॥ ପୂର୍ଵପୀଠିକା ॥

ମାର୍କଂଡେୟ ଉଵାଚ ।
ଏଵଂ ୟୁଦ୍ଧମଭୂଦ୍ଘୋରଂ ରୌଦ୍ରଂ ଦୈତ୍ୟବଲୈଃ ସହ ।
ନୃସିଂହସ୍ୟାଂଗସଂଭୂତୈର୍ନାରସିଂହୈରନେକଶଃ ॥ 1 ॥

ଦୈତ୍ୟକୋଟିର୍ହତାସ୍ତତ୍ର କେଚିଦ୍ଭୀତାଃ ପଲାୟିତାଃ ।
ତଂ ଦୃଷ୍ଟ୍ଵାତୀଵ ସଂକ୍ରୁଦ୍ଧୋ ହିରଣ୍ୟକଶିପୁଃ ସ୍ଵୟମ୍ ॥ 2 ॥

ଭୂତପୂର୍ଵୈରମୃତ୍ୟୁର୍ମେ ଇତି ବ୍ରହ୍ମଵରୋଦ୍ଧତଃ ।
ଵଵର୍ଷ ଶରଵର୍ଷେଣ ନାରସିଂହୋ ଭୃଶଂ ବଲୀ ॥ 3 ॥

ଦ୍ଵଂଦ୍ଵୟୁଦ୍ଧମଭୂଦୁଗ୍ରଂ ଦିଵ୍ୟଵର୍ଷସହସ୍ରକମ୍ ।
ଦୈତ୍ୟେଂଦ୍ରେ ସାହସଂ ଦୃଷ୍ଟ୍ଵା ଦେଵାଶ୍ଚେଂଦ୍ରପୁରୋଗମାଃ ॥ 4 ॥

ଶ୍ରେୟଃ କସ୍ୟ ଭଵେଦତ୍ର ଇତି ଚିଂତାପରା ଭଵନ୍ ।
ତଦା କ୍ରୁଦ୍ଧୋ ନୃସିଂହସ୍ତୁ ଦୈତ୍ୟେଂଦ୍ରପ୍ରହିତାନ୍ୟପି ॥ 5 ॥

ଵିଷ୍ଣୁଚକ୍ରଂ ମହାଚକ୍ରଂ କାଲଚକ୍ରଂ ତୁ ଵୈଷ୍ଣଵମ୍ ।
ରୌଦ୍ରଂ ପାଶୁପତଂ ବ୍ରାହ୍ମଂ କୌବେରଂ କୁଲିଶାସନମ୍ ॥ 6 ॥

ଆଗ୍ନେୟଂ ଵାରୁଣଂ ସୌମ୍ୟଂ ମୋହନଂ ସୌରପାର୍ଵତମ୍ ।
ଭାର୍ଗଵାଦି ବହୂନ୍ୟସ୍ତ୍ରାଣ୍ୟଭକ୍ଷୟତ କୋପନଃ ॥ 7 ॥

ସଂଧ୍ୟାକାଲେ ସଭାଦ୍ଵାରେ ସ୍ଵାଂକେ ନିକ୍ଷିପ୍ୟ ଭୈରଵଃ ।
ତତଃ ଖଡ୍ଗଧରଂ ଦୈତ୍ୟଂ ଜଗ୍ରାହ ନରକେସରୀ ॥ 8 ॥

ହିରଣ୍ୟକଶିପୋର୍ଵକ୍ଷୋ ଵିଦାର୍ୟାତୀଵ ରୋଷିତଃ ।
ଉଦ୍ଧୃତ୍ୟ ଚାଂତ୍ରମାଲାନି ନଖୈର୍ଵଜ୍ରସମପ୍ରଭୈଃ ॥ 9 ॥

ମେନେ କୃତାର୍ଥମାତ୍ମାନଂ ସର୍ଵତଃ ପର୍ୟଵୈକ୍ଷତ ।
ହର୍ଷିତା ଦେଵତାଃ ସର୍ଵାଃ ପୁଷ୍ପଵୃଷ୍ଟିମଵାକିରନ୍ ॥ 10 ॥

ଦେଵଦୁଂଦୁଭୟୋ ନେଦୁର୍ଵିମଲାଶ୍ଚ ଦିଶୋଽଭଵନ୍ ।
ନରସିଂହମତୀଵୋଗ୍ରଂ ଵିକୀର୍ଣଵଦନଂ ଭୃଶମ୍ ॥ 11 ॥

ଲେଲିହାନଂ ଚ ଗର୍ଜଂତଂ କାଲାନଲସମପ୍ରଭମ୍ ।
ଅତିରୌଦ୍ରଂ ମହାକାୟଂ ମହାଦଂଷ୍ଟ୍ରଂ ମହାରୁତମ୍ ॥ 12 ॥

ମହାସିଂହଂ ମହାରୂପଂ ଦୃଷ୍ଟ୍ଵା ସଂକ୍ଷୁଭିତଂ ଜଗତ୍ ।
ସର୍ଵଦେଵଗଣୈଃ ସାର୍ଥଂ ତତ୍ରାଗତ୍ୟ ପିତାମହଃ ॥ 13 ॥

ଆଗଂତୁକୈର୍ଭୂତପୂର୍ଵୈର୍ଵର୍ତମାନୈରନୁତ୍ତମୈଃ ।
ଗୁଣୈର୍ନାମସହସ୍ରେଣ ତୁଷ୍ଟାଵ ଶ୍ରୁତିସମ୍ମତୈଃ ॥ 14 ॥

ଓଂ ନମଃ ଶ୍ରୀମଦ୍ଦିଵ୍ୟଲକ୍ଷ୍ମୀନୃସିଂହ ସହସ୍ରନାମସ୍ତୋତ୍ରମହାମଂତ୍ରସ୍ୟ ବ୍ରହ୍ମା ଋଷିଃ, ଶ୍ରୀଲକ୍ଷ୍ମୀନୃସିଂହୋ ଦେଵତା, ଅନୁଷ୍ଟୁପ୍ଛଂଦଃ, ଶ୍ରୀନୃସିଂହଃ ପରମାତ୍ମା ବୀଜଂ, ଲକ୍ଷ୍ମୀର୍ମାୟା ଶକ୍ତିଃ, ଜୀଵୋ ବୀଜଂ, ବୁଦ୍ଧିଃ ଶକ୍ତିଃ, ଉଦାନଵାୟୁଃ ବୀଜଂ, ସରସ୍ଵତୀ ଶକ୍ତିଃ, ଵ୍ୟଂଜନାନି ବୀଜାନି, ସ୍ଵରାଃ ଶକ୍ତୟଃ, ଓଂ କ୍ଷ୍ରୌଂ ହ୍ରୀଂ ଇତି ବୀଜାନି, ଓଂ ଶ୍ରୀଂ
ଅଂ ଆଂ ଇତି ଶକ୍ତୟଃ, ଵିକୀର୍ଣନଖଦଂଷ୍ଟ୍ରାୟୁଧାୟେତି କୀଲକଂ, ଅକାରାଦିତି ବୋଧକଂ, ଶ୍ରୀଲକ୍ଷ୍ମୀନୃସିଂହ ପ୍ରସାଦସିଦ୍ଧ୍ୟର୍ଥେ ଶ୍ରୀଲକ୍ଷ୍ମୀନୃସିଂହ ସହସ୍ରନାମସ୍ତୋତ୍ର ମଂତ୍ରଜପେ ଵିନିୟୋଗଃ ।

ନ୍ୟାସଃ –
ଓଂ ଶ୍ରୀଲକ୍ଷ୍ମୀନୃସିଂହାୟ ନମଃ – ଅଂଗୁଷ୍ଠାଭ୍ୟାଂ ନମଃ ।
ଓଂ ଵଜ୍ରନଖାୟ ନମଃ – ତର୍ଜନୀଭ୍ୟାଂ ନମଃ ।
ଓଂ ମହାରୁଦ୍ରାୟ ନମଃ – ମଧ୍ୟମାଭ୍ୟାଂ ନମଃ ।
ଓଂ ସର୍ଵତୋମୁଖାୟ ନମଃ – ଅନାମିକାଭ୍ୟାଂ ନମଃ ।
ଓଂ ଵିକଟାସ୍ୟାୟ ନମଃ – କନିଷ୍ଠିକାଭ୍ୟାଂ ନମଃ ।
ଓଂ ଵୀରାୟ ନମଃ – କରତଲକରପୃଷ୍ଠାଭ୍ୟାଂ ନମଃ ।
ଏଵଂ ହୃଦୟାଦିନ୍ୟାସଃ ।

ଦିଗ୍ବଂଧଃ –
ଓଂ ଐଂଦ୍ରୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଆଗ୍ନେୟୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ୟାମ୍ୟାଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ନୈରୃତିଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଵାରୁଣୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଵାୟଵୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ କୌବେରୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଈଶାନୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଊର୍ଧ୍ଵାଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଅଧସ୍ତାଦ୍ଦିଶଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଅଂତରିକ୍ଷାଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।

ଅଥ ଧ୍ୟାନମ୍ ।
ସତ୍ୟଜ୍ଞାନସୁଖସ୍ଵରୂପମମଲଂ କ୍ଷୀରାବ୍ଧିମଧ୍ୟେ ସ୍ଥିତଂ
ୟୋଗାରୂଢମତିପ୍ରସନ୍ନଵଦନଂ ଭୂଷାସହସ୍ରୋଜ୍ଵଲମ୍ ।
ତ୍ର୍ୟକ୍ଷଂ ଚକ୍ରପିନାକସାଭୟକରାନ୍ ବିଭ୍ରାଣମର୍କଚ୍ଛଵିଂ
ଛତ୍ରୀଭୂତଫଣୀଂଦ୍ରମିଂଦୁଧଵଲଂ ଲକ୍ଷ୍ମୀନୃସିଂହଂ ଭଜେ ॥ 1 ॥

ଉପାସ୍ମହେ ନୃସିଂହାଖ୍ୟଂ ବ୍ରହ୍ମ ଵେଦାଂତଗୋଚରମ୍ ।
ଭୂୟୋଲାଲିତସଂସାରଚ୍ଛେଦହେତୁଂ ଜଗଦ୍ଗୁରୁମ୍ ॥ 2 ॥

ଅଥ ସ୍ତୋତ୍ରମ୍ ।
ବ୍ରହ୍ମୋଵାଚ ।
ଓଂ ହ୍ରୀଂ ଶ୍ରୀଂ ଐଂ କ୍ଷ୍ରୌମ୍ ॥
ଓଂ ନମୋ ନାରସିଂହାୟ ଵଜ୍ରଦଂଷ୍ଟ୍ରାୟ ଵଜ୍ରିଣେ ।
ଵଜ୍ରଦେହାୟ ଵଜ୍ରାୟ ନମୋ ଵଜ୍ରନଖାୟ ଚ ॥ 1 ॥

ଵାସୁଦେଵାୟ ଵଂଦ୍ୟାୟ ଵରଦାୟ ଵରାତ୍ମନେ ।
ଵରଦାଭୟହସ୍ତାୟ ଵରାୟ ଵରରୂପିଣେ ॥ 2 ॥

ଵରେଣ୍ୟାୟ ଵରିଷ୍ଠାୟ ଶ୍ରୀଵରାୟ ନମୋ ନମଃ ।
ପ୍ରହ୍ଲାଦଵରଦାୟୈଵ ପ୍ରତ୍ୟକ୍ଷଵରଦାୟ ଚ ॥ 3 ॥

ପରାତ୍ପରପରେଶାୟ ପଵିତ୍ରାୟ ପିନାକିନେ ।
ପାଵନାୟ ପ୍ରସନ୍ନାୟ ପାଶିନେ ପାପହାରିଣେ ॥ 4 ॥

ପୁରୁଷ୍ଟୁତାୟ ପୁଣ୍ୟାୟ ପୁରୁହୂତାୟ ତେ ନମଃ ।
ତତ୍ପୁରୁଷାୟ ତଥ୍ୟାୟ ପୁରାଣପୁରୁଷାୟ ଚ ॥ 5 ॥

ପୁରୋଧସେ ପୂର୍ଵଜାୟ ପୁଷ୍କରାକ୍ଷାୟ ତେ ନମଃ ।
ପୁଷ୍ପହାସାୟ ହାସାୟ ମହାହାସାୟ ଶାରଂଗିଣେ ॥ 6 ॥

ସିଂହାୟ ସିଂହରାଜାୟ ଜଗଦ୍ଵଶ୍ୟାୟ ତେ ନମଃ ।
ଅଟ୍ଟହାସାୟ ରୋଷାୟ ଜଲଵାସାୟ ତେ ନମଃ ॥ 7 ॥

ଭୂତାଵାସାୟ ଭାସାୟ ଶ୍ରୀନିଵାସାୟ ଖଡ୍ଗିନେ ।
ଖଡ୍ଗଜିହ୍ଵାୟ ସିଂହାୟ ଖଡ୍ଗଵାସାୟ ତେ ନମଃ ॥ 8 ॥

ନମୋ ମୂଲାଧିଵାସାୟ ଧର୍ମଵାସାୟ ଧନ୍ଵିନେ ।
ଧନଂଜୟାୟ ଧନ୍ୟାୟ ନମୋ ମୃତ୍ୟୁଂଜୟାୟ ଚ ॥ 9 ॥

ଶୁଭଂଜୟାୟ ସୂତ୍ରାୟ ନମଃ ଶତ୍ରୁଂଜୟାୟ ଚ ।
ନିରଂଜନାୟ ନୀରାୟ ନିର୍ଗୁଣାୟ ଗୁଣାୟ ଚ ॥ 10 ॥

ନିଷ୍ପ୍ରପଂଚାୟ ନିର୍ଵାଣପ୍ରଦାୟ ନିବିଡାୟ ଚ ।
ନିରାଲଂବାୟ ନୀଲାୟ ନିଷ୍କଲାୟ କଲାୟ ଚ ॥ 11 ॥

ନିମେଷାୟ ନିବଂଧାୟ ନିମେଷଗମନାୟ ଚ ।
ନିର୍ଦ୍ଵଂଦ୍ଵାୟ ନିରାଶାୟ ନିଶ୍ଚୟାୟ ନିରାୟ ଚ ॥ 12 ॥

ନିର୍ମଲାୟ ନିବଂଧାୟ ନିର୍ମୋହାୟ ନିରାକୃତେ ।
ନମୋ ନିତ୍ୟାୟ ସତ୍ୟାୟ ସତ୍କର୍ମନିରତାୟ ଚ ॥ 13 ॥

ସତ୍ୟଧ୍ଵଜାୟ ମୁଂଜାୟ ମୁଂଜକେଶାୟ କେଶିନେ ।
ହରୀଶାୟ ଚ ଶେଷାୟ ଗୁଡାକେଶାୟ ଵୈ ନମଃ ॥ 14 ॥

ସୁକେଶାୟୋର୍ଧ୍ଵକେଶାୟ କେଶିସଂହାରକାୟ ଚ ।
ଜଲେଶାୟ ସ୍ଥଲେଶାୟ ପଦ୍ମେଶାୟୋଗ୍ରରୂପିଣେ ॥ 15 ॥

କୁଶେଶୟାୟ କୂଲାୟ କେଶଵାୟ ନମୋ ନମଃ ।
ସୂକ୍ତିକର୍ଣାୟ ସୂକ୍ତାୟ ରକ୍ତଜିହ୍ଵାୟ ରାଗିଣେ ॥ 16 ॥

ଦୀପ୍ତରୂପାୟ ଦୀପ୍ତାୟ ପ୍ରଦୀପ୍ତାୟ ପ୍ରଲୋଭିନେ ।
ପ୍ରଚ୍ଛିନ୍ନାୟ ପ୍ରବୋଧାୟ ପ୍ରଭଵେ ଵିଭଵେ ନମଃ ॥ 17 ॥

ପ୍ରଭଂଜନାୟ ପାଂଥାୟ ପ୍ରମାୟାପ୍ରମିତାୟ ଚ ।
ପ୍ରକାଶାୟ ପ୍ରତାପାୟ ପ୍ରଜ୍ଵଲାୟୋଜ୍ଜ୍ଵଲାୟ ଚ ॥ 18 ॥

ଜ୍ଵାଲାମାଲାସ୍ଵରୂପାୟ ଜ୍ଵଲଜ୍ଜିହ୍ଵାୟ ଜ୍ଵାଲିନେ ।
ମହୋଜ୍ଜ୍ଵଲାୟ କାଲାୟ କାଲମୂର୍ତିଧରାୟ ଚ ॥ 19 ॥

କାଲାଂତକାୟ କଲ୍ପାୟ କଲନାୟ କୃତେ ନମଃ ।
କାଲଚକ୍ରାୟ ଶକ୍ରାୟ ଵଷଟ୍ଚକ୍ରାୟ ଚକ୍ରିଣେ ॥ 20 ॥

ଅକ୍ରୂରାୟ କୃତାଂତାୟ ଵିକ୍ରମାୟ କ୍ରମାୟ ଚ ।
କୃତ୍ତିନେ କୃତ୍ତିଵାସାୟ କୃତଘ୍ନାୟ କୃତାତ୍ମନେ ॥ 21 ॥

ସଂକ୍ରମାୟ ଚ କ୍ରୁଦ୍ଧାୟ କ୍ରାଂତଲୋକତ୍ରୟାୟ ଚ ।
ଅରୂପାୟ ସ୍ଵରୂପାୟ ହରୟେ ପରମାତ୍ମନେ ॥ 22 ॥

ଅଜୟାୟାଦିଦେଵାୟ ଅକ୍ଷୟାୟ କ୍ଷୟାୟ ଚ ।
ଅଘୋରାୟ ସୁଘୋରାୟ ଘୋରଘୋରତରାୟ ଚ ॥ 23 ॥

ନମୋଽସ୍ତ୍ଵଘୋରଵୀର୍ୟାୟ ଲସଦ୍ଘୋରାୟ ତେ ନମଃ ।
ଘୋରାଧ୍ୟକ୍ଷାୟ ଦକ୍ଷାୟ ଦକ୍ଷିଣାଽଽର୍ୟାୟ ଶଂଭଵେ ॥ 24 ॥

ଅମୋଘାୟ ଗୁଣୌଘାୟ ଅନଘାୟାଽଘହାରିଣେ ।
ମେଘନାଦାୟ ନାଦାୟ ତୁଭ୍ୟଂ ମେଘାତ୍ମନେ ନମଃ ॥ 25 ॥

ମେଘଵାହନରୂପାୟ ମେଘଶ୍ୟାମାୟ ମାଲିନେ ।
ଵ୍ୟାଲୟଜ୍ଞୋପଵୀତାୟ ଵ୍ୟାଘ୍ରଦେହାୟ ଵୈ ନମଃ ॥ 26 ॥

ଵ୍ୟାଘ୍ରପାଦାୟ ଚ ଵ୍ୟାଘ୍ରକର୍ମିଣେ ଵ୍ୟାପକାୟ ଚ ।
ଵିକଟାସ୍ୟାୟ ଵୀରାୟ ଵିଷ୍ଟରଶ୍ରଵସେ ନମଃ ॥ 27 ॥

ଵିକୀର୍ଣନଖଦଂଷ୍ଟ୍ରାୟ ନଖଦଂଷ୍ଟ୍ରାୟୁଧାୟ ଚ ।
ଵିଷ୍ଵକ୍ସେନାୟ ସେନାୟ ଵିହ୍ଵଲାୟ ବଲାୟ ଚ ॥ 28 ॥

ଵିରୂପାକ୍ଷାୟ ଵୀରାୟ ଵିଶେଷାକ୍ଷାୟ ସାକ୍ଷିଣେ ।
ଵୀତଶୋକାୟ ଵିସ୍ତୀର୍ଣଵଦନାୟ ନମୋ ନମଃ ॥ 29 ॥

ଵିଧାନାୟ ଵିଧେୟାୟ ଵିଜୟାୟ ଜୟାୟ ଚ ।
ଵିବୁଧାୟ ଵିଭାଵାୟ ନମୋ ଵିଶ୍ଵଂଭରାୟ ଚ ॥ 30 ॥

ଵୀତରାଗାୟ ଵିପ୍ରାୟ ଵିଟଂକନୟନାୟ ଚ ।
ଵିପୁଲାୟ ଵିନୀତାୟ ଵିଶ୍ଵୟୋନେ ନମୋ ନମଃ ॥ 31 ॥

ଵିଡଂବନାୟ ଵିତ୍ତାୟ ଵିଶ୍ରୁତାୟ ଵିୟୋନୟେ । [ଚିଦଂବରାୟ]
ଵିହ୍ଵଲାୟ ଵିଵାଦାୟ ନମୋ ଵ୍ୟାହୃତୟେ ନମଃ ॥ 32 ॥

ଵିଲାସାୟ ଵିକଲ୍ପାୟ ମହାକଲ୍ପାୟ ତେ ନମଃ ।
ବହୁକଲ୍ପାୟ କଲ୍ପାୟ କଲ୍ପାତୀତାୟ ଶିଲ୍ପିନେ ॥ 33 ॥

କଲ୍ପନାୟ ସ୍ଵରୂପାୟ ଫଣିତଲ୍ପାୟ ଵୈ ନମଃ ।
ତଟିତ୍ପ୍ରଭାୟ ତାର୍କ୍ଷ୍ୟାୟ ତରୁଣାୟ ତରସ୍ଵିନେ ॥ 34 ॥

ତପନାୟ ତରକ୍ଷାୟ ତାପତ୍ରୟହରାୟ ଚ ।
ତାରକାୟ ତମୋଘ୍ନାୟ ତତ୍ତ୍ଵାୟ ଚ ତପସ୍ଵିନେ ॥ 35 ॥

ତକ୍ଷକାୟ ତନୁତ୍ରାୟ ତଟିନେ ତରଲାୟ ଚ ।
ଶତରୂପାୟ ଶାଂତାୟ ଶତଧାରାୟ ତେ ନମଃ ॥ 36 ॥

ଶତପତ୍ରାୟତାକ୍ଷାୟ ସ୍ଥିତୟେ ଶତମୂର୍ତୟେ ।
ଶତକ୍ରତୁସ୍ଵରୂପାୟ ଶାଶ୍ଵତାୟ ଶତାତ୍ମନେ ॥ 37 ॥

ନମଃ ସହସ୍ରଶିରସେ ସହସ୍ରଵଦନାୟ ଚ ।
ସହସ୍ରାକ୍ଷାୟ ଦେଵାୟ ଦିଶଶ୍ରୋତ୍ରାୟ ତେ ନମଃ ॥ 38 ॥

ନମଃ ସହସ୍ରଜିହ୍ଵାୟ ମହାଜିହ୍ଵାୟ ତେ ନମଃ ।
ସହସ୍ରନାମଧେୟାୟ ସହସ୍ରାକ୍ଷିଧରାୟ ଚ ॥ 39 ॥

ସହସ୍ରବାହଵେ ତୁଭ୍ୟଂ ସହସ୍ରଚରଣାୟ ଚ ।
ସହସ୍ରାର୍କପ୍ରକାଶାୟ ସହସ୍ରାୟୁଧଧାରିଣେ ॥ 40 ॥

ନମଃ ସ୍ଥୂଲାୟ ସୂକ୍ଷ୍ମାୟ ସୁସୂକ୍ଷ୍ମାୟ ନମୋ ନମଃ ।
ସୁକ୍ଷୁଣ୍ଣାୟ ସୁଭିକ୍ଷାୟ ସୁରାଧ୍ୟକ୍ଷାୟ ଶୌରିଣେ ॥ 41 ॥

ଧର୍ମାଧ୍ୟକ୍ଷାୟ ଧର୍ମାୟ ଲୋକାଧ୍ୟକ୍ଷାୟ ଵୈ ନମଃ ।
ପ୍ରଜାଧ୍ୟକ୍ଷାୟ ଶିକ୍ଷାୟ ଵିପକ୍ଷକ୍ଷୟମୂର୍ତୟେ ॥ 42 ॥

କାଲାଧ୍ୟକ୍ଷାୟ ତୀକ୍ଷ୍ଣାୟ ମୂଲାଧ୍ୟକ୍ଷାୟ ତେ ନମଃ ।
ଅଧୋକ୍ଷଜାୟ ମିତ୍ରାୟ ସୁମିତ୍ରଵରୁଣାୟ ଚ ॥ 43 ॥

ଶତ୍ରୁଘ୍ନାୟ ଅଵିଘ୍ନାୟ ଵିଘ୍ନକୋଟିହରାୟ ଚ ।
ରକ୍ଷୋଘ୍ନାୟ ତମୋଘ୍ନାୟ ଭୂତଘ୍ନାୟ ନମୋ ନମଃ ॥ 44 ॥

ଭୂତପାଲାୟ ଭୂତାୟ ଭୂତାଵାସାୟ ଭୂତିନେ ।
ଭୂତଵେତାଳଘାତାୟ ଭୂତାଧିପତୟେ ନମଃ ॥ 45 ॥

ଭୂତଗ୍ରହଵିନାଶାୟ ଭୂତସଂୟମତେ ନମଃ ।
ମହାଭୂତାୟ ଭୃଗଵେ ସର୍ଵଭୂତାତ୍ମନେ ନମଃ ॥ 46 ॥

ସର୍ଵାରିଷ୍ଟଵିନାଶାୟ ସର୍ଵସଂପତ୍କରାୟ ଚ ।
ସର୍ଵାଧାରାୟ ଶର୍ଵାୟ ସର୍ଵାର୍ତିହରୟେ ନମଃ ॥ 47 ॥

ସର୍ଵଦୁଃଖପ୍ରଶାଂତାୟ ସର୍ଵସୌଭାଗ୍ୟଦାୟିନେ ।
ସର୍ଵଜ୍ଞାୟାପ୍ୟନଂତାୟ ସର୍ଵଶକ୍ତିଧରାୟ ଚ ॥ 48 ॥

ସର୍ଵୈଶ୍ଵର୍ୟପ୍ରଦାତ୍ରେ ଚ ସର୍ଵକାର୍ୟଵିଧାୟିନେ ।
ସର୍ଵଜ୍ଵରଵିନାଶାୟ ସର୍ଵରୋଗାପହାରିଣେ ॥ 49 ॥

ସର୍ଵାଭିଚାରହଂତ୍ରେ ଚ ସର୍ଵୈଶ୍ଵର୍ୟଵିଧାୟିନେ ।
ପିଂଗାକ୍ଷାୟୈକଶୃଂଗାୟ ଦ୍ଵିଶୃଂଗାୟ ମରୀଚୟେ ॥ 50 ॥

ବହୁଶୃଂଗାୟ ଲିଂଗାୟ ମହାଶୃଂଗାୟ ତେ ନମଃ ।
ମାଂଗଳ୍ୟାୟ ମନୋଜ୍ଞାୟ ମଂତଵ୍ୟାୟ ମହାତ୍ମନେ ॥ 51 ॥

ମହାଦେଵାୟ ଦେଵାୟ ମାତୁଲିଂଗଧରାୟ ଚ ।
ମହାମାୟାପ୍ରସୂତାୟ ପ୍ରସ୍ତୁତାୟ ଚ ମାୟିନେ ॥ 52 ॥

ଅନଂତାନଂତରୂପାୟ ମାୟିନେ ଜଲଶାୟିନେ ।
ମହୋଦରାୟ ମଂଦାୟ ମଦଦାୟ ମଦାୟ ଚ ॥ 53 ॥

ମଧୁକୈଟଭହଂତ୍ରେ ଚ ମାଧଵାୟ ମୁରାରୟେ ।
ମହାଵୀର୍ୟାୟ ଧୈର୍ୟାୟ ଚିତ୍ରଵୀର୍ୟାୟ ତେ ନମଃ ॥ 54 ॥

ଚିତ୍ରକୂର୍ମାୟ ଚିତ୍ରାୟ ନମସ୍ତେ ଚିତ୍ରଭାନଵେ ।
ମାୟାତୀତାୟ ମାୟାୟ ମହାଵୀରାୟ ତେ ନମଃ ॥ 55 ॥

ମହାତେଜାୟ ବୀଜାୟ ତେଜୋଧାମ୍ନେ ଚ ବୀଜିନେ ।
ତେଜୋମୟନୃସିଂହାୟ ନମସ୍ତେ ଚିତ୍ରଭାନଵେ ॥ 56 ॥

ମହାଦଂଷ୍ଟ୍ରାୟ ତୁଷ୍ଟାୟ ନମଃ ପୁଷ୍ଟିକରାୟ ଚ ।
ଶିପିଵିଷ୍ଟାୟ ହୃଷ୍ଟାୟ ପୁଷ୍ଟାୟ ପରମେଷ୍ଠିନେ ॥ 57 ॥

ଵିଶିଷ୍ଟାୟ ଚ ଶିଷ୍ଟାୟ ଗରିଷ୍ଠାୟେଷ୍ଟଦାୟିନେ ।
ନମୋ ଜ୍ୟେଷ୍ଠାୟ ଶ୍ରେଷ୍ଠାୟ ତୁଷ୍ଟାୟାମିତତେଜସେ ॥ 58 ॥

ଅଷ୍ଟାଂଗନ୍ୟସ୍ତରୂପାୟ ସର୍ଵଦୁଷ୍ଟାଂତକାୟ ଚ ।
ଵୈକୁଂଠାୟ ଵିକୁଂଠାୟ କେଶିକଂଠାୟ ତେ ନମଃ ॥ 59 ॥

କଂଠୀରଵାୟ ଲୁଂଠାୟ ନିଶ୍ଶଠାୟ ହଠାୟ ଚ ।
ସତ୍ଵୋଦ୍ରିକ୍ତାୟ ରୁଦ୍ରାୟ ଋଗ୍ୟଜୁସ୍ସାମଗାୟ ଚ ॥ 60 ॥

ଋତୁଧ୍ଵଜାୟ ଵଜ୍ରାୟ ମଂତ୍ରରାଜାୟ ମଂତ୍ରିଣେ ।
ତ୍ରିନେତ୍ରାୟ ତ୍ରିଵର୍ଗାୟ ତ୍ରିଧାମ୍ନେ ଚ ତ୍ରିଶୂଲିନେ ॥ 61 ॥

ତ୍ରିକାଲଜ୍ଞାନରୂପାୟ ତ୍ରିଦେହାୟ ତ୍ରିଧାତ୍ମନେ ।
ନମସ୍ତ୍ରିମୂର୍ତିଵିଦ୍ୟାୟ ତ୍ରିତତ୍ତ୍ଵଜ୍ଞାନିନେ ନମଃ ॥ 62 ॥

ଅକ୍ଷୋଭ୍ୟାୟାନିରୁଦ୍ଧାୟ ଅପ୍ରମେୟାୟ ଭାନଵେ ।
ଅମୃତାୟ ଅନଂତାୟ ଅମିତାୟାମିତୌଜସେ ॥ 63 ॥

ଅପମୃତ୍ୟୁଵିନାଶାୟ ଅପସ୍ମାରଵିଘାତିନେ ।
ଅନ୍ନଦାୟାନ୍ନରୂପାୟ ଅନ୍ନାୟାନ୍ନଭୁଜେ ନମଃ ॥ 64 ॥

ନାଦ୍ୟାୟ ନିରଵଦ୍ୟାୟ ଵିଦ୍ୟାୟାଦ୍ଭୁତକର୍ମଣେ ।
ସଦ୍ୟୋଜାତାୟ ସଂଘାୟ ଵୈଦ୍ୟୁତାୟ ନମୋ ନମଃ ॥ 65 ॥

ଅଧ୍ଵାତୀତାୟ ସତ୍ତ୍ଵାୟ ଵାଗତୀତାୟ ଵାଗ୍ମିନେ ।
ଵାଗୀଶ୍ଵରାୟ ଗୋପାୟ ଗୋହିତାୟ ଗଵାଂ ପତେ ॥ 66 ॥

ଗଂଧର୍ଵାୟ ଗଭୀରାୟ ଗର୍ଜିତାୟୋର୍ଜିତାୟ ଚ ।
ପର୍ଜନ୍ୟାୟ ପ୍ରବୁଦ୍ଧାୟ ପ୍ରଧାନପୁରୁଷାୟ ଚ ॥ 67 ॥

ପଦ୍ମାଭାୟ ସୁନାଭାୟ ପଦ୍ମନାଭାୟ ମାନିନେ ।
ପଦ୍ମନେତ୍ରାୟ ପଦ୍ମାୟ ପଦ୍ମାୟାଃ ପତୟେ ନମଃ ॥ 68 ॥

ପଦ୍ମୋଦରାୟ ପୂତାୟ ପଦ୍ମକଲ୍ପୋଦ୍ଭଵାୟ ଚ ।
ନମୋ ହୃତ୍ପଦ୍ମଵାସାୟ ଭୂପଦ୍ମୋଦ୍ଧରଣାୟ ଚ ॥ 69 ॥

ଶବ୍ଦବ୍ରହ୍ମସ୍ଵରୂପାୟ ବ୍ରହ୍ମରୂପଧରାୟ ଚ ।
ବ୍ରହ୍ମଣେ ବ୍ରହ୍ମରୂପାୟ ପଦ୍ମନେତ୍ରାୟ ତେ ନମଃ ॥ 70 ॥

ବ୍ରହ୍ମଦାୟ ବ୍ରାହ୍ମଣାୟ ବ୍ରହ୍ମବ୍ରହ୍ମାତ୍ମନେ ନମଃ ।
ସୁବ୍ରହ୍ମଣ୍ୟାୟ ଦେଵାୟ ବ୍ରହ୍ମଣ୍ୟାୟ ତ୍ରିଵେଦିନେ ॥ 71 ॥

ପରବ୍ରହ୍ମସ୍ଵରୂପାୟ ପଂଚବ୍ରହ୍ମାତ୍ମନେ ନମଃ ।
ନମସ୍ତେ ବ୍ରହ୍ମଶିରସେ ତଥାଽଶ୍ଵଶିରସେ ନମଃ ॥ 72 ॥

ଅଥର୍ଵଶିରସେ ନିତ୍ୟମଶନିପ୍ରମିତାୟ ଚ ।
ନମସ୍ତେ ତୀକ୍ଷ୍ଣଦଂଷ୍ଟ୍ରାୟ ଲୋଲାୟ ଲଲିତାୟ ଚ ॥ 73 ॥

ଲାଵଣ୍ୟାୟ ଲଵିତ୍ରାୟ ନମସ୍ତେ ଭାସକାୟ ଚ ।
ଲକ୍ଷଣଜ୍ଞାୟ ଲକ୍ଷାୟ ଲକ୍ଷଣାୟ ନମୋ ନମଃ ॥ 74 ॥

ଲସଦ୍ଦୀପ୍ତାୟ ଲିପ୍ତାୟ ଵିଷ୍ଣଵେ ପ୍ରଭଵିଷ୍ଣଵେ ।
ଵୃଷ୍ଣିମୂଲାୟ କୃଷ୍ଣାୟ ଶ୍ରୀମହାଵିଷ୍ଣଵେ ନମଃ ॥ 75 ॥

ପଶ୍ୟାମି ତ୍ଵାଂ ମହାସିଂହଂ ହାରିଣଂ ଵନମାଲିନମ୍ ।
କିରୀଟିନଂ କୁଂଡଲିନଂ ସର୍ଵାଂଗଂ ସର୍ଵତୋମୁଖମ୍ ॥ 76 ॥

ସର୍ଵତଃ ପାଣିପାଦୋରଃ ସର୍ଵତୋଽକ୍ଷିଶିରୋମୁଖମ୍ ।
ସର୍ଵେଶ୍ଵରଂ ସଦାତୁଷ୍ଟଂ ସମର୍ଥଂ ସମରପ୍ରିୟମ୍ ॥ 77 ॥

ବହୁୟୋଜନଵିସ୍ତୀର୍ଣଂ ବହୁୟୋଜନମାୟତମ୍ ।
ବହୁୟୋଜନହସ୍ତାଂଘ୍ରିଂ ବହୁୟୋଜନନାସିକମ୍ ॥ 78 ॥

ମହାରୂପଂ ମହାଵକ୍ତ୍ରଂ ମହାଦଂଷ୍ଟ୍ରଂ ମହାଭୁଜମ୍ ।
ମହାନାଦଂ ମହାରୌଦ୍ରଂ ମହାକାୟଂ ମହାବଲମ୍ ॥ 79 ॥

ଆନାଭେର୍ବ୍ରହ୍ମଣୋ ରୂପମାଗଲାଦ୍ଵୈଷ୍ଣଵଂ ତଥା ।
ଆଶୀର୍ଷାଦ୍ରୁଦ୍ରମୀଶାନଂ ତଦଗ୍ରେ ସର୍ଵତଃ ଶିଵମ୍ ॥ 80 ॥

ନମୋଽସ୍ତୁ ନାରାୟଣନାରସିଂହ
ନମୋଽସ୍ତୁ ନାରାୟଣଵୀରସିଂହ ।
ନମୋଽସ୍ତୁ ନାରାୟଣକ୍ରୂରସିଂହ
ନମୋଽସ୍ତୁ ନାରାୟଣଦିଵ୍ୟସିଂହ ॥ 81 ॥

ନମୋଽସ୍ତୁ ନାରାୟଣଵ୍ୟାଘ୍ରସିଂହ
ନମୋଽସ୍ତୁ ନାରାୟଣପୁଚ୍ଛସିଂହ ।
ନମୋଽସ୍ତୁ ନାରାୟଣପୂର୍ଣସିଂହ
ନମୋଽସ୍ତୁ ନାରାୟଣରୌଦ୍ରସିଂହ ॥ 82 ॥

ନମୋ ନମୋ ଭୀଷଣଭଦ୍ରସିଂହ
ନମୋ ନମୋ ଵିହ୍ଵଲନେତ୍ରସିଂହ ।
ନମୋ ନମୋ ବୃଂହିତଭୂତସିଂହ
ନମୋ ନମୋ ନିର୍ମଲଚିତ୍ରସିଂହ ॥ 83 ॥

ନମୋ ନମୋ ନିର୍ଜିତକାଲସିଂହ
ନମୋ ନମଃ କଲ୍ପିତକଲ୍ପସିଂହ ।
ନମୋ ନମୋ କାମଦକାମସିଂହ
ନମୋ ନମସ୍ତେ ଭୁଵନୈକସିଂହ ॥ 84 ॥

ଦ୍ୟାଵାପୃଥିଵ୍ୟୋରିଦମଂତରଂ ହି
ଵ୍ୟାପ୍ତଂ ତ୍ଵୟୈକେନ ଦିଶଶ୍ଚ ସର୍ଵାଃ ।
ଦୃଷ୍ଟ୍ଵାଦ୍ଭୁତଂ ରୂପମୁଗ୍ରଂ ତଵେଦଂ
ଲୋକତ୍ରୟଂ ପ୍ରଵ୍ୟଥିତଂ ମହାତ୍ମନ୍ ॥ 85 ॥

ଅମୀ ହିତ୍ଵା ସୁରସଂଘା ଵିଶଂତି
କେଚିଦ୍ଭୀତାଃ ପ୍ରାଂଜଲୟୋ ଗୃଣଂତି ।
ସ୍ଵସ୍ତୀତ୍ୟୁକ୍ତ୍ଵା ମୁନୟଃ ସିଦ୍ଧସଂଘାଃ
ସ୍ତୁଵଂତି ତ୍ଵାଂ ସ୍ତୁତିଭିଃ ପୁଷ୍କଲାଭିଃ ॥ 86 ॥

ରୁଦ୍ରାଦିତ୍ୟାଵସଵୋ ୟେ ଚ ସାଧ୍ୟା
ଵିଶ୍ଵେଦେଵା ମରୁତଶ୍ଚୋଷ୍ମପାଶ୍ଚ ।
ଗଂଧର୍ଵୟକ୍ଷାସୁରସିଦ୍ଧସଂଘା
ଵୀକ୍ଷଂତି ତ୍ଵାଂ ଵିସ୍ମିତାଶ୍ଚୈଵ ସର୍ଵେ ॥ 87 ॥

ଲେଲିହ୍ୟସେ ଗ୍ରସମାନଃ ସମଂତା-
-ଲ୍ଲୋକାନ୍ ସମଗ୍ରାନ୍ଵଦନୈର୍ଜ୍ଵଲଦ୍ଭିଃ ।
ତେଜୋଭିରାପୂର୍ୟ ଜଗତ୍ସମଗ୍ରଂ
ଭାସସ୍ତଵୋଗ୍ରାଃ ପ୍ରତପଂତି ଵିଷ୍ଣୋ ॥ 88 ॥

ଭଵିଷ୍ଣୁସ୍ତ୍ଵଂ ସହିଷ୍ଣୁସ୍ତ୍ଵଂ ଭ୍ରାଜିଷ୍ଣୁର୍ଜିଷ୍ଣୁରେଵ ଚ ।
ପୃଥିଵୀମଂତରିକ୍ଷଂ ତ୍ଵଂ ପର୍ଵତାରଣ୍ୟମେଵ ଚ ॥ 89 ॥

କଲାକାଷ୍ଠାଵିଲିପ୍ତସ୍ତ୍ଵଂ ମୁହୂର୍ତପ୍ରହରାଦିକମ୍ ।
ଅହୋରାତ୍ରଂ ତ୍ରିସଂଧ୍ୟା ଚ ପକ୍ଷମାସର୍ତୁଵତ୍ସରାଃ ॥ 90 ॥

ୟୁଗାଦିର୍ୟୁଗଭେଦସ୍ତ୍ଵଂ ସଂୟୁଗୋ ୟୁଗସଂଧୟଃ ।
ନିତ୍ୟଂ ନୈମିତ୍ତିକଂ ଦୈନଂ ମହାପ୍ରଲୟମେଵ ଚ ॥ 91 ॥

କରଣଂ କାରଣଂ କର୍ତା ଭର୍ତା ହର୍ତା ତ୍ଵମୀଶ୍ଵରଃ ।
ସତ୍କର୍ତା ସତ୍କୃତିର୍ଗୋପ୍ତା ସଚ୍ଚିଦାନଂଦଵିଗ୍ରହଃ ॥ 92 ॥

ପ୍ରାଣସ୍ତ୍ଵଂ ପ୍ରାଣିନାଂ ପ୍ରତ୍ୟଗାତ୍ମା ତ୍ଵଂ ସର୍ଵଦେହିନାମ୍ ।
ସୁଜ୍ୟୋତିସ୍ତ୍ଵଂ ପରଂଜ୍ୟୋତିରାତ୍ମଜ୍ୟୋତିଃ ସନାତନଃ ॥ 93 ॥

ଜ୍ୟୋତିର୍ଲୋକସ୍ଵରୂପସ୍ତ୍ଵଂ ଜ୍ଞୋ ଜ୍ୟୋତିର୍ଜ୍ୟୋତିଷାଂ ପତିଃ । [ଜ୍ୟୋତିର୍ଜ୍ଞୋ]
ସ୍ଵାହାକାରଃ ସ୍ଵଧାକାରୋ ଵଷଟ୍କାରଃ କୃପାକରଃ ॥ 94 ॥

ହଂତକାରୋ ନିରାକାରୋ ଵେଗାକାରଶ୍ଚ ଶଂକରଃ ।
ଅକାରାଦିହକାରାଂତ ଓଂକାରୋ ଲୋକକାରକଃ ॥ 95 ॥

ଏକାତ୍ମା ତ୍ଵମନେକାତ୍ମା ଚତୁରାତ୍ମା ଚତୁର୍ଭୁଜଃ ।
ଚତୁର୍ମୂର୍ତିଶ୍ଚତୁର୍ଦଂଷ୍ଟ୍ରଶ୍ଚତୁର୍ଵେଦମୟୋତ୍ତମଃ ॥ 96 ॥

ଲୋକପ୍ରିୟୋ ଲୋକଗୁରୁର୍ଲୋକେଶୋ ଲୋକନାୟକଃ ।
ଲୋକସାକ୍ଷୀ ଲୋକପତିର୍ଲୋକାତ୍ମା ଲୋକଲୋଚନଃ ॥ 97 ॥

ଲୋକାଧାରୋ ବୃହଲ୍ଲୋକୋ ଲୋକାଲୋକମୟୋ ଵିଭୁଃ ।
ଲୋକକର୍ତା ଵିଶ୍ଵକର୍ତା କୃତାଵର୍ତଃ କୃତାଗମଃ ॥ 98 ॥

ଅନାଦିସ୍ତ୍ଵମନଂତସ୍ତ୍ଵମଭୂତୋ ଭୂତଵିଗ୍ରହଃ ।
ସ୍ତୁତିଃ ସ୍ତୁତ୍ୟଃ ସ୍ତଵପ୍ରୀତଃ ସ୍ତୋତା ନେତା ନିୟାମକଃ ॥ 99 ॥

ତ୍ଵଂ ଗତିସ୍ତ୍ଵଂ ମତିର୍ମହ୍ୟଂ ପିତା ମାତା ଗୁରୁଃ ସଖା ।
ସୁହୃଦଶ୍ଚାତ୍ମରୂପସ୍ତ୍ଵଂ ତ୍ଵାଂ ଵିନା ନାସ୍ତି ମେ ଗତିଃ ॥ 100 ॥

ନମସ୍ତେ ମଂତ୍ରରୂପାୟ ଅସ୍ତ୍ରରୂପାୟ ତେ ନମଃ ।
ବହୁରୂପାୟ ରୂପାୟ ପଂଚରୂପଧରାୟ ଚ ॥ 101 ॥

ଭଦ୍ରରୂପାୟ ରୂଢାୟ ୟୋଗରୂପାୟ ୟୋଗିନେ ।
ସମରୂପାୟ ୟୋଗାୟ ୟୋଗପୀଠସ୍ଥିତାୟ ଚ ॥ 102 ॥

ୟୋଗଗମ୍ୟାୟ ସୌମ୍ୟାୟ ଧ୍ୟାନଗମ୍ୟାୟ ଧ୍ୟାୟିନେ ।
ଧ୍ୟେୟଗମ୍ୟାୟ ଧାମ୍ନେ ଚ ଧାମାଧିପତୟେ ନମଃ ॥ 103 ॥

ଧରାଧରାୟ ଧର୍ମାୟ ଧାରଣାଭିରତାୟ ଚ ।
ନମୋ ଧାତ୍ରେ ଚ ସଂଧାତ୍ରେ ଵିଧାତ୍ରେ ଚ ଧରାୟ ଚ ॥ 104 ॥

ଦାମୋଦରାୟ ଦାଂତାୟ ଦାନଵାଂତକରାୟ ଚ ।
ନମଃ ସଂସାରଵୈଦ୍ୟାୟ ଭେଷଜାୟ ନମୋ ନମଃ ॥ 105 ॥

ସୀରଧ୍ଵଜାୟ ଶୀତାୟ ଵାତାୟାପ୍ରମିତାୟ ଚ ।
ସାରସ୍ଵତାୟ ସଂସାରନାଶନାୟାକ୍ଷମାଲିନେ ॥ 106 ॥

ଅସିଚର୍ମଧରାୟୈଵ ଷଟ୍କର୍ମନିରତାୟ ଚ ।
ଵିକର୍ମାୟ ସୁକର୍ମାୟ ପରକର୍ମଵିଧାୟିନେ ॥ 107 ॥

ସୁଶର୍ମଣେ ମନ୍ମଥାୟ ନମୋ ଵର୍ମାୟ ଵର୍ମିଣେ ।
କରିଚର୍ମଵସାନାୟ କରାଲଵଦନାୟ ଚ ॥ 108 ॥

କଵୟେ ପଦ୍ମଗର୍ଭାୟ ଭୂତଗର୍ଭ ଘୃଣାନିଧେ ।
ବ୍ରହ୍ମଗର୍ଭାୟ ଗର୍ଭାୟ ବୃହଦ୍ଗର୍ଭାୟ ଧୂର୍ଜଟେ ॥ 109 ॥

ନମସ୍ତେ ଵିଶ୍ଵଗର୍ଭାୟ ଶ୍ରୀଗର୍ଭାୟ ଜିତାରୟେ ।
ନମୋ ହିରଣ୍ୟଗର୍ଭାୟ ହିରଣ୍ୟକଵଚାୟ ଚ ॥ 110 ॥

ହିରଣ୍ୟଵର୍ଣଦେହାୟ ହିରଣ୍ୟାକ୍ଷଵିନାଶିନେ ।
ହିରଣ୍ୟକଶିପୋର୍ହଂତ୍ରେ ହିରଣ୍ୟନୟନାୟ ଚ ॥ 111 ॥

ହିରଣ୍ୟରେତସେ ତୁଭ୍ୟଂ ହିରଣ୍ୟଵଦନାୟ ଚ ।
ନମୋ ହିରଣ୍ୟଶୃଂଗାୟ ନିଃଶୃଂଗାୟ ଚ ଶୃଂଗିଣେ ॥ 112 ॥

ଭୈରଵାୟ ସୁକେଶାୟ ଭୀଷଣାୟାଂତ୍ରମାଲିନେ ।
ଚଂଡାୟ ରୁଂଡମାଲାୟ ନମୋ ଦଂଡଧରାୟ ଚ ॥ 113 ॥

ଅଖଂଡତତ୍ତ୍ଵରୂପାୟ କମଂଡଲୁଧରାୟ ଚ ।
ନମସ୍ତେ ଖଂଡସିଂହାୟ ସତ୍ୟସିଂହାୟ ତେ ନମଃ ॥ 114 ॥

ନମସ୍ତେ ଶ୍ଵେତସିଂହାୟ ପୀତସିଂହାୟ ତେ ନମଃ ।
ନୀଲସିଂହାୟ ନୀଲାୟ ରକ୍ତସିଂହାୟ ତେ ନମଃ ॥ 115 ॥

ନମୋ ହାରିଦ୍ରସିଂହାୟ ଧୂମ୍ରସିଂହାୟ ତେ ନମଃ ।
ମୂଲସିଂହାୟ ମୂଲାୟ ବୃହତ୍ସିଂହାୟ ତେ ନମଃ ॥ 116 ॥

ପାତାଲସ୍ଥିତସିଂହାୟ ନମଃ ପର୍ଵତଵାସିନେ ।
ନମୋ ଜଲସ୍ଥସିଂହାୟ ଅଂତରିକ୍ଷସ୍ଥିତାୟ ଚ ॥ 117 ॥

କାଲାଗ୍ନିରୁଦ୍ରସିଂହାୟ ଚଂଡସିଂହାୟ ତେ ନମଃ ।
ଅନଂତସିଂହସିଂହାୟ ଅନଂତଗତୟେ ନମଃ ॥ 118 ॥

ନମୋ ଵିଚିତ୍ରସିଂହାୟ ବହୁସିଂହସ୍ଵରୂପିଣେ ।
ଅଭୟଂକରସିଂହାୟ ନରସିଂହାୟ ତେ ନମଃ ॥ 119 ॥

ନମୋଽସ୍ତୁ ସିଂହରାଜାୟ ନାରସିଂହାୟ ତେ ନମଃ ।
ସପ୍ତାବ୍ଧିମେଖଲାୟୈଵ ସତ୍ୟସତ୍ୟସ୍ଵରୂପିଣେ ॥ 120 ॥

ସପ୍ତଲୋକାଂତରସ୍ଥାୟ ସପ୍ତସ୍ଵରମୟାୟ ଚ ।
ସପ୍ତାର୍ଚୀରୂପଦଂଷ୍ଟ୍ରାୟ ସପ୍ତାଶ୍ଵରଥରୂପିଣେ ॥ 121 ॥

ସପ୍ତଵାୟୁସ୍ଵରୂପାୟ ସପ୍ତଚ୍ଛଂଦୋମୟାୟ ଚ ।
ସ୍ଵଚ୍ଛାୟ ସ୍ଵଚ୍ଛରୂପାୟ ସ୍ଵଚ୍ଛଂଦାୟ ଚ ତେ ନମଃ ॥ 122 ॥

ଶ୍ରୀଵତ୍ସାୟ ସୁଵେଷାୟ ଶ୍ରୁତୟେ ଶ୍ରୁତିମୂର୍ତୟେ ।
ଶୁଚିଶ୍ରଵାୟ ଶୂରାୟ ସୁପ୍ରଭାୟ ସୁଧନ୍ଵିନେ ॥ 123 ॥

ଶୁଭ୍ରାୟ ସୁରନାଥାୟ ସୁପ୍ରଭାୟ ଶୁଭାୟ ଚ ।
ସୁଦର୍ଶନାୟ ସୂକ୍ଷ୍ମାୟ ନିରୁକ୍ତାୟ ନମୋ ନମଃ ॥ 124 ॥

ସୁପ୍ରଭାୟ ସ୍ଵଭାଵାୟ ଭଵାୟ ଵିଭଵାୟ ଚ ।
ସୁଶାଖାୟ ଵିଶାଖାୟ ସୁମୁଖାୟ ମୁଖାୟ ଚ ॥ 125 ॥

ସୁନଖାୟ ସୁଦଂଷ୍ଟ୍ରାୟ ସୁରଥାୟ ସୁଧାୟ ଚ ।
ସାଂଖ୍ୟାୟ ସୁରମୁଖ୍ୟାୟ ପ୍ରଖ୍ୟାତାୟ ପ୍ରଭାୟ ଚ ॥ 126 ॥

ନମଃ ଖଟ୍ଵାଂଗହସ୍ତାୟ ଖେଟମୁଦ୍ଗରପାଣୟେ ।
ଖଗେଂଦ୍ରାୟ ମୃଗେଂଦ୍ରାୟ ନାଗେଂଦ୍ରାୟ ଦୃଢାୟ ଚ ॥ 127 ॥

ନାଗକେୟୂରହାରାୟ ନାଗେଂଦ୍ରାୟାଘମର୍ଦିନେ ।
ନଦୀଵାସାୟ ନଗ୍ନାୟ ନାନାରୂପଧରାୟ ଚ ॥ 128 ॥

ନାଗେଶ୍ଵରାୟ ନାଗାୟ ନମିତାୟ ନରାୟ ଚ ।
ନାଗାଂତକରଥାୟୈଵ ନରନାରାୟଣାୟ ଚ ॥ 129 ॥

ନମୋ ମତ୍ସ୍ୟସ୍ଵରୂପାୟ କଚ୍ଛପାୟ ନମୋ ନମଃ ।
ନମୋ ୟଜ୍ଞଵରାହାୟ ନରସିଂହାୟ ତେ ନମଃ ॥ 130 ॥

ଵିକ୍ରମାକ୍ରାଂତଲୋକାୟ ଵାମନାୟ ମହୌଜସେ ।
ନମୋ ଭାର୍ଗଵରାମାୟ ରାଵଣାଂତକରାୟ ଚ ॥ 131 ॥

ନମସ୍ତେ ବଲରାମାୟ କଂସପ୍ରଧ୍ଵଂସକାରିଣେ ।
ବୁଦ୍ଧାୟ ବୁଦ୍ଧରୂପାୟ ତୀକ୍ଷ୍ଣରୂପାୟ କଲ୍କିନେ ॥ 132 ॥

ଆତ୍ରେୟାୟାଗ୍ନିନେତ୍ରାୟ କପିଲାୟ ଦ୍ଵିଜାୟ ଚ ।
କ୍ଷେତ୍ରାୟ ପଶୁପାଲାୟ ପଶୁଵକ୍ତ୍ରାୟ ତେ ନମଃ ॥ 133 ॥

ଗୃହସ୍ଥାୟ ଵନସ୍ଥାୟ ୟତୟେ ବ୍ରହ୍ମଚାରିଣେ ।
ସ୍ଵର୍ଗାପଵର୍ଗଦାତ୍ରେ ଚ ତଦ୍ଭୋକ୍ତ୍ରେ ଚ ମୁମୁକ୍ଷଵେ ॥ 134 ॥

ଶାଲଗ୍ରାମନିଵାସାୟ କ୍ଷୀରାବ୍ଧିଶୟନାୟ ଚ ।
ଶ୍ରୀଶୈଲାଦ୍ରିନିଵାସାୟ ଶିଲାଵାସାୟ ତେ ନମଃ ॥ 135 ॥

ୟୋଗିହୃତ୍ପଦ୍ମଵାସାୟ ମହାହାସାୟ ତେ ନମଃ ।
ଗୁହାଵାସାୟ ଗୁହ୍ୟାୟ ଗୁପ୍ତାୟ ଗୁରଵେ ନମଃ ॥ 136 ॥

ନମୋ ମୂଲାଧିଵାସାୟ ନୀଲଵସ୍ତ୍ରଧରାୟ ଚ ।
ପୀତଵସ୍ତ୍ରାୟ ଶସ୍ତ୍ରାୟ ରକ୍ତଵସ୍ତ୍ରଧରାୟ ଚ ॥ 137 ॥

ରକ୍ତମାଲାଵିଭୂଷାୟ ରକ୍ତଗଂଧାନୁଲେପିନେ ।
ଧୁରଂଧରାୟ ଧୂର୍ତାୟ ଦୁର୍ଧରାୟ ଧରାୟ ଚ ॥ 138 ॥

ଦୁର୍ମଦାୟ ଦୁରଂତାୟ ଦୁର୍ଧରାୟ ନମୋ ନମଃ ।
ଦୁର୍ନିରୀକ୍ଷ୍ୟାୟ ନିଷ୍ଠାୟ ଦୁର୍ଦର୍ଶାୟ ଦ୍ରୁମାୟ ଚ ॥ 139 ॥

ଦୁର୍ଭେଦାୟ ଦୁରାଶାୟ ଦୁର୍ଲଭାୟ ନମୋ ନମଃ ।
ଦୃପ୍ତାୟ ଦୃପ୍ତଵକ୍ତ୍ରାୟ ଅଦୃପ୍ତନୟନାୟ ଚ ॥ 140 ॥

ଉନ୍ମତ୍ତାୟ ପ୍ରମତ୍ତାୟ ନମୋ ଦୈତ୍ୟାରୟେ ନମଃ ।
ରସଜ୍ଞାୟ ରସେଶାୟ ଆରକ୍ତରସନାୟ ଚ ॥ 141 ॥

ପଥ୍ୟାୟ ପରିତୋଷାୟ ରଥ୍ୟାୟ ରସିକାୟ ଚ ।
ଊର୍ଧ୍ଵକେଶୋର୍ଧ୍ଵରୂପାୟ ନମସ୍ତେ ଚୋର୍ଧ୍ଵରେତସେ ॥ 142 ॥

ଊର୍ଧ୍ଵସିଂହାୟ ସିଂହାୟ ନମସ୍ତେ ଚୋର୍ଧ୍ଵବାହଵେ ।
ପରପ୍ରଧ୍ଵଂସକାୟୈଵ ଶଂଖଚକ୍ରଧରାୟ ଚ ॥ 143 ॥

ଗଦାପଦ୍ମଧରାୟୈଵ ପଂଚବାଣଧରାୟ ଚ ।
କାମେଶ୍ଵରାୟ କାମାୟ କାମପାଲାୟ କାମିନେ ॥ 144 ॥

ନମଃ କାମଵିହାରାୟ କାମରୂପଧରାୟ ଚ ।
ସୋମସୂର୍ୟାଗ୍ନିନେତ୍ରାୟ ସୋମପାୟ ନମୋ ନମଃ ॥ 145 ॥

ନମଃ ସୋମାୟ ଵାମାୟ ଵାମଦେଵାୟ ତେ ନମଃ ।
ସାମସ୍ଵନାୟ ସୌମ୍ୟାୟ ଭକ୍ତିଗମ୍ୟାୟ ଵୈ ନମଃ ॥ 146 ॥

କୂଷ୍ମାଂଡଗଣନାଥାୟ ସର୍ଵଶ୍ରେୟସ୍କରାୟ ଚ ।
ଭୀଷ୍ମାୟ ଭୀଷଦାୟୈଵ ଭୀମଵିକ୍ରମଣାୟ ଚ ॥ 147 ॥

ମୃଗଗ୍ରୀଵାୟ ଜୀଵାୟ ଜିତାୟାଜିତକାରିଣେ ।
ଜଟିନେ ଜାମଦଗ୍ନ୍ୟାୟ ନମସ୍ତେ ଜାତଵେଦସେ ॥ 148 ॥

ଜପାକୁସୁମଵର୍ଣାୟ ଜପ୍ୟାୟ ଜପିତାୟ ଚ ।
ଜରାୟୁଜାୟାଂଡଜାୟ ସ୍ଵେଦଜାୟୋଦ୍ଭିଜାୟ ଚ ॥ 149 ॥

ଜନାର୍ଦନାୟ ରାମାୟ ଜାହ୍ନଵୀଜନକାୟ ଚ ।
ଜରାଜନ୍ମାଦିଦୂରାୟ ପ୍ରଦ୍ୟୁମ୍ନାୟ ପ୍ରମୋଦିନେ ॥ 150 ॥

ଜିହ୍ଵାରୌଦ୍ରାୟ ରୁଦ୍ରାୟ ଵୀରଭଦ୍ରାୟ ତେ ନମଃ ।
ଚିଦ୍ରୂପାୟ ସମୁଦ୍ରାୟ କଦ୍ରୁଦ୍ରାୟ ପ୍ରଚେତସେ ॥ 151 ॥

ଇଂଦ୍ରିୟାୟେଂଦ୍ରିୟଜ୍ଞାୟ ନମୋଽସ୍ତ୍ଵିଂଦ୍ରାନୁଜାୟ ଚ ।
ଅତୀଂଦ୍ରିୟାୟ ସାରାୟ ଇଂଦିରାପତୟେ ନମଃ ॥ 152 ॥

ଈଶାନାୟ ଚ ଈଡ୍ୟାୟ ଈଶିତାୟ ଇନାୟ ଚ ।
ଵ୍ୟୋମାତ୍ମନେ ଚ ଵ୍ୟୋମ୍ନେ ଚ ନମସ୍ତେ ଵ୍ୟୋମକେଶିନେ ॥ 153 ॥

ଵ୍ୟୋମାଧାରାୟ ଚ ଵ୍ୟୋମଵକ୍ତ୍ରାୟାସୁରଘାତିନେ ।
ନମସ୍ତେ ଵ୍ୟୋମଦଂଷ୍ଟ୍ରାୟ ଵ୍ୟୋମଵାସାୟ ତେ ନମଃ ॥ 154 ॥

ସୁକୁମାରାୟ ରାମାୟ ଶୁଭାଚାରାୟ ଵୈ ନମଃ ।
ଵିଶ୍ଵାୟ ଵିଶ୍ଵରୂପାୟ ନମୋ ଵିଶ୍ଵାତ୍ମକାୟ ଚ ॥ 155 ॥

ଜ୍ଞାନାତ୍ମକାୟ ଜ୍ଞାନାୟ ଵିଶ୍ଵେଶାୟ ପରାତ୍ମନେ ।
ଏକାତ୍ମନେ ନମସ୍ତୁଭ୍ୟଂ ନମସ୍ତେ ଦ୍ଵାଦଶାତ୍ମନେ ॥ 156 ॥

ଚତୁର୍ଵିଂଶତିରୂପାୟ ପଂଚଵିଂଶତିମୂର୍ତୟେ ।
ଷଡ୍ଵିଂଶକାତ୍ମନେ ନିତ୍ୟଂ ସପ୍ତଵିଂଶତିକାତ୍ମନେ ॥ 157 ॥

ଧର୍ମାର୍ଥକାମମୋକ୍ଷାୟ ଵିରକ୍ତାୟ ନମୋ ନମଃ ।
ଭାଵଶୁଦ୍ଧାୟ ସିଦ୍ଧାୟ ସାଧ୍ୟାୟ ଶରଭାୟ ଚ ॥ 158 ॥

ପ୍ରବୋଧାୟ ସୁବୋଧାୟ ନମୋ ବୁଦ୍ଧିପ୍ରିୟାୟ ଚ ।
ସ୍ନିଗ୍ଧାୟ ଚ ଵିଦଗ୍ଧାୟ ମୁଗ୍ଧାୟ ମୁନୟେ ନମଃ ॥ 159 ॥

ପ୍ରିୟଂଵଦାୟ ଶ୍ରଵ୍ୟାୟ ସ୍ରୁକ୍ସ୍ରୁଵାୟ ଶ୍ରିତାୟ ଚ ।
ଗୃହେଶାୟ ମହେଶାୟ ବ୍ରହ୍ମେଶାୟ ନମୋ ନମଃ ॥ 160 ॥

ଶ୍ରୀଧରାୟ ସୁତୀର୍ଥାୟ ହୟଗ୍ରୀଵାୟ ତେ ନମଃ ।
ଉଗ୍ରାୟ ଉଗ୍ରଵେଗାୟ ଉଗ୍ରକର୍ମରତାୟ ଚ ॥ 161 ॥

ଉଗ୍ରନେତ୍ରାୟ ଵ୍ୟଗ୍ରାୟ ସମଗ୍ରଗୁଣଶାଲିନେ ।
ବାଲଗ୍ରହଵିନାଶାୟ ପିଶାଚଗ୍ରହଘାତିନେ ॥ 162 ॥

ଦୁଷ୍ଟଗ୍ରହନିହଂତ୍ରେ ଚ ନିଗ୍ରହାନୁଗ୍ରହାୟ ଚ ।
ଵୃଷଧ୍ଵଜାୟ ଵୃଷ୍ଣ୍ୟାୟ ଵୃଷାୟ ଵୃଷଭାୟ ଚ ॥ 163 ॥

ଉଗ୍ରଶ୍ରଵାୟ ଶାଂତାୟ ନମଃ ଶ୍ରୁତିଧରାୟ ଚ ।
ନମସ୍ତେ ଦେଵଦେଵେଶ ନମସ୍ତେ ମଧୁସୂଦନ ॥ 164 ॥

ନମସ୍ତେ ପୁଂଡରୀକାକ୍ଷ ନମସ୍ତେ ଦୁରିତକ୍ଷୟ ।
ନମସ୍ତେ କରୁଣାସିଂଧୋ ନମସ୍ତେ ସମିତିଂଜୟ ॥ 165 ॥

ନମସ୍ତେ ନରସିଂହାୟ ନମସ୍ତେ ଗରୁଡଧ୍ଵଜ ।
ୟଜ୍ଞନେତ୍ର ନମସ୍ତେଽସ୍ତୁ କାଲଧ୍ଵଜ ଜୟଧ୍ଵଜ ॥ 166 ॥

ଅଗ୍ନିନେତ୍ର ନମସ୍ତେଽସ୍ତୁ ନମସ୍ତେ ହ୍ୟମରପ୍ରିୟ ।
ମହାନେତ୍ର ନମସ୍ତେଽସ୍ତୁ ନମସ୍ତେ ଭକ୍ତଵତ୍ସଲ ॥ 167 ॥

ଧର୍ମନେତ୍ର ନମସ୍ତେଽସ୍ତୁ ନମସ୍ତେ କରୁଣାକର ।
ପୁଣ୍ୟନେତ୍ର ନମସ୍ତେଽସ୍ତୁ ନମସ୍ତେଽଭୀଷ୍ଟଦାୟକ ॥ 168 ॥

ନମୋ ନମସ୍ତେ ଜୟସିଂହରୂପ
ନମୋ ନମସ୍ତେ ନରସିଂହରୂପ ।
ନମୋ ନମସ୍ତେ ରଣସିଂହରୂପ
ନମୋ ନମସ୍ତେ ନରସିଂହରୂପ ॥ 169 ॥

ଉଦ୍ଧୃତ୍ୟ ଗର୍ଵିତଂ ଦୈତ୍ୟଂ ନିହତ୍ୟାଜୌ ସୁରଦ୍ଵିଷମ୍ ।
ଦେଵକାର୍ୟଂ ମହତ୍କୃତ୍ଵା ଗର୍ଜସେ ସ୍ଵାତ୍ମତେଜସା ॥ 170 ॥

ଅତିରୌଦ୍ରମିଦଂ ରୂପଂ ଦୁସ୍ସହଂ ଦୁରତିକ୍ରମମ୍ ।
ଦୃଷ୍ଟ୍ଵା ତୁ ଶଂକିତାଃ ସର୍ଵା ଦେଵତାସ୍ତ୍ଵାମୁପାଗତାଃ ॥ 171 ॥

ଏତାନ୍ପଶ୍ୟ ମହେଶାନଂ ବ୍ରହ୍ମାଣଂ ମାଂ ଶଚୀପତିମ୍ ।
ଦିକ୍ପାଲାନ୍ ଦ୍ଵାଦଶାଦିତ୍ୟାନ୍ ରୁଦ୍ରାନୁରଗରାକ୍ଷସାନ୍ ॥ 172 ॥

ସର୍ଵାନ୍ ଋଷିଗଣାନ୍ ସପ୍ତମାତୃର୍ଗୌରୀଂ ସରସ୍ଵତୀମ୍ ।
ଲକ୍ଷ୍ମୀଂ ନଦୀଶ୍ଚ ତୀର୍ଥାନି ରତିଂ ଭୂତଗଣାନ୍ୟପି ॥ 173 ॥

ପ୍ରସୀଦ ତ୍ଵଂ ମହାସିଂହ ଉଗ୍ରଭାଵମିମଂ ତ୍ୟଜ ।
ପ୍ରକୃତିସ୍ଥୋ ଭଵ ତ୍ଵଂ ହି ଶାଂତିଭାଵଂ ଚ ଧାରୟ ॥ 174 ॥

ଇତ୍ୟୁକ୍ତ୍ଵା ଦଂଡଵଦ୍ଭୂମୌ ପପାତ ସ ପିତାମହଃ ।
ପ୍ରସୀଦ ତ୍ଵଂ ପ୍ରସୀଦ ତ୍ଵଂ ପ୍ରସୀଦେତି ପୁନଃ ପୁନଃ ॥ 175 ॥

ମାର୍କଂଡେୟ ଉଵାଚ ।
ଦୃଷ୍ଟ୍ଵା ତୁ ଦେଵତାଃ ସର୍ଵାଃ ଶ୍ରୁତ୍ଵା ତାଂ ବ୍ରହ୍ମଣୋ ଗିରମ୍ ।
ସ୍ତୋତ୍ରେଣାପି ଚ ସଂହୃଷ୍ଟଃ ସୌମ୍ୟଭାଵମଧାରୟତ୍ ॥ 176 ॥

ଅବ୍ରଵୀନ୍ନାରସିଂହସ୍ତୁ ଵୀକ୍ଷ୍ୟ ସର୍ଵାନ୍ ସୁରୋତ୍ତମାନ୍ ।
ସଂତ୍ରସ୍ତାନ୍ ଭୟସଂଵିଗ୍ନାନ୍ ଶରଣଂ ସମୁପାଗତାନ୍ ॥ 177 ॥

ଶ୍ରୀନୃସିଂହ ଉଵାଚ ।
ଭୋ ଭୋ ଦେଵଵରାଃ ସର୍ଵେ ପିତାମହପୁରୋଗମାଃ ।
ଶୃଣୁଧ୍ଵଂ ମମ ଵାକ୍ୟଂ ଚ ଭଵଂତୁ ଵିଗତଜ୍ଵରାଃ ॥ 178 ॥

ୟଦ୍ଧିତଂ ଭଵତାଂ ନୂନଂ ତତ୍କରିଷ୍ୟାମି ସାଂପ୍ରତମ୍ ।
ଏଵଂ ନାମସହସ୍ରଂ ମେ ତ୍ରିସଂଧ୍ୟଂ ୟଃ ପଠେତ୍ ଶୁଚିଃ ॥ 179 ॥

ଶୃଣୋତି ଵା ଶ୍ରାଵୟତି ପୂଜାଂତେ ଭକ୍ତିସଂୟୁତଃ ।
ସର୍ଵାନ୍ କାମାନଵାପ୍ନୋତି ଜୀଵେଚ୍ଚ ଶରଦାଂ ଶତମ୍ ॥ 180 ॥

ୟୋ ନାମଭିର୍ନୃସିଂହାଦ୍ୟୈରର୍ଚୟେତ୍କ୍ରମଶୋ ମମ ।
ସର୍ଵତୀର୍ଥେଷୁ ୟତ୍ପୁଣ୍ୟଂ ସର୍ଵତୀର୍ଥେଷୁ ୟତ୍ଫଲମ୍ ॥ 181 ॥

ସର୍ଵପୂଜାସୁ ୟତ୍ପ୍ରୋକ୍ତଂ ତତ୍ସର୍ଵଂ ଲଭତେ ଭୃଶମ୍ ।
ଜାତିସ୍ମରତ୍ଵଂ ଲଭତେ ବ୍ରହ୍ମଜ୍ଞାନଂ ସନାତନମ୍ ॥ 182 ॥

ସର୍ଵପାପଵିନିର୍ମୁକ୍ତଃ ତଦ୍ଵିଷ୍ଣୋଃ ପରମଂ ପଦମ୍ ।
ମନ୍ନାମକଵଚଂ ବଧ୍ଵା ଵିଚରେଦ୍ଵିଗତଜ୍ଵରଃ ॥ 183 ॥

ଭୂତଭେତାଲକୂଷ୍ମାଂଡ ପିଶାଚବ୍ରହ୍ମରାକ୍ଷସାଃ ।
ଶାକିନୀଡାକିନୀଜ୍ୟେଷ୍ଠା ନୀଲୀ ବାଲଗ୍ରହାଦିକାଃ ॥ 184 ॥

ଦୁଷ୍ଟଗ୍ରହାଶ୍ଚ ନଶ୍ୟଂତି ୟକ୍ଷରାକ୍ଷସପନ୍ନଗାଃ ।
ୟେ ଚ ସଂଧ୍ୟାଗ୍ରହାଃ ସର୍ଵେ ଚାଂଡାଲଗ୍ରହସଂଜ୍ଞିକାଃ ॥ 185 ॥

ନିଶାଚରଗ୍ରହାଃ ସର୍ଵେ ପ୍ରଣଶ୍ୟଂତି ଚ ଦୂରତଃ ।
କୁକ୍ଷିରୋଗଂ ଚ ହୃଦ୍ରୋଗଂ ଶୂଲାପସ୍ମାରମେଵ ଚ ॥ 186 ॥

ଐକାହିକଂ ଦ୍ଵ୍ୟାହିକଂ ଚ ଚାତୁର୍ଥିକମଥ ଜ୍ଵରମ୍ ।
ଆଧୟୋ ଵ୍ୟାଧୟଃ ସର୍ଵେ ରୋଗା ରୋଗାଧିଦେଵତାଃ ॥ 187 ॥

ଶୀଘ୍ରଂ ନଶ୍ୟଂତି ତେ ସର୍ଵେ ନୃସିଂହସ୍ମରଣାତ୍ ସୁରାଃ ।
ରାଜାନୋ ଦାସତାଂ ୟାଂତି ଶତ୍ରଵୋ ୟାଂତି ମିତ୍ରତାମ୍ ॥ 188 ॥

ଜଲାନି ସ୍ଥଲତାଂ ୟାଂତି ଵହ୍ନୟୋ ୟାଂତି ଶୀତତାମ୍ ।
ଵିଷାଣ୍ୟପ୍ୟମୃତା ୟାଂତି ନୃସିଂହସ୍ମରଣାତ୍ସୁରାଃ ॥ 189 ॥

ରାଜ୍ୟକାମୋ ଲଭେଦ୍ରାଜ୍ୟଂ ଧନକାମୋ ଲଭେଦ୍ଧନମ୍ ।
ଵିଦ୍ୟାକାମୋ ଲଭେଦ୍ଵିଦ୍ୟାଂ ବଦ୍ଧୋ ମୁଚ୍ୟେତ ବଂଧନାତ୍ ॥ 190 ॥

ଵ୍ୟାଲଵ୍ୟାଘ୍ରଭୟଂ ନାସ୍ତି ଚୋରସର୍ପାଦିକଂ ତଥା ।
ଅନୁକୂଲା ଭଵେଦ୍ଭାର୍ୟା ଲୋକୈଶ୍ଚ ପ୍ରତିପୂଜ୍ୟତେ ॥ 191 ॥

ସୁପୁତ୍ରଂ ଧନଧାନ୍ୟଂ ଚ ଭଵଂତି ଵିଗତଜ୍ଵରାଃ ।
ଏତତ୍ସର୍ଵଂ ସମାପ୍ନୋତି ନୃସିଂହସ୍ୟ ପ୍ରସାଦତଃ ॥ 192 ॥

ଜଲସଂତରଣେ ଚୈଵ ପର୍ଵତାରଣ୍ୟମେଵ ଚ ।
ଵନେଽପି ଵିଚିରନ୍ମର୍ତ୍ୟୋ ଦୁର୍ଗମେ ଵିଷମେ ପଥି ॥ 193 ॥

ବିଲପ୍ରଵେଶନେ ଚାପି ନାରସିଂହଂ ନ ଵିସ୍ମରେତ୍ ।
ବ୍ରହ୍ମଘ୍ନଶ୍ଚ ପଶୁଘ୍ନଶ୍ଚ ଭ୍ରୂଣହା ଗୁରୁତଲ୍ପଗଃ ॥ 194 ॥

ମୁଚ୍ୟତେ ସର୍ଵପାପେଭ୍ୟଃ କୃତଘ୍ନଃ ସ୍ତ୍ରୀଵିଘାତକଃ ।
ଵେଦାନାଂ ଦୂଷକଶ୍ଚାପି ମାତାପିତୃଵିନିଂଦକଃ ॥ 195 ॥

ଅସତ୍ୟସ୍ତୁ ତେଥା ୟଜ୍ଞନିଂଦକୋ ଲୋକନିଂଦକଃ ।
ସ୍ମୃତ୍ଵା ସକୃନ୍ନୃସିଂହଂ ତୁ ମୁଚ୍ୟତେ ସର୍ଵକିଲ୍ବିଷୈଃ ॥ 196 ॥

ବହୁନାତ୍ର କିମୁକ୍ତେନ ସ୍ମୃତ୍ଵା ମାଂ ଶୁଦ୍ଧମାନସଃ ।
ୟତ୍ର ୟତ୍ର ଚରେନ୍ମର୍ତ୍ୟୋ ନୃସିଂହସ୍ତତ୍ର ରକ୍ଷତି ॥ 197 ॥

ଗଚ୍ଛନ୍ ତିଷ୍ଠନ୍ ସ୍ଵପନ୍ ଭୁଂଜନ୍ ଜାଗ୍ରନ୍ନପି ହସନ୍ନପି ।
ନୃସିଂହେତି ନୃସିଂହେତି ନୃସିଂହେତି ସଦା ସ୍ମରନ୍ ॥ 198 ॥

ପୁମାନ୍ନ ଲିପ୍ୟତେ ପାପୈର୍ଭୁକ୍ତିଂ ମୁକ୍ତିଂ ଚ ଵିଂଦତି ।
ନାରୀ ସୁଭଗତାମେତି ସୌଭାଗ୍ୟଂ ଚ ସ୍ଵରୂପତାମ୍ ॥ 199 ॥

ଭର୍ତୁଃ ପ୍ରିୟତ୍ଵଂ ଲଭତେ ନ ଵୈଧଵ୍ୟଂ ଚ ଵିଂଦତି ।
ନ ସପତ୍ନୀଂ ଚ ଜନ୍ମାଂତେ ସମ୍ୟକ୍ ଜ୍ଞାନୀ ଭଵେଦ୍ଵିଜଃ ॥ 200 ॥

ଭୂମିପ୍ରଦକ୍ଷିଣାନ୍ମର୍ତ୍ୟୋ ୟତ୍ଫଲଂ ଲଭତେ ଚିରାତ୍ ।
ତତ୍ଫଲଂ ଲଭତେ ନାରସିଂହମୂର୍ତିପ୍ରଦକ୍ଷିଣାତ୍ ॥ 201 ॥

ମାର୍କଂଡେୟ ଉଵାଚ ।
ଇତ୍ୟୁକ୍ତ୍ଵା ଦେଵଦେଵେଶୋ ଲକ୍ଷ୍ମୀମାଲିଂଗ୍ୟ ଲୀଲୟା ।
ପ୍ରହ୍ଲାଦସ୍ୟାଭିଷେକଂ ତୁ ବ୍ରହ୍ମଣେ ଚୋପଦିଷ୍ଟଵାନ୍ ॥ 202 ॥

ଶ୍ରୀଶୈଲସ୍ୟ ପ୍ରସାଦେ ତୁ ଲୋକାନାଂ ଚ ହିତାୟ ଵୈ ।
ସ୍ଵରୂପଂ ସ୍ଥାପୟାମାସ ପ୍ରକୃତିସ୍ଥୋଽଭଵତ୍ତଦା ॥ 203 ॥

ବ୍ରହ୍ମାପି ଦୈତ୍ୟରାଜାନଂ ପ୍ରହ୍ଲାଦମଭ୍ୟଷେଚୟତ୍ ।
ଦୈଵତୈଃ ସହ ସୁପ୍ରୀତୋ ହ୍ୟାତ୍ମଲୋକଂ ୟୟୌ ସ୍ଵୟମ୍ ॥ 204 ॥

ହିରଣ୍ୟକଶିପୋର୍ଭୀତ୍ୟା ପ୍ରପଲାୟ୍ୟ ଶଚୀପତିଃ ।
ସ୍ଵର୍ଗରାଜ୍ୟପରିଭ୍ରଷ୍ଟୋ ୟୁଗାନାମେକଵିଂଶତିମ୍ ॥ 205 ॥

ନୃସିଂହେନ ହତେ ଦୈତ୍ୟେ ସ୍ଵର୍ଗଲୋକମଵାପ ସଃ ।
ଦିକ୍ପାଲାଶ୍ଚ ସୁସଂପ୍ରାପ୍ତଃ ସ୍ଵସ୍ଵସ୍ଥାନମନୁତ୍ତମମ୍ ॥ 206 ॥

ଧର୍ମେ ମତିଃ ସମସ୍ତାନାଂ ପ୍ରଜାନାମଭଵତ୍ତଦା ।
ଏଵଂ ନାମସହସ୍ରଂ ମେ ବ୍ରହ୍ମଣା ନିର୍ମିତଂ ପୁରା ॥ 207 ॥

ପୁତ୍ରାନଧ୍ୟାପୟାମାସ ସନକାଦୀନ୍ମହାମତିଃ ।
ଊଚୁସ୍ତେ ଚ ତତଃ ସର୍ଵଲୋକାନାଂ ହିତକାମ୍ୟୟା ॥ 208 ॥

ଦେଵତା ଋଷୟଃ ସିଦ୍ଧା ୟକ୍ଷଵିଦ୍ୟାଧରୋରଗାଃ ।
ଗଂଧର୍ଵାଶ୍ଚ ମନୁଷ୍ୟାଶ୍ଚ ଇହାମୁତ୍ରଫଲୈଷିଣଃ ॥ 209 ॥

ୟସ୍ୟ ସ୍ତୋତ୍ରସ୍ୟ ପାଠାଦ୍ଧି ଵିଶୁଦ୍ଧମନସୋଽଭଵନ୍ ।
ସନତ୍କୁମାରଃ ସଂପ୍ରାପ୍ତୋ ଭାରଦ୍ଵାଜୋ ମହାମତିଃ ॥ 210 ॥

ତସ୍ମାଦାଂଗିରସଃ ପ୍ରାପ୍ତସ୍ତସ୍ମାତ୍ପ୍ରାପ୍ତୋ ମହାକ୍ରତୁଃ ।
ଜଗ୍ରାହ ଭାର୍ଗଵସ୍ତସ୍ମାଦଗ୍ନିମିତ୍ରାୟ ସୋଽବ୍ରଵୀତ୍ ॥ 211।

ଜୈଗୀଷଵ୍ୟାୟ ସ ପ୍ରାହ ସୋଽବ୍ରଵୀଚ୍ଚ୍ୟଵନାୟ ଚ ।
ତସ୍ମା ଉଵାଚ ଶାଂଡିଲ୍ୟୋ ଗର୍ଗାୟ ପ୍ରାହ ଵୈ ମୁନିଃ ॥ 212 ॥

କ୍ରତୁଂଜୟାୟ ସ ପ୍ରାହ ଜତୁକର୍ଣ୍ୟାୟ ସଂୟମୀ ।
ଵିଷ୍ଣୁଵୃଦ୍ଧାୟ ସୋଽପ୍ୟାହ ସୋଽପି ବୋଧାୟନାୟ ଚ ॥ 213 ॥

କ୍ରମାତ୍ସ ଵିଷ୍ଣଵେ ପ୍ରାହ ସ ପ୍ରାହୋଦ୍ଧାମକୁକ୍ଷୟେ ।
ସିଂହତେଜାଶ୍ଚ ତସ୍ମାଚ୍ଚ ଶ୍ରୀପ୍ରିୟାୟ ଦଦୌ ଚ ନଃ ॥ 214 ॥ [ସଃ]

ଉପଦିଷ୍ଟୋଽସ୍ମି ତେନାହମିଦଂ ନାମସହସ୍ରକମ୍ ।
ତତ୍ପ୍ରସାଦାଦମୃତ୍ୟୁର୍ମେ ୟସ୍ମାତ୍କସ୍ମାଦ୍ଭୟଂ ନ ହି ॥ 215 ॥

ମୟା ଚ କଥିତଂ ନାରସିଂହସ୍ତୋତ୍ରମିଦଂ ତଵ ।
ତ୍ଵଂ ହି ନିତ୍ୟଂ ଶୁଚିର୍ଭୂତ୍ଵା ତମାରାଧୟ ଶାଶ୍ଵତମ୍ ॥ 216 ॥

ସର୍ଵଭୂତାଶ୍ରୟଂ ଦେଵଂ ନୃସିଂହଂ ଭକ୍ତଵତ୍ସଲମ୍ ।
ପୂଜୟିତ୍ଵା ସ୍ତଵଂ ଜପ୍ତ୍ଵା ହୁତ୍ଵା ନିଶ୍ଚଲମାନସଃ ॥ 217 ॥

ପ୍ରାପ୍ୟସେ ମହତୀଂ ସିଦ୍ଧିଂ ସର୍ଵାନ୍ କାମାନ୍ଵରୋତ୍ତମାନ୍ ।
ଅୟମେଵ ପରୋଧର୍ମସ୍ତ୍ଵିଦମେଵ ପରଂ ତପଃ ॥ 218 ॥

ଇଦମେଵ ପରଂ ଜ୍ଞାନମିଦମେଵ ମହଦ୍ଵ୍ରତମ୍ ।
ଅୟମେଵ ସଦାଚାରସ୍ତ୍ଵୟମେଵ ସଦା ମଖଃ ॥ 219 ॥

ଇଦମେଵ ତ୍ରୟୋ ଵେଦାଃ ସଚ୍ଛାସ୍ତ୍ରାଣ୍ୟାଗମାନି ଚ ।
ନୃସିଂହମଂତ୍ରାଦନ୍ୟଚ୍ଚ ଵୈଦିକଂ ତୁ ନ ଵିଦ୍ୟତେ ॥ 220 ॥

ୟଦିହାସ୍ତି ତଦନ୍ୟତ୍ର ୟନ୍ନେହାସ୍ତି ନ ତତ୍କ୍ଵଚିତ୍ ।
କଥିତଂ ତେ ନୃସିଂହସ୍ୟ ଚରିତଂ ପାପନାଶନମ୍ ॥ 221 ॥

ସର୍ଵମଂତ୍ରମୟଂ ତାପତ୍ରୟୋପଶମନଂ ପରମ୍ ।
ସର୍ଵାର୍ଥସାଧନଂ ଦିଵ୍ୟଂ କିଂ ଭୂୟଃ ଶ୍ରୋତୁମିଚ୍ଛସି ॥ 222 ॥

ଇତି ଶ୍ରୀନୃସିଂହପୁରାଣେ ନୃସିଂହପ୍ରାଦୁର୍ଭାଵେ ଶ୍ରୀମଦ୍ଦିଵ୍ୟ ଲକ୍ଷ୍ମୀନୃସିଂହ ସହସ୍ରନାମ ସ୍ତୋତ୍ରମ୍ ॥