పూర్వాఙ్గ పూజా
శుచిః
అపవిత్రః పవిత్రో వా సర్వావస్థా-ఙ్గతో-ఽపి వా ।
య-స్స్మరే-త్పుణ్డరీకాఖ్షం స బాహ్యాభ్యన్తర-శ్శుచిః ॥
పుణ్డరీకాఖ్ష పుణ్డరీకాఖ్ష పుణ్డరీకాఖ్షాయ నమః ॥

ప్రార్థనా
శుక్లామ్బరధరం-విఀష్ణుం శశివర్ణ-ఞ్చతుర్భుజమ్ ।
ప్రసన్నవదన-న్ధ్యాయే-థ్సర్వవిఘ్నోపశాన్తయే ॥
అగజానన పద్మార్క-ఙ్గజాననమహర్నిశమ్ ।
అనేకద-న్త-మ్భక్తానాం ఏకదన్తముపాస్మహే ॥

దే॒వీం-వాఀచ॑మజనయన్త దే॒వాస్తాం-విఀ॒శ్వరూ॑పాః ప॒శవో॑ వదన్తి ।
సా నో॑ మ॒న్ద్రేష॒మూర్జ॒-న్దుహా॑నా ధే॒నుర్వాగ॒స్మానుప॒ సుష్టు॒తైతు॑ ॥

య-శ్శివో నామ రూపాభ్యాం-యాఀ దేవీ సర్వమఙ్గళా ।
తయో-స్సంస్మరణాన్నిత్యం సర్వదా జయ మఙ్గళమ్ ॥

తదేవ లగ్నం సుదిన-న్తదేవ
తారాబల-ఞ్చన్ద్రబల-న్తదేవ ।
విద్యాబల-న్దైవబల-న్తదేవ
లఖ్ష్మీపతే తే-ఽఙ్ఘ్రియుగం స్మరామి ॥

గురుర్బ్రహ్మా గురుర్విష్ణుః గురుర్దేవో మహేశ్వరః ।
గురు-స్సాఖ్షా-త్పరబ్రహ్మ తస్మై శ్రీగురవే నమః ॥

లాభస్తేషా-ఞ్జయస్తేషా-ఙ్కుతస్తేషా-మ్పరాభవః ।
ఏషామిన్దీవరశ్యామో హృదయస్థో జనార్దనః ॥

సర్వమఙ్గళ మాఙ్గళ్యే శివే సర్వార్థసాధికే ।
శరణ్యే త్ర్యమ్బకే గౌరీ నారాయణి నమో-ఽస్తు తే ॥

శ్రీలఖ్ష్మీనారాయణాభ్యా-న్నమః ।
ఉమామహేశ్వరాభ్యా-న్నమః ।
వాణీహిరణ్యగర్భాభ్యా-న్నమః ।
శచీపురన్దరాభ్యా-న్నమః ।
అరున్ధతీవసిష్ఠాభ్యా-న్నమః ।
శ్రీసీతారామాభ్యా-న్నమః ।
మాతాపితృభ్యో నమః ।
సర్వేభ్యో మహాజనేభ్యో నమః ।

కర్పూర గౌర-ఙ్కరుణావతారం
సంసారసార-మ్భుజగేన్ద్ర హారమ్ ।
సదా రమన్తం హృదయారవిన్దే
భవ-మ్భవానీ సహిత-న్నమామి ॥ 1

వాగర్థావివ సమ్పృక్తౌ వాగర్థ ప్రతిపత్తయే ।
జగతః పితరౌ వన్దే పార్వతీ పరమేశ్వరౌ ॥

వన్దే మహేశం సురసిద్ధసేవితం
దేవాఙ్గనా గీత సునృత్య తుష్టమ్ ।
పర్యఙ్కగం శైలసుతాసమేతం
కల్పద్రుమారణ్యగత-మ్ప్రసన్నమ్ ॥ 2

ధ్యాయేన్నిత్య-మ్మహేశం రజతగిరినిభ-ఞ్చారుచన్ద్రావతంసం
రత్నకల్పోజ్జ్వలాఙ్గ-మ్పరశువరమృగాభీతి హస్త-మ్ప్రసన్నమ్ ।
పద్మాసీనం సమన్తా-థ్స్తుతమమరగణైర్వ్యాఘ్రకృత్తిం-వఀసానం
విశ్వాద్యం-విఀశ్వవన్ద్య-న్నిఖిల భయహర-మ్పఞ్చవక్త్ర-న్త్రినేత్రమ్ ॥ 3

దీపారాధనమ్
దీపస్త్వ-మ్బ్రహ్మరూపో-ఽసి జ్యోతిషా-మ్ప్రభురవ్యయః ।
సౌభాగ్య-న్దేహి పుత్రాంశ్చ సర్వాన్కామాంశ్చ దేహి మే ॥
భో దీప దేవి రూపస్త్వ-ఙ్కర్మసాఖ్షీ హ్యవిఘ్నకృత్ ।
యావత్పూజా-ఙ్కరిష్యామి తావత్త్వం సుస్థిరో భవ ॥
దీపారాధన ముహూర్త-స్సుముహూర్తో-ఽస్తు ॥
పూజార్థే హరిద్రా కుఙ్కుమ విలేపన-ఙ్కరిష్యే ॥

ఆచమ్య
ఓ-ఙ్కేశవాయ స్వాహా ।
ఓ-న్నారాయణాయ స్వాహా ।
ఓ-మ్మాధవాయ స్వాహా ।
ఓ-ఙ్గోవిన్దాయ నమః ।
ఓం-విఀష్ణవే నమః ।
ఓ-మ్మధుసూదనాయ నమః ।
ఓ-న్త్రివిక్రమాయ నమః ।
ఓం-వాఀమనాయ నమః ।
ఓం శ్రీధరాయ నమః ।
ఓం హృషీకేశాయ నమః ।
ఓ-మ్పద్మనాభాయ నమః ।
ఓ-న్దామోదరాయ నమః ।
ఓం సఙ్కర్​షణాయ నమః ।
ఓం-వాఀసుదేవాయ నమః ।
ఓ-మ్ప్రద్యుమ్నాయ నమః ।
ఓం అనిరుద్ధాయ నమః ।
ఓ-మ్పురుషోత్తమాయ నమః ।
ఓం అధోఖ్షజాయ నమః ।
ఓ-న్నారసింహాయ నమః ।
ఓం అచ్యుతాయ నమః ।
ఓ-ఞ్జనార్దనాయ నమః ।
ఓం ఉపేన్ద్రాయ నమః ।
ఓం హరయే నమః ।
ఓం శ్రీకృష్ణాయ నమః ।

భూతోచ్చాటనమ్
ఉత్తిష్ఠన్తు భూతపిశాచాః య ఏతే భూమి భారకాః ।
ఏతేషామవిరోధేన బ్రహ్మకర్మ సమారభే ॥
అపసర్పన్తు తే భూతా యే భూతా భూమిసంస్థితాః ।
యే భూతా విఘ్నకర్తారస్తే గచ్ఛన్తు శివా-ఽజ్ఞయా ॥

ప్రాణాయామమ్
ఓ-మ్భూః ఓ-మ్భువః॑ ఓగ్‍ం సువః॑ ఓ-మ్మహః॑ ఓ-ఞ్జనః॑ ఓ-న్తపః॑ ఓగ్‍ం సత్యమ్ ।
ఓ-న్తత్స॑వితు॒ర్వరే᳚ణ్య॒-మ్భ॒ర్గో॑ దే॒వస్య॑ ధీ॒మహి ।
ధియో॒ యో నః॑ ప్రచో॒దయా᳚త్ ।
ఓమాపో॒ జ్యోతీ॒ రసో॒-ఽమృత॒-మ్బ్రహ్మ॒ భూర్భువ॒స్సువ॒రోమ్ ॥

సఙ్కల్పమ్
మమోపాత్త సమస్త దురితఖ్షయద్వారా శ్రీ పరమేశ్వర ప్రీత్యర్థమ్,
శుభే శోభనే ముహూర్తే ఆద్యబ్రహ్మణః ద్వితీయ పరార్ధే శ్వేతవరాహ కల్పే వైవస్వత మన్వన్తరే అష్టావింశతి తమే కలియుగే ప్రథమే పాదే జమ్బూద్వీపే భారతవర్​షే భరతఖణ్డే మేరోః దఖ్షిణే పార్​శ్వే శకాబ్దే అస్మిన్ వర్తమానే వ్యవహారికే ప్రభవాది షష్ఠ్యా-స్సం​వఀథ్సరాణా-మ్మద్ధ్యే ......... నామసం​వఀథ్సరే ......-ఽయనే .......... ఋతౌ ........ మాసే ............పఖ్షే .......... శుభతిథౌ. .............. వాసరయుక్తాయాం ............. నఖ్షత్రయుక్తాయామ్, శుభయోగ శుభకరణ ఏవ-ఙ్గుణ సకల విశేషణ విశిష్టాయాం అస్యాం ...........శుభతిథౌ మమోపాత్త సమస్త దురితఖ్షయద్వారా శ్రీ పరమేశ్వర ప్రీత్యర్థం .......... నఖ్షత్రే .......రాశౌ జాతస్య ..........శర్మణః మమ .......... నఖ్షత్రే ...............రాశౌ .............జాతయాః మమ ధర్మపత్న్యాశ్చ ఆవయో-స్సకుఢుమ్బాయోః ............... సపుత్రకయో-స్సబన్ధువర్గయో-స్సాశ్రిత-జనయోశ్చ ఖ్షేమ-స్థైర్య-వీర్య-విజయ, ఆయురారోగ్య-ఐశ్వర్యాణాం అభివృద్ధ్యర్థమ్, ధర్మార్థ-కామ-మోఖ్ష-చతుర్విధ ఫలపురుషార్థ సిద్ధ్యర్థమ్, సర్వారిష్ట శాన్త్యర్థమ్, సర్వాభీష్ట సిద్ధ్యర్థమ్, సపరివార సోమాస్కన్ద పరమేశ్వర చరణారవిన్దయోః అచఞ్చల-నిష్కపట-భక్తి సిద్ధ్యర్థం , యావచ్ఛక్తి పరివార సహిత రుద్రవిధానేన ధ్యాన-ఆవాహనాది-షోడశోపచార-పూజా పురస్సర-మ్మహాన్యాసజప (లఘున్యాసజప) రుద్రాభిషేక-అర్చ్చనాది సహిత సామ్బశివ పూజా-ఙ్కరిష్యే ।
తదఙ్గ-ఙ్కలశ-శఙ్ఖ-ఆత్మ-పీఠ-పూజా-ఞ్చ కరిష్యే । (ద్వి)

(నిర్విఘ్న పూజా పరిసమాప్త్యర్థం ఆదౌ శ్రీమహాగణపతి పూజా-ఙ్కరిష్యే ।)
శ్రీ మహాగణపతి పూజా ॥

తదఙ్గ కలశారాధన-ఙ్కరిష్యే ।

కలశారాధనమ్
కలశే గన్ధ పుష్పాఖ్షతైరభ్యర్చ్య ।
కలశే ఉదక-మ్పూరయిత్వా ।
కలశస్యోపరి హస్త-న్నిధాయ ।

కలశస్య ముఖే విష్ణుః కణ్ఠే రుద్ర-స్సమాశ్రితః ।
మూలే త్వస్య స్థితో బ్రహ్మా మధ్యే మాతృగణా-స్స్మృతా ॥

కుఖ్షౌ తు సాగరా-స్సర్వే సప్తద్వీపా వసున్ధరా ।
ఋగ్వేదో-ఽథ యజుర్వేదో సామవేదో హ్యథర్వణః ॥
అఙ్గైశ్చ సహితా-స్సర్వే కలశామ్బు సమాశ్రితాః ।

ఓం ఆక॒లశే᳚షు ధావతి ప॒విత్రే॒ పరి॑షిచ్యతే ।
ఉ॒క్థైర్య॒జ్ఞేషు॑ వర్ధతే ।

ఆపో॒ వా ఇ॒దగ్‍ం సర్వం॒-విఀశ్వా॑ భూ॒తాన్యాపః॑
ప్రా॒ణా వా ఆపః॑ ప॒శవ॒ ఆపో-ఽన్న॒మాపో-ఽమృ॑త॒మాపః॑
స॒మ్రాడాపో॑ వి॒రాడాప॑-స్స్వ॒రాడాప॒శ్ఛన్దా॒గ్॒‍స్యాపో॒
జ్యోతీ॒గ్॒‍ష్యాపో॒ యజూ॒గ్॒‍ష్యాప॑-స్స॒త్యమాపః॒
సర్వా॑ దే॒వతా॒ ఆపో॒ భూర్భువ॒-స్సువ॒రాప॒ ఓమ్ ॥

గఙ్గే చ యమునే చైవ గోదావరీ సరస్వతీ ।
నర్మదే సిన్ధు కావేరీ జలే-ఽస్మిన్ సన్నిధి-ఙ్కురు ॥
కావేరీ తుఙ్గభద్రా చ కృష్ణవేణీ చ గౌతమీ ।
భాగీరథీతి విఖ్యాతాః పఞ్చగఙ్గాః ప్రకీర్తితాః ॥

ఆయాన్తు శ్రీ శివపూజార్థ-మ్మమ దురితఖ్షయకారకాః ।
ఓ-మ్భూర్భువస్సువో భూర్భువస్సువో భూర్భువస్సువః ॥
ఓం ఓం ఓ-ఙ్కలశోదకేన పూజా ద్రవ్యాణి సమ్ప్రోఖ్ష్య,
దేవం సమ్ప్రోఖ్ష్య, ఆత్మాన-ఞ్చ సమ్ప్రోఖ్ష్య ॥

పఞ్చకలశ స్థాపనం
పశ్చిమం
స॒ద్యో జా॒త-మ్ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ । భ॒వే భ॑వే॒
నాతి॑భవే భవస్వ॒ మామ్ । భ॒వోద్భ॑వాయ॒ నమః॑ ॥ ఓ-మ్భూర్భువ॒స్సువ॒రోమ్ ।
అస్మి-న్పశ్చిమకలశే సద్యోజాత-న్ధ్యాయామి । ఆవాహయామి ।

ఉత్తరం
వా॒మ॒దే॒వాయ॒ నమో᳚ జ్యే॒ష్ఠాయ॒ నమ॑-శ్శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒-స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ । ఓ-మ్భూర్భువ॒స్సువ॒రోమ్ । అస్మిన్ ఉత్తరకలశే వామదేవ-న్ధ్యాయామి । ఆవాహయామి ।

దఖ్షిణం
అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః । సర్వే᳚భ్య-స్సర్వ॒శర్వే᳚భ్యో॒
నమ॑స్తే అస్తు రు॒ద్రరూ॑పేభ్యః ॥ ఓ-మ్భూర్భువ॒స్సువ॒రోమ్ ।
అస్మి-న్దఖ్షిణకలశే అఘోర-న్ధ్యాయామి । ఆవాహయామి ।

పూర్వం
తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా᳚త్ ॥
ఓ-మ్భూర్భువ॒స్సువ॒రోమ్ । అస్మి-న్పూర్వకలశే తత్పురుష-న్ధ్యాయామి । ఆవాహయామి ।

మద్ధ్యమం
ఈశాన-స్సర్వ॑విద్యా॒నా॒-మీశ్వర-స్సర్వ॑భూతా॒నా॒-మ్బ్రహ్మాధి॑పతి॒ ర్బ్రహ్మ॒ణో-ఽధి॑పతి॒ ర్బ్రహ్మా॑ శి॒వో మే॑ అస్తు సదాశివోమ్ ॥ ఓ-మ్భూర్భువ॒స్సువ॒రోమ్ ।
అస్మి-న్మద్ధ్యమ కలశే ఈశాన-న్ధ్యాయామి । ఆవాహయామి ।

ప్రాణప్రతిష్ఠా
ఓం అసు॑నీతే॒ పున॑ర॒స్మాసు॒ చఖ్షుః॒
పునః॑ ప్రా॒ణమి॒హ నో᳚ ధేహి॒ భోగ᳚మ్ ।
జ్యోక్ప॑శ్యేమ॒ సూర్య॑ము॒చ్చర᳚న్త॒
మను॑మతే మృ॒డయా᳚ న-స్స్వ॒స్తి ॥
అ॒మృతం॒-వైఀ ప్రా॒ణా అ॒మృత॒మాపః॑
ప్రా॒ణానే॒వ య॑థాస్థా॒నముప॑హ్వయతే ॥

స్వామిన్ సర్వజగన్నాథ యావ-త్పూజావసానకమ్ ।
తావ-త్త్వ-మ్ప్రీతిభావేన లిఙ్గే-ఽస్మిన్ సన్న్నిధి-ఙ్కురు ॥

ఓ-న్త్ర్య॑మ్బకం-యఀజామహే సుగ॒న్ధి-మ్పు॑ష్టి॒ వర్ధ॑నమ్ ।
ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑ఖ్షీయ॒ మా-ఽమృతా᳚త్ ॥

ఆవాహితో భవ । స్థాపితో భవ । సన్నిహితో భవ । సన్నిరుద్ధో భవ । అవకుణ్ఠితో భవ । సుప్రీతో భవ । సుప్రసన్నో భవ । వరదో భవ ।
స్వాగతం అస్తు । ప్రసీద ప్రసీద ।

లఘున్యాసం / మహాన్యాసమ్ ॥

ధ్యానం
కైలాసే కమనీయ రత్న ఖచితే కల్పద్రుమూలే స్థితం
కర్పూర స్ఫటికేన్దు సున్దర తను-ఙ్కాత్యాయనీ సేవితమ్ ।
గఙ్గోత్తుఙ్గ తరఙ్గ రఞ్జిత జటా భార-ఙ్కృపాసాగరం
కణ్ఠాలఙ్కృత శేషభూషణమహ-మ్మృత్యుఞ్జయ-మ్భావయే ॥
ఓం శ్రీ ఉమామహేశ్వర స్వామినే నమః ధ్యాయామి ।

ఆవాహనం (ఓం స॒ద్యోజా॒త-మ్ప్ర॑పద్యా॒మి)
ఓఙ్కారాయ నమస్తుభ్యం ఓఙ్కారప్రియ శఙ్కర ।
ఆవాహన-ఙ్గృహాణేద-మ్పార్వతీప్రియ వల్లభ ॥
ఓం శ్రీ ఉమామహేశ్వర స్వామినే నమః ఆవాహయామి ।

ఆసనం (ఓం స॒ద్యోజా॒తాయ॒వై నమో॒ నమః॑)
నమస్తే గిరిజానాథ కైలాసగిరి మన్దిర ।
సింహాసన-మ్మయా దత్తం స్వీకురుష్వ ఉమాపతే ॥
శ్రీ ఉమామహేశ్వర స్వామినే నమః నవరత్న ఖచిత హేమ సింహాసనం సమర్పయామి ।

పాద్యం (ఓ-మ్భవే భ॑వే॒న)
మహాదేవ జగన్నాథ భక్తానామభయప్రద ।
పాద్య-ఙ్గృహాణ దేవేశ మమ సౌఖ్యం-విఀవర్ధయ ॥
శ్రీ ఉమామహేశ్వర స్వామినే నమః పాదయోః పాద్యం సమర్పయామి ।

అర్ఘ్యం (ఓం అతి॑ భవే భవస్వ॒మాం)
శివాప్రియ నమస్తేస్తు పావన-ఞ్జలపూరితమ్ ।
అర్ఘ్య-ఙ్గృహాణ భగవ-న్గాఙ్గేయ కలశస్థితమ్ ॥
శ్రీ ఉమామహేశ్వర స్వామినే నమః హస్తయోః అర్ఘ్యం సమర్పయామి ।

ఆచమనం (ఓ-మ్భ॒వోద్భ॑వాయ॒ నమః)
వామాదేవ సురాధీశ వన్దితాఙ్ఘ్రి సరోరుహ ।
గృహాణాచమన-న్దేవ కరుణా వరుణాలయ ॥
శ్రీ ఉమామహేశ్వర స్వామినే నమః ముఖే ఆచమనీయం సమర్పయామి ।

మధుపర్కం
యమాన్తకాయ ఉగ్రాయ భీమాయ చ నమో నమః ।
మధుపర్క-మ్ప్రదాస్యామి గృహాణ త్వముమాపతే ॥
శ్రీ ఉమామహేశ్వర స్వామినే నమః మధుపర్కం సమర్పయామి ।

పఞ్చామృత స్నానం
1. ఆప్యాయస్యేతి ఖ్షీరం (milk) –
ఓం ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ ।
భవా॒ వాజ॑స్య సఙ్గ॒థే ॥
ఖ్షీరేణ స్నపయామి ॥

2. దధిక్రావ్ణో ఇతి దధి (yogurt) –
ఓ-న్ద॒ధి॒క్రావ్ణో॑ అకారిష-ఞ్జి॒ష్ణోరశ్వ॑స్య వా॒జినః॑ ।
సు॒ర॒భి నో॒ ముఖా॑ కర॒త్ప్రాణ॒ ఆయూగ్ం॑షి తారిషత్ ॥
దధ్నా స్నపయామి ॥

3. శుక్రమసీతి ఆజ్యం (ghee) –
ఓం శు॒క్రమ॑సి॒ జ్యోతి॑రసి॒ తేజో॑సి దే॒వోవ॑స్సవి॒తోత్పు॑నా॒తు
అచ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ ।
ఆజ్యేన స్నపయామి ॥

4. మధువాతా ఋతాయతే ఇతి మధు (honey) –
ఓ-మ్మధు॒వాతా॑ ఋతాయ॒తే మధు॑ఖ్షరన్తి॒ సిన్ధ॑వః ।
మాధ్వీ᳚ర్న-స్స॒న్త్వౌష॑ధీః ।
మధు॒నక్త॑ము॒తోష॑సి॒ మధు॑మ॒త్పార్థి॑వ॒గ్ం॒ రజః॑ ।
మధు॒ద్యౌర॑స్తు నః పి॒తా ।
మధు॑మాన్నో॒ వన॒స్పతి॒ర్మధు॑మాగ్‍ం అస్తు॒ సూర్యః॑ ।
మాధ్వీ॒ర్గావో॑ భవన్తు నః ।
మధునా స్నపయామి ॥

5. స్వాదుః పవస్యేతి శర్కరా (sugar) –
ఓం స్వా॒దుః ప॑వస్వ ది॒వ్యాయ॒ జన్మ॑నే ।
స్వా॒దురిన్ద్రా᳚య సు॒హవీ᳚తు నామ్నే ।
స్వా॒దుర్మి॒త్రాయ॒ వరు॑ణాయ వా॒యవే॒ ।
బృహ॒స్పత॑యే॒ మధు॑మాం॒ అదా᳚భ్యః ।
శర్కరేణ స్నపయామి ॥

ఫలోదకం (coconut water)
యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీః॑ ।
బృహ॒స్పతి॑ ప్రసూతా॒స్తానో॑ మున్చ॒న్త్వగ్‍ం హ॑సః ॥
ఫలోదకేన స్నపయామి ॥

శుద్ధోదక స్నానం – (ఓం-వాఀమదేవాయ నమః)
ఓఙ్కార ప్రీత మనసే నమో బ్రహ్మార్చితాఙ్ఘ్రయే ।
స్నానం స్వీకురు దేవేశ మయానీత-న్నదీ జలమ్ ॥
నమ॑శ్శ॒మ్భవే॑ చ మయో॒భవే॑చ॒ నమ॑శ్శఙ్క॒రాయ॑ చ
మయస్క॒రాయ॑ చ॒ నమ॑శ్శి॒వాయ॑ చ శి॒వత॑రాయ చ ॥

రుద్రప్రశ్నః – నమకమ్ ॥
రుద్రప్రశ్నః – చమకమ్ ॥
పురుష సూక్తమ్ ॥
శ్రీ సూక్తమ్ ॥

ఓం శ్రీ ఉమామహేశ్వర స్వామినే నమ-శ్శుద్ధోదక స్నానం సమర్పయామి ।
స్నానానన్తరం ఆచమనీయం సమర్పయామి ।

వస్త్రం – (ఓ-ఞ్జ్యే॒ష్ఠాయ॒ నమః)
నమో నాగవిభూషాయ నారదాది స్తుతాయ చ ।
వస్త్రయుగ్మ-మ్ప్రదాస్యామి పార్థివేశ్వర స్వీకురు ॥
ఓం శ్రీ ఉమామహేశ్వర స్వామినే నమః వస్త్రయుగ్మం సమర్పయామి ।
(వస్త్రార్థం అఖ్షతాన్ సమర్పయామి)

యజ్ఞోపవీతం – (ఓం శ్రే॒ష్ఠాయ॒ నమః)
యజ్ఞేశ యజ్ఞవిధ్వంస సర్వదేవ నమస్కృత ।
యజ్ఞసూత్ర-మ్ప్రదాస్యామి శోభన-ఞ్చోత్తరీయకమ్ ॥
ఓం శ్రీ ఉమామహేశ్వర స్వామినే నమః యజ్ఞోపవీతం సమర్పయామి ।
(ఉపవీతార్థం అఖ్షతాన్ సమర్పయామి)

ఆభరణం – (ఓం రు॒ద్రాయ॒ నమః)
నాగాభరణ విశ్వేశ చన్ద్రార్ధకృతమస్తక ।
పార్థివేశ్వర మద్దత్త-ఙ్గృహాణాభరణం-విఀభో ॥
ఓం శ్రీ ఉమామహేశ్వర స్వామినే నమః ఆభరణం సమర్పయామి ।

గన్ధం – (ఓ-ఙ్కాలా॑య॒ నమః॑)
శ్రీ గన్ధ-న్తే ప్రయచ్ఛామి గృహాణ పరమేశ్వర ।
కస్తూరి కుఙ్కుమోపేతం శివాశ్లిష్ట భుజద్వయ ॥
ఓం శ్రీ ఉమామహేశ్వర స్వామినే నమ-శ్శ్రీగన్ధాది పరిమళ ద్రవ్యం సమర్పయామి ।

అఖ్షతాన్ – (ఓ-ఙ్కల॑వికరణాయ॒ నమః)
అఖ్షతా-న్ధవళా-న్దివ్యాన్ శాలి తుణ్డుల మిశ్రితాన్ ।
అఖ్షతోసి స్వభావేన స్వీకురుష్వ మహేశ్వర ॥
ఓం శ్రీ ఉమామహేశ్వర స్వామినే నమః ధవళాఖ్షతాన్ సమర్పయామి ।

పుష్పం – (ఓ-మ్బల॑ వికరణాయ॒ నమః)
సుగన్ధీని సుపుష్పాణి జాజీబిల్వార్క చమ్పకైః ।
నిర్మిత-మ్పుష్పమాలఞ్చ నీలకణ్ఠ గృహాణ భో ॥
ఓం శ్రీ ఉమామహేశ్వర స్వామినే నమః పుష్ప బిల్వదళాని సమర్పయామి ।

అథాఙ్గ పూజా
ఓ-మ్మహేశ్వరాయ నమః – పాదౌ పూజయామి ।
ఓం ఈశ్వరాయ నమః – జఙ్ఘౌ పూజయామి ।
ఓ-ఙ్కామరూపాయ నమః – జానునీ పూజయామి ।
ఓం హరాయ నమః – ఊరూ పూజయామి ।
ఓ-న్త్రిపురాన్తకాయ నమః – గుహ్య-మ్పూజయామి ।
ఓ-మ్భవాయ నమః – కటి-మ్పూజయామి ।
ఓం-వ్యాఀఘ్రచర్మామ్బరధరాయ నమః – నాభి-మ్పూజయామి ।
ఓ-ఙ్కుఖ్షిస్థ బ్రహాణ్డాయ నమః – ఉదర-మ్పూజయామి ।
ఓ-ఙ్గౌరీ మనః ప్రియాయ నమః – హృదయ-మ్పూజయామి ।
ఓ-మ్పినాకినే నమః – హస్తౌ పూజయామి ।
ఓ-న్నాగావృతభుజదణ్డాయ నమః – భుజౌ పూజయామి ।
ఓం శ్రీకణ్ఠాయ నమః – కణ్ఠ-మ్పూజయామి ।
ఓం-విఀరూపాఖ్షాయ నమః – ముఖ-మ్పూజయామి ।
ఓ-న్త్రినేత్రాయ నమః – నేత్రాణి పూజయామి ।
ఓం రుద్రాయ నమః – లలాట-మ్పూజయామి ।
ఓం శర్వాయ నమః – శిరః పూజయామి ।
ఓ-ఞ్చన్ద్రమౌళయే నమః – మౌళి-మ్పూజయామి ।
ఓం అర్ధనారీశ్వరాయ నమః – తను-మ్పూజయామి ।
ఓం శ్రీ ఉమామహేశ్వరాయ నమః – సర్వాణ్యఙ్గాని పూజయామి ।

అష్టోత్తరశతనామ పూజా
ఓం శివాయ నమః
ఓ-మ్మహేశ్వరాయ నమః
ఓం శమ్భవే నమః
ఓ-మ్పినాకినే నమః
ఓం శశిశేఖరాయ నమః
ఓం-వాఀమదేవాయ నమః
ఓం-విఀరూపాఖ్షాయ నమః
ఓ-ఙ్కపర్దినే నమః
ఓ-న్నీలలోహితాయ నమః
ఓం శఙ్కరాయ నమః (10)

ఓం శూలపాణయే నమః
ఓ-ఙ్ఖట్వాఙ్గినే నమః
ఓం-విఀష్ణువల్లభాయ నమః
ఓం శిపివిష్టాయ నమః
ఓం అమ్బికానాథాయ నమః
ఓం శ్రీకణ్ఠాయ నమః
ఓ-మ్భక్తవత్సలాయ నమః
ఓ-మ్భవాయ నమః
ఓం శర్వాయ నమః
ఓ-న్త్రిలోకేశాయ నమః (20)

ఓం శితికణ్ఠాయ నమః
ఓం శివాప్రియాయ నమః
ఓం ఉగ్రాయ నమః
ఓ-ఙ్కపాలినే నమః
ఓ-ఙ్కామారయే నమః
ఓం అన్ధకాసుర సూదనాయ నమః
ఓ-ఙ్గఙ్గాధరాయ నమః
ఓం-లఀలాటాఖ్షాయ నమః
ఓ-ఙ్కాలకాలాయ నమః
ఓ-ఙ్కృపానిధయే నమః (30)

ఓ-మ్భీమాయ నమః
ఓ-మ్పరశుహస్తాయ నమః
ఓ-మ్మృగపాణయే నమః
ఓ-ఞ్జటాధరాయ నమః
ఓ-ఙ్కైలాసవాసినే నమః
ఓ-ఙ్కవచినే నమః
ఓ-ఙ్కఠోరాయ నమః
ఓ-న్త్రిపురాన్తకాయ నమః
ఓం-వృఀషాఙ్కాయ నమః
ఓం-వృఀషభారూఢాయ నమః (40)

ఓ-మ్భస్మోద్ధూళిత విగ్రహాయ నమః
ఓం సామప్రియాయ నమః
ఓం స్వరమయాయ నమః
ఓ-న్త్రయీమూర్తయే నమః
ఓం అనీశ్వరాయ నమః
ఓం సర్వజ్ఞాయ నమః
ఓ-మ్పరమాత్మనే నమః
ఓం సోమసూర్యాగ్ని లోచనాయ నమః
ఓం హవిషే నమః
ఓం-యఀజ్ఞమయాయ నమః (50)

ఓం సోమాయ నమః
ఓ-మ్పఞ్చవక్త్రాయ నమః
ఓం సదాశివాయ నమః
ఓం-విఀశ్వేశ్వరాయ నమః
ఓం-వీఀరభద్రాయ నమః
ఓ-ఙ్గణనాథాయ నమః
ఓ-మ్ప్రజాపతయే నమః
ఓం హిరణ్యరేతసే నమః
ఓ-న్దుర్ధర్​షాయ నమః
ఓ-ఙ్గిరీశాయ నమః (60)

ఓ-ఙ్గిరిశాయ నమః
ఓం అనఘాయ నమః
ఓ-మ్భుజఙ్గ భూషణాయ నమః
ఓ-మ్భర్గాయ నమః
ఓ-ఙ్గిరిధన్వనే నమః
ఓ-ఙ్గిరిప్రియాయ నమః
ఓ-ఙ్కృత్తివాససే నమః
ఓ-మ్పురారాతయే నమః
ఓ-మ్భగవతే నమః
ఓ-మ్ప్రమథాధిపాయ నమః (70)

ఓ-మ్మృత్యుఞ్జయాయ నమః
ఓం సూఖ్ష్మతనవే నమః
ఓ-ఞ్జగద్వ్యాపినే నమః
ఓ-ఞ్జగద్గురవే నమః
ఓం-వ్యోఀమకేశాయ నమః
ఓ-మ్మహాసేన జనకాయ నమః
ఓ-ఞ్చారువిక్రమాయ నమః
ఓం రుద్రాయ నమః
ఓ-మ్భూతపతయే నమః
ఓం స్థాణవే నమః (80)

ఓం అహిర్బుధ్న్యాయ నమః
ఓ-న్దిగమ్బరాయ నమః
ఓం అష్టమూర్తయే నమః
ఓం అనేకాత్మనే నమః
ఓం సాత్త్వికాయ నమః
ఓం శుద్ధవిగ్రహాయ నమః
ఓం శాశ్వతాయ నమః
ఓ-ఙ్ఖణ్డపరశవే నమః
ఓం అజాయ నమః
ఓ-మ్పాశవిమోచకాయ నమః (90)

ఓ-మ్మృడాయ నమః
ఓ-మ్పశుపతయే నమః
ఓ-న్దేవాయ నమః
ఓ-మ్మహాదేవాయ నమః
ఓం అవ్యయాయ నమః
ఓం హరయే నమః
ఓ-మ్పూషదన్తభిదే నమః
ఓం అవ్యగ్రాయ నమః
ఓ-న్దఖ్షాధ్వరహరాయ నమః
ఓం హరాయ నమః (100)

ఓ-మ్భగనేత్రభిదే నమః
ఓం అవ్యక్తాయ నమః
ఓం సహస్రాఖ్షాయ నమః
ఓం సహస్రపాదే నమః
ఓం అపవర్గప్రదాయ నమః
ఓం అనన్తాయ నమః
ఓ-న్తారకాయ నమః
ఓ-మ్పరమేశ్వరాయ నమః (108)

ఓ-న్నిధ॑నపతయే॒ నమః । ఓ-న్నిధ॑నపతాన్తికాయ॒ నమః ।
ఓం ఊర్ధ్వాయ॒ నమః । ఓం ఊర్ధ్వలిఙ్గాయ॒ నమః ।
ఓం హిరణ్యాయ॒ నమః । ఓం హిరణ్యలిఙ్గాయ॒ నమః ।
ఓం సువర్ణాయ॒ నమః । ఓం సువర్ణలిఙ్గాయ॒ నమః ।
ఓ-న్దివ్యాయ॒ నమః । ఓ-న్దివ్యలిఙ్గాయ॒ నమః ।
ఓ-మ్భవాయ॒ నమః । ఓ-మ్భవలిఙ్గాయ॒ నమః ।
ఓం శర్వాయ॒ నమః । ఓం శర్వలిఙ్గాయ॒ నమః ।
ఓం శివాయ॒ నమః । ఓం శివలిఙ్గాయ॒ నమః ।
ఓ-ఞ్జ్వలాయ॒ నమః । ఓ-ఞ్జ్వలలిఙ్గాయ॒ నమః ।
ఓం ఆత్మాయ॒ నమః । ఓం ఆత్మలిఙ్గాయ॒ నమః ।
ఓ-మ్పరమాయ॒ నమః । ఓ-మ్పరమలిఙ్గాయ॒ నమః ।

ఓ-మ్భ॒వాయ॑ దే॒వాయ॒ నమః
– ఓ-మ్భ॒వస్య॑ దే॒వస్య॒ పత్న్యై॒ నమః॑ ।
ఓం శ॒ర్వాయ॑ దే॒వాయ॒ నమః
– ఓం శ॒ర్వస్య॑ దే॒వస్య॒ పత్న్యై॒ నమః॑ ।
ఓం ఈశా॑నాయ దే॒వాయ॒ నమః
– ఓం ఈశా॑నస్య దే॒వస్య॒ పత్న్యై॒ నమః॑ ।
ఓ-మ్పశు॒పత॑యే దే॒వాయ॒ నమః
– ఓ-మ్పశు॒పతే᳚ర్దే॒వస్య పత్న్యై॒ నమః॑ ।
ఓం రు॒ద్రాయ॑ దే॒వాయ॒ నమః
– ఓం రు॒ద్రస్య॑ దే॒వస్య॒ పత్న్యై॒ నమః॑ ।
ఓం ఉ॒గ్రాయ॑ దే॒వాయ॒ నమః
– ఓం ఉ॒గ్రస్య॑ దే॒వస్య॒ పత్న్యై॒ నమః॑ ।
ఓ-మ్భీ॒మాయ॑ దే॒వాయ॒ నమః
– ఓ-మ్భీ॒మస్య॑ దే॒వస్య॒ పత్న్యై॒ నమః॑ ।
ఓ-మ్మహ॑తే దే॒వాయ॒ నమః
– ఓ-మ్మహ॑తో దే॒వస్య॒ పత్న్యై॒ నమః॑ ।

ఓం శ్రీ ఉమామహేశ్వర స్వామినే నమః నానా విధ పరిమళ పత్ర పుష్పాఖ్షతాన్ సమర్పయామి ।

ధూపం – (ఓ-మ్బలా॑య॒ నమః)
ధూర॑సి॒ ధూర్వ॒ ధూర్వ॑న్త॒-న్ధూర్వ॒తం-యోఀ᳚-ఽస్మా-న్ధూర్వ॑తి॒ త-న్ధూ᳚ర్వ॒యం-వఀ॒యం
ధూర్వా॑మ॒స్త్వ-న్దే॒వానా॑మసి॒ సస్ని॑తమ॒-మ్పప్రి॑తమ॒-ఞ్జుష్ట॑తమం॒-వఀహ్ని॑తమం
దేవ॒హూత॑మ॒-మహ్రు॑తమసి హవి॒ర్ధాన॒-న్దృగ్ం హ॑స్వ॒ మాహ్వా᳚ ర్మి॒త్రస్య॑ త్వా॒ చఖ్షు॑షా॒
ప్రేఖ్షే॒ మా భేర్మా సం​విఀ ॑క్తా॒ మా త్వా॑ హిగ్ంసిషమ్ ।
ఆవాహితాభ్య-స్సర్వాభ్యో దేవతాభ్యో నమః । ధూపమాఘ్రాపయామి ।

దీపం – (ఓ-మ్బల॑ ప్రమథనాయ॒ నమః)
ఉద్దీ᳚ప్యస్వ జాతవేదో-ఽప॒ఘ్న-న్ని​ఋ॑తి॒-మ్మమ॑ । ప॒శుగ్గ్​శ్చ॒ మహ్య॒మావ॑హ॒ జీవ॑న-ఞ్చ॒ దిశో॑ దిశ । మానో॑ హిగ్ంసీ-జ్జాతవేదో॒ గామశ్వ॒-మ్పురు॑ష॒-ఞ్జగ॑త్ । అబి॑భ్ర॒దగ్న॒ ఆగ॑హి శ్రి॒యా మా॒ పరి॑పాతయ ।
ఆవాహితాభ్య-స్సర్వాభ్యో దేవతాభ్యో నమః । ధూపమాఘ్రాపయామి ।
ధూప దీపానన్తరం శుద్ధాచమనీయం సమర్పయామి ।

నైవేద్యం – (ఓం సర్వ॑ భూత దమనాయ॒ నమః)
ఓ-మ్భూర్భువ॒స్సువః॒ । తథ్స॑వి॒తు ర్వరే᳚ణ్య॒-మ్భర్గో॑ దే॒వస్య॑ ధీమహి ।
ధి॒యో యో నః॑ ప్రచో॒దయా᳚త్ । దేవ సవితః ప్రసువః ।
సత్య-న్త్వర్తేన పరిషిఞ్చామి ।
(సాయఙ్కాలే – ఋత-న్త్వా సత్యేన పరిషిఞ్చామి)

అమృతం అస్తు । అమృతోపస్తరణమసి ।
ఓ-మ్ప్రాణాయ స్వాహాః । ఓం అపానాయ స్వాహాః ।
ఓం-వ్యాఀనాయ స్వాహాః । ఓం ఉదానాయ స్వాహాః ।
ఓం సమానాయ స్వాహాః । ఓ-మ్బ్రహ్మణే స్వాహాః ।
మధు॒వాతా॑ ఋతాయ॒తే మధు॑ఖ్షరన్తి॒ సిన్ధ॑వః ।
మాద్ధ్వీ᳚ర్న-స్స॒న్త్వోష॑ధీః । మధు॒నక్త॑ ము॒తోషసి॒ మధు॑మ॒-త్పార్థి॑వ॒గ్ం॒ రజః॑ ।
మధు॒ద్యౌర॑స్తు నః పి॒తా । మధు॑మాన్నో॒ వన॒స్పతి॒ ర్మధు॑మాగ్ం అస్తు॒ సూర్యః॑ ।
మాధ్వీ॒ర్గావో॑ భవన్తు నః ॥ మధు మధు మధు ॥
ఆవాహితాభ్య-స్సర్వాభ్యో దేవతాభ్యో నమః ।
(దివ్యాన్నమ్, ఘృతగుళపాయసమ్, నాళికేరఖణ్డద్వయమ్, కదళీఫలం ...)
ఓం శ్రీ ఉమామహేశ్వర స్వామినే నమః । మహానైవేద్య-న్నివేదయామి ।

మధ్యే మధ్యే పానీయం సమర్పయామి ।
అ॒మృ॒తా॒పి॒ధా॒నమ॑సి । ఉత్తరాపోశనం సమర్పయామి ।
హస్తౌ ప్రఖ్షాళయామి । పాదౌ ప్రఖ్షాళయామి ।
శుద్ధాచమనీయం సమర్పయామి ।

తామ్బూలం – (ఓ-మ్మ॒నోన్మ॑నాయ॒ నమః)
పూగీఫలసమాయుక్త-న్నాగవల్లీదళైర్యుతమ్ ।
కర్పూరచూర్ణ సం​యుఀక్త-న్తామ్బూల-మ్ప్రతిగృహ్యతామ్ ।
ఆవాహితాభ్య-స్సర్వాభ్యో దేవతాభ్యో నమః । తామ్బూల-న్నివేదయామి ।
తామ్బూల చర్వణానన్తరం శుద్ధ ఆచమనీయం సమర్పయామి ।

నీరాజనం
సోమో॒ వా ఏ॒తస్య॑ రా॒జ్యమాద॑త్తే । యో రాజా॒స-న్రా॒జ్యో వా॒ సోమే॑న॒
యజ॑తే । దే॒వ॒ సు॒వామే॒తాని॑ హ॒విగ్ంషి॑ భవన్తి ।
ఏ॒తావ॑న్తో॒ వై దే॒వానాగ్ం॑ స॒వాః । త ఏ॒వాస్మై॑ స॒వా-న్ప్ర॑యచ్ఛన్తి ।
త ఏ॑న-మ్పు॒న-స్సువ॑న్తే రా॒జ్యాయ॑ । దే॒వ॒సూ రాజా॑ భవతి ।

రా॒జా॒ధి॒రా॒జాయ॑ ప్రసహ్య సా॒హినే᳚ । నమో॑ వ॒యం-వైఀ᳚శ్రవ॒ణాయ॑ కుర్మహే ।
స మే॒ కామా॒న్ కామ॒కామా॑య॒ మహ్య᳚మ్ । కా॒మే॒శ్వ॒రో వై᳚శ్రవ॒ణో ద॑దాతు ।
కు॒బే॒రాయ॑ వైశ్రవ॒ణాయ॑ । మ॒హా॒రా॒జాయ॒ నమః॑ ।

అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః ।
సర్వే᳚భ్య-స్సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥

తత్పురు॑షాయ వి॒ద్మహే॑ మహాదే॒వాయ॑ ధీమహి ।
తన్నో॑ రుద్రః ప్రచో॒దయా᳚త్ ॥

ఈశాన-స్సర్వ॑విద్యా॒నా॒-మీశ్వర-స్సర్వ॑భూతా॒నా॒-మ్బ్రహ్మాధి॑పతి॒ ర్బ్రహ్మ॒ణో-ఽధి॑పతి॒ ర్బ్రహ్మా॑ శి॒వో మే॑ అస్తు సదాశివోమ్ ॥

నీరాజనమిద-న్దేవ కర్పూరామోద సం​యుఀతమ్ ।
గృహాణ పరమానన్ద హేరమ్బ వరదాయక ॥

ఆవాహితాభ్య-స్సర్వాభ్యో దేవతాభ్యో నమః । కర్పూర నీరాజన-న్దర్​శయామి ।
నీరాజనానన్తరం శుద్ధ ఆచమనీయం సమర్పయామి ।

మన్త్రపుష్పం

ఆత్మరఖ్షా
బ్రహ్మా᳚త్మ॒న్ వద॑సృజత । తద॑కామయత । సమా॒త్మనా॑ పద్యే॒యేతి॑ ।
ఆత్మ॒న్నా-త్మ॒న్నిత్యా-మ॑న్త్రయత । తస్మై॑ దశ॒మగ్ం హూ॒తః ప్రత్య॑శృణోత్ ।
స దశ॑హూతో-ఽభవత్ । దశ॑హూతో హ॒వై నామై॒షః । తం-వాఀ ఏ॒త-న్దశ॑హూత॒గ్ం॒ సన్త᳚మ్ ।
దశ॑హో॒తేత్యా చ॑ఖ్షతే ప॒రోఖ్షే॑ణ । ప॒రోఖ్ష॑ప్రియా ఇవ॒ హి దే॒వాః ॥ 1

ఆత్మ॒న్నా-త్మ॒న్నిత్యా-మ॑న్త్రయత । తస్మై॑ సప్త॒మగ్ం హూ॒తః ప్రత్య॑శృణోత్ ।
స స॒ప్తహూ॑తో-ఽభవత్ । స॒ప్తహూ॑తో హ॒వై నామై॒షః । తం-వాఀ ఏ॒తగ్ం స॒ప్తహూ॑త॒గ్ం॒ సన్త᳚మ్ । స॒ప్తహో॒తేత్యా చ॑ఖ్షతే ప॒రోఖ్షే॑ణ । ప॒రోఖ్ష॑ప్రియా ఇవ॒ హి దే॒వాః ॥ 2

ఆత్మ॒న్నా-త్మ॒న్నిత్యా-మ॑న్త్రయత । తస్మై॑ ష॒ష్ఠగ్ం హూ॒తః ప్రత్య॑శృణోత్ ।
స షడ్ఢూ॑తో-ఽభవత్ । షడ్ఢూ॑తో హ॒వై నామై॒షః । తం-వాఀ ఏ॒తగ్ం షడ్ఢూ॑త॒గ్ం॒ సన్త᳚మ్ ।
షడ్ఢో॒తేత్యా చ॑ఖ్షతే ప॒రోఖ్షే॑ణ । ప॒రోఖ్ష॑ప్రియా ఇవ॒ హి దే॒వాః ॥ 3

ఆత్మ॒న్నా-త్మ॒న్నిత్యా-మ॑న్త్రయత । తస్మై॑ పఞ్చ॒మగ్ం హూ॒తః ప్రత్య॑శృణోత్ ।
స పఞ్చ॑హూతో-ఽభవత్ । పఞ్చ॑హూతో హ॒వై నామై॒షః । తం-వాఀ ఏ॒త-మ్పఞ్చ॑హూత॒గ్ం॒ సన్త᳚మ్ । పఞ్చ॑హో॒తేత్యా చ॑ఖ్షతే ప॒రోఖ్షే॑ణ । ప॒రోఖ్ష॑ప్రియా ఇవ॒ హి దే॒వాః ॥ 4

ఆత్మ॒న్నా-త్మ॒న్నిత్యా-మ॑న్త్రయత । తస్మై॑ చతు॒ర్థగ్ం హూ॒తః ప్రత్య॑శృణోత్ ।
స చతు॑ర్​హూతో-ఽభవత్ । చతు॑ర్​హూతో హ॒వై నామై॒షః । తం-వాఀ ఏ॒త-ఞ్చతు॑ర్​హూత॒గ్ం॒
సన్త᳚మ్ । చతు॑ర్​హో॒తేత్యా చ॑ఖ్షతే ప॒రోఖ్షే॑ణ । ప॒రోఖ్ష॑ప్రియా ఇవ॒ హి దే॒వాః ॥ 5

తమ॑బ్రవీత్ । త్వం-వైఀ మే॒ నేది॑ష్ఠగ్ం హూ॒తః ప్రత్య॑శ్రౌషీః ।
త్వయై॑ నానాఖ్యా॒తార॒ ఇతి॑ । తస్మా॒న్నుహై॑నా॒గ్॒-శ్చ॑తు ర్​హోతార॒ ఇత్యాచ॑ఖ్షతే ।
తస్మా᳚చ్ఛుశ్రూ॒షుః పు॒త్రాణా॒గ్ం॒ హృద్య॑తమః । నేది॑ష్ఠో॒ హృద్య॑తమః ।
నేది॑ష్ఠో॒ బ్రహ్మ॑ణో భవతి । య ఏ॒వం-వేఀద॑ ॥ 6 (ఆత్మనే॒ నమః॑)

ఓ-న్తత్పురు॑షాయ వి॒ద్మహే॑ మహాదే॒వాయ॑ ధీమహి ।
తన్నో॑ రుద్రః ప్రచో॒దయా᳚త్ ॥
ఓ-ఙ్కా॒త్యా॒య॒నాయ॑ వి॒ద్మహే॑ కన్యకు॒మారి॑ ధీమహి ।
తన్నో॑ దుర్గిః ప్రచో॒దయా᳚త్ ॥

యో॑-ఽపా-మ్పుష్పం॒-వేఀద॑ । పుష్ప॑వా-న్ప్ర॒జావా᳚-న్పశు॒మా-న్భ॑వతి ।
చ॒న్ద్రమా॒ వా అ॒పా-మ్పుష్ప᳚మ్ । పుష్ప॑వా-న్ప్ర॒జావా᳚-న్పశు॒మా-న్భ॑వతి ।

ఓ᳚-న్తద్బ్ర॒హ్మ । ఓ᳚-న్తద్వా॒యుః । ఓ᳚-న్తదా॒త్మా । ఓ᳚-న్తథ్స॒త్యమ్ ।
ఓ᳚-న్తథ్సర్వ᳚మ్ । ఓ᳚-న్తత్పురో॒ర్నమః ।

అన్తశ్చరతి॑ భూతే॒షు॒ గుహాయాం-విఀ ॑శ్వమూ॒ర్తిషు । త్వం-యఀజ్ఞస్త్వం-వఀషట్కార స్త్వమిన్ద్రస్త్వగ్ం రుద్రస్త్వం-విఀష్ణుస్త్వ-మ్బ్రహ్మత్వ॑-మ్ప్రజా॒పతిః ।
త్వ-న్త॑దాప॒ ఆపో॒ జ్యోతీ॒రసో॒-ఽమృత॒-మ్బ్రహ్మ॒ భూర్భువ॒స్సువ॒రోమ్ ।

ఆవాహితాభ్య-స్సర్వాభ్యో దేవతాభ్యో నమః ।
పాదారవిన్దయోః దివ్య సువర్ణ మన్త్ర పుష్పాఞ్జలిం సమర్పయామి ।

చతుర్వేద పారాయణం
ఓమ్ । అ॒గ్నిమీ᳚ళే పు॒రోహి॑తం-యఀ॒జ్ఞస్య॑ దే॒వమృ॒త్విజ᳚మ్ । హోతా᳚రం రత్న॒ ధాత॑మమ్ ।

ఓమ్ । ఇ॒షేత్వో॒ర్జేత్వా॑ వా॒యవ॑-స్స్థో పా॒యవ॑-స్స్థ దే॒వో వ॑స్సవి॒తా ప్రార్ప॑యతు॒ శ్రేష్ఠ॑తమాయ॒ కర్మ॑ణే ।

ఓమ్ । అగ్న॒ ఆయా॑హి వీ॒తయే॑ గృణా॒నో హ॒వ్య దా॑తయే ।
నిహోతా॑ సథ్సి బ॒ర్​హిషి॑ ।

ఓమ్ । శన్నో॑ దే॒వీర॒భిష్ట॑య॒ ఆపో॑ భవన్తు పీ॒తయే᳚ । శం​యోఀర॒భిస్ర॑వన్తు నః ॥

ప్రదఖ్షిణం
ఈశాన-స్సర్వ॑విద్యా॒నా॒మీశ్వర-స్సర్వ॑భూతా॒నాం॒
బ్రహ్మాధి॑పతి॒ర్బ్రహ్మ॒ణో-ఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ॥

పదే పదే సర్వతమో నికృన్తనం
పదే పదే సర్వ శుభప్రదాయకమ్ ।
ప్రఖ్షిణ-మ్భక్తియుతేన చేతసా
కరోమి మృత్యుఞ్జయ రఖ్ష రఖ్ష మామ్ ॥
ఓం శ్రీ ఉమామహేశ్వర స్వామినే నమః ఆత్మప్రదఖ్షిణ నమస్కారాన్ సమర్పయామి ।

ప్రార్థనా
నమో హిరణ్యబాహవే హిరణ్యవర్ణాయ హిరణ్యరూపాయ హిరణ్యపతయే-ఽమ్బికాపతయ ఉమాపతయే పశుపతయే॑ నమో॒ నమః ॥

అథ తర్పణం
భవ-న్దేవ-న్తర్పయామి
– భవస్య దేవస్య పత్నీ-న్తర్పయామి ।
శర్వ-న్దేవ-న్తర్పయామి
– శర్వస్య దేవస్య పత్నీ-న్తర్పయామి ।
ఈశాన-న్దేవ-న్తర్పయామి
– ఈశానస్య దేవస్య పత్నీ-న్తర్పయామి ।
పశుపతి-న్దేవ-న్తర్పయామి
– పశుపతేర్దేవస్య పత్నీ-న్తర్పయామి ।
రుద్ర-న్దేవ-న్తర్పయామి
– రుద్రస్య దేవస్య పత్నీ-న్తర్పయామి ।
ఉగ్ర-న్దేవ-న్తర్పయామి
– ఉగ్రస్య దేవస్య పత్నీ-న్తర్పయామి ।
భీమ-న్దేవ-న్తర్పయామి
– భీమస్య దేవస్య పత్నీ-న్తర్పయామి ।
మహాన్త-న్దేవ-న్తర్పయామి
– మహతో దేవస్య పత్నీ-న్తర్పయామి ।

ఇతి తర్పయిత్వా అఘోరాదిభిస్త్రిభిర్మన్త్రైః ఘోర తనూరుపతిష్ఠతే ।

ఓం అ॒ఘోరే᳚భ్యో-ఽథ॒ ఘోరే᳚భ్యో॒ ఘోర॒ఘోర॑తరేభ్యః ।
సర్వే᳚భ్య-స్సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥
ఓ-న్తత్పురు॑షాయ వి॒ద్మహే॑ మహాదే॒వాయ॑ ధీమహి ।
తన్నో॑ రుద్రః ప్రచో॒దయా᳚త్ ॥
ఈశానస్స॑ర్వవిద్యా॒నా॒మీశ్వరస్సర్వ॑భూతా॒నా॒-మ్బ్రహ్మా-ఽధి॑పతి॒ర్బ్రహ్మ॒ణో-ఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ॥

ఇతి ధ్యాత్వా రుద్రగాయత్రీం-యఀథా శక్తి జపేత్ ।

ఓ-న్తత్పురు॑షాయ వి॒ద్మహే॑ మహాదే॒వాయ॑ ధీమహి ।
తన్నో॑ రుద్రః ప్రచో॒దయా᳚త్ ॥

ఇతి జపిత్వా అథైనమాశిషమాశాస్తే ।

(తై.బ్రా.3-5-10-4)
ఆశా᳚స్తే॒-ఽయం-యఀజ॑మానో॒-ఽసౌ । ఆయు॒రాశా᳚స్తే ।
సు॒ప్ర॒జా॒స్త్వమాశా᳚స్తే । స॒జా॒త॒వ॒న॒స్యామాశా᳚స్తే ।
ఉత్త॑రా-న్దేవయ॒జ్యామాశా᳚స్తే । భూయో॑ హవి॒ష్కర॑ణ॒మాశా᳚స్తే ।
ది॒వ్య-న్ధామాశా᳚స్తే । విశ్వ॑-మ్ప్రి॒యమాశా᳚స్తే ।
యద॒నేన॑ హ॒విషా-ఽఽశా᳚స్తే । తద॑స్యా॒త్త॒దృ॑ధ్యాత్ ।
తద॑స్మై దే॒వా రా॑సన్తామ్ । తద॒గ్నిర్దే॒వో దే॒వేభ్యో॒ వన॑తే ।
వ॒యమ॒గ్నేర్మాను॑షాః । ఇ॒ష్ట-ఞ్చ॑ వీ॒త-ఞ్చ॑ ।
ఉ॒భే చ॑ నో॒ ద్యావా॑పృథి॒వీ అగ్ంహ॑స-స్స్పాతామ్ ।
ఇ॒హ గతి॑ర్వా॒మస్యే॒ద-ఞ్చ॑ । నమో॑ దే॒వేభ్యః॑ ॥

ఉపచారపూజాః
పునః పూజా-ఙ్కరిష్యే । ఛత్రమాచ్ఛాదయామి ।
చామరైర్వీజయామి । నృత్య-న్దర్​శయామి ।
గీతం శ్రావయామి । ఆన్దోళికానారోహయామి ।
అశ్వానారోహయామి । గజానారోహయామి ।
సమస్త రాజోపచార దేవోపచార భక్త్యుపచార శక్త్యుపచార మన్త్రోపచార పూజాస్సమర్పయామి ॥

లిఙ్గాష్టకమ్ ॥
బిల్వాష్టకమ్ ॥

ఖ్షమాప్రార్థన
కరచరణకృతం-వాఀక్కాయజ-ఙ్కర్మజం-వాఀ
శ్రవణనయనజం-వాఀ మానసం-వాఀ-ఽపరాధమ్ ।
విహితమవిహితం-వాఀ సర్వమేతత్ఖ్ష్మస్వ
శివ శివ కరుణాబ్ధే శ్రీమహాదేవ శమ్భో ॥ 18॥

యస్య స్మృత్యా చ నామోక్త్యా తపః పూజా క్రియాదిషు ।
న్యూనం సమ్పూర్ణతాం-యాఀతి సద్యోవన్దే మహేశ్వరమ్ ॥
మన్త్రహీన-ఙ్క్రియాహీన-మ్భక్తిహీన-మ్మహేశ్వర ।
యత్పూజిత-మ్మయా దేవ పరిపూర్ణ-న్తదస్తు తే ॥

అనయా సద్యోజాత విధినా ధ్యానావహనాది షోడశోపచార పూజయా భగవాన్ సర్వాత్మక-శ్శ్రీ ఉమామహేశ్వరస్వామీ సుప్రీత-స్సుప్రసన్నో వరదో భవతు ।
ఏతత్ఫల-మ్పరమేశ్వరార్పణమస్తు ॥
ఉత్తరతశ్చణ్డీశ్వరాయ నమః నిర్మాల్యం-విఀసృజ్య ॥

తీర్థం
అకాలమృత్యుహరణం సర్వవ్యాధి నివారణమ్ ।
సమస్తపాపఖ్షయకరం శివపాదోదక-మ్పావనం శుభమ్ ॥
ఇతి త్రివార-మ్పీత్వా శివ నిర్మాల్య రూప బిల్వదళం-వాఀ దఖ్షిణే కర్ణే ధారయేత్ ।

ఓం శాన్తి-శ్శాన్తి-శ్శాన్తిః ॥