Sri Divakara Panchakam - Shuddha Kannada

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಶ್ರೀ ದಿವಾಕರ ಪಞ್ಚಕಮ್

ಅತುಲ್ಯವೀರ್ಯಮುಗ್ರತೇಜಸಂ ಸುರಂ
ಸುಕಾನ್ತಿಮಿನ್ದ್ರಿಯಪ್ರದಂ ಸುಕಾನ್ತಿದಮ್ ।
ಕೃಪಾರಸೈಕಪೂರ್ಣಮಾದಿರೂಪಿಣಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ ॥ 1 ॥

ಇನಂ ಮಹೀಪತಿಂ ಚ ನಿತ್ಯಸಂಸ್ತುತಂ
ಕಲಾಸುವರ್ಣಭೂಷಣಂ ರಥಸ್ಥಿತಮ್ ।
ಅಚಿನ್ತ್ಯಮಾತ್ಮರೂಪಿಣಂ ಗ್ರಹಾಶ್ರಯಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ ॥ 2 ॥

ಉಷೋದಯಂ ವಸುಪ್ರದಂ ಸುವರ್ಚಸಂ
ವಿದಿಕ್ಪ್ರಕಾಶಕಂ ಕವಿಂ ಕೃಪಾಕರಮ್ ।
ಸುಶಾನ್ತಮೂರ್ತಿಮೂರ್ಧ್ವಗಂ ಜಗಜ್ಜ್ವಲಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ ॥ 3 ॥

ಋಷಿಪ್ರಪೂಜಿತಂ ವರಂ ವಿಯಚ್ಚರಂ
ಪರಂ ಪ್ರಭುಂ ಸರೋರುಹಸ್ಯ ವಲ್ಲಭಮ್ ।
ಸಮಸ್ತಭೂಮಿಪಂ ಚ ತಾರಕಾಪತಿಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ ॥ 4 ॥

ಗ್ರಹಾಧಿಪಂ ಗುಣಾನ್ವಿತಂ ಚ ನಿರ್ಜರಂ
ಸುಖಪ್ರದಂ ಶುಭಾಶಯಂ ಭಯಾಪಹಮ್ ।
ಹಿರಣ್ಯಗರ್ಭಮುತ್ತಮಂ ಚ ಭಾಸ್ಕರಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ ॥ 5 ॥

ಇತಿ ಶ್ರೀ ದಿವಾಕರ ಪಞ್ಚಕಮ್ ।

Browse Related Categories: