অ॒হম॑স্মি প্রথ॒মজা ঋ॒তস্য॑ ।
পূর্বং॑ দে॒বেভ্যো॑ অ॒মৃত॑স্য॒ নাভিঃ॑ ।
যো মা॒ দদা॑তি॒ স ইদে॒ব মাঽঽবাঃ᳚ ।
অ॒হমন্ন॒মন্ন॑ম॒দংত॑মদ্মি ।
পূর্ব॑ম॒গ্নেরপি॑ দহ॒ত্যন্ন᳚ম্ ।
য॒ত্তৌ হা॑ঽঽসাতে অহমুত্ত॒রেষু॑ ।
ব্যাত্ত॑মস্য প॒শবঃ॑ সু॒জংভ᳚ম্ ।
পশ্যং॑তি॒ ধীরাঃ॒ প্রচ॑রংতি॒ পাকাঃ᳚ ।
জহা᳚ম্য॒ন্যং ন জ॑হাম্য॒ন্যম্ ।
অ॒হমন্নং॒-বঁশ॒মিচ্চ॑রামি ॥ 1
স॒মা॒নমর্থং॒ পর্যে॑মি ভুং॒জত্ ।
কো মামন্নং॑ মনু॒ষ্যো॑ দযেত ।
পরা॑কে॒ অন্নং॒ নিহি॑তং-লোঁ॒ক এ॒তত্ ।
বিশ্বৈ᳚র্দে॒বৈঃ পি॒তৃভি॑র্গু॒প্তমন্ন᳚ম্ ।
যদ॒দ্যতে॑ লু॒প্যতে॒ যত্প॑রো॒প্যতে᳚ ।
শ॒ত॒ত॒মী সা ত॒নূর্মে॑ বভূব ।
ম॒হাংতৌ॑ চ॒রূ স॑কৃদ্দু॒গ্ধেন॑ পপ্রৌ ।
দিবং॑ চ॒ পৃশ্নি॑ পৃথি॒বীং চ॑ সা॒কম্ ।
তত্সং॒পিবং॑তো॒ ন মি॑নংতি বে॒ধসঃ॑ ।
নৈতদ্ভূযো॒ ভব॑তি॒ নো কনী॑যঃ ॥ 2
অন্নং॑ প্রা॒ণমন্ন॑মপা॒নমা॑হুঃ ।
অন্নং॑ মৃ॒ত্যুং তমু॑ জী॒বাতু॑মাহুঃ ।
অন্নং॑ ব্র॒হ্মাণো॑ জ॒রসং॑-বঁদংতি ।
অন্ন॑মাহুঃ প্র॒জন॑নং প্র॒জানা᳚ম্ ।
মোঘ॒মন্নং॑-বিংঁদতে॒ অপ্র॑চেতাঃ ।
স॒ত্যং ব্র॑বীমি ব॒ধ ইত্স তস্য॑ ।
নার্য॒মণং॒ পুষ্য॑তি॒ নো সখা॑যম্ ।
কেব॑লাঘো ভবতি কেবলা॒দী ।
অ॒হং মে॒ঘঃ স্ত॒নয॒ন্বর্ষ॑ন্নস্মি ।
মাম॑দংত্য॒হম॑দ্ম্য॒ন্যান্ ॥ 3
[অহ॒গ্ম্ সদ॒মৃতো॑ ভবামি ।
মদা॑দি॒ত্যা অধি॒ সর্বে॑ তপংতি ।]
