॥ পূর্বপীঠিকা ॥

মার্কংডেয় উবাচ ।
এবং যুদ্ধমভূদ্ঘোরং রৌদ্রং দৈত্যবলৈঃ সহ ।
নৃসিংহস্য়াংগসংভূতৈর্নারসিংহৈরনেকশঃ ॥ 1 ॥

দৈত্যকোটির্হতাস্তত্র কেচিদ্ভীতাঃ পলায়িতাঃ ।
তং দৃষ্ট্বাতীব সংক্রুদ্ধো হিরণ্যকশিপুঃ স্বযম্ ॥ 2 ॥

ভূতপূর্বৈরমৃত্য়ুর্মে ইতি ব্রহ্মবরোদ্ধতঃ ।
ববর্ষ শরবর্ষেণ নারসিংহো ভৃশং বলী ॥ 3 ॥

দ্বংদ্বয়ুদ্ধমভূদুগ্রং দিব্যবর্ষসহস্রকম্ ।
দৈত্য়েংদ্রে সাহসং দৃষ্ট্বা দেবাশ্চেংদ্রপুরোগমাঃ ॥ 4 ॥

শ্রেয়ঃ কস্য় ভবেদত্র ইতি চিংতাপরা ভবন্ ।
তদা ক্রুদ্ধো নৃসিংহস্তু দৈত্য়েংদ্রপ্রহিতান্যপি ॥ 5 ॥

বিষ্ণুচক্রং মহাচক্রং কালচক্রং তু বৈষ্ণবম্ ।
রৌদ্রং পাশুপতং ব্রাহ্মং কৌবেরং কুলিশাসনম্ ॥ 6 ॥

আগ্নেয়ং বারুণং সৌম্য়ং মোহনং সৌরপার্বতম্ ।
ভার্গবাদি বহূন্যস্ত্রাণ্যভক্ষযত কোপনঃ ॥ 7 ॥

সংধ্য়াকালে সভাদ্বারে স্বাংকে নিক্ষিপ্য় ভৈরবঃ ।
ততঃ খড্গধরং দৈত্য়ং জগ্রাহ নরকেসরী ॥ 8 ॥

হিরণ্যকশিপোর্বক্ষো বিদার্য়াতীব রোষিতঃ ।
উদ্ধৃত্য় চাংত্রমালানি নখৈর্বজ্রসমপ্রভৈঃ ॥ 9 ॥

মেনে কৃতার্থমাত্মানং সর্বতঃ পর্যবৈক্ষত ।
হর্ষিতা দেবতাঃ সর্বাঃ পুষ্পবৃষ্টিমবাকিরন্ ॥ 10 ॥

দেবদুংদুভয়ো নেদুর্বিমলাশ্চ দিশোঽভবন্ ।
নরসিংহমতীবোগ্রং বিকীর্ণবদনং ভৃশম্ ॥ 11 ॥

লেলিহানং চ গর্জংতং কালানলসমপ্রভম্ ।
অতিরৌদ্রং মহাকায়ং মহাদংষ্ট্রং মহারুতম্ ॥ 12 ॥

মহাসিংহং মহারূপং দৃষ্ট্বা সংক্ষুভিতং জগত্ ।
সর্বদেবগণৈঃ সার্থং তত্রাগত্য় পিতামহঃ ॥ 13 ॥

আগংতুকৈর্ভূতপূর্বৈর্বর্তমানৈরনুত্তমৈঃ ।
গুণৈর্নামসহস্রেণ তুষ্টাব শ্রুতিসম্মতৈঃ ॥ 14 ॥

ওং নমঃ শ্রীমদ্দিব্যলক্ষ্মীনৃসিংহ সহস্রনামস্তোত্রমহামংত্রস্য় ব্রহ্মা ঋষিঃ, শ্রীলক্ষ্মীনৃসিংহো দেবতা, অনুষ্টুপ্ছংদঃ, শ্রীনৃসিংহঃ পরমাত্মা বীজং, লক্ষ্মীর্মায়া শক্তিঃ, জীবো বীজং, বুদ্ধিঃ শক্তিঃ, উদানবায়ুঃ বীজং, সরস্বতী শক্তিঃ, ব্য়ংজনানি বীজানি, স্বরাঃ শক্তয়ঃ, ওং ক্ষ্রৌং হ্রীং ইতি বীজানি, ওং শ্রীং
অং আং ইতি শক্তয়ঃ, বিকীর্ণনখদংষ্ট্রায়ুধায়েতি কীলকং, অকারাদিতি বোধকং, শ্রীলক্ষ্মীনৃসিংহ প্রসাদসিদ্ধ্যর্থে শ্রীলক্ষ্মীনৃসিংহ সহস্রনামস্তোত্র মংত্রজপে বিনিয়োগঃ ।

ন্য়াসঃ –
ওং শ্রীলক্ষ্মীনৃসিংহায় নমঃ – অংগুষ্ঠাভ্য়াং নমঃ ।
ওং বজ্রনখায় নমঃ – তর্জনীভ্য়াং নমঃ ।
ওং মহারুদ্রায় নমঃ – মধ্যমাভ্য়াং নমঃ ।
ওং সর্বতোমুখায় নমঃ – অনামিকাভ্য়াং নমঃ ।
ওং বিকটাস্য়ায় নমঃ – কনিষ্ঠিকাভ্য়াং নমঃ ।
ওং বীরায় নমঃ – করতলকরপৃষ্ঠাভ্য়াং নমঃ ।
এবং হৃদয়াদিন্য়াসঃ ।

দিগ্বংধঃ –
ওং ঐংদ্রীং দিশং সুদর্শনেন বধ্নামি নমশ্চক্রায় স্বাহা ।
ওং আগ্নেয়ীং দিশং সুদর্শনেন বধ্নামি নমশ্চক্রায় স্বাহা ।
ওং যাম্য়াং দিশং সুদর্শনেন বধ্নামি নমশ্চক্রায় স্বাহা ।
ওং নৈরৃতিং দিশং সুদর্শনেন বধ্নামি নমশ্চক্রায় স্বাহা ।
ওং বারুণীং দিশং সুদর্শনেন বধ্নামি নমশ্চক্রায় স্বাহা ।
ওং বাযবীং দিশং সুদর্শনেন বধ্নামি নমশ্চক্রায় স্বাহা ।
ওং কৌবেরীং দিশং সুদর্শনেন বধ্নামি নমশ্চক্রায় স্বাহা ।
ওং ঈশানীং দিশং সুদর্শনেন বধ্নামি নমশ্চক্রায় স্বাহা ।
ওং ঊর্ধ্বাং দিশং সুদর্শনেন বধ্নামি নমশ্চক্রায় স্বাহা ।
ওং অধস্তাদ্দিশং দিশং সুদর্শনেন বধ্নামি নমশ্চক্রায় স্বাহা ।
ওং অংতরিক্ষাং দিশং সুদর্শনেন বধ্নামি নমশ্চক্রায় স্বাহা ।

অথ ধ্য়ানম্ ।
সত্যজ্ঞানসুখস্বরূপমমলং ক্ষীরাব্ধিমধ্য়ে স্থিতং
যোগারূঢমতিপ্রসন্নবদনং ভূষাসহস্রোজ্বলম্ ।
ত্র্যক্ষং চক্রপিনাকসাভযকরান্ বিভ্রাণমর্কচ্ছবিং
ছত্রীভূতফণীংদ্রমিংদুধবলং লক্ষ্মীনৃসিংহং ভজে ॥ 1 ॥

