অস্য় শ্রীদক্ষিণামূর্তি সহস্রনামস্তোত্রস্য় ব্রহ্মা ঋষিঃ অনুষ্টুপ্ ছংদঃ শ্রীদক্ষিণামূর্তির্দেবতা ওং বীজং স্বাহা শক্তিঃ নমঃ কীলকং মেধাদক্ষিণামূর্তি প্রসাদসিদ্ধ্যর্থে জপে বিনিয়োগঃ ॥
হ্রামিত্য়াদিনা ন্য়াসঃ ॥
ধ্য়ানং
সিদ্ধিতোযনিধের্মধ্য়ে রত্নগ্রৈবে মনোরমে ।
কদংববনিকামধ্য়ে শ্রীমদ্বটতরোরধঃ ॥ 1 ॥
আসীনমাদ্য়ং পুরুষমাদিমধ্য়াংতবর্জিতম্ ।
শুদ্ধস্ফটিকগোক্ষীরশরত্পূর্ণেংদুশেখরম্ ॥ 2 ॥
দক্ষিণে চাক্ষমালাং চ বহ্নিং বৈ বামহস্তকে ।
জটামংডলসংলগ্নশীতাংশুকরমংডিতম্ ॥ 3 ॥
নাগহারধরং চারুকংকণৈঃ কটিসূত্রকৈঃ ।
বিরাজমানবৃষভং ব্য়াঘ্রচর্মাংবরাবৃতম্ ॥ 4 ॥
চিংতামণিমহাবৃংদৈঃ কল্পকৈঃ কামধেনুভিঃ ।
চতুঃষষ্টিকলাবিদ্য়ামূর্তিভিঃ শ্রুতিমস্তকৈঃ ॥ 5 ॥
রত্নসিংহাসনে সাধুদ্বীপিচর্মসমায়ুতে ।
তত্রাষ্টদলপদ্মস্য় কর্ণিকায়াং সুশোভনে ॥ 6 ॥
বীরাসনে সমাসীনং লংবদক্ষপদাংবুজম্ ।
জ্ঞানমুদ্রাং পুস্তকং চ বরাভীতিধরং হরম্ ॥ 7 ॥
পাদমূলসমাক্রাংতমহাপস্মারবৈভবম্ ।
রুদ্রাক্ষমালাভরণভূষিতং ভূতিভাসুরম্ ॥ 8 ॥
গজচর্মোত্তরীয়ং চ মংদস্মিতমুখাংবুজম্ ।
সিদ্ধবৃংদৈর্য়োগিবৃংদৈর্মুনিবৃংদৈর্নিষেবিতম্ ॥ 9 ॥
আরাধ্যমানবৃষভমগ্নীংদুরবিলোচনম্ ।
পূরয়ংতং কৃপাদৃষ্ট্য়া পুমর্থানাশ্রিতে জনে ॥ 10 ॥
এবং বিভাবয়েদীশং সর্ববিদ্য়াকলানিধিম্ ॥ 11 ॥
লমিত্য়াদি পংচোপচারাঃ ॥
স্তোত্রং
ওম্ । দেবদেবো মহাদেবো দেবানামপি দেশিকঃ ।
দক্ষিণামূর্তিরীশানো দয়াপূরিতদিঙ্মুখঃ ॥ 1 ॥
কৈলাসশিখরোত্তুংগকমনীযনিজাকৃতিঃ ।
বটদ্রুমতটীদিব্যকনকাসনসংস্থিতঃ ॥ 2 ॥
কটীতটপটীভূতকরিচর্মোজ্জ্বলাকৃতিঃ ।
পাটীরপাংডুরাকারপরিপূর্ণসুধাধিপঃ ।3 ॥
জটাকোটীরঘটিতসুধাকরসুধাপ্লুতঃ ।
পশ্যল্ললাটসুভগসুংদরভ্রূবিলাসবান্ ॥ 4 ॥
কটাক্ষসরণীনির্যত্করুণাপূর্ণলোচনঃ ।
কর্ণালোলতটিদ্বর্ণকুংডলোজ্জ্বলগংডভূঃ ॥ 5 ॥
তিলপ্রসূনসংকাশনাসিকাপুটভাসুরঃ ।
মংদস্মিতস্ফুরন্মুগ্ধমহনীযমুখাংবুজঃ ॥ 6 ॥
কুংদকুড্মলসংস্পর্ধিদংতপংক্তিবিরাজিতঃ ।
সিংদূরারুণসুস্নিগ্ধকোমলাধরপল্লবঃ ॥ 7 ॥
শংখাটোপগলদ্দিব্যগলবৈভবমংজুলঃ ।
করকংদলিতজ্ঞানমুদ্রারুদ্রাক্ষমালিকঃ ॥ 8 ॥
অন্যহস্ততলন্যস্তবীণাপুস্তোল্লসদ্বপুঃ ।
বিশালরুচিরোরস্কবলিমত্পল্লবোদরঃ ॥ 9 ॥
বৃহত্কটিনিতংবাঢ্য়ঃ পীবরোরুদ্বয়ান্বিতঃ ।
জংঘাবিজিততূণীরস্তুংগগুল্ফয়ুগোজ্জ্বলঃ ॥ 10 ॥
মৃদুপাটলপাদাব্জশ্চংদ্রাভনখদীধিতিঃ ।
অপসব্য়োরুবিন্যস্তসব্যপাদসরোরুহঃ ॥ 11 ॥
ঘোরাপস্মারনিক্ষিপ্তধীরদক্ষপদাংবুজঃ ।
সনকাদিমুনিধ্য়েয়ঃ সর্বাভরণভূষিতঃ ॥ 12 ॥
দিব্যচংদনলিপ্তাংগশ্চারুহাসপরিষ্কৃতঃ ।
