ಶ್ರೀ ವೇಙ್ಕಟೇಶ್ವರ ಶರಣಾಗತಿ ಸ್ತೋತ್ರಮ್ (ಸಪ್ತರ್ಷಿ ಕೃತಮ್)

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಶೇಷಾಚಲಂ ಸಮಾಸಾದ್ಯ ಕಶ್ಯಪಾದ್ಯಾ ಮಹರ್ಷಯಃ ।
ವೇಙ್ಕಟೇಶಂ ರಮಾನಾಥಂ ಶರಣಂ ಪ್ರಾಪುರಞ್ಜಸಾ ॥ 1 ॥

ಕಲಿಸನ್ತಾರಕಂ ಮುಖ್ಯಂ ಸ್ತೋತ್ರಮೇತಜ್ಜಪೇನ್ನರಃ ।
ಸಪ್ತರ್ಷಿವಾಕ್ಪ್ರಸಾದೇನ ವಿಷ್ಣುಸ್ತಸ್ಮೈ ಪ್ರಸೀದತಿ ॥ 2 ॥

ಕಶ್ಯಪ ಉವಾಚ –
ಕಾದಿಹ್ರೀಮನ್ತವಿದ್ಯಾಯಾಃ ಪ್ರಾಪ್ಯೈವ ಪರದೇವತಾ ।
ಕಲೌ ಶ್ರೀವೇಙ್ಕಟೇಶಾಖ್ಯಾ ತಾಮಹಂ ಶರಣಂ ಭಜೇ ॥ 3 ॥

ಅತ್ರಿರುವಾಚ –
ಅಕಾರಾದಿಕ್ಷಕಾರಾನ್ತವರ್ಣೈರ್ಯಃ ಪ್ರತಿಪಾದ್ಯತೇ ।
ಕಲೌ ಸ ವೇಙ್ಕಟೇಶಾಖ್ಯಃ ಶರಣಂ ಮೇ ರಮಾಪತಿಃ ॥ 4 ॥

ಭರದ್ವಾಜ ಉವಾಚ –
ಭಗವಾನ್ ಭಾರ್ಗವೀಕಾನ್ತೋ ಭಕ್ತಾಭೀಪ್ಸಿತದಾಯಕಃ ।
ಭಕ್ತಸ್ಯ ವೇಙ್ಕಟೇಶಾಖ್ಯೋ ಭರದ್ವಾಜಸ್ಯ ಮೇ ಗತಿಃ ॥ 5 ॥

ವಿಶ್ವಾಮಿತ್ರ ಉವಾಚ –
ವಿರಾಡ್ವಿಷ್ಣುರ್ವಿಧಾತಾ ಚ ವಿಶ್ವವಿಜ್ಞಾನವಿಗ್ರಹಃ ।
ವಿಶ್ವಾಮಿತ್ರಸ್ಯ ಶರಣಂ ವೇಙ್ಕಟೇಶೋ ವಿಭುಃ ಸದಾ ॥ 6 ॥

ಗೌತಮ ಉವಾಚ –
ಗೌರ್ಗೌರೀಶಪ್ರಿಯೋ ನಿತ್ಯಂ ಗೋವಿನ್ದೋ ಗೋಪತಿರ್ವಿಭುಃ ।
ಶರಣಂ ಗೌತಮಸ್ಯಾಸ್ತು ವೇಙ್ಕಟಾದ್ರಿಶಿರೋಮಣಿಃ ॥ 7 ॥

ಜಮದಗ್ನಿರುವಾಚ –
ಜಗತ್ಕರ್ತಾ ಜಗದ್ಭರ್ತಾ ಜಗದ್ಧರ್ತಾ ಜಗನ್ಮಯಃ ।
ಜಮದಗ್ನೇಃ ಪ್ರಪನ್ನಸ್ಯ ಜೀವೇಶೋ ವೇಙ್ಕಟೇಶ್ವರಃ ॥ 8 ॥

ವಸಿಷ್ಠ ಉವಾಚ –
ವಸ್ತುವಿಜ್ಞಾನಮಾತ್ರಂ ಯನ್ನಿರ್ವಿಶೇಷಂ ಸುಖಂ ಚ ಸತ್ ।
ತದ್ಬ್ರಹ್ಮೈವಾಹಮಸ್ಮೀತಿ ವೇಙ್ಕಟೇಶಂ ಭಜೇ ಸದಾ ॥ 9 ॥

ಸಪ್ತರ್ಷಿರಚಿತಂ ಸ್ತೋತ್ರಂ ಸರ್ವದಾ ಯಃ ಪಠೇನ್ನರಃ ।
ಸೋಽಭಯಂ ಪ್ರಾಪ್ನುಯಾತ್ಸತ್ಯಂ ಸರ್ವತ್ರ ವಿಜಯೀ ಭವೇತ್ ॥ 10 ॥

ಇತಿ ಸಪ್ತರ್ಷಿಭಿಃ ಕೃತಂ ಶ್ರೀ ವೇಙ್ಕಟೇಶ್ವರ ಶರಣಾಗತಿ ಸ್ತೋತ್ರಮ್ ।

Browse Related Categories: