ভগবতি ভবলীলামৌলিমালে তবাংভঃ
কণমণুপরিমাণং প্রাণিনো যে স্পৃশংতি ।
অমরনগরনারীচামরগ্রাহিণীনাং
বিগতকলিকলংকাতংকমংকে লুঠংতি ॥ 1 ॥

ব্রহ্মাংডং খংডয়ংতী হরশিরসি জটাবল্লিমুল্লাসয়ংতী
স্বর্লোকাদাপতংতী কনকগিরিগুহাগংডশৈলাত্ স্খলংতী ।
ক্ষোণীপৃষ্টে লুঠংতী দুরিতচযচমূর্নির্ভরং ভর্ত্সয়ংতী
পাথোধিং পূরয়ংতী সুরনগরসরিত্পাবনী নঃ পুনাতু ॥ 2 ॥

মজ্জন্মাতংগকুংভচ্য়ুতমদমদিরামোদমত্তালিজালং
স্নানৈঃ সিদ্ধাংগনানাং কুচয়ুগবিগলত্কুংকুমাসংগপিংগম্ ।
সায়ং প্রাতর্মুনীনাং কুশকুসুমচয়ৈশ্ছিন্নতীরস্থনীরং
পায়ান্নো গাংগমংভঃ করিকরমকরাক্রাংতরহস্তরংগম্ ॥ 3 ॥

আদাবাদিপিতামহস্য় নিযমব্য়াপারপাত্রে জলং
পশ্চাত্পন্নগশায়িনো ভগবতঃ পাদোদকং পাবনম্ ।
ভূয়ঃ শংভুজটাবিভূষণমণির্জহ্নোর্মহর্ষেরিয়ং
কন্য়া কল্মষনাশিনী ভগবতী ভাগীরথী পাতু মাম্ ॥ 4 ॥

শৈলেংদ্রাদবতারিণী নিজজলে মজ্জজ্জনোত্তারিণী
পারাবারবিহারিণী ভবভযশ্রেণীসমুত্সারিণী ।
শেষাংগৈরনুকারিণী হরশিরোবল্লীদলাকারিণী
কাশীপ্রাংতবিহারিণী বিজযতে গংগা মনোহারিণী ॥ 5 ॥

কুতো বীচী বীচিস্তব যদি গতা লোচনপথং
ত্বমাপীতা পীতাংবরপুরবাসং বিতরসি ।
ত্বদুত্সংগে গংগে পততি যদি কাযস্তনুভৃতাং
তদা মাতঃ শাংতক্রতবপদলাভোঽপ্যতিলঘুঃ ॥ 6 ॥

ভগবতি তব তীরে নীরমাত্রাশনোঽহং
বিগতবিষযতৃষ্ণঃ কৃষ্ণমারাধয়ামি ।
সকলকলুষভংগে স্বর্গসোপানসংগে
তরলতরতরংগে দেবি গংগে প্রসীদ ॥ 7 ॥

মাতর্জাহ্নবি শংভুসংগমিলিতে মৌলৌ নিধায়াংজলিং
ত্বত্তীরে বপুষোঽবসানসময়ে নারাযণাংঘ্রিদ্বযম্ ।
সানংদং স্মরতো ভবিষ্যতি মম প্রাণপ্রয়াণোত্সবে
ভূয়াদ্ভক্তিরবিচ্য়ুতা হরিহরাদ্বৈতাত্মিকা শাশ্বতী ॥ 8 ॥

গংগাষ্টকমিদং পুণ্য়ং যঃ পঠেত্প্রযতো নরঃ ।
সর্বপাপবিনির্মুক্তো বিষ্ণুলোকং স গচ্ছতি ॥ 9 ॥

ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ গংগাষ্টকং সংপূর্ণম্ ।