কর্পূরধবলাকারঃ কংদর্পশতসুংদরঃ ॥ 13 ॥
কাত্য়াযনীপ্রেমনিধিঃ করুণারসবারিধিঃ ।
কামিতার্থপ্রদঃ শ্রীমত্কমলাবল্লভপ্রিয়ঃ ॥ 14 ॥
কটাক্ষিতাত্মবিজ্ঞানঃ কৈবল্য়ানংদকংদলঃ ।
মংদহাসসমানেংদুশ্ছিন্নাজ্ঞানতমস্ততিঃ ॥ 15 ॥
সংসারানলসংতপ্তজনতামৃতসাগরঃ ।
গংভীরহৃদয়াংভোজনভোমণিনিভাকৃতিঃ ॥ 16 ॥
নিশাকরকরাকারবশীকৃতজগত্ত্রয়ঃ ।
তাপসারাধ্যপাদাব্জস্তরুণানংদবিগ্রহঃ ॥ 17 ॥
ভূতিভূষিতসর্বাংগো ভূতাধিপতিরীশ্বরঃ ।
বদনেংদুস্মিতজ্য়োত্স্নানিলীনত্রিপুরাকৃতিঃ ॥ 18 ॥
তাপত্রযতমোভানুঃ পাপারণ্যদবানলঃ ।
সংসারসাগরোদ্ধর্তা হংসাগ্র্য়োপাস্যবিগ্রহঃ ॥ 19 ॥
ললাটহুতভুগ্দগ্ধমনোভবশুভাকৃতিঃ ।
তুচ্ছীকৃতজগজ্জালস্তুষারকরশীতলঃ ॥ 20 ॥
অস্তংগতসমস্তেচ্ছো নিস্তুলানংদমংথরঃ ।
ধীরোদাত্তগুণাধার উদারবরবৈভবঃ ॥ 21 ॥
অপারকরুণামূর্তিরজ্ঞানধ্বাংতভাস্করঃ ।
ভক্তমানসহংসাগ্র্য়ো ভবামযভিষক্তমঃ ॥ 22 ॥
যোগীংদ্রপূজ্যপাদাব্জো যোগপট্টোল্লসত্কটিঃ ।
শুদ্ধস্ফটিকসংকাশো বদ্ধপন্নগভূষণঃ ॥ 23 ॥
নানামুনিসমাকীর্ণো নাসাগ্রন্যস্তলোচনঃ ।
বেদমূর্ধৈকসংবেদ্য়ো নাদধ্য়ানপরাযণঃ ॥ 24 ॥
ধরাধরেংদুরানংদসংদোহরসসাগরঃ ।
দ্বৈতবৃংদবিমোহাংধ্যপরাকৃতদৃগদ্ভুতঃ ॥ 25 ॥
প্রত্যগাত্মা পরংজ্য়োতিঃ পুরাণঃ পরমেশ্বরঃ ।
প্রপংচোপশমঃ প্রাজ্ঞঃ পুণ্যকীর্তিঃ পুরাতনঃ ॥ 26 ॥
সর্বাধিষ্ঠানসন্মাত্রঃ স্বাত্মবংধহরো হরঃ ।
সর্বপ্রেমনিজাহাসঃ সর্বানুগ্রহকৃচ্ছিবঃ ॥ 27 ॥
সর্বেংদ্রিযগুণাভাসঃ সর্বভূতগুণাশ্রয়ঃ ।
সচ্চিদানংদপূর্ণাত্মা সর্বভূতগুণাশ্রয়ঃ ॥ 28 ॥
সর্বভূতাংতরঃ সাক্ষী সর্বজ্ঞঃ সর্বকামদঃ ।
সনকাদিমহায়োগিসমারাধিতপাদুকঃ ॥ 29 ॥
আদিদেবো দয়াসিংধুঃ শিক্ষিতাসুরবিগ্রহঃ ।
যক্ষকিন্নরগংধর্বস্তূযমানাত্মবৈভবঃ ॥ 30 ॥
ব্রহ্মাদিদেববিনুতো যোগমায়ানিয়োজকঃ ।
শিবয়োগী শিবানংদঃ শিবভক্তসমুদ্ধরঃ ॥ 31 ॥
বেদাংতসারসংদোহঃ সর্বসত্ত্বাবলংবনঃ ।
বটমূলাশ্রয়ো বাগ্মী মান্য়ো মলযজপ্রিয়ঃ ॥ 32 ॥
সুশীলো বাংছিতার্থজ্ঞঃ প্রসন্নবদনেক্ষণঃ ।
নৃত্তগীতকলাভিজ্ঞঃ কর্মবিত্কর্মমোচকঃ ॥ 33 ॥
কর্মসাক্ষী কর্মময়ঃ কর্মণাং চ ফলপ্রদঃ ।
জ্ঞানদাতা সদাচারঃ সর্বোপদ্রবমোচকঃ ॥ 34 ॥
অনাথনাথো ভগবানাশ্রিতামরপাদপঃ ।
বরপ্রদঃ প্রকাশাত্মা সর্বভূতহিতে রতঃ ॥ 35 ॥
ব্য়াঘ্রচর্মাসনাসীন আদিকর্তা মহেশ্বরঃ ।
সুবিক্রমঃ সর্বগতো বিশিষ্টজনবত্সলঃ ॥ 36 ॥
চিংতাশোকপ্রশমনো জগদানংদকারকঃ ।
রশ্মিমান্ ভুবনেশশ্চ দেবাসুরসুপূজিতঃ ॥ 37 ॥
মৃত্য়ুংজয়ো ব্য়োমকেশঃ ষট্ত্রিংশত্তত্ত্বসংগ্রহঃ ।
অজ্ঞাতসংভবো ভিক্ষুরদ্বিতীয়ো দিগংবরঃ ॥ 38 ॥
