ಶ್ರೀ ಆಞ್ಜನೇಯ ಸುಪ್ರಭಾತಮು
ಅಮಲ ಕನಕವರ್ಣಂ ಪ್ರಜ್ವಲ ತ್ಪಾವಕಾಕ್ಷಂ
ಸರಸಿಜ ನಿಭವಕ್ತ್ರಂ ಸರ್ವದಾ ಸುಪ್ರಸನ್ನಮ್ ।
ಪಟುತರ ಘನಗಾತ್ರಂ ಕುಣ್ಡಲಾಲಙ್ಕೃತಾಙ್ಗಂ
ರಣ ಜಯ ಕರವಾಲಂ ರಾಮದೂತಂ ನಮಾಮಿ ॥

ಅಞ್ಜನಾ ಸುಪ್ರಜಾ ವೀರ ಪೂರ್ವಾ ಸನ್ಧ್ಯಾ ಪ್ರವರ್ತತೇ
ಉತ್ತಿಷ್ಠ ಹರಿಶಾರ್ದೂಲ ಕರ್ತವ್ಯಂ ದೈವಮಾಹ್ನಿಕಮ್ ।
ಉತ್ತಿಷ್ಟೋತ್ತಿಷ್ಠ ಹನುಮಾನ್ ಉತ್ತಿಷ್ಠ ವಿಜಯಧ್ವಜ
ಉತ್ತಿಷ್ಠ ವಿರಜಾಕಾನ್ತ ತ್ರೈಲೋಕ್ಯಂ ಮಙ್ಗಳಙ್ಕುರು ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಶ್ರೀ ರಾಮಚನ್ದ್ರ ಚರಣಾಮ್ಬುಜ ಮತ್ತಭೃಙ್ಗ
ಶ್ರೀ ರಾಮಚನ್ದ್ರ ಜಪಶೀಲ ಭವಾಬ್ಧಿಪೋತ ।
ಶ್ರೀ ಜಾನಕೀ ಹೃದಯತಾಪ ನಿವಾರಮೂರ್ತೇ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಶ್ರೀ ರಾಮ ದಿವ್ಯ ಚರಿತಾಮೃತ ಸ್ವಾದುಲೋಲ
ಶ್ರೀ ರಾಮ ಕಿಙ್ಕರ ಗುಣಾಕರ ದೀನಬನ್ಧೋ ।
ಶ್ರೀ ರಾಮಭಕ್ತ ಜಗದೇಕ ಮಹೋಗ್ರಶೌರ್ಯಂ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಸುಗ್ರೀವಮಿತ್ರ ಕಪಿಶೇಖರ ಪುಣ್ಯ ಮೂರ್ತೇ
ಸುಗ್ರೀವ ರಾಘವ ನಮಾಗಮ ದಿವ್ಯಕೀರ್ತೇ ।
ಸುಗ್ರೀವ ಮನ್ತ್ರಿವರ ಶೂರ ಕುಲಾಗ್ರಗಣ್ಯ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಭಕ್ತಾರ್ತಿ ಭಞ್ಜನ ದಯಾಕರ ಯೋಗಿವನ್ದ್ಯ
ಶ್ರೀ ಕೇಸರೀಪ್ರಿಯ ತನೂಜ ಸುವರ್ಣದೇಹ ।
ಶ್ರೀ ಭಾಸ್ಕರಾತ್ಮಜ ಮನೋಮ್ಬುಜ ಚಞ್ಚರೀಕ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಶ್ರೀ ಮಾರುತಪ್ರಿಯ ತನೂಜ ಮಹಬಲಾಢ್ಯ
ಮೈನಾಕ ವನ್ದಿತ ಪದಾಮ್ಬುಜ ದಣ್ಡಿತಾರಿನ್ ।
ಶ್ರೀ ಉಷ್ಟ್ರ ವಾಹನ ಸುಲಕ್ಷಣ ಲಕ್ಷಿತಾಙ್ಗ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಪಞ್ಚಾನನಸ್ಯ ಭವಭೀತಿ ಹರಸ್ಯರಾಮ
ಪಾದಾಬ್ದ ಸೇವನ ಪರಸ್ಯ ಪರಾತ್ಪರಸ್ಯ ।
ಶ್ರೀ ಅಞ್ಜನಾಪ್ರಿಯ ಸುತಸ್ಯ ಸುವಿಗ್ರಹಸ್ಯ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಗನ್ಧರ್ವ ಯಕ್ಷ ಭುಜಗಾಧಿಪ ಕಿನ್ನರಾಶ್ಚ
ಆದಿತ್ಯ ವಿಶ್ವವಸು ರುದ್ರ ಸುರರ್ಷಿಸಙ್ಘಾಃ ।
ಸಙ್ಕೀರ್ತಯನ್ತಿ ತವದಿವ್ಯ ಸುನಾಮಪಙ್ಕ್ತಿಂ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಶ್ರೀ ಗೌತಮ ಚ್ಯವನ ತುಮ್ಬುರ ನಾರದಾತ್ರಿ
ಮೈತ್ರೇಯ ವ್ಯಾಸ ಜನಕಾದಿ ಮಹರ್ಷಿಸಙ್ಘಾಃ ।
ಗಾಯನ್ತಿ ಹರ್ಷಭರಿತಾ ಸ್ತವ ದಿವ್ಯಕೀರ್ತಿಂ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಭೃಙ್ಗಾವಳೀ ಚ ಮಕರನ್ದ ರಸಂ ಪಿಬೇದ್ವೈ
ಕೂಜನ್ತ್ಯುತಾರ್ಧ ಮಧುರಂ ಚರಣಾಯುಧಾಚ್ಚ ।
ದೇವಾಲಯೇ ಘನ ಗಭೀರ ಸುಶಙ್ಖ ಘೋಷಾಃ
ನಿರ್ಯಾನ್ತಿ ವೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಪಮ್ಪಾ ಸರೋವರ ಸುಪುಣ್ಯ ಪವಿತ್ರ ತೀರ್ಧ-
ಮಾದಾಯ ಹೇಮ ಕಲಶೈಶ್ಚ ಮಹರ್ಷಿಸಙ್ಘಾಃ ।
ತಿಷ್ಟನ್ತಿ ತ್ವಕ್ಚರಣ ಪಙ್ಕಜ ಸೇವನಾರ್ಥಂ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]

ಶ್ರೀ ಸೂರ್ಯಪುತ್ರ ಪ್ರಿಯನಾಥ ಮನೋಜ್ಞಮೂರ್ತೇ
ವಾತಾತ್ಮಜ ಕಪಿವೀರ ಸುಪಿಙ್ಗಳಾಕ್ಷ
ಸಞ್ಜೀವರಾಯ ರಘುವೀರ ಸುಭಕ್ತವರ್ಯ
ಶ್ರೀ ವೀರ ಧೀರ ಹನುಮಾನ್ ತವ ಸುಪ್ರಭಾತಮ್ ॥
[ಶ್ರೀ ರಾಮ ಭಕ್ತ ಅಭಯ ಹನುಮಾನ್ ತವಸುಪ್ರಭಾತಮ್ ॥]