সত্য়ং জ্ঞানমনংতং নিত্যমনাকাশং পরমাকাশং
গোষ্ঠপ্রাংগণরিংখণলোলমনায়াসং পরমায়াসম্ ।
মায়াকল্পিতনানাকারমনাকারং ভুবনাকারং
ক্ষ্মামানাথমনাথং প্রণমত গোবিংদং পরমানংদম্ ॥ 1 ॥
মৃত্স্নামত্সীহেতি যশোদাতাডনশৈশবসংত্রাসং
ব্য়াদিতবক্ত্রালোকিতলোকালোকচতুর্দশলোকালিম্ ।
লোকত্রযপুরমূলস্তংভং লোকালোকমনালোকং
লোকেশং পরমেশং প্রণমত গোবিংদং পরমানংদম্ ॥ 2 ॥
ত্রৈবিষ্টপরিপুবীরঘ্নং ক্ষিতিভারঘ্নং ভবরোগঘ্নং
কৈবল্য়ং নবনীতাহারমনাহারং ভুবনাহারম্ ।
বৈমল্যস্ফুটচেতোবৃত্তিবিশেষাভাসমনাভাসং
শৈবং কেবলশাংতং প্রণমত গোবিংদং পরমানংদম্ ॥ 3 ॥
গোপালং প্রভুলীলাবিগ্রহগোপালং কুলগোপালং
গোপীখেলনগোবর্ধনধৃতিলীলালালিতগোপালম্ ।
গোভির্নিগদিতগোবিংদস্ফুটনামানং বহুনামানং
গোধীগোচরদূরং প্রণমত গোবিংদং পরমানংদম্ ॥ 4 ॥
গোপীমংডলগোষ্ঠীভেদং ভেদাবস্থমভেদাভং
শশ্বদ্গোখুরনির্ধূতোদ্গতধূলীধূসরসৌভাগ্যম্ ।
শ্রদ্ধাভক্তিগৃহীতানংদমচিংত্য়ং চিংতিতসদ্ভাবং
চিংতামণিমহিমানং প্রণমত গোবিংদং পরমানংদম্ ॥ 5 ॥
স্নানব্য়াকুলয়োষিদ্বস্ত্রমুপাদায়াগমুপারূঢং
ব্য়াদিত্সংতীরথ দিগ্বস্ত্রা দাতুমুপাকর্ষংতং তাঃ ।
নির্ধূতদ্বযশোকবিমোহং বুদ্ধং বুদ্ধেরংতঃস্থং
সত্তামাত্রশরীরং প্রণমত গোবিংদং পরমানংদম্ ॥ 6 ॥
কাংতং কারণকারণমাদিমনাদিং কালঘনাভাসং
কালিংদীগতকালিযশিরসি সুনৃত্য়ংতং মুহুরত্য়ংতম্ ।
কালং কালকলাতীতং কলিতাশেষং কলিদোষঘ্নং
কালত্রযগতিহেতুং প্রণমত গোবিংদং পরমানংদম্ ॥ 7 ॥
বৃংদাবনভুবি বৃংদারকগণবৃংদারাধিতবংদ্য়ায়াং
কুংদাভামলমংদস্মেরসুধানংদং সুমহানংদম্ ।
বংদ্য়াশেষমহামুনিমানসবংদ্য়ানংদপদদ্বংদ্বং
নংদ্য়াশেষগুণাব্ধিং প্রণমত গোবিংদং পরমানংদম্ ॥ 8 ॥
গোবিংদাষ্টকমেতদধীতে গোবিংদার্পিতচেতা যো
গোবিংদাচ্য়ুত মাধব বিষ্ণো গোকুলনাযক কৃষ্ণেতি ।
গোবিংদাংঘ্রিসরোজধ্য়ানসুধাজলধৌতসমস্তাঘো
গোবিংদং পরমানংদামৃতমংতঃস্থং স তমভ্য়েতি ॥ 9 ॥
ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ শ্রী গোবিংদাষ্টকম্ ।