সমস্তদেবতামূর্তিঃ সোমসূর্য়াগ্নিলোচনঃ ।
সর্বসাম্রাজ্যনিপুণো ধর্মমার্গপ্রবর্তকঃ ॥ 39 ॥
বিশ্বাধিকঃ পশুপতিঃ পশুপাশবিমোচকঃ ।
অষ্টমূর্তির্দীপ্তমূর্তির্নামোচ্চারণমুক্তিদঃ ॥ 40 ॥
সহস্রাদিত্যসংকাশঃ সদাষোডশবার্ষিকঃ ।
দিব্যকেলীসমায়ুক্তো দিব্যমাল্য়াংবরাবৃতঃ ॥ 41 ॥
অনর্ঘরত্নসংপূর্ণো মল্লিকাকুসুমপ্রিয়ঃ ।
তপ্তচামীকরাকারো জিতদাবানলাকৃতিঃ ॥ 42 ॥
নিরংজনো নির্বিকারো নিজাবাসো নিরাকৃতিঃ ।
জগদ্গুরুর্জগত্কর্তা জগদীশো জগত্পতিঃ ॥ 43 ॥
কামহংতা কামমূর্তিঃ কল্য়াণবৃষবাহনঃ ।
গংগাধরো মহাদেবো দীনবংধবিমোচকঃ ॥ 44 ॥
ধূর্জটিঃ খংডপরশুঃ সদ্গুণো গিরিজাসখঃ ।
অব্যয়ো ভূতসেনেশঃ পাপঘ্নঃ পুণ্যদাযকঃ ॥ 45 ॥
উপদেষ্টা দৃঢপ্রজ্ঞো রুদ্রো রোগবিনাশনঃ ।
নিত্য়ানংদো নিরাধারো হরো দেবশিখামণিঃ ॥ 46 ॥
প্রণতার্তিহরঃ সোমঃ সাংদ্রানংদো মহামতিঃ ।
আশ্চর্যবৈভবো দেবঃ সংসারার্ণবতারকঃ ॥ 47 ॥
যজ্ঞেশো রাজরাজেশো ভস্মরুদ্রাক্ষলাংছনঃ ।
অনংতস্তারকঃ স্থাণুঃ সর্ববিদ্য়েশ্বরো হরিঃ ॥ 48 ॥
বিশ্বরূপো বিরূপাক্ষঃ প্রভুঃ পরিবৃঢো দৃঢঃ ।
ভব্য়ো জিতারিষড্বর্গো মহোদারো বিষাশনঃ ॥ 49 ॥
সুকীর্তিরাদিপুরুষো জরামরণবর্জিতঃ ।
প্রমাণভূতো দুর্জ্ঞেয়ঃ পুণ্য়ঃ পরপুরংজয়ঃ ॥ 50 ॥
গুণাকরো গুণশ্রেষ্ঠঃ সচ্চিদানংদবিগ্রহঃ ।
সুখদঃ কারণং কর্তা ভববংধবিমোচকঃ ॥ 51 ॥
অনির্বিণ্ণো গুণগ্রাহী নিষ্কলংকঃ কলংকহা ।
পুরুষঃ শাশ্বতো যোগী ব্যক্তাব্যক্তঃ সনাতনঃ ॥ 52 ॥
চরাচরাত্মা সূক্ষ্মাত্মা বিশ্বকর্মা তমোপহৃত্ ।
ভুজংগভূষণো ভর্গস্তরুণঃ করুণালয়ঃ ॥ 53 ॥
অণিমাদিগুণোপেতো লোকবশ্যবিধাযকঃ ।
যোগপট্টধরো মুক্তো মুক্তানাং পরমা গতিঃ ॥ 54 ॥
গুরুরূপধরঃ শ্রীমত্পরমানংদসাগরঃ ।
সহস্রবাহুঃ সর্বেশঃ সহস্রাবযবান্বিতঃ ॥ 55 ॥
সহস্রমূর্ধা সর্বাত্মা সহস্রাক্ষঃ সহস্রপাত্ ।
নিরাভাসঃ সূক্ষ্মতনুর্হৃদি জ্ঞাতঃ পরাত্পরঃ ॥ 56 ॥
সর্বাত্মগঃ সর্বসাক্ষী নিঃসংগো নিরুপদ্রবঃ ।
নিষ্কলঃ সকলাধ্যক্ষশ্চিন্মযস্তমসঃ পরঃ ॥ 57 ॥
জ্ঞানবৈরাগ্যসংপন্নো যোগানংদময়ঃ শিবঃ ।
শাশ্বতৈশ্বর্যসংপূর্ণো মহায়োগীশ্বরেশ্বরঃ ॥ 58 ॥
সহস্রশক্তিসংয়ুক্তঃ পুণ্যকায়ো দুরাসদঃ ।
তারকব্রহ্মসংপূর্ণস্তপস্বিজনসংবৃতঃ ॥ 59 ॥
বিধীংদ্রামরসংপূজ্য়ো জ্য়োতিষাং জ্য়োতিরুত্তমঃ ।
নিরক্ষরো নিরালংবঃ স্বাত্মারামো বিকর্তনঃ ॥ 60 ॥
নিরবদ্য়ো নিরাতংকো ভীমো ভীমপরাক্রমঃ ।
বীরভদ্রঃ পুরারাতির্জলংধরশিরোহরঃ ॥ 61 ॥
অংধকাসুরসংহর্তা ভগনেত্রভিদদ্ভুতঃ ।
বিশ্বগ্রাসোঽধর্মশত্রুর্ব্রহ্মজ্ঞানৈকমংথরঃ ॥ 62 ॥
অগ্রেসরস্তীর্থভূতঃ সিতভস্মাবকুংঠনঃ ।
