ශ්රීභෛරව උවාච ।
දේවේශි දේහරක්ෂාර්ථං කාරණං කථ්යතාං ධ්රුවම් ।
ම්රියංතේ සාධකා යේන විනා ශ්මශානභූමිෂු ॥
රණේෂු චාතිඝෝරේෂු මහාවායුජලේෂු ච ।
ශෘංගිමකරවජ්රේෂු ජ්වරාදිව්යාධිවහ්නිෂු ॥

ශ්රීදේව්යුවාච ।
කථයාමි ශෘණු ප්රාජ්ඤ බටෝස්තු කවචං ශුභම් ।
ගෝපනීයං ප්රයත්නේන මාතෘජාරෝපමං යථා ॥
තස්ය ධ්යානං ත්රිධා ප්රෝක්තං සාත්ත්විකාදිප්රභේදතඃ ।
සාත්ත්විකං රාජසං චෛව තාමසං දේව තත් ශෘණු ॥

ධ්යානම් –
වංදේ බාලං ස්ඵටිකසදෘශං කුංඩලෝද්භාසිවක්ත්රං
දිව්යාකල්පෛර්නවමණිමයෛඃ කිංකිණීනූපුරාද්යෛඃ ।
දීප්තාකාරං විශදවදනං සුප්රසන්නං ත්රිනේත්රං
හස්තාබ්ජාභ්යාං බටුකමනිශං ශූලඛඩ්ගෞදධානම් ॥ 1 ॥

උද්යද්භාස්කරසන්නිභං ත්රිනයනං රක්තාංගරාගස්රජං
ස්මේරාස්යං වරදං කපාලමභයං ශූලං දධානං කරෛඃ ।
නීලග්රීවමුදාරභූෂණශතං ශීතාංශුචූඩෝජ්ජ්වලං
බංධූකාරුණවාසසං භයහරං දේවං සදා භාවයේ ॥ 2 ॥

ධ්යායේන්නීලාද්රිකාංතං ශශිශකලධරං මුංඩමාලං මහේශං
දිග්වස්ත්රං පිංගකේශං ඩමරුමථ සෘණිං ඛඩ්ගශූලාභයානි ।
නාගං ඝංටාං කපාලං කරසරසිරුහෛර්විභ්රතං භීමදංෂ්ට්රං
සර්පාකල්පං ත්රිනේත්රං මණිමයවිලසත්කිංකිණී නූපුරාඪ්යම් ॥ 3 ॥

අස්ය වටුකභෛරවකවචස්ය මහාකාල ඍෂිරනුෂ්ටුප්ඡංදඃ ශ්රීවටුකභෛරවෝ දේවතා බං බීජං හ්රීං ශක්තිරාපදුද්ධාරණායේති කීලකං මම සර්වාභීෂ්ටසිද්ධ්යර්ථේ විනියෝගඃ ।

කවචම් –
ඕං ශිරෝ මේ භෛරවඃ පාතු ලලාටං භීෂණස්තථා ।
නේත්රේ ච භූතහනනඃ සාරමේයානුගෝ භ්රුවෞ ॥ 1

භූතනාථශ්ච මේ කර්ණෞ කපෝලෞ ප්රේතවාහනඃ ।
නාසාපුටෞ තථෝෂ්ඨෞ ච භස්මාංගඃ සර්වභූෂණඃ ॥ 2

භීෂණාස්යෝ මමාස්යං ච ශක්තිහස්තෝ ගලං මම ।
ස්කංධෞ දෛත්යරිපුඃ පාතු බාහූ අතුලවික්රමඃ ॥ 3

පාණී කපාලී මේ පාතු මුංඩමාලාධරෝ හෘදම් ।
වක්ෂඃස්ථලං තථා ශාංතඃ කාමචාරී ස්තනං මම ॥ 4

උදරං ච ස මේ තුෂ්ටඃ ක්ෂේත්රේශඃ පාර්ශ්වතස්තථා ।
ක්ෂේත්රපාලඃ පෘෂ්ඨදේශං ක්ෂේත්රාඛ්යෝ නාභිතස්තථා ॥ 5

කටිං පාපෞඝනාශශ්ච බටුකෝ ලිංගදේශකම් ।
ගුදං රක්ෂාකරඃ පාතු ඌරූ රක්ෂාකරඃ සදා ॥ 6

ජානූ ච ඝුර්ඝුරාරාවෝ ජංඝේ රක්ෂතු රක්තපඃ ।
ගුල්ඵෞ ච පාදුකාසිද්ධඃ පාදපෘෂ්ඨං සුරේශ්වරඃ ॥ 7

ආපාදමස්තකං චෛව ආපදුද්ධාරණස්තථා ।
සහස්රාරේ මහාපද්මේ කර්පූරධවලෝ ගුරුඃ ॥ 8

පාතු මාං වටුකෝ දේවෝ භෛරවඃ සර්වකර්මසු ।
පූර්ව ස්යාමසිතාංගෝ මේ දිශි රක්ෂතු සර්වදා ॥ 9

ආග්නේය්යාං ච රුරුඃ පාතු දක්ෂිණේ චංඩභෛරවඃ ।
නෛරෘත්යාං ක්රෝධනඃ පාතු මාමුන්මත්තස්තු පශ්චිමේ ॥ 10

වායව්යාං මේ කපාලී ච නිත්යං පායාත් සුරේශ්වරඃ ।
භීෂණෝ භෛරවඃ පාතූත්තරස්යාං දිශි සර්වදා ॥ 11

සංහාරභෛරවඃ පාතු දිශ්යෛශාන්යාං මහේශ්වරඃ ।
ඌර්ධ්වේ පාතු විධාතා වෛ පාතාලේ නංදිකෝ විභුඃ ॥ 12

සද්යෝජාතස්තු මාං පායාත් සර්වතෝ දේවසේවිතඃ ।
වාමදේවෝऽවතු ප්රීතෝ රණේ ඝෝරේ තථාවතු ॥ 13

ජලේ තත්පුරුෂඃ පාතු ස්ථලේ පාතු ගුරුඃ සදා ।
ඩාකිනීපුත්රකඃ පාතු දාරාංස්තු ලාකිනීසුතඃ ॥ 14

පාතු සාකලකෝ භ්රාතॄන් ශ්රියං මේ සතතං ගිරඃ ।
ලාකිනීපුත්රකඃ පාතු පශූනශ්වානජාංස්තථා ॥ 15

මහාකාලෝऽවතු ච්ඡත්රං සෛන්යං වෛ කාලභෛරවඃ ।
රාජ්යං රාජ්යශ්රියං පායාත් භෛරවෝ භීතිහාරකඃ ॥ 16

රක්ෂාහීනංතු යත් ස්ථානං වර්ජිතං කවචේන ච ।
තත් සර්වං රක්ෂ මේ දේව ත්වං යතඃ සර්වරක්ෂකඃ ॥ 17

ඒතත් කවචමීශාන තව ස්නේහාත් ප්රකාශිතම් ।
නාඛ්යේයං නරලෝකේෂු සාරභූතං ච සුශ්රියම් ॥ 18

යස්මෛ කස්මෛ න දාතව්යං කවචේශං සුදුර්ලභම් ।
න දේයං පරශිෂ්යේභ්යඃ කෘපණේභ්යශ්ච ශංකර ॥ 19

යෝ දදාති නිෂිද්ධේභ්යඃ ස වෛ භ්රෂ්ටෝ භවේද්ධ්රුවම් ।
අනේන කවචේශේන රක්ෂාං කෘත්වා ද්විජෝත්තමඃ ॥ 20

විචරන් යත්ර කුත්රාපි විඝ්නෞඝෛඃ ප්රාප්යතේ න සඃ ।
මංත්රේණ ම්රියතේ යෝගී කවචං යන්න රක්ෂිතඃ ॥ 21

තස්මාත් සර්වප්රයත්නේන දුර්ලභං පාපචේතසාම් ।
භූර්ජේ රංභාත්වචේ වාපි ලිඛිත්වා විධිවත් ප්රභෝ ॥ 22

ධාරයේත් පාඨයේද්වාපි සංපඨේද්වාපි නිත්යශඃ ।
සංප්රාප්නෝති ප්රභාවං වෛ කවචස්යාස්ය වර්ණිතම් ॥ 23

නමෝ භෛරවදේවාය සාරභූතාය වෛ නමඃ ।
නමස්ත්රෛලෝක්යනාථාය නාථනාථාය වෛ නමඃ ॥ 24

ඉති විශ්වසාරෝද්ධාරතංත්රේ ආපදුද්ධාරකල්පේ භෛරවභෛරවීසංවාදේ වටුකභෛරවකවචං සමාප්තම් ॥