නෘසිංහකවචං වක්ෂ්යේ ප්රහ්ලාදේනෝදිතං පුරා ।
සර්වරක්ෂාකරං පුණ්යං සර්වෝපද්රවනාශනම් ॥ 1 ॥

සර්වසංපත්කරං චෛව ස්වර්ගමෝක්ෂප්රදායකම් ।
ධ්යාත්වා නෘසිංහං දේවේශං හේමසිංහාසනස්ථිතම් ॥ 2 ॥

විවෘතාස්යං ත්රිනයනං ශරදිංදුසමප්රභම් ।
ලක්ෂ්ම්යාලිංගිතවාමාංගං විභූතිභිරුපාශ්රිතම් ॥ 3 ॥

චතුර්භුජං කෝමලාංගං ස්වර්ණකුංඩලශෝභිතම් ।
සරෝජශෝභිතෝරස්කං රත්නකේයූරමුද්රිතම් ॥ 4 ॥ [රත්නකේයූරශෝභිතම්]

තප්තකාංචනසංකාශං පීතනිර්මලවාසනම් ।
ඉංද්රාදිසුරමෞළිස්ථස්ඵුරන්මාණික්යදීප්තිභිඃ ॥ 5 ॥

විරාජිතපදද්වංද්වං ශංඛචක්රාදිහේතිභිඃ ।
ගරුත්මතා සවිනයං ස්තූයමානං මුදාන්විතම් ॥ 6 ॥

ස්වහෘත්කමලසංවාසං කෘත්වා තු කවචං පඨේත් ।
නෘසිංහෝ මේ ශිරඃ පාතු ලෝකරක්ෂාත්මසංභවඃ ॥ 7 ॥

සර්වගෝऽපි ස්තංභවාසඃ ඵාලං මේ රක්ෂතු ධ්වනිම් ।
නෘසිංහෝ මේ දෘශෞ පාතු සෝමසූර්යාග්නිලෝචනඃ ॥ 8 ॥

ස්මෘතිං මේ පාතු නෘහරිර්මුනිවර්යස්තුතිප්රියඃ ।
නාසාං මේ සිංහනාසස්තු මුඛං ලක්ෂ්මීමුඛප්රියඃ ॥ 9 ॥

සර්වවිද්යාධිපඃ පාතු නෘසිංහෝ රසනාං මම ।
වක්ත්රං පාත්විංදුවදනඃ සදා ප්රහ්ලාදවංදිතඃ ॥ 10 ॥

නෘසිංහඃ පාතු මේ කංඨං ස්කංධෞ භූභරණාංතකෘත් ।
දිව්යාස්ත්රශෝභිතභුජෝ නෘසිංහඃ පාතු මේ භුජෞ ॥ 11 ॥

කරෞ මේ දේවවරදෝ නෘසිංහඃ පාතු සර්වතඃ ।
හෘදයං යෝගිසාධ්යශ්ච නිවාසං පාතු මේ හරිඃ ॥ 12 ॥

මධ්යං පාතු හිරණ්යාක්ෂවක්ෂඃකුක්ෂිවිදාරණඃ ।
නාභිං මේ පාතු නෘහරිඃ ස්වනාභි බ්රහ්මසංස්තුතඃ ॥ 13 ॥

බ්රහ්මාංඩකෝටයඃ කට්යාං යස්යාසෞ පාතු මේ කටිම් ।
ගුහ්යං මේ පාතු ගුහ්යානාං මංත්රාණාං ගුහ්යරූපධෘක් ॥ 14 ॥

ඌරූ මනෝභවඃ පාතු ජානුනී නරරූපධෘක් ।
ජංඝේ පාතු ධරාභාරහර්තා යෝऽසෞ නෘකේසරී ॥ 15 ॥

සුරරාජ්යප්රදඃ පාතු පාදෞ මේ නෘහරීශ්වරඃ ।
සහස්රශීර්ෂා පුරුෂඃ පාතු මේ සර්වශස්තනුම් ॥ 16 ॥

මහෝග්රඃ පූර්වතඃ පාතු මහාවීරාග්රජෝऽග්නිතඃ ।
මහාවිෂ්ණුර්දක්ෂිණේ තු මහාජ්වාලස්තු නෛරෘතෞ ॥ 17 ॥

පශ්චිමේ පාතු සර්වේශෝ දිශි මේ සර්වතෝමුඛඃ ।
නෘසිංහඃ පාතු වායව්යාං සෞම්යාං භූෂණවිග්රහඃ ॥ 18 ॥

ඊශාන්යාං පාතු භද්රෝ මේ සර්වමංගළදායකඃ ।
සංසාරභයදඃ පාතු මෘත්යෝර්මෘත්යුර්නෘකේසරී ॥ 19 ॥

ඉදං නෘසිංහකවචං ප්රහ්ලාදමුඛමංඩිතම් ।
භක්තිමාන්යඃ පඨේන්නිත්යං සර්වපාපෛඃ ප්රමුච්යතේ ॥ 20 ॥

පුත්රවාන් ධනවාන් ලෝකේ දීර්ඝායුරුපජායතේ ।
යං යං කාමයතේ කාමං තං තං ප්රාප්නෝත්යසංශයම් ॥ 21 ॥

සර්වත්ර ජයමාප්නෝති සර්වත්ර විජයී භවේත් ।
භූම්යංතරික්ෂදිව්යානාං ග්රහාණාං විනිවාරණම් ॥ 22 ॥

වෘශ්චිකෝරගසංභූතවිෂාපහරණං පරම් ।
බ්රහ්මරාක්ෂසයක්ෂාණාං දූරෝත්සාරණකාරණම් ॥ 23 ॥

භූර්ජේ වා තාළපත්රේ වා කවචං ලිඛිතං ශුභම් ।
කරමූලේ ධෘතං යේන සිධ්යේයුඃ කර්මසිද්ධයඃ ॥ 24 ॥

දේවාසුරමනුෂ්යේෂු ස්වං ස්වමේව ජයං ලභේත් ।
ඒකසංධ්යං ත්රිසංධ්යං වා යඃ පඨේන්නියතෝ නරඃ ॥ 25 ॥

සර්වමංගළමාංගළ්යං භුක්තිං මුක්තිං ච විංදති ।
ද්වාත්රිංශතිසහස්රාණි පඨේච්ඡුද්ධාත්මනාං නෘණාම් ॥ 26 ॥

කවචස්යාස්ය මංත්රස්ය මංත්රසිද්ධිඃ ප්රජායතේ ।
අනේන මංත්රරාජේන කෘත්වා භස්මාභිමංත්රණම් ॥ 27 ॥

තිලකං වින්යසේද්යස්තු තස්ය ග්රහභයං හරේත් ।
ත්රිවාරං ජපමානස්තු දත්තං වාර්යභිමංත්ර්ය ච ॥ 28 ॥

ප්රාශයේද්යෝ නරෝ මංත්රං නෘසිංහධ්යානමාචරේත් ।
තස්ය රෝගාඃ ප්රණශ්යංති යේ ච ස්යුඃ කුක්ෂිසංභවාඃ ॥ 29 ॥

කිමත්ර බහුනෝක්තේන නෘසිංහසදෘශෝ භවේත් ।
මනසා චිංතිතං යත්තු ස තච්චාප්නෝත්යසංශයම් ॥ 30 ॥

ගර්ජංතං ගර්ජයංතං නිජභුජපටලං ස්ඵෝටයංතං හඨංතං
රූප්යංතං තාපයංතං දිවි භුවි දිතිජං ක්ෂේපයංතං ක්ෂිපංතම් ।
ක්රංදංතං රෝෂයංතං දිශි දිශි සතතං සංහරංතං භරංතං
වීක්ෂංතං ඝූර්ණයංතං ශරනිකරශතෛර්දිව්යසිංහං නමාමි ॥

ඉති ශ්රීබ්රහ්මාංඩපුරාණේ ප්රහ්ලාදෝක්තං ශ්රී නෘසිංහ කවචම් ।