অকুংঠমেধাঃ শ্রীকংঠো বৈকুংঠপরমপ্রিয়ঃ ॥ 63 ॥
ললাটোজ্জ্বলনেত্রাব্জস্তুষারকরশেখরঃ ।
গজাসুরশিরশ্ছেত্তা গংগোদ্ভাসিতমূর্ধজঃ ॥ 64 ॥
কল্য়াণাচলকোদংডঃ কমলাপতিসাযকঃ ।
বারাংশেবধিতূণীরঃ সরোজাসনসারথিঃ ॥ 65 ॥
ত্রয়ীতুরংগসংক্রাংতো বাসুকিজ্য়াবিরাজিতঃ ।
রবীংদুচরণাচারিধরারথবিরাজিতঃ ॥ 66 ॥
ত্রয়্য়ংতপ্রগ্রহোদারচারুঘংটারবোজ্জ্বলঃ ।
উত্তানপর্বলোমাঢ্য়ো লীলাবিজিতমন্মথঃ ॥ 67 ॥
জাতুপ্রপন্নজনতাজীবনোপাযনোত্সুকঃ ।
সংসারার্ণবনির্মগ্নসমুদ্ধরণপংডিতঃ ॥ 68 ॥
মদদ্বিরদধিক্কারিগতিমংজুলবৈভবঃ ।
মত্তকোকিলমাধুর্যরসনির্ভরগীর্গণঃ ॥ 69 ॥
কৈবল্য়োদধিকল্লোললীলাতাংডবপংডিতঃ ।
বিষ্ণুর্জিষ্ণুর্বাসুদেবঃ প্রভবিষ্ণুঃ পুরাতনঃ ॥ 70 ॥
বর্ধিষ্ণুর্বরদো বৈদ্য়ো হরির্নারাযণোঽচ্য়ুতঃ ।
অজ্ঞানবনদাবাগ্নিঃ প্রজ্ঞাপ্রাসাদভূপতিঃ ॥ 71 ॥
সর্পভূষিতসর্বাংগঃ কর্পূরোজ্জ্বলিতাকৃতিঃ ।
অনাদিমধ্যনিধনো গিরীশো গিরিজাপতিঃ ॥ 72 ॥
বীতরাগো বিনীতাত্মা তপস্বী ভূতভাবনঃ ।
দেবাসুরগুরুধ্য়েয়ো দেবাসুরনমস্কৃতঃ ॥ 73 ॥
দেবাদিদেবো দেবর্ষির্দেবাসুরবরপ্রদঃ ।
সর্বদেবময়োঽচিংত্য়ো দেবাত্মা চাত্মসংভবঃ ॥ 74 ॥
নির্লেপো নিষ্প্রপংচাত্মা নির্বিঘ্নো বিঘ্ননাশকঃ ।
একজ্য়োতির্নিরাতংকো ব্য়াপ্তমূর্তিরনাকুলঃ ॥ 75 ॥
নিরবদ্যপদোপাধির্বিদ্য়ারাশিরনুত্তমঃ ।
নিত্য়ানংদঃ সুরাধ্যক্ষো নিঃসংকল্পো নিরংজনঃ ॥ 76 ॥
নিষ্কলংকো নিরাকারো নিষ্প্রপংচো নিরাময়ঃ ।
বিদ্য়াধরো বিযত্কেশো মার্কংডেযবরপ্রদঃ ॥ 77 ॥
ভৈরবো ভৈরবীনাথঃ কামদঃ কমলাসনঃ ।
বেদবেদ্য়ঃ সুরানংদো লসজ্জ্য়োতিঃ প্রভাকরঃ ॥ 78 ॥
চূডামণিঃ সুরাধীশো যজ্ঞগেয়ো হরিপ্রিয়ঃ ।
নির্লেপো নীতিমান্ সূত্রী শ্রীহালাহলসুংদরঃ ॥ 79 ॥
ধর্মদক্ষো মহারাজঃ কিরীটী বংদিতো গুহঃ ।
মাধবো যামিনীনাথঃ শংবরঃ শবরীপ্রিয়ঃ ॥ 80 ॥
সংগীতবেত্তা লোকজ্ঞঃ শাংতঃ কলশসংভবঃ ।
ব্রহ্মণ্য়ো বরদো নিত্য়ঃ শূলী গুরুবরো হরঃ ॥ 81 ॥
মার্তাংডঃ পুংডরীকাক্ষো লোকনাযকবিক্রমঃ ।
মুকুংদার্চ্য়ো বৈদ্যনাথঃ পুরংদরবরপ্রদঃ ॥ 82 ॥
ভাষাবিহীনো ভাষাজ্ঞো বিঘ্নেশো বিঘ্ননাশনঃ ।
কিন্নরেশো বৃহদ্ভানুঃ শ্রীনিবাসঃ কপালভৃত্ ॥ 83 ॥
বিজয়ো ভূতভাবজ্ঞো ভীমসেনো দিবাকরঃ ।
বিল্বপ্রিয়ো বসিষ্ঠেশঃ সর্বমার্গপ্রবর্তকঃ ॥ 84 ॥
ওষধীশো বামদেবো গোবিংদো নীললোহিতঃ ।
ষডর্ধনযনঃ শ্রীমন্মহাদেবো বৃষধ্বজঃ ॥ 85 ॥
কর্পূরদীপিকালোলঃ কর্পূররসচর্চিতঃ ।
অব্য়াজকরুণামূর্তিস্ত্য়াগরাজঃ ক্ষপাকরঃ ॥ 86 ॥
আশ্চর্যবিগ্রহঃ সূক্ষ্মঃ সিদ্ধেশঃ স্বর্ণভৈরবঃ ।
দেবরাজঃ কৃপাসিংধুরদ্বয়োঽমিতবিক্রমঃ ॥ 87 ॥
নির্ভেদো নিত্যসত্বস্থো নির্য়োগক্ষেম আত্মবান্ ।
নিরপায়ো নিরাসংগো নিঃশব্দো নিরুপাধিকঃ ॥ 88 ॥
ভবঃ সর্বেশ্বরঃ স্বামী ভবভীতিবিভংজনঃ ।
দারিদ্র্যতৃণকূটাগ্নির্দারিতাসুরসংততিঃ ॥ 89 ॥
মুক্তিদো মুদিতোঽকুব্জো ধার্মিকো ভক্তবত্সলঃ ।
অভ্য়াসাতিশযজ্ঞেযশ্চংদ্রমৌলিঃ কলাধরঃ ॥ 90 ॥
মহাবলো মহাবীর্য়ো বিভুঃ শ্রীশঃ শুভপ্রদঃ ।
সিদ্ধঃ পুরাণপুরুষো রণমংডলভৈরবঃ ॥ 91 ॥
সদ্য়োজাতো বটারণ্যবাসী পুরুষবল্লভঃ ।
হরিকেশো মহাত্রাতা নীলগ্রীবঃ সুমংগলঃ ॥ 92 ॥
হিরণ্যবাহুস্তীক্ষ্ণাংশুঃ কামেশঃ সোমবিগ্রহঃ ।
সর্বাত্মা সর্বকর্তা চ তাংডবো মুংডমালিকঃ ॥ 93 ॥
অগ্রগণ্য়ঃ সুগংভীরো দেশিকো বৈদিকোত্তমঃ ।
প্রসন্নদেবো বাগীশশ্চিংতাতিমিরভাস্করঃ ॥ 94 ॥
গৌরীপতিস্তুংগমৌলির্মখরাজো মহাকবিঃ ।
শ্রীধরঃ সর্বসিদ্ধেশো বিশ্বনাথো দয়ানিধিঃ ॥ 95 ॥
অংতর্মুখো বহির্দৃষ্টিঃ সিদ্ধবেষমনোহরঃ ।
কৃত্তিবাসাঃ কৃপাসিংধুর্মংত্রসিদ্ধো মতিপ্রদঃ ॥ 96 ॥
মহোত্কৃষ্টঃ পুণ্যকরো জগত্সাক্ষী সদাশিবঃ ।
মহাক্রতুর্মহাযজ্বা বিশ্বকর্মা তপোনিধিঃ ॥ 97 ॥
ছংদোময়ো মহাজ্ঞানী সর্বজ্ঞো দেববংদিতঃ ।
সার্বভৌমঃ সদানংদঃ করুণামৃতবারিধিঃ ॥ 98 ॥
কালকালঃ কলিধ্বংসী জরামরণনাশকঃ ।
শিতিকংঠশ্চিদানংদো যোগিনীগণসেবিতঃ ॥ 99 ॥
চংডীশঃ শুকসংবেদ্য়ঃ পুণ্যশ্লোকো দিবস্পতিঃ ।
স্থায়ী সকলতত্ত্বাত্মা সদাসেবকবর্ধনঃ ॥ 100 ॥
রোহিতাশ্বঃ ক্ষমারূপী তপ্তচামীকরপ্রভঃ ।
ত্রিয়ংবকো বররুচির্দেবদেবশ্চতুর্ভুজঃ ॥ 101 ॥
বিশ্বংভরো বিচিত্রাংগো বিধাতা পুরশাসনঃ ।
সুব্রহ্মণ্য়ো জগত্স্বামী রোহিতাক্ষঃ শিবোত্তমঃ ॥ 102 ॥
নক্ষত্রমালাভরণো মঘবান্ অঘনাশনঃ ।
বিধিকর্তা বিধানজ্ঞঃ প্রধানপুরুষেশ্বরঃ ॥ 103 ॥
চিংতামণিঃ সুরগুরুর্ধ্য়েয়ো নীরাজনপ্রিয়ঃ ।
গোবিংদো রাজরাজেশো বহুপুষ্পার্চনপ্রিয়ঃ ॥ 104 ॥
সর্বানংদো দয়ারূপী শৈলজাসুমনোহরঃ ।
সুবিক্রমঃ সর্বগতো হেতুসাধনবর্জিতঃ ॥ 105 ॥
বৃষাংকো রমণীয়াংগঃ সদংঘ্রিঃ সামপারগঃ ।
মংত্রাত্মা কোটিকংদর্পসৌংদর্যরসবারিধিঃ ॥ 106 ॥
যজ্ঞেশো যজ্ঞপুরুষঃ সৃষ্টিস্থিত্য়ংতকারণম্ ।
পরহংসৈকজিজ্ঞাস্য়ঃ স্বপ্রকাশস্বরূপবান্ ॥ 107 ॥
মুনিমৃগ্য়ো দেবমৃগ্য়ো মৃগহস্তো মৃগেশ্বরঃ ।
মৃগেংদ্রচর্মবসনো নরসিংহনিপাতনঃ ॥ 108 ॥
মুনিবংদ্য়ো মুনিশ্রেষ্ঠো মুনিবৃংদনিষেবিতঃ ।
দুষ্টমৃত্য়ুরদুষ্টেহো মৃত্য়ুহা মৃত্য়ুপূজিতঃ ॥ 109 ॥
অব্যক্তোঽংবুজজন্মাদিকোটিকোটিসুপূজিতঃ ।
লিংগমূর্তিরলিংগাত্মা লিংগাত্মা লিংগবিগ্রহঃ ॥ 110 ॥
যজুর্মূর্তিঃ সামমূর্তিরৃঙ্মূর্তির্মূর্তিবর্জিতঃ ।
বিশ্বেশো গজচর্মৈকচেলাংচিতকটীতটঃ ॥ 111 ॥
পাবনাংতেবসদ্য়োগিজনসার্থসুধাকরঃ ।
অনংতসোমসূর্য়াগ্নিমংডলপ্রতিমপ্রভঃ ॥ 112 ॥
চিংতাশোকপ্রশমনঃ সর্ববিদ্য়াবিশারদঃ ।
ভক্তবিজ্ঞপ্তিসংধাতা কর্তা গিরিবরাকৃতিঃ ॥ 113 ॥
জ্ঞানপ্রদো মনোবাসঃ ক্ষেম্য়ো মোহবিনাশনঃ ।
সুরোত্তমশ্চিত্রভানুঃ সদাবৈভবতত্পরঃ ॥ 114 ॥
সুহৃদগ্রেসরঃ সিদ্ধজ্ঞানমুদ্রো গণাধিপঃ ।
আগমশ্চর্মবসনো বাংছিতার্থফলপ্রদঃ ॥ 115 ॥
অংতর্হিতোঽসমানশ্চ দেবসিংহাসনাধিপঃ ।
বিবাদহংতা সর্বাত্মা কালঃ কালবিবর্জিতঃ ॥ 116 ॥
বিশ্বাতীতো বিশ্বকর্তা বিশ্বেশো বিশ্বকারণম্ ।
যোগিধ্য়েয়ো যোগনিষ্ঠো যোগাত্মা যোগবিত্তমঃ ॥ 117 ॥
ওংকাররূপো ভগবান্ বিংদুনাদময়ঃ শিবঃ ।
চতুর্মুখাদিসংস্তুত্যশ্চতুর্বর্গফলপ্রদঃ ॥ 118 ॥
সহ্য়াচলগুহাবাসী সাক্ষান্মোক্ষরসামৃতঃ ।
দক্ষাধ্বরসমুচ্ছেত্তা পক্ষপাতবিবর্জিতঃ ॥ 119 ॥
ওংকারবাচকঃ শংভুঃ শংকরঃ শশিশীতলঃ ।
পংকজাসনসংসেব্য়ঃ কিংকরামরবত্সলঃ ॥ 120 ॥
নতদৌর্ভাগ্যতূলাগ্নিঃ কৃতকৌতুকমংগলঃ ।
ত্রিলোকমোহনঃ শ্রীমত্ত্রিপুংড্রাংকিতমস্তকঃ ॥ 121 ॥
ক্রৌংচারিজনকঃ শ্রীমদ্গণনাথসুতান্বিতঃ ।
অদ্ভুতানংতবরদোঽপরিচ্ছিনাত্মবৈভবঃ ॥ 122 ॥
ইষ্টাপূর্তপ্রিয়ঃ শর্ব একবীরঃ প্রিয়ংবদঃ ।
ঊহাপোহবিনির্মুক্ত ওংকারেশ্বরপূজিতঃ ॥ 123 ॥
রুদ্রাক্ষবক্ষা রুদ্রাক্ষরূপো রুদ্রাক্ষপক্ষকঃ ।
ভুজগেংদ্রলসত্কংঠো ভুজংগাভরণপ্রিয়ঃ ॥ 124 ॥
কল্য়াণরূপঃ কল্য়াণঃ কল্য়াণগুণসংশ্রয়ঃ ।
সুংদরভ্রূঃ সুনযনঃ সুললাটঃ সুকংধরঃ ॥ 125 ॥
বিদ্বজ্জনাশ্রয়ো বিদ্বজ্জনস্তব্যপরাক্রমঃ ।
বিনীতবত্সলো নীতিস্বরূপো নীতিসংশ্রয়ঃ ॥ 126 ॥
অতিরাগী বীতরাগী রাগহেতুর্বিরাগবিত্ ।
রাগহা রাগশমনো রাগদো রাগিরাগবিত্ ॥ 127 ॥
মনোন্মনো মনোরূপো বলপ্রমথনো বলঃ ।
বিদ্য়াকরো মহাবিদ্য়ো বিদ্য়াবিদ্য়াবিশারদঃ ॥ 128 ॥
বসংতকৃদ্বসংতাত্মা বসংতেশো বসংতদঃ ।
প্রাবৃট্কৃত্ প্রাবৃডাকারঃ প্রাবৃট্কালপ্রবর্তকঃ ॥ 129 ॥
শরন্নাথো শরত্কালনাশকঃ শরদাশ্রয়ঃ ।
কুংদমংদারপুষ্পৌঘলসদ্বায়ুনিষেবিতঃ ॥ 130 ॥
দিব্যদেহপ্রভাকূটসংদীপিতদিগংতরঃ ।
দেবাসুরগুরুস্তব্য়ো দেবাসুরনমস্কৃতঃ ॥ 131 ॥
বামাংগভাগবিলসচ্ছ্য়ামলাবীক্ষণপ্রিয়ঃ ।
কীর্ত্য়াধারঃ কীর্তিকরঃ কীর্তিহেতুরহেতুকঃ ॥ 132 ॥
শরণাগতদীনার্তপরিত্রাণপরাযণঃ ।
মহাপ্রেতাসনাসীনো জিতসর্বপিতামহঃ ॥ 133 ॥
মুক্তাদামপরীতাংগো নানাগানবিশারদঃ ।
বিষ্ণুব্রহ্মাদিবংদ্য়াংঘ্রির্নানাদেশৈকনাযকঃ ॥ 134 ॥
ধীরোদাত্তো মহাধীরো ধৈর্যদো ধৈর্যবর্ধকঃ ।
বিজ্ঞানময় আনংদময়ঃ প্রাণময়োঽন্নদঃ ॥ 135 ॥
ভবাব্ধিতরণোপায়ঃ কবির্দুঃস্বপ্ননাশনঃ ।
গৌরীবিলাসসদনঃ পিশচানুচরাবৃতঃ ॥ 136 ॥
দক্ষিণাপ্রেমসংতুষ্টো দারিদ্র্যবডবানলঃ ।
অদ্ভুতানংতসংগ্রামো ঢক্কাবাদনতত্পরঃ ॥ 137 ॥
প্রাচ্য়াত্মা দক্ষিণাকারঃ প্রতীচ্য়াত্মোত্তরাকৃতিঃ ।
ঊর্ধ্বাদ্যন্যদিগাকারো মর্মজ্ঞঃ সর্বশিক্ষকঃ ॥ 138 ॥
যুগাবহো যুগাধীশো যুগাত্মা যুগনাযকঃ ।
জংগমঃ স্থাবরাকারঃ কৈলাসশিখরপ্রিয়ঃ ॥ 139 ॥
হস্তরাজত্পুংডরীকঃ পুংডরীকনিভেক্ষণঃ ।
লীলাবিডংবিতবপুর্ভক্তমানসমংডিতঃ ॥ 140 ॥
বৃংদারকপ্রিযতমো বৃংদারকবরার্চিতঃ ।
নানাবিধানেকরত্নলসত্কুংডলমংডিতঃ ॥ 141 ॥
নিঃসীমমহিমা নিত্যলীলাবিগ্রহরূপধৃত্ ।
চংদনদ্রবদিগ্ধাংগশ্চাংপেযকুসুমার্চিতঃ ॥ 142 ॥
সমস্তভক্তসুখদঃ পরমাণুর্মহাহ্রদঃ ।
অলৌকিকো দুষ্প্রধর্ষঃ কপিলঃ কালকংধরঃ ॥ 143 ॥
কর্পূরগৌরঃ কুশলঃ সত্যসংধো জিতেংদ্রিয়ঃ ।
শাশ্বতৈশ্বর্যবিভবঃ পোষকঃ সুসমাহিতঃ ॥ 144 ॥
মহর্ষিনাথিতো ব্রহ্ময়োনিঃ সর্বোত্তমোত্তমঃ ।
ভূমিভারার্তিসংহর্তা ষডূর্মিরহিতো মৃডঃ ॥ 145 ॥
ত্রিবিষ্টপেশ্বরঃ সর্বহৃদয়াংবুজমধ্যগঃ ।
সহস্রদলপদ্মস্থঃ সর্ববর্ণোপশোভিতঃ ॥ 146 ॥
পুণ্যমূর্তিঃ পুণ্যলভ্য়ঃ পুণ্যশ্রবণকীর্তনঃ ।
সূর্যমংডলমধ্যস্থশ্চংদ্রমংডলমধ্যগঃ ॥ 147 ॥
সদ্ভক্তধ্য়াননিগলঃ শরণাগতপালকঃ ।
শ্বেতাতপত্ররুচিরঃ শ্বেতচামরবীজিতঃ ॥ 148 ॥
সর্বাবযবসংপূর্ণঃ সর্বলক্ষণলক্ষিতঃ ।
সর্বমংগলমাংগল্য়ঃ সর্বকারণকারণঃ ॥ 149 ॥
আমোদো মোদজনকঃ সর্পরাজোত্তরীযকঃ ।
কপালী কোবিদঃ সিদ্ধকাংতিসংবলিতাননঃ ॥ 150 ॥
সর্বসদ্গুরুসংসেব্য়ো দিব্যচংদনচর্চিতঃ ।
বিলাসিনীকৃতোল্লাস ইচ্ছাশক্তিনিষেবিতঃ ॥ 151 ॥
অনংতানংদসুখদো নংদনঃ শ্রীনিকেতনঃ ।
অমৃতাব্ধিকৃতাবাসো নিত্যক্লীবো নিরাময়ঃ ॥ 152 ॥
অনপায়োঽনংতদৃষ্টিরপ্রমেয়োঽজরোঽমরঃ ।
তমোমোহপ্রতিহতিরপ্রতর্ক্য়োঽমৃতোঽক্ষরঃ ॥ 153 ॥
অমোঘবুদ্ধিরাধার আধারাধেযবর্জিতঃ ।
ঈষণাত্রযনির্মুক্ত ইহামুত্রবিবর্জিতঃ ॥ 154 ॥
ঋগ্যজুঃসামনযনো বুদ্ধিসিদ্ধিসমৃদ্ধিদঃ ।
ঔদার্যনিধিরাপূর্ণ ঐহিকামুষ্মিকপ্রদঃ ॥ 155 ॥
শুদ্ধসন্মাত্রসংবিদ্ধীস্বরূপসুখবিগ্রহঃ ।
দর্শনপ্রথমাভাসো দৃষ্টিদৃশ্যবিবর্জিতঃ ॥ 156 ॥
অগ্রগণ্য়োঽচিংত্যরূপঃ কলিকল্মষনাশনঃ ।
বিমর্শরূপো বিমলো নিত্যরূপো নিরাশ্রয়ঃ ॥ 157 ॥
নিত্যশুদ্ধো নিত্যবুদ্ধো নিত্যমুক্তোঽপরাকৃতঃ ।
মৈত্র্য়াদিবাসনালভ্য়ো মহাপ্রলযসংস্থিতঃ ॥ 158 ॥
মহাকৈলাসনিলয়ঃ প্রজ্ঞানঘনবিগ্রহঃ ।
শ্রীমান্ ব্য়াঘ্রপুরাবাসো ভুক্তিমুক্তিপ্রদাযকঃ ॥ 159 ॥
জগদ্য়োনির্জগত্সাক্ষী জগদীশো জগন্ময়ঃ ।
জপো জপপরো জপ্য়ো বিদ্য়াসিংহাসনপ্রভুঃ ॥ 160 ॥
তত্ত্বানাং প্রকৃতিস্তত্ত্বং তত্ত্বংপদনিরূপিতঃ ।
দিক্কালাদ্যনবচ্ছিন্নঃ সহজানংদসাগরঃ ॥ 161 ॥
প্রকৃতিঃ প্রাকৃতাতীতো বিজ্ঞানৈকরসাকৃতিঃ ।
নিঃশংকমতিদূরস্থশ্চৈত্যচেতনচিংতনঃ ॥ 162 ॥
তারকানাং হৃদংতস্থস্তারকস্তারকাংতকঃ ।
ধ্য়ানৈকপ্রকটো ধ্য়েয়ো ধ্য়ানী ধ্য়ানবিভূষণঃ ॥ 163 ॥
পরং ব্য়োম পরং ধাম পরমাত্মা পরং পদম্ ।
পূর্ণানংদঃ সদানংদো নাদমধ্যপ্রতিষ্ঠিতঃ ॥ 164 ॥
প্রমাবিপর্যয়াতীতঃ প্রণতাজ্ঞাননাশকঃ ।
বাণার্চিতাংঘ্রির্বহুদো বালকেলিকুতূহলী ॥ 165 ॥
ব্রহ্মরূপী ব্রহ্মপদং ব্রহ্মবিদ্ব্রাহ্মণপ্রিয়ঃ ।
ভূক্ষেপদত্তলক্ষ্মীকো ভ্রূমধ্যধ্য়ানলক্ষিতঃ ॥ 166 ॥
যশস্করো রত্নগর্ভো মহারাজ্যসুখপ্রদঃ ।
শব্দব্রহ্ম শমপ্রাপ্য়ো লাভকৃল্লোকবিশ্রুতঃ ॥ 167 ॥
শাস্তা শিবাদ্রিনিলয়ঃ শরণ্য়ো যাজকপ্রিয়ঃ ।
সংসারবৈদ্য়ঃ সর্বজ্ঞঃ সভেষজবিভেষজঃ ॥ 168 ॥
মনোবচোভিরগ্রাহ্য়ঃ পংচকোশবিলক্ষণঃ ।
অবস্থাত্রযনির্মুক্তস্ত্ববস্থাসাক্ষিতুর্যকঃ ॥ 169 ॥
পংচভূতাদিদূরস্থঃ প্রত্যগেকরসোঽব্যয়ঃ ।
ষট্চক্রাংতর্গতোল্লাসী ষড্বিকারবিবর্জিতঃ ॥ 170 ॥
বিজ্ঞানঘনসংপূর্ণো বীণাবাদনতত্পরঃ ।
নীহারাকারগৌরাংগো মহালাবণ্যবারিধিঃ ॥ 171 ॥
পরাভিচারশমনঃ ষডধ্বোপরিসংস্থিতঃ ।
সুষুম্নামার্গসংচারী বিসতংতুনিভাকৃতিঃ ॥ 172 ॥
পিনাকী লিংগরূপশ্রীঃ মংগলাবযবোজ্জ্বলঃ ।
ক্ষেত্রাধিপঃ সুসংবেদ্য়ঃ শ্রীপ্রদো বিভবপ্রদঃ ॥ 173 ॥
সর্ববশ্যকরঃ সর্বদোষহা পুত্রপৌত্রদঃ ।
তৈলদীপপ্রিযস্তৈলপক্বান্নপ্রীতমানসঃ ॥ 174 ॥
তৈলাভিষেকসংতুষ্টস্তিলভক্ষণতত্পরঃ ।
আপাদকণিকামুক্তাভূষাশতমনোহরঃ ॥ 175 ॥
শাণোল্লীঢমণিশ্রেণীরম্য়াংঘ্রিনখমংডলঃ ।
মণিমংজীরকিরণকিংজল্কিতপদাংবুজঃ ॥ 176 ॥
অপস্মারোপরিন্যস্তসব্যপাদসরোরুহঃ ।
কংদর্পতূণাভজংঘো গুল্ফোদংচিতনূপুরঃ ॥ 177 ॥
করিহস্তোপমেয়োরুরাদর্শোজ্জ্বলজানুভৃত্ ।
বিশংকটকটিন্যস্তবাচালমণিমেখলঃ ॥ 178 ॥
আবর্তনাভিরোমালিবলিমত্পল্লবোদরঃ ।
মুক্তাহারলসত্তুংগবিপুলোরস্করংজিতঃ ॥ 179 ॥
বীরাসনসমাসীনো বীণাপুস্তোল্লসত্করঃ ।
অক্ষমালালসত্পাণিশ্চিন্মুদ্রিতকরাংবুজঃ ॥ 180 ॥
মাণিক্যকংকণোল্লাসিকরাংবুজবিরাজিতঃ ।
অনর্ঘরত্নগ্রৈবেযবিলসত্কংবুকংধরঃ ॥ 181 ॥
অনাকলিতসাদৃশ্যচিবুকশ্রীবিরাজিতঃ ।
মুগ্ধস্মিতপরীপাকপ্রকাশিতরদাংকুরঃ ॥ 182 ॥
চারুচাংপেযপুষ্পাভনাসিকাপুটরংজিতঃ ।
বরবজ্রশিলাদর্শপরিভাবিকপোলভূঃ ॥ 183 ॥
কর্ণদ্বয়োল্লসদ্দিব্যমণিকুংডলমংডিতঃ ।
করুণালহরীপূর্ণকর্ণাংতাযতলোচনঃ ॥ 184 ॥
অর্ধচংদ্রাভনিটিলপাটীরতিলকোজ্জ্বলঃ ।
চারুচামীকরাকারজটাচর্চিতচংদনঃ ।
কৈলাসশিখরস্ফর্ধিকমনীযনিজাকৃতিঃ ॥ 185 ॥
ইতি শ্রী দক্ষিণামূর্তি সহস্রনাম স্তোত্রম্ ॥