উপাস্মহে নৃসিংহাখ্য়ং ব্রহ্ম বেদাংতগোচরম্ ।
ভূয়োলালিতসংসারচ্ছেদহেতুং জগদ্গুরুম্ ॥ 2 ॥

অথ স্তোত্রম্ ।
ব্রহ্মোবাচ ।
ওং হ্রীং শ্রীং ঐং ক্ষ্রৌম্ ॥
ওং নমো নারসিংহায় বজ্রদংষ্ট্রায় বজ্রিণে ।
বজ্রদেহায় বজ্রায় নমো বজ্রনখায় চ ॥ 1 ॥

বাসুদেবায় বংদ্য়ায় বরদায় বরাত্মনে ।
বরদাভযহস্তায় বরায় বররূপিণে ॥ 2 ॥

বরেণ্য়ায় বরিষ্ঠায় শ্রীবরায় নমো নমঃ ।
প্রহ্লাদবরদায়ৈব প্রত্যক্ষবরদায় চ ॥ 3 ॥

পরাত্পরপরেশায় পবিত্রায় পিনাকিনে ।
পাবনায় প্রসন্নায় পাশিনে পাপহারিণে ॥ 4 ॥

পুরুষ্টুতায় পুণ্য়ায় পুরুহূতায় তে নমঃ ।
তত্পুরুষায় তথ্য়ায় পুরাণপুরুষায় চ ॥ 5 ॥

পুরোধসে পূর্বজায় পুষ্করাক্ষায় তে নমঃ ।
পুষ্পহাসায় হাসায় মহাহাসায় শারংগিণে ॥ 6 ॥

সিংহায় সিংহরাজায় জগদ্বশ্য়ায় তে নমঃ ।
অট্টহাসায় রোষায় জলবাসায় তে নমঃ ॥ 7 ॥

ভূতাবাসায় ভাসায় শ্রীনিবাসায় খড্গিনে ।
খড্গজিহ্বায় সিংহায় খড্গবাসায় তে নমঃ ॥ 8 ॥

নমো মূলাধিবাসায় ধর্মবাসায় ধন্বিনে ।
ধনংজয়ায় ধন্য়ায় নমো মৃত্য়ুংজয়ায় চ ॥ 9 ॥

শুভংজয়ায় সূত্রায় নমঃ শত্রুংজয়ায় চ ।
নিরংজনায় নীরায় নির্গুণায় গুণায় চ ॥ 10 ॥

নিষ্প্রপংচায় নির্বাণপ্রদায় নিবিডায় চ ।
নিরালংবায় নীলায় নিষ্কলায় কলায় চ ॥ 11 ॥

নিমেষায় নিবংধায় নিমেষগমনায় চ ।
নির্দ্বংদ্বায় নিরাশায় নিশ্চয়ায় নিরায় চ ॥ 12 ॥

নির্মলায় নিবংধায় নির্মোহায় নিরাকৃতে ।
নমো নিত্য়ায় সত্য়ায় সত্কর্মনিরতায় চ ॥ 13 ॥

সত্যধ্বজায় মুংজায় মুংজকেশায় কেশিনে ।
হরীশায় চ শেষায় গুডাকেশায় বৈ নমঃ ॥ 14 ॥

সুকেশায়োর্ধ্বকেশায় কেশিসংহারকায় চ ।
জলেশায় স্থলেশায় পদ্মেশায়োগ্ররূপিণে ॥ 15 ॥

কুশেশয়ায় কূলায় কেশবায় নমো নমঃ ।
সূক্তিকর্ণায় সূক্তায় রক্তজিহ্বায় রাগিণে ॥ 16 ॥

দীপ্তরূপায় দীপ্তায় প্রদীপ্তায় প্রলোভিনে ।
প্রচ্ছিন্নায় প্রবোধায় প্রভবে বিভবে নমঃ ॥ 17 ॥

প্রভংজনায় পাংথায় প্রমায়াপ্রমিতায় চ ।
প্রকাশায় প্রতাপায় প্রজ্বলায়োজ্জ্বলায় চ ॥ 18 ॥

জ্বালামালাস্বরূপায় জ্বলজ্জিহ্বায় জ্বালিনে ।
মহোজ্জ্বলায় কালায় কালমূর্তিধরায় চ ॥ 19 ॥

কালাংতকায় কল্পায় কলনায় কৃতে নমঃ ।
কালচক্রায় শক্রায় বষট্চক্রায় চক্রিণে ॥ 20 ॥

অক্রূরায় কৃতাংতায় বিক্রমায় ক্রমায় চ ।
কৃত্তিনে কৃত্তিবাসায় কৃতঘ্নায় কৃতাত্মনে ॥ 21 ॥

সংক্রমায় চ ক্রুদ্ধায় ক্রাংতলোকত্রয়ায় চ ।
অরূপায় স্বরূপায় হরয়ে পরমাত্মনে ॥ 22 ॥

অজয়ায়াদিদেবায় অক্ষয়ায় ক্ষয়ায় চ ।
অঘোরায় সুঘোরায় ঘোরঘোরতরায় চ ॥ 23 ॥

নমোঽস্ত্বঘোরবীর্য়ায় লসদ্ঘোরায় তে নমঃ ।
ঘোরাধ্যক্ষায় দক্ষায় দক্ষিণাঽঽর্য়ায় শংভবে ॥ 24 ॥

অমোঘায় গুণৌঘায় অনঘায়াঽঘহারিণে ।
মেঘনাদায় নাদায় তুভ্য়ং মেঘাত্মনে নমঃ ॥ 25 ॥

মেঘবাহনরূপায় মেঘশ্য়ামায় মালিনে ।
ব্য়ালযজ্ঞোপবীতায় ব্য়াঘ্রদেহায় বৈ নমঃ ॥ 26 ॥

ব্য়াঘ্রপাদায় চ ব্য়াঘ্রকর্মিণে ব্য়াপকায় চ ।
বিকটাস্য়ায় বীরায় বিষ্টরশ্রবসে নমঃ ॥ 27 ॥

বিকীর্ণনখদংষ্ট্রায় নখদংষ্ট্রায়ুধায় চ ।
বিষ্বক্সেনায় সেনায় বিহ্বলায় বলায় চ ॥ 28 ॥

বিরূপাক্ষায় বীরায় বিশেষাক্ষায় সাক্ষিণে ।
বীতশোকায় বিস্তীর্ণবদনায় নমো নমঃ ॥ 29 ॥

বিধানায় বিধেয়ায় বিজয়ায় জয়ায় চ ।
বিবুধায় বিভাবায় নমো বিশ্বংভরায় চ ॥ 30 ॥

বীতরাগায় বিপ্রায় বিটংকনযনায় চ ।
বিপুলায় বিনীতায় বিশ্বয়োনে নমো নমঃ ॥ 31 ॥

বিডংবনায় বিত্তায় বিশ্রুতায় বিয়োনয়ে । [চিদংবরায়]
বিহ্বলায় বিবাদায় নমো ব্য়াহৃতয়ে নমঃ ॥ 32 ॥

বিলাসায় বিকল্পায় মহাকল্পায় তে নমঃ ।
বহুকল্পায় কল্পায় কল্পাতীতায় শিল্পিনে ॥ 33 ॥

কল্পনায় স্বরূপায় ফণিতল্পায় বৈ নমঃ ।
তটিত্প্রভায় তার্ক্ষ্য়ায় তরুণায় তরস্বিনে ॥ 34 ॥

তপনায় তরক্ষায় তাপত্রযহরায় চ ।
তারকায় তমোঘ্নায় তত্ত্বায় চ তপস্বিনে ॥ 35 ॥

তক্ষকায় তনুত্রায় তটিনে তরলায় চ ।
শতরূপায় শাংতায় শতধারায় তে নমঃ ॥ 36 ॥

শতপত্রাযতাক্ষায় স্থিতয়ে শতমূর্তয়ে ।
শতক্রতুস্বরূপায় শাশ্বতায় শতাত্মনে ॥ 37 ॥

নমঃ সহস্রশিরসে সহস্রবদনায় চ ।
সহস্রাক্ষায় দেবায় দিশশ্রোত্রায় তে নমঃ ॥ 38 ॥

নমঃ সহস্রজিহ্বায় মহাজিহ্বায় তে নমঃ ।
সহস্রনামধেয়ায় সহস্রাক্ষিধরায় চ ॥ 39 ॥

সহস্রবাহবে তুভ্য়ং সহস্রচরণায় চ ।
সহস্রার্কপ্রকাশায় সহস্রায়ুধধারিণে ॥ 40 ॥

নমঃ স্থূলায় সূক্ষ্মায় সুসূক্ষ্মায় নমো নমঃ ।
সুক্ষুণ্ণায় সুভিক্ষায় সুরাধ্যক্ষায় শৌরিণে ॥ 41 ॥

ধর্মাধ্যক্ষায় ধর্মায় লোকাধ্যক্ষায় বৈ নমঃ ।
প্রজাধ্যক্ষায় শিক্ষায় বিপক্ষক্ষযমূর্তয়ে ॥ 42 ॥

কালাধ্যক্ষায় তীক্ষ্ণায় মূলাধ্যক্ষায় তে নমঃ ।
অধোক্ষজায় মিত্রায় সুমিত্রবরুণায় চ ॥ 43 ॥

শত্রুঘ্নায় অবিঘ্নায় বিঘ্নকোটিহরায় চ ।
রক্ষোঘ্নায় তমোঘ্নায় ভূতঘ্নায় নমো নমঃ ॥ 44 ॥

ভূতপালায় ভূতায় ভূতাবাসায় ভূতিনে ।
ভূতবেতালঘাতায় ভূতাধিপতয়ে নমঃ ॥ 45 ॥

ভূতগ্রহবিনাশায় ভূতসংযমতে নমঃ ।
মহাভূতায় ভৃগবে সর্বভূতাত্মনে নমঃ ॥ 46 ॥

সর্বারিষ্টবিনাশায় সর্বসংপত্করায় চ ।
সর্বাধারায় শর্বায় সর্বার্তিহরয়ে নমঃ ॥ 47 ॥

সর্বদুঃখপ্রশাংতায় সর্বসৌভাগ্যদায়িনে ।
সর্বজ্ঞায়াপ্যনংতায় সর্বশক্তিধরায় চ ॥ 48 ॥

সর্বৈশ্বর্যপ্রদাত্রে চ সর্বকার্যবিধায়িনে ।
সর্বজ্বরবিনাশায় সর্বরোগাপহারিণে ॥ 49 ॥

সর্বাভিচারহংত্রে চ সর্বৈশ্বর্যবিধায়িনে ।
পিংগাক্ষায়ৈকশৃংগায় দ্বিশৃংগায় মরীচয়ে ॥ 50 ॥

বহুশৃংগায় লিংগায় মহাশৃংগায় তে নমঃ ।
মাংগল্য়ায় মনোজ্ঞায় মংতব্য়ায় মহাত্মনে ॥ 51 ॥

মহাদেবায় দেবায় মাতুলিংগধরায় চ ।
মহামায়াপ্রসূতায় প্রস্তুতায় চ মায়িনে ॥ 52 ॥

অনংতানংতরূপায় মায়িনে জলশায়িনে ।
মহোদরায় মংদায় মদদায় মদায় চ ॥ 53 ॥

মধুকৈটভহংত্রে চ মাধবায় মুরারয়ে ।
মহাবীর্য়ায় ধৈর্য়ায় চিত্রবীর্য়ায় তে নমঃ ॥ 54 ॥

চিত্রকূর্মায় চিত্রায় নমস্তে চিত্রভানবে ।
মায়াতীতায় মায়ায় মহাবীরায় তে নমঃ ॥ 55 ॥

মহাতেজায় বীজায় তেজোধাম্নে চ বীজিনে ।
তেজোমযনৃসিংহায় নমস্তে চিত্রভানবে ॥ 56 ॥

মহাদংষ্ট্রায় তুষ্টায় নমঃ পুষ্টিকরায় চ ।
শিপিবিষ্টায় হৃষ্টায় পুষ্টায় পরমেষ্ঠিনে ॥ 57 ॥

বিশিষ্টায় চ শিষ্টায় গরিষ্ঠায়েষ্টদায়িনে ।
নমো জ্য়েষ্ঠায় শ্রেষ্ঠায় তুষ্টায়ামিততেজসে ॥ 58 ॥

অষ্টাংগন্যস্তরূপায় সর্বদুষ্টাংতকায় চ ।
বৈকুংঠায় বিকুংঠায় কেশিকংঠায় তে নমঃ ॥ 59 ॥

কংঠীরবায় লুংঠায় নিশ্শঠায় হঠায় চ ।
সত্বোদ্রিক্তায় রুদ্রায় ঋগ্যজুস্সামগায় চ ॥ 60 ॥

ঋতুধ্বজায় বজ্রায় মংত্ররাজায় মংত্রিণে ।
ত্রিনেত্রায় ত্রিবর্গায় ত্রিধাম্নে চ ত্রিশূলিনে ॥ 61 ॥

ত্রিকালজ্ঞানরূপায় ত্রিদেহায় ত্রিধাত্মনে ।
নমস্ত্রিমূর্তিবিদ্য়ায় ত্রিতত্ত্বজ্ঞানিনে নমঃ ॥ 62 ॥

অক্ষোভ্য়ায়ানিরুদ্ধায় অপ্রমেয়ায় ভানবে ।
অমৃতায় অনংতায় অমিতায়ামিতৌজসে ॥ 63 ॥

অপমৃত্য়ুবিনাশায় অপস্মারবিঘাতিনে ।
অন্নদায়ান্নরূপায় অন্নায়ান্নভুজে নমঃ ॥ 64 ॥

নাদ্য়ায় নিরবদ্য়ায় বিদ্য়ায়াদ্ভুতকর্মণে ।
সদ্য়োজাতায় সংঘায় বৈদ্য়ুতায় নমো নমঃ ॥ 65 ॥

অধ্বাতীতায় সত্ত্বায় বাগতীতায় বাগ্মিনে ।
বাগীশ্বরায় গোপায় গোহিতায় গবাং পতে ॥ 66 ॥

গংধর্বায় গভীরায় গর্জিতায়োর্জিতায় চ ।
পর্জন্য়ায় প্রবুদ্ধায় প্রধানপুরুষায় চ ॥ 67 ॥

পদ্মাভায় সুনাভায় পদ্মনাভায় মানিনে ।
পদ্মনেত্রায় পদ্মায় পদ্মায়াঃ পতয়ে নমঃ ॥ 68 ॥

পদ্মোদরায় পূতায় পদ্মকল্পোদ্ভবায় চ ।
নমো হৃত্পদ্মবাসায় ভূপদ্মোদ্ধরণায় চ ॥ 69 ॥

শব্দব্রহ্মস্বরূপায় ব্রহ্মরূপধরায় চ ।
ব্রহ্মণে ব্রহ্মরূপায় পদ্মনেত্রায় তে নমঃ ॥ 70 ॥

ব্রহ্মদায় ব্রাহ্মণায় ব্রহ্মব্রহ্মাত্মনে নমঃ ।
সুব্রহ্মণ্য়ায় দেবায় ব্রহ্মণ্য়ায় ত্রিবেদিনে ॥ 71 ॥

পরব্রহ্মস্বরূপায় পংচব্রহ্মাত্মনে নমঃ ।
নমস্তে ব্রহ্মশিরসে তথাঽশ্বশিরসে নমঃ ॥ 72 ॥

অথর্বশিরসে নিত্যমশনিপ্রমিতায় চ ।
নমস্তে তীক্ষ্ণদংষ্ট্রায় লোলায় ললিতায় চ ॥ 73 ॥

লাবণ্য়ায় লবিত্রায় নমস্তে ভাসকায় চ ।
লক্ষণজ্ঞায় লক্ষায় লক্ষণায় নমো নমঃ ॥ 74 ॥

লসদ্দীপ্তায় লিপ্তায় বিষ্ণবে প্রভবিষ্ণবে ।
বৃষ্ণিমূলায় কৃষ্ণায় শ্রীমহাবিষ্ণবে নমঃ ॥ 75 ॥

পশ্য়ামি ত্বাং মহাসিংহং হারিণং বনমালিনম্ ।
কিরীটিনং কুংডলিনং সর্বাংগং সর্বতোমুখম্ ॥ 76 ॥

সর্বতঃ পাণিপাদোরঃ সর্বতোঽক্ষিশিরোমুখম্ ।
সর্বেশ্বরং সদাতুষ্টং সমর্থং সমরপ্রিযম্ ॥ 77 ॥

বহুয়োজনবিস্তীর্ণং বহুয়োজনমাযতম্ ।
বহুয়োজনহস্তাংঘ্রিং বহুয়োজননাসিকম্ ॥ 78 ॥

মহারূপং মহাবক্ত্রং মহাদংষ্ট্রং মহাভুজম্ ।
মহানাদং মহারৌদ্রং মহাকায়ং মহাবলম্ ॥ 79 ॥

আনাভের্ব্রহ্মণো রূপমাগলাদ্বৈষ্ণবং তথা ।
আশীর্ষাদ্রুদ্রমীশানং তদগ্রে সর্বতঃ শিবম্ ॥ 80 ॥

নমোঽস্তু নারাযণনারসিংহ
নমোঽস্তু নারাযণবীরসিংহ ।
নমোঽস্তু নারাযণক্রূরসিংহ
নমোঽস্তু নারাযণদিব্যসিংহ ॥ 81 ॥

নমোঽস্তু নারাযণব্য়াঘ্রসিংহ
নমোঽস্তু নারাযণপুচ্ছসিংহ ।
নমোঽস্তু নারাযণপূর্ণসিংহ
নমোঽস্তু নারাযণরৌদ্রসিংহ ॥ 82 ॥

নমো নমো ভীষণভদ্রসিংহ
নমো নমো বিহ্বলনেত্রসিংহ ।
নমো নমো বৃংহিতভূতসিংহ
নমো নমো নির্মলচিত্রসিংহ ॥ 83 ॥

নমো নমো নির্জিতকালসিংহ
নমো নমঃ কল্পিতকল্পসিংহ ।
নমো নমো কামদকামসিংহ
নমো নমস্তে ভুবনৈকসিংহ ॥ 84 ॥

দ্য়াবাপৃথিব্য়োরিদমংতরং হি
ব্য়াপ্তং ত্বয়ৈকেন দিশশ্চ সর্বাঃ ।
দৃষ্ট্বাদ্ভুতং রূপমুগ্রং তবেদং
লোকত্রয়ং প্রব্যথিতং মহাত্মন্ ॥ 85 ॥

অমী হিত্বা সুরসংঘা বিশংতি
কেচিদ্ভীতাঃ প্রাংজলয়ো গৃণংতি ।
স্বস্তীত্য়ুক্ত্বা মুনয়ঃ সিদ্ধসংঘাঃ
স্তুবংতি ত্বাং স্তুতিভিঃ পুষ্কলাভিঃ ॥ 86 ॥

রুদ্রাদিত্য়াবসবো যে চ সাধ্য়া
বিশ্বেদেবা মরুতশ্চোষ্মপাশ্চ ।
গংধর্বযক্ষাসুরসিদ্ধসংঘা
বীক্ষংতি ত্বাং বিস্মিতাশ্চৈব সর্বে ॥ 87 ॥

লেলিহ্যসে গ্রসমানঃ সমংতা-
-ল্লোকান্ সমগ্রান্বদনৈর্জ্বলদ্ভিঃ ।
তেজোভিরাপূর্য় জগত্সমগ্রং
ভাসস্তবোগ্রাঃ প্রতপংতি বিষ্ণো ॥ 88 ॥

ভবিষ্ণুস্ত্বং সহিষ্ণুস্ত্বং ভ্রাজিষ্ণুর্জিষ্ণুরেব চ ।
পৃথিবীমংতরিক্ষং ত্বং পর্বতারণ্যমেব চ ॥ 89 ॥

কলাকাষ্ঠাবিলিপ্তস্ত্বং মুহূর্তপ্রহরাদিকম্ ।
অহোরাত্রং ত্রিসংধ্য়া চ পক্ষমাসর্তুবত্সরাঃ ॥ 90 ॥

যুগাদির্য়ুগভেদস্ত্বং সংয়ুগো যুগসংধয়ঃ ।
নিত্য়ং নৈমিত্তিকং দৈনং মহাপ্রলযমেব চ ॥ 91 ॥

করণং কারণং কর্তা ভর্তা হর্তা ত্বমীশ্বরঃ ।
সত্কর্তা সত্কৃতির্গোপ্তা সচ্চিদানংদবিগ্রহঃ ॥ 92 ॥

প্রাণস্ত্বং প্রাণিনাং প্রত্যগাত্মা ত্বং সর্বদেহিনাম্ ।
সুজ্য়োতিস্ত্বং পরংজ্য়োতিরাত্মজ্য়োতিঃ সনাতনঃ ॥ 93 ॥

জ্য়োতির্লোকস্বরূপস্ত্বং জ্ঞো জ্য়োতির্জ্য়োতিষাং পতিঃ । [জ্য়োতির্জ্ঞো]
স্বাহাকারঃ স্বধাকারো বষট্কারঃ কৃপাকরঃ ॥ 94 ॥

হংতকারো নিরাকারো বেগাকারশ্চ শংকরঃ ।
অকারাদিহকারাংত ওংকারো লোককারকঃ ॥ 95 ॥

একাত্মা ত্বমনেকাত্মা চতুরাত্মা চতুর্ভুজঃ ।
চতুর্মূর্তিশ্চতুর্দংষ্ট্রশ্চতুর্বেদময়োত্তমঃ ॥ 96 ॥

লোকপ্রিয়ো লোকগুরুর্লোকেশো লোকনাযকঃ ।
লোকসাক্ষী লোকপতির্লোকাত্মা লোকলোচনঃ ॥ 97 ॥

লোকাধারো বৃহল্লোকো লোকালোকময়ো বিভুঃ ।
লোককর্তা বিশ্বকর্তা কৃতাবর্তঃ কৃতাগমঃ ॥ 98 ॥

অনাদিস্ত্বমনংতস্ত্বমভূতো ভূতবিগ্রহঃ ।
স্তুতিঃ স্তুত্য়ঃ স্তবপ্রীতঃ স্তোতা নেতা নিয়ামকঃ ॥ 99 ॥

ত্বং গতিস্ত্বং মতির্মহ্য়ং পিতা মাতা গুরুঃ সখা ।
সুহৃদশ্চাত্মরূপস্ত্বং ত্বাং বিনা নাস্তি মে গতিঃ ॥ 100 ॥

নমস্তে মংত্ররূপায় অস্ত্ররূপায় তে নমঃ ।
বহুরূপায় রূপায় পংচরূপধরায় চ ॥ 101 ॥

ভদ্ররূপায় রূঢায় যোগরূপায় যোগিনে ।
সমরূপায় যোগায় যোগপীঠস্থিতায় চ ॥ 102 ॥

যোগগম্য়ায় সৌম্য়ায় ধ্য়ানগম্য়ায় ধ্য়ায়িনে ।
ধ্য়েযগম্য়ায় ধাম্নে চ ধামাধিপতয়ে নমঃ ॥ 103 ॥

ধরাধরায় ধর্মায় ধারণাভিরতায় চ ।
নমো ধাত্রে চ সংধাত্রে বিধাত্রে চ ধরায় চ ॥ 104 ॥

দামোদরায় দাংতায় দানবাংতকরায় চ ।
নমঃ সংসারবৈদ্য়ায় ভেষজায় নমো নমঃ ॥ 105 ॥

সীরধ্বজায় শীতায় বাতায়াপ্রমিতায় চ ।
সারস্বতায় সংসারনাশনায়াক্ষমালিনে ॥ 106 ॥

অসিচর্মধরায়ৈব ষট্কর্মনিরতায় চ ।
বিকর্মায় সুকর্মায় পরকর্মবিধায়িনে ॥ 107 ॥

সুশর্মণে মন্মথায় নমো বর্মায় বর্মিণে ।
করিচর্মবসানায় করালবদনায় চ ॥ 108 ॥

কবয়ে পদ্মগর্ভায় ভূতগর্ভ ঘৃণানিধে ।
ব্রহ্মগর্ভায় গর্ভায় বৃহদ্গর্ভায় ধূর্জটে ॥ 109 ॥

নমস্তে বিশ্বগর্ভায় শ্রীগর্ভায় জিতারয়ে ।
নমো হিরণ্যগর্ভায় হিরণ্যকবচায় চ ॥ 110 ॥

হিরণ্যবর্ণদেহায় হিরণ্য়াক্ষবিনাশিনে ।
হিরণ্যকশিপোর্হংত্রে হিরণ্যনযনায় চ ॥ 111 ॥

হিরণ্যরেতসে তুভ্য়ং হিরণ্যবদনায় চ ।
নমো হিরণ্যশৃংগায় নিঃশৃংগায় চ শৃংগিণে ॥ 112 ॥

ভৈরবায় সুকেশায় ভীষণায়াংত্রমালিনে ।
চংডায় রুংডমালায় নমো দংডধরায় চ ॥ 113 ॥

অখংডতত্ত্বরূপায় কমংডলুধরায় চ ।
নমস্তে খংডসিংহায় সত্যসিংহায় তে নমঃ ॥ 114 ॥

নমস্তে শ্বেতসিংহায় পীতসিংহায় তে নমঃ ।
নীলসিংহায় নীলায় রক্তসিংহায় তে নমঃ ॥ 115 ॥

নমো হারিদ্রসিংহায় ধূম্রসিংহায় তে নমঃ ।
মূলসিংহায় মূলায় বৃহত্সিংহায় তে নমঃ ॥ 116 ॥

পাতালস্থিতসিংহায় নমঃ পর্বতবাসিনে ।
নমো জলস্থসিংহায় অংতরিক্ষস্থিতায় চ ॥ 117 ॥

কালাগ্নিরুদ্রসিংহায় চংডসিংহায় তে নমঃ ।
অনংতসিংহসিংহায় অনংতগতয়ে নমঃ ॥ 118 ॥

নমো বিচিত্রসিংহায় বহুসিংহস্বরূপিণে ।
অভয়ংকরসিংহায় নরসিংহায় তে নমঃ ॥ 119 ॥

নমোঽস্তু সিংহরাজায় নারসিংহায় তে নমঃ ।
সপ্তাব্ধিমেখলায়ৈব সত্যসত্যস্বরূপিণে ॥ 120 ॥

সপ্তলোকাংতরস্থায় সপ্তস্বরময়ায় চ ।
সপ্তার্চীরূপদংষ্ট্রায় সপ্তাশ্বরথরূপিণে ॥ 121 ॥

সপ্তবায়ুস্বরূপায় সপ্তচ্ছংদোময়ায় চ ।
স্বচ্ছায় স্বচ্ছরূপায় স্বচ্ছংদায় চ তে নমঃ ॥ 122 ॥

শ্রীবত্সায় সুবেষায় শ্রুতয়ে শ্রুতিমূর্তয়ে ।
শুচিশ্রবায় শূরায় সুপ্রভায় সুধন্বিনে ॥ 123 ॥

শুভ্রায় সুরনাথায় সুপ্রভায় শুভায় চ ।
সুদর্শনায় সূক্ষ্মায় নিরুক্তায় নমো নমঃ ॥ 124 ॥

সুপ্রভায় স্বভাবায় ভবায় বিভবায় চ ।
সুশাখায় বিশাখায় সুমুখায় মুখায় চ ॥ 125 ॥

সুনখায় সুদংষ্ট্রায় সুরথায় সুধায় চ ।
সাংখ্য়ায় সুরমুখ্য়ায় প্রখ্য়াতায় প্রভায় চ ॥ 126 ॥

নমঃ খট্বাংগহস্তায় খেটমুদ্গরপাণয়ে ।
খগেংদ্রায় মৃগেংদ্রায় নাগেংদ্রায় দৃঢায় চ ॥ 127 ॥

নাগকেয়ূরহারায় নাগেংদ্রায়াঘমর্দিনে ।
নদীবাসায় নগ্নায় নানারূপধরায় চ ॥ 128 ॥

নাগেশ্বরায় নাগায় নমিতায় নরায় চ ।
নাগাংতকরথায়ৈব নরনারাযণায় চ ॥ 129 ॥

নমো মত্স্যস্বরূপায় কচ্ছপায় নমো নমঃ ।
নমো যজ্ঞবরাহায় নরসিংহায় তে নমঃ ॥ 130 ॥

বিক্রমাক্রাংতলোকায় বামনায় মহৌজসে ।
নমো ভার্গবরামায় রাবণাংতকরায় চ ॥ 131 ॥

নমস্তে বলরামায় কংসপ্রধ্বংসকারিণে ।
বুদ্ধায় বুদ্ধরূপায় তীক্ষ্ণরূপায় কল্কিনে ॥ 132 ॥

আত্রেয়ায়াগ্নিনেত্রায় কপিলায় দ্বিজায় চ ।
ক্ষেত্রায় পশুপালায় পশুবক্ত্রায় তে নমঃ ॥ 133 ॥

গৃহস্থায় বনস্থায় যতয়ে ব্রহ্মচারিণে ।
স্বর্গাপবর্গদাত্রে চ তদ্ভোক্ত্রে চ মুমুক্ষবে ॥ 134 ॥

শালগ্রামনিবাসায় ক্ষীরাব্ধিশযনায় চ ।
শ্রীশৈলাদ্রিনিবাসায় শিলাবাসায় তে নমঃ ॥ 135 ॥

যোগিহৃত্পদ্মবাসায় মহাহাসায় তে নমঃ ।
গুহাবাসায় গুহ্য়ায় গুপ্তায় গুরবে নমঃ ॥ 136 ॥

নমো মূলাধিবাসায় নীলবস্ত্রধরায় চ ।
পীতবস্ত্রায় শস্ত্রায় রক্তবস্ত্রধরায় চ ॥ 137 ॥

রক্তমালাবিভূষায় রক্তগংধানুলেপিনে ।
ধুরংধরায় ধূর্তায় দুর্ধরায় ধরায় চ ॥ 138 ॥

দুর্মদায় দুরংতায় দুর্ধরায় নমো নমঃ ।
দুর্নিরীক্ষ্য়ায় নিষ্ঠায় দুর্দর্শায় দ্রুমায় চ ॥ 139 ॥

দুর্ভেদায় দুরাশায় দুর্লভায় নমো নমঃ ।
দৃপ্তায় দৃপ্তবক্ত্রায় অদৃপ্তনযনায় চ ॥ 140 ॥

উন্মত্তায় প্রমত্তায় নমো দৈত্য়ারয়ে নমঃ ।
রসজ্ঞায় রসেশায় আরক্তরসনায় চ ॥ 141 ॥

পথ্য়ায় পরিতোষায় রথ্য়ায় রসিকায় চ ।
ঊর্ধ্বকেশোর্ধ্বরূপায় নমস্তে চোর্ধ্বরেতসে ॥ 142 ॥

ঊর্ধ্বসিংহায় সিংহায় নমস্তে চোর্ধ্ববাহবে ।
পরপ্রধ্বংসকায়ৈব শংখচক্রধরায় চ ॥ 143 ॥

গদাপদ্মধরায়ৈব পংচবাণধরায় চ ।
কামেশ্বরায় কামায় কামপালায় কামিনে ॥ 144 ॥

নমঃ কামবিহারায় কামরূপধরায় চ ।
সোমসূর্য়াগ্নিনেত্রায় সোমপায় নমো নমঃ ॥ 145 ॥

নমঃ সোমায় বামায় বামদেবায় তে নমঃ ।
সামস্বনায় সৌম্য়ায় ভক্তিগম্য়ায় বৈ নমঃ ॥ 146 ॥

কূষ্মাংডগণনাথায় সর্বশ্রেযস্করায় চ ।
ভীষ্মায় ভীষদায়ৈব ভীমবিক্রমণায় চ ॥ 147 ॥

মৃগগ্রীবায় জীবায় জিতায়াজিতকারিণে ।
জটিনে জামদগ্ন্য়ায় নমস্তে জাতবেদসে ॥ 148 ॥

জপাকুসুমবর্ণায় জপ্য়ায় জপিতায় চ ।
জরায়ুজায়াংডজায় স্বেদজায়োদ্ভিজায় চ ॥ 149 ॥

জনার্দনায় রামায় জাহ্নবীজনকায় চ ।
জরাজন্মাদিদূরায় প্রদ্য়ুম্নায় প্রমোদিনে ॥ 150 ॥

জিহ্বারৌদ্রায় রুদ্রায় বীরভদ্রায় তে নমঃ ।
চিদ্রূপায় সমুদ্রায় কদ্রুদ্রায় প্রচেতসে ॥ 151 ॥

ইংদ্রিয়ায়েংদ্রিযজ্ঞায় নমোঽস্ত্বিংদ্রানুজায় চ ।
অতীংদ্রিয়ায় সারায় ইংদিরাপতয়ে নমঃ ॥ 152 ॥

ঈশানায় চ ঈড্য়ায় ঈশিতায় ইনায় চ ।
ব্য়োমাত্মনে চ ব্য়োম্নে চ নমস্তে ব্য়োমকেশিনে ॥ 153 ॥

ব্য়োমাধারায় চ ব্য়োমবক্ত্রায়াসুরঘাতিনে ।
নমস্তে ব্য়োমদংষ্ট্রায় ব্য়োমবাসায় তে নমঃ ॥ 154 ॥

সুকুমারায় রামায় শুভাচারায় বৈ নমঃ ।
বিশ্বায় বিশ্বরূপায় নমো বিশ্বাত্মকায় চ ॥ 155 ॥

জ্ঞানাত্মকায় জ্ঞানায় বিশ্বেশায় পরাত্মনে ।
একাত্মনে নমস্তুভ্য়ং নমস্তে দ্বাদশাত্মনে ॥ 156 ॥

চতুর্বিংশতিরূপায় পংচবিংশতিমূর্তয়ে ।
ষড্বিংশকাত্মনে নিত্য়ং সপ্তবিংশতিকাত্মনে ॥ 157 ॥

ধর্মার্থকামমোক্ষায় বিরক্তায় নমো নমঃ ।
ভাবশুদ্ধায় সিদ্ধায় সাধ্য়ায় শরভায় চ ॥ 158 ॥

প্রবোধায় সুবোধায় নমো বুদ্ধিপ্রিয়ায় চ ।
স্নিগ্ধায় চ বিদগ্ধায় মুগ্ধায় মুনয়ে নমঃ ॥ 159 ॥

প্রিয়ংবদায় শ্রব্য়ায় স্রুক্স্রুবায় শ্রিতায় চ ।
গৃহেশায় মহেশায় ব্রহ্মেশায় নমো নমঃ ॥ 160 ॥

শ্রীধরায় সুতীর্থায় হযগ্রীবায় তে নমঃ ।
উগ্রায় উগ্রবেগায় উগ্রকর্মরতায় চ ॥ 161 ॥

উগ্রনেত্রায় ব্যগ্রায় সমগ্রগুণশালিনে ।
বালগ্রহবিনাশায় পিশাচগ্রহঘাতিনে ॥ 162 ॥

দুষ্টগ্রহনিহংত্রে চ নিগ্রহানুগ্রহায় চ ।
বৃষধ্বজায় বৃষ্ণ্য়ায় বৃষায় বৃষভায় চ ॥ 163 ॥

উগ্রশ্রবায় শাংতায় নমঃ শ্রুতিধরায় চ ।
নমস্তে দেবদেবেশ নমস্তে মধুসূদন ॥ 164 ॥

নমস্তে পুংডরীকাক্ষ নমস্তে দুরিতক্ষয় ।
নমস্তে করুণাসিংধো নমস্তে সমিতিংজয় ॥ 165 ॥

নমস্তে নরসিংহায় নমস্তে গরুডধ্বজ ।
যজ্ঞনেত্র নমস্তেঽস্তু কালধ্বজ জযধ্বজ ॥ 166 ॥

অগ্নিনেত্র নমস্তেঽস্তু নমস্তে হ্যমরপ্রিয় ।
মহানেত্র নমস্তেঽস্তু নমস্তে ভক্তবত্সল ॥ 167 ॥

ধর্মনেত্র নমস্তেঽস্তু নমস্তে করুণাকর ।
পুণ্যনেত্র নমস্তেঽস্তু নমস্তেঽভীষ্টদাযক ॥ 168 ॥

নমো নমস্তে জযসিংহরূপ
নমো নমস্তে নরসিংহরূপ ।
নমো নমস্তে রণসিংহরূপ
নমো নমস্তে নরসিংহরূপ ॥ 169 ॥

উদ্ধৃত্য় গর্বিতং দৈত্য়ং নিহত্য়াজৌ সুরদ্বিষম্ ।
দেবকার্য়ং মহত্কৃত্বা গর্জসে স্বাত্মতেজসা ॥ 170 ॥

অতিরৌদ্রমিদং রূপং দুস্সহং দুরতিক্রমম্ ।
দৃষ্ট্বা তু শংকিতাঃ সর্বা দেবতাস্ত্বামুপাগতাঃ ॥ 171 ॥

এতান্পশ্য় মহেশানং ব্রহ্মাণং মাং শচীপতিম্ ।
দিক্পালান্ দ্বাদশাদিত্য়ান্ রুদ্রানুরগরাক্ষসান্ ॥ 172 ॥

সর্বান্ ঋষিগণান্ সপ্তমাতৃর্গৌরীং সরস্বতীম্ ।
লক্ষ্মীং নদীশ্চ তীর্থানি রতিং ভূতগণান্যপি ॥ 173 ॥

প্রসীদ ত্বং মহাসিংহ উগ্রভাবমিমং ত্যজ ।
প্রকৃতিস্থো ভব ত্বং হি শাংতিভাবং চ ধারয় ॥ 174 ॥

ইত্য়ুক্ত্বা দংডবদ্ভূমৌ পপাত স পিতামহঃ ।
প্রসীদ ত্বং প্রসীদ ত্বং প্রসীদেতি পুনঃ পুনঃ ॥ 175 ॥

মার্কংডেয় উবাচ ।
দৃষ্ট্বা তু দেবতাঃ সর্বাঃ শ্রুত্বা তাং ব্রহ্মণো গিরম্ ।
স্তোত্রেণাপি চ সংহৃষ্টঃ সৌম্যভাবমধারযত্ ॥ 176 ॥

অব্রবীন্নারসিংহস্তু বীক্ষ্য় সর্বান্ সুরোত্তমান্ ।
সংত্রস্তান্ ভযসংবিগ্নান্ শরণং সমুপাগতান্ ॥ 177 ॥

শ্রীনৃসিংহ উবাচ ।
ভো ভো দেববরাঃ সর্বে পিতামহপুরোগমাঃ ।
শৃণুধ্বং মম বাক্য়ং চ ভবংতু বিগতজ্বরাঃ ॥ 178 ॥

যদ্ধিতং ভবতাং নূনং তত্করিষ্য়ামি সাংপ্রতম্ ।
এবং নামসহস্রং মে ত্রিসংধ্য়ং যঃ পঠেত্ শুচিঃ ॥ 179 ॥

শৃণোতি বা শ্রাবযতি পূজাংতে ভক্তিসংয়ুতঃ ।
সর্বান্ কামানবাপ্নোতি জীবেচ্চ শরদাং শতম্ ॥ 180 ॥

যো নামভির্নৃসিংহাদ্য়ৈরর্চয়েত্ক্রমশো মম ।
সর্বতীর্থেষু যত্পুণ্য়ং সর্বতীর্থেষু যত্ফলম্ ॥ 181 ॥

সর্বপূজাসু যত্প্রোক্তং তত্সর্বং লভতে ভৃশম্ ।
জাতিস্মরত্বং লভতে ব্রহ্মজ্ঞানং সনাতনম্ ॥ 182 ॥

সর্বপাপবিনির্মুক্তঃ তদ্বিষ্ণোঃ পরমং পদম্ ।
মন্নামকবচং বধ্বা বিচরেদ্বিগতজ্বরঃ ॥ 183 ॥

ভূতভেতালকূষ্মাংড পিশাচব্রহ্মরাক্ষসাঃ ।
শাকিনীডাকিনীজ্য়েষ্ঠা নীলী বালগ্রহাদিকাঃ ॥ 184 ॥

দুষ্টগ্রহাশ্চ নশ্য়ংতি যক্ষরাক্ষসপন্নগাঃ ।
যে চ সংধ্য়াগ্রহাঃ সর্বে চাংডালগ্রহসংজ্ঞিকাঃ ॥ 185 ॥

নিশাচরগ্রহাঃ সর্বে প্রণশ্য়ংতি চ দূরতঃ ।
কুক্ষিরোগং চ হৃদ্রোগং শূলাপস্মারমেব চ ॥ 186 ॥

ঐকাহিকং দ্ব্য়াহিকং চ চাতুর্থিকমথ জ্বরম্ ।
আধয়ো ব্য়াধয়ঃ সর্বে রোগা রোগাধিদেবতাঃ ॥ 187 ॥

শীঘ্রং নশ্য়ংতি তে সর্বে নৃসিংহস্মরণাত্ সুরাঃ ।
রাজানো দাসতাং যাংতি শত্রবো যাংতি মিত্রতাম্ ॥ 188 ॥

জলানি স্থলতাং যাংতি বহ্নয়ো যাংতি শীততাম্ ।
বিষাণ্যপ্যমৃতা যাংতি নৃসিংহস্মরণাত্সুরাঃ ॥ 189 ॥

রাজ্যকামো লভেদ্রাজ্য়ং ধনকামো লভেদ্ধনম্ ।
বিদ্য়াকামো লভেদ্বিদ্য়াং বদ্ধো মুচ্য়েত বংধনাত্ ॥ 190 ॥

ব্য়ালব্য়াঘ্রভয়ং নাস্তি চোরসর্পাদিকং তথা ।
অনুকূলা ভবেদ্ভার্য়া লোকৈশ্চ প্রতিপূজ্যতে ॥ 191 ॥

সুপুত্রং ধনধান্য়ং চ ভবংতি বিগতজ্বরাঃ ।
এতত্সর্বং সমাপ্নোতি নৃসিংহস্য় প্রসাদতঃ ॥ 192 ॥

জলসংতরণে চৈব পর্বতারণ্যমেব চ ।
বনেঽপি বিচিরন্মর্ত্য়ো দুর্গমে বিষমে পথি ॥ 193 ॥

বিলপ্রবেশনে চাপি নারসিংহং ন বিস্মরেত্ ।
ব্রহ্মঘ্নশ্চ পশুঘ্নশ্চ ভ্রূণহা গুরুতল্পগঃ ॥ 194 ॥

মুচ্যতে সর্বপাপেভ্য়ঃ কৃতঘ্নঃ স্ত্রীবিঘাতকঃ ।
বেদানাং দূষকশ্চাপি মাতাপিতৃবিনিংদকঃ ॥ 195 ॥

অসত্যস্তু তেথা যজ্ঞনিংদকো লোকনিংদকঃ ।
স্মৃত্বা সকৃন্নৃসিংহং তু মুচ্যতে সর্বকিল্বিষৈঃ ॥ 196 ॥

বহুনাত্র কিমুক্তেন স্মৃত্বা মাং শুদ্ধমানসঃ ।
যত্র যত্র চরেন্মর্ত্য়ো নৃসিংহস্তত্র রক্ষতি ॥ 197 ॥

গচ্ছন্ তিষ্ঠন্ স্বপন্ ভুংজন্ জাগ্রন্নপি হসন্নপি ।
নৃসিংহেতি নৃসিংহেতি নৃসিংহেতি সদা স্মরন্ ॥ 198 ॥

পুমান্ন লিপ্যতে পাপৈর্ভুক্তিং মুক্তিং চ বিংদতি ।
নারী সুভগতামেতি সৌভাগ্য়ং চ স্বরূপতাম্ ॥ 199 ॥

ভর্তুঃ প্রিযত্বং লভতে ন বৈধব্য়ং চ বিংদতি ।
ন সপত্নীং চ জন্মাংতে সম্যক্ জ্ঞানী ভবেদ্বিজঃ ॥ 200 ॥

ভূমিপ্রদক্ষিণান্মর্ত্য়ো যত্ফলং লভতে চিরাত্ ।
তত্ফলং লভতে নারসিংহমূর্তিপ্রদক্ষিণাত্ ॥ 201 ॥

মার্কংডেয় উবাচ ।
ইত্য়ুক্ত্বা দেবদেবেশো লক্ষ্মীমালিংগ্য় লীলয়া ।
প্রহ্লাদস্য়াভিষেকং তু ব্রহ্মণে চোপদিষ্টবান্ ॥ 202 ॥

শ্রীশৈলস্য় প্রসাদে তু লোকানাং চ হিতায় বৈ ।
স্বরূপং স্থাপয়ামাস প্রকৃতিস্থোঽভবত্তদা ॥ 203 ॥

ব্রহ্মাপি দৈত্যরাজানং প্রহ্লাদমভ্যষেচযত্ ।
দৈবতৈঃ সহ সুপ্রীতো হ্য়াত্মলোকং যয়ৌ স্বযম্ ॥ 204 ॥

হিরণ্যকশিপোর্ভীত্য়া প্রপলায়্য় শচীপতিঃ ।
স্বর্গরাজ্যপরিভ্রষ্টো যুগানামেকবিংশতিম্ ॥ 205 ॥

নৃসিংহেন হতে দৈত্য়ে স্বর্গলোকমবাপ সঃ ।
দিক্পালাশ্চ সুসংপ্রাপ্তঃ স্বস্বস্থানমনুত্তমম্ ॥ 206 ॥

ধর্মে মতিঃ সমস্তানাং প্রজানামভবত্তদা ।
এবং নামসহস্রং মে ব্রহ্মণা নির্মিতং পুরা ॥ 207 ॥

পুত্রানধ্য়াপয়ামাস সনকাদীন্মহামতিঃ ।
ঊচুস্তে চ ততঃ সর্বলোকানাং হিতকাম্যয়া ॥ 208 ॥

দেবতা ঋষয়ঃ সিদ্ধা যক্ষবিদ্য়াধরোরগাঃ ।
গংধর্বাশ্চ মনুষ্য়াশ্চ ইহামুত্রফলৈষিণঃ ॥ 209 ॥

যস্য় স্তোত্রস্য় পাঠাদ্ধি বিশুদ্ধমনসোঽভবন্ ।
সনত্কুমারঃ সংপ্রাপ্তো ভারদ্বাজো মহামতিঃ ॥ 210 ॥

তস্মাদাংগিরসঃ প্রাপ্তস্তস্মাত্প্রাপ্তো মহাক্রতুঃ ।
জগ্রাহ ভার্গবস্তস্মাদগ্নিমিত্রায় সোঽব্রবীত্ ॥ 211।

জৈগীষব্য়ায় স প্রাহ সোঽব্রবীচ্চ্যবনায় চ ।
তস্মা উবাচ শাংডিল্য়ো গর্গায় প্রাহ বৈ মুনিঃ ॥ 212 ॥

ক্রতুংজয়ায় স প্রাহ জতুকর্ণ্য়ায় সংযমী ।
বিষ্ণুবৃদ্ধায় সোঽপ্য়াহ সোঽপি বোধাযনায় চ ॥ 213 ॥

ক্রমাত্স বিষ্ণবে প্রাহ স প্রাহোদ্ধামকুক্ষয়ে ।
সিংহতেজাশ্চ তস্মাচ্চ শ্রীপ্রিয়ায় দদৌ চ নঃ ॥ 214 ॥ [সঃ]

উপদিষ্টোঽস্মি তেনাহমিদং নামসহস্রকম্ ।
তত্প্রসাদাদমৃত্য়ুর্মে যস্মাত্কস্মাদ্ভয়ং ন হি ॥ 215 ॥

ময়া চ কথিতং নারসিংহস্তোত্রমিদং তব ।
ত্বং হি নিত্য়ং শুচির্ভূত্বা তমারাধয় শাশ্বতম্ ॥ 216 ॥

সর্বভূতাশ্রয়ং দেবং নৃসিংহং ভক্তবত্সলম্ ।
পূজয়িত্বা স্তবং জপ্ত্বা হুত্বা নিশ্চলমানসঃ ॥ 217 ॥

প্রাপ্যসে মহতীং সিদ্ধিং সর্বান্ কামান্বরোত্তমান্ ।
অযমেব পরোধর্মস্ত্বিদমেব পরং তপঃ ॥ 218 ॥

ইদমেব পরং জ্ঞানমিদমেব মহদ্ব্রতম্ ।
অযমেব সদাচারস্ত্বযমেব সদা মখঃ ॥ 219 ॥

ইদমেব ত্রয়ো বেদাঃ সচ্ছাস্ত্রাণ্য়াগমানি চ ।
নৃসিংহমংত্রাদন্যচ্চ বৈদিকং তু ন বিদ্যতে ॥ 220 ॥

যদিহাস্তি তদন্যত্র যন্নেহাস্তি ন তত্ক্বচিত্ ।
কথিতং তে নৃসিংহস্য় চরিতং পাপনাশনম্ ॥ 221 ॥

সর্বমংত্রময়ং তাপত্রয়োপশমনং পরম্ ।
সর্বার্থসাধনং দিব্য়ং কিং ভূয়ঃ শ্রোতুমিচ্ছসি ॥ 222 ॥

ইতি শ্রীনৃসিংহপুরাণে নৃসিংহপ্রাদুর্ভাবে শ্রীমদ্দিব্য় লক্ষ্মীনৃসিংহ সহস্রনাম স্তোত্রম্ ॥