Vishnu Shatpadi - Bengali | Vaidika Vignanam

Collection of Spiritual and Devotional Literature in Various Indian Languages

View this in:

বিষ্ণু ষট্পদি

অবিনযমপনয় বিষ্ণো দময় মনঃ শময় বিষযমৃগতৃষ্ণাম্ ।
ভূতদয়াং বিস্তারয় তারয় সংসারসাগরতঃ ॥ 1 ॥

দিব্যধুনীমকরংদে পরিমলপরিভোগসচ্চিদানংদে ।
শ্রীপতিপদারবিংদে ভবভযখেদচ্ছিদে বংদে ॥ 2 ॥

সত্যপি ভেদাপগমে নাথ তবাঽহং ন মামকীনস্ত্বম্ ।
সামুদ্রো হি তরংগঃ ক্বচন সমুদ্রো ন তারংগঃ ॥ 3 ॥

উদ্ধৃতনগ নগভিদনুজ দনুজকুলামিত্র মিত্রশশিদৃষ্টে ।
দৃষ্টে ভবতি প্রভবতি ন ভবতি কিং ভবতিরস্কারঃ ॥ 4 ॥

মত্স্য়াদিভিরবতারৈরবতারবতাঽবতা সদা বসুধাম্ ।
পরমেশ্বর পরিপাল্য়ো ভবতা ভবতাপভীতোঽহম্ ॥ 5 ॥

দামোদর গুণমংদির সুংদরবদনারবিংদ গোবিংদ ।
ভবজলধিমথনমংদর পরমং দরমপনয় ত্বং মে ॥ 6 ॥

নারাযণ করুণাময় শরণং করবাণি তাবকৌ চরণৌ ।
ইতি ষট্পদী মদীয়ে বদনসরোজে সদা বসতু ॥

ইতি শ্রীমচ্চংকরাচার্য় বিরচিতং শ্রী বিষ্ণু ষট্পদী স্তোত্রং সংপূর্ণম্

Browse Related Categories: