শ্রীগুরুঃ সর্বকারণভূতা শক্তিঃ ॥ ॥1॥

কেন নবরংধ্ররূপো দেহঃ।
নবশক্তিরূপং শ্রীচক্রম।
বারাহী পিতৃরূপা।
কুরুকুল্লা বলিদেবতা মাতা।
পুরুষার্থাঃ সাগরাঃ।
দেহো নবরত্নদ্বীপঃ।
আধারনবকমুদ্রা: শক্তযঃ।
ত্বগাদিসপ্তধাতুভির-নেকৈঃ সং​যুঁক্তাঃ সংকল্পাঃ কল্পতরবঃ।
তেজ: কল্পকোদ্যানম্।রসনযা ভাব্যমানা মধুরাম্লতিক্ত-কটুকষাযলবণভেদাঃ ষড্রসাঃ ষডৃতবঃ ।
ক্রিযাশক্তিঃ পীঠম্।
কুংডলিনী জ্ঞানশক্তির্গৃহম্। ইচ্ছাশক্তির্মহাত্রিপুরসুংদরী।
জ্ঞাতা হোতা জ্ঞানমগ্নিঃ জ্ঞেযং হবিঃ। জ্ঞাতৃজ্ঞানজ্ঞেযানামভেদভাবনং শ্রীচক্রপূজনম্। নিযতিসহিতাঃ শ্র্​ঋংগারাদযো নব রসা অণিমাদযঃ। কামক্রোধলোভমোহমদ-মাত্সর্যপুণ্যপাপমযা ব্রাহ্মযাদ্যষ্টশক্তযঃ । পৃথিব্যপ্তেজোবায্বাকাশশ্রোত্রত্বক্চক্ষুর্জিহ্বাঘ্রাণবা-ক্পাণিপাদপাযূপস্থমনোবিকারাঃ ষোডশ শক্তযঃ ।
বচনাদানগমনবিসর্গানংদহানোপেক্ষাবুদ্ধযো-ঽনংগকুসুমাদিশক্তযোঽষ্টৌ।
অলংবুসা কুহূর্বিশ্বোদরী বরুণা হস্তিজিহ্বা যশস্বত্যশ্বিনী গাংধারী পূষা শংখিনী সরস্বতীডা পিংগলা সুষুম্না চেতি চতুর্দশ নাড্যঃ। সর্বসংক্ষোভিণ্যাদিচতুর্দশারগা দেবতাঃ। প্রাণাপানব্যানোদানসমাননাগকূর্মকৃকরদেবদত্তধনংজযা ইতি দশ বাযবঃ ।
সর্বসিদ্ধি-প্রদা দেব্যো বহির্দশারগা দেবতাঃ। এতদ্বাযুদশকসংসর্গোপাথিভেদেন রেচকপূরকশোষকদাহক-প্লাবকা অমৃতমিতি প্রাণমুখ্যত্বেন পংচবিধোঽস্তি ।
ক্ষারকো দারকঃ ক্ষোভকো মোহকো জৃংভক ইত্যপালনমুখ্যত্বেন পংচবিধোঽস্তি ।
তেন মনুষ্যাণাং মোহকো দাহকো ভক্ষ্যভোজ্যলেহ্যচোষ্যপেযা-ত্মকং চতুর্বিধমন্নং পাচযতি।
এতা দশ বহ্নিকলাঃ সর্বাত্বাদ্যংতর্দশারগা দেবতাঃ। শীতোষ্ণসুখদুঃখেচ্ছাসত্ত্বরজস্তমোগুণা বশিন্যাদিশক্তযোঽষ্টৌ।
শব্দস্পর্​শরূপরসগংধাঃ পংচতন্মাত্রাঃ পংচ পুষ্পবাণা মন ইক্ষুধনুঃ।
বশ্যো বাণো রাগঃ পাশঃ।
দ্বেষোঽংকুশঃ।
অব্যক্তমহত্তত্ত্বমহদহংকার ইতি কামেশ্বরীবজ্নেশ্বরীভগমালিন্যোঽংতস্ত্রিকোণাগ্নগা দেবতাঃ ।
পংচদশতিথিরূপেণ কালস্য পরিণামাবলোকনস্থিতিঃ পংচদশ নিত্যা শ্রদ্ধানুরূপাধিদেবতা।
তযোঃ কামেশ্বরী সদানংদঘনা পরিপূর্ণস্বাত্মৈক্যরূপা দেবতা ॥ ॥2॥

সলিলমিতি সৌহিত্যকারণং সত্ত্বম্ । কর্তব্যমকর্তব্যমিতি ভাবনাযুক্ত উপচারঃ।
অস্তি নাস্তীতি কর্তব্যতা উপচারঃ। বাহ্যাভ্যংত:করণানাং রূপগ্রহণযোগ্যতাঽস্ত্বিত্যাবাহনম্।
তস্য বাহ্যাভ্যংতঃকরণানামেকরূপবিষযগ্রহণমাসনম্।
রক্তশুক্লপদৈকীকরণং পাদ্যম্।
উজ্জ্বলদা-মোদানংদাসনদানমর্ঘ্যম্।
স্বচ্ছং স্বত:সিদ্ধমিত্যাচমনীযম্। চিচ্চংদ্রমযীতি সর্বাংগস্ত্রবণং স্নানম্। চিদগ্নিস্বরূপপরমানংদশক্তিস্ফুরণং-বঁস্ত্রম্। প্রত্যেকং সপ্তবিংশতিধা ভিন্নত্বেনেচ্ছাজ্ঞান-ক্রিযাত্মকব্রহ্মগ্রংথিমদ্রসতংতুব্রহ্মনাডী ব্রহ্মসূত্রম্।
স্বব্যতিরিক্তবস্তুসংগরহিতস্মরণং-বিঁভূষণম্। স্বচ্ছস্বপরিপূর্ণতাস্মরণং গংধঃ ।
সমস্তবিষযাণাং মনসঃ স্থৈর্যেণানুসংধানং কুসুমম্ । তেষামেব সর্বদা স্বীকরণং ধূপঃ । পবনাবচ্ছিন্নোর্ধ্বগ্বলনসচ্চিদুল্কাকাশদেহো দীপঃ । সমস্তযাতাযা-তবর্জ্যং নৈবেদ্যম্ । অবস্থাত্রযাণামেকীকরণং তাংবূলম্। মূলাধারাদাব্রহ্মরংধ্রপর্যংতং ব্রহ্মরংধ্রাদা-মূলাধারপর্যংতং গতাগতরূপেণ প্রাদক্ষিণ্যম্। তুর্যাবস্থা নমস্কারঃ ।
দেহশূন্যপ্রমাতৃতানিমজ্জনং বলিহরণম্।
সত্যমস্তি কর্তব্যমকর্তব্যমৌদাসীন্যনিত্যাত্মবিলাপনং হোমঃ।
স্বযং তত্পাদুকা-নিমজ্জনং পরিপূর্ণধ্যানম্॥ ॥3॥

এবং মুহূর্তত্রযং ভাবনাপরো জীবন্মুক্তো ভবতি।
তস্য দেবতাত্মৈক্যসিদ্ধিঃ।
চিংতিতকার্যাণ্য-যত্নেন সিদ্ধযংতি।
স এব শিবযোগীতি কথ্যতে ॥ ॥4॥