𑌯𑌤𑌿 𑌪𑌂𑌚𑌕𑌮𑍍 (𑌕𑍌𑌪𑍀𑌨 𑌪𑌂𑌚𑌕𑌮𑍍)

Collection of Spiritual and Devotional Literature in Various Indian Languages

View this in:

𑌵𑍇𑌦𑌾𑌂𑌤𑌵𑌾𑌕𑍍𑌯𑍇𑌷𑍁 𑌸𑌦𑌾 𑌰𑌮𑌂𑌤𑌃
𑌭𑌿𑌕𑍍𑌷𑌾𑌨𑍍𑌨𑌮𑌾𑌤𑍍𑌰𑍇𑌣 𑌚 𑌤𑍁𑌷𑍍𑌟𑌿𑌮𑌂𑌤𑌃 ।
𑌵𑌿𑌶𑍋𑌕𑌮𑌂𑌤𑌃𑌕𑌰𑌣𑍇 𑌰𑌮𑌂𑌤𑌃
𑌕𑍌𑌪𑍀𑌨𑌵𑌂𑌤𑌃 𑌖𑌲𑍁 𑌭𑌾𑌗𑍍𑌯𑌵𑌂𑌤𑌃 ॥ 1 ॥

𑌮𑍂𑌲𑌂 𑌤𑌰𑍋𑌃 𑌕𑍇𑌵𑌲𑌮𑌾𑌶𑍍𑌰𑌯𑌂𑌤𑌃
𑌪𑌾𑌣𑌿𑌦𑍍𑌵𑌯𑌂 𑌭𑍋𑌕𑍍𑌤𑍁𑌮𑌮𑌂𑌤𑍍𑌰𑌯𑌂𑌤𑌃 ।
𑌶𑍍𑌰𑌿𑌯𑌂 𑌚 𑌕𑌂𑌥𑌾𑌮𑌿𑌵 𑌕𑍁𑌤𑍍𑌸𑌯𑌂𑌤𑌃
𑌕𑍌𑌪𑍀𑌨𑌵𑌂𑌤𑌃 𑌖𑌲𑍁 𑌭𑌾𑌗𑍍𑌯𑌵𑌂𑌤𑌃 ॥ 2 ॥

𑌦𑍇𑌹𑌾𑌦𑌿𑌭𑌾𑌵𑌂 𑌪𑌰𑌿𑌮𑌾𑌰𑍍𑌜𑌯𑌂𑌤𑌃
𑌆𑌤𑍍𑌮𑌾𑌨𑌮𑌾𑌤𑍍𑌮𑌨𑍍𑌯𑌵𑌲𑍋𑌕𑌯𑌂𑌤𑌃 ।
𑌨𑌾𑌂𑌤𑌂 𑌨 𑌮𑌧𑍍𑌯𑌂 𑌨 𑌬𑌹𑌿𑌃 𑌸𑍍𑌮𑌰𑌂𑌤𑌃
𑌕𑍌𑌪𑍀𑌨𑌵𑌂𑌤𑌃 𑌖𑌲𑍁 𑌭𑌾𑌗𑍍𑌯𑌵𑌂𑌤𑌃 ॥ 3 ॥

𑌸𑍍𑌵𑌾𑌨𑌂𑌦𑌭𑌾𑌵𑍇 𑌪𑌰𑌿𑌤𑍁𑌷𑍍𑌟𑌿𑌮𑌂𑌤𑌃
𑌸𑌂𑌶𑌾𑌂𑌤𑌸𑌰𑍍𑌵𑍇𑌂𑌦𑍍𑌰𑌿𑌯𑌦𑍃𑌷𑍍𑌟𑌿𑌮𑌂𑌤𑌃 ।
𑌅𑌹𑌰𑍍𑌨𑌿𑌶𑌂 𑌬𑍍𑌰𑌹𑍍𑌮𑌣𑌿 𑌯𑍇 𑌰𑌮𑌂𑌤𑌃
𑌕𑍌𑌪𑍀𑌨𑌵𑌂𑌤𑌃 𑌖𑌲𑍁 𑌭𑌾𑌗𑍍𑌯𑌵𑌂𑌤𑌃 ॥ 4 ॥

𑌬𑍍𑌰𑌹𑍍𑌮𑌾𑌕𑍍𑌷𑌰𑌂 𑌪𑌾𑌵𑌨𑌮𑍁𑌚𑍍𑌚𑌰𑌂𑌤𑌃
𑌪𑌤𑌿𑌂 𑌪𑌶𑍂𑌨𑌾𑌂 𑌹𑍃𑌦𑌿 𑌭𑌾𑌵𑌯𑌂𑌤𑌃 ।
𑌭𑌿𑌕𑍍𑌷𑌾𑌶𑌨𑌾 𑌦𑌿𑌕𑍍𑌷𑍁 𑌪𑌰𑌿𑌭𑍍𑌰𑌮𑌂𑌤𑌃
𑌕𑍌𑌪𑍀𑌨𑌵𑌂𑌤𑌃 𑌖𑌲𑍁 𑌭𑌾𑌗𑍍𑌯𑌵𑌂𑌤𑌃 ॥ 5 ॥

𑌕𑍌𑌪𑍀𑌨𑌪𑌂𑌚𑌰𑌤𑍍𑌨𑌸𑍍𑌯 𑌮𑌨𑌨𑌂 𑌯𑌾𑌤𑌿 𑌯𑍋 𑌨𑌰𑌃 ।
𑌵𑌿𑌰𑌕𑍍𑌤𑌿𑌂 𑌧𑌰𑍍𑌮𑌵𑌿𑌜𑍍𑌞𑌾𑌨𑌂 𑌲𑌭𑌤𑍇 𑌨𑌾𑌤𑍍𑌰 𑌸𑌂𑌶𑌯𑌃 ॥

𑌇𑌤𑌿 𑌶𑍍𑌰𑍀 𑌶𑌂𑌕𑌰𑌭𑌗𑌵𑌤𑍍𑌪𑌾𑌦 𑌵𑌿𑌰𑌚𑌿𑌤𑌂 𑌯𑌤𑌿𑌪𑌂𑌚𑌕𑌮𑍍 ॥

Browse Related Categories: