহ্যাম্যা॒স্য᳚ম্ ॥ 49 ॥
অপ॑নহ্যামিতে বা॒হূ । অপ॑ নহ্যাম্যা॒স্য᳚ম্ । অ॒গ্নে-র্দে॒বস্য॒ ব্রহ্ম॑ণা । সর্বং॑ তে ঽবধিষ্-ঙ্কৃ॒তম্ । পু॒রা-ঽমুষ্য॑ বষ-ট্কা॒রাত্ । য॒জ্ঞ-ন্দে॒বেষু॑ নস্কৃধি । স্বি॑ষ্ট-ম॒স্মাকং॑ ভূযাত্ । মা-ঽস্মা-ন্প্রাপ॒ন্নরা॑তযঃ । অন্তি॑দূ॒রে স॒তো অ॑গ্নে । ভ্রাতৃ॑ব্যস্যা ভি॒দাস॑তঃ । ব॒ষ॒-ট্কা॒রেণ॒ বজ্রে॑ণ । কৃ॒ত্যাগ্ম্ হ॑ন্মি কৃ॒তাম॒হম্ । যো মা॒ নক্তং॒ দিবা॑ সা॒যম্ । প্রা॒ত-শ্চাহ্নো॑ নি॒পীয॑তি । অ॒দ্যা-তমি॑ন্দ্র॒ বজ্রে॑ণ । ভ্রাতৃ॑ব্য-ম্পাদযামসি ॥ 50 (21) ॥
(তৈ. ব্রা. 2.5.1.1-2.5.1.3)
প্রা॒ণো র॑ক্ষতি॒ বিশ্ব॒মেজ॑ত্ । ইর্যো॑ ভূ॒ত্বা ব॑হু॒ধা ব॒হূনি॑ । স ই-থ্সর্বং॒ ঁব্যা॑নশে । যো দে॒বো দে॒বেষু॑ বি॒ভূর॒ন্তঃ ।
আবৃ॑দূ॒দা-ত্ক্ষেত্রিয॑দ্ধ্ব॒গ-দ্বৃষা᳚ । তমি-ত্প্রা॒ণ-ম্মন॒সোপ॑ শিক্ষত ।
অগ্রং॑ দে॒বানা॑-মি॒দম॑ত্তু নো হ॒বিঃ । মন॑স॒শ্চি-ত্তে॒দম্ । ভূ॒ত-ম্ভব্যং॑ চ গুপ্যতে । তদ্ধি দে॒বেষ্ব॑-গ্রি॒যম্ ॥ 51 ॥
আন॑ এতু পুরশ্চ॒রম্ । স॒হ দে॒বৈ-রি॒মগ্ম্ হব᳚ম্ । মন॒-শ্শ্রেয॑সি শ্রেযসি । কর্ম॑ন্. য॒জ্ঞপ॑তিং॒ দধ॑ত্ । জু॒ষতাং᳚ মে॒ বাগি॒দগ্ম্ হ॒বিঃ । বি॒রা-ড্দে॒বী পু॒রোহি॑তা । হ॒ব্য॒বাডন॑-পাযিনী । যযা॑ রূ॒পাণি॑ বহু॒ধা বদ॑ন্তি । পেশাগ্ম্॑সি দে॒বাঃ প॑র॒মে জ॒নিত্রে᳚ । সা নো॑ বি॒রাডন॑প স্ফুরন্তী ॥ 52 ॥
বাগ্দে॒বী জু॑ষতা মি॒দগ্ম্ হ॒বিঃ । চক্ষু॑-র্দে॒বানাং॒ জ্যোতি॑র॒মৃতে॒ ন্য॑ক্তম্ ।
অ॒স্য বি॒জ্ঞানা॑য বহু॒ধা নিধী॑যতে । তস্য॑ সু॒ম্ন-ম॑শীমহি । মা নো॑ হাসী-দ্বিচক্ষ॒ণম্ । আযু॒রিন্নঃ॒ প্রতী᳚র্যতাম্ । অন॑ন্ধা॒-শ্চক্ষু॑ষা ব॒যম্ । জী॒বা জ্যোতি॑-রশীমহি । সুব॒-র্জ্যোতি॑-রু॒তামৃতং᳚ । শ্রোত্রে॑ণ ভ॒দ্র মু॒ত-শৃ॑ণ্বন্তি স॒ত্যম্ । শ্রোত্রে॑ণ॒ বাচং॑ বহু॒ধোদ্যমা॑নাম্ । শ্রোত্রে॑ণ॒ মোদ॑শ্চ॒ মহ॑শ্চ শ্রূযতে ।
শ্রোত্রে॑ণ॒ সর্বা॒ দিশ॒ আশৃ॑ণোমি । যেন॒ প্রাচ্যা॑ উ॒ত দ॑ক্ষি॒ণা । প॒তীচ্যৈ॑ দি॒শ-শ্শৃ॒ণ্বন্ত্যু॑ত্ত॒রাত্ । তদিচ্ছ্রোত্রং॑ বহু॒ধোদ্যমা॑নম্ ।
অ॒রান্ন নে॒মিঃ পরি॒সর্বং॑ বভূব ॥ 53 (22) ॥
(তৈ. ব্রা. 2.7.7.1-2.7.7.7)
সি॒গ্ম্॒হে ব্যা॒ঘ্র উ॒ত যা পৃদা॑কৌ । ত্বিষি॑-র॒গ্নৌ ব্রা᳚হ্ম॒ণে সূর্যে॒যা ।
ইন্দ্রং॒ ঁযা দে॒বী সু॒ভগা॑ জ॒জান॑ । সা ন॒ আগ॒ন্ বর্চ॑সা সংবিঁদা॒না । যা রা॑জ॒ন্যে॑ দুন্দু॒-ভাবায॑তাযাম্ । অশ্ব॑স্য॒ ক্রন্দ্যে॒ পুরু॑ষস্য মা॒যৌ । ইন্দ্রং॒ ঁযা দে॒বী সু॒ভগা॑ জ॒জান॑ । সা ন॒ আগ॒ন্ বর্চ॑সা সংবিঁদা॒না । যা হ॒স্তিনি॑ দ্বী॒পিনি॒ যা হির॑ণ্যে । ত্বিষি॒-রশ্বে॑ষু॒ পুরু॑ষেষু॒ গোষু॑ ॥ 54 ॥
ইন্দ্রং॒ ঁযা দে॒বী সু॒ভগা॑ জ॒জান॑ । সা ন॒ আগ॒ন্ বর্চ॑সা সংবিঁদা॒না । রথে॑ অ॒ক্ষেষু॑ বৃষ॒ভস্য॒ বাজে᳚ । বাতে॑ প॒র্জন্যে॒ বরু॑ণস্য॒ শুষ্মে᳚ । ইন্দ্রং॒ ঁযা দে॒বী সু॒ভগা॑ জ॒জান॑ । সা ন॒ আগ॒ন্ বর্চ॑সা সংবিঁদা॒না । রাড॑সি বি॒রাড॑সি । স॒ম্রাড॑সি স্ব॒রাড॑সি । ইন্দ্রা॑য ত্বা॒ তেজ॑স্বতে॒ তেজ॑স্বন্তগ্গ্ শ্রীণামি । ইন্দ্রা॑য॒ ত্বৌজ॑স্বত॒ ওজ॑স্বন্তগ্গ্ শ্রীণামি ॥ 55 ॥
ইন্দ্রা॑য ত্বা॒ পয॑স্বতে॒ পয॑স্বন্তগ্গ্ শ্রীণামি । ইন্দ্রা॑য॒ ত্বা-ঽঽযু॑ষ্মত॒ আযু॑ষ্মন্তগ্গ্ শ্রীণামি । তেজো॑-ঽসি । তত্তে॒ প্রয॑চ্ছামি । তেজ॑স্বদস্তু মে॒ মুখ᳚ম্ । তেজ॑স্ব॒চ্ছিরো॑ অস্তু মে । তেজ॑স্বান্. বি॒শ্বতঃ॑ প্র॒ত্যম্ । তেজ॑সা॒ স-ম্পি॑পৃগ্ধিমা । ওজো॑-ঽসি । তত্তে॒ প্রয॑চ্ছামি ॥ 56 ॥
ওজ॑স্বদস্তু মে॒ মুখ᳚ম্ । ওজ॑স্ব॒চ্ছিরো॑ অস্তু মে । ওজ॑স্বান্. বি॒শ্বতঃ॑ প্র॒ত্যম্ । ওজ॑সা॒ সম্পি॑পৃগ্ধি মা । পযো॑-ঽসি । তত্তে॒ প্রয॑চ্ছামি । পয॑স্বদস্তু মে॒ মুখ᳚ম্ । পয॑স্ব॒চ্ছিরো॑ অস্তু মে । পয॑স্বান্. বি॒শ্বতঃ॑ প্র॒ত্যম্ । পয॑সা॒ সম্পি॑পৃগ্ধি মা ॥ 57 ॥
আযু॑রসি । তত্তে॒ প্রয॑চ্ছামি । আযু॑ষ্মদস্তু মে॒ মুখ᳚ম্ । আযু॑ষ্ম॒চ্ছিরো॑ অস্তু মে । আযু॑ষ্মান্. বি॒শ্বতঃ॑ প্র॒ত্যম্ । আযু॑ষা॒ সম্পি॑পৃগ্ধি মা । ই॒ম ম॑গ্ন॒ আযু॑ষে॒ বর্চ॑সে কৃধি । প্রি॒যগ্ম্ রেতো॑ বরুণ সোম রাজন্ন্ । মা॒ তে বা᳚স্মা অদিতে॒ শর্ম॑ যচ্ছ । বিশ্বে॑ দেবা॒ জর॑দষ্টি॒-র্যথা-ঽস॑ত্ ॥ 58 ॥
আযু॑রসি বি॒শ্বাযু॑রসি । স॒র্বাযু॑রসি॒ সর্ব॒মাযু॑রসি । যতো॒ বাতো॒ মনো॑জবাঃ । যতঃ॒, ক্ষর॑ন্তি॒ সিন্ধ॑বঃ । তাসাং᳚ ত্বা॒ সর্বা॑সাগ্ম্ রু॒চা । অ॒ভিষি॑ঞ্চামি॒ বর্চ॑সা । স॒মু॒দ্র ই॑বাসি গ॒হ্মনা᳚ । সোম॑ ইবা॒স্যদা᳚ভ্যঃ । অ॒গ্নিরি॑ব বি॒শ্বতঃ॑ প্র॒ত্যম্ । সূর্য॑ ইব॒ জ্যোতি॑ষা বি॒ভূঃ ॥ 59 ॥
অ॒পাং-যোঁ দ্রব॑ণে॒ রসঃ॑ । তম॒হম॒স্মা আ॑মুষ্যায॒ণায॑ । তেজ॑সে ব্রহ্মবর্চ॒সায॑ গৃহ্ণামি । অ॒পাং-যঁ ঊ॒র্মৌ রসঃ॑ । তম॒হম॒স্মা আ॑মুষ্যায॒ণায॑ । ওজ॑সে বী॒র্যা॑য গৃহ্ণামি । অ॒পাং-যোঁ ম॑দ্ধ্য॒তো রসঃ॑ । তম॒হম॒স্মা আ॑মুষ্যায॒ণায॑ । পুষ্টৈ᳚ প্র॒জন॑নায গৃহ্ণামি । অ॒পাং-যোঁ য॒জ্ঞিযো॒ রসঃ॑ । তম॒হম॒স্মা আ॑মুষ্যায॒ণায॑ । আযু॑ষে দীর্ঘাযু॒ত্বায॑ গৃহ্ণামি ॥ 60 (23) ॥
1.28 অন্ন সূক্তং
(তৈ. ব্রা. 2.8.8.1-2.8.8.4)
অ॒হম॑স্মি প্রথম॒জা ঋ॒তস্য॑ । পূর্বং॑ দে॒বেভ্যো॑ অ॒মৃত॑স্য॒ নাভিঃ॑ ।
যো মা॒ দদা॑তি॒ স ই দে॒ব মা বাঃ᳚ । অ॒হমন্ন॒ মন্ন॑ ম॒দন্ত॑মদ্মি । পূর্ব॑-ম॒গ্নেরপি॑ দহ॒ত্যন্নং᳚ । য॒ত্তৌ হা॑সাতে অহমুত্ত॒রেষু॑ । ব্যাত্ত॑মস্য প॒শব॑-স্সু॒জম্ভ᳚ম্ । পশ্য॑ন্তি॒ ধীরাঃ॒ প্রচ॑রন্তি॒ পাকাঃ᳚ ।
জহা᳚ম্য॒ন্য-ন্ন জ॑হাম্য॒ন্যম্ । অ॒হমন্নং॒ ঁবশ॒মিচ্চ॑রামি ॥ 61 ॥
স॒মা॒নমর্থং॒ পর্যে॑মি ভু॒ঞ্জত্ । কো মা মন্নং॑ মনু॒ষ্যো॑ দযেত ।
পরা॑কে॒ অন্নং॒ নিহি॑তং-লোঁ॒ক এ॒তত্ । বিশ্বৈ᳚-র্দে॒বৈঃ পি॒তৃভি॑-র্গু॒প্তমন্ন᳚ম্ ।
যদ॒দ্যতে॑ লু॒প্যতে॒ য-ত্প॑রো॒প্যতে᳚ । শ॒ত॒-ত॒মীসা ত॒নূর্মে॑ বভূব ।
ম॒হান্তৌ॑ চ॒রূ স॑কৃ-দ্দু॒গ্ধেন॑ পপ্রৌ । দিব॑ঞ্চ॒ পৃশ্ঞি॑ পৃথি॒বী-ঞ্চ॑ সা॒কম্ ।
তথ্সং॒-পিব॑ন্তো॒ নমি॑নন্তি বে॒ধসঃ॑ । নৈতদ্ভূযো॒ ভব॑তি॒ নো কনী॑যঃ ॥ 62 ॥
অন্নং॑ প্রা॒ণমন্ন॑ মপা॒ন-মা॑হুঃ । অন্নং॑ মৃ॒ত্যু-ন্তমু॑ জী॒বাতু॑ মাহুঃ ।
অন্নং॑ ব্র॒হ্মাণো॑ জ॒রসং॑ ঁবদন্তি । অন্ন॑মাহুঃ প্র॒জন॑ন-ম্প্র॒জানা᳚ম্ ।
মোঘ॒-মন্নং॑ ঁবিন্দতে॒ অপ্র॑চেতাঃ । স॒ত্য-ম্ব্র॑বীমি ব॒ধ ইথ্স তস্য॑ ।
নার্য॒মণং॒ পুষ্য॑তি॒ নো সখা॑যম্ । কেব॑লাঘো ভবতি কেবলা॒দী ।
অ॒হ-ম্মে॒ঘ স্স্ত॒নয॒ন্ বর্ষ॑ন্নস্মি । মাম॑দন্ত্য॒-হম॑দ্ম্য॒ন্যান্ ॥ অ॒হগ্ম্ সদ॒মৃতো॑ ভবামি । মদা॑দি॒ত্যা অধি॒ সর্বে॑ তপন্তি ॥ 63 ॥
1.29 বা-খ্সূক্তং
(তৈ. ব্রা. 2.8.8.4)
দে॒বীং-বাঁচ॑ম জনযন্ত॒ য-দ্বাগ্বদ॑ন্তি ॥ 64 ॥
দে॒বীং-বাঁচ॑মজনযন্ত দে॒বাঃ । তাং-বিঁ॒শ্বরূ॑পাঃ প॒শবো॑ বদন্তি । সা নো॑ ম॒ন্দ্রেষ॒ মূর্জং॒ দুহা॑না । ধে॒নুর্বাগ॒স্মা-নুপ॒সুষ্টু॒তৈতু॑ ॥ 64অ ॥
য-দ্বাগ্বদ॑ন্ত্য বিচেত॒নানি॑ । রাষ্ট্রী॑ দে॒বানা᳚-ন্নিষ॒সাদ॑ ম॒ন্দ্রা । চত॑স্র॒ ঊর্জং॑ দুদুহে॒ পযাগ্ম্॑সি । ক্ব॑স্বি দস্যাঃ পর॒ম-ঞ্জ॑গাম ॥ 64ব্ ॥
(তৈ. ব্রা. 2.8.8.4-2.8.8.5)
অ॒ন॒ন্তা-মন্তা॒দধি॒ নির্মি॑তা-ম্ম॒হীম্ । যস্যাং᳚ দে॒বা অ॑দধু॒-র্ভোজ॑নানি । একা᳚ক্ষরা-ন্দ্বি॒পদা॒গ্ম্॒ ষট্প॑দাঞ্চ । বাচ॑-ন্দে॒বা উপ॑জীবন্তি॒ বিশ্বে᳚ । বাচ॑-ন্দে॒বা উপ॑জীবন্তি॒ বিশ্বে᳚ । বাচ॑-ঙ্গন্ধ॒র্বাঃ প॒শবো॑ মনু॒ষ্যাঃ᳚ । বা॒চীমা বিশ্বা॒ ভুব॑না॒-ন্যর্পি॑তা । সা নো॒ হবং॑ জুষতা॒-মিন্দ্র॑ পত্নী ।
বাগ॒ক্ষরং॑ প্রথম॒জা ঋ॒তস্য॑ । বেদা॑না-ম্মা॒তা-ঽমৃত॑স্য॒ নাভিঃ॑ ॥ 65 ॥
সা নো॑ জুষা॒ণোপ॑ য॒জ্ঞ মাগা᳚ত্ । অব॑ন্তী দে॒বী সু॒হবা॑ মে অস্তু । যা মৃষ॑যো মন্ত্র॒ কৃতো॑ মনী॒ষিণঃ॑ । অ॒ন্বৈচ্ছ॑-ন্দে॒বা-স্তপ॑সা॒ শ্রমে॑ণ । তা-ন্দে॒বীং-বাঁচগ্ম্॑ হ॒বিষা॑ যজামহে । সা নো॑ দধাতু সুকৃ॒তস্য॑ লো॒কে ।
চ॒ত্বারি॒ বা-ক্পরি॑মিতা প॒দানি॑ । তানি॑ বিদু-র্ব্রাহ্ম॒ণা যে ম॑নী॒ষিণঃ॑ । গুহা॒ ত্রীণি॒ নিহি॑তা॒ নেঙ্গ॑যন্তি । তু॒রীযং॑ ঁবা॒চো ম॑নু॒ষ্যা॑ বদন্তি ॥ 66 ॥
1.30 শ্রদ্ধা সূক্তং
(তৈ. ব্রা. 2.8.8.5-2.8.8.8)
শ্র॒দ্ধযা॒-ঽগ্নি স্সমি॑ধ্যতে । শ্র॒দ্ধযা॑ বিন্দতে হ॒বিঃ । শ্র॒দ্ধা-ম্ভগ॑স্য মূ॒র্ধনি॑ । বচ॒সা বে॑দযামসি । প্রি॒যগ্গ্ শ্র॑দ্ধে॒ দদ॑তঃ । প্রি॒যগ্গ্ শ্র॑দ্ধে॒ দিদা॑সতঃ । প্রি॒য-ম্ভো॒জেষু॒ যজ্ব॑সু । ই॒দ-ম্ম॑ উদি॒ত-ঙ্কৃ॑ধি । যথা॑ দে॒বা অসু॑রেষু । শ্র॒দ্ধা মু॒গ্রেষু॑ চক্রি॒রে ॥ 67 ॥
এ॒ব-ম্ভো॒জেষু॒ যজ্ব॑সু । অ॒স্মাক॑-মুদি॒ত-ঙ্কৃ॑ধি । শ্র॒দ্ধা-ন্দে॑বা॒ যজ॑মানাঃ । বা॒যু-গো॑পা॒ উপা॑সতে । শ্র॒দ্ধাগ্ম্ হৃ॑দ॒য্য॑যা-ঽঽকূ᳚ত্যা । শ্র॒দ্ধযা॑ হূযতে হ॒বিঃ ।
শ্র॒দ্ধা-ম্প্রা॒তর্-হ॑বামহে । শ্র॒দ্ধা-ম্ম॒দ্ধ্যন্দি॑নং॒ পরি॑ । শ্র॒দ্ধাগ্ম্ সূর্য॑স্য নি॒ম্রুচি॑ । শ্রদ্ধে॒ শ্রদ্ধা॑পযে॒ হমা᳚ ॥ 68 ॥
শ্র॒দ্ধা দে॒বান-ধি॑বস্তে । শ্র॒দ্ধা বিশ্ব॑ মি॒দ-ঞ্জগ॑ত্ । শ্র॒দ্ধা-ঙ্কাম॑স্য মা॒তর᳚ম্ । হ॒বিষা॑ বর্ধযামসি ॥ 69অ ॥
1.31 ব্রহ্ম সূক্তং
(তৈ. ব্রা. 2.8.8.10-2.8.8.11)
ব্রহ্ম॑জজ্ঞা॒ন-ম্প্র॑থ॒ম-ম্পু॒রস্তা᳚ত্ । বিসী॑ম॒ত-স্সু॒রুচো॑ বে॒ন আ॑বঃ ।
স বু॒দ্ধ্নিযা॑ উপ॒মা অ॑স্য বি॒ষ্ঠাঃ । স॒তশ্চ॒ যোনি॒-মস॑তশ্চ॒ বিবঃ॑ ॥ পি॒তা-বি॒রাজা॑ মৃষ॒ভো-র॑যী॒ণাম্ । অ॒ন্তরি॑ক্ষং-বিঁ॒শ্বরূ॑প॒ আবি॑বেশ ॥ 69ব্ ॥
তম॒র্কৈর॒ভ্য॑র্চ্চন্তি ব॒থ্সম্ । ব্রহ্ম॒ সন্ত॒-ম্ব্রহ্ম॑ণা ব॒র্ধয॑ন্তঃ ॥ ব্রহ্ম॑ দে॒বান॑জনযত্ । ব্রহ্ম॒ বিশ্ব॑মি॒দ-ঞ্জগ॑ত্ ॥
ব্রহ্ম॑ণঃ, ক্ষ॒ত্র-ন্নির্মি॑তম্ । ব্রহ্ম॑ ব্রাহ্ম॒ণ আ॒ত্মনা᳚ ॥ অ॒ন্তর॑স্মি-ন্নি॒মে লো॒কাঃ । অ॒ন্ত র্বিশ্ব॑মি॒দ-ঞ্জগ॑ত্ । ব্রহ্মৈ॒ব ভূ॒তানা॒-ঞ্জ্যেষ্ঠ᳚ম্ । তেন॒ কো॑-ঽর্হতি॒ স্পর্ধি॑তুম্ ॥ 70 ॥
ব্রহ্মং॑ দে॒বা-স্ত্রয॑স্ত্রিগ্ম্শত্ । ব্রহ্ম॑-ন্নিন্দ্র প্রজাপ॒তী । ব্রহ্ম॑নঃঅ॒ বিশ্বা॑ ভূ॒তানি॑ । না॒বী বা॒ন্ত-স্স॒মাহি॑তা ॥ চত॑স্র॒ আশাঃ॒ প্রচ॑রন্ত্ব॒-গ্নযঃ॑ । ই॒মন্নো॑ য॒জ্ঞন্ন॑যতু প্রজা॒নন্ন্ ।
ঘৃ॒ত-ম্পিন্ব॑ন্ন॒ জরগ্ম্॑ সু॒বীর᳚ম্ । ব্রহ্ম॑ স॒মি-দ্ভ॑ব॒ত্যাহু॑তীনাম্ ॥ 71 ॥
1.32 গো সূক্তং
(তৈ. ব্রা. 2.8.8.11)
আগাবো॑ অগ্মন্নু॒ত ভ॒দ্র-ম॑ক্রন্ন্ । সীদ॑ন্তু গো॒ষ্ঠে-র॒ণয॑ন্ত্ব॒স্মে ॥ প্র॒জাব॑তীঃ পুরু॒ রূপা॑ ই॒হ স্যুঃ । ইন্দ্রা॑য পূ॒র্বী রু॒ষসো॒ দুহা॑নাঃ । ইন্দ্রো॒ যজ্ব॑নে পৃণ॒তে চ॑ শিক্ষতি । উপেদ্দ॑দাতি॒ ন স্ব-ম্মু॑ষাযতি । ভূযো॑ ভূযো র॒যিমিদ॑স্য ব॒র্ধযন্ন্॑ । অভি॑ন্নে খি॒ল্লে নিদ॑ধাতি দেব॒যুম্ ।
ন তা ন॑শন্তি॒ ন তা অর্বা᳚ ॥ 72 ॥
ন তা ন॑শন্তি॒ নদ॑ভাতি॒ তস্ক॑রঃ । নৈনা॑ অমি॒ত্রো ব্যথি॒রা দ॑ধর্ষতি ।
দে॒বাগ্শ্চ॒ যাভি॒-র্যজ॑তে॒ দদা॑তি চ । জ্যোগিত্তাভি॑ স্সচতে॒ গোপ॑তি স্স॒হ ॥ 72অ ॥
ন তা অর্বা॑ রে॒ণু ক॑কাটো অশ্নুতে । ন সগ্গ্॑ স্কৃত॒ত্র-মুপ॑যন্তি॒ তা অ॒ভি ।
উ॒রু॒গা॒যম॑ভয॒-ন্তস্য॒ তা অনু॑ । গাবো॒ মর্ত্য॑স্য॒ বিচ॑রন্তি॒ যজ্ব॑নঃ ॥ 72ব্ ॥
(তৈ. ব্রা. 2.8.8.12)
গাবো॒ ভগো॒ গাব॒ ইন্দ্রো॑ মে অচ্ছাত্ । গাব॒ স্সোম॑স্য প্রথ॒মস্য॑ ভ॒ক্ষঃ ।
ই॒মা যা গাব॒-স্সজ॑নাস॒ ইন্দ্রঃ॑ । ই॒চ্ছামী-দ্ধৃ॒দা মন॑সা-চি॒দিন্দ্র᳚ম্ ।
যূ॒য-ঙ্গা॑বো মেদযথা কৃ॒শঞ্চি॑ত্ । অ॒শ্লী॒ল-ঞ্চি॑-ত্কৃণুথা সু॒প্রতী॑কম্ ॥ 73 ॥
ভ॒দ্র-ঙ্গৃ॒হ-ঙ্কৃ॑ণুথ ভদ্র বাচঃ । বৃ॒হদ্বো॒ বয॑ উচ্যতে স॒ভাসু॑ । প্র॒জাব॑তী স্সূ॒যব॑সগ্ম্-রি॒শন্তীঃ᳚ । শু॒দ্ধা অ॒প স্সু॑প্রপা॒ণে পিব॑ন্তীঃ ।
মাব॑ স্তে॒ন ঈ॑শত॒ মাঘশগ্ম্॑সঃ । পরি॑বো হে॒তী রু॒দ্রস্য॑ বৃঞ্জ্যাত্ । উপে॒দ-মু॑প॒-পর্চ॑নম্ । আ॒সু গোষূপ॑ পৃচ্যতাম্ । উপ॑র্ষ॒ভস্য॒ রেত॑সি । উপে᳚ন্দ্র॒ তব॑ বী॒র্যে᳚ ॥ 74 (24) ॥
