පාර්වත්යුවාච
නමස්තේऽස්තු ත්රයීනාථ පරමානංදකාරක ।
කවචං දක්ෂිණාමූර්තේඃ කෘපයා වද මේ ප්රභෝ ॥ 1 ॥
ඊශ්වර උවාච
වක්ෂ්යේऽහං දේවදේවේශි දක්ෂිණාමූර්තිරව්යයම් ।
කවචං සර්වපාපඝ්නං වේදාංතජ්ඤානගෝචරම් ॥ 2 ॥
අණිමාදි මහාසිද්ධිවිධානචතුරං ශුභම් ।
වේදශාස්ත්රපුරාණානි කවිතා තර්ක ඒව ච ॥ 3 ॥
බහුධා දේවි ජායංතේ කවචස්ය ප්රභාවතඃ ।
ඍෂිර්බ්රහ්මා සමුද්දිෂ්ටශ්ඡංදෝऽනුෂ්ටුබුදාහෘතම් ॥ 4 ॥
දේවතා දක්ෂිණාමූර්තිඃ පරමාත්මා සදාශිවඃ ।
බීජං වේදාදිකං චෛව ස්වාහා ශක්තිරුදාහෘතා ।
සර්වජ්ඤත්වේऽපි දේවේශි විනියෝගං ප්රචක්ෂතේ ॥ 5 ॥
ධ්යානම්
අද්වංද්වනේත්රමමලේංදුකළාවතංසං
හංසාවලංබිත සමාන ජටාකලාපම් ।
ආනීලකංඨමුපකංඨමුනිප්රවීරාන්
අධ්යාපයංතමවලෝකය ලෝකනාථම් ॥
කවචම්
ඕම් । ශිරෝ මේ දක්ෂිණාමූර්තිරව්යාත් ඵාලං මහේශ්වරඃ ।
දෘශෞ පාතු මහාදේවඃ ශ්රවණේ චංද්රශේඛරඃ ॥ 1 ॥
කපෝලෞ පාතු මේ රුද්රෝ නාසාං පාතු ජගද්ගුරුඃ ।
මුඛං ගෞරීපතිඃ පාතු රසනාං වේදරූපධෘත් ॥ 2 ॥
දශනාං ත්රිපුරධ්වංසී චෝෂ්ඨං පන්නගභූෂණඃ ।
අධරං පාතු විශ්වාත්මා හනූ පාතු ජගන්මයඃ ॥ 3 ॥
චුබුකං දේවදේවස්තු පාතු කංඨං ජටාධරඃ ।
ස්කංධෞ මේ පාතු ශුද්ධාත්මා කරෞ පාතු යමාංතකඃ ॥ 4 ॥
කුචාග්රං කරමධ්යං ච නඛරාන් ශංකරඃ ස්වයම් ।
හෘන්මේ පශුපතිඃ පාතු පාර්ශ්වේ පරමපූරුෂඃ ॥ 5 ॥
මධ්යමං පාතු ශර්වෝ මේ නාභිං නාරායණප්රියඃ ।
කටිං පාතු ජගද්භර්තා සක්ථිනී ච මෘඩඃ ස්වයම් ॥ 6 ॥
කෘත්තිවාසාඃ ස්වයං ගුහ්යාමූරූ පාතු පිනාකධෘත් ।
ජානුනී ත්ර්යංබකඃ පාතු ජංඝේ පාතු සදාශිවඃ ॥ 7 ॥
ස්මරාරිඃ පාතු මේ පාදෞ පාතු සර්වාංගමීශ්වරඃ ।
ඉතීදං කවචං දේවි පරමානංදදායකම් ॥ 8 ॥
ජ්ඤානවාගර්ථදං වීර්යමණිමාදිවිභූතිදම් ।
ආයුරාරෝග්යමෛශ්වර්යමපමෘත්යුභයාපහම් ॥ 9 ॥
ප්රාතඃ කාලේ ශුචිර්භූත්වා ත්රිවාරං සර්වදා ජපේත් ।
නිත්යං පූජාසමායුක්තඃ සංවත්සරමතංද්රිතඃ ॥ 10 ॥
ජපේත් ත්රිසංධ්යං යෝ විද්වාන් වේදශාස්ත්රාර්ථපාරගඃ ।
ගද්යපද්යෛස්තථා චාපි නාටකාඃ ස්වයමේව හි ।
නිර්ගච්ඡංති මුඛාංභෝජාත්සත්යමේතන්න සංශයඃ ॥ 11 ॥
ඉති රුද්රයාමලේ උමාමහේශ්වරසංවාදේ ශ්රී දක්ෂිණාමූර්ති කවචම් ॥
