ශ්රීදේව්යුවාච ।
දේවදේව මහාබාහෝ භක්තානාං සුඛවර්ධන ।
කේන සිද්ධිං දදාත්යාශු කාලී ත්රෛලෝක්යමෝහන ॥ 1॥

තන්මේ වද දයාऽऽධාර සාධකාභීෂ්ටසිද්ධයේ ।
කෘපාං කුරු ජගන්නාථ වද වේදවිදාං වර ॥ 2॥

ශ්රීභෛරව උවාච ।
ගෝපනීයං ප්රයත්නේන තත්ත්වාත් තත්ත්වං පරාත්පරම් ।
ඒෂ සිද්ධිකරඃ සම්යක් කිමථෝ කථයාම්යහම් ॥ 3॥

මහාකාලමහං වංදේ සර්වසිද්ධිප්රදායකම් ।
දේවදානවගංධර්වකින්නරපරිසේවිතම් ॥ 4॥

කවචං තත්ත්වදේවස්ය පඨනාද් ඝෝරදර්ශනේ ।
සත්යං භවති සාන්නිධ්යං කවචස්තවනාංතරාත් ॥ 5॥

සිද්ධිං දදාති සා තුෂ්ටා කෘත්වා කවචමුත්තමම් ।
සාම්රාජ්යත්වං ප්රියං දත්වා පුත්රවත් පරිපාලයේත් ॥ 6॥

කවචස්ය ඍෂිර්දේවී කාලිකා දක්ෂිණා තථා
විරාට්ඡංදඃ සුවිජ්ඤේයං මහාකාලස්තු දේවතා ।
කාලිකා සාධනේ චෛව විනියෝගඃ ප්රකීර්ත්තිතඃ ॥ 7॥

ඕං ශ්මශානස්ථෝ මහාරුද්රෝ මහාකාලෝ දිගංබරඃ ।
කපාලකර්තෘකා වාමේ ශූලං ඛට්වාංගං දක්ෂිණේ ॥ 8॥

භුජංගභූෂිතේ දේවි භස්මාස්ථිමණිමංඩිතඃ ।
ජ්වලත්පාවකමධ්යස්ථෝ භස්මශය්යාව්යවස්ථිතඃ ॥ 9॥

විපරීතරතාං තත්ර කාලිකාං හෘදයෝපරි ।
පේයං ඛාද්යං ච චෝෂ්යං ච තෞ කෘත්වා තු පරස්පරම් ।
ඒවං භක්ත්යා යජේද් දේවං සර්වසිද්ධිඃ ප්රජායතේ ॥ 10॥

ප්රණවං පූර්වමුච්චාර්ය මහාකාලාය තත්පදම් ।
නමඃ පාතු මහාමංත්රඃ සර්වශාස්ත්රාර්ථපාරගඃ ॥ 11॥

අෂ්ටක්ෂරෝ මහා මංත්රඃ සර්වාශාපරිපූරකඃ ।
සර්වපාපක්ෂයං යාති ග්රහණේ භක්තවත්සලේ ॥ 12॥

කූර්චද්වංද්වං මහාකාල ප්රසීදේති පදද්වයම් ।
ලජ්ජායුග්මං වහ්නිජායා ස තු රාජේශ්වරෝ මහාන් ॥ 13॥

මංත්රග්රහණමාත්රේණ භවේත සත්යං මහාකවිඃ ।
ගද්යපද්යමයී වාණී ගංගානිර්ඣරිතා තථා ॥ 14॥

තස්ය නාම තු දේවේශි දේවා ගායංති භාවුකාඃ ।
ශක්තිබීජද්වයං දත්වා කූර්චං ස්යාත් තදනංතරම් ॥ 15॥

මහාකාලපදං දත්වා මායාබීජයුගං තථා ।
කූර්චමේකං සමුද්ධෘත්ය මහාමංත්රෝ දශාක්ෂරඃ ॥ 16॥

රාජස්ථානේ දුර්ගමේ ච පාතු මාං සර්වතෝ මුදා ।
වේදාදිබීජමාදාය භගමාන් තදනංතරම් ॥ 17॥

මහාකාලාය සංප්රෝච්ය කූර්චං දත්වා ච ඨද්වයම් ।
හ්රීංකාරපූර්වමුද්ධෘත්ය වේදාදිස්තදනංතරම් ॥ 18॥

මහාකාලස්යාංතභාගේ ස්වාහාංතමනුමුත්තමම් ।
ධනං පුත්රං සදා පාතු බංධුදාරානිකේතනම් ॥ 19॥

පිංගලාක්ෂෝ මංජුයුද්ධේ යුද්ධේ නිත්යං ජයප්රදඃ ।
සංභාව්යඃ සර්වදුෂ්ටඝ්නඃ පාතු ස්වස්ථානවල්ලභඃ ॥ 20॥

ඉති තේ කථිතං තුභ්යං දේවානාමපි දුර්ලභම් ।
අනේන පඨනාද් දේවි විඝ්නනාශෝ යථා භවේත් ॥ 21॥

සංපූජකඃ ශුචිස්නාතඃ භක්තියුක්තඃ සමාහිතඃ ।
සර්වව්යාධිවිනිර්මුක්තඃ වෛරිමධ්යේ විශේෂතඃ ॥ 22॥

මහාභීමඃ සදා පාතු සර්වස්ථාන වල්ලභම් । ?
කාලීපාර්ශ්වස්ථිතෝ දේවඃ සර්වදා පාතු මේ මුඛේ ॥ 23॥

॥ ඵල ශ්රුති॥

පඨනාත් කාලිකාදේවී පඨේත් කවචමුත්තමම් ।
ශ්රුණුයාද් වා ප්රයත්නේන සදාऽऽනංදමයෝ භවේත් ॥ 1॥

ශ්රද්ධයාऽශ්රද්ධයා වාපි පඨනාත් කවචස්ය යත් ।
සර්වසිද්ධිමවාප්නෝති යද්යන්මනසි වර්තතේ ॥ 2॥

බිල්වමූලේ පඨේද් යස්තු පඨනාද් කවචස්ය යත් ।
ත්රිසංධ්යං පඨනාද් දේවි භවේන්නිත්යං මහාකවිඃ ॥ 3॥

කුමාරීං පූජයිත්වා තු යඃ පඨේද් භාවතත්පරඃ ।
න කිංචිද් දුර්ලභං තස්ය දිවි වා භුවි මෝදතේ ॥ 4॥

දුර්භික්ෂේ රාජපීඩායාං ග්රාමේ වා වෛරිමධ්යකේ ।
යත්ර යත්ර භයං ප්රාප්තඃ සර්වත්ර ප්රපඨේන්නරඃ ॥ 5॥

තත්ර තත්රාභයං තස්ය භවත්යේව න සංශයඃ ।
වාමපාර්ශ්වේ සමානීය ශෝභිතාං වරකාමිනීම් ॥ 6॥

ශ්රද්ධයාऽශ්රද්ධයා වාපි පඨනාත් කවචස්ය තු ।
ප්රයත්නතඃ පඨේද් යස්තු තස්ය සිද්ධිඃ කරේ ස්ථිතා ॥ 7॥

ඉදං කවචමජ්ඤාත්වා කාලං යෝ භජතේ නරඃ ।
නෛව සිද්ධිර්භවේත් තස්ය විඝ්නස්තස්ය පදේ පදේ ।
ආදෞ වර්ම පඨිත්වා තු තස්ය සිද්ධිර්භවිෂ්යති ॥ 8॥

॥ ඉති රුද්රයාමලේ මහාතංත්රේ මහාකාලභෛරවකවචං සංපූර්ණම්॥