1.33 সূর্যা চন্দ্রমসা সূক্তং
(তৈ. ব্রা. 2.8.9.1)
তা সূ᳚র্যা চন্দ্র॒মসা॑ বিশ্ব॒-ভৃত্ত॑মা ম॒হত্ । তেজো॒ বসু॑মদ্রাজতো দি॒বি । সামা᳚ত্মানা চরত স্সাম-চা॒রিণা᳚ । যযো᳚র্ব্র॒ত-ন্নম॒মে জাতু॑ দে॒বযোঃ᳚ । উ॒ভাবন্তৌ॒ পরি॑যাত॒ অর্ম্যা᳚ । দি॒বো ন র॒শ্মীগ্ স্ত॑নু॒তো-ব্য॑র্ণ॒বে । উ॒ভা ভু॑ব॒ন্তী ভুব॑না ক॒বিক্র॑তূ । সূর্যা॒ ন চ॒ন্দ্রা চ॑রতো হ॒তাম॑তী । পতী᳚দ্যু॒ম-দ্বি॑শ্ব॒-বিদা॑ উ॒ভা দি॒বঃ । সূর্যা॑ উ॒ভা চ॒ন্দ্রম॑সা বিচক্ষ॒ণা ॥ 75 ॥
বি॒শ্ববা॑রা বরিবো॒ ভা বরে᳚ণ্যা । তা নো॑-ঽবত-ম্মতি॒মন্তা॒ মহি॑ব্রতা । বি॒শ্ব॒বপ॑রী প্র॒তর॑ণা তর॒ন্তা । সু॒ব॒র্বিদা॑ দৃ॒শযে॒ ভূরি॑ রশ্মী । সূর্যা॒ হি চ॒ন্দ্রা বসু॑ত্বে॒ষ-দ॑র্শতা । ম॒ন॒স্বিনো॒ ঽভানু॑চর॒তোনু॒-সন্দিব᳚ম্ । অ॒স্য শ্রবো॑ ন॒দ্য॑ স্স॒প্ত বি॑ভ্রতি । দ্যাবা॒ ক্ষামা॑ পৃথি॒বী দ॑র্শ॒তং-বঁপুঃ॑ । অ॒স্মে সূ᳚র্যা চন্দ্র॒মসা॑-ঽভি॒চক্ষে᳚ । শ্র॒দ্ধেক-মি॑ন্দ্র চরতো বিচর্তু॒রম্ ॥ 76 ॥
পূ॒র্বা॒প॒র-ঞ্চ॑রতো মা॒য যৈ॒তৌ । শিশূ॒ ক্রীড॑ন্তৌ॒ পরি॑যাতো অধ্ব॒রম্ । বিশ্বা᳚ন্য॒ন্যো ভুব॑না ঽভি॒চষ্টে᳚ । ঋ॒তূন॒ন্যো বি॒দধ॑জ্জাযতে॒ পুনঃ॑ । হির॑ণ্যবর্ণা॒-শ্শুচ॑যঃ পাব॒কা যাসা॒গ্ম্॒ রাজা᳚ । যাসাং᳚ দে॒বা শ্শি॒বেন॑ মা॒ চক্ষু॑ষা পশ্যত । আপো॑ ভ॒দ্রা আদিত্প॑শ্যামি ॥ 77 ॥
হির॑ণ্যবর্ণা॒-শ্শুচ॑যঃ পাব॒কা যাসু॑ জা॒তঃ ক॒শ্যপো॒ যাস্বিন্দ্রঃ॑ । অ॒গ্নিং-যাঁ গর্ভং॑ দধি॒রে বিরূ॑পা॒স্তা ন॒ আপ॒শ্শগ্গ্ স্যো॒না ভ॑বন্তু ॥
যাসা॒গ্ম্॒ রাজা॒ বরু॑ণো॒ যাতি॒ মধ্যে॑ সত্যানৃ॒তে অ॑ব॒পশ্যং॒ জনা॑নাম্ ।
ম॒ধু॒শ্চুত॒-শ্শুচ॑যো॒ যাঃ পা॑ব॒কাস্তা ন॒ আপ॒শ্শগ্গ্ স্যো॒না ভ॑বন্তু ॥ 77অ ॥
যাসাং᳚ দে॒বা দি॒বি কৃ॒ণ্বন্তি॑ ভ॒ক্ষয্যা অ॒ন্তরি॑ক্ষে বহু॒ধা ভব॑ন্তি ।
যাঃ পৃ॑থি॒বী-ম্পয॑সো॒ন্দন্তি॑ শু॒ক্রাস্তা ন॒ আপ॒শ্শগ্গ্ স্যো॒না ভ॑বন্তু ॥
শি॒বেন॑ মা॒ চক্ষু॑ষা পশ্যতাপ শ্শি॒বযা॑ ত॒নুবোপ॑ স্পৃশত॒ ত্বচ॑-ম্মে ।
সর্বাগ্ম্॑ অ॒গ্নীগ্ম্ র॑ফ্সু॒ষদো॑ হুবে বো॒ মযি॒ বর্চো॒ বল॒মোজো॒ নিধ॑ত্ত ॥ 77ব্ ॥
আপো॑ ভ॒দ্রা ঘৃ॒তমিদাপ॑ আসুর॒গ্নী-ষোমৌ॑ বিভ্র॒ত্যাপ॒ ইত্তাঃ । তী॒ব্রো রসো॑ মধু॒পৃচা॑-মরঙ্গ॒ম আ মা᳚ প্রা॒ণেন॑ স॒হ বর্চ॑সা গন্ন্ ।
আদিত্প॑শ্যা ম্যু॒তবা॑ শৃণো॒ম্যামা॒ ঘোষো॑ গচ্ছতি॒ বান্ন॑ আসাম্ । মন্যে॑ ভেজা॒নো অ॒মৃত॑স্য॒ তর্হি॒ হির॑ণ্যবর্ণা॒ অতৃ॑পং-যঁ॒দা বঃ॑ ॥ 77চ্ ॥
1.34 নাসদাসীয সূক্তং
(তৈ. ব্রা. 2.8.9.3-2.8.9.7)
নাস॑দাসী॒ন্নো সদা॑সীত্ত॒দানী᳚ম্ । নাসী॒দ্রজো॒ নো ব্যো॑মা-প॒রোযত্ । কিমা ব॑রীবঃ॒ কুহ॒কস্য॒ শর্মন্ন্॑ । অভংঃ॒ কিমা॑সী॒-দ্গহ॑ন-ঙ্গভী॒রম্ ॥ 78 ॥
ন মৃ॒ত্যু-র॒মৃত॒-ন্তর্হি॒ ন । রাত্রি॑যা॒ অহ্ন॑ আসী-ত্প্রকে॒তঃ । আনী॑দ বা॒তগ্গ্ স্ব॒ধযা॒ তদেক᳚ম্ । তস্মা᳚দ্ধা॒ন্য-ন্ন প॒রঃ কিঞ্চ॒নাস॑ ।
তম॑ আসী॒-ত্তম॑সা গূ॒ঢমগ্রে᳚ প্রকে॒তম্ । স॒লি॒লগ্ম্ সর্ব॑ মা ই॒দম্ । তু॒চ্ছে না॒ভ্বপি॑হিতং॒ ঁযদাসী᳚ত্ । তম॑স॒স্ তন্ম॑হি॒না জা॑য॒তৈক᳚ম্ ।
কাম॒স্তদগ্রে॒ সম॑বর্ত॒তাধি॑ । মন॑সো॒ রেতঃ॑ প্রথ॒মং-যঁদাসী᳚ত্ ॥ 79 ॥
স॒ তো বন্ধু॒মস॑তি॒ নির॑বিন্দন্ন্ । হৃ॒দি-প্র॒তীষ্যা॑ ক॒বযো॑ মনী॒ষা ।
তি॒র॒শ্চীনো॒ বিত॑তো র॒শ্মি-রে॑ষাম্ । অ॒ধস্বি॑দা॒সী(3) দু॒পরি॑স্বিদাসী(3)ত্ ।
রে॒তো॒ধা আ॑স-ন্মহি॒মান॑ আসন্ন্ । স্ব॒ধা অ॒বস্তা॒-ত্প্রয॑তিঃ প॒রস্তা᳚ত্ ।
কো অ॒দ্ধা বে॑দ॒ক ই॒হ প্রবো॑চত্ । কুত॒ আজা॑তা॒ কুত॑ ই॒যং-বিঁসৃ॑ষ্টিঃ ।
অ॒র্বাগ্ দে॒বা অ॒স্য বি॒সর্জ॑নায । অথা॒ কো বে॑দ॒ যত॑ আ ব॒ভূব॑ ॥ 80 ॥
ই॒যং-বিঁসৃ॑ষ্টি॒-র্যত॑ আব॒ভূব॑ । যদি॑ বা দ॒ধে যদি॑ বা॒ ন ।
যো অ॒স্যাদ্ধ্য॑ক্ষঃ পর॒মে ব্যো॑মন্ন্ । সো অ॒ঙ্গবে॑দ॒ যদি॑ বা॒ ন বেদ॑ ।
কিগ্গ্স্বি॒দ্বনং॒ ক উ॒স বৃ॒ক্ষ আ॑সীত্ । যতো॒ দ্যাবা॑পৃথি॒বী নি॑ষ্টত॒ক্ষুঃ ।
মনী॑ষিণো॒ মন॑সা পৃ॒চ্ছতেদু॒তত্ । যদ॒দ্ধ্যতি॑ষ্ঠ॒-দ্ভুব॑নানি ধা॒রযন্ন্॑ । ব্রহ্ম॒বনং॒ ব্রহ্ম॒ স বৃ॒ক্ষ আ॑সীত্ । যতো॒ দ্যাবা॑পৃথি॒বী নি॑ষ্টত॒ক্ষুঃ ॥ মনী॑ষিণো॒ মন॑সা॒ বিব্র॑বীমি বঃ । ব্রহ্মা॒দ্ধ্যতি॑ষ্ঠ॒-দ্ভুব॑নানি ধা॒রযন্ন্॑ ॥ 81 ॥
1.35 ভাগ্য সূক্তং
(তৈ. ব্রা. 2.8.9.7-2.8.9.9)
প্রা॒তর॒গ্নি-ম্প্রা॒তরিন্দ্রগ্ম্॑ হবামহে । প্রা॒ত-র্মি॒ত্রা বরু॑ণা প্রা॒তর॒শ্বিনা᳚ ।
প্রা॒ত-র্ভগং॑ পূ॒ষণং॒ ব্রহ্ম॑ণ॒স্পতি᳚ম্ । প্রা॒তস্সোম॑ মু॒ত রু॒দ্রগ্ম্ হু॑বেম ॥ প্র॒ত॒র্জিতং॒ ভগ॑মু॒গ্রগ্ম্ হু॑বেম । ব॒য-ম্পু॒ত্রমদি॑তে॒র্যো বি॑ধ॒র্তা । আ॒ধ্রশ্চি॒দ্য-ম্মন্য॑মান-স্তু॒রশ্চি॑ত্ । রাজা॑ চি॒দ্য-ম্ভগং॑ ভ॒ক্ষীত্যাহ॑ ॥ 82 ॥
ভগ॒প্রণে॑ত॒-র্ভগ॒সত্য॑রাধঃ । ভগে॒মা-ন্ধিয॒মুদ॑ব॒ দদ॑ন্নঃ । ভগ॒প্রণো॑ জনয॒ গোভি॒রশ্বৈঃ᳚ । ভগ॒ প্রনৃভি॑-র্নৃ॒বন্ত॑স্স্যাম ॥ উ॒তেদানীং॒ ভগ॑বন্তস্স্যাম । উ॒ত প্রপি॒ত্ব উ॒ত মদ্ধ্যে॒ অহ্না᳚ম্ । উ॒তোদি॑তা মঘব॒ন্-থ্সূর্য॑স্য । ব॒য-ন্দে॒বানাগ্ম্॑ সুম॒তৌ স্যা॑ম ॥ ভগ॑ এ॒ব ভগ॑বাগ্ম্ অস্তু দেবাঃ । তেন॑ ব॒য-ম্ভগ॑বন্ত স্স্যাম ॥ 83 ॥
তন্ত্বা॑ ভগ॒ সর্ব॒ ইজ্জো॑হবীমি । সনো॑ ভগ পুর এ॒তা ভ॑বে॒হ ॥ সম॑ধ্ব॒রা-যো॒ষসো॑-ঽনমন্ত । দ॒ধি॒ক্রাবে॑ব॒ শুচ॑যে প॒দায॑ । অ॒র্বা॒চী॒নং-বঁ॑সু॒বিদং॒ ভগ॑ন্নঃ । রথ॑মি॒বাশ্বা॑ বা॒জিন॒ আব॑হন্তু ॥ অশ্বা॑বতী॒-র্গোম॑তী-র্ন উ॒ষাসঃ॑ । বী॒রব॑তী॒-স্সদ॑মুচ্ছন্তু ভ॒দ্রাঃ । ঘৃ॒ত-ন্দুহা॑না বি॒শ্বতঃ॒ প্রপী॑নাঃ । যূ॒য-ম্পা॑ত স্ব॒স্তিভি॒-স্সদা॑নঃ ॥ 84 (25) ॥
1.36 নক্ষত্র সূক্তং
(তৈ. ব্রা. 3.1.1.1-3.1.3.3)
1ংঅক্ষত্রং - কৃত্তিকা দেবতা - অগ্নিঃ
অ॒গ্নির্নঃ॑ পাতু॒ কৃত্তি॑কাঃ । নক্ষ॑ত্র-ন্দে॒বমি॑ন্দ্রি॒যম্ । ই॒দমা॑সাংবিঁচক্ষ॒ণম্ । হ॒বিরা॒সন্ জু॑হোতন । যস্য॒ ভান্তি॑ র॒শ্মযো॒ যস্য॑ কে॒তবঃ॑ । যস্যে॒মা বিশ্বা॒ ভুব॑নানি॒ সর্বা᳚ । স কৃত্তি॑কা ভির॒ভি-সং॒বঁসা॑নঃ । অ॒গ্নির্নো॑ দে॒বস্সু॑বি॒তে দ॑ধাতু ॥ 1 ॥
2. নক্ষত্রং - রোহিণী দেবতা - প্রজাপতিঃ
প্র॒জাপ॑তে রোহি॒ণী বে॑তু॒ পত্নী᳚ । বি॒শ্বরূ॑পা বৃহ॒তী চি॒ত্রভা॑নুঃ ॥ 85 ॥
সা নো॑ য॒জ্ঞস্য॑ সুবি॒তে দ॑ধাতু । যথা॒ জীবে॑ম শ॒রদ॒স্সবী॑রাঃ । রো॒হি॒ণী দে॒ব্যুদ॑গা-ত্পু॒রস্তা᳚ত্ । বিশ্বা॑ রূ॒পাণি॑ প্রতি॒মোদ॑মানা । প্র॒জাপ॑তিগ্ম্ হ॒বিষা॑ ব॒র্ধয॑ন্তী । প্রি॒যা দে॒বানা॒-মুপ॑যাতু য॒জ্ঞম্ ॥ 2 ॥
3ংঅক্ষত্রং - মৃগশীর্ষঃ দেবতা - সোমঃ
সোমো॒ রাজা॑ মৃগশী॒র॒.ষেণ॒ আগন্ন্॑ । শি॒ব-ন্নক্ষ॑ত্র-ম্প্রি॒যম॑স্য॒ ধাম॑ । আ॒প্যায॑মানো বহু॒ধা জনে॑ষু । রেতঃ॑ প্র॒জাং-যঁজ॑মানে দধাতু ॥ 86 ॥
যত্তে॒ নক্ষ॑ত্র-ম্মৃগশী॒র্॒ষমস্তি॑ । প্রি॒যগ্ম্ রা॑জ-ন্প্রি॒যত॑ম-ম্প্রি॒যাণা᳚ম্ । তস্মৈ॑ তে সোম হ॒বিষা॑ বিধেম । শন্ন॑ এধি দ্বি॒পদে॒ শঞ্চতু॑ষ্পদে ॥ 3 ॥
4. নক্ষত্রং - আর্দ্রা দেবতা - রুদ্রঃ
আ॒র্দ্রযা॑ রু॒দ্রঃ প্রথ॑মা ন এতি । শ্রেষ্ঠো॑ দে॒বানাং॒ পতি॑রঘ্নি॒যানা᳚ম্ । নক্ষ॑ত্রমস্য হ॒বিষা॑ বিধেম । মা নঃ॑ প্র॒জাগ্ম্ রী॑রিষ॒-ন্মোত বী॒রান্ । হে॒তী রু॒দ্রস্য॒ পরি॑ণো বৃণক্তু । আ॒র্দ্রা নক্ষ॑ত্র-ঞ্জুষতাগ্ম্ হ॒বির্নঃ॑ ॥ 87 ॥
প্র॒মু॒ঞ্চমা॑নৌ দুরি॒তানি॒ বিশ্বা᳚ । অপা॒ঘশগ্ম্॑ সন্নু-দতা॒মরা॑তিম্ ॥ 4 ॥
5ংঅক্ষত্রং - পুনর্বসু দেবতা - অদিতিঃ
পুন॑র্নো দে॒ব্যদি॑তি-স্স্পৃণোতু । পুন॑র্বসূ নঃ॒ পুন॒রেতাং᳚-যঁ॒জ্ঞম্ । পুন॑র্নো দে॒বা অ॒ভিয॑ন্তু॒ সর্বে᳚ । পুনঃ॑ পুনর্বো হ॒বিষা॑ যজামঃ । এ॒বা ন দে॒ব্যদি॑তিরন॒র্বা । বিশ্ব॑স্য ভ॒র্ত্রী জগ॑তঃ প্রতি॒ষ্ঠা । পুন॑র্বসূ হ॒বিষা॑ ব॒র্ধয॑ন্তী । প্রি॒য-ন্দে॒বানা॒-মপ্যে॑তু॒ পাথঃ॑ ॥ 5 (88) ॥
6ংঅক্ষত্রং - পুষ্যঃ দেবতা - বৃহস্পতিঃ
বৃহ॒স্পতিঃ॑ প্রথ॒মঞ্জায॑মানঃ । তি॒ষ্য॑-ন্নক্ষ॑ত্রম॒ভি সম্ব॑ভূব । শ্রেষ্ঠো॑ দে॒বানাং॒ পৃত॑নাসু জি॒ষ্ণুঃ । দি॒শো নু॒ সর্বা॒ অভ॑যন্নো অস্তু । তি॒ষ্যঃ॑ পু॒রস্তা॑দু॒ত ম॑ধ্য॒তো নঃ॑ । বৃহ॒স্পতি॑-র্নঃ॒ পরি॑পাতু প॒শ্চাত্ । বাধে॑ তা॒-ন্দ্বেষো॒ অভ॑য-ঙ্কৃণুতাম্ । সু॒বীর্য॑স্য॒ পত॑যস্যাম ॥ 6 ॥
7. নক্ষত্রং -আশ্রেষং দেবতা - সর্পাঃ
ই॒দগ্ম্ স॒র্পেভ্যো॑ হ॒বির॑স্তু॒ জুষ্ট᳚ম্ । আ॒শ্রে॒ষা যেষা॑ মনু॒যন্তি॒ চেতঃ॑ ॥ 89 ॥
যে অ॒ন্তরি॑ক্ষ-ম্পৃথি॒বীং-ক্ষি॒যন্তি॑ । তেন॑ স্স॒র্পাসো॒ হব॒মাগ॑মিষ্ঠাঃ । যে রো॑চ॒নে সূর্য॒স্যাপি॑ স॒র্পাঃ । যে দিবং॑ দে॒বী-মনু॑স॒ঞ্চর॑ন্তি । যেষা॑মাশ্রে॒ষা অ॑নু॒যন্তি॒ কাম᳚ম্ । তেভ্য॑-স্স॒র্পেভ্যো॒ মধু॑-মজ্জুহোমি ॥ 7 ॥
8ংঅক্ষত্রং - মঘা দেবতা - পিতরঃ
উপ॑হূতাঃ পি॒তরো॒ যে ম॒ঘাসু॑ । মনো॑জবস-স্সু॒কৃত॑-স্সুকৃ॒ত্যাঃ । তে নো॒ নক্ষ॑ত্রে॒ হব॒মাগ॑মিষ্ঠাঃ । স্ব॒ধাভি॑-র্য॒জ্ঞ-ম্প্রয॑ত-ঞ্জুষন্তাম্ ॥ 90 ॥
যে অ॑গ্নিদ॒গ্ধা যে-ঽন॑গ্নি-দগ্ধাঃ । যে॑-ঽমুঁলো॒ক-ম্পি॒তরঃ॑ ক্ষি॒যন্তি॑ । যাগ্শ্চ॑ বি॒দ্মযাগ্ম্ উ॑ চ॒ ন প্র॑বি॒দ্ম । ম॒ঘাসু॑ য॒জ্ঞগ্ম্ সুকৃ॑ত-ঞ্জুষন্তাম্ ॥ 8 ॥
9ংঅক্ষত্রং - পূর্বফল্গু॑নী দেবতা - অর্যমা
গবাং॒ পতিঃ॒ ফল্গু॑নী-নামসি॒ ত্বম্ । তদ॑র্যমন্ বরুণ মিত্র॒ চারু॑ । তন্ত্বা॑ ব॒যগ্ম্ স॑নি॒তারগ্ম্॑ সনী॒নাম্ । জী॒বা জীব॑ন্ত॒মুপ॒ সংবিঁ॑শেম । যেনে॒মা বিশ্বা॒ ভুব॑নানি॒ সঞ্জি॑তা । যস্য॑ দে॒বা অ॑নুসং॒যঁন্তি॒ চেতঃ॑ ॥ 91 ॥
অ॒র্য॒মা রাজা॒-ঽজর॒স্তু বি॑ষ্মান্ । ফল্গু॑নীনা-মৃষ॒ভো রো॑রবীতি ॥ 9 ॥
10ংঅক্ষত্রং - উত্তর ফ॑ল্গুনী দেবতা - ভগঃ
শ্রেষ্ঠো॑ দে॒বানাং᳚ ভগবো ভগাসি । তত্ত্বা॑ বিদুঃ॒ ফল্গু॑নী॒-স্তস্য॑ বিত্তাত্ । অ॒স্মভ্যং॑-ক্ষ॒ত্রম॒জরগ্ম্॑ সু॒বীর্য᳚ম্ । গোম॒দশ্ব॑-ব॒দুপ॒সন্নু॑-দে॒হ । ভগো॑হ দা॒তা ভগ॒ ইত্প্র॑দা॒তা । ভগো॑ দে॒বীঃ ফল্গু॑নী॒-রাবি॑বেশ । ভগ॒স্যেত্ত-ম্প্র॑স॒ব-ঙ্গ॑মেম । যত্র॑ দে॒বৈ-স্স॑ধ॒মাদং॑ মদেম । ॥ 10/ 92 ॥
11ংঅক্ষত্রং - হস্তঃ দেবতা - সবিত
আযা॑তু দে॒ব-স্স॑বি॒তো প॑যাতু । হি॒র॒ণ্যযে॑ন সু॒বৃতা॒ রথে॑ন । বহ॒ন্॒. হস্তগ্ম্॑ সু॒ভগং॑ ঁবিদ্ম॒নাপ॑সম্ । প্র॒যচ্ছ॑ন্তং॒ পপু॑রিং॒ পুণ্য॒মচ্ছ॑ । হস্তঃ॒ প্রয॑চ্ছ ত্ব॒মৃতং॒ ঁবসী॑যঃ । দক্ষি॑ণেন॒ প্রতি॑গৃভ্ণীম এনত্ ।
দা॒তার॑-ম॒দ্য স॑বি॒তা বি॑দেয । যো নো॒ হস্তা॑য প্রসু॒বাতি॑ য॒জ্ঞম্ ॥ 11 ॥
12. নক্ষত্রং - চিত্রা দেবতা - ত্বষ্টা
ত্বষ্টা॒ নক্ষ॑ত্র-ম॒ভ্যে॑তি চি॒ত্রাম্ । সু॒ভগ্ম্ স॑সংযুঁব॒তিগ্ম্ রোচ॑মানাম্ ॥ 93 ॥
নি॒বে॒শয॑ন্ন॒-মৃতা॒-ন্মর্ত্যাগ্॑শ্চ । রূ॒পাণি॑ পি॒গ্ম্॒শ-ন্ভুব॑নানি॒ বিশ্বা᳚ । তন্ন॒স্ত্বষ্টা॒ তদু॑ চি॒ত্রা বিচ॑ষ্টাম্ । তন্নক্ষ॑ত্র-ম্ভূরি॒দা অ॑স্তু॒ মহ্য᳚ম্ । তন্নঃ॑ প্র॒জাং-বীঁ॒রব॑তীগ্ম্ সনোতু । গোভি॑র্নো॒ অশ্বৈ॒-স্সম॑নক্তু য॒জ্ঞম্ ॥ 12 ॥
13ংঅক্ষত্রং - স্বাতী দেবতা - বাযুঃ
বা॒যু-র্নক্ষ॑ত্র-ম॒ভ্যে॑তি॒ নিষ্ট্যা᳚ম্ । তি॒গ্মশৃং॑গো বৃষ॒ভো রোরু॑বাণঃ । স॒মী॒রয॒-ন্ভুব॑না মাত॒রিশ্বা᳚ । অপ॒ দ্বেষাগ্ম্॑সি নুদতা॒মরা॑তীঃ ॥ 94 ॥
তন্নো॑ বা॒যস্তদু॒ নিষ্ট্যা॑ শৃণোতু । তন্নক্ষ॑ত্র-ম্ভূরি॒দা অ॑স্তু॒ মহ্য᳚ম্ । তন্নো॑ দে॒বাসো॒ অনু॑ জানন্তু॒ কাম᳚ম্ । যথা॒ তরে॑ম দুরি॒তানি॒ বিশ্বা᳚ ॥ 13 ॥
14ংঅক্ষত্রং - বিশাখা দেবতা - ইন্দ্রাগ্নীঃ
দূ॒র-ম॒স্মচ্ছত্র॑বো যন্তু ভী॒তাঃ । তদি॑ন্দ্রা॒গ্নী কৃ॑ণুতাং॒ ত-দ্বিশা॑খে । তন্নো॑ দে॒বা অনু॑মদন্তু য॒জ্ঞম্ । প॒শ্চা-ত্পু॒রস্তা॒-দভ॑যন্নো অস্তু । নক্ষ॑ত্রাণা॒-মধি॑পত্নী॒ বিশা॑খে । শ্রেষ্ঠা॑-বিন্দ্রা॒গ্নী ভুব॑নস্য গো॒পৌ ॥ 95 ॥
বিষূ॑চ॒-শ্শত্রূ॑নপ॒বাধ॑মানৌ । অপ॒ক্ষুধ॑-ন্নুদতা॒মরা॑তিম্ । ॥ 14 ॥
15. পৌর্ণমাসি
পূ॒র্ণা প॒শ্চাদু॒ত পূ॒র্ণা পু॒রস্তা᳚ত্ । উন্ম॑ধ্য॒তঃ পৌ᳚র্ণমা॒সী জি॑গায । তস্যাং᳚ দে॒বা অধি॑ সং॒বঁস॑ন্তঃ । উ॒ত্ত॒মে নাক॑ ই॒হ মা॑দযন্তাম্ । পৃ॒থ্বী সু॒বর্চা॑ যুব॒তি-স্স॒জোষাঃ᳚ । পৌ॒র্ণ॒মা॒স্যুদ॑গা॒-চ্ছোভ॑মানা । আ॒প্যা॒য-য॑ন্তী দুরি॒তানি॒ বিশ্বা᳚ । উ॒রু-ন্দুহাং॒ যঁজ॑মানায য॒জ্ঞম্ ॥ 15/96 (26) ॥
16ংঅক্ষত্রং - অনূরাধা দেবতা - মিত্রঃ
ঋ॒দ্ধ্যাস্ম॑ হ॒ব্যৈ-র্নম॑সোপ॒সদ্য॑ । মি॒ত্র-ন্দে॒ব-ম্মি॑ত্র॒ধেয॑ন্নো অস্তু । অ॒নূ॒রা॒ধান্. হ॒বিষা॑ ব॒র্ধয॑ন্তঃ । শ॒ত-ঞ্জী॑বেম শ॒রদ॒স্সবী॑রাঃ । চি॒ত্রং-নক্ষ॑ত্র॒-মুদ॑গা-ত্পু॒রস্তা᳚ত্ । অ॒নূ॒রা॒ধাস॒ ইতি॒ য-দ্বদ॑ন্তি । তন্মি॒ত্র এ॑তি প॒থিভি॑-র্দেব॒যানৈঃ᳚ । হি॒র॒ণ্যযৈ॒-র্বিত॑তৈ-র॒ন্তরি॑ক্ষে ॥ 16 ॥
17ংঅক্ষত্রং - জ্যেষ্ঠা দেবতা - ইন্দ্রঃ
ইন্দ্রো᳚ জ্যে॒ষ্ঠা মনু॒ নক্ষ॑ত্রমেতি । যস্মি॑ন্ বৃ॒ত্রং-বৃঁ॑ত্র॒ তূর্যে॑ ত॒তার॑ ॥ 97 ॥
তস্মি॑ন্ ব॒য-ম॒মৃতং॒ দুহা॑নাঃ । ক্ষুধ॑ন্তরেম॒ দুরি॑তিং॒ দুরি॑ষ্টিম্ । পু॒র॒ন্দ॒রায॑ বৃষ॒ভায॑ ধৃ॒ষ্ণবে᳚ । অষা॑ঢায॒ সহ॑মানায মী॒ঢুষে᳚ । ইন্দ্রা॑য জ্যে॒ষ্ঠা মধু॑ম॒দ্দুহা॑না । উ॒রু-ঙ্কৃ॑ণোতু॒ যজ॑মানায লো॒কম্ ॥ 17 ॥
18ংঅক্ষত্রং - মূলং দেবতা - প্রজাপতিঃ
মূলং॑ প্র॒জাং-বীঁ॒রব॑তীং-বিঁদেয । পরা᳚চ্যেতু॒ নির্-ঋ॑তিঃ পরা॒চা । গোভি॒-র্নক্ষ॑ত্র-ম্প॒শুভি॒-স্সম॑ক্তম্ । অহ॑-র্ভূযা॒-দ্যজ॑মানায॒ মহ্য᳚ম্ ॥ 98 ॥
অহ॑র্নো অ॒দ্য সু॑বি॒তে দ॑ধাতু । মূলং॒ নক্ষ॑ত্র॒মিতি॒ য-দ্বদ॑ন্তি । পরা॑চীং-বাঁ॒চা নির্-ঋ॑তি-ন্নুদামি । শি॒ব-ম্প্র॒জাযৈ॑ শি॒বম॑স্তু॒ মহ্য᳚ম্ ॥ 18 ॥
19ংঅক্ষত্রং - পূর্বাষাঢা দেবতা - আপঃ
যা দি॒ব্যা আপঃ॒ পয॑সা সম্বভূ॒বুঃ । যা অ॒ন্তরি॑ক্ষ উ॒ত পার্থি॑বী॒র্যাঃ ।
যাসা॑মষা॒ঢা অ॑নু॒যন্তি॒ কাম᳚ম্ । তা ন॒ আপ॒-শ্শগ্গ্ স্যো॒না ভ॑বন্তু । যাশ্চ॒ কূপ্যা॒ যাশ্চ॑ না॒দ্যা᳚-স্সমু॒দ্রিযাঃ᳚ । যাশ্চ॑ বৈশ॒ন্তীরু॒ত প্রা॑স॒চীর্যাঃ ॥ 99 ॥
যাসা॑মষা॒ঢা মধু॑ ভ॒ক্ষয॑ন্তি । তা ন॒ আপ॒-শ্শগ্গ্ স্যো॒না ভ॑বন্তু ॥ 19 ॥
20ংঅক্ষত্রং - উত্তরাষাঢা দেবতা - বিশ্বেদেবঃ
তন্নো॒ বিশ্বে॒ উপ॑ শৃণ্বন্তু দে॒বাঃ । তদ॑ষা॒ঢা অ॒ভি সংযঁ॑ন্তু য॒জ্ঞম্ । তন্নক্ষ॑ত্র-ম্প্রথতা-ম্প॒শুভ্যঃ॑ । কৃ॒ষি-র্বৃ॒ষ্টি-র্যজ॑মানায কল্পতাম্ । শু॒ভ্রাঃ ক॒ন্যা॑ যুব॒তয॑-স্সু॒পেশ॑সঃ । ক॒র্ম॒কৃত॑-স্সু॒কৃতো॑ বী॒র্যা॑বতীঃ । বিশ্বা᳚-ন্দে॒বান্. হ॒বিষা॑ ব॒র্ধয॑ন্তীঃ । অ॒ষা॒ঢাঃ কাম॒ মুপ॑যান্তু য॒জ্ঞম্ ॥ 20/100 ॥
21ংঅক্ষত্রং - অভিজিদ দেবতা - ব্রহ্মা
যস্মি॒-ন্ব্রহ্মা॒-ঽভ্যজ॑য॒-থ্সর্ব॑মে॒তত্ । অ॒মুঞ্চ॑ লো॒ক মি॒দমূ॑চ॒ সর্বং᳚। তন্নো॒ নক্ষ॑ত্র-মভি॒জি-দ্বি॒জিত্য॑ । শ্রিয॑-ন্দধা॒ত্বহৃ॑ণীযমানম্ । উ॒ভৌ লো॒কৌ ব্রহ্ম॑ণা॒ সঞ্জি॑তে॒মৌ । তন্নো॒ নক্ষ॑ত্র-মভি॒জি-দ্
বিচ॑ষ্টাম্ । তস্মি॑ন্ ব॒য-ম্পৃত॑না॒ স্সঞ্জ॑যেম । তন্নো॑ দে॒বাসো॒ অনু॑জানন্তু॒ কাম᳚ম্ ॥ 21 ॥
22ংঅক্ষত্রং - শ্রবণং দেবতা - বিষ্ণুঃ
শৃ॒ণ্বন্তি॑ শ্রো॒ণা-ম॒মৃত॑স্য গো॒পাম্ । পুণ্যা॑মস্যা॒ উপ॑শৃণোমি॒ বাচ᳚ম্ ॥ 101 ॥
ম॒হী-ন্দে॒বীং-বিঁষ্ণু॑পত্নী মজূ॒র্যাম্ । প্র॒তীচী॑ মেনাগ্ম্ হ॒বিষা॑ যজামঃ । ত্রে॒ধা বিষ্ণু॑-রুরুগা॒যো বিচ॑ক্রমে । ম॒হী-ন্দিবং॑ পৃথি॒বী-ম॒ন্তরি॑ক্ষম্ ।
তচ্ছ্রো॒ণৈতি॒ শ্রব॑-ই॒চ্ছমা॑না । পুণ্য॒গ্গ্॒ শ্লোকং॒ ঁযজ॑মানায কৃণ্ব॒তী ॥ 22 ॥
23ংঅক্ষত্রং - শ্রবিষ্টা দেবতা - বসবঃ
অ॒ষ্টৌ দে॒বা বস॑বস্সো॒ম্যাসঃ॑ । চত॑স্রো দে॒বী র॒জরা॒-শ্শ্রবি॑ষ্ঠাঃ । তে য॒জ্ঞ-ম্পা᳚ন্তু॒ রজ॑সঃ প॒রস্তা᳚ত্ । সং॒বঁ॒থ্স॒রীণ॑-ম॒মৃতগ্গ্॑ স্ব॒স্তি ॥ 102 ॥
য॒জ্ঞ-ন্নঃ॑ পান্তু॒ বস॑বঃ পু॒রস্তা᳚ত্ । দ॒ক্ষি॒ণ॒তো॑-ঽভিয॑ন্তু॒ শ্রবি॑ষ্ঠাঃ । পুণ্য॒ন্নক্ষ॑ত্রম॒ভি সংবিঁ॑শাম । মা নো॒ অরা॑তি-র॒ঘশ॒গ্ম্॒ সাগন্ন্॑ ॥ 23 ॥
24ংঅক্ষত্রং - শতভিষক্ দেবতা - বরুণঃ
ক্ষ॒ত্রস্য॒ রাজা॒ বরু॑ণো-ঽধিরা॒জঃ । নক্ষ॑ত্রাণাগ্ম্ শ॒তভি॑ষ॒গ্ বসি॑ষ্ঠঃ । তৌ দে॒বেভ্যঃ॑ কৃণুতো দী॒র্ঘমাযুঃ॑ । শ॒তগ্ম্ স॒হস্রা॑ ভেষ॒জানি॑ ধত্তঃ । য॒জ্ঞন্নো॒ রাজা॒ বরু॑ণ॒ উপ॑যাতু । তন্নো॒ বিশ্বে॑ অ॒ভিসংযঁ॑ন্তু দে॒বাঃ ॥ 103 ॥
তন্নো॒ নক্ষ॑ত্রগ্ম্ শ॒তভি॑ষগ্ জুষা॒ণম্ । দী॒র্ঘমাযুঃ॒ প্রতি॑র-দ্ভেষ॒জানি॑ ॥ 24 ॥
25ংঅক্ষত্রং - পূর্বপ্রোষ্ঠপদা দেবতা - অজযেকপাদঃ
অ॒জ এক॑পা॒-দুদ॑গা-ত্পু॒রস্তা᳚ত্ । বিশ্বা॑ ভূ॒তানি॑ প্রতি॒ মোদ॑মানঃ । তস্য॑ দে॒বাঃ প্র॑স॒বং-যঁ॑ন্তি॒ সর্বে᳚ । প্রো॒ষ্ঠ॒প॒দাসো॑ অ॒মৃত॑স্য গো॒পাঃ । বি॒ভ্রাজ॑মান-স্সমিধা॒ন উ॒গ্রঃ । আ-ঽন্তরি॑ক্ষ-মরুহ॒দ-গ॒ন্দ্যাম্ । তগ্ম্ সূর্য॑-ন্দে॒ব-ম॒জমেক॑পাদম্ । প্রো॒ষ্ঠ॒প॒দাসো॒ অনু॑যন্তি॒ সর্বে᳚ ॥ 25 / 104 ॥
26ংঅক্ষত্রং - উত্তরপ্রোষ্ঠপদা দেবতা - অহির্বুদ্ধ্নিযঃ
অহি॑ র্বু॒দ্ধ্নিযঃ॒ প্রথ॑মান এতি । শ্রেষ্ঠো॑ দে॒বানা॑মু॒ত মানু॑ষাণাম্ । ত-ম্ব্রা᳚হ্ম॒ণা-স্সো॑ম॒পা-স্সো॒ম্যাসঃ॑ । প্রো॒ষ্ঠ॒প॒দাসো॑ অ॒ভির॑ক্ষন্তি॒ সর্বে᳚ । চ॒ত্বার॒ এক॑ম॒ভি কর্ম॑ দে॒বাঃ । প্রো॒ষ্ঠ॒প॒দাস॒ ইতি॒ যান্. বদ॑ন্তি । তে বু॒দ্ধনিযং॑ পরি॒ষদ্যগ্গ্॑ স্তু॒বন্তঃ॑ । অহিগ্ম্॑ রক্ষন্তি॒ নম॑সোপ॒সদ্য॑ ॥ 26 ॥
27ংঅক্ষত্রং - রেবতী দেবতা - পূষা
পূ॒ষা রে॒বত্যন্বে॑তি॒ পন্থা᳚ম্ । পু॒ষ্টি॒পতী॑ পশু॒পা বাজ॑বস্ত্যৌ ॥ 105 ॥
ই॒মানি॑ হ॒ব্যা প্রয॑তা জুষা॒ণা । সু॒গৈর্নো॒ যানৈ॒রুপ॑যাতাং-যঁ॒জ্ঞম্ । ক্ষু॒দ্রা-ন্প॒শূ-ন্র॑ক্ষতু রে॒বতী॑ নঃ । গাবো॑ নো॒ অশ্বা॒গ্ম্॒ অন্বে॑তু পূ॒ষা । অন্ন॒গ্ম্॒ রক্ষ॑ন্তৌ বহু॒ধা বিরূ॑পম্ । বাজগ্ম্॑ সনুতাং॒ ঁযজ॑মানায য॒জ্ঞম্ ॥ 27 ॥
