॥ പൂർവപീഠികാ ॥

മാര്കംഡേയ ഉവാച ।
ഏവം യുദ്ധമഭൂദ്ഘോരം രൌദ്രം ദൈത്യബലൈഃ സഹ ।
നൃസിംഹസ്യാംഗസംഭൂതൈര്നാരസിംഹൈരനേകശഃ ॥ 1 ॥

ദൈത്യകോടിര്ഹതാസ്തത്ര കേചിദ്ഭീതാഃ പലായിതാഃ ।
തം ദൃഷ്ട്വാതീവ സംക്രുദ്ധോ ഹിരണ്യകശിപുഃ സ്വയമ് ॥ 2 ॥

ഭൂതപൂർവൈരമൃത്യുര്മേ ഇതി ബ്രഹ്മവരോദ്ധതഃ ।
വവര്ഷ ശരവര്ഷേണ നാരസിംഹോ ഭൃശം ബലീ ॥ 3 ॥

ദ്വംദ്വയുദ്ധമഭൂദുഗ്രം ദിവ്യവര്ഷസഹസ്രകമ് ।
ദൈത്യേംദ്രേ സാഹസം ദൃഷ്ട്വാ ദേവാശ്ചേംദ്രപുരോഗമാഃ ॥ 4 ॥

ശ്രേയഃ കസ്യ ഭവേദത്ര ഇതി ചിംതാപരാ ഭവന് ।
തദാ ക്രുദ്ധോ നൃസിംഹസ്തു ദൈത്യേംദ്രപ്രഹിതാന്യപി ॥ 5 ॥

വിഷ്ണുചക്രം മഹാചക്രം കാലചക്രം തു വൈഷ്ണവമ് ।
രൌദ്രം പാശുപതം ബ്രാഹ്മം കൌബേരം കുലിശാസനമ് ॥ 6 ॥

ആഗ്നേയം വാരുണം സൌമ്യം മോഹനം സൌരപാർവതമ് ।
ഭാര്ഗവാദി ബഹൂന്യസ്ത്രാണ്യഭക്ഷയത കോപനഃ ॥ 7 ॥

സംധ്യാകാലേ സഭാദ്വാരേ സ്വാംകേ നിക്ഷിപ്യ ഭൈരവഃ ।
തതഃ ഖഡ്ഗധരം ദൈത്യം ജഗ്രാഹ നരകേസരീ ॥ 8 ॥

ഹിരണ്യകശിപോർവക്ഷോ വിദാര്യാതീവ രോഷിതഃ ।
ഉദ്ധൃത്യ ചാംത്രമാലാനി നഖൈർവജ്രസമപ്രഭൈഃ ॥ 9 ॥

മേനേ കൃതാര്ഥമാത്മാനം സർവതഃ പര്യവൈക്ഷത ।
ഹര്ഷിതാ ദേവതാഃ സർവാഃ പുഷ്പവൃഷ്ടിമവാകിരന് ॥ 10 ॥

ദേവദുംദുഭയോ നേദുർവിമലാശ്ച ദിശോഽഭവന് ।
നരസിംഹമതീവോഗ്രം വികീര്ണവദനം ഭൃശമ് ॥ 11 ॥

ലേലിഹാനം ച ഗര്ജംതം കാലാനലസമപ്രഭമ് ।
അതിരൌദ്രം മഹാകായം മഹാദംഷ്ട്രം മഹാരുതമ് ॥ 12 ॥

മഹാസിംഹം മഹാരൂപം ദൃഷ്ട്വാ സംക്ഷുഭിതം ജഗത് ।
സർവദേവഗണൈഃ സാര്ഥം തത്രാഗത്യ പിതാമഹഃ ॥ 13 ॥

ആഗംതുകൈര്ഭൂതപൂർവൈർവര്തമാനൈരനുത്തമൈഃ ।
ഗുണൈര്നാമസഹസ്രേണ തുഷ്ടാവ ശ്രുതിസമ്മതൈഃ ॥ 14 ॥

ഓം നമഃ ശ്രീമദ്ദിവ്യലക്ഷ്മീനൃസിംഹ സഹസ്രനാമസ്തോത്രമഹാമംത്രസ്യ ബ്രഹ്മാ ഋഷിഃ, ശ്രീലക്ഷ്മീനൃസിംഹോ ദേവതാ, അനുഷ്ടുപ്ഛംദഃ, ശ്രീനൃസിംഹഃ പരമാത്മാ ബീജം, ലക്ഷ്മീര്മായാ ശക്തിഃ, ജീവോ ബീജം, ബുദ്ധിഃ ശക്തിഃ, ഉദാനവായുഃ ബീജം, സരസ്വതീ ശക്തിഃ, വ്യംജനാനി ബീജാനി, സ്വരാഃ ശക്തയഃ, ഓം ക്ഷ്രൌം ഹ്രീം ഇതി ബീജാനി, ഓം ശ്രീം
അം ആം ഇതി ശക്തയഃ, വികീര്ണനഖദംഷ്ട്രായുധായേതി കീലകം, അകാരാദിതി ബോധകം, ശ്രീലക്ഷ്മീനൃസിംഹ പ്രസാദസിദ്ധ്യര്ഥേ ശ്രീലക്ഷ്മീനൃസിംഹ സഹസ്രനാമസ്തോത്ര മംത്രജപേ വിനിയോഗഃ ।

ന്യാസഃ –
ഓം ശ്രീലക്ഷ്മീനൃസിംഹായ നമഃ – അംഗുഷ്ഠാഭ്യാം നമഃ ।
ഓം വജ്രനഖായ നമഃ – തര്ജനീഭ്യാം നമഃ ।
ഓം മഹാരുദ്രായ നമഃ – മധ്യമാഭ്യാം നമഃ ।
ഓം സർവതോമുഖായ നമഃ – അനാമികാഭ്യാം നമഃ ।
ഓം വികടാസ്യായ നമഃ – കനിഷ്ഠികാഭ്യാം നമഃ ।
ഓം വീരായ നമഃ – കരതലകരപൃഷ്ഠാഭ്യാം നമഃ ।
ഏവം ഹൃദയാദിന്യാസഃ ।

ദിഗ്ബംധഃ –
ഓം ഐംദ്രീം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം ആഗ്നേയീം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം യാമ്യാം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം നൈരൃതിം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം വാരുണീം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം വായവീം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം കൌബേരീം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം ഈശാനീം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം ഊര്ധ്വാം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം അധസ്താദ്ദിശം ദിശം സുദര്ശനേന ബധ്നാമി നമശ്ചക്രായ സ്വാഹാ ।
ഓം അംതരിക്ഷാം ദിശം സുദര്ശനേന ബധ്നാമി നമശ്ചക്രായ സ്വാഹാ ।

അഥ ധ്യാനമ് ।
സത്യജ്ഞാനസുഖസ്വരൂപമമലം ക്ഷീരാബ്ധിമധ്യേ സ്ഥിതം
യോഗാരൂഢമതിപ്രസന്നവദനം ഭൂഷാസഹസ്രോജ്വലമ് ।
ത്ര്യക്ഷം ചക്രപിനാകസാഭയകരാന് ബിഭ്രാണമര്കച്ഛവിം
ഛത്രീഭൂതഫണീംദ്രമിംദുധവലം ലക്ഷ്മീനൃസിംഹം ഭജേ ॥ 1 ॥

ഉപാസ്മഹേ നൃസിംഹാഖ്യം ബ്രഹ്മ വേദാംതഗോചരമ് ।
ഭൂയോലാലിതസംസാരച്ഛേദഹേതും ജഗദ്ഗുരുമ് ॥ 2 ॥

അഥ സ്തോത്രമ് ।
ബ്രഹ്മോവാച ।
ഓം ഹ്രീം ശ്രീം ഐം ക്ഷ്രൌമ് ॥
ഓം നമോ നാരസിംഹായ വജ്രദംഷ്ട്രായ വജ്രിണേ ।
വജ്രദേഹായ വജ്രായ നമോ വജ്രനഖായ ച ॥ 1 ॥

വാസുദേവായ വംദ്യായ വരദായ വരാത്മനേ ।
വരദാഭയഹസ്തായ വരായ വരരൂപിണേ ॥ 2 ॥

വരേണ്യായ വരിഷ്ഠായ ശ്രീവരായ നമോ നമഃ ।
പ്രഹ്ലാദവരദായൈവ പ്രത്യക്ഷവരദായ ച ॥ 3 ॥

പരാത്പരപരേശായ പവിത്രായ പിനാകിനേ ।
പാവനായ പ്രസന്നായ പാശിനേ പാപഹാരിണേ ॥ 4 ॥

പുരുഷ്ടുതായ പുണ്യായ പുരുഹൂതായ തേ നമഃ ।
തത്പുരുഷായ തഥ്യായ പുരാണപുരുഷായ ച ॥ 5 ॥

പുരോധസേ പൂർവജായ പുഷ്കരാക്ഷായ തേ നമഃ ।
പുഷ്പഹാസായ ഹാസായ മഹാഹാസായ ശാരംഗിണേ ॥ 6 ॥

സിംഹായ സിംഹരാജായ ജഗദ്വശ്യായ തേ നമഃ ।
അട്ടഹാസായ രോഷായ ജലവാസായ തേ നമഃ ॥ 7 ॥

ഭൂതാവാസായ ഭാസായ ശ്രീനിവാസായ ഖഡ്ഗിനേ ।
ഖഡ്ഗജിഹ്വായ സിംഹായ ഖഡ്ഗവാസായ തേ നമഃ ॥ 8 ॥

നമോ മൂലാധിവാസായ ധര്മവാസായ ധന്വിനേ ।
ധനംജയായ ധന്യായ നമോ മൃത്യുംജയായ ച ॥ 9 ॥

ശുഭംജയായ സൂത്രായ നമഃ ശത്രുംജയായ ച ।
നിരംജനായ നീരായ നിര്ഗുണായ ഗുണായ ച ॥ 10 ॥

നിഷ്പ്രപംചായ നിർവാണപ്രദായ നിബിഡായ ച ।
നിരാലംബായ നീലായ നിഷ്കലായ കലായ ച ॥ 11 ॥

നിമേഷായ നിബംധായ നിമേഷഗമനായ ച ।
നിര്ദ്വംദ്വായ നിരാശായ നിശ്ചയായ നിരായ ച ॥ 12 ॥

നിര്മലായ നിബംധായ നിര്മോഹായ നിരാകൃതേ ।
നമോ നിത്യായ സത്യായ സത്കര്മനിരതായ ച ॥ 13 ॥

സത്യധ്വജായ മുംജായ മുംജകേശായ കേശിനേ ।
ഹരീശായ ച ശേഷായ ഗുഡാകേശായ വൈ നമഃ ॥ 14 ॥

സുകേശായോര്ധ്വകേശായ കേശിസംഹാരകായ ച ।
ജലേശായ സ്ഥലേശായ പദ്മേശായോഗ്രരൂപിണേ ॥ 15 ॥

കുശേശയായ കൂലായ കേശവായ നമോ നമഃ ।
സൂക്തികര്ണായ സൂക്തായ രക്തജിഹ്വായ രാഗിണേ ॥ 16 ॥

ദീപ്തരൂപായ ദീപ്തായ പ്രദീപ്തായ പ്രലോഭിനേ ।
പ്രച്ഛിന്നായ പ്രബോധായ പ്രഭവേ വിഭവേ നമഃ ॥ 17 ॥

പ്രഭംജനായ പാംഥായ പ്രമായാപ്രമിതായ ച ।
പ്രകാശായ പ്രതാപായ പ്രജ്വലായോജ്ജ്വലായ ച ॥ 18 ॥

ജ്വാലാമാലാസ്വരൂപായ ജ്വലജ്ജിഹ്വായ ജ്വാലിനേ ।
മഹോജ്ജ്വലായ കാലായ കാലമൂര്തിധരായ ച ॥ 19 ॥

കാലാംതകായ കല്പായ കലനായ കൃതേ നമഃ ।
കാലചക്രായ ശക്രായ വഷട്ചക്രായ ചക്രിണേ ॥ 20 ॥

അക്രൂരായ കൃതാംതായ വിക്രമായ ക്രമായ ച ।
കൃത്തിനേ കൃത്തിവാസായ കൃതഘ്നായ കൃതാത്മനേ ॥ 21 ॥

സംക്രമായ ച ക്രുദ്ധായ ക്രാംതലോകത്രയായ ച ।
അരൂപായ സ്വരൂപായ ഹരയേ പരമാത്മനേ ॥ 22 ॥

അജയായാദിദേവായ അക്ഷയായ ക്ഷയായ ച ।
അഘോരായ സുഘോരായ ഘോരഘോരതരായ ച ॥ 23 ॥

നമോഽസ്ത്വഘോരവീര്യായ ലസദ്ഘോരായ തേ നമഃ ।
ഘോരാധ്യക്ഷായ ദക്ഷായ ദക്ഷിണാഽഽര്യായ ശംഭവേ ॥ 24 ॥

അമോഘായ ഗുണൌഘായ അനഘായാഽഘഹാരിണേ ।
മേഘനാദായ നാദായ തുഭ്യം മേഘാത്മനേ നമഃ ॥ 25 ॥

മേഘവാഹനരൂപായ മേഘശ്യാമായ മാലിനേ ।
വ്യാലയജ്ഞോപവീതായ വ്യാഘ്രദേഹായ വൈ നമഃ ॥ 26 ॥

വ്യാഘ്രപാദായ ച വ്യാഘ്രകര്മിണേ വ്യാപകായ ച ।
വികടാസ്യായ വീരായ വിഷ്ടരശ്രവസേ നമഃ ॥ 27 ॥

വികീര്ണനഖദംഷ്ട്രായ നഖദംഷ്ട്രായുധായ ച ।
വിഷ്വക്സേനായ സേനായ വിഹ്വലായ ബലായ ച ॥ 28 ॥

വിരൂപാക്ഷായ വീരായ വിശേഷാക്ഷായ സാക്ഷിണേ ।
വീതശോകായ വിസ്തീര്ണവദനായ നമോ നമഃ ॥ 29 ॥

വിധാനായ വിധേയായ വിജയായ ജയായ ച ।
വിബുധായ വിഭാവായ നമോ വിശ്വംഭരായ ച ॥ 30 ॥

വീതരാഗായ വിപ്രായ വിടംകനയനായ ച ।
വിപുലായ വിനീതായ വിശ്വയോനേ നമോ നമഃ ॥ 31 ॥

വിഡംബനായ വിത്തായ വിശ്രുതായ വിയോനയേ । [ചിദംബരായ]
വിഹ്വലായ വിവാദായ നമോ വ്യാഹൃതയേ നമഃ ॥ 32 ॥

വിലാസായ വികല്പായ മഹാകല്പായ തേ നമഃ ।
ബഹുകല്പായ കല്പായ കല്പാതീതായ ശില്പിനേ ॥ 33 ॥

കല്പനായ സ്വരൂപായ ഫണിതല്പായ വൈ നമഃ ।
തടിത്പ്രഭായ താര്ക്ഷ്യായ തരുണായ തരസ്വിനേ ॥ 34 ॥

തപനായ തരക്ഷായ താപത്രയഹരായ ച ।
താരകായ തമോഘ്നായ തത്ത്വായ ച തപസ്വിനേ ॥ 35 ॥

തക്ഷകായ തനുത്രായ തടിനേ തരലായ ച ।
ശതരൂപായ ശാംതായ ശതധാരായ തേ നമഃ ॥ 36 ॥

ശതപത്രായതാക്ഷായ സ്ഥിതയേ ശതമൂര്തയേ ।
ശതക്രതുസ്വരൂപായ ശാശ്വതായ ശതാത്മനേ ॥ 37 ॥

നമഃ സഹസ്രശിരസേ സഹസ്രവദനായ ച ।
സഹസ്രാക്ഷായ ദേവായ ദിശശ്രോത്രായ തേ നമഃ ॥ 38 ॥

നമഃ സഹസ്രജിഹ്വായ മഹാജിഹ്വായ തേ നമഃ ।
സഹസ്രനാമധേയായ സഹസ്രാക്ഷിധരായ ച ॥ 39 ॥

സഹസ്രബാഹവേ തുഭ്യം സഹസ്രചരണായ ച ।
സഹസ്രാര്കപ്രകാശായ സഹസ്രായുധധാരിണേ ॥ 40 ॥

നമഃ സ്ഥൂലായ സൂക്ഷ്മായ സുസൂക്ഷ്മായ നമോ നമഃ ।
സുക്ഷുണ്ണായ സുഭിക്ഷായ സുരാധ്യക്ഷായ ശൌരിണേ ॥ 41 ॥

ധര്മാധ്യക്ഷായ ധര്മായ ലോകാധ്യക്ഷായ വൈ നമഃ ।
പ്രജാധ്യക്ഷായ ശിക്ഷായ വിപക്ഷക്ഷയമൂര്തയേ ॥ 42 ॥

കാലാധ്യക്ഷായ തീക്ഷ്ണായ മൂലാധ്യക്ഷായ തേ നമഃ ।
അധോക്ഷജായ മിത്രായ സുമിത്രവരുണായ ച ॥ 43 ॥

ശത്രുഘ്നായ അവിഘ്നായ വിഘ്നകോടിഹരായ ച ।
രക്ഷോഘ്നായ തമോഘ്നായ ഭൂതഘ്നായ നമോ നമഃ ॥ 44 ॥

ഭൂതപാലായ ഭൂതായ ഭൂതാവാസായ ഭൂതിനേ ।
ഭൂതവേതാളഘാതായ ഭൂതാധിപതയേ നമഃ ॥ 45 ॥

ഭൂതഗ്രഹവിനാശായ ഭൂതസംയമതേ നമഃ ।
മഹാഭൂതായ ഭൃഗവേ സർവഭൂതാത്മനേ നമഃ ॥ 46 ॥

സർവാരിഷ്ടവിനാശായ സർവസംപത്കരായ ച ।
സർവാധാരായ ശർവായ സർവാര്തിഹരയേ നമഃ ॥ 47 ॥

സർവദുഃഖപ്രശാംതായ സർവസൌഭാഗ്യദായിനേ ।
സർവജ്ഞായാപ്യനംതായ സർവശക്തിധരായ ച ॥ 48 ॥

സർവൈശ്വര്യപ്രദാത്രേ ച സർവകാര്യവിധായിനേ ।
സർവജ്വരവിനാശായ സർവരോഗാപഹാരിണേ ॥ 49 ॥

സർവാഭിചാരഹംത്രേ ച സർവൈശ്വര്യവിധായിനേ ।
പിംഗാക്ഷായൈകശൃംഗായ ദ്വിശൃംഗായ മരീചയേ ॥ 50 ॥

ബഹുശൃംഗായ ലിംഗായ മഹാശൃംഗായ തേ നമഃ ।
മാംഗള്യായ മനോജ്ഞായ മംതവ്യായ മഹാത്മനേ ॥ 51 ॥

മഹാദേവായ ദേവായ മാതുലിംഗധരായ ച ।
മഹാമായാപ്രസൂതായ പ്രസ്തുതായ ച മായിനേ ॥ 52 ॥

അനംതാനംതരൂപായ മായിനേ ജലശായിനേ ।
മഹോദരായ മംദായ മദദായ മദായ ച ॥ 53 ॥

മധുകൈടഭഹംത്രേ ച മാധവായ മുരാരയേ ।
മഹാവീര്യായ ധൈര്യായ ചിത്രവീര്യായ തേ നമഃ ॥ 54 ॥

ചിത്രകൂര്മായ ചിത്രായ നമസ്തേ ചിത്രഭാനവേ ।
മായാതീതായ മായായ മഹാവീരായ തേ നമഃ ॥ 55 ॥

മഹാതേജായ ബീജായ തേജോധാമ്നേ ച ബീജിനേ ।
തേജോമയനൃസിംഹായ നമസ്തേ ചിത്രഭാനവേ ॥ 56 ॥

മഹാദംഷ്ട്രായ തുഷ്ടായ നമഃ പുഷ്ടികരായ ച ।
ശിപിവിഷ്ടായ ഹൃഷ്ടായ പുഷ്ടായ പരമേഷ്ഠിനേ ॥ 57 ॥

വിശിഷ്ടായ ച ശിഷ്ടായ ഗരിഷ്ഠായേഷ്ടദായിനേ ।
നമോ ജ്യേഷ്ഠായ ശ്രേഷ്ഠായ തുഷ്ടായാമിതതേജസേ ॥ 58 ॥

അഷ്ടാംഗന്യസ്തരൂപായ സർവദുഷ്ടാംതകായ ച ।
വൈകുംഠായ വികുംഠായ കേശികംഠായ തേ നമഃ ॥ 59 ॥

കംഠീരവായ ലുംഠായ നിശ്ശഠായ ഹഠായ ച ।
സത്വോദ്രിക്തായ രുദ്രായ ഋഗ്യജുസ്സാമഗായ ച ॥ 60 ॥

ഋതുധ്വജായ വജ്രായ മംത്രരാജായ മംത്രിണേ ।
ത്രിനേത്രായ ത്രിവര്ഗായ ത്രിധാമ്നേ ച ത്രിശൂലിനേ ॥ 61 ॥

ത്രികാലജ്ഞാനരൂപായ ത്രിദേഹായ ത്രിധാത്മനേ ।
നമസ്ത്രിമൂര്തിവിദ്യായ ത്രിതത്ത്വജ്ഞാനിനേ നമഃ ॥ 62 ॥

അക്ഷോഭ്യായാനിരുദ്ധായ അപ്രമേയായ ഭാനവേ ।
അമൃതായ അനംതായ അമിതായാമിതൌജസേ ॥ 63 ॥

അപമൃത്യുവിനാശായ അപസ്മാരവിഘാതിനേ ।
അന്നദായാന്നരൂപായ അന്നായാന്നഭുജേ നമഃ ॥ 64 ॥

നാദ്യായ നിരവദ്യായ വിദ്യായാദ്ഭുതകര്മണേ ।
സദ്യോജാതായ സംഘായ വൈദ്യുതായ നമോ നമഃ ॥ 65 ॥

അധ്വാതീതായ സത്ത്വായ വാഗതീതായ വാഗ്മിനേ ।
വാഗീശ്വരായ ഗോപായ ഗോഹിതായ ഗവാം പതേ ॥ 66 ॥

ഗംധർവായ ഗഭീരായ ഗര്ജിതായോര്ജിതായ ച ।
പര്ജന്യായ പ്രബുദ്ധായ പ്രധാനപുരുഷായ ച ॥ 67 ॥

പദ്മാഭായ സുനാഭായ പദ്മനാഭായ മാനിനേ ।
പദ്മനേത്രായ പദ്മായ പദ്മായാഃ പതയേ നമഃ ॥ 68 ॥

പദ്മോദരായ പൂതായ പദ്മകല്പോദ്ഭവായ ച ।
നമോ ഹൃത്പദ്മവാസായ ഭൂപദ്മോദ്ധരണായ ച ॥ 69 ॥

ശബ്ദബ്രഹ്മസ്വരൂപായ ബ്രഹ്മരൂപധരായ ച ।
ബ്രഹ്മണേ ബ്രഹ്മരൂപായ പദ്മനേത്രായ തേ നമഃ ॥ 70 ॥

ബ്രഹ്മദായ ബ്രാഹ്മണായ ബ്രഹ്മബ്രഹ്മാത്മനേ നമഃ ।
സുബ്രഹ്മണ്യായ ദേവായ ബ്രഹ്മണ്യായ ത്രിവേദിനേ ॥ 71 ॥

പരബ്രഹ്മസ്വരൂപായ പംചബ്രഹ്മാത്മനേ നമഃ ।
നമസ്തേ ബ്രഹ്മശിരസേ തഥാഽശ്വശിരസേ നമഃ ॥ 72 ॥

അഥർവശിരസേ നിത്യമശനിപ്രമിതായ ച ।
നമസ്തേ തീക്ഷ്ണദംഷ്ട്രായ ലോലായ ലലിതായ ച ॥ 73 ॥

ലാവണ്യായ ലവിത്രായ നമസ്തേ ഭാസകായ ച ।
ലക്ഷണജ്ഞായ ലക്ഷായ ലക്ഷണായ നമോ നമഃ ॥ 74 ॥

ലസദ്ദീപ്തായ ലിപ്തായ വിഷ്ണവേ പ്രഭവിഷ്ണവേ ।
വൃഷ്ണിമൂലായ കൃഷ്ണായ ശ്രീമഹാവിഷ്ണവേ നമഃ ॥ 75 ॥

പശ്യാമി ത്വാം മഹാസിംഹം ഹാരിണം വനമാലിനമ് ।
കിരീടിനം കുംഡലിനം സർവാംഗം സർവതോമുഖമ് ॥ 76 ॥

സർവതഃ പാണിപാദോരഃ സർവതോഽക്ഷിശിരോമുഖമ് ।
സർവേശ്വരം സദാതുഷ്ടം സമര്ഥം സമരപ്രിയമ് ॥ 77 ॥

ബഹുയോജനവിസ്തീര്ണം ബഹുയോജനമായതമ് ।
ബഹുയോജനഹസ്താംഘ്രിം ബഹുയോജനനാസികമ് ॥ 78 ॥

മഹാരൂപം മഹാവക്ത്രം മഹാദംഷ്ട്രം മഹാഭുജമ് ।
മഹാനാദം മഹാരൌദ്രം മഹാകായം മഹാബലമ് ॥ 79 ॥

ആനാഭേര്ബ്രഹ്മണോ രൂപമാഗലാദ്വൈഷ്ണവം തഥാ ।
ആശീര്ഷാദ്രുദ്രമീശാനം തദഗ്രേ സർവതഃ ശിവമ് ॥ 80 ॥

നമോഽസ്തു നാരായണനാരസിംഹ
നമോഽസ്തു നാരായണവീരസിംഹ ।
നമോഽസ്തു നാരായണക്രൂരസിംഹ
നമോഽസ്തു നാരായണദിവ്യസിംഹ ॥ 81 ॥

നമോഽസ്തു നാരായണവ്യാഘ്രസിംഹ
നമോഽസ്തു നാരായണപുച്ഛസിംഹ ।
നമോഽസ്തു നാരായണപൂര്ണസിംഹ
നമോഽസ്തു നാരായണരൌദ്രസിംഹ ॥ 82 ॥

നമോ നമോ ഭീഷണഭദ്രസിംഹ
നമോ നമോ വിഹ്വലനേത്രസിംഹ ।
നമോ നമോ ബൃംഹിതഭൂതസിംഹ
നമോ നമോ നിര്മലചിത്രസിംഹ ॥ 83 ॥

നമോ നമോ നിര്ജിതകാലസിംഹ
നമോ നമഃ കല്പിതകല്പസിംഹ ।
നമോ നമോ കാമദകാമസിംഹ
നമോ നമസ്തേ ഭുവനൈകസിംഹ ॥ 84 ॥

ദ്യാവാപൃഥിവ്യോരിദമംതരം ഹി
വ്യാപ്തം ത്വയൈകേന ദിശശ്ച സർവാഃ ।
ദൃഷ്ട്വാദ്ഭുതം രൂപമുഗ്രം തവേദം
ലോകത്രയം പ്രവ്യഥിതം മഹാത്മന് ॥ 85 ॥

അമീ ഹിത്വാ സുരസംഘാ വിശംതി
കേചിദ്ഭീതാഃ പ്രാംജലയോ ഗൃണംതി ।
സ്വസ്തീത്യുക്ത്വാ മുനയഃ സിദ്ധസംഘാഃ
സ്തുവംതി ത്വാം സ്തുതിഭിഃ പുഷ്കലാഭിഃ ॥ 86 ॥

രുദ്രാദിത്യാവസവോ യേ ച സാധ്യാ
വിശ്വേദേവാ മരുതശ്ചോഷ്മപാശ്ച ।
ഗംധർവയക്ഷാസുരസിദ്ധസംഘാ
വീക്ഷംതി ത്വാം വിസ്മിതാശ്ചൈവ സർവേ ॥ 87 ॥

ലേലിഹ്യസേ ഗ്രസമാനഃ സമംതാ-
-ല്ലോകാന് സമഗ്രാന്വദനൈര്ജ്വലദ്ഭിഃ ।
തേജോഭിരാപൂര്യ ജഗത്സമഗ്രം
ഭാസസ്തവോഗ്രാഃ പ്രതപംതി വിഷ്ണോ ॥ 88 ॥

ഭവിഷ്ണുസ്ത്വം സഹിഷ്ണുസ്ത്വം ഭ്രാജിഷ്ണുര്ജിഷ്ണുരേവ ച ।
പൃഥിവീമംതരിക്ഷം ത്വം പർവതാരണ്യമേവ ച ॥ 89 ॥

കലാകാഷ്ഠാവിലിപ്തസ്ത്വം മുഹൂര്തപ്രഹരാദികമ് ।
അഹോരാത്രം ത്രിസംധ്യാ ച പക്ഷമാസര്തുവത്സരാഃ ॥ 90 ॥

യുഗാദിര്യുഗഭേദസ്ത്വം സംയുഗോ യുഗസംധയഃ ।
നിത്യം നൈമിത്തികം ദൈനം മഹാപ്രലയമേവ ച ॥ 91 ॥

കരണം കാരണം കര്താ ഭര്താ ഹര്താ ത്വമീശ്വരഃ ।
സത്കര്താ സത്കൃതിര്ഗോപ്താ സച്ചിദാനംദവിഗ്രഹഃ ॥ 92 ॥

പ്രാണസ്ത്വം പ്രാണിനാം പ്രത്യഗാത്മാ ത്വം സർവദേഹിനാമ് ।
സുജ്യോതിസ്ത്വം പരംജ്യോതിരാത്മജ്യോതിഃ സനാതനഃ ॥ 93 ॥

ജ്യോതിര്ലോകസ്വരൂപസ്ത്വം ജ്ഞോ ജ്യോതിര്ജ്യോതിഷാം പതിഃ । [ജ്യോതിര്ജ്ഞോ]
സ്വാഹാകാരഃ സ്വധാകാരോ വഷട്കാരഃ കൃപാകരഃ ॥ 94 ॥

ഹംതകാരോ നിരാകാരോ വേഗാകാരശ്ച ശംകരഃ ।
അകാരാദിഹകാരാംത ഓംകാരോ ലോകകാരകഃ ॥ 95 ॥

ഏകാത്മാ ത്വമനേകാത്മാ ചതുരാത്മാ ചതുര്ഭുജഃ ।
ചതുര്മൂര്തിശ്ചതുര്ദംഷ്ട്രശ്ചതുർവേദമയോത്തമഃ ॥ 96 ॥

ലോകപ്രിയോ ലോകഗുരുര്ലോകേശോ ലോകനായകഃ ।
ലോകസാക്ഷീ ലോകപതിര്ലോകാത്മാ ലോകലോചനഃ ॥ 97 ॥

ലോകാധാരോ ബൃഹല്ലോകോ ലോകാലോകമയോ വിഭുഃ ।
ലോകകര്താ വിശ്വകര്താ കൃതാവര്തഃ കൃതാഗമഃ ॥ 98 ॥

അനാദിസ്ത്വമനംതസ്ത്വമഭൂതോ ഭൂതവിഗ്രഹഃ ।
സ്തുതിഃ സ്തുത്യഃ സ്തവപ്രീതഃ സ്തോതാ നേതാ നിയാമകഃ ॥ 99 ॥

ത്വം ഗതിസ്ത്വം മതിര്മഹ്യം പിതാ മാതാ ഗുരുഃ സഖാ ।
സുഹൃദശ്ചാത്മരൂപസ്ത്വം ത്വാം വിനാ നാസ്തി മേ ഗതിഃ ॥ 100 ॥

നമസ്തേ മംത്രരൂപായ അസ്ത്രരൂപായ തേ നമഃ ।
ബഹുരൂപായ രൂപായ പംചരൂപധരായ ച ॥ 101 ॥

ഭദ്രരൂപായ രൂഢായ യോഗരൂപായ യോഗിനേ ।
സമരൂപായ യോഗായ യോഗപീഠസ്ഥിതായ ച ॥ 102 ॥

യോഗഗമ്യായ സൌമ്യായ ധ്യാനഗമ്യായ ധ്യായിനേ ।
ധ്യേയഗമ്യായ ധാമ്നേ ച ധാമാധിപതയേ നമഃ ॥ 103 ॥

ധരാധരായ ധര്മായ ധാരണാഭിരതായ ച ।
നമോ ധാത്രേ ച സംധാത്രേ വിധാത്രേ ച ധരായ ച ॥ 104 ॥

ദാമോദരായ ദാംതായ ദാനവാംതകരായ ച ।
നമഃ സംസാരവൈദ്യായ ഭേഷജായ നമോ നമഃ ॥ 105 ॥

സീരധ്വജായ ശീതായ വാതായാപ്രമിതായ ച ।
സാരസ്വതായ സംസാരനാശനായാക്ഷമാലിനേ ॥ 106 ॥

അസിചര്മധരായൈവ ഷട്കര്മനിരതായ ച ।
വികര്മായ സുകര്മായ പരകര്മവിധായിനേ ॥ 107 ॥

സുശര്മണേ മന്മഥായ നമോ വര്മായ വര്മിണേ ।
കരിചര്മവസാനായ കരാലവദനായ ച ॥ 108 ॥

കവയേ പദ്മഗര്ഭായ ഭൂതഗര്ഭ ഘൃണാനിധേ ।
ബ്രഹ്മഗര്ഭായ ഗര്ഭായ ബൃഹദ്ഗര്ഭായ ധൂര്ജടേ ॥ 109 ॥

നമസ്തേ വിശ്വഗര്ഭായ ശ്രീഗര്ഭായ ജിതാരയേ ।
നമോ ഹിരണ്യഗര്ഭായ ഹിരണ്യകവചായ ച ॥ 110 ॥

ഹിരണ്യവര്ണദേഹായ ഹിരണ്യാക്ഷവിനാശിനേ ।
ഹിരണ്യകശിപോര്ഹംത്രേ ഹിരണ്യനയനായ ച ॥ 111 ॥

ഹിരണ്യരേതസേ തുഭ്യം ഹിരണ്യവദനായ ച ।
നമോ ഹിരണ്യശൃംഗായ നിഃശൃംഗായ ച ശൃംഗിണേ ॥ 112 ॥

ഭൈരവായ സുകേശായ ഭീഷണായാംത്രമാലിനേ ।
ചംഡായ രുംഡമാലായ നമോ ദംഡധരായ ച ॥ 113 ॥

അഖംഡതത്ത്വരൂപായ കമംഡലുധരായ ച ।
നമസ്തേ ഖംഡസിംഹായ സത്യസിംഹായ തേ നമഃ ॥ 114 ॥

നമസ്തേ ശ്വേതസിംഹായ പീതസിംഹായ തേ നമഃ ।
നീലസിംഹായ നീലായ രക്തസിംഹായ തേ നമഃ ॥ 115 ॥

നമോ ഹാരിദ്രസിംഹായ ധൂമ്രസിംഹായ തേ നമഃ ।
മൂലസിംഹായ മൂലായ ബൃഹത്സിംഹായ തേ നമഃ ॥ 116 ॥

പാതാലസ്ഥിതസിംഹായ നമഃ പർവതവാസിനേ ।
നമോ ജലസ്ഥസിംഹായ അംതരിക്ഷസ്ഥിതായ ച ॥ 117 ॥

കാലാഗ്നിരുദ്രസിംഹായ ചംഡസിംഹായ തേ നമഃ ।
അനംതസിംഹസിംഹായ അനംതഗതയേ നമഃ ॥ 118 ॥

നമോ വിചിത്രസിംഹായ ബഹുസിംഹസ്വരൂപിണേ ।
അഭയംകരസിംഹായ നരസിംഹായ തേ നമഃ ॥ 119 ॥

നമോഽസ്തു സിംഹരാജായ നാരസിംഹായ തേ നമഃ ।
സപ്താബ്ധിമേഖലായൈവ സത്യസത്യസ്വരൂപിണേ ॥ 120 ॥

സപ്തലോകാംതരസ്ഥായ സപ്തസ്വരമയായ ച ।
സപ്താര്ചീരൂപദംഷ്ട്രായ സപ്താശ്വരഥരൂപിണേ ॥ 121 ॥

സപ്തവായുസ്വരൂപായ സപ്തച്ഛംദോമയായ ച ।
സ്വച്ഛായ സ്വച്ഛരൂപായ സ്വച്ഛംദായ ച തേ നമഃ ॥ 122 ॥

ശ്രീവത്സായ സുവേഷായ ശ്രുതയേ ശ്രുതിമൂര്തയേ ।
ശുചിശ്രവായ ശൂരായ സുപ്രഭായ സുധന്വിനേ ॥ 123 ॥

ശുഭ്രായ സുരനാഥായ സുപ്രഭായ ശുഭായ ച ।
സുദര്ശനായ സൂക്ഷ്മായ നിരുക്തായ നമോ നമഃ ॥ 124 ॥

സുപ്രഭായ സ്വഭാവായ ഭവായ വിഭവായ ച ।
സുശാഖായ വിശാഖായ സുമുഖായ മുഖായ ച ॥ 125 ॥

സുനഖായ സുദംഷ്ട്രായ സുരഥായ സുധായ ച ।
സാംഖ്യായ സുരമുഖ്യായ പ്രഖ്യാതായ പ്രഭായ ച ॥ 126 ॥

നമഃ ഖട്വാംഗഹസ്തായ ഖേടമുദ്ഗരപാണയേ ।
ഖഗേംദ്രായ മൃഗേംദ്രായ നാഗേംദ്രായ ദൃഢായ ച ॥ 127 ॥

നാഗകേയൂരഹാരായ നാഗേംദ്രായാഘമര്ദിനേ ।
നദീവാസായ നഗ്നായ നാനാരൂപധരായ ച ॥ 128 ॥

നാഗേശ്വരായ നാഗായ നമിതായ നരായ ച ।
നാഗാംതകരഥായൈവ നരനാരായണായ ച ॥ 129 ॥

നമോ മത്സ്യസ്വരൂപായ കച്ഛപായ നമോ നമഃ ।
നമോ യജ്ഞവരാഹായ നരസിംഹായ തേ നമഃ ॥ 130 ॥

വിക്രമാക്രാംതലോകായ വാമനായ മഹൌജസേ ।
നമോ ഭാര്ഗവരാമായ രാവണാംതകരായ ച ॥ 131 ॥

നമസ്തേ ബലരാമായ കംസപ്രധ്വംസകാരിണേ ।
ബുദ്ധായ ബുദ്ധരൂപായ തീക്ഷ്ണരൂപായ കല്കിനേ ॥ 132 ॥

ആത്രേയായാഗ്നിനേത്രായ കപിലായ ദ്വിജായ ച ।
ക്ഷേത്രായ പശുപാലായ പശുവക്ത്രായ തേ നമഃ ॥ 133 ॥

ഗൃഹസ്ഥായ വനസ്ഥായ യതയേ ബ്രഹ്മചാരിണേ ।
സ്വര്ഗാപവര്ഗദാത്രേ ച തദ്ഭോക്ത്രേ ച മുമുക്ഷവേ ॥ 134 ॥

ശാലഗ്രാമനിവാസായ ക്ഷീരാബ്ധിശയനായ ച ।
ശ്രീശൈലാദ്രിനിവാസായ ശിലാവാസായ തേ നമഃ ॥ 135 ॥

യോഗിഹൃത്പദ്മവാസായ മഹാഹാസായ തേ നമഃ ।
ഗുഹാവാസായ ഗുഹ്യായ ഗുപ്തായ ഗുരവേ നമഃ ॥ 136 ॥

നമോ മൂലാധിവാസായ നീലവസ്ത്രധരായ ച ।
പീതവസ്ത്രായ ശസ്ത്രായ രക്തവസ്ത്രധരായ ച ॥ 137 ॥

രക്തമാലാവിഭൂഷായ രക്തഗംധാനുലേപിനേ ।
ധുരംധരായ ധൂര്തായ ദുര്ധരായ ധരായ ച ॥ 138 ॥

ദുര്മദായ ദുരംതായ ദുര്ധരായ നമോ നമഃ ।
ദുര്നിരീക്ഷ്യായ നിഷ്ഠായ ദുര്ദര്ശായ ദ്രുമായ ച ॥ 139 ॥

ദുര്ഭേദായ ദുരാശായ ദുര്ലഭായ നമോ നമഃ ।
ദൃപ്തായ ദൃപ്തവക്ത്രായ അദൃപ്തനയനായ ച ॥ 140 ॥

ഉന്മത്തായ പ്രമത്തായ നമോ ദൈത്യാരയേ നമഃ ।
രസജ്ഞായ രസേശായ ആരക്തരസനായ ച ॥ 141 ॥

പഥ്യായ പരിതോഷായ രഥ്യായ രസികായ ച ।
ഊര്ധ്വകേശോര്ധ്വരൂപായ നമസ്തേ ചോര്ധ്വരേതസേ ॥ 142 ॥

ഊര്ധ്വസിംഹായ സിംഹായ നമസ്തേ ചോര്ധ്വബാഹവേ ।
പരപ്രധ്വംസകായൈവ ശംഖചക്രധരായ ച ॥ 143 ॥

ഗദാപദ്മധരായൈവ പംചബാണധരായ ച ।
കാമേശ്വരായ കാമായ കാമപാലായ കാമിനേ ॥ 144 ॥

നമഃ കാമവിഹാരായ കാമരൂപധരായ ച ।
സോമസൂര്യാഗ്നിനേത്രായ സോമപായ നമോ നമഃ ॥ 145 ॥

നമഃ സോമായ വാമായ വാമദേവായ തേ നമഃ ।
സാമസ്വനായ സൌമ്യായ ഭക്തിഗമ്യായ വൈ നമഃ ॥ 146 ॥

കൂഷ്മാംഡഗണനാഥായ സർവശ്രേയസ്കരായ ച ।
ഭീഷ്മായ ഭീഷദായൈവ ഭീമവിക്രമണായ ച ॥ 147 ॥

മൃഗഗ്രീവായ ജീവായ ജിതായാജിതകാരിണേ ।
ജടിനേ ജാമദഗ്ന്യായ നമസ്തേ ജാതവേദസേ ॥ 148 ॥

ജപാകുസുമവര്ണായ ജപ്യായ ജപിതായ ച ।
ജരായുജായാംഡജായ സ്വേദജായോദ്ഭിജായ ച ॥ 149 ॥

ജനാര്ദനായ രാമായ ജാഹ്നവീജനകായ ച ।
ജരാജന്മാദിദൂരായ പ്രദ്യുമ്നായ പ്രമോദിനേ ॥ 150 ॥

ജിഹ്വാരൌദ്രായ രുദ്രായ വീരഭദ്രായ തേ നമഃ ।
ചിദ്രൂപായ സമുദ്രായ കദ്രുദ്രായ പ്രചേതസേ ॥ 151 ॥

ഇംദ്രിയായേംദ്രിയജ്ഞായ നമോഽസ്ത്വിംദ്രാനുജായ ച ।
അതീംദ്രിയായ സാരായ ഇംദിരാപതയേ നമഃ ॥ 152 ॥

ഈശാനായ ച ഈഡ്യായ ഈശിതായ ഇനായ ച ।
വ്യോമാത്മനേ ച വ്യോമ്നേ ച നമസ്തേ വ്യോമകേശിനേ ॥ 153 ॥

വ്യോമാധാരായ ച വ്യോമവക്ത്രായാസുരഘാതിനേ ।
നമസ്തേ വ്യോമദംഷ്ട്രായ വ്യോമവാസായ തേ നമഃ ॥ 154 ॥

സുകുമാരായ രാമായ ശുഭാചാരായ വൈ നമഃ ।
വിശ്വായ വിശ്വരൂപായ നമോ വിശ്വാത്മകായ ച ॥ 155 ॥

ജ്ഞാനാത്മകായ ജ്ഞാനായ വിശ്വേശായ പരാത്മനേ ।
ഏകാത്മനേ നമസ്തുഭ്യം നമസ്തേ ദ്വാദശാത്മനേ ॥ 156 ॥

ചതുർവിംശതിരൂപായ പംചവിംശതിമൂര്തയേ ।
ഷഡ്വിംശകാത്മനേ നിത്യം സപ്തവിംശതികാത്മനേ ॥ 157 ॥

ധര്മാര്ഥകാമമോക്ഷായ വിരക്തായ നമോ നമഃ ।
ഭാവശുദ്ധായ സിദ്ധായ സാധ്യായ ശരഭായ ച ॥ 158 ॥

പ്രബോധായ സുബോധായ നമോ ബുദ്ധിപ്രിയായ ച ।
സ്നിഗ്ധായ ച വിദഗ്ധായ മുഗ്ധായ മുനയേ നമഃ ॥ 159 ॥

പ്രിയംവദായ ശ്രവ്യായ സ്രുക്സ്രുവായ ശ്രിതായ ച ।
ഗൃഹേശായ മഹേശായ ബ്രഹ്മേശായ നമോ നമഃ ॥ 160 ॥

ശ്രീധരായ സുതീര്ഥായ ഹയഗ്രീവായ തേ നമഃ ।
ഉഗ്രായ ഉഗ്രവേഗായ ഉഗ്രകര്മരതായ ച ॥ 161 ॥

ഉഗ്രനേത്രായ വ്യഗ്രായ സമഗ്രഗുണശാലിനേ ।
ബാലഗ്രഹവിനാശായ പിശാചഗ്രഹഘാതിനേ ॥ 162 ॥

ദുഷ്ടഗ്രഹനിഹംത്രേ ച നിഗ്രഹാനുഗ്രഹായ ച ।
വൃഷധ്വജായ വൃഷ്ണ്യായ വൃഷായ വൃഷഭായ ച ॥ 163 ॥

ഉഗ്രശ്രവായ ശാംതായ നമഃ ശ്രുതിധരായ ച ।
നമസ്തേ ദേവദേവേശ നമസ്തേ മധുസൂദന ॥ 164 ॥

നമസ്തേ പുംഡരീകാക്ഷ നമസ്തേ ദുരിതക്ഷയ ।
നമസ്തേ കരുണാസിംധോ നമസ്തേ സമിതിംജയ ॥ 165 ॥

നമസ്തേ നരസിംഹായ നമസ്തേ ഗരുഡധ്വജ ।
യജ്ഞനേത്ര നമസ്തേഽസ്തു കാലധ്വജ ജയധ്വജ ॥ 166 ॥

അഗ്നിനേത്ര നമസ്തേഽസ്തു നമസ്തേ ഹ്യമരപ്രിയ ।
മഹാനേത്ര നമസ്തേഽസ്തു നമസ്തേ ഭക്തവത്സല ॥ 167 ॥

ധര്മനേത്ര നമസ്തേഽസ്തു നമസ്തേ കരുണാകര ।
പുണ്യനേത്ര നമസ്തേഽസ്തു നമസ്തേഽഭീഷ്ടദായക ॥ 168 ॥

നമോ നമസ്തേ ജയസിംഹരൂപ
നമോ നമസ്തേ നരസിംഹരൂപ ।
നമോ നമസ്തേ രണസിംഹരൂപ
നമോ നമസ്തേ നരസിംഹരൂപ ॥ 169 ॥

ഉദ്ധൃത്യ ഗർവിതം ദൈത്യം നിഹത്യാജൌ സുരദ്വിഷമ് ।
ദേവകാര്യം മഹത്കൃത്വാ ഗര്ജസേ സ്വാത്മതേജസാ ॥ 170 ॥

അതിരൌദ്രമിദം രൂപം ദുസ്സഹം ദുരതിക്രമമ് ।
ദൃഷ്ട്വാ തു ശംകിതാഃ സർവാ ദേവതാസ്ത്വാമുപാഗതാഃ ॥ 171 ॥

ഏതാന്പശ്യ മഹേശാനം ബ്രഹ്മാണം മാം ശചീപതിമ് ।
ദിക്പാലാന് ദ്വാദശാദിത്യാന് രുദ്രാനുരഗരാക്ഷസാന് ॥ 172 ॥

സർവാന് ഋഷിഗണാന് സപ്തമാതൃര്ഗൌരീം സരസ്വതീമ് ।
ലക്ഷ്മീം നദീശ്ച തീര്ഥാനി രതിം ഭൂതഗണാന്യപി ॥ 173 ॥

പ്രസീദ ത്വം മഹാസിംഹ ഉഗ്രഭാവമിമം ത്യജ ।
പ്രകൃതിസ്ഥോ ഭവ ത്വം ഹി ശാംതിഭാവം ച ധാരയ ॥ 174 ॥

ഇത്യുക്ത്വാ ദംഡവദ്ഭൂമൌ പപാത സ പിതാമഹഃ ।
പ്രസീദ ത്വം പ്രസീദ ത്വം പ്രസീദേതി പുനഃ പുനഃ ॥ 175 ॥

മാര്കംഡേയ ഉവാച ।
ദൃഷ്ട്വാ തു ദേവതാഃ സർവാഃ ശ്രുത്വാ താം ബ്രഹ്മണോ ഗിരമ് ।
സ്തോത്രേണാപി ച സംഹൃഷ്ടഃ സൌമ്യഭാവമധാരയത് ॥ 176 ॥

അബ്രവീന്നാരസിംഹസ്തു വീക്ഷ്യ സർവാന് സുരോത്തമാന് ।
സംത്രസ്താന് ഭയസംവിഗ്നാന് ശരണം സമുപാഗതാന് ॥ 177 ॥

ശ്രീനൃസിംഹ ഉവാച ।
ഭോ ഭോ ദേവവരാഃ സർവേ പിതാമഹപുരോഗമാഃ ।
ശൃണുധ്വം മമ വാക്യം ച ഭവംതു വിഗതജ്വരാഃ ॥ 178 ॥

യദ്ധിതം ഭവതാം നൂനം തത്കരിഷ്യാമി സാംപ്രതമ് ।
ഏവം നാമസഹസ്രം മേ ത്രിസംധ്യം യഃ പഠേത് ശുചിഃ ॥ 179 ॥

ശൃണോതി വാ ശ്രാവയതി പൂജാംതേ ഭക്തിസംയുതഃ ।
സർവാന് കാമാനവാപ്നോതി ജീവേച്ച ശരദാം ശതമ് ॥ 180 ॥

യോ നാമഭിര്നൃസിംഹാദ്യൈരര്ചയേത്ക്രമശോ മമ ।
സർവതീര്ഥേഷു യത്പുണ്യം സർവതീര്ഥേഷു യത്ഫലമ് ॥ 181 ॥

സർവപൂജാസു യത്പ്രോക്തം തത്സർവം ലഭതേ ഭൃശമ് ।
ജാതിസ്മരത്വം ലഭതേ ബ്രഹ്മജ്ഞാനം സനാതനമ് ॥ 182 ॥

സർവപാപവിനിര്മുക്തഃ തദ്വിഷ്ണോഃ പരമം പദമ് ।
മന്നാമകവചം ബധ്വാ വിചരേദ്വിഗതജ്വരഃ ॥ 183 ॥

ഭൂതഭേതാലകൂഷ്മാംഡ പിശാചബ്രഹ്മരാക്ഷസാഃ ।
ശാകിനീഡാകിനീജ്യേഷ്ഠാ നീലീ ബാലഗ്രഹാദികാഃ ॥ 184 ॥

ദുഷ്ടഗ്രഹാശ്ച നശ്യംതി യക്ഷരാക്ഷസപന്നഗാഃ ।
യേ ച സംധ്യാഗ്രഹാഃ സർവേ ചാംഡാലഗ്രഹസംജ്ഞികാഃ ॥ 185 ॥

നിശാചരഗ്രഹാഃ സർവേ പ്രണശ്യംതി ച ദൂരതഃ ।
കുക്ഷിരോഗം ച ഹൃദ്രോഗം ശൂലാപസ്മാരമേവ ച ॥ 186 ॥

ഐകാഹികം ദ്വ്യാഹികം ച ചാതുര്ഥികമഥ ജ്വരമ് ।
ആധയോ വ്യാധയഃ സർവേ രോഗാ രോഗാധിദേവതാഃ ॥ 187 ॥

ശീഘ്രം നശ്യംതി തേ സർവേ നൃസിംഹസ്മരണാത് സുരാഃ ।
രാജാനോ ദാസതാം യാംതി ശത്രവോ യാംതി മിത്രതാമ് ॥ 188 ॥

ജലാനി സ്ഥലതാം യാംതി വഹ്നയോ യാംതി ശീതതാമ് ।
വിഷാണ്യപ്യമൃതാ യാംതി നൃസിംഹസ്മരണാത്സുരാഃ ॥ 189 ॥

രാജ്യകാമോ ലഭേദ്രാജ്യം ധനകാമോ ലഭേദ്ധനമ് ।
വിദ്യാകാമോ ലഭേദ്വിദ്യാം ബദ്ധോ മുച്യേത ബംധനാത് ॥ 190 ॥

വ്യാലവ്യാഘ്രഭയം നാസ്തി ചോരസര്പാദികം തഥാ ।
അനുകൂലാ ഭവേദ്ഭാര്യാ ലോകൈശ്ച പ്രതിപൂജ്യതേ ॥ 191 ॥

സുപുത്രം ധനധാന്യം ച ഭവംതി വിഗതജ്വരാഃ ।
ഏതത്സർവം സമാപ്നോതി നൃസിംഹസ്യ പ്രസാദതഃ ॥ 192 ॥

ജലസംതരണേ ചൈവ പർവതാരണ്യമേവ ച ।
വനേഽപി വിചിരന്മര്ത്യോ ദുര്ഗമേ വിഷമേ പഥി ॥ 193 ॥

ബിലപ്രവേശനേ ചാപി നാരസിംഹം ന വിസ്മരേത് ।
ബ്രഹ്മഘ്നശ്ച പശുഘ്നശ്ച ഭ്രൂണഹാ ഗുരുതല്പഗഃ ॥ 194 ॥

മുച്യതേ സർവപാപേഭ്യഃ കൃതഘ്നഃ സ്ത്രീവിഘാതകഃ ।
വേദാനാം ദൂഷകശ്ചാപി മാതാപിതൃവിനിംദകഃ ॥ 195 ॥

അസത്യസ്തു തേഥാ യജ്ഞനിംദകോ ലോകനിംദകഃ ।
സ്മൃത്വാ സകൃന്നൃസിംഹം തു മുച്യതേ സർവകില്ബിഷൈഃ ॥ 196 ॥

ബഹുനാത്ര കിമുക്തേന സ്മൃത്വാ മാം ശുദ്ധമാനസഃ ।
യത്ര യത്ര ചരേന്മര്ത്യോ നൃസിംഹസ്തത്ര രക്ഷതി ॥ 197 ॥

ഗച്ഛന് തിഷ്ഠന് സ്വപന് ഭുംജന് ജാഗ്രന്നപി ഹസന്നപി ।
നൃസിംഹേതി നൃസിംഹേതി നൃസിംഹേതി സദാ സ്മരന് ॥ 198 ॥

പുമാന്ന ലിപ്യതേ പാപൈര്ഭുക്തിം മുക്തിം ച വിംദതി ।
നാരീ സുഭഗതാമേതി സൌഭാഗ്യം ച സ്വരൂപതാമ് ॥ 199 ॥

ഭര്തുഃ പ്രിയത്വം ലഭതേ ന വൈധവ്യം ച വിംദതി ।
ന സപത്നീം ച ജന്മാംതേ സമ്യക് ജ്ഞാനീ ഭവേദ്വിജഃ ॥ 200 ॥

ഭൂമിപ്രദക്ഷിണാന്മര്ത്യോ യത്ഫലം ലഭതേ ചിരാത് ।
തത്ഫലം ലഭതേ നാരസിംഹമൂര്തിപ്രദക്ഷിണാത് ॥ 201 ॥

മാര്കംഡേയ ഉവാച ।
ഇത്യുക്ത്വാ ദേവദേവേശോ ലക്ഷ്മീമാലിംഗ്യ ലീലയാ ।
പ്രഹ്ലാദസ്യാഭിഷേകം തു ബ്രഹ്മണേ ചോപദിഷ്ടവാന് ॥ 202 ॥

ശ്രീശൈലസ്യ പ്രസാദേ തു ലോകാനാം ച ഹിതായ വൈ ।
സ്വരൂപം സ്ഥാപയാമാസ പ്രകൃതിസ്ഥോഽഭവത്തദാ ॥ 203 ॥

ബ്രഹ്മാപി ദൈത്യരാജാനം പ്രഹ്ലാദമഭ്യഷേചയത് ।
ദൈവതൈഃ സഹ സുപ്രീതോ ഹ്യാത്മലോകം യയൌ സ്വയമ് ॥ 204 ॥

ഹിരണ്യകശിപോര്ഭീത്യാ പ്രപലായ്യ ശചീപതിഃ ।
സ്വര്ഗരാജ്യപരിഭ്രഷ്ടോ യുഗാനാമേകവിംശതിമ് ॥ 205 ॥

നൃസിംഹേന ഹതേ ദൈത്യേ സ്വര്ഗലോകമവാപ സഃ ।
ദിക്പാലാശ്ച സുസംപ്രാപ്തഃ സ്വസ്വസ്ഥാനമനുത്തമമ് ॥ 206 ॥

ധര്മേ മതിഃ സമസ്താനാം പ്രജാനാമഭവത്തദാ ।
ഏവം നാമസഹസ്രം മേ ബ്രഹ്മണാ നിര്മിതം പുരാ ॥ 207 ॥

പുത്രാനധ്യാപയാമാസ സനകാദീന്മഹാമതിഃ ।
ഊചുസ്തേ ച തതഃ സർവലോകാനാം ഹിതകാമ്യയാ ॥ 208 ॥

ദേവതാ ഋഷയഃ സിദ്ധാ യക്ഷവിദ്യാധരോരഗാഃ ।
ഗംധർവാശ്ച മനുഷ്യാശ്ച ഇഹാമുത്രഫലൈഷിണഃ ॥ 209 ॥

യസ്യ സ്തോത്രസ്യ പാഠാദ്ധി വിശുദ്ധമനസോഽഭവന് ।
സനത്കുമാരഃ സംപ്രാപ്തോ ഭാരദ്വാജോ മഹാമതിഃ ॥ 210 ॥

തസ്മാദാംഗിരസഃ പ്രാപ്തസ്തസ്മാത്പ്രാപ്തോ മഹാക്രതുഃ ।
ജഗ്രാഹ ഭാര്ഗവസ്തസ്മാദഗ്നിമിത്രായ സോഽബ്രവീത് ॥ 211।

ജൈഗീഷവ്യായ സ പ്രാഹ സോഽബ്രവീച്ച്യവനായ ച ।
തസ്മാ ഉവാച ശാംഡില്യോ ഗര്ഗായ പ്രാഹ വൈ മുനിഃ ॥ 212 ॥

ക്രതുംജയായ സ പ്രാഹ ജതുകര്ണ്യായ സംയമീ ।
വിഷ്ണുവൃദ്ധായ സോഽപ്യാഹ സോഽപി ബോധായനായ ച ॥ 213 ॥

ക്രമാത്സ വിഷ്ണവേ പ്രാഹ സ പ്രാഹോദ്ധാമകുക്ഷയേ ।
സിംഹതേജാശ്ച തസ്മാച്ച ശ്രീപ്രിയായ ദദൌ ച നഃ ॥ 214 ॥ [സഃ]

ഉപദിഷ്ടോഽസ്മി തേനാഹമിദം നാമസഹസ്രകമ് ।
തത്പ്രസാദാദമൃത്യുര്മേ യസ്മാത്കസ്മാദ്ഭയം ന ഹി ॥ 215 ॥

മയാ ച കഥിതം നാരസിംഹസ്തോത്രമിദം തവ ।
ത്വം ഹി നിത്യം ശുചിര്ഭൂത്വാ തമാരാധയ ശാശ്വതമ് ॥ 216 ॥

സർവഭൂതാശ്രയം ദേവം നൃസിംഹം ഭക്തവത്സലമ് ।
പൂജയിത്വാ സ്തവം ജപ്ത്വാ ഹുത്വാ നിശ്ചലമാനസഃ ॥ 217 ॥

പ്രാപ്യസേ മഹതീം സിദ്ധിം സർവാന് കാമാന്വരോത്തമാന് ।
അയമേവ പരോധര്മസ്ത്വിദമേവ പരം തപഃ ॥ 218 ॥

ഇദമേവ പരം ജ്ഞാനമിദമേവ മഹദ്വ്രതമ് ।
അയമേവ സദാചാരസ്ത്വയമേവ സദാ മഖഃ ॥ 219 ॥

ഇദമേവ ത്രയോ വേദാഃ സച്ഛാസ്ത്രാണ്യാഗമാനി ച ।
നൃസിംഹമംത്രാദന്യച്ച വൈദികം തു ന വിദ്യതേ ॥ 220 ॥

യദിഹാസ്തി തദന്യത്ര യന്നേഹാസ്തി ന തത്ക്വചിത് ।
കഥിതം തേ നൃസിംഹസ്യ ചരിതം പാപനാശനമ് ॥ 221 ॥

സർവമംത്രമയം താപത്രയോപശമനം പരമ് ।
സർവാര്ഥസാധനം ദിവ്യം കിം ഭൂയഃ ശ്രോതുമിച്ഛസി ॥ 222 ॥

ഇതി ശ്രീനൃസിംഹപുരാണേ നൃസിംഹപ്രാദുര്ഭാവേ ശ്രീമദ്ദിവ്യ ലക്ഷ്മീനൃസിംഹ സഹസ്രനാമ സ്തോത്രമ് ॥