గఙ్గా తరఙ్గ రమణీయ జటా కలాపం
గౌరీ నిరన్తర విభూషిత వామ భాగం
నారాయణ ప్రియమనఙ్గ మదాపహారం
వారాణశీ పురపతిం భజ విశ్వనాథమ్ ॥ 1 ॥
వాచామగోచరమనేక గుణ స్వరూపం
వాగీశ విష్ణు సుర సేవిత పాద పద్మం
వామేణ విగ్రహ వరేన కలత్రవన్తం
వారాణశీ పురపతిం భజ విశ్వనాథమ్ ॥ 2 ॥
భూతాదిపం భుజగ భూషణ భూషితాఙ్గం
వ్యాఘ్రాఞ్జినాం బరధరం, జటిలం, త్రినేత్రం
పాశాఙ్కుశాభయ వరప్రద శూలపాణిం
వారాణశీ పురపతిం భజ విశ్వనాథమ్ ॥ 3 ॥
సీతాంశు శోభిత కిరీట విరాజమానం
బాలేక్షణాతల విశోషిత పఞ్చబాణం
నాగాధిపా రచిత బాసుర కర్ణ పూరం
వారాణశీ పురపతిం భజ విశ్వనాథమ్ ॥ 4 ॥
పఞ్చాననం దురిత మత్త మతఙ్గజానాం
నాగాన్తకం ధనుజ పుఙ్గవ పన్నాగానాం
దావానలం మరణ శోక జరాటవీనాం
వారాణశీ పురపతిం భజ విశ్వనాథమ్ ॥ 5 ॥
తేజోమయం సగుణ నిర్గుణమద్వితీయం
ఆనన్ద కన్దమపరాజిత మప్రమేయం
నాగాత్మకం సకల నిష్కళమాత్మ రూపం
వారాణశీ పురపతిం భజ విశ్వనాథమ్ ॥ 6 ॥
ఆశాం విహాయ పరిహృత్య పరశ్య నిన్దాం
పాపే రథిం చ సునివార్య మనస్సమాధౌ
ఆధాయ హృత్-కమల మధ్య గతం పరేశం
వారాణశీ పురపతిం భజ విశ్వనాథమ్ ॥ 7 ॥
రాగాధి దోష రహితం స్వజనానురాగం
వైరాగ్య శాన్తి నిలయం గిరిజా సహాయం
మాధుర్య ధైర్య సుభగం గరళాభిరామం
వారాణశీ పురపతిం భజ విశ్వనాథమ్ ॥ 8 ॥
వారాణశీ పుర పతే స్థవనం శివస్య
వ్యాఖ్యాతం అష్టకమిదం పఠతే మనుష్య
విద్యాం శ్రియం విపుల సౌఖ్యమనన్త కీర్తిం
సమ్ప్రాప్య దేవ నిలయే లభతే చ మోక్షమ్ ॥
విశ్వనాథాష్టకమిదం పుణ్యం యః పఠేః శివ సన్నిధౌ
శివలోకమవాప్నోతి శివేనసహ మోదతే ॥
