ಶ್ರೀ ವೇಙ್ಕಟೇಶ್ವರ ಭುಜಙ್ಗಮ್

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಮುಖೇ ಚಾರುಹಾಸಂ ಕರೇ ಶಙ್ಖಚಕ್ರಂ
ಗಲೇ ರತ್ನಮಾಲಾಂ ಸ್ವಯಂ ಮೇಘವರ್ಣಮ್ ।
ತಥಾ ದಿವ್ಯಶಸ್ತ್ರಂ ಪ್ರಿಯಂ ಪೀತವಸ್ತ್ರಂ
ಧರನ್ತಂ ಮುರಾರಿಂ ಭಜೇ ವೇಙ್ಕಟೇಶಮ್ ॥ 1 ॥

ಸದಾಭೀತಿಹಸ್ತಂ ಮುದಾಜಾನುಪಾಣಿಂ
ಲಸನ್ಮೇಖಲಂ ರತ್ನಶೋಭಾಪ್ರಕಾಶಮ್ ।
ಜಗತ್ಪಾದಪದ್ಮಂ ಮಹತ್ಪದ್ಮನಾಭಂ
ಧರನ್ತಂ ಮುರಾರಿಂ ಭಜೇ ವೇಙ್ಕಟೇಶಮ್ ॥ 2 ॥

ಅಹೋ ನಿರ್ಮಲಂ ನಿತ್ಯಮಾಕಾಶರೂಪಂ
ಜಗತ್ಕಾರಣಂ ಸರ್ವವೇದಾನ್ತವೇದ್ಯಮ್ ।
ವಿಭುಂ ತಾಪಸಂ ಸಚ್ಚಿದಾನನ್ದರೂಪಂ
ಧರನ್ತಂ ಮುರಾರಿಂ ಭಜೇ ವೇಙ್ಕಟೇಶಮ್ ॥ 3 ॥

ಶ್ರಿಯಾ ವಿಷ್ಟಿತಂ ವಾಮಪಕ್ಷಪ್ರಕಾಶಂ
ಸುರೈರ್ವನ್ದಿತಂ ಬ್ರಹ್ಮರುದ್ರಸ್ತುತಂ ತಮ್ ।
ಶಿವಂ ಶಙ್ಕರಂ ಸ್ವಸ್ತಿನಿರ್ವಾಣರೂಪಂ
ಧರನ್ತಂ ಮುರಾರಿಂ ಭಜೇ ವೇಙ್ಕಟೇಶಮ್ ॥ 4 ॥

ಮಹಾಯೋಗಸಾದ್ಧ್ಯಂ ಪರಿಭ್ರಾಜಮಾನಂ
ಚಿರಂ ವಿಶ್ವರೂಪಂ ಸುರೇಶಂ ಮಹೇಶಮ್ ।
ಅಹೋ ಶಾನ್ತರೂಪಂ ಸದಾಧ್ಯಾನಗಮ್ಯಂ
ಧರನ್ತಂ ಮುರಾರಿಂ ಭಜೇ ವೇಙ್ಕಟೇಶಮ್ ॥ 5 ॥

ಅಹೋ ಮತ್ಸ್ಯರೂಪಂ ತಥಾ ಕೂರ್ಮರೂಪಂ
ಮಹಾಕ್ರೋಡರೂಪಂ ತಥಾ ನಾರಸಿಂಹಮ್ ।
ಭಜೇ ಕುಬ್ಜರೂಪಂ ವಿಭುಂ ಜಾಮದಗ್ನ್ಯಂ
ಧರನ್ತಂ ಮುರಾರಿಂ ಭಜೇ ವೇಙ್ಕಟೇಶಮ್ ॥ 6 ॥

ಅಹೋ ಬುದ್ಧರೂಪಂ ತಥಾ ಕಲ್ಕಿರೂಪಂ
ಪ್ರಭುಂ ಶಾಶ್ವತಂ ಲೋಕರಕ್ಷಾಮಹನ್ತಮ್ ।
ಪೃಥಕ್ಕಾಲಲಬ್ಧಾತ್ಮಲೀಲಾವತಾರಂ
ಧರನ್ತಂ ಮುರಾರಿಂ ಭಜೇ ವೇಙ್ಕಟೇಶಮ್ ॥ 7 ॥

ಇತಿ ಶ್ರೀವೇಙ್ಕಟೇಶ ಭುಜಙ್ಗಂ ಸಮ್ಪೂರ್ಣಮ್ ।

Browse Related Categories: