Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌭𑌜 𑌗𑍋𑌵𑌿𑌂𑌦𑌮𑍍 (𑌮𑍋𑌹 𑌮𑍁𑌦𑍍𑌗𑌰𑌮𑍍)

𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂
𑌗𑍋𑌵𑌿𑌂𑌦𑌂 𑌭𑌜 𑌮𑍂𑌢𑌮𑌤𑍇 ।

𑌸𑌂𑌪𑍍𑌰𑌾𑌪𑍍𑌤𑍇 𑌸𑌨𑍍𑌨𑌿𑌹𑌿𑌤𑍇 𑌕𑌾𑌲𑍇
𑌨𑌹𑌿 𑌨𑌹𑌿 𑌰𑌕𑍍𑌷𑌤𑌿 𑌡𑍁𑌕𑍃𑌂𑌕𑌰𑌣𑍇 ॥ 1 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌮𑍂𑌢 𑌜𑌹𑍀𑌹𑌿 𑌧𑌨𑌾𑌗𑌮𑌤𑍃𑌷𑍍𑌣𑌾𑌂
𑌕𑍁𑌰𑍁 𑌸𑌦𑍍𑌬𑍁𑌦𑍍𑌧𑌿𑌂 𑌮𑌨𑌸𑌿 𑌵𑌿𑌤𑍃𑌷𑍍𑌣𑌾𑌮𑍍 ।
𑌯𑌲𑍍𑌲𑌭𑌸𑍇 𑌨𑌿𑌜𑌕𑌰𑍍𑌮𑍋𑌪𑌾𑌤𑍍𑌤𑌂
𑌵𑌿𑌤𑍍𑌤𑌂 𑌤𑍇𑌨 𑌵𑌿𑌨𑍋𑌦𑌯 𑌚𑌿𑌤𑍍𑌤𑌮𑍍 ॥ 2 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌨𑌾𑌰𑍀𑌸𑍍𑌤𑌨𑌭𑌰-𑌨𑌾𑌭𑍀𑌦𑍇𑌶𑌂
𑌦𑍃𑌷𑍍𑌟𑍍𑌵𑌾 𑌮𑌾 𑌗𑌾 𑌮𑍋𑌹𑌾𑌵𑍇𑌶𑌮𑍍 ।
𑌏𑌤𑌨𑍍𑌮𑌾𑌂𑌸𑌵𑌸𑌾𑌦𑌿𑌵𑌿𑌕𑌾𑌰𑌂
𑌮𑌨𑌸𑌿 𑌵𑌿𑌚𑌿𑌂𑌤𑌯 𑌵𑌾𑌰𑌂 𑌵𑌾𑌰𑌮𑍍 ॥ 3 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌨𑌲𑌿𑌨𑍀𑌦𑌲-𑌗𑌤𑌜𑌲𑌮𑌤𑌿𑌤𑌰𑌲𑌂
𑌤𑌦𑍍𑌵𑌜𑍍𑌜𑍀𑌵𑌿𑌤𑌮𑌤𑌿𑌶𑌯-𑌚𑌪𑌲𑌮𑍍 ।
𑌵𑌿𑌦𑍍𑌧𑌿 𑌵𑍍𑌯𑌾𑌧𑍍𑌯𑌭𑌿𑌮𑌾𑌨𑌗𑍍𑌰𑌸𑍍𑌤𑌂
𑌲𑍋𑌕𑌂 𑌶𑍋𑌕𑌹𑌤𑌂 𑌚 𑌸𑌮𑌸𑍍𑌤𑌮𑍍 ॥ 4 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌯𑌾𑌵𑌦𑍍𑌵𑌿𑌤𑍍𑌤𑍋𑌪𑌾𑌰𑍍𑌜𑌨𑌸𑌕𑍍𑌤𑌃
𑌤𑌾𑌵𑌨𑍍𑌨𑌿𑌜𑌪𑌰𑌿𑌵𑌾𑌰𑍋 𑌰𑌕𑍍𑌤𑌃 ।
𑌪𑌶𑍍𑌚𑌾𑌜𑍍𑌜𑍀𑌵𑌤𑌿 𑌜𑌰𑍍𑌜𑌰𑌦𑍇𑌹𑍇
𑌵𑌾𑌰𑍍𑌤𑌾𑌂 𑌕𑍋𑌽𑌪𑌿 𑌨 𑌪𑍃𑌚𑍍𑌛𑌤𑌿 𑌗𑍇𑌹𑍇 ॥ 5 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌯𑌾𑌵𑌤𑍍𑌪𑌵𑌨𑍋 𑌨𑌿𑌵𑌸𑌤𑌿 𑌦𑍇𑌹𑍇
𑌤𑌾𑌵𑌤𑍍𑌪𑍃𑌚𑍍𑌛𑌤𑌿 𑌕𑍁𑌶𑌲𑌂 𑌗𑍇𑌹𑍇 ।
𑌗𑌤𑌵𑌤𑌿 𑌵𑌾𑌯𑍌 𑌦𑍇𑌹𑌾𑌪𑌾𑌯𑍇
𑌭𑌾𑌰𑍍𑌯𑌾 𑌬𑌿𑌭𑍍𑌯𑌤𑌿 𑌤𑌸𑍍𑌮𑌿𑌨𑍍𑌕𑌾𑌯𑍇 ॥ 6 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌬𑌾𑌲𑌸𑍍𑌤𑌾𑌵𑌤𑍍𑌕𑍍𑌰𑍀𑌡𑌾𑌸𑌕𑍍𑌤𑌃
𑌤𑌰𑍁𑌣𑌸𑍍𑌤𑌾𑌵𑌤𑍍𑌤𑌰𑍁𑌣𑍀𑌸𑌕𑍍𑌤𑌃 ।
𑌵𑍃𑌦𑍍𑌧𑌸𑍍𑌤𑌾𑌵𑌚𑍍𑌚𑌿𑌂𑌤𑌾𑌸𑌕𑍍𑌤𑌃
𑌪𑌰𑌮𑍇 𑌬𑍍𑌰𑌹𑍍𑌮𑌣𑌿 𑌕𑍋𑌽𑌪𑌿 𑌨 𑌸𑌕𑍍𑌤𑌃 ॥ 𑍭 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌕𑌾 𑌤𑍇 𑌕𑌾𑌂𑌤𑌾 𑌕𑌸𑍍𑌤𑍇 𑌪𑍁𑌤𑍍𑌰𑌃
𑌸𑌂𑌸𑌾𑌰𑍋𑌽𑌯𑌮𑌤𑍀𑌵 𑌵𑌿𑌚𑌿𑌤𑍍𑌰𑌃 ।
𑌕𑌸𑍍𑌯 𑌤𑍍𑌵𑌂 𑌕𑌃 𑌕𑍁𑌤 𑌆𑌯𑌾𑌤𑌃
𑌤𑌤𑍍𑌤𑍍𑌵𑌂 𑌚𑌿𑌂𑌤𑌯 𑌤𑌦𑌿𑌹 𑌭𑍍𑌰𑌾𑌤𑌃 ॥ 𑍮 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌸𑌤𑍍𑌸𑌂𑌗𑌤𑍍𑌵𑍇 𑌨𑌿𑌸𑍍𑌸𑌂𑌗𑌤𑍍𑌵𑌂
𑌨𑌿𑌸𑍍𑌸𑌂𑌗𑌤𑍍𑌵𑍇 𑌨𑌿𑌰𑍍𑌮𑍋𑌹𑌤𑍍𑌵𑌮𑍍 ।
𑌨𑌿𑌰𑍍𑌮𑍋𑌹𑌤𑍍𑌵𑍇 𑌨𑌿𑌶𑍍𑌚𑌲𑌤𑌤𑍍𑌤𑍍𑌵𑌂
𑌨𑌿𑌶𑍍𑌚𑌲𑌤𑌤𑍍𑌤𑍍𑌵𑍇 𑌜𑍀𑌵𑌨𑍍𑌮𑍁𑌕𑍍𑌤𑌿𑌃 ॥ 𑍯 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌵𑌯𑌸𑌿 𑌗𑌤𑍇 𑌕𑌃 𑌕𑌾𑌮𑌵𑌿𑌕𑌾𑌰𑌃
𑌶𑍁𑌷𑍍𑌕𑍇 𑌨𑍀𑌰𑍇 𑌕𑌃 𑌕𑌾𑌸𑌾𑌰𑌃 ।
𑌕𑍍𑌷𑍀𑌣𑍇 𑌵𑌿𑌤𑍍𑌤𑍇 𑌕𑌃 𑌪𑌰𑌿𑌵𑌾𑌰𑌃
𑌜𑍍𑌞𑌾𑌤𑍇 𑌤𑌤𑍍𑌤𑍍𑌵𑍇 𑌕𑌃 𑌸𑌂𑌸𑌾𑌰𑌃 ॥ 10 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌮𑌾 𑌕𑍁𑌰𑍁 𑌧𑌨-𑌜𑌨-𑌯𑍌𑌵𑌨-𑌗𑌰𑍍𑌵𑌂
𑌹𑌰𑌤𑌿 𑌨𑌿𑌮𑍇𑌷𑌾𑌤𑍍𑌕𑌾𑌲𑌃 𑌸𑌰𑍍𑌵𑌮𑍍 ।
𑌮𑌾𑌯𑌾𑌮𑌯𑌮𑌿𑌦𑌮𑌖𑌿𑌲𑌂 𑌹𑌿𑌤𑍍𑌵𑌾
𑌬𑍍𑌰𑌹𑍍𑌮𑌪𑌦𑌂 𑌤𑍍𑌵𑌂 𑌪𑍍𑌰𑌵𑌿𑌶 𑌵𑌿𑌦𑌿𑌤𑍍𑌵𑌾 ॥ 11 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌦𑌿𑌨𑌯𑌾𑌮𑌿𑌨𑍍𑌯𑍌 𑌸𑌾𑌯𑌂 𑌪𑍍𑌰𑌾𑌤𑌃
𑌶𑌿𑌶𑌿𑌰𑌵𑌸𑌂𑌤𑍌 𑌪𑍁𑌨𑌰𑌾𑌯𑌾𑌤𑌃 ।
𑌕𑌾𑌲𑌃 𑌕𑍍𑌰𑍀𑌡𑌤𑌿 𑌗𑌚𑍍𑌛𑌤𑍍𑌯𑌾𑌯𑍁𑌃
𑌤𑌦𑌪𑌿 𑌨 𑌮𑍁𑌂𑌚𑌤𑍍𑌯𑌾𑌶𑌾𑌵𑌾𑌯𑍁𑌃 ॥ 12 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌕𑌾 𑌤𑍇 𑌕𑌾𑌂𑌤𑌾 𑌧𑌨𑌗𑌤𑌚𑌿𑌂𑌤𑌾
𑌵𑌾𑌤𑍁𑌲 𑌕𑌿𑌂 𑌤𑌵 𑌨𑌾𑌸𑍍𑌤𑌿 𑌨𑌿𑌯𑌂𑌤𑌾 ।
𑌤𑍍𑌰𑌿𑌜𑌗𑌤𑌿 𑌸𑌜𑍍𑌜𑌨𑌸𑌂𑌗𑌤𑌿𑌰𑍇𑌕𑌾
𑌭𑌵𑌤𑌿 𑌭𑌵𑌾𑌰𑍍𑌣𑌵𑌤𑌰𑌣𑍇 𑌨𑍌𑌕𑌾 ॥ 13 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌦𑍍𑌵𑌾𑌦𑌶-𑌮𑌂𑌜𑌰𑌿𑌕𑌾𑌭𑌿𑌰𑌶𑍇𑌷𑌃
𑌕𑌥𑌿𑌤𑍋 𑌵𑍈𑌯𑌾𑌕𑌰𑌣𑌸𑍍𑌯𑍈𑌷𑌃 ।
𑌉𑌪𑌦𑍇𑌶𑍋𑌽𑌭𑍂𑌦𑍍𑌵𑌿𑌦𑍍𑌯𑌾-𑌨𑌿𑌪𑍁𑌣𑍈𑌃
𑌶𑍍𑌰𑍀𑌮𑌚𑍍𑌛𑌂𑌕𑌰-𑌭𑌗𑌵𑌚𑍍𑌛𑌰𑌣𑍈𑌃 ॥ 14 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌜𑌟𑌿𑌲𑍋 𑌮𑍁𑌂𑌡𑍀 𑌲𑍁𑌂𑌛𑌿𑌤𑌕𑍇𑌶𑌃
𑌕𑌾𑌷𑌾𑌯𑌾𑌂𑌬𑌰-𑌬𑌹𑍁𑌕𑍃𑌤𑌵𑍇𑌷𑌃 ।
𑌪𑌶𑍍𑌯𑌨𑍍𑌨𑌪𑌿 𑌚 𑌨 𑌪𑌶𑍍𑌯𑌤𑌿 𑌮𑍂𑌢𑌃
𑌉𑌦𑌰𑌨𑌿𑌮𑌿𑌤𑍍𑌤𑌂 𑌬𑌹𑍁𑌕𑍃𑌤𑌵𑍇𑌷𑌃 ॥ 15 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌅𑌂𑌗𑌂 𑌗𑌲𑌿𑌤𑌂 𑌪𑌲𑌿𑌤𑌂 𑌮𑍁𑌂𑌡𑌂
𑌦𑌶𑌨𑌵𑌿𑌹𑍀𑌨𑌂 𑌜𑌾𑌤𑌂 𑌤𑍁𑌂𑌡𑌮𑍍 ।
𑌵𑍃𑌦𑍍𑌧𑍋 𑌯𑌾𑌤𑌿 𑌗𑍃𑌹𑍀𑌤𑍍𑌵𑌾 𑌦𑌂𑌡𑌂
𑌤𑌦𑌪𑌿 𑌨 𑌮𑍁𑌂𑌚𑌤𑍍𑌯𑌾𑌶𑌾𑌪𑌿𑌂𑌡𑌮𑍍 ॥ 16 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌅𑌗𑍍𑌰𑍇 𑌵𑌹𑍍𑌨𑌿𑌃 𑌪𑍃𑌷𑍍𑌠𑍇 𑌭𑌾𑌨𑍁𑌃
𑌰𑌾𑌤𑍍𑌰𑍌 𑌚𑍁𑌬𑍁𑌕-𑌸𑌮𑌰𑍍𑌪𑌿𑌤-𑌜𑌾𑌨𑍁𑌃 ।
𑌕𑌰𑌤𑌲-𑌭𑌿𑌕𑍍𑌷𑌸𑍍𑌤𑌰𑍁𑌤𑌲𑌵𑌾𑌸𑌃
𑌤𑌦𑌪𑌿 𑌨 𑌮𑍁𑌂𑌚𑌤𑍍𑌯𑌾𑌶𑌾𑌪𑌾𑌶𑌃 ॥ 1𑍭 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌕𑍁𑌰𑍁𑌤𑍇 𑌗𑌂𑌗𑌾𑌸𑌾𑌗𑌰𑌗𑌮𑌨𑌂
𑌵𑍍𑌰𑌤-𑌪𑌰𑌿𑌪𑌾𑌲𑌨𑌮𑌥𑌵𑌾 𑌦𑌾𑌨𑌮𑍍 ।
𑌜𑍍𑌞𑌾𑌨𑌵𑌿𑌹𑍀𑌨𑌃 𑌸𑌰𑍍𑌵𑌮𑌤𑍇𑌨
𑌭𑌜𑌤𑌿 𑌨 𑌮𑍁𑌕𑍍𑌤𑌿𑌂 𑌜𑌨𑍍𑌮𑌶𑌤𑍇𑌨 ॥ 1𑍮 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌸𑍁𑌰𑌮𑌂𑌦𑌿𑌰-𑌤𑌰𑍁-𑌮𑍂𑌲-𑌨𑌿𑌵𑌾𑌸𑌃
𑌶𑌯𑍍𑌯𑌾 𑌭𑍂𑌤𑌲𑌮𑌜𑌿𑌨𑌂 𑌵𑌾𑌸𑌃 ।
𑌸𑌰𑍍𑌵-𑌪𑌰𑌿𑌗𑍍𑌰𑌹-𑌭𑍋𑌗𑌤𑍍𑌯𑌾𑌗𑌃
𑌕𑌸𑍍𑌯 𑌸𑍁𑌖𑌂 𑌨 𑌕𑌰𑍋𑌤𑌿 𑌵𑌿𑌰𑌾𑌗𑌃 ॥ 1𑍯 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌯𑍋𑌗𑌰𑌤𑍋 𑌵𑌾 𑌭𑍋𑌗𑌰𑌤𑍋 𑌵𑌾
𑌸𑌂𑌗𑌰𑌤𑍋 𑌵𑌾 𑌸𑌂𑌗𑌵𑌿𑌹𑍀𑌨𑌃 ।
𑌯𑌸𑍍𑌯 𑌬𑍍𑌰𑌹𑍍𑌮𑌣𑌿 𑌰𑌮𑌤𑍇 𑌚𑌿𑌤𑍍𑌤𑌂
𑌨𑌂𑌦𑌤𑌿 𑌨𑌂𑌦𑌤𑌿 𑌨𑌂𑌦𑌤𑍍𑌯𑍇𑌵 ॥ 20 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌭𑌗𑌵𑌦𑍍𑌗𑍀𑌤𑌾 𑌕𑌿𑌂𑌚𑌿𑌦𑌧𑍀𑌤𑌾
𑌗𑌂𑌗𑌾𑌜𑌲-𑌲𑌵𑌕𑌣𑌿𑌕𑌾 𑌪𑍀𑌤𑌾 ।
𑌸𑌕𑍃𑌦𑌪𑌿 𑌯𑍇𑌨 𑌮𑍁𑌰𑌾𑌰𑌿𑌸𑌮𑌰𑍍𑌚𑌾
𑌕𑍍𑌰𑌿𑌯𑌤𑍇 𑌤𑌸𑍍𑌯 𑌯𑌮𑍇𑌨 𑌨 𑌚𑌰𑍍𑌚𑌾 ॥ 21 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌪𑍁𑌨𑌰𑌪𑌿 𑌜𑌨𑌨𑌂 𑌪𑍁𑌨𑌰𑌪𑌿 𑌮𑌰𑌣𑌂
𑌪𑍁𑌨𑌰𑌪𑌿 𑌜𑌨𑌨𑍀𑌜𑌠𑌰𑍇 𑌶𑌯𑌨𑌮𑍍 ।
𑌇𑌹 𑌸𑌂𑌸𑌾𑌰𑍇 𑌬𑌹𑍁𑌦𑍁𑌸𑍍𑌤𑌾𑌰𑍇
𑌕𑍃𑌪𑌯𑌾𑌽𑌪𑌾𑌰𑍇 𑌪𑌾𑌹𑌿 𑌮𑍁𑌰𑌾𑌰𑍇 ॥ 22 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌰𑌥𑍍𑌯𑌾𑌚𑌰𑍍𑌪𑌟-𑌵𑌿𑌰𑌚𑌿𑌤-𑌕𑌂𑌥𑌃
𑌪𑍁𑌣𑍍𑌯𑌾𑌪𑍁𑌣𑍍𑌯-𑌵𑌿𑌵𑌰𑍍𑌜𑌿𑌤-𑌪𑌂𑌥𑌃 ।
𑌯𑍋𑌗𑍀 𑌯𑍋𑌗𑌨𑌿𑌯𑍋𑌜𑌿𑌤-𑌚𑌿𑌤𑍍𑌤𑌃
𑌰𑌮𑌤𑍇 𑌬𑌾𑌲𑍋𑌨𑍍𑌮𑌤𑍍𑌤𑌵𑌦𑍇𑌵 ॥ 23 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌕𑌸𑍍𑌤𑍍𑌵𑌂 𑌕𑍋𑌽𑌹𑌂 𑌕𑍁𑌤 𑌆𑌯𑌾𑌤𑌃
𑌕𑌾 𑌮𑍇 𑌜𑌨𑌨𑍀 𑌕𑍋 𑌮𑍇 𑌤𑌾𑌤𑌃 ।
𑌇𑌤𑌿 𑌪𑌰𑌿𑌭𑌾𑌵𑌯 𑌸𑌰𑍍𑌵𑌮𑌸𑌾𑌰𑌂
𑌵𑌿𑌶𑍍𑌵𑌂 𑌤𑍍𑌯𑌕𑍍𑌤𑍍𑌵𑌾 𑌸𑍍𑌵𑌪𑍍𑌨𑌵𑌿𑌚𑌾𑌰𑌮𑍍 ॥ 24 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌤𑍍𑌵𑌯𑌿 𑌮𑌯𑌿 𑌚𑌾𑌨𑍍𑌯𑌤𑍍𑌰𑍈𑌕𑍋 𑌵𑌿𑌷𑍍𑌣𑍁𑌃
𑌵𑍍𑌯𑌰𑍍𑌥𑌂 𑌕𑍁𑌪𑍍𑌯𑌸𑌿 𑌮𑌯𑍍𑌯𑌸𑌹𑌿𑌷𑍍𑌣𑍁𑌃 ।
𑌭𑌵 𑌸𑌮𑌚𑌿𑌤𑍍𑌤𑌃 𑌸𑌰𑍍𑌵𑌤𑍍𑌰 𑌤𑍍𑌵𑌂
𑌵𑌾𑌂𑌛𑌸𑍍𑌯𑌚𑌿𑌰𑌾𑌦𑍍𑌯𑌦𑌿 𑌵𑌿𑌷𑍍𑌣𑍁𑌤𑍍𑌵𑌮𑍍 ॥ 25 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌶𑌤𑍍𑌰𑍌 𑌮𑌿𑌤𑍍𑌰𑍇 𑌪𑍁𑌤𑍍𑌰𑍇 𑌬𑌂𑌧𑍌
𑌮𑌾 𑌕𑍁𑌰𑍁 𑌯𑌤𑍍𑌨𑌂 𑌵𑌿𑌗𑍍𑌰𑌹𑌸𑌂𑌧𑍌 ।
𑌸𑌰𑍍𑌵𑌸𑍍𑌮𑌿𑌨𑍍𑌨𑌪𑌿 𑌪𑌶𑍍𑌯𑌾𑌤𑍍𑌮𑌾𑌨𑌂
𑌸𑌰𑍍𑌵𑌤𑍍𑌰𑍋𑌤𑍍𑌸𑍃𑌜 𑌭𑍇𑌦𑌾𑌜𑍍𑌞𑌾𑌨𑌮𑍍 ॥ 26 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌕𑌾𑌮𑌂 𑌕𑍍𑌰𑍋𑌧𑌂 𑌲𑍋𑌭𑌂 𑌮𑍋𑌹𑌂
𑌤𑍍𑌯𑌕𑍍𑌤𑍍𑌵𑌾𑌽𑌽𑌤𑍍𑌮𑌾𑌨𑌂 𑌪𑌶𑍍𑌯𑌤𑌿 𑌸𑍋𑌽𑌹𑌮𑍍 ।
𑌆𑌤𑍍𑌮𑌜𑍍𑌞𑌾𑌨𑌵𑌿𑌹𑍀𑌨𑌾 𑌮𑍂𑌢𑌾𑌃
𑌤𑍇 𑌪𑌚𑍍𑌯𑌂𑌤𑍇 𑌨𑌰𑌕𑌨𑌿𑌗𑍂𑌢𑌾𑌃 ॥ 2𑍭 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌗𑍇𑌯𑌂 𑌗𑍀𑌤𑌾-𑌨𑌾𑌮𑌸𑌹𑌸𑍍𑌰𑌂
𑌧𑍍𑌯𑍇𑌯𑌂 𑌶𑍍𑌰𑍀𑌪𑌤𑌿-𑌰𑍂𑌪𑌮𑌜𑌸𑍍𑌰𑌮𑍍 ।
𑌨𑍇𑌯𑌂 𑌸𑌜𑍍𑌜𑌨-𑌸𑌂𑌗𑍇 𑌚𑌿𑌤𑍍𑌤𑌂
𑌦𑍇𑌯𑌂 𑌦𑍀𑌨𑌜𑌨𑌾𑌯 𑌚 𑌵𑌿𑌤𑍍𑌤𑌮𑍍 ॥ 2𑍮 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌸𑍁𑌖𑌤𑌃 𑌕𑍍𑌰𑌿𑌯𑌤𑍇 𑌕𑌾𑌮𑌾𑌭𑍋𑌗𑌃
𑌪𑌶𑍍𑌚𑌾𑌦𑌂𑌤 𑌶𑌰𑍀𑌰𑍇 𑌰𑍋𑌗𑌃 ।
𑌯𑌦𑍍𑌯𑌪𑌿 𑌲𑍋𑌕𑍇 𑌮𑌰𑌣𑌂 𑌶𑌰𑌣𑌂
𑌤𑌦𑌪𑌿 𑌨 𑌮𑍁𑌂𑌚𑌤𑌿 𑌪𑌾𑌪𑌾𑌚𑌰𑌣𑌮𑍍 ॥ 2𑍯 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌅𑌰𑍍𑌥𑌮𑌨𑌰𑍍𑌥𑌂 𑌭𑌾𑌵𑌯 𑌨𑌿𑌤𑍍𑌯𑌂
𑌨𑌾𑌸𑍍𑌤𑌿𑌤𑌤𑌃 𑌸𑍁𑌖𑌲𑍇𑌶𑌃 𑌸𑌤𑍍𑌯𑌮𑍍 ।
𑌪𑍁𑌤𑍍𑌰𑌾𑌦𑌪𑌿 𑌧𑌨𑌭𑌾𑌜𑌾𑌂 𑌭𑍀𑌤𑌿𑌃
𑌸𑌰𑍍𑌵𑌤𑍍𑌰𑍈𑌷𑌾 𑌵𑌿𑌹𑌿𑌤𑌾 𑌰𑍀𑌤𑌿𑌃 ॥ 30 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌪𑍍𑌰𑌾𑌣𑌾𑌯𑌾𑌮𑌂 𑌪𑍍𑌰𑌤𑍍𑌯𑌾𑌹𑌾𑌰𑌂
𑌨𑌿𑌤𑍍𑌯𑌾𑌨𑌿𑌤𑍍𑌯 𑌵𑌿𑌵𑍇𑌕𑌵𑌿𑌚𑌾𑌰𑌮𑍍 ।
𑌜𑌾𑌪𑍍𑌯𑌸𑌮𑍇𑌤𑌸𑌮𑌾𑌧𑌿𑌵𑌿𑌧𑌾𑌨𑌂
𑌕𑍁𑌰𑍍𑌵𑌵𑌧𑌾𑌨𑌂 𑌮𑌹𑌦𑌵𑌧𑌾𑌨𑌮𑍍 ॥ 31 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌗𑍁𑌰𑍁𑌚𑌰𑌣𑌾𑌂𑌬𑍁𑌜-𑌨𑌿𑌰𑍍𑌭𑌰𑌭𑌕𑍍𑌤𑌃
𑌸𑌂𑌸𑌾𑌰𑌾𑌦𑌚𑌿𑌰𑌾𑌦𑍍𑌭𑌵 𑌮𑍁𑌕𑍍𑌤𑌃 ।
𑌸𑍇𑌂𑌦𑍍𑌰𑌿𑌯𑌮𑌾𑌨𑌸-𑌨𑌿𑌯𑌮𑌾𑌦𑍇𑌵𑌂
𑌦𑍍𑌰𑌕𑍍𑌷𑍍𑌯𑌸𑌿 𑌨𑌿𑌜𑌹𑍃𑌦𑌯𑌸𑍍𑌥𑌂 𑌦𑍇𑌵𑌮𑍍 ॥ 32 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌮𑍂𑌢𑌃 𑌕𑌶𑍍𑌚𑌨 𑌵𑍈𑌯𑌾𑌕𑌰𑌣𑍋
𑌡𑍁𑌃𑌕𑍃𑌂𑌕𑌰𑌣𑌾𑌧𑍍𑌯𑌯𑌨𑌧𑍁𑌰𑍀𑌣𑌃 ।
𑌶𑍍𑌰𑍀𑌮𑌚𑍍𑌛𑌂𑌕𑌰-𑌭𑌗𑌵𑌚𑍍𑌛𑌿𑌷𑍍𑌯𑍈𑌃
𑌬𑍋𑌧𑌿𑌤 𑌆𑌸𑍀𑌚𑍍𑌛𑍋𑌧𑌿𑌤-𑌕𑌰𑌣𑌃 ॥ 33 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...

𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂
𑌗𑍋𑌵𑌿𑌂𑌦𑌂 𑌭𑌜 𑌮𑍂𑌢𑌮𑌤𑍇 ।
𑌨𑌾𑌮𑌸𑍍𑌮𑌰𑌣𑌾𑌦𑌨𑍍𑌯𑌮𑍁𑌪𑌾𑌯𑌂
𑌨𑌹𑌿 𑌪𑌶𑍍𑌯𑌾𑌮𑍋 𑌭𑌵𑌤𑌰𑌣𑍇 ॥ 34 ॥
𑌭𑌜 𑌗𑍋𑌵𑌿𑌂𑌦𑌂 𑌭𑌜 𑌗𑍋𑌵𑌿𑌂𑌦𑌂 ...


Browse Related Categories: