ব্রহ্মবিষ্ণুমহেশা ঊচুঃ ।
অজং নির্বিকল্পং নিরাকারমেকং
নিরানংদমদ্বৈতমানংদপূর্ণম্ ।
পরং নির্গুণং নির্বিশেষং নিরীহং
পরব্রহ্মরূপং গণেশং ভজেম ॥ 1 ॥

গুণাতীতমাদ্য়ং চিদানংদরূপং
চিদাভাসকং সর্বগং জ্ঞানগম্যম্ ।
মুনিধ্য়েযমাকাশরূপং পরেশং
পরব্রহ্মরূপং গণেশং ভজেম ॥ 2 ॥

জগত্কারণং কারণজ্ঞানরূপং
সুরাদিং সুখাদিং যুগাদিং গণেশম্ ।
জগদ্ব্য়াপিনং বিশ্ববংদ্য়ং সুরেশং
পরব্রহ্মরূপং গণেশং ভজেম ॥ 3 ॥

রজোয়োগতো ব্রহ্মরূপং শ্রুতিজ্ঞং
সদা কার্যসক্তং হৃদাচিংত্যরূপম্ ।
জগত্কারকং সর্ববিদ্য়ানিধানং
পরব্রহ্মরূপং গণেশং নতাস্মঃ ॥ 4 ॥

সদা সত্ত্বয়োগং মুদা ক্রীডমানং
সুরারীন্হরংতং জগত্পালয়ংতম্ ।
অনেকাবতারং নিজজ্ঞানহারং
সদা বিষ্ণুরূপং গণেশং নমামঃ ॥ 5 ॥

তমোয়োগিনং রুদ্ররূপং ত্রিনেত্রং
জগদ্ধারকং তারকং জ্ঞানহেতুম্ ।
অনেকাগমৈঃ স্বং জনং বোধয়ংতং
সদা শর্বরূপং গণেশং নমামঃ ॥ 6 ॥

তমস্তোমহারং জনাজ্ঞানহারং
ত্রয়ীবেদসারং পরব্রহ্মপারম্ ।
মুনিজ্ঞানকারং বিদূরেবিকারং
সদা ব্রহ্মরূপং গণেশং নমামঃ ॥ 7 ॥

নিজৈরোষধীস্তর্পয়ংতং করোদ্য়ৈঃ
সরৌঘান্কলাভিঃ সুধাস্রাবিণীভিঃ ।
দিনেশাংশু সংতাপহারং দ্বিজেশং
শশাংকস্বরূপং গণেশং নমামঃ ॥ 8 ॥

প্রকাশস্বরূপং নভোবায়ুরূপং
বিকারাদিহেতুং কলাকালভূতম্ ।
অনেকক্রিয়ানেকশক্তিস্বরূপং
সদা শক্তিরূপং গণেশং নমামঃ ॥ 9 ॥

প্রধানস্বরূপং মহত্তত্ত্বরূপং
ধরাবারিরূপং দিগীশাদিরূপম্ ।
অসত্সত্স্বরূপং জগদ্ধেতুভূতং
সদা বিশ্বরূপং গণেশং নতাস্মঃ ॥ 10 ॥

ত্বদীয়ে মনঃ স্থাপয়েদংঘ্রিয়ুগ্মে
জনো বিঘ্নসংঘান্ন পীডাং লভেত ।
লসত্সূর্যবিংবে বিশালে স্থিতোঽয়ং
জনোধ্বাংত পীডাং কথং বা লভেত ॥ 11 ॥

বয়ং ভ্রামিতাঃ সর্বথাঽজ্ঞানয়োগা-
-দলব্ধা তবাংঘ্রিং বহূন্বর্ষপূগান্ ।
ইদানীমবাপ্তাস্তবৈব প্রসাদা-
-ত্প্রপন্নান্সদা পাহি বিশ্বংভরাদ্য় ॥ 12 ॥

গণেশ উবাচ ।
ইদং যঃ পঠেত্প্রাতরুত্থায় ধীমান্
ত্রিসংধ্য়ং সদা ভক্তিয়ুক্তো বিশুদ্ধঃ ।
সপুত্রান্ শ্রিয়ং সর্বকামান্ লভেত
পরব্রহ্মরূপো ভবেদংতকালে ॥ 13 ॥

ইতি গণেশপুরাণে উপাসনাখংডে ত্রয়োদশোঽধ্য়ায়ে শ্রীগণপতিস্তবঃ ।