॥ පූර්වපීඨිකා ॥

මාර්කංඩේය උවාච ।
ඒවං යුද්ධමභූද්ඝෝරං රෞද්රං දෛත්යබලෛඃ සහ ।
නෘසිංහස්යාංගසංභූතෛර්නාරසිංහෛරනේකශඃ ॥ 1 ॥

දෛත්යකෝටිර්හතාස්තත්ර කේචිද්භීතාඃ පලායිතාඃ ।
තං දෘෂ්ට්වාතීව සංක්රුද්ධෝ හිරණ්යකශිපුඃ ස්වයම් ॥ 2 ॥

භූතපූර්වෛරමෘත්යුර්මේ ඉති බ්රහ්මවරෝද්ධතඃ ।
වවර්ෂ ශරවර්ෂේණ නාරසිංහෝ භෘශං බලී ॥ 3 ॥

ද්වංද්වයුද්ධමභූදුග්රං දිව්යවර්ෂසහස්රකම් ।
දෛත්යේංද්රේ සාහසං දෘෂ්ට්වා දේවාශ්චේංද්රපුරෝගමාඃ ॥ 4 ॥

ශ්රේයඃ කස්ය භවේදත්ර ඉති චිංතාපරා භවන් ।
තදා ක්රුද්ධෝ නෘසිංහස්තු දෛත්යේංද්රප්රහිතාන්යපි ॥ 5 ॥

විෂ්ණුචක්රං මහාචක්රං කාලචක්රං තු වෛෂ්ණවම් ।
රෞද්රං පාශුපතං බ්රාහ්මං කෞබේරං කුලිශාසනම් ॥ 6 ॥

ආග්නේයං වාරුණං සෞම්යං මෝහනං සෞරපාර්වතම් ।
භාර්ගවාදි බහූන්යස්ත්රාණ්යභක්ෂයත කෝපනඃ ॥ 7 ॥

සංධ්යාකාලේ සභාද්වාරේ ස්වාංකේ නික්ෂිප්ය භෛරවඃ ।
තතඃ ඛඩ්ගධරං දෛත්යං ජග්රාහ නරකේසරී ॥ 8 ॥

හිරණ්යකශිපෝර්වක්ෂෝ විදාර්යාතීව රෝෂිතඃ ।
උද්ධෘත්ය චාංත්රමාලානි නඛෛර්වජ්රසමප්රභෛඃ ॥ 9 ॥

මේනේ කෘතාර්ථමාත්මානං සර්වතඃ පර්යවෛක්ෂත ।
හර්ෂිතා දේවතාඃ සර්වාඃ පුෂ්පවෘෂ්ටිමවාකිරන් ॥ 10 ॥

දේවදුංදුභයෝ නේදුර්විමලාශ්ච දිශෝऽභවන් ।
නරසිංහමතීවෝග්රං විකීර්ණවදනං භෘශම් ॥ 11 ॥

ලේලිහානං ච ගර්ජංතං කාලානලසමප්රභම් ।
අතිරෞද්රං මහාකායං මහාදංෂ්ට්රං මහාරුතම් ॥ 12 ॥

මහාසිංහං මහාරූපං දෘෂ්ට්වා සංක්ෂුභිතං ජගත් ।
සර්වදේවගණෛඃ සාර්ථං තත්රාගත්ය පිතාමහඃ ॥ 13 ॥

ආගංතුකෛර්භූතපූර්වෛර්වර්තමානෛරනුත්තමෛඃ ।
ගුණෛර්නාමසහස්රේණ තුෂ්ටාව ශ්රුතිසම්මතෛඃ ॥ 14 ॥

ඕං නමඃ ශ්රීමද්දිව්යලක්ෂ්මීනෘසිංහ සහස්රනාමස්තෝත්රමහාමංත්රස්ය බ්රහ්මා ඍෂිඃ, ශ්රීලක්ෂ්මීනෘසිංහෝ දේවතා, අනුෂ්ටුප්ඡංදඃ, ශ්රීනෘසිංහඃ පරමාත්මා බීජං, ලක්ෂ්මීර්මායා ශක්තිඃ, ජීවෝ බීජං, බුද්ධිඃ ශක්තිඃ, උදානවායුඃ බීජං, සරස්වතී ශක්තිඃ, ව්යංජනානි බීජානි, ස්වරාඃ ශක්තයඃ, ඕං ක්ෂ්රෞං හ්රීං ඉති බීජානි, ඕං ශ්රීං
අං ආං ඉති ශක්තයඃ, විකීර්ණනඛදංෂ්ට්රායුධායේති කීලකං, අකාරාදිති බෝධකං, ශ්රීලක්ෂ්මීනෘසිංහ ප්රසාදසිද්ධ්යර්ථේ ශ්රීලක්ෂ්මීනෘසිංහ සහස්රනාමස්තෝත්ර මංත්රජපේ විනියෝගඃ ।

න්යාසඃ –
ඕං ශ්රීලක්ෂ්මීනෘසිංහාය නමඃ – අංගුෂ්ඨාභ්යාං නමඃ ।
ඕං වජ්රනඛාය නමඃ – තර්ජනීභ්යාං නමඃ ।
ඕං මහාරුද්රාය නමඃ – මධ්යමාභ්යාං නමඃ ।
ඕං සර්වතෝමුඛාය නමඃ – අනාමිකාභ්යාං නමඃ ।
ඕං විකටාස්යාය නමඃ – කනිෂ්ඨිකාභ්යාං නමඃ ।
ඕං වීරාය නමඃ – කරතලකරපෘෂ්ඨාභ්යාං නමඃ ।
ඒවං හෘදයාදින්යාසඃ ।

දිග්බංධඃ –
ඕං ඓංද්රීං දිශං සුදර්ශනේන බධ්නාමි නමශ්චක්රාය ස්වාහා ।
ඕං ආග්නේයීං දිශං සුදර්ශනේන බධ්නාමි නමශ්චක්රාය ස්වාහා ।
ඕං යාම්යාං දිශං සුදර්ශනේන බධ්නාමි නමශ්චක්රාය ස්වාහා ।
ඕං නෛරෘතිං දිශං සුදර්ශනේන බධ්නාමි නමශ්චක්රාය ස්වාහා ।
ඕං වාරුණීං දිශං සුදර්ශනේන බධ්නාමි නමශ්චක්රාය ස්වාහා ।
ඕං වායවීං දිශං සුදර්ශනේන බධ්නාමි නමශ්චක්රාය ස්වාහා ।
ඕං කෞබේරීං දිශං සුදර්ශනේන බධ්නාමි නමශ්චක්රාය ස්වාහා ।
ඕං ඊශානීං දිශං සුදර්ශනේන බධ්නාමි නමශ්චක්රාය ස්වාහා ।
ඕං ඌර්ධ්වාං දිශං සුදර්ශනේන බධ්නාමි නමශ්චක්රාය ස්වාහා ।
ඕං අධස්තාද්දිශං දිශං සුදර්ශනේන බධ්නාමි නමශ්චක්රාය ස්වාහා ।
ඕං අංතරික්ෂාං දිශං සුදර්ශනේන බධ්නාමි නමශ්චක්රාය ස්වාහා ।

අථ ධ්යානම් ।
සත්යජ්ඤානසුඛස්වරූපමමලං ක්ෂීරාබ්ධිමධ්යේ ස්ථිතං
යෝගාරූඪමතිප්රසන්නවදනං භූෂාසහස්රෝජ්වලම් ।
ත්ර්යක්ෂං චක්රපිනාකසාභයකරාන් බිභ්රාණමර්කච්ඡවිං
ඡත්රීභූතඵණීංද්රමිංදුධවලං ලක්ෂ්මීනෘසිංහං භජේ ॥ 1 ॥

උපාස්මහේ නෘසිංහාඛ්යං බ්රහ්ම වේදාංතගෝචරම් ।
භූයෝලාලිතසංසාරච්ඡේදහේතුං ජගද්ගුරුම් ॥ 2 ॥

අථ ස්තෝත්රම් ।
බ්රහ්මෝවාච ।
ඕං හ්රීං ශ්රීං ඓං ක්ෂ්රෞම් ॥
ඕං නමෝ නාරසිංහාය වජ්රදංෂ්ට්රාය වජ්රිණේ ।
වජ්රදේහාය වජ්රාය නමෝ වජ්රනඛාය ච ॥ 1 ॥

වාසුදේවාය වංද්යාය වරදාය වරාත්මනේ ।
වරදාභයහස්තාය වරාය වරරූපිණේ ॥ 2 ॥

වරේණ්යාය වරිෂ්ඨාය ශ්රීවරාය නමෝ නමඃ ।
ප්රහ්ලාදවරදායෛව ප්රත්යක්ෂවරදාය ච ॥ 3 ॥

පරාත්පරපරේශාය පවිත්රාය පිනාකිනේ ।
පාවනාය ප්රසන්නාය පාශිනේ පාපහාරිණේ ॥ 4 ॥

පුරුෂ්ටුතාය පුණ්යාය පුරුහූතාය තේ නමඃ ।
තත්පුරුෂාය තථ්යාය පුරාණපුරුෂාය ච ॥ 5 ॥

පුරෝධසේ පූර්වජාය පුෂ්කරාක්ෂාය තේ නමඃ ।
පුෂ්පහාසාය හාසාය මහාහාසාය ශාරංගිණේ ॥ 6 ॥

සිංහාය සිංහරාජාය ජගද්වශ්යාය තේ නමඃ ।
අට්ටහාසාය රෝෂාය ජලවාසාය තේ නමඃ ॥ 7 ॥

භූතාවාසාය භාසාය ශ්රීනිවාසාය ඛඩ්ගිනේ ।
ඛඩ්ගජිහ්වාය සිංහාය ඛඩ්ගවාසාය තේ නමඃ ॥ 8 ॥

නමෝ මූලාධිවාසාය ධර්මවාසාය ධන්විනේ ।
ධනංජයාය ධන්යාය නමෝ මෘත්යුංජයාය ච ॥ 9 ॥

ශුභංජයාය සූත්රාය නමඃ ශත්රුංජයාය ච ।
නිරංජනාය නීරාය නිර්ගුණාය ගුණාය ච ॥ 10 ॥

නිෂ්ප්රපංචාය නිර්වාණප්රදාය නිබිඩාය ච ।
නිරාලංබාය නීලාය නිෂ්කලාය කලාය ච ॥ 11 ॥

නිමේෂාය නිබංධාය නිමේෂගමනාය ච ।
නිර්ද්වංද්වාය නිරාශාය නිශ්චයාය නිරාය ච ॥ 12 ॥

නිර්මලාය නිබංධාය නිර්මෝහාය නිරාකෘතේ ।
නමෝ නිත්යාය සත්යාය සත්කර්මනිරතාය ච ॥ 13 ॥

සත්යධ්වජාය මුංජාය මුංජකේශාය කේශිනේ ।
හරීශාය ච ශේෂාය ගුඩාකේශාය වෛ නමඃ ॥ 14 ॥

සුකේශායෝර්ධ්වකේශාය කේශිසංහාරකාය ච ।
ජලේශාය ස්ථලේශාය පද්මේශායෝග්රරූපිණේ ॥ 15 ॥

කුශේශයාය කූලාය කේශවාය නමෝ නමඃ ।
සූක්තිකර්ණාය සූක්තාය රක්තජිහ්වාය රාගිණේ ॥ 16 ॥

දීප්තරූපාය දීප්තාය ප්රදීප්තාය ප්රලෝභිනේ ।
ප්රච්ඡින්නාය ප්රබෝධාය ප්රභවේ විභවේ නමඃ ॥ 17 ॥

ප්රභංජනාය පාංථාය ප්රමායාප්රමිතාය ච ।
ප්රකාශාය ප්රතාපාය ප්රජ්වලායෝජ්ජ්වලාය ච ॥ 18 ॥

ජ්වාලාමාලාස්වරූපාය ජ්වලජ්ජිහ්වාය ජ්වාලිනේ ।
මහෝජ්ජ්වලාය කාලාය කාලමූර්තිධරාය ච ॥ 19 ॥

කාලාංතකාය කල්පාය කලනාය කෘතේ නමඃ ।
කාලචක්රාය ශක්රාය වෂට්චක්රාය චක්රිණේ ॥ 20 ॥

අක්රූරාය කෘතාංතාය වික්රමාය ක්රමාය ච ।
කෘත්තිනේ කෘත්තිවාසාය කෘතඝ්නාය කෘතාත්මනේ ॥ 21 ॥

සංක්රමාය ච ක්රුද්ධාය ක්රාංතලෝකත්රයාය ච ।
අරූපාය ස්වරූපාය හරයේ පරමාත්මනේ ॥ 22 ॥

අජයායාදිදේවාය අක්ෂයාය ක්ෂයාය ච ।
අඝෝරාය සුඝෝරාය ඝෝරඝෝරතරාය ච ॥ 23 ॥

නමෝऽස්ත්වඝෝරවීර්යාය ලසද්ඝෝරාය තේ නමඃ ।
ඝෝරාධ්යක්ෂාය දක්ෂාය දක්ෂිණාऽऽර්යාය ශංභවේ ॥ 24 ॥

අමෝඝාය ගුණෞඝාය අනඝායාऽඝහාරිණේ ।
මේඝනාදාය නාදාය තුභ්යං මේඝාත්මනේ නමඃ ॥ 25 ॥

මේඝවාහනරූපාය මේඝශ්යාමාය මාලිනේ ।
ව්යාලයජ්ඤෝපවීතාය ව්යාඝ්රදේහාය වෛ නමඃ ॥ 26 ॥

ව්යාඝ්රපාදාය ච ව්යාඝ්රකර්මිණේ ව්යාපකාය ච ।
විකටාස්යාය වීරාය විෂ්ටරශ්රවසේ නමඃ ॥ 27 ॥

විකීර්ණනඛදංෂ්ට්රාය නඛදංෂ්ට්රායුධාය ච ।
විෂ්වක්සේනාය සේනාය විහ්වලාය බලාය ච ॥ 28 ॥

විරූපාක්ෂාය වීරාය විශේෂාක්ෂාය සාක්ෂිණේ ।
වීතශෝකාය විස්තීර්ණවදනාය නමෝ නමඃ ॥ 29 ॥

විධානාය විධේයාය විජයාය ජයාය ච ।
විබුධාය විභාවාය නමෝ විශ්වංභරාය ච ॥ 30 ॥

වීතරාගාය විප්රාය විටංකනයනාය ච ।
විපුලාය විනීතාය විශ්වයෝනේ නමෝ නමඃ ॥ 31 ॥

විඩංබනාය විත්තාය විශ්රුතාය වියෝනයේ । [චිදංබරාය]
විහ්වලාය විවාදාය නමෝ ව්යාහෘතයේ නමඃ ॥ 32 ॥

විලාසාය විකල්පාය මහාකල්පාය තේ නමඃ ।
බහුකල්පාය කල්පාය කල්පාතීතාය ශිල්පිනේ ॥ 33 ॥

කල්පනාය ස්වරූපාය ඵණිතල්පාය වෛ නමඃ ।
තටිත්ප්රභාය තාර්ක්ෂ්යාය තරුණාය තරස්විනේ ॥ 34 ॥

තපනාය තරක්ෂාය තාපත්රයහරාය ච ।
තාරකාය තමෝඝ්නාය තත්ත්වාය ච තපස්විනේ ॥ 35 ॥

තක්ෂකාය තනුත්රාය තටිනේ තරලාය ච ।
ශතරූපාය ශාංතාය ශතධාරාය තේ නමඃ ॥ 36 ॥

ශතපත්රායතාක්ෂාය ස්ථිතයේ ශතමූර්තයේ ।
ශතක්රතුස්වරූපාය ශාශ්වතාය ශතාත්මනේ ॥ 37 ॥

නමඃ සහස්රශිරසේ සහස්රවදනාය ච ।
සහස්රාක්ෂාය දේවාය දිශශ්රෝත්රාය තේ නමඃ ॥ 38 ॥

නමඃ සහස්රජිහ්වාය මහාජිහ්වාය තේ නමඃ ।
සහස්රනාමධේයාය සහස්රාක්ෂිධරාය ච ॥ 39 ॥

සහස්රබාහවේ තුභ්යං සහස්රචරණාය ච ।
සහස්රාර්කප්රකාශාය සහස්රායුධධාරිණේ ॥ 40 ॥

නමඃ ස්ථූලාය සූක්ෂ්මාය සුසූක්ෂ්මාය නමෝ නමඃ ।
සුක්ෂුණ්ණාය සුභික්ෂාය සුරාධ්යක්ෂාය ශෞරිණේ ॥ 41 ॥

ධර්මාධ්යක්ෂාය ධර්මාය ලෝකාධ්යක්ෂාය වෛ නමඃ ।
ප්රජාධ්යක්ෂාය ශික්ෂාය විපක්ෂක්ෂයමූර්තයේ ॥ 42 ॥

කාලාධ්යක්ෂාය තීක්ෂ්ණාය මූලාධ්යක්ෂාය තේ නමඃ ।
අධෝක්ෂජාය මිත්රාය සුමිත්රවරුණාය ච ॥ 43 ॥

ශත්රුඝ්නාය අවිඝ්නාය විඝ්නකෝටිහරාය ච ।
රක්ෂෝඝ්නාය තමෝඝ්නාය භූතඝ්නාය නමෝ නමඃ ॥ 44 ॥

භූතපාලාය භූතාය භූතාවාසාය භූතිනේ ।
භූතවේතාළඝාතාය භූතාධිපතයේ නමඃ ॥ 45 ॥

භූතග්රහවිනාශාය භූතසංයමතේ නමඃ ।
මහාභූතාය භෘගවේ සර්වභූතාත්මනේ නමඃ ॥ 46 ॥

සර්වාරිෂ්ටවිනාශාය සර්වසංපත්කරාය ච ।
සර්වාධාරාය ශර්වාය සර්වාර්තිහරයේ නමඃ ॥ 47 ॥

සර්වදුඃඛප්රශාංතාය සර්වසෞභාග්යදායිනේ ।
සර්වජ්ඤායාප්යනංතාය සර්වශක්තිධරාය ච ॥ 48 ॥

සර්වෛශ්වර්යප්රදාත්රේ ච සර්වකාර්යවිධායිනේ ।
සර්වජ්වරවිනාශාය සර්වරෝගාපහාරිණේ ॥ 49 ॥

සර්වාභිචාරහංත්රේ ච සර්වෛශ්වර්යවිධායිනේ ।
පිංගාක්ෂායෛකශෘංගාය ද්විශෘංගාය මරීචයේ ॥ 50 ॥

බහුශෘංගාය ලිංගාය මහාශෘංගාය තේ නමඃ ।
මාංගළ්යාය මනෝජ්ඤාය මංතව්යාය මහාත්මනේ ॥ 51 ॥

මහාදේවාය දේවාය මාතුලිංගධරාය ච ।
මහාමායාප්රසූතාය ප්රස්තුතාය ච මායිනේ ॥ 52 ॥

අනංතානංතරූපාය මායිනේ ජලශායිනේ ।
මහෝදරාය මංදාය මදදාය මදාය ච ॥ 53 ॥

මධුකෛටභහංත්රේ ච මාධවාය මුරාරයේ ।
මහාවීර්යාය ධෛර්යාය චිත්රවීර්යාය තේ නමඃ ॥ 54 ॥

චිත්රකූර්මාය චිත්රාය නමස්තේ චිත්රභානවේ ।
මායාතීතාය මායාය මහාවීරාය තේ නමඃ ॥ 55 ॥

මහාතේජාය බීජාය තේජෝධාම්නේ ච බීජිනේ ।
තේජෝමයනෘසිංහාය නමස්තේ චිත්රභානවේ ॥ 56 ॥

මහාදංෂ්ට්රාය තුෂ්ටාය නමඃ පුෂ්ටිකරාය ච ।
ශිපිවිෂ්ටාය හෘෂ්ටාය පුෂ්ටාය පරමේෂ්ඨිනේ ॥ 57 ॥

විශිෂ්ටාය ච ශිෂ්ටාය ගරිෂ්ඨායේෂ්ටදායිනේ ।
නමෝ ජ්යේෂ්ඨාය ශ්රේෂ්ඨාය තුෂ්ටායාමිතතේජසේ ॥ 58 ॥

අෂ්ටාංගන්යස්තරූපාය සර්වදුෂ්ටාංතකාය ච ।
වෛකුංඨාය විකුංඨාය කේශිකංඨාය තේ නමඃ ॥ 59 ॥

කංඨීරවාය ලුංඨාය නිශ්ශඨාය හඨාය ච ।
සත්වෝද්රික්තාය රුද්රාය ඍග්යජුස්සාමගාය ච ॥ 60 ॥

ඍතුධ්වජාය වජ්රාය මංත්රරාජාය මංත්රිණේ ।
ත්රිනේත්රාය ත්රිවර්ගාය ත්රිධාම්නේ ච ත්රිශූලිනේ ॥ 61 ॥

ත්රිකාලජ්ඤානරූපාය ත්රිදේහාය ත්රිධාත්මනේ ।
නමස්ත්රිමූර්තිවිද්යාය ත්රිතත්ත්වජ්ඤානිනේ නමඃ ॥ 62 ॥

අක්ෂෝභ්යායානිරුද්ධාය අප්රමේයාය භානවේ ।
අමෘතාය අනංතාය අමිතායාමිතෞජසේ ॥ 63 ॥

අපමෘත්යුවිනාශාය අපස්මාරවිඝාතිනේ ।
අන්නදායාන්නරූපාය අන්නායාන්නභුජේ නමඃ ॥ 64 ॥

නාද්යාය නිරවද්යාය විද්යායාද්භුතකර්මණේ ।
සද්යෝජාතාය සංඝාය වෛද්යුතාය නමෝ නමඃ ॥ 65 ॥

අධ්වාතීතාය සත්ත්වාය වාගතීතාය වාග්මිනේ ।
වාගීශ්වරාය ගෝපාය ගෝහිතාය ගවාං පතේ ॥ 66 ॥

ගංධර්වාය ගභීරාය ගර්ජිතායෝර්ජිතාය ච ।
පර්ජන්යාය ප්රබුද්ධාය ප්රධානපුරුෂාය ච ॥ 67 ॥

පද්මාභාය සුනාභාය පද්මනාභාය මානිනේ ।
පද්මනේත්රාය පද්මාය පද්මායාඃ පතයේ නමඃ ॥ 68 ॥

පද්මෝදරාය පූතාය පද්මකල්පෝද්භවාය ච ।
නමෝ හෘත්පද්මවාසාය භූපද්මෝද්ධරණාය ච ॥ 69 ॥

ශබ්දබ්රහ්මස්වරූපාය බ්රහ්මරූපධරාය ච ।
බ්රහ්මණේ බ්රහ්මරූපාය පද්මනේත්රාය තේ නමඃ ॥ 70 ॥

බ්රහ්මදාය බ්රාහ්මණාය බ්රහ්මබ්රහ්මාත්මනේ නමඃ ।
සුබ්රහ්මණ්යාය දේවාය බ්රහ්මණ්යාය ත්රිවේදිනේ ॥ 71 ॥

පරබ්රහ්මස්වරූපාය පංචබ්රහ්මාත්මනේ නමඃ ।
නමස්තේ බ්රහ්මශිරසේ තථාऽශ්වශිරසේ නමඃ ॥ 72 ॥

අථර්වශිරසේ නිත්යමශනිප්රමිතාය ච ।
නමස්තේ තීක්ෂ්ණදංෂ්ට්රාය ලෝලාය ලලිතාය ච ॥ 73 ॥

ලාවණ්යාය ලවිත්රාය නමස්තේ භාසකාය ච ।
ලක්ෂණජ්ඤාය ලක්ෂාය ලක්ෂණාය නමෝ නමඃ ॥ 74 ॥

ලසද්දීප්තාය ලිප්තාය විෂ්ණවේ ප්රභවිෂ්ණවේ ।
වෘෂ්ණිමූලාය කෘෂ්ණාය ශ්රීමහාවිෂ්ණවේ නමඃ ॥ 75 ॥

පශ්යාමි ත්වාං මහාසිංහං හාරිණං වනමාලිනම් ।
කිරීටිනං කුංඩලිනං සර්වාංගං සර්වතෝමුඛම් ॥ 76 ॥

සර්වතඃ පාණිපාදෝරඃ සර්වතෝऽක්ෂිශිරෝමුඛම් ।
සර්වේශ්වරං සදාතුෂ්ටං සමර්ථං සමරප්රියම් ॥ 77 ॥

බහුයෝජනවිස්තීර්ණං බහුයෝජනමායතම් ।
බහුයෝජනහස්තාංඝ්රිං බහුයෝජනනාසිකම් ॥ 78 ॥

මහාරූපං මහාවක්ත්රං මහාදංෂ්ට්රං මහාභුජම් ।
මහානාදං මහාරෞද්රං මහාකායං මහාබලම් ॥ 79 ॥

ආනාභේර්බ්රහ්මණෝ රූපමාගලාද්වෛෂ්ණවං තථා ।
ආශීර්ෂාද්රුද්රමීශානං තදග්රේ සර්වතඃ ශිවම් ॥ 80 ॥

නමෝऽස්තු නාරායණනාරසිංහ
නමෝऽස්තු නාරායණවීරසිංහ ।
නමෝऽස්තු නාරායණක්රූරසිංහ
නමෝऽස්තු නාරායණදිව්යසිංහ ॥ 81 ॥

නමෝऽස්තු නාරායණව්යාඝ්රසිංහ
නමෝऽස්තු නාරායණපුච්ඡසිංහ ।
නමෝऽස්තු නාරායණපූර්ණසිංහ
නමෝऽස්තු නාරායණරෞද්රසිංහ ॥ 82 ॥

නමෝ නමෝ භීෂණභද්රසිංහ
නමෝ නමෝ විහ්වලනේත්රසිංහ ।
නමෝ නමෝ බෘංහිතභූතසිංහ
නමෝ නමෝ නිර්මලචිත්රසිංහ ॥ 83 ॥

නමෝ නමෝ නිර්ජිතකාලසිංහ
නමෝ නමඃ කල්පිතකල්පසිංහ ।
නමෝ නමෝ කාමදකාමසිංහ
නමෝ නමස්තේ භුවනෛකසිංහ ॥ 84 ॥

ද්යාවාපෘථිව්යෝරිදමංතරං හි
ව්යාප්තං ත්වයෛකේන දිශශ්ච සර්වාඃ ।
දෘෂ්ට්වාද්භුතං රූපමුග්රං තවේදං
ලෝකත්රයං ප්රව්යථිතං මහාත්මන් ॥ 85 ॥

අමී හිත්වා සුරසංඝා විශංති
කේචිද්භීතාඃ ප්රාංජලයෝ ගෘණංති ।
ස්වස්තීත්යුක්ත්වා මුනයඃ සිද්ධසංඝාඃ
ස්තුවංති ත්වාං ස්තුතිභිඃ පුෂ්කලාභිඃ ॥ 86 ॥

රුද්රාදිත්යාවසවෝ යේ ච සාධ්යා
විශ්වේදේවා මරුතශ්චෝෂ්මපාශ්ච ।
ගංධර්වයක්ෂාසුරසිද්ධසංඝා
වීක්ෂංති ත්වාං විස්මිතාශ්චෛව සර්වේ ॥ 87 ॥

ලේලිහ්යසේ ග්රසමානඃ සමංතා-
-ල්ලෝකාන් සමග්රාන්වදනෛර්ජ්වලද්භිඃ ।
තේජෝභිරාපූර්ය ජගත්සමග්රං
භාසස්තවෝග්රාඃ ප්රතපංති විෂ්ණෝ ॥ 88 ॥

භවිෂ්ණුස්ත්වං සහිෂ්ණුස්ත්වං භ්රාජිෂ්ණුර්ජිෂ්ණුරේව ච ।
පෘථිවීමංතරික්ෂං ත්වං පර්වතාරණ්යමේව ච ॥ 89 ॥

කලාකාෂ්ඨාවිලිප්තස්ත්වං මුහූර්තප්රහරාදිකම් ।
අහෝරාත්රං ත්රිසංධ්යා ච පක්ෂමාසර්තුවත්සරාඃ ॥ 90 ॥

යුගාදිර්යුගභේදස්ත්වං සංයුගෝ යුගසංධයඃ ।
නිත්යං නෛමිත්තිකං දෛනං මහාප්රලයමේව ච ॥ 91 ॥

කරණං කාරණං කර්තා භර්තා හර්තා ත්වමීශ්වරඃ ।
සත්කර්තා සත්කෘතිර්ගෝප්තා සච්චිදානංදවිග්රහඃ ॥ 92 ॥

ප්රාණස්ත්වං ප්රාණිනාං ප්රත්යගාත්මා ත්වං සර්වදේහිනාම් ।
සුජ්යෝතිස්ත්වං පරංජ්යෝතිරාත්මජ්යෝතිඃ සනාතනඃ ॥ 93 ॥

ජ්යෝතිර්ලෝකස්වරූපස්ත්වං ජ්ඤෝ ජ්යෝතිර්ජ්යෝතිෂාං පතිඃ । [ජ්යෝතිර්ජ්ඤෝ]
ස්වාහාකාරඃ ස්වධාකාරෝ වෂට්කාරඃ කෘපාකරඃ ॥ 94 ॥

හංතකාරෝ නිරාකාරෝ වේගාකාරශ්ච ශංකරඃ ।
අකාරාදිහකාරාංත ඕංකාරෝ ලෝකකාරකඃ ॥ 95 ॥

ඒකාත්මා ත්වමනේකාත්මා චතුරාත්මා චතුර්භුජඃ ।
චතුර්මූර්තිශ්චතුර්දංෂ්ට්රශ්චතුර්වේදමයෝත්තමඃ ॥ 96 ॥

ලෝකප්රියෝ ලෝකගුරුර්ලෝකේශෝ ලෝකනායකඃ ।
ලෝකසාක්ෂී ලෝකපතිර්ලෝකාත්මා ලෝකලෝචනඃ ॥ 97 ॥

ලෝකාධාරෝ බෘහල්ලෝකෝ ලෝකාලෝකමයෝ විභුඃ ।
ලෝකකර්තා විශ්වකර්තා කෘතාවර්තඃ කෘතාගමඃ ॥ 98 ॥

අනාදිස්ත්වමනංතස්ත්වමභූතෝ භූතවිග්රහඃ ।
ස්තුතිඃ ස්තුත්යඃ ස්තවප්රීතඃ ස්තෝතා නේතා නියාමකඃ ॥ 99 ॥

ත්වං ගතිස්ත්වං මතිර්මහ්යං පිතා මාතා ගුරුඃ සඛා ।
සුහෘදශ්චාත්මරූපස්ත්වං ත්වාං විනා නාස්ති මේ ගතිඃ ॥ 100 ॥

නමස්තේ මංත්රරූපාය අස්ත්රරූපාය තේ නමඃ ।
බහුරූපාය රූපාය පංචරූපධරාය ච ॥ 101 ॥

භද්රරූපාය රූඪාය යෝගරූපාය යෝගිනේ ।
සමරූපාය යෝගාය යෝගපීඨස්ථිතාය ච ॥ 102 ॥

යෝගගම්යාය සෞම්යාය ධ්යානගම්යාය ධ්යායිනේ ।
ධ්යේයගම්යාය ධාම්නේ ච ධාමාධිපතයේ නමඃ ॥ 103 ॥

ධරාධරාය ධර්මාය ධාරණාභිරතාය ච ।
නමෝ ධාත්රේ ච සංධාත්රේ විධාත්රේ ච ධරාය ච ॥ 104 ॥

දාමෝදරාය දාංතාය දානවාංතකරාය ච ।
නමඃ සංසාරවෛද්යාය භේෂජාය නමෝ නමඃ ॥ 105 ॥

සීරධ්වජාය ශීතාය වාතායාප්රමිතාය ච ।
සාරස්වතාය සංසාරනාශනායාක්ෂමාලිනේ ॥ 106 ॥

අසිචර්මධරායෛව ෂට්කර්මනිරතාය ච ।
විකර්මාය සුකර්මාය පරකර්මවිධායිනේ ॥ 107 ॥

සුශර්මණේ මන්මථාය නමෝ වර්මාය වර්මිණේ ।
කරිචර්මවසානාය කරාලවදනාය ච ॥ 108 ॥

කවයේ පද්මගර්භාය භූතගර්භ ඝෘණානිධේ ।
බ්රහ්මගර්භාය ගර්භාය බෘහද්ගර්භාය ධූර්ජටේ ॥ 109 ॥

නමස්තේ විශ්වගර්භාය ශ්රීගර්භාය ජිතාරයේ ।
නමෝ හිරණ්යගර්භාය හිරණ්යකවචාය ච ॥ 110 ॥

හිරණ්යවර්ණදේහාය හිරණ්යාක්ෂවිනාශිනේ ।
හිරණ්යකශිපෝර්හංත්රේ හිරණ්යනයනාය ච ॥ 111 ॥

හිරණ්යරේතසේ තුභ්යං හිරණ්යවදනාය ච ।
නමෝ හිරණ්යශෘංගාය නිඃශෘංගාය ච ශෘංගිණේ ॥ 112 ॥

භෛරවාය සුකේශාය භීෂණායාංත්රමාලිනේ ।
චංඩාය රුංඩමාලාය නමෝ දංඩධරාය ච ॥ 113 ॥

අඛංඩතත්ත්වරූපාය කමංඩලුධරාය ච ।
නමස්තේ ඛංඩසිංහාය සත්යසිංහාය තේ නමඃ ॥ 114 ॥

නමස්තේ ශ්වේතසිංහාය පීතසිංහාය තේ නමඃ ।
නීලසිංහාය නීලාය රක්තසිංහාය තේ නමඃ ॥ 115 ॥

නමෝ හාරිද්රසිංහාය ධූම්රසිංහාය තේ නමඃ ।
මූලසිංහාය මූලාය බෘහත්සිංහාය තේ නමඃ ॥ 116 ॥

පාතාලස්ථිතසිංහාය නමඃ පර්වතවාසිනේ ।
නමෝ ජලස්ථසිංහාය අංතරික්ෂස්ථිතාය ච ॥ 117 ॥

කාලාග්නිරුද්රසිංහාය චංඩසිංහාය තේ නමඃ ।
අනංතසිංහසිංහාය අනංතගතයේ නමඃ ॥ 118 ॥

නමෝ විචිත්රසිංහාය බහුසිංහස්වරූපිණේ ।
අභයංකරසිංහාය නරසිංහාය තේ නමඃ ॥ 119 ॥

නමෝऽස්තු සිංහරාජාය නාරසිංහාය තේ නමඃ ।
සප්තාබ්ධිමේඛලායෛව සත්යසත්යස්වරූපිණේ ॥ 120 ॥

සප්තලෝකාංතරස්ථාය සප්තස්වරමයාය ච ।
සප්තාර්චීරූපදංෂ්ට්රාය සප්තාශ්වරථරූපිණේ ॥ 121 ॥

සප්තවායුස්වරූපාය සප්තච්ඡංදෝමයාය ච ।
ස්වච්ඡාය ස්වච්ඡරූපාය ස්වච්ඡංදාය ච තේ නමඃ ॥ 122 ॥

ශ්රීවත්සාය සුවේෂාය ශ්රුතයේ ශ්රුතිමූර්තයේ ।
ශුචිශ්රවාය ශූරාය සුප්රභාය සුධන්විනේ ॥ 123 ॥

ශුභ්රාය සුරනාථාය සුප්රභාය ශුභාය ච ।
සුදර්ශනාය සූක්ෂ්මාය නිරුක්තාය නමෝ නමඃ ॥ 124 ॥

සුප්රභාය ස්වභාවාය භවාය විභවාය ච ।
සුශාඛාය විශාඛාය සුමුඛාය මුඛාය ච ॥ 125 ॥

සුනඛාය සුදංෂ්ට්රාය සුරථාය සුධාය ච ।
සාංඛ්යාය සුරමුඛ්යාය ප්රඛ්යාතාය ප්රභාය ච ॥ 126 ॥

නමඃ ඛට්වාංගහස්තාය ඛේටමුද්ගරපාණයේ ।
ඛගේංද්රාය මෘගේංද්රාය නාගේංද්රාය දෘඪාය ච ॥ 127 ॥

නාගකේයූරහාරාය නාගේංද්රායාඝමර්දිනේ ।
නදීවාසාය නග්නාය නානාරූපධරාය ච ॥ 128 ॥

නාගේශ්වරාය නාගාය නමිතාය නරාය ච ।
නාගාංතකරථායෛව නරනාරායණාය ච ॥ 129 ॥

නමෝ මත්ස්යස්වරූපාය කච්ඡපාය නමෝ නමඃ ।
නමෝ යජ්ඤවරාහාය නරසිංහාය තේ නමඃ ॥ 130 ॥

වික්රමාක්රාංතලෝකාය වාමනාය මහෞජසේ ।
නමෝ භාර්ගවරාමාය රාවණාංතකරාය ච ॥ 131 ॥

නමස්තේ බලරාමාය කංසප්රධ්වංසකාරිණේ ।
බුද්ධාය බුද්ධරූපාය තීක්ෂ්ණරූපාය කල්කිනේ ॥ 132 ॥

ආත්රේයායාග්නිනේත්රාය කපිලාය ද්විජාය ච ।
ක්ෂේත්රාය පශුපාලාය පශුවක්ත්රාය තේ නමඃ ॥ 133 ॥

ගෘහස්ථාය වනස්ථාය යතයේ බ්රහ්මචාරිණේ ।
ස්වර්ගාපවර්ගදාත්රේ ච තද්භෝක්ත්රේ ච මුමුක්ෂවේ ॥ 134 ॥

ශාලග්රාමනිවාසාය ක්ෂීරාබ්ධිශයනාය ච ।
ශ්රීශෛලාද්රිනිවාසාය ශිලාවාසාය තේ නමඃ ॥ 135 ॥

යෝගිහෘත්පද්මවාසාය මහාහාසාය තේ නමඃ ।
ගුහාවාසාය ගුහ්යාය ගුප්තාය ගුරවේ නමඃ ॥ 136 ॥

නමෝ මූලාධිවාසාය නීලවස්ත්රධරාය ච ।
පීතවස්ත්රාය ශස්ත්රාය රක්තවස්ත්රධරාය ච ॥ 137 ॥

රක්තමාලාවිභූෂාය රක්තගංධානුලේපිනේ ।
ධුරංධරාය ධූර්තාය දුර්ධරාය ධරාය ච ॥ 138 ॥

දුර්මදාය දුරංතාය දුර්ධරාය නමෝ නමඃ ।
දුර්නිරීක්ෂ්යාය නිෂ්ඨාය දුර්දර්ශාය ද්රුමාය ච ॥ 139 ॥

දුර්භේදාය දුරාශාය දුර්ලභාය නමෝ නමඃ ।
දෘප්තාය දෘප්තවක්ත්රාය අදෘප්තනයනාය ච ॥ 140 ॥

උන්මත්තාය ප්රමත්තාය නමෝ දෛත්යාරයේ නමඃ ।
රසජ්ඤාය රසේශාය ආරක්තරසනාය ච ॥ 141 ॥

පථ්යාය පරිතෝෂාය රථ්යාය රසිකාය ච ।
ඌර්ධ්වකේශෝර්ධ්වරූපාය නමස්තේ චෝර්ධ්වරේතසේ ॥ 142 ॥

ඌර්ධ්වසිංහාය සිංහාය නමස්තේ චෝර්ධ්වබාහවේ ।
පරප්රධ්වංසකායෛව ශංඛචක්රධරාය ච ॥ 143 ॥

ගදාපද්මධරායෛව පංචබාණධරාය ච ।
කාමේශ්වරාය කාමාය කාමපාලාය කාමිනේ ॥ 144 ॥

නමඃ කාමවිහාරාය කාමරූපධරාය ච ।
සෝමසූර්යාග්නිනේත්රාය සෝමපාය නමෝ නමඃ ॥ 145 ॥

නමඃ සෝමාය වාමාය වාමදේවාය තේ නමඃ ।
සාමස්වනාය සෞම්යාය භක්තිගම්යාය වෛ නමඃ ॥ 146 ॥

කූෂ්මාංඩගණනාථාය සර්වශ්රේයස්කරාය ච ।
භීෂ්මාය භීෂදායෛව භීමවික්රමණාය ච ॥ 147 ॥

මෘගග්රීවාය ජීවාය ජිතායාජිතකාරිණේ ।
ජටිනේ ජාමදග්න්යාය නමස්තේ ජාතවේදසේ ॥ 148 ॥

ජපාකුසුමවර්ණාය ජප්යාය ජපිතාය ච ।
ජරායුජායාංඩජාය ස්වේදජායෝද්භිජාය ච ॥ 149 ॥

ජනාර්දනාය රාමාය ජාහ්නවීජනකාය ච ।
ජරාජන්මාදිදූරාය ප්රද්යුම්නාය ප්රමෝදිනේ ॥ 150 ॥

ජිහ්වාරෞද්රාය රුද්රාය වීරභද්රාය තේ නමඃ ।
චිද්රූපාය සමුද්රාය කද්රුද්රාය ප්රචේතසේ ॥ 151 ॥

ඉංද්රියායේංද්රියජ්ඤාය නමෝऽස්ත්විංද්රානුජාය ච ।
අතීංද්රියාය සාරාය ඉංදිරාපතයේ නමඃ ॥ 152 ॥

ඊශානාය ච ඊඩ්යාය ඊශිතාය ඉනාය ච ।
ව්යෝමාත්මනේ ච ව්යෝම්නේ ච නමස්තේ ව්යෝමකේශිනේ ॥ 153 ॥

ව්යෝමාධාරාය ච ව්යෝමවක්ත්රායාසුරඝාතිනේ ।
නමස්තේ ව්යෝමදංෂ්ට්රාය ව්යෝමවාසාය තේ නමඃ ॥ 154 ॥

සුකුමාරාය රාමාය ශුභාචාරාය වෛ නමඃ ।
විශ්වාය විශ්වරූපාය නමෝ විශ්වාත්මකාය ච ॥ 155 ॥

ජ්ඤානාත්මකාය ජ්ඤානාය විශ්වේශාය පරාත්මනේ ।
ඒකාත්මනේ නමස්තුභ්යං නමස්තේ ද්වාදශාත්මනේ ॥ 156 ॥

චතුර්විංශතිරූපාය පංචවිංශතිමූර්තයේ ।
ෂඩ්විංශකාත්මනේ නිත්යං සප්තවිංශතිකාත්මනේ ॥ 157 ॥

ධර්මාර්ථකාමමෝක්ෂාය විරක්තාය නමෝ නමඃ ।
භාවශුද්ධාය සිද්ධාය සාධ්යාය ශරභාය ච ॥ 158 ॥

ප්රබෝධාය සුබෝධාය නමෝ බුද්ධිප්රියාය ච ।
ස්නිග්ධාය ච විදග්ධාය මුග්ධාය මුනයේ නමඃ ॥ 159 ॥

ප්රියංවදාය ශ්රව්යාය ස්රුක්ස්රුවාය ශ්රිතාය ච ।
ගෘහේශාය මහේශාය බ්රහ්මේශාය නමෝ නමඃ ॥ 160 ॥

ශ්රීධරාය සුතීර්ථාය හයග්රීවාය තේ නමඃ ।
උග්රාය උග්රවේගාය උග්රකර්මරතාය ච ॥ 161 ॥

උග්රනේත්රාය ව්යග්රාය සමග්රගුණශාලිනේ ।
බාලග්රහවිනාශාය පිශාචග්රහඝාතිනේ ॥ 162 ॥

දුෂ්ටග්රහනිහංත්රේ ච නිග්රහානුග්රහාය ච ।
වෘෂධ්වජාය වෘෂ්ණ්යාය වෘෂාය වෘෂභාය ච ॥ 163 ॥

උග්රශ්රවාය ශාංතාය නමඃ ශ්රුතිධරාය ච ।
නමස්තේ දේවදේවේශ නමස්තේ මධුසූදන ॥ 164 ॥

නමස්තේ පුංඩරීකාක්ෂ නමස්තේ දුරිතක්ෂය ।
නමස්තේ කරුණාසිංධෝ නමස්තේ සමිතිංජය ॥ 165 ॥

නමස්තේ නරසිංහාය නමස්තේ ගරුඩධ්වජ ।
යජ්ඤනේත්ර නමස්තේऽස්තු කාලධ්වජ ජයධ්වජ ॥ 166 ॥

අග්නිනේත්ර නමස්තේऽස්තු නමස්තේ හ්යමරප්රිය ।
මහානේත්ර නමස්තේऽස්තු නමස්තේ භක්තවත්සල ॥ 167 ॥

ධර්මනේත්ර නමස්තේऽස්තු නමස්තේ කරුණාකර ।
පුණ්යනේත්ර නමස්තේऽස්තු නමස්තේऽභීෂ්ටදායක ॥ 168 ॥

නමෝ නමස්තේ ජයසිංහරූප
නමෝ නමස්තේ නරසිංහරූප ।
නමෝ නමස්තේ රණසිංහරූප
නමෝ නමස්තේ නරසිංහරූප ॥ 169 ॥

උද්ධෘත්ය ගර්විතං දෛත්යං නිහත්යාජෞ සුරද්විෂම් ।
දේවකාර්යං මහත්කෘත්වා ගර්ජසේ ස්වාත්මතේජසා ॥ 170 ॥

අතිරෞද්රමිදං රූපං දුස්සහං දුරතික්රමම් ।
දෘෂ්ට්වා තු ශංකිතාඃ සර්වා දේවතාස්ත්වාමුපාගතාඃ ॥ 171 ॥

ඒතාන්පශ්ය මහේශානං බ්රහ්මාණං මාං ශචීපතිම් ।
දික්පාලාන් ද්වාදශාදිත්යාන් රුද්රානුරගරාක්ෂසාන් ॥ 172 ॥

සර්වාන් ඍෂිගණාන් සප්තමාතෘර්ගෞරීං සරස්වතීම් ।
ලක්ෂ්මීං නදීශ්ච තීර්ථානි රතිං භූතගණාන්යපි ॥ 173 ॥

ප්රසීද ත්වං මහාසිංහ උග්රභාවමිමං ත්යජ ।
ප්රකෘතිස්ථෝ භව ත්වං හි ශාංතිභාවං ච ධාරය ॥ 174 ॥

ඉත්යුක්ත්වා දංඩවද්භූමෞ පපාත ස පිතාමහඃ ।
ප්රසීද ත්වං ප්රසීද ත්වං ප්රසීදේති පුනඃ පුනඃ ॥ 175 ॥

මාර්කංඩේය උවාච ।
දෘෂ්ට්වා තු දේවතාඃ සර්වාඃ ශ්රුත්වා තාං බ්රහ්මණෝ ගිරම් ।
ස්තෝත්රේණාපි ච සංහෘෂ්ටඃ සෞම්යභාවමධාරයත් ॥ 176 ॥

අබ්රවීන්නාරසිංහස්තු වීක්ෂ්ය සර්වාන් සුරෝත්තමාන් ।
සංත්රස්තාන් භයසංවිග්නාන් ශරණං සමුපාගතාන් ॥ 177 ॥

ශ්රීනෘසිංහ උවාච ।
භෝ භෝ දේවවරාඃ සර්වේ පිතාමහපුරෝගමාඃ ।
ශෘණුධ්වං මම වාක්යං ච භවංතු විගතජ්වරාඃ ॥ 178 ॥

යද්ධිතං භවතාං නූනං තත්කරිෂ්යාමි සාංප්රතම් ।
ඒවං නාමසහස්රං මේ ත්රිසංධ්යං යඃ පඨේත් ශුචිඃ ॥ 179 ॥

ශෘණෝති වා ශ්රාවයති පූජාංතේ භක්තිසංයුතඃ ।
සර්වාන් කාමානවාප්නෝති ජීවේච්ච ශරදාං ශතම් ॥ 180 ॥

යෝ නාමභිර්නෘසිංහාද්යෛරර්චයේත්ක්රමශෝ මම ।
සර්වතීර්ථේෂු යත්පුණ්යං සර්වතීර්ථේෂු යත්ඵලම් ॥ 181 ॥

සර්වපූජාසු යත්ප්රෝක්තං තත්සර්වං ලභතේ භෘශම් ।
ජාතිස්මරත්වං ලභතේ බ්රහ්මජ්ඤානං සනාතනම් ॥ 182 ॥

සර්වපාපවිනිර්මුක්තඃ තද්විෂ්ණෝඃ පරමං පදම් ।
මන්නාමකවචං බධ්වා විචරේද්විගතජ්වරඃ ॥ 183 ॥

භූතභේතාලකූෂ්මාංඩ පිශාචබ්රහ්මරාක්ෂසාඃ ।
ශාකිනීඩාකිනීජ්යේෂ්ඨා නීලී බාලග්රහාදිකාඃ ॥ 184 ॥

දුෂ්ටග්රහාශ්ච නශ්යංති යක්ෂරාක්ෂසපන්නගාඃ ।
යේ ච සංධ්යාග්රහාඃ සර්වේ චාංඩාලග්රහසංජ්ඤිකාඃ ॥ 185 ॥

නිශාචරග්රහාඃ සර්වේ ප්රණශ්යංති ච දූරතඃ ।
කුක්ෂිරෝගං ච හෘද්රෝගං ශූලාපස්මාරමේව ච ॥ 186 ॥

ඓකාහිකං ද්ව්යාහිකං ච චාතුර්ථිකමථ ජ්වරම් ।
ආධයෝ ව්යාධයඃ සර්වේ රෝගා රෝගාධිදේවතාඃ ॥ 187 ॥

ශීඝ්රං නශ්යංති තේ සර්වේ නෘසිංහස්මරණාත් සුරාඃ ।
රාජානෝ දාසතාං යාංති ශත්රවෝ යාංති මිත්රතාම් ॥ 188 ॥

ජලානි ස්ථලතාං යාංති වහ්නයෝ යාංති ශීතතාම් ।
විෂාණ්යප්යමෘතා යාංති නෘසිංහස්මරණාත්සුරාඃ ॥ 189 ॥

රාජ්යකාමෝ ලභේද්රාජ්යං ධනකාමෝ ලභේද්ධනම් ।
විද්යාකාමෝ ලභේද්විද්යාං බද්ධෝ මුච්යේත බංධනාත් ॥ 190 ॥

ව්යාලව්යාඝ්රභයං නාස්ති චෝරසර්පාදිකං තථා ।
අනුකූලා භවේද්භාර්යා ලෝකෛශ්ච ප්රතිපූජ්යතේ ॥ 191 ॥

සුපුත්රං ධනධාන්යං ච භවංති විගතජ්වරාඃ ।
ඒතත්සර්වං සමාප්නෝති නෘසිංහස්ය ප්රසාදතඃ ॥ 192 ॥

ජලසංතරණේ චෛව පර්වතාරණ්යමේව ච ।
වනේऽපි විචිරන්මර්ත්යෝ දුර්ගමේ විෂමේ පථි ॥ 193 ॥

බිලප්රවේශනේ චාපි නාරසිංහං න විස්මරේත් ।
බ්රහ්මඝ්නශ්ච පශුඝ්නශ්ච භ්රූණහා ගුරුතල්පගඃ ॥ 194 ॥

මුච්යතේ සර්වපාපේභ්යඃ කෘතඝ්නඃ ස්ත්රීවිඝාතකඃ ।
වේදානාං දූෂකශ්චාපි මාතාපිතෘවිනිංදකඃ ॥ 195 ॥

අසත්යස්තු තේථා යජ්ඤනිංදකෝ ලෝකනිංදකඃ ।
ස්මෘත්වා සකෘන්නෘසිංහං තු මුච්යතේ සර්වකිල්බිෂෛඃ ॥ 196 ॥

බහුනාත්ර කිමුක්තේන ස්මෘත්වා මාං ශුද්ධමානසඃ ।
යත්ර යත්ර චරේන්මර්ත්යෝ නෘසිංහස්තත්ර රක්ෂති ॥ 197 ॥

ගච්ඡන් තිෂ්ඨන් ස්වපන් භුංජන් ජාග්රන්නපි හසන්නපි ।
නෘසිංහේති නෘසිංහේති නෘසිංහේති සදා ස්මරන් ॥ 198 ॥

පුමාන්න ලිප්යතේ පාපෛර්භුක්තිං මුක්තිං ච විංදති ।
නාරී සුභගතාමේති සෞභාග්යං ච ස්වරූපතාම් ॥ 199 ॥

භර්තුඃ ප්රියත්වං ලභතේ න වෛධව්යං ච විංදති ।
න සපත්නීං ච ජන්මාංතේ සම්යක් ජ්ඤානී භවේද්විජඃ ॥ 200 ॥

භූමිප්රදක්ෂිණාන්මර්ත්යෝ යත්ඵලං ලභතේ චිරාත් ।
තත්ඵලං ලභතේ නාරසිංහමූර්තිප්රදක්ෂිණාත් ॥ 201 ॥

මාර්කංඩේය උවාච ।
ඉත්යුක්ත්වා දේවදේවේශෝ ලක්ෂ්මීමාලිංග්ය ලීලයා ।
ප්රහ්ලාදස්යාභිෂේකං තු බ්රහ්මණේ චෝපදිෂ්ටවාන් ॥ 202 ॥

ශ්රීශෛලස්ය ප්රසාදේ තු ලෝකානාං ච හිතාය වෛ ।
ස්වරූපං ස්ථාපයාමාස ප්රකෘතිස්ථෝऽභවත්තදා ॥ 203 ॥

බ්රහ්මාපි දෛත්යරාජානං ප්රහ්ලාදමභ්යෂේචයත් ।
දෛවතෛඃ සහ සුප්රීතෝ හ්යාත්මලෝකං යයෞ ස්වයම් ॥ 204 ॥

හිරණ්යකශිපෝර්භීත්යා ප්රපලාය්ය ශචීපතිඃ ।
ස්වර්ගරාජ්යපරිභ්රෂ්ටෝ යුගානාමේකවිංශතිම් ॥ 205 ॥

නෘසිංහේන හතේ දෛත්යේ ස්වර්ගලෝකමවාප සඃ ।
දික්පාලාශ්ච සුසංප්රාප්තඃ ස්වස්වස්ථානමනුත්තමම් ॥ 206 ॥

ධර්මේ මතිඃ සමස්තානාං ප්රජානාමභවත්තදා ।
ඒවං නාමසහස්රං මේ බ්රහ්මණා නිර්මිතං පුරා ॥ 207 ॥

පුත්රානධ්යාපයාමාස සනකාදීන්මහාමතිඃ ।
ඌචුස්තේ ච තතඃ සර්වලෝකානාං හිතකාම්යයා ॥ 208 ॥

දේවතා ඍෂයඃ සිද්ධා යක්ෂවිද්යාධරෝරගාඃ ।
ගංධර්වාශ්ච මනුෂ්යාශ්ච ඉහාමුත්රඵලෛෂිණඃ ॥ 209 ॥

යස්ය ස්තෝත්රස්ය පාඨාද්ධි විශුද්ධමනසෝऽභවන් ।
සනත්කුමාරඃ සංප්රාප්තෝ භාරද්වාජෝ මහාමතිඃ ॥ 210 ॥

තස්මාදාංගිරසඃ ප්රාප්තස්තස්මාත්ප්රාප්තෝ මහාක්රතුඃ ।
ජග්රාහ භාර්ගවස්තස්මාදග්නිමිත්රාය සෝऽබ්රවීත් ॥ 211।

ජෛගීෂව්යාය ස ප්රාහ සෝऽබ්රවීච්ච්යවනාය ච ।
තස්මා උවාච ශාංඩිල්යෝ ගර්ගාය ප්රාහ වෛ මුනිඃ ॥ 212 ॥

ක්රතුංජයාය ස ප්රාහ ජතුකර්ණ්යාය සංයමී ।
විෂ්ණුවෘද්ධාය සෝऽප්යාහ සෝऽපි බෝධායනාය ච ॥ 213 ॥

ක්රමාත්ස විෂ්ණවේ ප්රාහ ස ප්රාහෝද්ධාමකුක්ෂයේ ।
සිංහතේජාශ්ච තස්මාච්ච ශ්රීප්රියාය දදෞ ච නඃ ॥ 214 ॥ [සඃ]

උපදිෂ්ටෝऽස්මි තේනාහමිදං නාමසහස්රකම් ।
තත්ප්රසාදාදමෘත්යුර්මේ යස්මාත්කස්මාද්භයං න හි ॥ 215 ॥

මයා ච කථිතං නාරසිංහස්තෝත්රමිදං තව ।
ත්වං හි නිත්යං ශුචිර්භූත්වා තමාරාධය ශාශ්වතම් ॥ 216 ॥

සර්වභූතාශ්රයං දේවං නෘසිංහං භක්තවත්සලම් ।
පූජයිත්වා ස්තවං ජප්ත්වා හුත්වා නිශ්චලමානසඃ ॥ 217 ॥

ප්රාප්යසේ මහතීං සිද්ධිං සර්වාන් කාමාන්වරෝත්තමාන් ।
අයමේව පරෝධර්මස්ත්විදමේව පරං තපඃ ॥ 218 ॥

ඉදමේව පරං ජ්ඤානමිදමේව මහද්ව්රතම් ।
අයමේව සදාචාරස්ත්වයමේව සදා මඛඃ ॥ 219 ॥

ඉදමේව ත්රයෝ වේදාඃ සච්ඡාස්ත්රාණ්යාගමානි ච ।
නෘසිංහමංත්රාදන්යච්ච වෛදිකං තු න විද්යතේ ॥ 220 ॥

යදිහාස්ති තදන්යත්ර යන්නේහාස්ති න තත්ක්වචිත් ।
කථිතං තේ නෘසිංහස්ය චරිතං පාපනාශනම් ॥ 221 ॥

සර්වමංත්රමයං තාපත්රයෝපශමනං පරම් ।
සර්වාර්ථසාධනං දිව්යං කිං භූයඃ ශ්රෝතුමිච්ඡසි ॥ 222 ॥

ඉති ශ්රීනෘසිංහපුරාණේ නෘසිංහප්රාදුර්භාවේ ශ්රීමද්දිව්ය ලක්ෂ්මීනෘසිංහ සහස්රනාම ස්තෝත්රම් ॥