28 নক্ষত্রং - অশ্বিনী দেবতা - অশ্বিনী দেব
তদ॒শ্বিনা॑-বশ্ব॒যুজোপ॑যাতাম্ । শুভ॒ঙ্গমি॑ষ্ঠৌ সু॒যমে॑ভি॒রশ্বৈঃ᳚ । স্বন্নক্ষ॑ত্রগ্ম্ হ॒বিষা॒ যজ॑ন্তৌ । মধ্বা॒ সম্পৃ॑ক্তৌ॒ যজু॑ষা॒ সম॑ক্তৌ ॥ 106 ॥
যৌ দে॒বানা᳚-ম্ভি॒ষজৌ॑ হব্যবা॒হৌ । বিশ্ব॑স্য দূ॒তা-ব॒মৃত॑স্য গো॒পৌ । তৌ নক্ষ॑ত্রং-জুজুষা॒ণো-প॑যাতাম্ । নমো॒-ঽশ্বিভ্যাং᳚ কৃণুমো-ঽশ্ব॒যুগ্ভ্যা᳚ম্ ॥ 28 ॥
29ংঅক্ষত্রং - অপভরণী দেবতা - যমঃ
অপ॑ পা॒প্মানং॒ ভর॑ণী-র্ভরন্তু । ত-দ্য॒মো রাজা॒ ভগ॑বা॒ন্॒. বিচ॑ষ্টাম্ । লো॒কস্য॒ রাজা॑ মহ॒তো ম॒হান্. হি । সু॒গন্নঃ॒ পন্থা॒মভ॑য-ঙ্কৃণোতু । যস্মি॒-ন্নক্ষ॑ত্রে য॒ম এতি॒ রাজা᳚ । যস্মি॑ন্নেন-ম॒ভ্যষিং॑চন্ত দে॒বাঃ । তদ॑স্য চি॒ত্রগ্ম্ হ॒বিষা॑ যজাম । অপ॑ পা॒প্মানং॒ ভর॑ণী-র্ভরন্তু ॥ 29 ॥
30-ঽমাবাসি
নি॒বেশ॑নী॒ যত্তে॑ দে॒বা অদ॑ধুঃ ।
নি॒বেশ॑নী স॒ঙ্গম॑নী॒ বসূ॑নাং॒ ঁবিশ্বা॑ রূ॒পাণি॒ বসূ᳚ন্যা-বে॒শয॑ন্তী । স॒হ॒স্র॒পো॒ষগ্ম্ সু॒ভগা॒ ররা॑ণা॒ সা ন॒ আগ॒ন্ বর্চ॑সা সংবিঁদা॒না ।
যত্তে॑ দে॒বা অদ॑ধু-র্ভাগ॒ধেয॒-মমা॑বাস্যে
সং॒বঁস॑ন্তো মহি॒ত্বা । সা নো॑ য॒জ্ঞ-ম্পি॑পৃহি বিশ্ববারে র॒যিন্নো॑ ধেহি সুভগে সু॒বীরং᳚ ॥ 30/107 (27) ॥
31.চন্দ্রমা
নবো॑ নবো ভবতি॒ জায॑মানো॒ যমা॑দি॒ত্যা অ॒গ্ম্॒শুমা᳚-প্যা॒যয॑ন্তি ।
নবো॑ নবো ভবতি॒ জায॑মা॒নো-ঽহ্না᳚-ঙ্কে॒তু-রু॒ষসা॑ মে॒ত্যগ্রে᳚ ।
ভা॒গ-ন্দে॒বেভ্যো॒ বিদ॑ধাত্যা॒য-ন্প্রচ॒ন্দ্রমা᳚স্তিরতি দী॒র্ঘমাযুঃ॑ ।
যমা॑দি॒ত্যা অ॒গ্ম্॒শুমা᳚প্যা॒যয॑ন্তি॒ যমক্ষি॑ত॒-মক্ষি॑তযঃ॒ পিব॑ন্তি ।
তেন॑ নো॒ রাজা॒ বরু॑ণো॒ বৃহ॒স্পতি॒ রাপ্যা॑যযন্তু॒ ভুব॑নস্য গো॒পাঃ ।
32. অহো রাত্রী
যে বিরূ॑পে॒ সম॑নসা সং॒ব্যঁয॑ন্তী । স॒মা॒ন-ন্তন্তুং॑ পরিতা-ত॒নাতে᳚ ।
বি॒ভূ প্র॒ভূ অ॑নু॒ভূ বি॒শ্বতো॑ হুবে । তে নো॒ নক্ষ॑ত্রে॒ হব॒মাগ॑মেতম্ ।
ব॒য-ন্দে॒বী ব্রহ্ম॑ণা সংবিঁদা॒নাঃ । সু॒রত্না॑সো দে॒ববী॑তিং॒ দধা॑নাঃ ॥ 108 ॥
অ॒হো॒রা॒ত্রে হ॒বিষা॑ ব॒র্ধয॑ন্তঃ । অতি॑ পা॒প্মান॒-মতি॑মুক্ত্যা গমেম ॥
33. উষা
প্রত্যু॑ব দৃশ্যায॒তী । ব্যু॒চ্ছন্তী॑ দুহি॒তা দি॒বঃ । অ॒পো ম॒হী বৃ॑ণুতে॒ চক্ষু॑ষা । তমো॒ জ্যোতি॑ষ্-কৃণোতি সূ॒নরী᳚ ।
উদু॒ স্ত্রিযা᳚স্সচতে॒ সূর্যঃ॑ । স চা॑ উ॒দ্যন্নক্ষ॑ত্র মর্চি॒মত্ ।
তবে দু॑ষো॒ ব্যুষি॒ সূর্য॑স্য চ । সম্ভ॒ক্তেন॑ গমেমহি ॥ 109 ॥
34. নক্ষত্রঃ
তন্নো॒ নক্ষ॑ত্র মর্চি॒মত্ । ভা॒নু॒মত্তেজ॑ উ॒চ্ছর॑ত্ । উপ॑ য॒জ্ঞমি॒হাগ॑মত্ । প্রনক্ষ॑ত্রায দে॒বায॑ । ইন্দ্রা॒যেন্দুগ্ম্॑ হবামহে । স ন॑ স্সবি॒তা সু॑ব-থ্স॒নিম্ । পু॒ষ্টি॒দাং-বীঁ॒রব॑ত্তমম্ ॥
35. সূর্যঃ
উদু॒ত্য-ঞ্চি॒ত্রম্ ॥
উদু॒ত্য-ঞ্জা॒তবে॑দস-ন্দে॒বং-বঁ॑হন্তি কে॒তবঃ॑ । দৃ॒শে বিশ্বা॑য॒ সূর্য᳚ম্ ।
চি॒ত্র-ন্দে॒বানা॒ মুদ॑গা॒দনী॑কং॒ চক্ষু॑-র্মি॒ত্রস্য॒ বরু॑ণস্যা॒গ্নেঃ ॥ 110 ॥
আ-ঽপ্রা॒ দ্যাবা॑পৃ॒থিবী অ॒ন্তরি॑ক্ষ॒ সূর্য॑ আ॒ত্মা জগ॑তস্ত॒স্থুষ॑শ্চ ॥
36. অদিতিঃ
অদি॑তির্ন উরুষ্যতু ম॒হীমূ॒ষু মা॒তর᳚ম্ ॥
অদি॑তির্ন উরুষ্য॒-ত্বদি॑তি॒-শ্শর্ম॑ যচ্ছতু । অদি॑তিঃ পা॒ত্বগ্ম্ হ॑সঃ ॥
ম॒হীমূ॒ষু মা॒তরগ্ম্॑ সুব্র॒তানা॑-মৃ॒তস্য॒ পত্নী॒ মব॑সে হুবেম ।
তু॒বি॒ক্ষ॒ত্রা-ম॒জর॑ন্তী মুরূ॒চীগ্ম্ সু॒শর্মা॑ণ॒-মদি॑তিগ্ম্ সু॒প্রণী॑তিম্ ।
37. বিষ্ণুঃ
ই॒দং-বিঁষ্ণু॒ প্রতদ্বিষ্ণুঃ॑ ॥
ই॒দং-বিঁষ্ণু॒-র্বিচ॑ক্রমে ত্রে॒ধা নিদ॑ধে প॒দম্ । সমূ॑ঢমস্য পাগ্ম্ সু॒রে ॥
প্রতদ্বিষ্ণু॑ স্তবতে বী॒র্যা॑য । মৃ॒গো ন ভী॒মঃ কু॑চ॒রো গি॑রি॒ষ্ঠাঃ । যস্যো॒রুষু॑ ত্রি॒ষু বি॒ক্রম॑ণেষু । অধি॑ক্ষি॒যন্তি॒ ভুব॑নানি॒ বিশ্বা᳚ ॥ 111 ॥
38. অগ্নিঃ
অ॒গ্নি-র্মূ॒র্ধা ভুবঃ॑ ॥
অ॒গ্নি-র্মূ॒র্ধা দি॒বঃ ক॒কুত্পতিঃ॑ পৃথি॒ব্যা অ॒যম্ । অ॒পাগ্ম্ রেতাগ্ম্॑সি জিন্বতি ॥ ভুবো॑ য॒জ্ঞস্য॒ রজ॑সশ্চ নে॒তা যত্রা॑ নি॒যুদ্ভি॒-স্সচ॑সে
শি॒বাভিঃ॑ । দি॒বি মূ॒র্ধানং॑ দধিষে সুব॒র্॒ষা-ঞ্জি॒হ্বাম॑গ্নে চকৃষে হব্য॒বাহ᳚ম্ ।
39. অনুমত
অনু॑নো॒-ঽদ্যানু॑মতি॒-রন্বিদ॑নুমতে॒ ত্বম্ ॥
অনু॑নো॒-ঽদ্যানু॑মতি র্য॒জ্ঞ-ন্দে॒বেষু॑ মন্যতাম্ । অ॒গ্নিশ্চ॑ হব্য॒বাহ॑নো॒ ভব॑তা-ন্দা॒শুষে॒ মযঃ॑ ।
অন্বিদ॑নুমতে॒ ত্ব-ম্মন্যা॑সৈ॒ শঞ্চ॑ নঃ কৃধি । ক্রত্বে॒ দক্ষা॑য নো হিনু॒ প্রণ॒ আযূগ্ম্॑ষি তারিষঃ ।
40. হব্যবাহঃ (অগ্নিঃ)
হ॒ব্য॒বাহ॒গ্গ্॒ স্বি॑ষ্টম্ ॥
হ॒ব্য॒বাহ॑মভি-মাতি॒ষাহ᳚ম্ । র॒ক্ষো॒হণং॒ পৃত॑নাসু জি॒ষ্ণুম্ ।
জ্যোতি॑ষ্মন্তং॒ দীদ্য॑তং॒ পুর॑ন্ধিম্ । অ॒গ্নিগ্গ্ স্বি॑ষ্ট॒ কৃত॒মা হু॑বেম ।
স্বি॑ষ্ট মগ্নে অ॒ভিত-ত্পৃ॑ণাহি । বিশ্বা॑ দেব॒ পৃত॑না অ॒ভিষ্য ।
উ॒রুন্নঃ॒ পন্থা᳚-ম্প্রদি॒শন্ বিভা॑হি । জ্যোতি॑ষ্মদ্ধেহ্য॒ জর॑ন্ন॒ আযুঃ॑ ॥ 112/28 ॥
1.37 নক্ষত্র উপহোম মন্ত্রাঃ
(তৈ. ব্রা. 3.1.4.1-3.1.5.15)
1. কৃত্তিকা
অ॒গ্নযে॒ স্বাহা॒ কৃত্তি॑কাভ্য॒ স্স্বাহা᳚ । অ॒বাংযৈঁ॒ স্বাহা॑ দু॒লাযৈ॒ স্বাহা᳚ । নি॒ত॒ত্ন্যৈ স্বাহা॒ ঽভ্রয॑ন্ত্যৈ॒ স্বাহা᳚ । মে॒ঘয॑ন্ত্যৈ॒ স্বাহা॑ ব॒র্॒ষয॑ন্ত্যৈ॒ স্বাহা᳚ । চু॒পু॒ণীকা॑যৈ॒ স্বাহা᳚ ॥
2. রোহিণী
প্র॒জাপ॑তযে॒ স্বাহা॑ রোহি॒ণ্যৈ স্বাহা᳚ । রোচ॑মানাযৈ॒ স্বাহা᳚ প্র॒জাভ্য॒ স্বাহা᳚ ॥ 3ংঋগশী.র্ষঃ ॥
সোমা॑য॒ স্বাহা॑ মৃগশী॒র্॒ষায॒ স্বাহা᳚ । ই॒ন্ব॒কাভ্য॒ স্স্বাহৌষ॑ধীভ্য॒ স্স্বাহা᳚ । রা॒জ্যায॒ স্বাহা॒-ঽভিজি॑ত্যৈ॒ স্বাহা᳚ ॥ 113 ॥
4. আর্দ্রা
রু॒দ্রায॒ স্বাহা॒-ঽঽর্দ্রাযৈ॒ স্বাহা᳚ । পিন্ব॑মানাযৈ॒ স্বাহা॑ প॒শুভ্য॒ স্স্বাহা᳚ ॥
5. পুনর্বসু
অদি॑ত্যৈ॒ স্বাহা॒ পুন॑র্বসুভ্যাম্ । স্বাহা ভূ᳚ত্যৈ॒ স্বাহা॒ প্রজা᳚ত্যৈ॒ স্বাহা᳚ ॥
6.পুষ্যঃ
বৃহ॒স্পত॑যে॒ স্বাহা॑ তি॒ষ্যা॑য॒ স্বাহা᳚ । ব্র॒হ্ম॒ব॒র্চ॒সায॒ স্বাহা᳚ ॥
7. আশ্রেষ
স॒র্পেভ্য॒ স্স্বাহা᳚ ঽঽশ্রে॒ষাভ্য॒ স্স্বাহা᳚ । দ॒ন্দ॒শূকে᳚ভ্য॒ স্স্বাহা᳚ ॥
8. মঘা
পি॒তৃভ্য॒ স্স্বাহা॑ ম॒ঘাভ্যঃ॑ । স্বাহা॑ ঽন॒ঘাভ্য॒ স্স্বাহা॑ ঽগ॒দাভ্যঃ॑ । স্বাহা॑রুন্ধ॒তীভ্য॒ স্স্বাহা᳚ ॥ 114 ॥
9.পূর্ব ফ॑ল্গুনী
অ॒র্য॒ম্ণে স্বাহা॒ ফল্গু॑নীভ্যা॒গ্॒ স্বাহা᳚ । প॒শুভ্য॒ স্স্বাহা᳚ ॥
10. উত্তর ফ॑ল্গুনী
ভগা॑য॒ স্বাহা॒ ফল্গু॑নীভ্যা॒গ্॒ স্বাহা᳚ । শ্রৈষ্ঠ্যা॑য॒ স্বাহা᳚ ॥
11. হস্তঃ
স॒বি॒ত্রে স্বাহা॒ হস্তা॑য । স্বাহা॑ দদ॒তে স্বাহা॑ পৃণ॒তে । স্বাহা᳚ প্র॒যচ্ছ॑তে॒ স্বাহা᳚ প্রতিগৃভ্ণ॒তে স্বাহা᳚ ॥
12. চিত্রা
ত্বষ্ট্রে॒ স্বাহা॑ চি॒ত্রাযৈ॒ স্বাহা᳚ । চৈত্রা॑য॒ স্বাহা᳚ প্র॒জাযৈ॒ স্বাহা᳚ ॥
13. স্বাতি
বা॒যবে॒ স্বাহা॒ নিষ্ট্যা॑যৈ॒ স্বাহা᳚ । কা॒ম॒চারা॑য॒ স্বাহা॒ ঽভিজি॑ত্যৈ॒ স্বাহা᳚ ॥
14. বিশাখা
ই॒ন্দ্রা॒গ্নিভ্যা॒গ্॒ স্বাহা॒ বিশা॑খাভ্যা॒গ্॒ স্বাহা᳚ । শ্রৈষ্ঠ্যা॑য॒ স্বাহা॒ ঽভিজি॑ত্যৈ॒ স্বাহা᳚ ॥
15. পৌর্ণমাসি
পৌ॒র্ণ॒মা॒স্যৈ স্বাহা॒ কামা॑য॒ স্বাহা গ॑ত্যৈ॒ স্বাহা᳚ ॥ 115 (29) ॥
16. অনূরাধা
মি॒ত্রায॒ স্বাহা॑-ঽনূরা॒ধেভ্য॒ স্স্বাহা᳚ । মি॒ত্র॒ধেযা॑য॒ স্বাহা॒-ঽভিজি॑ত্যৈ॒ স্বাহা᳚ ॥
17. জ্যেষ্ঠা
ইন্দ্রা॑য॒ স্বাহা᳚ জ্যে॒ষ্ঠাযৈ॒ স্বাহা᳚ । জ্যৈষ্ঠ্যা॑য॒ স্বাহা॒-ঽভিজি॑ত্যৈ॒ স্বাহা᳚ ॥
18. মূলং
প্র॒জাপ॑তযে॒ স্বাহা॒ মূলা॑য॒ স্বাহা᳚ । প্র॒জাযৈ॒ স্বাহা᳚ ॥
19. পূর্বাষাঢা
অ॒দ্ভ্য স্স্বাহা॑ ঽষা॒ঢাভ্য॒ স্স্বাহা᳚ । স॒মু॒দ্রায॒ স্বাহা॒ কামা॑য॒ স্বাহা᳚ । অ॒ভিজি॑ত্যৈ॒ স্বাহা᳚ ॥
20. উত্তরাষাঢা
বিশ্বে᳚ভ্যো দে॒বেভ্য॒ স্স্বাহা॑ ঽষা॒ঢাভ্য॒ স্স্বাহা᳚ । অ॒ন॒প॒জ॒য্যায॒ স্বাহা॒ জিত্যৈ॒ স্বাহা᳚ ॥ 116 ॥
21. অভিজিত্
ব্রহ্ম॑ণে॒ স্বাহা॑ ঽভি॒জিতে॒ স্বাহা᳚ । ব্র॒হ্ম॒লো॒কায॒ স্বাহা॒ ঽভিজি॑ত্যৈ॒ স্বাহা᳚ ॥
22. শ্রবণং
বিষ্ণ॑বে॒ স্বাহা᳚ শ্রো॒ণাযৈ॒ স্বাহা᳚ । শ্লোকা॑য॒ স্বাহা᳚ শ্রু॒তায॒ স্বাহা᳚ ॥
23. শ্রবিষ্ঠা
বসু॑ভ্য॒ স্স্বাহা॒ শ্রবি॑ষ্ঠাভ্য॒ স্স্বাহা᳚ । অগ্রা॑য॒ স্বাহা॒ পরী᳚ত্যৈ॒ স্বাহা᳚ ॥
24. শতভিষক্
বরু॑ণায॒ স্বাহা॑ শ॒তভি॑ষজে॒ স্বাহা᳚ । ভে॒ষ॒জেভ্য॒ স্স্বাহা ᳚ ॥
25. পূর্ব প্রোষ্ঠপদা
অ॒জাযৈক॑পদে॒ স্বাহা᳚ প্রোষ্ঠপ॒দেভ্য॒ স্স্বাহা᳚ ॥ 117 ॥
তেজ॑সে॒ স্বাহা᳚ ব্রহ্মবর্চ॒সায॒ স্বাহা᳚ ॥
26. উত্তর প্রোষ্ঠপদা
অহ॑যে বু॒ধ্নিযা॑য॒ স্বাহা᳚ প্রোষ্ঠপ॒দেভ্য॒ স্স্বাহা᳚ । প॒তি॒ষ্ঠাযৈ॒ স্বাহা᳚ ॥
27. রেবতি
পূ॒ষ্ণে স্বাহা॑ রে॒বত্যৈ॒ স্বাহা᳚ । প॒শুভ্য॒ স্স্বাহা᳚ ॥
28. অশ্বিনী
অ॒শ্বিভ্যা॒গ্॒ স্বাহা᳚ ঽশ্ব॒যুগ্ভ্যা॒গ্॒ স্বাহা ᳚। শ্রোত্রা॑য॒ স্বাহা॒ শ্রুত্যৈ॒ স্বাহা᳚ ॥
29. অপভরণি
য॒মায॒ স্বাহা॑ ঽপ॒ভর॑ণীভ্য॒ স্স্বাহা᳚ । রা॒জ্যায॒ স্বাহা॒ ঽভিজি॑ত্যৈ॒ স্বাহা᳚ ॥
30. অমাবাসি
অ॒ম॒বা॒স্যা॑যৈ॒ স্বাহা॒ কামা॑য॒ স্বাহা ঽঽগ॑ত্যৈ॒ স্বাহা᳚ ॥ 118 (30) ॥
31. চন্দ্রমা
চ॒ন্দ্রম॑সে॒ স্বাহা᳚ প্রতী॒দৃশ্যা॑যৈ॒ স্বাহা᳚ । অ॒হো॒রা॒ত্রেভ্য॒ স্স্বাহা᳚-ঽর্ধমা॒সেভ্য॒ স্স্বাহা᳚ । মাসে᳚ভ্য॒ স্স্বাহ॒র্তুভ্য॒ স্স্বাহা᳚ । স॒ব॒ন্থ্স॒রায॒ স্বাহা᳚ ॥
32. অহো রাত্রী
অহ্নে॒ স্বাহা॒ রাত্রি॑যৈ॒ স্বাহা᳚ । অতি॑মুক্ত্যৈ॒ স্বাহা᳚ ॥
33. উষা
উ॒ষসে॒ স্বাহা॒ ব্যু॑ষ্ট্যৈ॒ স্বাহা᳚ । ব্যূ॒ষুষ্যৈ॒ স্বাহা᳚ ব্যু॒চ্ছন্ত্যৈ॒ স্বাহা᳚ । ব্যু॑ষ্টাযৈ॒ স্বাহা᳚ ॥
34. নক্ষত্রঃ
নক্ষ॑ত্রায॒ স্বাহো॑দেষ্যতে॒ স্বাহা᳚ ॥ 119 ॥
উ॒দ্য॒তে স্বাহো-দি॑তায॒ স্বাহা᳚ । হর॑সে॒ স্বাহা॒ ভর॑সে॒ স্বাহা᳚ ।
ভ্রাজ॑সে॒ স্বাহা॒ তেজ॑সে॒ স্বাহা᳚ । তপ॑সে॒ স্বাহা᳚ ব্রহ্মবর্চ॒সায॒ স্বাহা᳚ ॥
35. সূর্যঃ
সূর্যা॑য॒ স্বাহা॒ নক্ষ॑ত্রেভ্য॒ স্স্বাহা᳚ । প॒তি॒ষ্ঠাযৈ॒ স্বাহা᳚ ॥
36. অদিতিঃ
অদি॑ত্যৈ॒ স্বাহা᳚ প্রতি॒ষ্ঠাযৈ॒ স্বাহা᳚ ॥
37. বিষ্ণুঃ
বিষ্ণ॑বে॒ স্বাহা॑ য॒জ্ঞায॒ স্বাহা᳚ । প্র॒তি॒ষ্ঠাযৈ॒ স্বাহা᳚ ॥ 120 ॥
দ॒ধি॒ক্রাব্ণ্ণো॑ অকারিষং
দ॒ধি॒ক্রাব্ণ্ণো॑ অকারিষম্ । জি॒ষ্ণো রশ্ব॑স্য বা॒জিনঃ॑ । সু॒র॒ভি নো॒ মুখা॑ কর॒ত্ । প্রণ॒ আযূগ্ম্॑ষি তারিষত্ । আপো॒হিষ্ঠা ম॑যো॒ভুব॒স্তা ন॑ ঊ॒র্জে দ॑ধাতন । ম॒হে রণা॑য॒ চক্ষ॑সে ।
যো ব॑শ্শি॒বত॑মো॒ রস॒স্তস্য॑ ভাজযতে॒ হ নঃ॑ । উ॒শ॒তীরি॑ব মা॒তরঃ॑ । তস্মা॒ অর॑ঙ্গমাম বো॒ যস্য॒ ক্ষযা॑য॒ জিন্ব॑থ । আপো॑ জ॒নয॑থা চ নঃ ॥ 121 (32) ॥
1.38 বরুণ সূক্তং
(তৈ. সং. 1.5.11.3)
উদু॑ত্ত॒মং-বঁ॑রুণ॒ পাশ॑ম॒স্ম-দবা॑ধ॒মং-বিঁম॑ধ্য॒মগ্গ্ শ্র॑থায ।
অথা ॑ব॒যমা॑দিত্য ব্র॒তে তবানা॑গসো॒ অদি॑তযে স্যাম ॥ (তৈ. সং. 1.2.8.1 )
অস্ত॑ভ্না॒দ্ধ্যা-মৃ॑ষ॒ভো অ॒ন্তরি॑ক্ষ॒-মমি॑মীত-বরি॒মাণ॑-ম্পৃথি॒ব্যা
আ-ঽসী॑দ॒দ্বিশ্বা॒ ভুব॑নানি স॒ম্রা-ড্বিশ্বেত্তানি॒ বরু॑ণস্য ব্র॒তানি॑ ॥ (তৈ. সং. 3.4.11.6)
যত্কিঞ্চে॒দং-বঁ॑রুণ॒ দৈব্যে॒ জনে॑-ঽভিদ্রো॒হ-ম্ম॑নু॒ষ্যা᳚-শ্চরা॑মসি ।
অচি॑ত্তী॒-যত্তব॒-ধর্মা॑ যুযোপি॒ম-মান॒স্তস্মা॒ দেন॑সো দেব রীরিষঃ ॥ (তৈ. সং. 3.4.11.6)
কি॒ত॒বাসো॒ যদ্রি॑রি॒পুর্ন দী॒বি যদ্বা॑ ঘা স॒ত্য-মু॒তযন্ন বি॒দ্ম ।
সর্বা॒তাবিষ্য॑ শিথি॒রেব॑ দে॒বাথা॑তে-স্যাম বরুণ প্রি॒যাসঃ॑ ॥ (তৈ. সং. 1.5.11.3)
অব॑তে॒হেডো॑ বরুণ॒ নমো॑ভি॒রব॑ য॒জ্ঞে-ভি॑রীমহে হ॒বির্ভিঃ॑ ।
ক্ষয॑ন্ন॒ স্মভ্য॑ মসুর-প্রচেতো॒ রাজ॒ন্নেনাগ্ম্॑সি শিশ্রথঃ কৃ॒তানি॑ ॥ (তৈ. সং. 2.1.11.6)
তত্বা॑যামি॒ ব্রহ্ম॑ণা॒ বন্দ॑মান॒ স্তদাশা᳚স্তে॒ যজ॑মানো হ॒বির্ভিঃ॑ । অহে॑ডমানো বরুণে॒হ বো॒দ্ধ্যুরু॑শগ্ম্ স॒ মা ন॒ আযুঃ॒ প্রমো॑ষীঃ ॥ 122 (33) ॥
1.39 পবমান সূক্তং
হির॑ণ্যবর্ণা॒-শ্শুচ॑যঃ পাব॒কা যাসু॑জা॒তঃ ক॒শ্যপো॒ যাস্বিন্দ্রঃ॑ ।
অ॒গ্নিংযাঁ গর্ভং॑দধি॒রে বিরূ॑পা॒স্তা ন॒ আপ॒শ্শগ্গ্ স্যো॒না ভ॑বন্তু ॥ যাসা॒গ্ম্॒ রাজা॒ বরু॑ণো॒ যাতি॒ মধ্যে॑ সত্যানৃ॒তে অ॑ব॒পশ্য॒ন্ জনা॑নাম্ ।
ম॒ধু॒শ্চুত॒-শ্শুচ॑যো॒যাঃ পা॑ব॒কাস্তা ন॒ আপ॒শ্শগ্গ্ স্যো॒না ভ॑বন্তু ॥ যাসাং᳚ দে॒বাদি॒বি কৃ॒ণ্বন্তি॑ ভ॒ক্ষংযাঁ অ॒ন্তরি॑ক্ষে বহু॒ধা ভব॑ন্তি ।
যাঃ পৃ॑থি॒বী-ম্পয॑সো॒ন্দন্তি॑ শু॒ক্রাস্তা ন॒ আপ॒শ্শগ্গ্ স্যো॒না ভ॑বন্তু ॥ শি॒বেন॑ মা॒ চক্ষু॑ষা পশ্যতাপ শ্শি॒বযা॑ ত॒নুবো-প॑স্পৃশত॒ ত্বচ॑মেম্ ।
সর্বাগ্ম্॑ অ॒গ্নীগ্ম্ র॑ফ্সু॒ষদো॑ হুবে বো॒ মযি॒ বর্চো॒ বল॒মোজো॒ নিধ॑ত্ত ॥ 123 (34) ॥
(তৈ. ব্রা. 1.4.8.1)
পব॑মান॒-স্সুব॒র্জনঃ॑ । প॒বিত্রে॑ণ॒ বিচ॑র্ষণিঃ । যঃ পোতা॒ স পু॑নাতু মা । পু॒নন্তু॑ মা দেবজ॒নাঃ । পু॒নন্তু॒ মন॑
বোধি॒যা । পু॒নন্তু॒ বিশ্ব॑ আ॒যবঃ॑ । জাত॑বেদঃ প॒বিত্র॑বত্ । প॒বিত্রে॑ণ পুনাহি মা । শু॒ক্রেণ॑ দেব॒ দীদ্য॑ত্ । অগ্নে॒ ক্রত্বা॒-ক্রতূ॒গ্ম্॒ রনু॑ ॥ 124 ॥
যত্তে॑ প॒বিত্র॑-ম॒র্চিষি॑ । অগ্নে॒ বিত॑ত-মন্ত॒রা । ব্রহ্ম॒ তেন॑ পুনীমহে । উ॒ভাভ্যাং᳚ দেব সবিতঃ । প॒বিত্রে॑ণ স॒বেন॑ চ । ই॒দ-ম্ব্রহ্ম॑ পুনীমহে ।
বৈ॒শ্ব॒দে॒বী পু॑ন॒তী দে॒ব্যাগা᳚ত্ । যস্যৈ॑ ব॒হ্বী-স্ত॒নুবো॑ বী॒তপৃ॑ষ্ঠাঃ । তযা॒ মদ॑ন্ত-স্সধ॒মাদ্যে॑ষু । ব॒যগ্গ্ স্যা॑ম॒ পত॑যোরযী॒ণাম্ ॥ 125 ॥
বৈ॒শ্বা॒ন॒রো র॒শ্মিভি॑র্মা পুনাতু । বাতঃ॑ প্রা॒ণেনে॑ ষি॒রো ম॑যো॒ ভূঃ ।
দ্যাবা॑পৃথি॒বী পয॑সা॒ পযো॑ভিঃ । ঋ॒তাব॑রী য॒জ্ঞিযে॑ মা পুনীতাম্ । বৃ॒হদ্ভি॑-স্সবি ত॒স্তৃভিঃ॑ । বর্ষি॑ষ্ঠৈ--র্দেব॒মন্ম॑ভিঃ । অগ্নে॒ দক্ষৈঃ᳚ পুনাহিমা । যেন॑ দে॒বা অপু॑নত । যে নাপো॑ দি॒ব্যঙ্কশঃ॑ । তেন॑ দি॒ব্যেন॒ ব্রহ্ম॑ণা ॥ 126 ॥
ই॒দ-ম্ব্রহ্ম॑ পুনীমহে । যঃ পা॑বমা॒নী-র॒দ্ধযেতি॑ । ঋষি॑ভি॒-স্সম্ভৃ॑ত॒গ্ম্॒ রস᳚ম্ । সর্ব॒গ্ম্॒ স পূ॒তম॑শ্নাতি । স্ব॒দি॒ত-ম্মা॑ত॒রিশ্ব॑না । পা॒ব॒মা॒নী॒র্যো অ॒দ্ধযেতি॑ ।
ঋষি॑ভি॒-স্সম্ভৃ॑ত॒গ্ম্॒ রস᳚ম্ । তস্মৈ॒ সর॑স্বতী দুহে । ক্ষী॒রগ্ম্ স॒র্পি র্মধূ॑দ॒কম্ । পা॒ব॒মা॒নী-স্স্ব॒স্ত্যয॑নীঃ ॥ 127 ॥
সু॒দুঘা॒হি পয॑স্বতীঃ । ঋষি॑ভি॒-স্সম্ভৃ॑তো॒ রসঃ॑ । ব্রা॒হ্ম॒ণেষ্ব॒-মৃতগ্ম্॑ হি॒তম্ । পা॒ব॒মা॒নী-র্দি॑শন্তু নঃ । ই॒মং ংলোঁ॒কমথো॑ অ॒মুম্ । কামা॒ন্-থ্সম॑র্ধ্যন্তু নঃ । দে॒বীর্দে॒বৈ-স্স॒মা ভৃ॑তাঃ । পা॒ব॒মা॒নী-স্স্ব॒স্ত্যয॑নীঃ । সু॒দুঘা॒হি ঘৃ॑ত॒শ্চুতঃ॑ । ঋষি॑ভি॒-স্সম্ভৃ॑তো॒ রসঃ॑ ॥ 128 ॥
ব্রা॒হ্ম॒ণেষ্ব॒-মৃতগ্ম্॑ হি॒তম্ । যেন॑ দে॒বাঃ প॒বিত্রে॑ণ । আ॒ত্মানং॑ পু॒নতে॒ সদা᳚ । তেন॑ স॒হস্র॑ ধারেণ । পা॒ব॒মা॒ন্যঃ পু॑নন্তু মা । প্রা॒জা॒প॒ত্য-ম্প॒বিত্র᳚ম্ । শ॒তোদ্যা॑মগ্ম্ হির॒ণ্ময᳚ম্ । তেন॑ ব্রহ্ম॒ বিদো॑ ব॒যম্ । পূ॒ত-ম্ব্রহ্ম॑ পুনীমহে । ইন্দ্র॑-স্সুনী॒তী স॒হ মা॑ পুনাতু । সোম॑-স্স্ব॒স্ত্যা বরু॑ণ-স্স॒মীচ্যা᳚ । য॒মো রাজা᳚ প্রমৃ॒ণাভিঃ॑ পুনাতুমা । জা॒তবে॑দা মো॒র্জয॑ন্ত্যা পুনাতু । ও-ম্ভূর্ভুব॒স্সুবঃ॑ ॥ 129 ॥
(তৈ. ব্রা. 3.5.11.1)
তচ্ছং॒ঁযোরা বৃ॑ণীমহে । গা॒তুং-যঁ॒জ্ঞায॑ । গা॒তুং-যঁ॒জ্ঞপ॑তযে । দৈবী᳚স্ব॒স্তি-র॑স্তুনঃ । স্ব॒স্তি-র্মানু॑ষেভ্যঃ । ঊ॒র্ধ্ব-ঞ্জি॑গাতু ভেষ॒জম্ । শন্নো॑ অস্তু দ্বি॒পদে᳚ । শঞ্চতু॑ষ্পদে ॥ 130 (36) ॥
ওং শান্তি॒-শ্শান্তি॒-শ্শান্তিঃ॑ ॥
1.40 আযুষ্য সূক্তং
যো ব্রহ্মাব্রহ্মণ উজ্জভার প্রাণেশ্বরঃ (যো ব্রহ্মা ব্রহ্মণ উজ্জহার প্রাণৈ-শ্শিরঃ) কৃত্তিবাসাঃ পিনাকী ।
ঈশানো দেবস্সন আযুর্দধাতু তস্মৈ জুহোমি হবিষা ঘৃতেন ॥ 1 ॥
বিভ্রাজমান-স্সরিরস্য মদ্ধ্যাদ্ রোচমানো ঘর্মরুচির্য আগাত্ ।
স মৃত্যুপাশা-নপনুদ্য ঘোরা-নিহাযুষেণো ঘৃতমত্তু দেবঃ ॥ 2 ॥
ব্রহ্মজ্যোতির্ ব্রহ্মপত্নীষু গর্ভং-যঁমাদধা-ত্পুরুরূপ-ঞ্জযন্তম্ ।
সুবর্ণরম্ভ-গ্রহ-মর্কমর্চ্য-ন্তমাযুষে বর্ধযামো ঘৃতেন ॥ 3 ॥
শ্রিযং-লঁক্ষ্মী-মৌপলাং অম্বিঙ্কা-ঙ্গাং ষষ্টীঞ্চ যামিন্দ্রসেনেত্যুদাহুঃ ।
তাং-বিঁদ্যা-ম্ব্রহ্মযোনিগ্ম্ সরূপা-মিহাযুষে তর্পযামো ঘৃতেন ॥ 4 ॥
দাক্ষাযণ্য-স্সর্বযোন্য স্সুযোন্য-স্সহস্রশো বিশ্ব রূপা বিরূপাঃ ।
সসূনব-স্সপতয-স্সযূথ্যা আযুষেণো ঘৃতমিদ-ঞ্জুষন্তাম্ ॥ 5 ॥
দিব্যা গণা বহুরূপাঃ পুরাণা আযুশ্ছিদো নঃ প্রমথ্নন্তু বীরান্ ।
তেভ্যো জুহোমি বহুধা ঘৃতেন মা নঃ প্রজাগ্ম্ রীরিষো মোত বীরান্ ॥ 6 ॥
একঃ পুরস্তাত্ য ইদ-ম্বভূব যতো বভূব ভুবনস্য গোপাঃ ।
যমপ্যেতি ভুবনগ্ম্ সাম্পরাযে স নো হবির্ ঘৃত-মিহাযুষে'ত্তু দেবঃ ॥ 7 ॥
বসূ-ন্রুদ্রানা-দিত্যা-ন্মরুতো'থ সাদ্ধ্যান্ ঋভূন্ যক্ষা-ন্গন্ধর্বাগ্ম্শ্চ পিতৃগ্ম্শ্চ বিশ্বান্ ।
ভৃগূন্-থ্সর্পাগ্ম্শ্চা-ঙ্গিগরসো'থ সর্বা-ন্ঘৃতগ্ম্ হুত্বা স্বাযুষ্যা মহযাম শশ্বত্ ॥ 8 ॥
বিষ্ণো॒ ত্বন্নো॒ অন্ত॑ম॒-শ্শর্ম॑যচ্ছ সহন্ত্য ।
প্রতে॒ ধারা॑ মধু॒শ্চুত॒ উথ্স॑ন্দুহ্রতে॒ অক্ষি॑তম্ ॥ (তৈ. সং. 3.1.10) ॥
নমো ব্রহ্মণে নমো অস্ত্বগ্নযে নমহ্ পৃথিব্যৈ নমহ্ ওষধীভ্যঃ ।
নমো বাচে নমো বাচস্পত॑যে নমো বিষ্ণবে বৃহতে করোমি ॥ (তৈ. অর. 2.1.2) ॥
(এব-ন্ত্রিঃ)
যদক্ষরপদভ্রষ্ট-ম্মাত্রাহীন-ন্তু যদ্ভবেত্ ।
তত্সর্ব-ঙ্ক্ষম্যতা-ন্দেব নারাযণ নমো'স্তুতে ॥
বিসর্গ বিন্দু মাত্রাণি পদপাদাক্ষরাণি চ ।
ন্যূনাতিরিক্তং-যঁত্কিঞ্চিদভিগীর্ভিরুদীর্যতে ॥
আ॒ভির্ গী॒র্ভির্ যদতো॑ন ঊ॒নমাপ্যা॑যয হরিবো॒ বর্ধ॑মানঃ ।
য॒দা স্তো॒তৃভ্যো॒ মহি॑ গো॒ত্রা রু॒জাসি॑ ভূযিষ্ঠ॒ভাজো॒ অধ॑তে শ্যাম ।
ব্রহ্ম॒ প্রাবা॑দিষ্ম॒ তন্নো॒ মাহা॑সীত্ ।
ওং শান্তি॒-শ্শান্তি॒-শ্শান্তিঃ॑ ॥ (তৈ. অর. 4.4.2)
হরিঃ ওম্ । শ্রীকৃষ্ণার্পণমস্তু ॥
ও-ন্তত্সত্ ব্রহ্মার্পণমস্তু ॥
ইত্যুদকশান্তিমন্ত্রাঃ ॥
