ধ্য়ানম্ ।
ত্রিনেত্রং গজাস্য়ং চতুর্বাহুধারং
পরশ্বাদিশস্ত্রৈর্য়ুতং ভালচংদ্রম্ ।
নরাকারদেহং সদা যোগশাংতং
গণেশং ভজে সর্ববংদ্য়ং পরেশম্ ॥ 1 ॥

বিংদুরূপো বক্রতুংডো রক্ষতু মে হৃদি স্থিতঃ ।
দেহাংশ্চতুর্বিধাংস্তত্ত্বাংস্তত্ত্বাধারঃ সনাতনঃ ॥ 2 ॥

দেহমোহয়ুতং হ্য়েকদংতঃ সোঽহং স্বরূপধৃক্ ।
দেহিনং মাং বিশেষেণ রক্ষতু ভ্রমনাশকঃ ॥ 3 ॥

মহোদরস্তথা দেবো নানাবোধান্ প্রতাপবান্ ।
সদা রক্ষতু মে বোধানংদসংস্থো হ্যহর্নিশম্ ॥ 4 ॥

সাংখ্য়ান্ রক্ষতু সাংখ্য়েশো গজাননঃ সুসিদ্ধিদঃ ।
অসত্য়েষু স্থিতং মাং স লংবোদরশ্চ রক্ষতু ॥ 5 ॥

সত্সু স্থিতং সুমোহেন বিকটো মাং পরাত্পরঃ ।
রক্ষতু ভক্তবাত্সল্য়াত্ সদৈকামৃতধারকঃ ॥ 6 ॥

আনংদেষু স্থিতং নিত্য়ং মাং রক্ষতু সমাত্মকঃ ।
বিঘ্নরাজো মহাবিঘ্নৈর্নানাখেলকরঃ প্রভুঃ ॥ 7 ॥

অব্যক্তেষু স্থিতং নিত্য়ং ধূম্রবর্ণঃ স্বরূপধৃক্ ।
মাং রক্ষতু সুখাকারঃ সহজঃ সর্বপূজিতঃ ॥ 8 ॥

স্বসংবেদ্য়েষু সংস্থং মাং গণেশঃ স্বস্বরূপধৃক্ ।
রক্ষতু যোগভাবেন সংস্থিতো ভবনাযকঃ ॥ 9 ॥

অয়োগেষু স্থিতং নিত্য়ং মাং রক্ষতু গণেশ্বরঃ ।
নিবৃত্তিরূপধৃক্ সাক্ষাদসমাধিসুখে রতঃ ॥ 10 ॥

যোগশাংতিধরো মাং তু রক্ষতু যোগসংস্থিতম্ ।
গণাধীশঃ প্রসন্নাত্মা সিদ্ধিবুদ্ধিসমন্বিতঃ ॥ 11 ॥

পুরো মাং গজকর্ণশ্চ রক্ষতু বিঘ্নহারকঃ ।
বাহ্ন্য়াং যাম্য়াং চ নৈরৃত্য়াং চিংতামণির্বরপ্রদঃ ॥ 12 ॥

রক্ষতু পশ্চিমে ঢুংঢির্হেরংবো বায়ুদিক্ স্থিতম্ ।
বিনাযকশ্চোত্তরে তু প্রমোদশ্চেশদিক্ স্থিতম্ ॥ 13 ॥

ঊর্ধ্বং সিদ্ধিপতিঃ পাতু বুদ্ধীশোঽধঃ স্থিতং সদা ।
সর্বাংগেষু ময়ূরেশঃ পাতু মাং ভক্তিলালসঃ ॥ 14 ॥

যত্র তত্র স্থিতং মাং তু সদা রক্ষতু যোগপঃ ।
পুরশুপাশসংয়ুক্তো বরদাভযধারকঃ ॥ 15 ॥

ইদং গণপতেঃ প্রোক্তং বজ্রপংজরকং পরম্ ।
ধারযস্ব মহাদেব বিজয়ী ত্বং ভবিষ্যসি ॥ 16 ॥

য ইদং পংজরং ধৃত্বা যত্র কুত্র স্থিতো ভবেত্ ।
ন তস্য় জাযতে ক্বাপি ভয়ং নানাস্বভাবজম্ ॥ 17 ॥

যঃ পঠেত্ পংজরং নিত্য়ং স ঈপ্সিতমবাপ্নুয়াত্ ।
বজ্রসারতনুর্ভূত্বা চরেত্সর্বত্র মানবঃ ॥ 18 ॥

ত্রিকালং যঃ পঠেন্নিত্য়ং স গণেশ ইবাপরঃ ।
নির্বিঘ্নঃ সর্বকার্য়েষু ব্রহ্মভূতো ভবেন্নরঃ ॥ 19 ॥

যঃ শৃণোতি গণেশস্য় পংজরং বজ্রসংজ্ঞকম্ ।
আরোগ্য়াদিসমায়ুক্তো ভবতে গণপপ্রিয়ঃ ॥ 20 ॥

ধনং ধান্য়ং পশূন্ বিদ্য়ামায়ুষ্য়ং পুত্রপৌত্রকম্ ।
সর্বসংপত্সমায়ুক্তমৈশ্বর্য়ং পঠনাল্লভেত্ ॥ 21 ॥

ন ভয়ং তস্য় বজ্রাত্তু চক্রাচ্ছূলাদ্ভবেত্ কদা ।
শংকরাদের্মহাদেব পঠনাদস্য় নিত্যশঃ ॥ 22 ॥

যং যং চিংতযতে মর্ত্যস্তং তং প্রাপ্নোতি শাশ্বতম্ ।
পঠনাদস্য় বিঘ্নেশ পংজরস্য় নিরংতরম্ ॥ 23 ॥

লক্ষাবৃত্তিভিরেবং স সিদ্ধপংজরকো ভবেত্ ।
স্তংভয়েদপি সূর্য়ং তু ব্রহ্মাংডং বশমানয়েত্ ॥ 24 ॥

এবমুক্ত্বা গণেশানোঽংতর্দধে মুনিসত্তম ।
শিবো দেবাদিভির্য়ুক্তো হর্ষিতঃ সংবভূব হ ॥ 25 ॥

ইতি শ্রীমন্মুদ্গলে মহাপুরাণে ধূম্রবর্ণচরিতে বজ্রপংজরকথনং নাম ত্রয়োবিংশোঽধ্য়ায়ঃ ।